المحكمه الاداريه؟؟؟

[الدوحه1]

الكثير منا يعاني من الظلم الاداري في جهة عمله سواء في التقييم السنوي او الترقيه او تولي المنصب؟؟

اعرف واحد من الربع عنده مشكله (اداريه)في جهة عمله واتصل بمسئول في وزارة التنميه الاداريه يستفسر فرد عليه المسئول انت مظلوم واذا تبي حقك الجأ للمحكمه الاداريه واضاف ان احنا ماعندنا اي صلاحيات على الجهات الحكوميه لان قانون الموارد البشريه اعطى كثير من الصلاحيات للوزير/الرئيس !!!

هل فعلا الرقابه الاداريه شبه معدومه على الجهات الحكوميه؟؟

هل فعلا الوزير/الرئيس يسوي اللي يبيه بدون محاسبه؟؟

وين دور"هيئة الرقابه الاداريه والشفافيه"؟؟ ليش الموظف المظلوم يلجأ للمحكمه الاداريه؟؟

في حد منكم تعرض للظلم واخذ حقه عن طريق المحكمه الاداريه؟؟؟

[بانغ بانغ]

اتوقع اخوي ان المحكمة الادارية تنظر في قضايا شؤون الموارد البشرية وما شابه

اما ان الوزير ايسوي اللي يبيه ... اتوقع يتحاسب في امور كثيرة وما يتحاسب في مثلها

كان زين اللي عنده خبره ايفيدنا فعلا

[الدوحه1]

اتوقع اخوي ان المحكمة الادارية تنظر في قضايا شؤون الموارد البشرية وما شابه
اما ان الوزير ايسوي اللي يبيه ... اتوقع يتحاسب في امور كثيرة وما يتحاسب في مثلها
كان زين اللي عنده خبره ايفيدنا فعلا



اخوي بانغ بانغ...

السؤال ياخوي "الموظف" ليش يلجأ للمحكمه الاداريه اذا الجهات الرقابيه المسئوله عن تنفيذ قانون الموارد البشريه(وزارة التنميه الاداريه) يدرون ان الموظف مظلوم ولكن سلطاتهم محدوده والسبب ان قانون الموارد البشريه منح صلاحيات كبيره للوزير/الرئيس.

الخلل في قانون الموارد البشريه اللي منح المسئولين هالصلاحيات الكبيره!!!

وبعدين اذا الموظف رفع قضيه وكسبها ليش مايتحاسب المسئول اللي ظلم هالموظف؟؟

المطلوب : أليه جديده وفعاله لمراقبة ومحاسبة كل المسئولين بما فيهم الوزير/رئيس المؤسسه او الهيئه.

[طلعة الروح]

مش بس في الجهات الحكومية حتى في الجهات الخاصة، وزارة ماتقدر تسوى ولا تصرف مع جهات العمل في حالات الشكاوى الفردية وهالشي معروف من زمان.

[مخطط قطري]

اتوقع اخوي ان المحكمة الادارية تنظر في قضايا شؤون الموارد البشرية وما شابه

اما ان الوزير ايسوي اللي يبيه ... اتوقع يتحاسب في امور كثيرة وما يتحاسب في مثلها

كان زين اللي عنده خبره ايفيدنا فعلا

سؤالك مهم نتظر اهل الاختصاص يفيدونا بهالجزئيه بس اتوقع الكل محاسب مافي حد فوق القانون
لي صديق من سنوات اختلف مع مسؤله ف العمل على اسباب تافهه ونصحته انه يتجنب هالمسؤل المتغطرس لانه ظالم ومنافق وحاط صديقي ف راسه الزبده ضيق عليه وايد لين صديقي قدم استقالته من الشغل وقعد اكثر من سنه بلا وظيفه معتمد على الله خصوصا انه رب اسره فوجود المحكمه امر ضروري لانصاف الموظفين

[الدوحه1]

سؤالك مهم نتظر اهل الاختصاص يفيدونا بهالجزئيه بس اتوقع الكل محاسب مافي حد فوق القانون
لي صديق من سنوات اختلف مع مسؤله ف العمل على اسباب تافهه ونصحته انه يتجنب هالمسؤل المتغطرس لانه ظالم ومنافق وحاط صديقي ف راسه الزبده ضيق عليه وايد لين صديقي قدم استقالته من الشغل وقعد اكثر من سنه بلا وظيفه معتمد على الله خصوصا انه رب اسره فوجود المحكمه امر ضروري لانصاف الموظفين


وفي موظف قطري يعمل في احدى الجهات الحكوميه , صار له 8 سنوات جالس في البيت ولم يتم استدعائه للعوده الى العمل مع ان تم استدعاء جميع الموظفين الا هو؟؟
ويشتكي ان التقييم السنوى يتم على حسب مزاج المسئول؟؟
اشلون يتم عمل التقييم السنوي والموظف اصلا جالس في البيت؟؟؟؟

الموظف يقول انه راح يلجأ للمحكمه الاداريه لانه اتصل بوزارة التنميه الاداريه للاستفسار والمسئول هناك قاله التقييم السنوي "غير قانوني" واصلا جلوسك في البيت غير قانوني ؟؟بس احنا مانقدر نسويلك شي واذا تبي حقك مالك الا المحكمه الاداريه!!!!!!

[رفيع الهامه]

وفي موظف قطري يعمل في احدى الجهات الحكوميه , صار له 8 سنوات جالس في البيت ولم يتم استدعائه للعوده الى العمل مع ان تم استدعاء جميع الموظفين الا هو؟؟
ويشتكي ان التقييم السنوى يتم على حسب مزاج المسئول؟؟
اشلون يتم عمل التقييم السنوي والموظف اصلا جالس في البيت؟؟؟؟

الموظف يقول انه راح يلجأ للمحكمه الاداريه لانه اتصل بوزارة التنميه الاداريه للاستفسار والمسئول هناك قاله التقييم السنوي "غير قانوني" واصلا جلوسك في البيت غير قانوني ؟؟بس احنا مانقدر نسويلك شي واذا تبي حقك مالك الا المحكمه الاداريه!!!!!!





شنو أختصاصها المحكمه الاداريه ,, وتتبع اي محاكم او وزارة



و هل هم يستقبلون شكاوي القطاع الخاص مثل الشركات التابعه لقطر للبترول؟؟

[عضو دائم]

شنو أختصاصها المحكمه الاداريه ,, وتتبع اي محاكم او وزارة



و هل هم يستقبلون شكاوي القطاع الخاص مثل الشركات التابعه لقطر للبترول؟؟


اكبر قطــــــــــــــــاع ينظلم فيه القطري لدرجة ان الموظف القطري اللي ملتحق بالدراسة الجامعية خارج البلد لايحق له اخذ اجازة الا من اجازته السنوية وهذا يمثل احباط وقتل لطموح الموظف القطري ..

[الدوحه1]

رئيس الخطوط القطرية لـCNN عن ترامب: لا أمانع العمل مع الشيطان إذا كان الأمر مربحاً




هل راح يتحاسب هالمسئول على تصريحه؟؟؟
هل يمثل هالمسئول"نموذج" للمسئولين القطريين بهذا التصريح؟؟؟

للعلم الشركه حكوميه 100% , والمسئول بدرجة "وزير"!!!

المصدر:
http://arabic.cnn.com/world/2016/04/28/wd-280416-qatar-airways-ceo-trump

[Vanille]

لو حاس بظلم يرفع موضوعه للمحكمة الإدارية أنا اعرف ناس خذوا حقوقهم عن طريق المحكمة او لجان التظلم الحمدالله وفي ناس انرفضت مطالبهم ،،اهم شي مايكون من النوع اللي يتخيل ان انظلم وهو في الواقع يكون متسيب ويبي يكون فوق الحساب والعقاب

[al saad]

الشيخ لا اتعور راسك اذا محتاج الراتب تحمل واسكت واذا مش محتاجة قدم استقالتك والارزاق في يد الله ترى عن خبرة وتجربة شخصيه محد بيجيب حقك لو توصل تكبر راس الكل بيحولك لجة غير ومحد بيجاوبك

[Mo7mmad]

معظم القطرين لديهم مشاكل من جهه العمل

ولاكن الحكومه الان اهتمامها الاول لاخير العمال

متى تلتفت الحكومه للمواطنين ؟

[طلعة الروح]

الشيخ لا اتعور راسك اذا محتاج الراتب تحمل واسكت واذا مش محتاجة قدم استقالتك والارزاق في يد الله ترى عن خبرة وتجربة شخصيه محد بيجيب حقك لو توصل تكبر راس الكل بيحولك لجة غير ومحد بيجاوبك

اذا كان هو المتسبب في الظلم فلا شك انها راح تكون قضية خاسرة
خصوصا اذا كانت الادلة كلها ضده، لكن لو العكس لا نشجعه يرفع دعوى وبإذن الله الحق معاه.

[المحاميه]

لما تكون فيه منازعه اداريه بين الموظف وجهة عمله .. المفروض اول شي الموظف يستنفذ الوسائل المتاحه له قبل اللجوء للقضاء..
يعني مثلا يحاول يحل المنازعه بشكل ودي وهالحل يرضي الطرفين بدون مايسبب احراج لأي طرف ..
يعني تخيل ترفع قضيه على شغلك وانت على راس عملك؟ فيها احراج وحساسيه للطرفين .. ولو ان من حقك ..

اذا كانت السالفه معقده ومافاد التفاوض بين الطرفين .. ف طبعاً يتم اللجوء للمحكمه للفصل في النزاع القائم ..
بس طبعا على حسب الدعوى وتشعباتها .. اكيد راح تاخذ وقت لحين الفصل .. ولاتنسون ممكن لأي طرف الاستئناف سواء اللي انحكمله او اللي انحكم ضده .. والطعن في الحكم يكون على مرحلتين استئناف .. بعده تمييز ..

نرجع لصاحب الموضوع .. ليش معترض على اللجوء للمحكمة الاداريه؟



في حد منكم تعرض للظلم واخذ حقه عن طريق المحكمه الاداريه؟؟؟
بحكم شغلي مرت علي قضايا اداريه كثيره ..
بس ليش تسأل بهالطريقه؟
وانت عارف كل قضيه تختلف عن الثانيه .. وعلى حسب اذا كان لك حق اكيد بتاخذه والعكس ..