عمارة سكنية قمة في الاهمال

[CaTaLuNy]

السلام عليكم ورحمة الله وبركاته..

يا اخوان في موضوع من زمان والله ودي اكتبه هنا محتاج مشورتكم بس كل مرة اتردد لانه اللي اكبر مني عجزوا يوصلون لحل لهالسبب كنت اهون اطرح هالموضوع في كل مرة.. انا ساكن مع اهلي في عمارة سكنية العمارة انبنت سنة 2010 يعني يادوب لها 6 سنوات بس العمارة كانت تلمع لمع بس والله العظيم اللي يشوفها الحين حالتها ماتسر ابدا تقول لها 30 سنة من شدة الاهمال اللي وصلت له لدرجة في ناس تركوها بعد ما فقدوا الامل.. المسؤول عن العمارة عربي الجنسية ومع الاسف من نوع "لا ابالي" بارد جدا للاسف وهاملها لاقصى درجة جربناه في كثير حالات ومايحرك ساكن الا ماندر.. يعني السلم في كل دور على سبيل المثال اذكر اول ما نقلنا للعمارة والله كان يلمع، هذاك اليوم شوفته حق صاحبي قالي وين مسؤول العمارة هذي مو بس وصاخة هذي تأثر عالصحة وتسبب امراض وتجمع حشرات وقالي حتى الفيران راح تتجمع مع الوقت قالي كلم صاحب العمارة المهم قعدت اشرحله انه ماكو فايدة والمسؤول مايحرك ساكن وهاملها من كل النواحي والخدمات، طلب مني اشتكي عند البلدية..


انا فكرت في كلام صاحبي وقلت اروح البلدية بس هونت لان ناس اكبر مني بما فيهم ابوي بعد ماقدروا يلاقون صرفة حق هالموضوع فقلت انا اكيد ما راح اقدر اسوي شي.. السبب يااخوان في عائلة معانا بالعمارة كلمت المسؤول العربي عساس تعاتبه على اهماله للعمارة وطلبوا منه يتصرف او يروحون للبلدية تدرون شنو قال لهم؟ رد عليهم (اللي مو عاجبه الوضع يطلع من العمارة) يعني العوائل هونت تشتكي بعد ماعرفوا بهالسالفة وغسلوا ايديهم.. و الباركنج الارضي اكلته النفايات والسلم نفس الشي والمصاعد دائما تخرب وعاد انطر لما يتصلحون..

هذي كلها ممكن تهون يا اخوان الاعظم من كل هذا انه التانكي حق الماي انكسر من يومين وهذي مو اول مرة تصير وكلمنا المسؤول اول ما انكسر وقلناله يتصرف بسرعة عساس ماينقطع علينا الماي وما سوى اي شي ولا حرك ساكن... اكلمكم انا حاليا والماي مقطوعة من صباح الله خير يعني انا شاب ممكن ادبر وضعي اروح عند الشباب لبين ماتنحل المشكلة بس والله حرام العمارة فيها اطفال والماي مقطوعة عليهم المساكين..

واعتذر ادري طولت عليكم بس والله حيرة يا جماعة الخير الواحد مايدري شنو يسوي، يعني في عمارة قدامنا كلها اسيويين الله وكيلكم يمكن كل اسبوع يجوهم صيانة وعمال تنظيف وحنا اللي ماسكها يادوب يتصرف حرام والله هالشي هذا يصير بديرة مثل قطر

[مرتبش]

المسؤول عن العمارة لو اشتكوا عليه بيتحول لشخص اخر تماما. هذي حركاتهم وبعض الملاك يبون كل شي على المستاجر

[qatari911]

المسؤول عن العمارة لو اشتكوا عليه بيتحول لشخص اخر تماما. هذي حركاتهم وبعض الملاك يبون كل شي على المستاجر

عليك نور الله يجزاك خير
في بعض الملاك يبي كل شي على المستاجر
ومايبي يدفع شي بس يبي ياخذ

\
ونصيحتي لك ياصاحب المشكله
جيب لك هندي 50 او 100 ريال ينظف الدرج الي لكم
وروح واشتكي على المسؤول وعلى المالك

[qatari 111]

الموضوع بسيط جدا
المفروض انتوا سكان العماره تبادرون بتنظيف السلم كل طابق يتحمل تنظيف الدرج من الوصاخه والخبار .
وخزان الماي تدفعون حطيه وتاخذون جديد او صيانه واخصموا من الاجار .
ومواقف السيارات كل اسبوع تجيبون عاملين نظافه وتخصمون من الاجار واموركم طيبه
ولكن في حالة عقد الاجار اذا مكتوب ان صاحب العماره مايتحمل اللي ذكر اعلاه فالمفروض سكان العماره هم اللي يتحملون .

[BoFahed]

الموضوع بسيط جدا
المفروض انتوا سكان العماره تبادرون بتنظيف السلم كل طابق يتحمل تنظيف الدرج من الوصاخه والخبار .
وخزان الماي تدفعون حطيه وتاخذون جديد او صيانه واخصموا من الاجار .
ومواقف السيارات كل اسبوع تجيبون عاملين نظافه وتخصمون من الاجار واموركم طيبه
ولكن في حالة عقد الاجار اذا مكتوب ان صاحب العماره مايتحمل اللي ذكر اعلاه فالمفروض سكان العماره هم اللي يتحملون .

صادق اخوي قطري

نصيحه اخوي صاحب الموضوع اذا عندك عقد نظامي وموثق حط اصبعك في عيون المؤجر واطلب منه هذا لازم عليه او اخصم عليه وصور المخالفات والقذاره واشتك عليه ما يقدر يسويلك شي او يطلعك الا بحكم المحكمه

اما اذا انتو ماجرين منه بالباطن او بدون عقد رسمي ما عندكم حل الا تتعاونون وقطية بينكم لعمال النظافه والصيانه لازم تجتمعون

عينو شخص بين سكان العماره يكون مسؤول عن التعاقد مع العمال

[Riku3]

ليش ما تتوجهون لصاحب العمارة .. وبعدها لو العقد يحط الصيانة على صاحب العقار ارفعوا الموضوع للمحاكم .

واسهل حل مع نهاية العقد اطلع .. في شقق كثيرة فاضية والعمارات فيها صيانة وحماية وترفيه وبنفس الاسعار .. وش حادك على الهم .

[بصمة قطرية]

الصيانه على المالك هالشي ما يبي له كلام ..
بس النظافة على السكان ..
ما يصير المالك يجيب ناس ينظفون ..!!
لو كل واحد إهام بنظافة الدور اللي هو فيه
ما أعتقد بتتجمع الوصاخة والحشرات ..
لكن مسألة الصيانه معاك لازم المالك بتكفل فيها ..

[MAZEN37]

اقترح يكون في رسوم رمزيه تدفع للناطور عن كل شقه تعاون داخلي بين السكان الله يعينكم على هالاشكال

[النهار]

البلديه فالحين علي المطاعم يالله شدو حيلكم دور مثل هذي الاماكن
انزين وين دور ادارة البيئه لمثل هذي المواضع تشويه للمنظر العام + تراكم القمامه + القذاره وماتحمله من امراض وانتشار للقواض والحشرات ؟؟؟؟؟؟

[CaTaLuNy]

يا اخوان العقود كلها نظامية ومافيها اي شي.. اوكي نمشيها موضوع النظافة حق كل دور هذي مانختلف مو شغل الرجال، طيب المصاعد اللي تخترب وتوقف عالناس هذي من المسؤول عنها مثلا؟ المشكلة ماهي مشكلة فلوس ترى دائما احنا اللي نتكفل بهالموضوع وكل شي على حساب اهل العمارة نصلحه بس مثلا لما المكيفات المركزية تخترب او يخلص الغاز او تعطل المصاعد يفترض يكون في صيانة مستمرة... والاخوان اللي يقولون نسوي قطية عالتانكي شدعوة عاد شنو ذنب اهل العمارة يدفعون حق خزان ماي عملاق؟ اوكي نفترض كل واحد يقط ترى التانكي حجمه 5000 لتر تانك عملاااق ويغذي عمارة كاملة هذا لو افترضنا الواحد جاب حقه من وين بالله الواحد يعرف يجيب تانكي جديد؟ اذا مسؤول العمارة نفسه مو راضي يدلنا على ناس نكلمهم يصلحونه ولا يحرك ساكن... الشكوى لله والحمدلله على كل حال العمارة للاسف اتوقع خلال سنة سنتين بالكثير تصير مهجورة للاسف..

[CH Engineer]

جربوا أنكم ماتدفعون الايجار الشهر الجاي

[qatari 111]

يا اخوان العقود كلها نظامية ومافيها اي شي.. اوكي نمشيها موضوع النظافة حق كل دور هذي مانختلف مو شغل الرجال، طيب المصاعد اللي تخترب وتوقف عالناس هذي من المسؤول عنها مثلا؟ المشكلة ماهي مشكلة فلوس ترى دائما احنا اللي نتكفل بهالموضوع وكل شي على حساب اهل العمارة نصلحه بس مثلا لما المكيفات المركزية تخترب او يخلص الغاز او تعطل المصاعد يفترض يكون في صيانة مستمرة... والاخوان اللي يقولون نسوي قطية عالتانكي شدعوة عاد شنو ذنب اهل العمارة يدفعون حق خزان ماي عملاق؟ اوكي نفترض كل واحد يقط ترى التانكي حجمه 5000 لتر تانك عملاااق ويغذي عمارة كاملة هذا لو افترضنا الواحد جاب حقه من وين بالله الواحد يعرف يجيب تانكي جديد؟ اذا مسؤول العمارة نفسه مو راضي يدلنا على ناس نكلمهم يصلحونه ولا يحرك ساكن... الشكوى لله والحمدلله على كل حال العمارة للاسف اتوقع خلال سنة سنتين بالكثير تصير مهجورة للاسف..

انت ليش معقد ومكبر السالفه اي شي تسوونه فالعماره اخصموا من الاجار ولا تعور راسك

[بصمة قطرية]

يا اخوان العقود كلها نظامية ومافيها اي شي.. اوكي نمشيها موضوع النظافة حق كل دور هذي مانختلف مو شغل الرجال، طيب المصاعد اللي تخترب وتوقف عالناس هذي من المسؤول عنها مثلا؟ المشكلة ماهي مشكلة فلوس ترى دائما احنا اللي نتكفل بهالموضوع وكل شي على حساب اهل العمارة نصلحه بس مثلا لما المكيفات المركزية تخترب او يخلص الغاز او تعطل المصاعد يفترض يكون في صيانة مستمرة... والاخوان اللي يقولون نسوي قطية عالتانكي شدعوة عاد شنو ذنب اهل العمارة يدفعون حق خزان ماي عملاق؟ اوكي نفترض كل واحد يقط ترى التانكي حجمه 5000 لتر تانك عملاااق ويغذي عمارة كاملة هذا لو افترضنا الواحد جاب حقه من وين بالله الواحد يعرف يجيب تانكي جديد؟ اذا مسؤول العمارة نفسه مو راضي يدلنا على ناس نكلمهم يصلحونه ولا يحرك ساكن... الشكوى لله والحمدلله على كل حال العمارة للاسف اتوقع خلال سنة سنتين بالكثير تصير مهجورة للاسف..


الصيانة غصب يتحملها إنتو ما تدفعون ريال ..
شوفوا الجهة المسؤولة و قدموا شكوى ..

[partyQtr]

الصيانة غصب يتحملها إنتو ما تدفعون ريال ..
شوفوا الجهة المسؤولة و قدموا شكوى ..

من قال ؟؟؟ المالك مايرضى لا يعدل شيء ولى ينخصم الأجار

[معماري قطري]

بعض العمارات صغيرة لعدد يقل عن 10 شقق ويفترض سكان البناية نظيفين وما يرمون شيء على السلم .. دخلت سلم حق شقتين اعتقد تابعين لمصرف الريان .. لا ريحة معقولة ولا نظافة غبار وأعقاب سجاير ومؤكد من المراجعين واللي يشتغلون .. المالك يبني ويأجر وواجب المستأجرين يعتنون بسكنهم ما يوصخون ويخربون ويقولون للمالك تعال صلح

الهنود يجتمعون ويعينون حد ينظف ويرتب وانا مجرب هالشيء

اللي لازم تلتفت له البلدية بعض العمارات جهة الجار واللي بيكون ملاصق تكون بدون صبغ ولا بلاستر طابوق مكشوف ومنظر مقزز هذي لازم يلتفتون لها ويأمرون مالكها على الأقل بصبغها .. فيه وحدة في السد واضحة وعلى الشارع

[hitham14]

ممكن البلدية تفرض رسوم 5 ريالات كل شهر علي كل شقة أو فيلا للنظافة وتكون في شركات نظافة قوية