احسن مكان اخذ منه نخل للبيت

[desert hunter]

السلام عليكم ورحمة الله

حبيت اسال وين احسن مكان اخذ منه نخل للبيت
لانه نخل البلديه هو واشنطونيا الغير مثمر وانا حبيت اشتري نخل مثمر
كلمت الزراع وقالي راح احد المزاع ولقالي نخله طولها مترين ونص تقريبا ب 2000 ريال
فحبيت اعرف هل السعر عادل ام لا ووين احسن مكان اخذ منه نخل مثمر

اتمنى حد يفيدني وشكرا

[معماري قطري]

عليكم السلام ورحمة الله وبركاته

غلطت يا اخوي غلطتك وخذت نخل طوال وحدة شلناها بعد ما قربت تطيح ووحدة لها حول 10 سنين للحين بتموت ولا بتعيش مترددة

الغريبة اللي زرعهم السواق وبعضهم جابهم صغار وحطهم طلعوا أقوى وشبوا بسرعة وألحين يبينون من برا وطولهم زين

نصيحتي خذ شتلات صغيرة من مشاتل الحكومة ولو تبي بحدود متر شوف نصيحة الخبير الزراعي هناك .. جاري عنده زرع وبيته تقريباً كله نخل بس زرعه صغير والحين شب وكبر وكان يقدر ينقل بسهولة

[desert hunter]

عليكم السلام ورحمة الله وبركاته

غلطت يا اخوي غلطتك وخذت نخل طوال وحدة شلناها بعد ما قربت تطيح ووحدة لها حول 10 سنين للحين بتموت ولا بتعيش مترددة

الغريبة اللي زرعهم السواق وبعضهم جابهم صغار وحطهم طلعوا أقوى وشبوا بسرعة وألحين يبينون من برا وطولهم زين

نصيحتي خذ شتلات صغيرة من مشاتل الحكومة ولو تبي بحدود متر شوف نصيحة الخبير الزراعي هناك .. جاري عنده زرع وبيته تقريباً كله نخل بس زرعه صغير والحين شب وكبر وكان يقدر ينقل بسهولة

لاحول ولاقوة الا بالله
الله يعينك ياخوي مشكله والله

المشكله ان النخل المثمر مايبناع في البلديه بس يبيعون الواشنطونيا اللي هو للزينه غير مثمر

فحبيت اعرف لو في مكان يبيع شتلات او شوي كبار ممكن نص متر بسعر جيد

[معماري قطري]

لاحول ولاقوة الا بالله
الله يعينك ياخوي مشكله والله

المشكله ان النخل المثمر مايبناع في البلديه بس يبيعون الواشنطونيا اللي هو للزينه غير مثمر

فحبيت اعرف لو في مكان يبيع شتلات او شوي كبار ممكن نص متر بسعر جيد

أكيد المشاتل كثيرة وغريبة مشاتل البلدية ما فيها أخبر فيها حتى نوعيات ونوعيات مضمونة المشاتل يقولون لك نوع معين وهم يكذبون .. بارسل لك رقم مزارع صعيدي طيب ومحترم يشتغل مع لكل ربيع زهرة وعنده خبرة ويشتغل كذلك في مزارع كثيرة لأشخاص .. عاد عدي به من 3 سنين ويمكن يكون محد لكن ان شاء الله موجود

[الســـهم]

السلام عليكم ورحمة الله وبركاته ..

مثل ماقال اخوي معماري قطري , وهالنصيحه سمعتها من اكثر من شخص ازرعوا نخل ومروا بتجارب , كلهم تقريبا قالوا لي خذها شتله وتكبر قدام عيونك , وطبعا خذت بنصايحهم ..

بالنسبة للشتلات المثمرة المضمونة بإذن الله (يتم انتاجها بزراعة الانسجة) , موجودة وتقدر تشتريها من مشاتل البيئة وبكل انواعها تقريبا (اخلاص , برحي , صقعي , خنيزي ، شيشي ، .... إلخ) ..

انا خذت شتلتين (اخلاص وخنيزي) والوحدة كلفتني 80 ريال ..

تواصل مع ادارة الثروة الزراعية في البيئة وان شاء الله بتلقى مطلوبك عندهم ..

وبالتوفيق ان شاء الله ..

[معماري قطري]

فرق كبير في السعر والجودة وتريح بالك من النخلة الكبيرة وشغلة تركيبها وتحميلها وتنزيلها بكرين

بعدين الواشنتونيا وايد زينة بس تحتاج تكريب من وقت لوقت وبعد حلوة تنزرع صغيرة وتزيين البيت .. وتقدر تزرعها قرب بعض بحيث تطلع مصفوفة

عندك بعد ما تسمى بالرويال بالم هذي وايد راقية وسعرها مب رخيص ولا تحصلها بسهولة

هذا الرابط فيه صور وايد للرويال بالم وأنواعها .. قبل حصلتها في مشتل في شارع سحيم بن حمد ورا العمارات ما ادري لو للحين موجود أو شالوه .. بس سعرها كان في حدود 3000 ريال وصغيرة والصغيرة هي الأفضل مثل ما ذكرت بس غالية وايد خصوصاً لو بتاخذ كمية

https://www.google.com/search?q=royal+palm+tree&biw=1093&bih=486&tbm=isch&imgil=2MQRGdRhbAZwuM%253A%253BGWSQX8MtZIwvmM%253Bh ttp%25253A%25252F%25252Fwww.palmtreepassion.com%25 252Froyal-palm-tree.html&source=iu&pf=m&fir=2MQRGdRhbAZwuM%253A%252CGWSQX8MtZIwvmM%252C_&usg=__S6nFqoUf7_jElZK0JFBADrkL7FY%3D&ved=0ahUKEwjmx5ah1a7MAhXnBsAKHQeGC5sQyjcIKQ&ei=_JsgV-bZDueNgAaHjK7YCQ#imgdii=2MQRGdRhbAZwuM%3A%3B2MQRGd RhbAZwuM%3A%3BB4-zOKA2dt5jXM%3A&imgrc=2MQRGdRhbAZwuM%3A