استفسار عن بلاط الحووش

[كود نمبر]

السلام عليكم
اخواني حبيت استفسر عن بلاط الحوش وين المحلات الي بحصل عندها
البلاط المربع الي مقاسه تقريبآ*40في40سم

[معماري قطري]

السعودي والاماراتي زين ومصنع من خامة جيدة .. القطري حتى الانترلوك مصنع من البودرة الجيرية ويتحلل بسرعة .. شوف قرب محطة بترول عزيز فيه محلين نسيت اسمهم

[باراكودا]

وعليكم السلام ورحمة الله
طلبك متوفر عند شركة بيت الأحساء
العنوان: طريق سلوى بجوار محطة بترول عزيز
الدوحة -

[(عبدالله)]

عند محطة بترول عزيز على طريق سلوى

روح بيت الأحساء :nice:

ولا تروح تيماء :anger1: .. شغلهم تعبان جداً جداً في توريد المواد.. ل 5 أسباب من تجربتي معاهم:

(1) التأخير والمماطلة: طلبت من عندهم بلاط حق المخزن + بلاط حوش اماراتي + جرانيت هندي (بالإضافة إلى تقطيع الجرانيت) .. في فترة توريد ما تزيد عن 45 يوم بالكثير.\
تأحرلأكثر من 3 شهور

(2) ياخذون المبلغ كامل مقدماً.
(3) ما يعطونك فاتورة مفصلة بالمواد او عقد او اتفاقية.. مجرد إيصال بالمبلغ المدفوع بدون أي تفاصيل في الايصال (عشان ما تقدر تشتكي عليهم).
(4) حاولوا يحتالون علي، بعد ما دفعت وتم توريد المواد وتوصيلها البيت، اتصلوا فيني قالوا في 8 الالف ريال باقية علي أجور التقطيع!! لا يا شيخ!!
(5) بلاط الحوش صناعة إماراتية لكن التوصيف اللي طلبوه ما نفع عندي في البيت، صار لي مركبهم 6 شهور وبدأ البلاط يتنتف ويتكسر!!.


واذا تبغي احسن منهم.. روح العاصمة في بروة بوهامور عندهم عرض للبلاط الشعبي + بلاط كسر رخام

والله يوفقك

[Qt.1]

وعليكم السلام ورحمة الله
طلبك متوفر عند شركة بيت الأحساء
العنوان: طريق سلوى بجوار محطة بترول عزيز
الدوحة -

نعم مافي غيرهم وخذ بلاط اماراتي الحمدالله مركبه شكله حلو ونقشته ممتازه ومايزلق ,,

[معماري قطري]

نعم مافي غيرهم وخذ بلاط اماراتي الحمدالله مركبه شكله حلو ونقشته ممتازه ومايزلق ,,

انا مركب الناعم حتى يسهل غسله .. وسويت له تنظيف بحك طبقة بالغريندر وطلع كنه جديد بس المشكلة ماينا كله أملاح ويبقع

[العملة النادرة]

بيت الاحساء ... بالقرب من محطة عزيز

[MAZEN37]

الرخام والجرانيت شارع 2

[كود نمبر]

السلام عليكم
يعطيكم العافيه جميع مريت على بيت الأحساء عنده تشكيلات حلوه شي أملس وشئ محفر
واسعارهم متقاربه 45/42 للمتر المربع مع أني حصلت رجال قال لي أخذهم من الحساء بنصف السعر

سوْال اذا بوفر جميع الأغراض التركيب شغل اليد كم سعره ولا هنتو

[معماري قطري]

السلام عليكم
يعطيكم العافيه جميع مريت على بيت الأحساء عنده تشكيلات حلوه شي أملس وشئ محفر
واسعارهم متقاربه 45/42 للمتر المربع مع أني حصلت رجال قال لي أخذهم من الحساء بنصف السعر

سوْال اذا بوفر جميع الأغراض التركيب شغل اليد كم سعره ولا هنتو

حدد طريقة التركيب وتفاصيلها بعدين اسئل شكثر يستهلك مونة للمتر وكم تكلفة التركيب للمتر هذي تختلف من شخص لشخص ومقاول لمقاول حسب شروط ومواصفات وطريقة التركيب .. بعدها اضرب الوحدة عندك بالمتر في المساحة الكلية وتطلع عندك التكلفة

عندك شغلات اضافية مثل الفواصل للتمدد ودفان ودك بعض المناطق ويمكن يحتاج دفان المنطقة كلها وهذي حسبتها غير

لو تبي صبية خرسانة تحت بعد غير وحسب مواصفات وسمك الصبية

[معماري قطري]

حتى المونة بعضها طبقة خفيفة والعبوة تغطي 10 أمتار وبعضها مترين .. المونة بين البلاط أو القراوت حسب الفراغ عندك وبعضها ما تنفع للفراغ البسيط بسبب وجود حبات كبار صعب تدخل الفراغ وبعضها ما تنفع لفراغ 4 ملم بسبب ما تتماسك وتتكسر وتتفتت وتطلع

[بوحارب]

مافيه احلى من الأنترلوك بس يبيله واحد شاطر يركبه

[معماري قطري]

مافيه احلى من الأنترلوك بس يبيله واحد شاطر يركبه

فيه قواعد له بلاستيكية تتركب على خرسانة ويكون مرتفع شوي وتحته يمشي الماي وتصريفه سريع .. يتركب بدون مونة نهائياً وعمره ما ينزل وتغييره سهل

[بوحارب]

فيه قواعد له بلاستيكية تتركب على خرسانة ويكون مرتفع شوي وتحته يمشي الماي وتصريفه سريع .. يتركب بدون مونة نهائياً وعمره ما ينزل وتغييره سهل

اول مره اسمع بالطريقة الفنانه هذي !

بس شكلها خطيرة :)

تصدق انا توني شايل الأنترلوك من بيتي ورجعت ركبته مره ثانية

لأن انصب علي المره الأولى وكان التركيب اي كلام. :(

هذا الشي الوحيد اللي نكبني في البنيان

[معماري قطري]

اول مره اسمع بالطريقة الفنانه هذي !

بس شكلها خطيرة :)

تصدق انا توني شايل الأنترلوك من بيتي ورجعت ركبته مره ثانية

لأن انصب علي المره الأولى وكان التركيب اي كلام. :(

هذا الشي الوحيد اللي نكبني في البنيان

كان أسهل شيء تسوي صبية تحت وتركب الانترلوك فوقها .. الدفان يتغير مع الزمن ويصير هبوط مهما كان قوي والبودرة تنتفخ من الماي تكلفة الخرسانة في محلها

[بوحارب]

كان أسهل شيء تسوي صبية تحت وتركب الانترلوك فوقها .. الدفان يتغير مع الزمن ويصير هبوط مهما كان قوي والبودرة تنتفخ من الماي تكلفة الخرسانة في محلها

لا لا مب وقته هالكلام يا بش مهندس :(


دافع عشرين الف حق صيانة الأنترلوك بس :(

[معماري قطري]

لا لا مب وقته هالكلام يا بش مهندس :(


دافع عشرين الف حق صيانة الأنترلوك بس :(

الصبية مع الفايبر بدون حديد تكلفك حول 50 ريال للمتر المربع بسمك 10 سم ونصيحتي دوم للكل .. إنت خلصت والله يوفقك بس اللي ما بدأ يشتغل يسوي هذي الطريقة

[بوخالد911]

ومنكم نستفيد.

[F.A1]

فيه قواعد له بلاستيكية تتركب على خرسانة ويكون مرتفع شوي وتحته يمشي الماي وتصريفه سريع .. يتركب بدون مونة نهائياً وعمره ما ينزل وتغييره سهل


ممكن الطريقة او مقطع فيديو او صورة للتوضيح اكثر .

عجبتني الفكرة وبما اني بسوي صيانه للبيت وتغييرات مراح اغير الانترلوك بسوي طريقتك ذي افضل
بس ياليت توضح لنا اكثر شلون او اذا عندك مقطع فيديو تنورنا فيه اكثررر جزاك الله خير .

[معماري قطري]

ممكن الطريقة او مقطع فيديو او صورة للتوضيح اكثر .

عجبتني الفكرة وبما اني بسوي صيانه للبيت وتغييرات مراح اغير الانترلوك بسوي طريقتك ذي افضل
بس ياليت توضح لنا اكثر شلون او اذا عندك مقطع فيديو تنورنا فيه اكثررر جزاك الله خير .

هي إخوي عدة أنواع وطرق وحسب الصناعة .. عندنا في قطر ما ادري من يسويها بس اتوقع الشركات الزراعية عندها الحلول .. لأن جانا مسوق قبل من شركة الثلاثي ومن شركة عمانية كذلك يشتغلون للحكومة ويسون خاص للي يبغي .. من الطرق اعادة استخدام مياه المطر وتحزينها في خزانات تحت الأرض للزراعة .. وكذلك تخزين فائض مياه الري بعد جمعها من تحت الأرض للزراعة كذلك

هذا مقطع يوضح تكنولوجيا للطرق والشوارع


https://www.youtube.com/watch?v=JOIM2yR_B6k

[معماري قطري]

وهذا نوع ثاني ممكن نستخدم فيه رمل مخلوط بشوية طين ونزرع عليه عشب ويكون قوي لدوس السيارات وشكله حلو بالعشب والعشب يطلع بسهولة .. وممكن تحت القماش الخاص الأبيض والممر للماء تكون بايبات بفتحات لتصريف المياه الزايدة

هنا حطوا كنكري بركاني مثل القابرو أو نوع من القابرو لدوس السيارات ويستوي مثل الشارع قوي


https://www.youtube.com/watch?v=JathnLplgnw

[معماري قطري]

وهذا نوع ثاني .. بس الشيء المهم هو لو الأرض ضعيفة وهذا الحال موجود عندنا لازم نقويها بصبية خرسانة .. ونظام التصريف اللي تحت البلاط يحتاج تصميم أو حسب مواصفات المُصَنع للنظام


https://www.youtube.com/watch?v=T9Q_Qmwuezw

[معماري قطري]

وهذي طريقة ثانية وشوي معقدة .. ومؤكد ما نحتاجها المطر قليل وأكيد مكلفة بس للتوضيح


https://www.youtube.com/watch?v=3wyYHXo7Iqw

[معماري قطري]

وهذا نوع غير وكلها تعطي قوة وترابط أكثر للانترلوك


https://www.youtube.com/watch?v=m_1Um4ZVK-g

[معماري قطري]

النوع اللي كنت ادوره هو ذيه يصلح للانترلوك المستطيل مب المتموج ولازم يتركب على صبية خرسانية


https://www.youtube.com/watch?v=HP27v4w0upY

[hamadazoz]

عندك مركز الرخام والجرانيت بلاط صناعة الدوحة مع كسر الرخام عجيب صراحة احسن من الاماراتي و السعودي الموقع الصناعية شارع 4 وعندك في بروة

[معماري قطري]

عندك مركز الرخام والجرانيت بلاط صناعة الدوحة مع كسر الرخام عجيب صراحة احسن من الاماراتي و السعودي الموقع الصناعية شارع 4 وعندك في بروة

أحسن كشكل لكن عيب اللي عندنا صناعته غش ولا اتمنى اقول هالشيء .. لا إنترلوك ولا بلاط غالبيته محشو بودرة ويبين بعد فترة من الاستعمال .. يصلح للاستعمال تحت السجاد ممكن

[hamadazoz]

أحسن كشكل لكن عيب اللي عندنا صناعته غش ولا اتمنى اقول هالشيء .. لا إنترلوك ولا بلاط غالبيته محشو بودرة ويبين بعد فترة من الاستعمال .. يصلح للاستعمال تحت السجاد ممكن

اتمنى تشوفة لانه يستاهل صلب وصناعتة زينة راح تغير رايك فيه

[معماري قطري]

اتمنى تشوفة لانه يستاهل صلب وصناعتة زينة راح تغير رايك فيه

اقول لك عن عدة مشاهدات وتجربة .. صج أول ما تشتريه يكون جيد بعدين يبدأ يتحلل بسبب كثرة الأملاح .. حتى الانترلوك كثير مغشوش عندنا والحكومة احتدت تستعمل النوع الغرانيتي المستورد بسبب رداءة الموجود

وربعنا طول ما هم يستخدمون ماي كله كلور ومواد أولية كلها أملاح وجير الطابوق وايد عليهم وأغلبه ضعيف