الحمد لله .. ابني يصلي

[الحياة الخالدة]

السلام عليكم و رحمة الله و بركاته
صبحكم / مساكم الله بالخير
الصلاة عمـــــود الدين
و طبعاً كلنا نفرح و نفتخر بكون عيالنا يصلون ( حتى لو أحياناً نقعد نحن عليهم ) .. و ندعي لهم دوم بالثبات و الصلاح
لكن كم واحد / وحدة منا شاف ولده أو بنته شلون يتوضأ للصلاة و يؤديها .. عشان يتأكد إنهم يسوون هالشي على الطريقة الصحيحة
أغلب الأحيان نسألهم صليتوا .. و يقولون نعم صلينا .. و بالفعل يكونون راحوا و صلوا .. لكن ما ندري كان الوضوء و الصلاة على أي كيفية

هل علمناهم احنا .. و تأكدنا من أنهم تعلموا عدل ؟؟ و الا اعتمدنا على أنهم تعلموا من المدرسة .. و الا من أي مكان ثاني

تسعدني مشاركتكم .. و تحياتي للجميع

[Dana’1]

وعليكم السلام والرحمه
صباح النور

الحمدلله شخصيا علمت بنتي طريقة الوضؤ والصلاة وكان أكثر شي تغلط فيه السجود ترفع الاصابع او تلعب بها مره تحت ومره فوق وهي ساجده فهمتها الطريقه الصحيحه
وخليتها تشوف المقاطع والصور بهالخصوص
طبعا والمدرسة ماقصرت والمنهج جدا ووواضح من الطهاره واقسامها وشروطها ومن ثم الصلاة اركانها وواجباتها

والله يغفر لنا اخطائنا وتقصيرنا آمين يارب العالمين

[طائر النورس]

ألف ألف شكر للأخت الكريمة....وقد وضعت يدها بالفعل على الجرح

الله المستعان

[رجل الجزيرة]

عيالنا يصلون بس في المجالس والبيوت بس الله يصلحهم.

[ضوى]

موضوع راقي مثل صاحبته

ايه حبيبتي انا علمتهم الصلاة ، كنت اصلي بصوت عالي في اوقات الصلاة عشان يركزون وعقب اعيد الصلاة بروحي ومدري يجوز هالشي والا لا عسى الله يغفر لنا اذا مب عدل هالشي ويتجاوز عنا والوضوء بعد علمتهم لكن الشهادة لله المدارس بعد علمتهم يعني دور تتباعي وتكاملي البيت مع المدرسة يمكن المدرسة نظري والبيت تطبيقي بس ان شاء الله انه رسخ

[راعي الكورفت]

شيء جميل تعليم الأبناء الصلاه لكن يجب على الوالدين تحبيبهم بالصلاه بدل غصبهم عليها .

عندما تحببونهم بالصلاه سيقوم الولد بالصلاه بنفسه من دون توجيه احد اما بالغصب والهواش فسترين ان الأبناء سيقومون مكرهين لها وسيصلون رياء لكي يسكتوا ابويهم عن الحنه فوق رؤوسهم.

والرسول صلى الله عليه وسلم قال : (علموهم لسبع واضربوهم لعشر).

تقبلوا مروري.

[بريق الحق]

قمت اشوف شباب بعمر الزواج مايعرفون يصلون الله يغفر لهم ويصلحهم
مرات اشوف الي جمبي عنده بعض الاخطاء احاول أعدلها بذات الهنود مساكين
والله ياناس لازم نجتهد على الاقربون والاخوان
قبل فتره جفت واحد معاي فالشغل طلع مسلم لكن مايعرف يصلي ولا يتوضى كلش زعلت على الشخص الي قاعد احذاه قلت له حرام عليك قاعد جمبه ولا مره سئلته وعلمته
الله يسامحنا على تقصيرنا

[بانغ بانغ]

جزاك الله خير عالموضوع

احيانا الفرجان اللي كلها حفريات وسيارات .... ما تشجع الواحد يطلع مع اعياله ايصلي في المسيد لو بعيد

اما بخصوص الصلاة ... طبعا اجرجر عيالي وراي وحتى الصغار بو ثلاث سنين صج ايصلون خرابيط بس اشوي اشوي يتعلمون

[بومحمد المطاوعه]

جزاكي الله خير الجزاء

موضوع طيب

راجع ان شاءالله للموضوع المهم في حياتنا

تحياتي

[الحياة الخالدة]

وعليكم السلام والرحمه
صباح النور

الحمدلله شخصيا علمت بنتي طريقة الوضؤ والصلاة وكان أكثر شي تغلط فيه السجود ترفع الاصابع او تلعب بها مره تحت ومره فوق وهي ساجده فهمتها الطريقه الصحيحه
وخليتها تشوف المقاطع والصور بهالخصوص
طبعا والمدرسة ماقصرت والمنهج جدا ووواضح من الطهاره واقسامها وشروطها ومن ثم الصلاة اركانها وواجباتها

والله يغفر لنا اخطائنا وتقصيرنا آمين يارب العالمين

هلا أختي ديور
يزاج الله خير على اهتمامج بتعليمها الطريقة الصحيحة
سواء بالتعليم المباشر و الاشراف عليها أو أنج تراوينها المقاطع أو الكتيبات و الصور التوضيحية
المنهج المدرسي ممكن يكون فيه الكثير لكن إشراف الأهل جداً مهم للتأكيد و الاطمئنان على أن كل شي يتم على أكمل وجه

الله يغفر لنا ولكم

[الحياة الخالدة]

ألف ألف شكر للأخت الكريمة....وقد وضعت يدها بالفعل على الجرح

الله المستعان

الشكر لله ثم لكم على تشريفكم الموضوع
حياكم الله

[زمن الغربة]

نعم أختي الحياة الخالدة للأسف بعض الآباء والامهات مقصرين في حق ابنائهم من ناحية تعليمهم الوضوء الصحيح والطريقة الصحيحه للصلاة...من مدة زارني واحد من قرايبي ومعاه عياله الاثنين الكبير فالاعدادي شفت وضوءه وقلت لا حول ولا قوة الا بالله...الوضوء اي كلام فما بالك بالصلاة...يا ليت نسوي حق عيالنا مثل اللي في الفيديو ههههه
https://m.youtube.com/watch?v=Cn6VaytQqqA

[الحياة الخالدة]

عيالنا يصلون بس في المجالس والبيوت بس الله يصلحهم.

الله يصلحهم و يهديهم و يثبتهم

[الحياة الخالدة]

موضوع راقي مثل صاحبته

ايه حبيبتي انا علمتهم الصلاة ، كنت اصلي بصوت عالي في اوقات الصلاة عشان يركزون وعقب اعيد الصلاة بروحي ومدري يجوز هالشي والا لا عسى الله يغفر لنا اذا مب عدل هالشي ويتجاوز عنا والوضوء بعد علمتهم لكن الشهادة لله المدارس بعد علمتهم يعني دور تتباعي وتكاملي البيت مع المدرسة يمكن المدرسة نظري والبيت تطبيقي بس ان شاء الله انه رسخ

تسلمين أختي ضوى
و هذا اللي أقصده .. أن احنا نعلمهم و نتأكد من الطريقة اللي يتوضون و يصلون بها
أغلب اليهال من صغرهم لما يشوفون الأم و الأب يصلون يجون جنبهم عشان يصلون معاهم .. لكن بعض الآباء/ الامهات ما يخلونهم .. على أساس إنهم بيشاغبونهم و ما بيعرفون يصلون عدل
و طبعاً ما نغفل دور المدرسة و المدرسين في التعليم و التوجيه في مثل هالأمور

ربي يصلح الجميع

[الحياة الخالدة]

شيء جميل تعليم الأبناء الصلاه لكن يجب على الوالدين تحبيبهم بالصلاه بدل غصبهم عليها .

عندما تحببونهم بالصلاه سيقوم الولد بالصلاه بنفسه من دون توجيه احد اما بالغصب والهواش فسترين ان الأبناء سيقومون مكرهين لها وسيصلون رياء لكي يسكتوا ابويهم عن الحنه فوق رؤوسهم.

والرسول صلى الله عليه وسلم قال : (علموهم لسبع واضربوهم لعشر).

تقبلوا مروري.

على نبينا أفضل الصلاة و السلام
كلامك في غاية الأهمية أخوي .. تحبيبهم في الصلاة و بيان أهميتها و دورها في حياتنا
ما نغصبهم أكيد .. لكن لا بد من الاستمرار في التذكير و جذبهم إلى أداء الصلوات في وقتها بشتى الوسائل مع التركيز على ضرورة القدوة .. يعني ما نأمرهم بالصلاة و المحافظة عليها .. و احنا متساهلين فيها ولا نؤديها في وقتها

حياك الله أخوي

[الحياة الخالدة]

الله يغفر لنا و يعفو عنا

http://c.top4top.net/m_124j6pj0.mov

[الحياة الخالدة]

قمت اشوف شباب بعمر الزواج مايعرفون يصلون الله يغفر لهم ويصلحهم
مرات اشوف الي جمبي عنده بعض الاخطاء احاول أعدلها بذات الهنود مساكين
والله ياناس لازم نجتهد على الاقربون والاخوان
قبل فتره جفت واحد معاي فالشغل طلع مسلم لكن مايعرف يصلي ولا يتوضى كلش زعلت على الشخص الي قاعد احذاه قلت له حرام عليك قاعد جمبه ولا مره سئلته وعلمته
الله يسامحنا على تقصيرنا
صح كلامك أخوي بريق .. الله يغفر لنا و لهم
ويا كثر اللي ما يعرفون يصلون من شباب و بنات .. والا يصلون بس بطريقة غلط

جزاك الله خير

[الحياة الخالدة]

جزاك الله خير عالموضوع

احيانا الفرجان اللي كلها حفريات وسيارات .... ما تشجع الواحد يطلع مع اعياله ايصلي في المسيد لو بعيد

اما بخصوص الصلاة ... طبعا اجرجر عيالي وراي وحتى الصغار بو ثلاث سنين صج ايصلون خرابيط بس اشوي اشوي يتعلمون

الله يحفظ عيالك و يبلغك فيهم .. و تعليم الأبناء الصلاة على الوجه الصحيح فيه من الأجر الكثير .. لأنهم بيكتسبون هذا العلم لبقية حياتهم

[الحياة الخالدة]

جزاكي الله خير الجزاء

موضوع طيب

راجع ان شاءالله للموضوع المهم في حياتنا

تحياتي

أجمعين أخوي بومحمد
بانتظار عودتك بارك الله فيك

[الحياة الخالدة]

نعم أختي الحياة الخالدة للأسف بعض الآباء والامهات مقصرين في حق ابنائهم من ناحية تعليمهم الوضوء الصحيح والطريقة الصحيحه للصلاة...من مدة زارني واحد من قرايبي ومعاه عياله الاثنين الكبير فالاعدادي شفت وضوءه وقلت لا حول ولا قوة الا بالله...الوضوء اي كلام فما بالك بالصلاة...يا ليت نسوي حق عيالنا مثل اللي في الفيديو ههههه
https://m.youtube.com/watch?v=Cn6VaytQqqA

سبحان الله .. بوسائل بسيطة ممكن نوصل للي نبيــــــه .. بس تنقصنا الإرادة و التطبيق
جزاك الله خير أخوي