قطر تلغي الدعم عن البنزين والديزل بدءا من مايو

[هارون الرشيد]

العربية.نت
قررت الحكومة القطرية رفع الدعم عن أسعار الوقود في السوق المحلية بشكل نهائي ابتداء من مايو المقبل وذلك في خطوة تهدف إلى رفع كفاءة استخدام الطاقة في الدولة.
وسيتم إعادة هيكلة أسعار الوقود وتعديلها بشكل شهري، بحيث تكون الأسعار مرتبطة بالسوق العالمية بشكل مباشر.
وكانت الحكومة القطرية تدعم أسعار البنزين والديزل في البلاد بشكل كبير، إلاانها رفعت الأسعار في يناير الماضي بنسبة 30%، وسط تراجع أسعار النفط، والتوقعات بتسجيل الدولة عجزا في ميزانيتها للعام الجاري بنحو 2.7% من الناتج المحلي، بحسب صندوق النقد الدولي

[وحيد-الشوق]

شكلك في موسكو وتوك سامع الخبر :)

[moonبنتnight]

قررت الحكومة القطرية رفع الدعم عن أسعار الوقود في السوق المحلية بشكل نهائي ابتداء من مايو المقبل وذلك في خطوة تهدف إلى رفع كفاءة استخدام الطاقة في الدولة

الله يستر .. وبعده بيتم رفع الاسعار ..

[لـبـيـه]

حتى الدلفري في المطاعم بيرفعون الاسعار للتوصيل

الكل بيستغل الخبر في رفع الاسعار حتى الي ماله خص

[دايموند]

صار عندنا عجز والبركه ع 2022

[qatari911]

حتى الدلفري في المطاعم بيرفعون الاسعار للتوصيل

الكل بيستغل الخبر في رفع الاسعار حتى الي ماله خص

الزيادة 60% ماترقعنا منها
لان كل شي ارتفع معها بحجة الزيادة في الرواتب
والحين البترول والاسعار بتشعلل فوق وعذرهم البترول زاد؟؟!!

[SouthK]

و القادم يفقر أثر .. نسأل الله العافية.

[maryam5]

وين عيل الحياة الكريمة الي يجب عدم المساس فيها مثل ما قال سمو الامير. إذا الدعم ارفعوه عن المواطن والي المفروض ما ينرفع والي يترتب عليه ارتفاع في كل الاسعار حتى الخيار بيرفع سعره . وفي اخبار عن الكهرباء والماء بتكون بفلوس وبتكون في ضرايب...

أي حياة كريمة الي قال عنها سمو الامير إذا كان كل شي يمشي بالعكس. هل القطريين كلهم تجار واصحاب مال ام ان هم اصحاب مناصب وواسطات.

اذا الي فوق استلموا رواتب المواطن البسيط يمكن بعدها بيحسون في معاناة الاسر القطرية من الغلاء وخصوصا الي عايشين على رواتبهم.

[الدوحه1]

صار عندنا عجز والبركه ع 2022




كلامك صحيح والدليل تخصيص 28 مليار ريال للمنشأت الرياضيه في ميزانية السنه(2016)!!!

[راعي الكورفت]

اليوم الخميس ومالي خلق ازعل





ليش تعور قلبي بهالخبر :weeping:

[راعي الكورفت]

وين عيل الحياة الكريمة الي يجب عدم المساس فيها مثل ما قال سمو الامير. إذا الدعم ارفعوه عن المواطن والي المفروض ما ينرفع والي يترتب عليه ارتفاع في كل الاسعار حتى الخيار بيرفع سعره . وفي اخبار عن الكهرباء والماء بتكون بفلوس وبتكون في ضرايب...

أي حياة كريمة الي قال عنها سمو الامير إذا كان كل شي يمشي بالعكس. هل القطريين كلهم تجار واصحاب مال ام ان هم اصحاب مناصب وواسطات.

اذا الي فوق استلموا رواتب المواطن البسيط يمكن بعدها بيحسون في معاناة الاسر القطرية من الغلاء وخصوصا الي عايشين على رواتبهم.

خلصت الفلوس وصار عجز بالميزانيه ومشاريع كأس العالم بتوقف ؟؟ من وين يكملون مشاريع كأس العالم ؟ اكيد من رفع سعر البترول على الناس ..


الواحد يستغرب من القرار ..
دوله بتروليه ومصدره للبترول والبترول في كل مكان فيها واقتصادك معتمد كله على البترول والغاز وترفع السعر على الشعب !! ليش ؟؟ حسسونا ان احنا دوله اوربيه مستورده للبترول ؟؟


والزحمه مش هاتخف بسبب عدم توافر وسائل النقل بالاساس اما الاجانب فما تفرق معاهم سياراتهم صغيره ابو 4 سلندر ماتصرف بترول والشركات بترفع اسعارها و بترد فلوس البترول من المستهلك بزيادة الاسعار.




اتمنى يزيدون المواطنين علاوة التنقل في رواتبهم .

[Abdulraman]

الحمدلله على كل حال

[الدوحه1]

http://www11.0zz0.com/2016/04/28/11/887206355.jpg (https://www.0zz0.com)

[V.I.P_QATAR]

بالعكس انا مع ان الدولة ترفع من سعر البترول وتخليه عالمي وفيه هبوط ونزول
الاسباب:
عدد القطريين المستفيدين من هذا الدعم هو عدد قليل جداً بالنسبة للاجانب الذين موجودين في الدولة
فاذا قلنا ان عدد القطريين 600 الف قطر مقابل 2.5 مليون اجنبي مستفيد من الدعم الحكومي
اهنا خسارة كبيرة على الدولة لانها جالسه تصرف على ناس مو من حقهم يستفيدون من هذا الدعم مثل العمال والوافديين والشركات العالمية والشركات الوسطه
ونص الشركات بمشاركة اجنبية وتستفيد من المناقصات ومن اسعار الدعم للبترول في تنقل عمالتها الي عندها

انا اتوقع ان سمو الامير االله يحفظه مايسوي شي الى في خدمة المواطنين القطريين وانشالله مع قانون الجديد بيكون في مصلحة المواطن

لان لو قلنا حطو 1500 ريال علاوة في بدل التنقل زياده للقطريين انت كنك ماحطيت اي زياده على القطريين وبتكون هذهالزيادة مثل الدعم للبترول ولكن بتكلفه اقل بمئات الملاايين الي تندفع كانت للبترول

وبتقل عدد السيارات لان في قطر وبيتم استخدام المواصلات العامة واهنا الدولة راح تستفيد من هذه الاموال الي راح تدخل عليها من المواصلات

اقرب مثال : دبي كانت اهناك ازمة سيارات وزحمه ولازالت الى الحين ولكن كل سنه يتم انقاص عدد السيارات واستخدام المترو والمواصلات العامه مثل القطار والباصات
وفي دولة قطر بيتم ربط هذه المواصلات وادراج المترو قريب ويجب ان تتحول هذه العماله الى هذه المواصلات

[maryam5]

بالعكس انا مع ان الدولة ترفع من سعر البترول وتخليه عالمي وفيه هبوط ونزول
الاسباب:
عدد القطريين المستفيدين من هذا الدعم هو عدد قليل جداً بالنسبة للاجانب الذين موجودين في الدولة
فاذا قلنا ان عدد القطريين 600 الف قطر مقابل 2.5 مليون اجنبي مستفيد من الدعم الحكومي
اهنا خسارة كبيرة على الدولة لانها جالسه تصرف على ناس مو من حقهم يستفيدون من هذا الدعم مثل العمال والوافديين والشركات العالمية والشركات الوسطه
ونص الشركات بمشاركة اجنبية وتستفيد من المناقصات ومن اسعار الدعم للبترول في تنقل عمالتها الي عندها

انا اتوقع ان سمو الامير االله يحفظه مايسوي شي الى في خدمة المواطنين القطريين وانشالله مع قانون الجديد بيكون في مصلحة المواطن

لان لو قلنا حطو 1500 ريال علاوة في بدل التنقل زياده للقطريين انت كنك ماحطيت اي زياده على القطريين وبتكون هذهالزيادة مثل الدعم للبترول ولكن بتكلفه اقل بمئات الملاايين الي تندفع كانت للبترول

وبتقل عدد السيارات لان في قطر وبيتم استخدام المواصلات العامة واهنا الدولة راح تستفيد من هذه الاموال الي راح تدخل عليها من المواصلات

اقرب مثال : دبي كانت اهناك ازمة سيارات وزحمه ولازالت الى الحين ولكن كل سنه يتم انقاص عدد السيارات واستخدام المترو والمواصلات العامه مثل القطار والباصات
وفي دولة قطر بيتم ربط هذه المواصلات وادراج المترو قريب ويجب ان تتحول هذه العماله الى هذه المواصلات

انا ضد وضد وضد وضد وضد وضد وضد وضد وضد وضد وضد وضد وضد هالقرار لن تبعاته وايد كل شي راح يرتفع سعره في البلد التجار ينتظرون سبب عشان يرفعون اسعارهم. احنا مانحسبها بترول وبس تحسب كل شي وراها راح يتغير سعره ومن المتضرر القطري الي دخله محدود.

الحين لو تبي توصيل من مكان لمكان حتى لو مايسوى يأخذون عليك 50 ريال والا 100 ريال الحين لو ارتفع سعر البترول كل شي راح يرتفع بيقولك توصيل والسيارة تستهلك بترول...

ياشيخ هي ماجات على البترول؟؟ انزين التعليم اشسالفته؟؟ ليش مجاني للاجانب؟؟

[بوفهيد]

أنا ( مايقهرني ) غير اللي يطلع لنا كل شوي في التلفزيون والجرايد ويقول أقتصادنا متين والدوله محصنة من الأزمات العالميه والبتروليه والبطيخيه والرمانيه والزيتونيه وووووالخ
ووينه الحين مختفي أشوفه !!

[وحيد-الشوق]

بالعكس انا مع ان الدولة ترفع من سعر البترول وتخليه عالمي وفيه هبوط ونزول
الاسباب:
عدد القطريين المستفيدين من هذا الدعم هو عدد قليل جداً بالنسبة للاجانب الذين موجودين في الدولة
فاذا قلنا ان عدد القطريين 600 الف قطر مقابل 2.5 مليون اجنبي مستفيد من الدعم الحكومي
اهنا خسارة كبيرة على الدولة لانها جالسه تصرف على ناس مو من حقهم يستفيدون من هذا الدعم مثل العمال والوافديين والشركات العالمية والشركات الوسطه
ونص الشركات بمشاركة اجنبية وتستفيد من المناقصات ومن اسعار الدعم للبترول في تنقل عمالتها الي عندها

انا اتوقع ان سمو الامير االله يحفظه مايسوي شي الى في خدمة المواطنين القطريين وانشالله مع قانون الجديد بيكون في مصلحة المواطن

لان لو قلنا حطو 1500 ريال علاوة في بدل التنقل زياده للقطريين انت كنك ماحطيت اي زياده على القطريين وبتكون هذهالزيادة مثل الدعم للبترول ولكن بتكلفه اقل بمئات الملاايين الي تندفع كانت للبترول

وبتقل عدد السيارات لان في قطر وبيتم استخدام المواصلات العامة واهنا الدولة راح تستفيد من هذه الاموال الي راح تدخل عليها من المواصلات

اقرب مثال : دبي كانت اهناك ازمة سيارات وزحمه ولازالت الى الحين ولكن كل سنه يتم انقاص عدد السيارات واستخدام المترو والمواصلات العامه مثل القطار والباصات
وفي دولة قطر بيتم ربط هذه المواصلات وادراج المترو قريب ويجب ان تتحول هذه العماله الى هذه المواصلات

من قص عليكم وقالكم القطريين 600 الف :) ؟؟

كل كلامك غلط ويليت قبل ماتردون بردود غير عقلانية النظر في المواطنين الي عايشين على رواتبهم من بيستخدم المواصلات القطار والباصات في عز القايله حتى مع المترو ماراح تخف الزحمة ابداً ولكل حادث حديث

[دايموند]

انزين والحل ان يعطون للقطريين زياده في بدل تنقل ..

[ضوى]

انزين متى بيحررون سوق التويوتا ؟

[راعي الكورفت]

من قص عليكم وقالكم القطريين 600 الف :) ؟؟

كل كلامك غلط ويليت قبل ماتردون بردود غير عقلانية النظر في المواطنين الي عايشين على رواتبهم من بيستخدم المواصلات القطار والباصات في عز القايله حتى مع المترو ماراح تخف الزحمة ابداً ولكل حادث حديث

في اخر إحصائية العام الماضي لعدد الجنسيات في قطر اظهرت عدد القطريين 279 الف فقط.

[الدكتور عزوز]

اخاف يحطون عينهم على التموين بعد :anger1: لا حول ولا قوة الا بالله

الكلام اللي يقولونه شي والفعل شي ثاني

يقولون اقتصادنا متين شوي الا رافعين سعر البترول

يقولون ما راح يتضرر المواطن الا مطلعين قرارات بنتضرر منها

بكل بساطة سعر البنزين لما يصير متغير شهريا معناته التضخم راح يرتفع بصورة كبيرة خلال فترة زمنية قصيرة


في الجرايد يقولون التضخم في دولة قطر 3% وهو فعليا اعلى من ذلك بكثير لكنهم يحسبون فقط تضخم السلع الاستهلاكية ما حسبوا اسعار العقارات والايجارات وما يترتب عليها من ارتفاعات أخرى على المواطن والمقيم

الايجارات ما زالت مرتفعة جدا والعقارات لا زالت مرتفعة جدا المحلات ما زالت اسعارها نااااار مقارنة بدول الجوار

الاحتكار ذابح السوق واهلكنا نحن المواطنين مع العلم ان اغلب البضائع المتواجدة في البلد دون المستوى لكن المواطن مجبور يا يشتري يا يسافر دول الجوار يشتري نفس السلع بسعر أقل
(مثلا محلات العطورات المعروفة BHS و Sephora و Faces) مملوكين من نفس الشركة الأم اللي بدورها بعد تبيع نفس المنتجات يعني بس تنوع في المحلات يعني شوفونا ما عندنا احتكار وفعليا ما فيه منافسة حقيقية كلهم يبيعون السلع بنفس السعر

الاحتكار مرتبط بالمنافسة اذا ما كان هناك منافسة حقيقية يعني فيه احتكار بكل بساطة

والامثلة كثيرة جدا يبيلهم موضوع بروحه


لازم حلول جذرية لهذي المشاكل عن طريق سن القوانين وتعديل القوانين اللي تصب في مصلحة المواطن في الدرجة الأولى

اما انهم يرفعون الدعم عن سلعة (البترول) معناته بيرفعون الدعم عن اشياء اخرى في المستقبل

يعني هذا يدل على سوء تخطيط لمواجهة الازمات مثل أزمة انخفاض سعر النفط المفروض تكون هناك حلول بديلة وجاهزة قبل سنوات بإنتظار حدوث الأزمة مب ينتظرون سنة ونص وعقب يطلعون قرارات راح تكون عواقبها وخيمة جدا

الله يستر من الجاي واسمحولي على الاطالة قلبي متروسة :tease:

[الدكتور عزوز]

انزين متى بيحررون سوق التويوتا ؟

إذا حجت البقر على قرونها الظاهر :anger1: توني اتحلطم على الاحتكار اختي ضوى

[المخفي]

بخصوص التموين في هندي من كيرلا يقول ناشرين في جريدة من كيرلا انه التموين بيشلونه في قطر

[معماري قطري]

بخصوص التموين في هندي من كيرلا يقول ناشرين في جريدة من كيرلا انه التموين بيشلونه في قطر

الهنود أعرف وعندهم كل الأخبار .. الفائض التجاري 6 مليار بس

[معماري قطري]

اخاف يحطون عينهم على التموين بعد :anger1: لا حول ولا قوة الا بالله

الكلام اللي يقولونه شي والفعل شي ثاني

يقولون اقتصادنا متين شوي الا رافعين سعر البترول

يقولون ما راح يتضرر المواطن الا مطلعين قرارات بنتضرر منها

بكل بساطة سعر البنزين لما يصير متغير شهريا معناته التضخم راح يرتفع بصورة كبيرة خلال فترة زمنية قصيرة


في الجرايد يقولون التضخم في دولة قطر 3% وهو فعليا اعلى من ذلك بكثير لكنهم يحسبون فقط تضخم السلع الاستهلاكية ما حسبوا اسعار العقارات والايجارات وما يترتب عليها من ارتفاعات أخرى على المواطن والمقيم

الايجارات ما زالت مرتفعة جدا والعقارات لا زالت مرتفعة جدا المحلات ما زالت اسعارها نااااار مقارنة بدول الجوار

الاحتكار ذابح السوق واهلكنا نحن المواطنين مع العلم ان اغلب البضائع المتواجدة في البلد دون المستوى لكن المواطن مجبور يا يشتري يا يسافر دول الجوار يشتري نفس السلع بسعر أقل
(مثلا محلات العطورات المعروفة BHS و Sephora و Faces) مملوكين من نفس الشركة الأم اللي بدورها بعد تبيع نفس المنتجات يعني بس تنوع في المحلات يعني شوفونا ما عندنا احتكار وفعليا ما فيه منافسة حقيقية كلهم يبيعون السلع بنفس السعر

الاحتكار مرتبط بالمنافسة اذا ما كان هناك منافسة حقيقية يعني فيه احتكار بكل بساطة

والامثلة كثيرة جدا يبيلهم موضوع بروحه


لازم حلول جذرية لهذي المشاكل عن طريق سن القوانين وتعديل القوانين اللي تصب في مصلحة المواطن في الدرجة الأولى

اما انهم يرفعون الدعم عن سلعة (البترول) معناته بيرفعون الدعم عن اشياء اخرى في المستقبل

يعني هذا يدل على سوء تخطيط لمواجهة الازمات مثل أزمة انخفاض سعر النفط المفروض تكون هناك حلول بديلة وجاهزة قبل سنوات بإنتظار حدوث الأزمة مب ينتظرون سنة ونص وعقب يطلعون قرارات راح تكون عواقبها وخيمة جدا

الله يستر من الجاي واسمحولي على الاطالة قلبي متروسة :tease:

مساكين اللي يأجرون كل سنة زيادة 10% ووقفوها عنهم والبترول بيزيد كل شهر لو 5 دراهم كم بتكون النسبة

[qatarman8008]

اذا ارتفع الدعم عن البنزين انتظر المفاجئات..
قد يكون ارتفاع في سعر المواد الاستهلاكية وقد يكون هبوط والارتفاع ارجح..
قد يكون ارتفاع في سعر السيارات وقد يكون هبوط والهبوط ارجح.. فقط سيرتفع سعر الكورولا والكرسيدا..
قد يكون ارتفاع او هبوط في سعر العقارات والهبوط ارجح..
انا من كم يوم بديت اشوف محلات كثيرة اغلقت ابوابها لارتفاع الايجار وقلة الارباح بسبب التنافس من تجار الانترنت..
لكن اعود واقول انتظروا المفاجئات..

[نمر بن عدوان]

الديزل الشهر الجاي بيكون ارخص حسب النشره .

[معماري قطري]

من قص عليكم وقالكم القطريين 600 الف :) ؟؟

كل كلامك غلط ويليت قبل ماتردون بردود غير عقلانية النظر في المواطنين الي عايشين على رواتبهم من بيستخدم المواصلات القطار والباصات في عز القايله حتى مع المترو ماراح تخف الزحمة ابداً ولكل حادث حديث

تقريباً 250000 ولنفترض 300000 بس السيارات اللي يسوقونها الوافدين غالبيتها مملوكة لقطريين وهم يدفعون قيمة البترول

الزيادة لو كانت متحكم فيها ومحددة بواسطة لجنة متابعة من الدولة بيكون أحسن للجميع وهذا المتوقع .. يعني لو بيخلون تكلفة البترول مثل ما ينباع للدول الثانية وتكلفة تصفيته ونقله وتوزيعه اضافية بيطلع سعره خرافي خصوصاً لو وصل البرميل 120 كما كان

بس بيحد من الزحمة ممكن يخفف شوي والناس خصوصاً الأجانب بياخذون سيارات صغيرة

زيادة بدل التنقل بيطالبون بها الكل مب بس القطري .. وبعض المهن اللي رواتبهم 5000 وعليهم تكاليف عيشة قاسية شيسوون؟ بعضهم يتقاسمون السكن من زمان وعندهم تقشف قوي في المعيشة

[عين]

قرار سليم

[الدوحه1]

http://www8.0zz0.com/2016/04/28/17/284191384.jpg (https://www.0zz0.com)

[MAZEN37]

برميل النفط اليوم 46 دولار يعني اذا صار 100 دولار بيرتفع الدبل الله المستعان

[aloosh]

سؤال للجميع انت تبي الخير لبلادك ولا بتقعد تذمر وتشكى من اي خطوه تاخذها الدوله سنين وبنين وكل شي مدعوم
ايس بتسوي لو وقف نفط سؤال للجميع

خل يشيلون الدعم ويرفعون سعر مو مشكله علشان البلاد تهدا من الزحمه ولف في شوارع من غير هدف

يعني عط نفسك 40 سنه قدام يمكن لا يوجد نفط او اكتشف بديل متاح لكل دول العالم ايش وضعنا

ولا تفكرون ان الدوله بتاخذ ها الخطوه بدون دراسه

نفكر في الاجيال الجايه عيال عيالك

وعسى الله يديمها نعمه علينا ولا يغير علينا ما زلنا في نعمه اسوه با اغلب دول العالم

فاقولوا الحمدلله على نعمه الامن والعيشه المترفه

[<اضرب واشرد>]

اتخيل قطارنا متروس هالكثر مرة وعرق وروائح بيسحبون 3 من أذانيهم حتى يسكر الباب

بعض الشباب مايربط حزام السيارة، عشان لايتكسر ثوبه
بكرة بيقولون الـ Rail حق الأجانب ويعايرون فلان إذا شافوه راكب، حتى لو ماكان مزحوم..

[بوخميس]

سؤال للجميع انت تبي الخير لبلادك ولا بتقعد تذمر وتشكى من اي خطوه تاخذها الدوله سنين وبنين وكل شي مدعوم
ايس بتسوي لو وقف نفط سؤال للجميع

خل يشيلون الدعم ويرفعون سعر مو مشكله علشان البلاد تهدا من الزحمه ولف في شوارع من غير هدف

يعني عط نفسك 40 سنه قدام يمكن لا يوجد نفط او اكتشف بديل متاح لكل دول العالم ايش وضعنا

ولا تفكرون ان الدوله بتاخذ ها الخطوه بدون دراسه

نفكر في الاجيال الجايه عيال عيالك

وعسى الله يديمها نعمه علينا ولا يغير علينا ما زلنا في نعمه اسوه با اغلب دول العالم

فاقولوا الحمدلله على نعمه الامن والعيشه المترفه

اخوي تدري ليش التذمر

لان نشوف خطوة تدل ان في تفكير للمستقبل و 100 خطوة تدل ان في فلوس قاعدين يحرقونها

الحين عيال عيالي ايش بيستفيدون من بطولة هجن ولا بطولة طيور وحمام وتنس واسكواش وجمباز وكيرم ووووووووووووو إلخ

ما نشوف التصرفات منطقية عشان جذي بيستمر التذمر لين ما نشوف (خطة) واضحة (ومدروسة) و (معروضة) على المجتمع عشان يعرفون اللي لهم واللي عليهم

[محمد2]

زين اذا شلوا الدعم عن البترول بالذات للقطريين ،
انا اقترح يلغون بدل التنقل لأجانب العاملين بالدوله اسوةً بالمتقاعدين القطريين اللي ما تمشي لهم هالعلاوة ، في ظل ارتفاع سعر البترول والغاء الدعم عنه ،
او يسوون لنا تخصيص مثل التموين بالذات حنا المتقاعدين المتضررين من هالشي ،

[roma27]

يمكن بتخف الزحمه بعد هذا القرار

[رجل الجزيرة]

اخوي تدري ليش التذمر

لان نشوف خطوة تدل ان في تفكير للمستقبل و 100 خطوة تدل ان في فلوس قاعدين يحرقونها

الحين عيال عيالي ايش بيستفيدون من بطولة هجن ولا بطولة طيور وحمام وتنس واسكواش وجمباز وكيرم ووووووووووووو إلخ

ما نشوف التصرفات منطقية عشان جذي بيستمر التذمر لين ما نشوف (خطة) واضحة (ومدروسة) و (معروضة) على المجتمع عشان يعرفون اللي لهم واللي عليهم

إلي قاهرني مسابقة طيور الحمام.

[هبوب الكوس]

إلي قاهرني مسابقة طيور الحمام.

يمكن مع الزمن تنقطع الاتصالات ف بكون البديل الحمام الزاجل للتواصل
خطط مستقبليه

[قطري طموح]

اقول للمسؤلين عن هذا القرار خافوا الله في اهل قطر ..فيهم فقارى وفيهم متقاعدين وفيهم عجزه تراهم منا وفينا

[<اضرب واشرد>]

اقول للمسؤلين عن هذا القرار خافوا الله في اهل قطر ..فيهم فقارى وفيهم متقاعدين وفيهم عجزه تراهم منا وفينا

تقترح أخوي يحصل استثناء للمواطنين الفقارى (يستمر دعم البترول لهم؟) أنا معاك

[roma27]

اقول للمسؤلين عن هذا القرار خافوا الله في اهل قطر ..فيهم فقارى وفيهم متقاعدين وفيهم عجزه تراهم منا وفينا
المفروض عمل كوبونات مثل كوبونات التمويل

[طلعة الروح]

ماعلاقة كفاءة استخدام الطاقة بربط سعر البترول بسعر السوق العالمي

[ام روز]

كل ماادش قسم الحوار اكتئب

[راعي الكورفت]

توني مريت عند المحطه وسعر البترول نفس ماهو .

إنشاء الله خبر الزياده مجرد اشاعه :secret:

[.قطر.]

توني مريت عند المحطه وسعر البترول نفس ماهو .

إنشاء الله خبر الزياده مجرد اشاعه :secret:

اشاعه ها :taunt:
لا اسعار هالشهر ماتغيرت يمكن الشهر الجاي ترتفع او تنزل وهلم جرا كل شهر ننتظر الاسعار ترتفع ولا تنزل

[موظف ((حكومي]

مشكله ان قطر مصدره للنفط

[Faz]

انا اشوف لو تم تنفيذها مثل خطه السعوديه في الكهربا والماي برفع الدعم واعطاء الدعم لمن يستحقه كمبلغ شهري احسن

[عيون الدوحة]

سيكل للسائق للمشاوير القريبه دكان - خباز -
تشوف الدكان يبعد عن البيت كيلو السايق شغل الكروزر عشان يجيب علبتين بيبسي وكيس حب للعيال

[البرونزي]

انزين شسالفه الحين
نتمنى نزول سعر البترول ولا نتمنى ارتفاعه ؟؟
حيرتونا والله :secret:

[طلعة الروح]

انزين شسالفه الحين
نتمنى نزول سعر البترول ولا نتمنى ارتفاعه ؟؟
حيرتونا والله :secret:

نسأل اسئله منطقيه تنتظر رد أصحاب القرار والشأن
أما أن نجعل الردود في خانة الامنيات فليس هو لب المسأله
خاصة وان القرار مستحدث.

[المحاميه]

الحمدلله رب العالمين ..
ربكم بيحلها ..
وحكومتنا ماتقصر..

لاتذمرون رجاء ..

[ضوى]

سيكل للسائق للمشاوير القريبه دكان - خباز -
تشوف الدكان يبعد عن البيت كيلو السايق شغل الكروزر عشان يجيب علبتين بيبسي وكيس حب للعيال

تبين صج مترين ماتقدرين تمشين بالشارع بعز القايلة والا بشهر اغسطس والله الواحد ينشوي ، يارب تجيرنا من نار جهنم

[العنيده]

ان شاء الله خير لنا :)
الحمدلله دائما وابدا

[نفسي عزيزه]

الحمدلله شريت هولكس اربعه سلندر عيل :)

[طلعة الروح]

الحمدلله شريت هولكس اربعه سلندر عيل :)

يعطيج خيرها ويكفيج شرها..

[نفسي عزيزه]

الله يرحم والديك

[بوخالد911]

بيقوم سوق بو 4 سلندر.