(( إعادة هيكلة أسعار الوقود في السوق ))

[@north_star@]

http://www.majaless.com/up/get-4-2016-qewlou28.jpg (http://www.majaless.com/up)

[Rider]

يعني بيرفعون السعر بعد ولا شسالفة

[@north_star@]

يعني بيرفعون السعر بعد ولا شسالفة

اللي فهمته على حسب الاسعار العالمية يعني ممكن السعر ينزل وممكن يرتفع

[مفكر قطري]

اللي اعرفه ان سعر البترول مدعوم من الدولة و اذا ممكن حد يصحح لي ... هل هذا يعني ازالة الدعم ؟

[مضارب دوسري]

اللي اعرفه ان سعر البترول مدعوم من الدولة و اذا ممكن حد يصحح لي ... هل هذا يعني ازالة الدعم ؟

اي نعم يعني ازالة الدعم

[naklan]

هلا اخوي النورثي على المستوى الحالي
بتنزل أسعار البترول الان بس بتزيد مع زيادته
في المستقبل والله اعلم

[Abu Mahmoud]

تحرر مشتقات البترول من الدعم

هل يتم رفع الاسعار للاعلى



الله يكتب الخير

[MAZEN37]

اذا طبقوة لازم تكون الاسعار الحين اقل
تخيل البرميل يوصل 100 دولار كم السعر بيكون

[حمد بن سعد]

دام في ربط للعالميه يعني زياده اكيد

[khaldoon]

يعني سعر البترول بيطلع و بينزل و كل شهر ممكن يكون غير عن الثاني؟

طيب اللي يسوي ميزانيات و مصاريف لشركات و مؤسسات يبي يحط فاكتور تغير كبير

[مخطط قطري]

تخبط وقرار غير مدروس وخصوصا في هذا التوقيت

[رآعي موآجيب]

يعني سعر البترول بيطلع و بينزل و كل شهر ممكن يكون غير عن الثاني؟

طيب اللي يسوي ميزانيات و مصاريف لشركات و مؤسسات يبي يحط فاكتور تغير كبير

كل دول العالم فيها شركات ومؤسسات والاسعار عندهم طالعه نازله ولا سمعنا ان شركه فلست او ماعرفت تدير امورها لهذا السبب

هذي مش مشكله

لكن انا اشوف ان استمرار الدعم ممكن يصير في هذه الحاله

وين المشكله ؟ يتم تحديد نسبة الدعم ويكون ثابت بكل الاحوال سواء مرتفع او نازل

[رجل الجزيرة]

بس الله يصلحهم.

[هيليوم]

ان شاء الله يعيدون النظر في القرار

[الحاقول]

إعادة هيكلة أسعار الوقود في السوق كلمة مخففه عن القول ارتفاع اسعار الوقود


.

[بوخميس]

حد يخبر سيكل 26استعمال نظيف

[مختلف جداََ]

يعني تتوقعون كم بتصير الأسعار ؟

[Abu Mahmoud]

برميل البترول = 159 لتر بنزين

سعر البرميل مثلاً 45 دولار نضربهم في سعر الدولار 3.65 = 164.25 ريال

164.25 ريال قسمة على 159 لتر = 1.0330

[وحيد-الشوق]

محد ياكلها الا المسكين اصحاب الملايين والمليارات ولاتفرق عنده :)

[khaldoon]

خلونا نفكر شوي ايش الاثار المترتبه على تعويم اسعار البترول

بينعكس هالشي على الاسواق و البضايع ...طالعه طالعه ههههه...اللي بيطلع ما ينزل

اسعار التوصيل بتطلع بس ما تنزل

الغاء خدمات التوصيل المجانيه في كثير اماكن

بدلات المواصلات ما اعرف بيطلعوا فيها اصحاب العمل و الا لغوها اصلا في مؤسسات و شركات وايد

اتوقع الاسعاف بيصير بفلوس هههه

ايش كمان فكروا معي

[Abu Mahmoud]

خلونا نفكر شوي ايش الاثار المترتبه على تعويم اسعار البترول

بينعكس هالشي على الاسواق و البضايع ...طالعه طالعه ههههه...اللي بيطلع ما ينزل

اسعار التوصيل بتطلع بس ما تنزل

الغاء خدمات التوصيل المجانيه في كثير اماكن

بدلات المواصلات ما اعرف بيطلعوا فيها اصحاب العمل و الا لغوها اصلا في مؤسسات و شركات وايد

اتوقع الاسعاف بيصير بفلوس هههه

ايش كمان فكروا معي

هههههههههههههه

السياكل بتعلى اسعارها زيادة

وترخص اسعار السيارات اللي حجمها كبير وتحتاج محطة بترول وراها

بتخف الزحمة الناس تفكر في المشوار الف مرة قبل لا تطلع هههههههه

فيه شي مهم ( كل وحدة بتاخد السايق معها مجمع بتاخد مفتاح السيارة معها
لان الهندي بيشغل السيارة وفاتح المكيف ونايم داخل السيارة لو عشر ساعات )

الله يعين

[شموخ دائم]

,

,


مرحبا

القرار صياغته غير سليمه

الخبر الصح لازم ينكتب
الغاء الدعم عن مشتقات البترول يعني بيصير نفس الامارات لانهم عملوا الطريقه هذي قبلنا
الشي الثاني ( الاسعار ) متحركه يوميا في العالم وليس شهريا
:)

ما اعرف شلون بيحطون السعر على اعلى سعر او اقل يعر او متوسط الشهر
:)

اتوقع يتم رفعه تدريجيا لين يوصل نفس الامارات

يعني الي عنده كروزر يجهز 400 ريال

يالله صباح خير

,

,

[مختلف جداََ]

http://www.qatarshares.com/vb/showthread.php?610102-%CA%CD%D1%ED%D1-%C7%D3%DA%C7%D1-%C7%E1%C8%CA%D1%E6%E1-%C8%CF%E6%E1%E5-%DE%D8%D1-%A1-%C8%CD%ED%CB-%ED%D5%C8%CD-%C8%CF%E6%E4-%CF%DA%E3-%CD%DF%E6%E3%ED

بوشهاب مطلوب حياً أو ميتاً :anger1:

[قطر خضراء]

هذا معناه رفع أسعار البترول إلى مستويات قياسية
وربط سعر بيعه في قطر التي يبلغ تكلفة استخراج برميل النفط فيها 12.6 دولار بأسعار بيعه في دول تبلغ تكلفة استخراج برميل نفط 36.3 دولار كأمريكا أو بريطانيا التي تبلغ فيها تكلفة استخراج برميل نفط 52.5 دولار
ربط غير عادل

كما أن تلك الدول تفرض داخلها مكوسا عالية على بيعه بينما من فضل الله في قطر ليس عليه أي مكوس لأنه مملوك للدولة

يتم استخلاص حوالي 43 ونصف بالمائة منه بترول
و 23.5% ديزل
وأكثر من 9% كيروسين
وأكثر من 7% غاز نفطي مسال وغازات أخرى
وحوالي 4% زيت الوقود الثقيل
وأكثر من 3% اسفلت وزيت قار
وحوالي 2 ونصف بالمائة بتروكيماويات
وأشياء أخرى

لا أريد أن أعرض تكلفة لتر البترول الحقيقية في قطر حتى لا يتهمني متسرع بما ليس في
لكنها بفضل الله تظل رخيصة جدا حتى بعد إضافة تكلفة التكرير والتوزيع التي لن تتجاوز 15% و 20% في أقصى الحالات المتسيبة

[معماري قطري]

يعني سعر البترول بيطلع و بينزل و كل شهر ممكن يكون غير عن الثاني؟

طيب اللي يسوي ميزانيات و مصاريف لشركات و مؤسسات يبي يحط فاكتور تغير كبير

طلعت خطير يا كبير المهندسين .. تخيل هذا الشهر بريال ونص وزاد سعره مع نهاية الشهر 20% يعني بيزيد 20% وبيستوي ريال و ثمانين درهم .. و20% على سعر 45 تعني 54 .. زين لو وصل 120 كم بيزيد من ال 45 266% يعني الريال ونص بتستوي 4 ريالات

يبي لي صج مكينة كورلا من يبيع مستعملة بعد

والشيء الثاني يبي لي ابيع أسهم واطب بزيادة في وقود

[مختلف جداََ]

http://d.top4top.net/p_1161u6c0.jpeg (http://up.top4top.net/)

[مختلف جداََ]

الديزل نزل 10 دراهم

[السيف5]

ماعاد فيه توفير

وقرار تعبني من عرفته

لاحول ولاقوة الا بالله

[الحاقول]

يعني ارتفاع سعر البترول العالمي اصبح ليس من صالح المواطن
لانه كل ما ارتفع سعر البترول سوف يدفع اكثر

[QtrGate]

اذا تم إلغاء الدعم
يعني فل الكروزر بيصير 300 نفس الامارات
وإذا ارتفع البترول فوق 80 $
بيوصل فل الكروزر 600 ريال

لكن اذا رجع البترول لأسعاره من سنتين 120$
بيوصل فل الكروزر 900 ريال

اذا كل اسبوع تفول مره يعني فالشهر بتدفع 3600

الحسبه تقريبية

[دايموند]

رحنا ملح....

[عيسى111]

الله يا الدنيا مرت علينا أيام سعر الجالون بريال

[qatari 111]

يالله ان هالقرار يتكنسل من سمو الامير حفظه الله ورعاه
لان الموضوع راح يزيد فاشياء كثيره غير سعر البترول
فالتجار الاسيويين والعرب مايصدقون على الله من يسمعون الخبر يرفعون 100%
لكن وقت نزول البترول الاسعار ثابته

الله المستعان

[.قطر.]

اذا تم إلغاء الدعم
يعني فل الكروزر بيصير 300 نفس الامارات
وإذا ارتفع البترول فوق 80 $
بيوصل فل الكروزر 600 ريال

لكن اذا رجع البترول لأسعاره من سنتين 120$
بيوصل فل الكروزر 900 ريال

اذا كل اسبوع تفول مره يعني فالشهر بتدفع 3600

الحسبه تقريبية
الله يعيننا
الشهر الياي ماتغير شي
اتوقع مع الريل بيصير اللي تقول عنه
صرنا نفس اوروبا :weeping:

[المخفي]

اتوقع يطيح سعر 8 سلندر

[h9466]

قرارات الهدف منها ضرب عدة عصافير في حجر واحد / تهيئة الناس لاستخدام شبكات المواصلات العامة والتي على وشك الانتهاء وأهمها المترو،ثانيا مصدر دخل قومي لميزانية الدولة . ثالثا الزحمة ستقل بشكل كبير يعني مابتروح مشوار الا اذا كان ضروري جدا مش اللف والدوران في كتارا وعند جباعي وكرك /

[بوخالد911]

حد عنده جوتي بو تواير.
استعمال بسيط.

[البهتري]

مطلوب سيكل 26 وعليه ليت امامي واسطاب خلفي والدفع كاش

[مختلف جداََ]

http://e.top4top.net/p_116mu250.jpeg (http://up.top4top.net/)

للبيع لأعلى سعر

[نوفا91]

لو دريت ماسقت ، تهقون نحاستي وصلت للبترول :(

[<اضرب واشرد>]

أنا من رأيي يرفع الدعم عن البترول إذا كان برنت تحت سعر معين ( 70 دولار مثلا )
وإذا تجاوزه يرجع الدعم، لأن عوائد الدولة من النفط والغاز كبيرة..إذا برنت فوق 70 - 75 دولار، ما يجعل (خسائرها من الدعم) هامشية ..

[ممنوع اللمس]

للبيع cls550

[بـــاروود]

لو دريت ماسقت ، تهقون نحاستي وصلت للبترول :(

الله يسامحج كلة منج

[راعي الكورفت]

خبر محزن لأصحاب ال8 سلندر ..ووقود وصلت مراحل متقدمه من الجشع والاحتكار ..


أتمنى القانون لايطبق وان الخبر يكون اشاعه ولو طبقوه افكر اروح السعودية .. اعبي عندهم فل وارجع :cry2:

[موظف ((حكومي]

يصير سعر بترول نفس بورصه يوم نازل ويوم طالع

[شيخ الديرة]

.
.
ولو طبقوه افكر اروح السعودية .. اعبي عندهم فل وارجع
.
.


فكرة لا يمكن لأي شخص عادي التطرق لها :tease:

[تاجر كشخة]

اذا تم إلغاء الدعم
يعني فل الكروزر بيصير 300 نفس الامارات
وإذا ارتفع البترول فوق 80 $
بيوصل فل الكروزر 600 ريال

لكن اذا رجع البترول لأسعاره من سنتين 120$
بيوصل فل الكروزر 900 ريال

اذا كل اسبوع تفول مره يعني فالشهر بتدفع 3600

الحسبه تقريبية

الله يستر يعني لازم يكون معاك كاش 300 وفوق اذا بغيت تطلع من الببت مب 50 ريال راح زمان اول اااايه

[حمد بن سعد]

حد يخبر سيكل 26استعمال نظيف


هههههههههههههههههههههههههههههه

[حمد بن سعد]

http://e.top4top.net/p_116mu250.jpeg (http://up.top4top.net/)

للبيع لأعلى سعر


ماعندك بوسله حق اغراض الجمعيه :tease:

[ولد البدر]

السيارة تهون لكن اللي عنده طراد كم بيصب اذا كان قبل الغلا 400 وهو للنزهة فقط بنخلي الربع يساعدونا بنفرض عليهم ضرايب

[غير عنهم]

اذ بيرتفع البترول بعد عز الله خبر ماهو بطيب

[رجل الجزيرة]

يقولون إن فيه سوزوكيات موديل 2016 ب 50000 ريال على شارع سلوى.

[بانغ بانغ]

للبيع cls550

هههههههههههههههههههههههههه

من الحين ؟ انطروا اشوي

[ممنوع اللمس]

لا والله ماننطر يابانغ نبيع نبيع

[السيف5]

بما ان هذا القرار يمس المواطن لماذا لم يمرر على مجلس الشورى؟

ليبدوا رأيهم فيه ..والا هي بس قرارات تمرر وقرارات تعبر من فوق رؤوسنا

[معماري قطري]

يقولون إن فيه سوزوكيات موديل 2016 ب 50000 ريال على شارع سلوى.

واحد من الأقارب ماخذ واحد .. الشكل القديم بس محدث من داخل ومرتاح منه .. تتوقع يعرف السالفة؟

[معماري قطري]

انا سيارتي على 4 سنين توها ماشية 50000 وأكثر ممشاها من ولدي لين جاء زيارة قصيرة من مكان دراسته دبي

[مابدل العادات]

من وجهة نظري هذا الشي ماراح يخفف الزحمه
ليش ؟

1- اغلب سيارات الاجانب والعرب تكون 4 سلندر واذا كلش كاش خذ 6 سلندر فاماراح تفرق معاه واجد

2- الباصات وبياكم المازدا الكبيره والميني باص الي هم اصلا السبب الرئيسي في الزحمه الشركات هي الي بتتكفل ببترولها فاماراح تفرق معاهم الا لو الشركات بيقللون عدد سياراتهم

[ساعي الخير]

إذا ضاربت فيه شركات البلدان المستوردة ورفعت أسعاره عندهم، فهل يعقل أن نعاني مثلهم والبترول ينبع من تحت أرجلنا؟.إن الأزمة الحالية أخرجت المسؤولين من عقولهم!

[معماري قطري]

إذا ضاربت فيه شركات البلدان المستوردة ورفعت أسعاره عندهم، فهل يعقل أن نعاني مثلهم والبترول ينبع من تحت أرجلنا؟.إن الأزمة الحالية أخرجت المسؤولين من عقولهم!

ما اتوقع سعره في قطر بيكون نفس سعره في اوروبا مثلاً ولازم بتتم موازنة السعر وهامش الربح حق وقود

الإمارات ربطت الأسعار قبل بسعر السوق والسعودية اعتقد وحكومتنا تستاهل تستربح من القادمين أو أقلها ما تصرف عليهم وتدعم منتج هم يستفيدون منه

[رحال الدوحه]

انخفاض سعر الديزل بـ7% والجازولين يستقر على سعره الحالي خلال مايو المقبل

للتفاصيل .. ( فضلاً اضغط هنا ) (http://www.qna.org.qa/News/16042719500126/%D8%A7%D9%86%D8%AE%D9%81%D8%A7%D8%B6-%D8%B3%D8%B9%D8%B1-%D8%A7%D9%84%D8%AF%D9%8A%D8%B2%D9%84-%D8%A8%D9%807-%D9%88%D8%A7%D9%84%D8%AC%D8%A7%D8%B2%D9%88%D9%84%D 9%8A%D9%86-%D9%8A%D8%B3%D8%AA%D9%82%D8%B1-%D8%B9%D9%84%D9%89-%D8%B3%D8%B9%D8%B1%D9%87-%D8%A7%D9%84%D8%AD%D8%A7%D9%84%D9%8A-%D8%AE%D9%84%D8%A7%D9%84-%D9%85%D8%A7%D9%8A%D9%88-%D8%A7%D9%84%D9%85%D9%82%D8%A8%D9%84)


https://pbs.twimg.com/media/ChEw20-WgAYEYKD.jpg

[سعود.]

المشكلة انة في اشياء كثيرة غير البترول بيرتفع سعرها .

[دايموند]

ننطر علاوه بدل التنقل ترتفع ..يارب

[ساعي الخير]

أتمنى من حكومتنا المباركة تعويض المواطن في هذه الخطة، بحيث تجعلها زيادة في الرواتب، إذا كان السبب هو كثرة الأجانب.

[BoFahed]

أتمنى من حكومتنا المباركة تعويض المواطن في هذه الخطة، بحيث تجعلها زيادة في الرواتب، إذا كان السبب هو كثرة الأجانب.

زيادة علاوة التنقل وخصوصا اللي رواتبهم ضعيفه .

انا قريت من فترة بالجرايد اجمالي الموظفين الحكومين بالدولة 45 الف وغالبية اهل قطر في الحكومة

ما اتوقع بيكونون ارهاق لميزانية الدولة مثلا لو يرجعون فلوس تامين صحة اللي انباقت من المستشفيات الخاصه بتكفي علاوه للقطريين الموظفين سنتين قدام

[الحاقول]

أتمنى من حكومتنا المباركة تعويض المواطن في هذه الخطة، بحيث تجعلها زيادة في الرواتب، إذا كان السبب هو كثرة الأجانب.

وبشكل خاص المتقاعدين عن العمل