عمليات العمود الفقري

[الحياة الخالدة]

السلام عليكم و رحمة الله و بركاته

وين أحسن مستشفيات لعمليات العمود الفقري ؟؟
أم رفيجتي مسوية عمليتين في الظهر أخرهم في تايلاند .. و طاح واحد من البراغي
حاولوا يراجعون الجراح اللي سوا لها لكنه يتحاشاهم

إذا ممكن الدولة .. و اسم المستشفى

جزاكم الله خير

[بصمة قطرية]

توني من يومين شايفة وحدة مسوية عملية في ظهرها
كان معاها إنحراف في العمود الفقري
حطوا لها حديد ..
بسألها عن المكان ..

[لبيبة]

وعليكم السلام ورحمة الله وبركاته،

نصيحة دايما أقولها لأغلى الناس عندي، لو يقدر الشخص يتعايش مع الألم بالمسكنات، لا يسوي هالعملية بالذات.

[الحياة الخالدة]

يزاج الله خير أختي بصمة

[MAZEN37]

نفس هالعمليه سويناها للوالد يستخدمون براغي ويبتونها هي تقنيه المانيه سويناها في ابولو الهند مدراس
متخصصيين بالعظام والمانيا مشهورة

[الحياة الخالدة]

وعليكم السلام ورحمة الله وبركاته،

نصيحة دايما أقولها لأغلى الناس عندي، لو يقدر الشخص يتعايش مع الألم بالمسكنات، لا يسوي هالعملية بالذات.

يزاج الله خير أختي لبيبة
بس مب كل مشاكل العمود الفقري تنحل بالمسكنات
و بالعكس تأجيل العملية ممكن يكون له ضرر كبير بالأعصاب

[الحياة الخالدة]

نفس هالعمليه سويناها للوالد يستخدمون براغي ويبتونها هي تقنيه المانيه سويناها في ابولو الهند مدراس
متخصصيين بالعظام والمانيا مشهورة

انا قلت لها ألمانيا على اللي أسمعه أحسن مكان لهالعمليات
بس قلت أشوف يمكن حد عنده خبرات أخرى

جزاك الله خير أخوي مازن

[بصمة قطرية]

سوتها في لندن
و أخوها بعد سوا نفس العملية ..
طلبت إسم المستشفى من يوصلني بكتبه لج ..

[برشلوني قطر]

عن تجربه انصح

Hospital for special surgery

في نيويورك

الله يشفيها

[بصمة قطرية]

اسم الدكتور نور الدين الهلالي ..
مستشفى برنسس قريس ..
لندن ..

[بصمة قطرية]

Email: hilali.noordeen@virgin.net
Tel: 02074872819
Fax: 02075801021

[الحياة الخالدة]

أختي بصمة
أخوي برشلوني قطر
جزاكم الله خير .. و رحم الله والديكم

[aloosh]

نفس خالتي سوتها في تايلند معاد مشت كلش

[بوحارب]

انصحكم تروحون للدكتور عبدالمعين باكو في الصحه المدرسية

وما تشوفون شر

[حليتان*]

ع الي اسمعه ان المانيا والهند احسن شي فالعظام