حصل معي في الويك اند..

[qatarman8008]

..
السلام عليكم..
كنت مسافر لدولة خليجية.. وفي المطار يجيني ايميل من بوكنج لقد تم الغاء حجز الفندق..:eek5:
واتصال سريع للفندق ليش الغيتوا الحجز؟؟ :anger1:
قال لي بالغلط لكن باثبت لك الحجز وتعال..
رحت الفنق حصلت شفت ثاني الا يقولون لي حجزك مكنسل.. :eek5:
ايه بس انا كلمت موظفكم هنيه وقال انه موجود.. :eek5: ممكن تطلع لي تسجيل المكالمة.. ؟؟ قال لا..
طبعا وانا قاعد جات مواطنة من ذيك الدولة وسالت عن حجز شي نفس اللي انا كنت حاجزه واتضح لي انهم زادوا السعر ثلاثمية ريال..
الحين فهمت عشان كذا كنسلوا حجزي..
بغيت اضرب المدير ضرب ولكني ترددت لسببين..
الاول ان هلي معاي في السيارة ويمكن توصل شرطة ومحاكم..
الثاني انه ضخم.. حجمه يمكن اربعه في ثمانية..
المهم رحت فندق ثاني.. فخم جدا..
قلت للموظف قووود موووورننق لان كانت الساعة تعدت اثناعش الليل.. قال قوود ايفننق المهم ماعلينا..
موظف الفندق رجل ناعم جدا جدا وشعره كثيف جدا مافيه ولا شعره تساقط الله لا يوفقه..
في عندكم غرف..؟؟ قال انت اش تبي في عندنا غرف وفيه شقق قلت ابي شقة بغرفتين قال لا ماعندي..
قلت انزين اشعندك قال ولاشي الفندق فولي بوكد.. قلت انزين ليش تسالني اش تبي اذا ماكان عندك شي تعطيني..؟؟
قال هذا نظام الفندق... انزين الاول سامحناه وهذا اسامحه بعد والا انتف له هالشعرتين اللي في راسه.. :anger1:
..
المهم ورحت فندق ثاني وهنا كانت المفاجئة..
فندق راقي جدا جدا.. شقق فندقية ملاصقة لمول تجاري شهير قريبة من كل الخدمات..
دخلت ما قلت قود موورننق ولا قوود ايفننق .. ايه لاني تعلمت الدرس من الاول..
قلت عندكم شواغر..؟؟ قال انت اش تبي .. قلت له لا ياحبيبي قول لي انت اش عندك.. لاني مهندس ماينقص علي مرتين..
قال في عندي شقق غرفتين ومجلس ومع افطار لاربع اشخاص و و و فرق السعر فقط مية ريال في الليلة عن ذاك النصاب الاول..:eek5:
خذته ودشيت وكان شيئ راقي اكبر مما تصورت وقلت الحمد لله اني ما سكنت في التعيس..
المهمكنت للحين زعلان من الفندق الاول.. دشيت الحمام وانتوا بكرامة ونطحت باب قزاز مال الشاور.. ماشفته..:eek5:
كملت الرحلة كلها وانا خاش النفيخة تحت الطاقية..
..
ملاحظة: الفندق الاول كان فرشه متواضع جدا بعيد عن الخدمات ومافيه مرافق سياحية فخمة ولا حتى بوفيه افطار مثل الناس..
الشي الوحيد اللي فيه ان كل النزلاء قطريين.. كنت احس وانا ساكن فيه اني في قطر..
واحد قطري مدح لي اياه وصرت اروح له كل مرة ولا افكر حتى اخذ فندق ثاني..
..
العبرة من القصة هي ان تكون لك نظرة اوسع كلما تكرر عليك نفس الموقف..
وايضا ان تكون متحسب لاي موقف قد يطرا عليك وعندك خطة بديلة عشان ماتتوهق..

[الشمالي111]

اهم شي انك استهديت بالله ولا دشيت في صاحب الحجم الضخم 4*8

عني انا ما احب اسكن في المكان مرتين الااذا احدتيت التغير زين

[تجاوز]

ما عجبتنى القصه

لكن عجبتنى العبره من القصه

وسلامتكم

[naklan]

هلا يا مهندس الحجز كان عن طريق الانتر نت مو
اذا كان عن طريق الإنترنت وبطاقة الائتمان يطرش لك
حجز مؤكد على ايميلك وممكن تقاضيهم بورقة الحجز ومش على كيفهم
يكنسلون الحجز بس خيره انك غيرت الفندق وبعدين ماشبعت من هل الديرة
أفضل انك اثناء السفر تبتعد للخصوصية والراحة وبعدين ليش دعمت
الشور أكيد من العصبية بس زين انك قدرت تخشها تحت القحفية
هههههه معوض خير في الجايات يا مهندس وغرفاوي

[حمد 2002]

افا تخاف من الضخم هههههههه

افا هههههه

لوانا منك بقستله وسدحته على الأرض وربطت ريوله بحبل لين اتيي الشرطه

[qatarman8008]

اهم شي انك استهديت بالله ولا دشيت في صاحب الحجم الضخم 4*8

عني انا ما احب اسكن في المكان مرتين الااذا احدتيت التغير زين

ما دشيت في الضخم..
دشيت في الباب القزاز..

[@north_star@]

ما دشيت في الضخم..
دشيت في الباب القزاز..

كان قلتله بناديلك الربع اللي في الاستراحة

[بانغ بانغ]

غريبة ولا مرة صادفني مع اني دايما احجز من بوكينغ دوت كوم

وتقدر تشتكيهم عالرقم الدولي

مرة ثانية جرب اكسبيديا

بس اللي قهرني تعاملهم

من كذا دايما اسكن في نفس الفندق وما يقل عن خمس نجوم

اما هالدب لو قايلي عنه بمسج

كنت















صج صج ماعرفك

[qatarman8008]

غريبة ولا مرة صادفني مع اني دايما احجز من بوكينغ دوت كوم

وتقدر تشتكيهم عالرقم الدولي

مرة ثانية جرب اكسبيديا

بس اللي قهرني تعاملهم

من كذا دايما اسكن في نفس الفندق وما يقل عن خمس نجوم

اما هالدب لو قايلي عنه بمسج

كنت















صج صج ماعرفك

هههههاااااااااااي..
وانا قاعد انزل تحت ابي اشوف اش بتفزع لي فيه..

[qatarman8008]

افا تخاف من الضخم هههههههه

افا هههههه

لوانا منك بقستله وسدحته على الأرض وربطت ريوله بحبل لين اتيي الشرطه

اخاف ان سويت فيه هالحركات اكون دقيت له سلف..
هههه..

[qatarman8008]

هو عنده ورقه مكتوب فيها لقد تم رفض البطاقة..
عاد اشلون جابها ما ادري..
بطاقتي من يوم صرت مهندس لين اليوم ولامرة سوت عملية غير مقبولة..
المهم لازم كل واحد فينا ينتبه حق اساليب الخدع اللي يسوونها..
يعني تتصل له يقول لك حجزك موجود وحياك الله عشان يستفيد من الوقت ويوم تروح يكون انتهى الوقت وفعلا يحق له انه يلغي الحجز..
ليش يلغي الحجز لان يكون انت حاجز على السعر القديم الرخيص والحين هو رافع السعر ومحصل له ناس عالانتظار بعد..

[معماري قطري]

طريقة بوكنغ سخيفة سووها مرة معاي والظاهر الفندق يسويها بنذالة حتى يزيدون السعر

كنت طالع من قطر باروح بو ظبي يومين بالسيارة والى دبي في شقة فندقية قرب الووك واي في الممشى .. جاتني المسج وانا في الطريق وقصة وعذرهم كله إن ما قدروا يحجزون المبلغ على الفيزا .. يوم وصلت سووا لي حجز ثاني ودفعوني زيادة وانا مبتسم ( وانا مهندس بعد )

بس بعدها كرهت بوكنغ وتصرفهم وطرشت لهم رسالة هزأتهم فيها .. موقع انجليزي سخيف ولغالبية الفنادق والشقق في العالم ياخذون نوعية غرف أقل درجة واكتشفت هذا الشيء في أمريكا .. ساكنين قبل بحجز مباشر وعطونا شقة مسكتة وطلبنا نفس الشقة بس عطونا أرضية وقريبة من السور والشارع ونسمع صوت السيارات ومب نظيفة .. وقالت لي الموظفة انت لو حاجز عن طريقنا غير عن طريق بوكنغ

أحسن موقع trivago وهو يحول على وكلاء كثيرين ويطلع أسعارهم ونصيحة تقرون عرض السعر ومواصفات الغرفة وتبتعدون عن بوكنغ حتى في اوروبا ولندن .. الظاهر عندهم عنصرية ضد العرب وحقيرين يعطونهم شيء ما يسوى

[Dana’1]

اهون من الي حصل لنا بالويكند اند!
بس مالنا الا التعلم من مواقفنا والتكيف مع الظروف

[white bird]

هههههههههههههههههههه


موظف الفندق رجل ناعم جدا جدا وشعره كثيف جدا مافيه ولا شعره تساقط الله لا يوفقه

😂

[qatarman8008]

هههههههههههههههههههه


موظف الفندق رجل ناعم جدا جدا وشعره كثيف جدا مافيه ولا شعره تساقط الله لا يوفقه

��



اي والله.. حتى كان يتكلم واااااااجد وانا مركز مع الشعر ولا ادري اش يقول..

[ولد العرب]

نفس الشي حجز لي اخوي بالبوكنج علي الهند ويوم جيتهم عذرهم ماوصل لهم شي طلعت ورقه لهمً وانكر

[توشيبا]

انا احجز اكثر من خمس فنادق اللي احب اسكن فيها عشان اضمن مايجي الغاء حجز او الفندق محترق واتوهق واتم في الشارع ادور فنادق فاضيه


واستانس لو الغرفه اللي حجزها مش متوفره يعطوني بدالها جناح

[Charisma]

أتمنى تحصل لي مثل هالمواقف ، ماراح أطلع منها إلا بـ "أبقريد" او تعويض ، معروفه حركات التلاعب والأستغلال ، ونصيحه قبل لاتحجز أي فندق أقرا التعليقات والتقييم ، وخذلك لفه في TripAdvisor ، تشوف صور واقعيه للفندق .


الدنيا فوضى تعال وكنسل . .:court:

[naklan]

الحين اذا حجزت ودفعت بالبطاقة يطرشون لك
على الايميل رصيد بحجز موكد من الفندق نفسه تقدر
تحاكمه بالورقة مالت تاكيد الحجز

[naklan]

انا احجز اكثر من خمس فنادق اللي احب اسكن فيها عشان اضمن مايجي الغاء حجز او الفندق محترق واتوهق واتم في الشارع ادور فنادق فاضيه


واستانس لو الغرفه اللي حجزها مش متوفره يعطوني بدالها جناح


شلون اخوي توشيبا تحجز 5 فنادق
ومتى تكنسل الاربعة ما يخصمون عليك شي
او تحجز بدون دفع ممكن توضيح
ولا عليك امر
تحياتي اخوي توشيبا

[توشيبا]

شلون اخوي توشيبا تحجز 5 فنادق
ومتى تكنسل الاربعة ما يخصمون عليك شي
او تحجز بدون دفع ممكن توضيح
ولا عليك امر
تحياتي اخوي توشيبا

قبل ماتسافر باقل من اربعه وعشرين ساعه احجز

بطاقه الصراف الالي*

مب فيزا


محد يقدر يسحب ريال واحد حتى لو وصلت للفندق وكل شي تمام تقدر تدفع لهم كاش او تعطيهم الصراف ويسحبون منه طبعا بعد ماتدخل الرقم السري


واقولك ليش تحجز اقل من اربعه وعشرين ساعه لي ان اكثر الفنادق يشيكون على الحجز ولا يقدر يسحب المبلغ يرسلون لك اميل كتحذير ويعطونك مهله للدفع او الغاء الحجز وبكذا تكون وصلت ودفعت لهم

[توشيبا]

للعلم انا استخدم بطاقه توفير من بنك qnb ولا فيها ريال واحد من اخذتها

اوصل لهم ادفع لهم من بطاقه بنك ثاني

[naklan]

للعلم انا استخدم بطاقه توفير من بنك qnb ولا فيها ريال واحد من اخذتها

اوصل لهم ادفع لهم من بطاقه بنك ثاني


ماشاء الله عليك باجرب فكرتك في مكان قريب
علشان ما اتوهق خخخه طلعت مانتب سهل يا
توشيبا تعجبني انك عندك افكار في اعماق
هالامور
فيه برنامج في ناشونال جيوقرفك
مفيد يعلمك شلون تخترق الامور للسياحة
والاستفادة من اشياء غالية باسعار سياحية رخيصة
شوفه بتستفيد منه تحياتي وشكرا يالغالي
على إفادتنا بفكرتك الجميلة

[qatarman8008]

للعلم انا استخدم بطاقه توفير من بنك qnb ولا فيها ريال واحد من اخذتها

اوصل لهم ادفع لهم من بطاقه بنك ثاني

كان زمان بس ياخذ تفاصيل البطاقة عشان يتاكد من هوية النزيل..
الحين صاروا كل الفنادق تقريبا ياخذون المبلغ قبل موعد الحجز باربع وعشرين ساعه..
ولازم يسحب من البطافة اللي انت حاد تفاصيلها..

[naklan]

كان زمان بس ياخذ تفاصيل البطاقة عشان يتاكد من هوية النزيل..
الحين صاروا كل الفنادق تقريبا ياخذون المبلغ قبل موعد الحجز باربع وعشرين ساعه..
ولازم يسحب من البطافة اللي انت حاد تفاصيلها..


هذا الي اعرفه ليتم تاكيد الحجز يسحبون المبلغ
الا بعض البلدان احجز بالبطاقة وادفع اذا سكنت مثل
استراليا وأمريكا وممكن تكنسل الحجز باي وقت

[توشيبا]

كان زمان بس ياخذ تفاصيل البطاقة عشان يتاكد من هوية النزيل..
الحين صاروا كل الفنادق تقريبا ياخذون المبلغ قبل موعد الحجز باربع وعشرين ساعه..
ولازم يسحب من البطافة اللي انت حاد تفاصيلها..

حتى لو طلبو تدفع

لازم يرسلون لك اميل عن طريق الموقع اللي انا حاجز منه ويعطونك مهله


عشان كذا احجز اقل من اربعه وعشرين ساعه قبل الوصول لهم