استفسار عن هبوط الأرضية و ظهور صوت في البلاط

[CiTy]

السلام عليكم ورحمة الله وبركاته ،،

قبل كم شهر في المطر الذي استمر تقريباً يومين متواصلين ظهر عندي هبوط مقدار 5سم في الملحق الخارجي
كان التأثير واضح في المطبخ أما المخزن وغرفة الخدم كان يصدر صوت من البلاط يوحي بوجود فراغ اسفل الصبية

كما تأثرت الفيلا في بعض الامكان واغلب التأثر وجود صوت تطبيل بدون هبوط .

سؤالي واستفساري هو . كيف ولماذا حدث الهبوط .
علماص بانني اخترت شركة ممتازة وكان الدك ممتاز ( هذا المفترض ) .
قمت بعمل عزل الاساس والحوائط في الاساس قبل الدفن من الداخل والخارج بالغار لفات وليس صبغ .

اود ان اعرف كيف وصل الماء للدفان رغم الاحتياطات التي تمت ؟ !!
وهل صوت التطبيل في البلاط داخل الفيلا هو هبوط ام عيب في تركيب البلاط ورمل البلاط في بعض الامكان دفان البلاط 20سم رمل بلاستر .
صوت التطبيل ليس في كل الامكان بل يتركز احيانا في الوسط واحيانا في الجوانب .
==
أنا افكر ان اقوم بعمل معالجة لهذه المشكلة من خلال حقن الفراغات بالاسمنت .
لكن حتى الان لم اجد محل يبيع جهاز الحقن او شركة متخصصة ( سوق تعبان ) .

المطلوب مشورتكم والحلول بدون تكسير لان انا في مرحلة لا تتحمل التكسير الفيلا على التشطيب النهائي .

وسلامتكم ،،
^_*

[(عبدالله)]

الله يكون في عونك ويعوضك خير

الوضع تقريباً مماثل عندي:

http://www.qatarshares.com/vb/showthread.php?618865-هبوط-أرضيات-الملحق-بسبب-المياه-الجوفية،رايكم-في-آلية-الصيانة

في أي منطقة بيتك؟

[معماري قطري]

المشكلة ما سويت صبية تحمي التربة من الانخفاض وتكون سيدة يركب عليها الفني بسهولة ويملي البلاط باللزقة أو يحطها على الأرضية بعدين يحط البلاط

دوم انصح حتى للحوش نسوي التبليط على صبية خرسانة

التصليح بسيط يشيل البلاط اللي تحته فراغ ويعيد ملؤه بالاسمنت ويحط اللاصق ويركب .. أو لو الفراغات كبيرة يفتحها زيادة ويصب مونة سائلة تدخل تحت وتعبي الفراغات

تبي باكستانيين واحد البارحة مكلمني يقول يبي شغل ويشتغل زين وبرخيص وخبرة خله يعطيك رايه

الحلول ذي حلول ترقيعية ويمكن ترجع المشكلة لأَن الرطوبة تضعف الأرض الحل الجذري عمل صبية واعادة التبليط صح وشوف الطريقة الصحيحة في يوتيوبيات البناء .. وحطيت طريقة عربية غلط علقت عليها

[CiTy]

شكرا أخوي معماري على المشاركة ، بس انا نسيت اني اضيف ان الفيلا كلها فيها صبية فوق الدفان .
انا ما ابي اكسر انا اميل حق حل الحقن اسرع و مافيه تكسير .

[ضوى]

شكرا أخوي معماري على المشاركة ، بس انا نسيت اني اضيف ان الفيلا كلها فيها صبية فوق الدفان .
انا ما ابي اكسر انا اميل حق حل الحقن اسرع و مافيه تكسير .

ممكن معلومات اكثر عن طريقة الحقن ؟؟ عندي فراغات شوي وعجبتني طريقة الحقن بدون تكسير ، منهو يسويها وكم تكلف ؟

[معماري قطري]

شكرا أخوي معماري على المشاركة ، بس انا نسيت اني اضيف ان الفيلا كلها فيها صبية فوق الدفان .
انا ما ابي اكسر انا اميل حق حل الحقن اسرع و مافيه تكسير .

ما تكسر يا اخوي يشيلونها شوي شوي واللي تطبل .. أو يشيلون المونة بين البلاط ويصبون الروبة ويدخلونها تحت البلاطة .. عندي بلاطات كبار 120 في 60 وحصلت نفس القصة في وحدة وصبينا المونة تحتها شوي شوي ومسكت .. بس عندك غريبة 5 سم وتقول مسوي صبية .. التركيب يفترض على الصبية ما يجي ملمترات بس سمك اللاصق .. لا أكيد انت حاط صبية هشة خفيفة وتكسرت بعد ما نزلت التربة تحتها

[معماري قطري]

ممكن معلومات اكثر عن طريقة الحقن ؟؟ عندي فراغات شوي وعجبتني طريقة الحقن بدون تكسير ، منهو يسويها وكم تكلف ؟

هذي بمونة شبه سائلة وبمحقان عادي مثل اللي حق السيليكون وفيه منه أنواع أما كم حسب اللي يسويها .. طريقة ثانية ومادة ثانية السيليكون أو الماستك يمسك بعد وفيه لاصق قوي

[CiTy]

الحقن الله يسلمك أخوي ضوى فكرة من راسي تقريباً ^_*
انا شفت مقطع في احد الدولة الاجنبية يستعملونها لرفع صبية ممرات المشاة في الحدائق والمداخل لما تهبط ،
وبحثت في النت حصلت جهاز حقن فا قلت اجرب يمكن تنفع مع البلاط ،، لان اكيد في اجهزة حق هذه الامور
مايصير بس كسر كسر ، المشكلة ان سوقنا تعبااااان مافي اجهزة احترافيه كله شغل يد

الله المستعان
اذا انجحت التجربة معاي راح اقولكم وطبعاً المتر 500 حق اللي يبي ^_*

[ضوى]

الحقن الله يسلمك أخوي ضوى فكرة من راسي تقريباً ^_*
انا شفت مقطع في احد الدولة الاجنبية يستعملونها لرفع صبية ممرات المشاة في الحدائق والمداخل لما تهبط ،
وبحثت في النت حصلت جهاز حقن فا قلت اجرب يمكن تنفع مع البلاط ،، لان اكيد في اجهزة حق هذه الامور
مايصير بس كسر كسر ، المشكلة ان سوقنا تعبااااان مافي اجهزة احترافيه كله شغل يد

الله المستعان
اذا انجحت التجربة معاي راح اقولكم وطبعاً المتر 500 حق اللي يبي ^_*


بالضبط هاي النقطة اللي ابي اوصل لها ، ليش ماعندنا ناس تفكر بمثل هالاجهزة الاحترافيه ، ليش حلولنا تكسير وخراب وخساير ، ليش حلولنا ماتكون باقل الخساير الممكنة

[معماري قطري]

شفت برنامج عن الفجوات الأرضية وكيف تبتلع البيوت في فلوريدا .. أحد الحلول حقن كمية خرسانة في التجويف وتثبيت البيت فوقها

[CiTy]

أخوي معماري قطري عاد تعال يسار يمين اشوي مايصير مره وحدة تبتلع و خرسانة والبيت فوقها !
نبي حل حق دوحة قطر ، هل في حد مر عليه شركة عندها هذه الامكانيات

انا حاليا في البحث وباذن الله راح اصول للجهاز او الحل . ان شاء الله

[معماري قطري]

أخوي معماري قطري عاد تعال يسار يمين اشوي مايصير مره وحدة تبتلع و خرسانة والبيت فوقها !
نبي حل حق دوحة قطر ، هل في حد مر عليه شركة عندها هذه الامكانيات

انا حاليا في البحث وباذن الله راح اصول للجهاز او الحل . ان شاء الله

شدعوى آجي يمين ويسار شايفني قلابي ومن تأليفي؟

عطتك الحلول اللي اعرفها وهذا البيت واحد من عدة تقدر تتابع في اليوتيوب والأخبار .. ما اجيب شيء من خيالي


https://www.youtube.com/watch?v=Z02coWd2ixI

[معماري قطري]

وهذا فلم إضافي


https://www.youtube.com/watch?v=was4L42vlyc

[CiTy]

هلا أخوي معماري
انا اقصد ان اللي انت ذكرته والفيدوهات المرفقة حق مشاكل كبيرة وانزلاقات وخسف وعصف
هذا لم يحدث عندنا لاي بيت راس مالنا كم دحل بس
نحن نحتاج لعرض واستعراض مشاكلنا اللي اتصير عندنا وايش الحلول لها
شيء على قدنا .

[معماري قطري]

هلا أخوي معماري
انا اقصد ان اللي انت ذكرته والفيدوهات المرفقة حق مشاكل كبيرة وانزلاقات وخسف وعصف
هذا لم يحدث عندنا لاي بيت راس مالنا كم دحل بس
نحن نحتاج لعرض واستعراض مشاكلنا اللي اتصير عندنا وايش الحلول لها
شيء على قدنا .

اللي على قدنا تكلمت عنه وشبعته شرح ومرات كثيرة وكله بسبب سوء الشغل أو استخدام مواد غير صالحة

أوقات اذكر مشاكل ثانية تستوي في العالم وقطر مب بعيدة عن هالشيء وأَرضها ضعيفة وفيها فجوات ودحول كثيرة

والشركات أَي شركة زينة أو فورمان تشرح له الطريقة بيسويها بسهولة .. إنت قلت تحت فيه خرسانة والهبوط اللي صار 5 سم و5 سم مب شوي أما الخرسانة ضعيفة وتكسرت وصار هذا الهبوط أو حاطين رمل فوق الخرسانة والمفروض التركيب عليها بدون رمل

[CiTy]

https://www.youtube.com/watch?v=HFHt80SAONs

[CiTy]

==

https://www.youtube.com/watch?v=JnQIfqAfzNU

[CiTy]

==

https://www.youtube.com/watch?v=c3smil8-mSw

[معماري قطري]

==

https://www.youtube.com/watch?v=JnQIfqAfzNU

هذا واللي فوقه بعيدين عن الاستعمال اللي تبيه .. يحقن تحت سلابات كبيرة من الخرسانة ويسوي قص فيها إنت تبي تعدل بلاط وما لك مفر من الفك والتركيب أو صب روبة سائلة وقوية تتغلغل تحت البلاط وتتماسك .. بس لازم تنظيف الفواصل بسكين حديد خاصة .. سكين بناء وناس يسمونه قفشة .. وتشوف الفجوة وتصب فيها .. بعدين إعادة المونة بين الفاصل مثل ما تحب وباللون اللي تحبه .. أو لو تبي تسوي جزء بسيط تسوي نفس لون الروبة الموجودة .. يعني عندك روبة تحت تكون سائلة أكثر وروبة الفاصل جامدة معجونية أكثر

[معماري قطري]

==

https://www.youtube.com/watch?v=c3smil8-mSw

الطريقة نافعة للقطع الكبيرة والخرسانة .. ممكن فيه مستوى أصغر للبلاط العادي

مرة سمعت عن ورشة تصنيع حق قراوت خاص وبمواصفات عالية شراكة قطرية أُردنية وهذي الشركة حاول تسأل عنها .. مهندس عطاني كرتهم بس كنت في الطيارة ونسيته وين

بس السهل الفك والتركيب وأي فني شاطر يقدر يسويه

[معماري قطري]

دورت مقطع حق طريقة اصلاح نفس مشكلتك هبوط 2 سم أو 5 سم أو حولها مب شيء بسيط ومعناه التأسيس غلط ويحتاج حل .. كل المقاطع حق تركيب جديد أو اصلاح بسيط

[CiTy]

شكرا أخوي معماري قطري على اهتمامك ومتابعتك ،، بس الظاهر انا ماعرفت كيف اصول نوع وشكل المشكلة ،،
البلاط اللي عندي سليم ومافيه اي شلوخ او تكسير ، الهبوط او الصوت اتحس انه في الوسط بين التربة وبين اسمنك البلاط
بحاول اني ارسمها يمكن تكون اوضح بالرسم ،،
تقبل تحياتي ،،

[CiTy]

اتمنى ان تكون الرسمة تشرح الوضع
97037

[معماري قطري]

اتمنى ان تكون الرسمة تشرح الوضع
97037

فاهم اللي تقصده وفاهم أكثر إنك ما ركبت على صبية خرسانية .. سووا لك اسمنت بسيط وركبوا البلاط على رمل - دفان - اللي هو وقلت لك الحلول

الحل المضمون 100% تشيل البلاط وتسوي صبية خرسانية بسمك 10 سم بعد ما يدفن ويدك وفوقها تركب البلاط .. هذا باختصار وفيه تفاصيل هندسية كثيرة لازم تتبع

[معماري قطري]

الحقن مب مضمون وبيسوون لك فجوات قبيحة .. لو عندهم جهاز يقص البلاط وتقدر تعيد تركب الجزء المقطوع ممكن بس تحتاج خبرات خاصة .. شوف لو تحب المهندس فوزي اسماعيل هو مدير مكتب ام زد وشركاه ممكن يدلك على شركة تسوي الحقن

[معماري قطري]

وشوف شركة تدمر فرع العوازل مديرهم نبيل حلاوة خبرة وعندهم مكاين ضغط الخرسانة shootingcrete وإحتمال كبير عنده حلول ثانية بس بتكون مكلفة الطريقة التقليدية مضمونة وسهلة

[CiTy]

السلام عليكم ورحمة الله ،،
ان شاء الله انا راح اشوف الشركات اللي ذكرتها أخوي معماري فطري

انا سويت رسمة اكثر توضيح من السابقة الرسمة السابقة رسمتها وانا مستعجل وكثير من الملاحظات لم اذكرها
وان شاء الله بعد ما أكون نسيت شيء في هذه الرسمة الجديدة

نقاط مهمة لازم اذكرها اغلب الإمكان ما حصل فيها هبوط واضح حاليا فقط صوت فراغ وتطبيل
على شان كذي انا ابي الحق على هذه الإمكان قبل لا تهبط بسبب الوزن

وسلامتكم
انا رايح الفيلا الحين عندي جبل من المهام والمشاكل ،، محد يريحك ويعطيك شغل مضبوط
وفي الوقت المناسب ،، الله المستعان

97052

[معماري قطري]

طول ما انت توك تبني ما زلت عند رأيي الحل الجذري أسلم إزالة ودفان زين ودك وعمل صبية جيدة وتركيب البلاط عليها .. ما فيه داعي لدفان بين البلاط والصبية ممكن نصب مرة ثانية فوق التمديدات بعد التأكد من قوتها وسلامتها

انا عارف شاللي صاير من أول ما شرحت وعلى رأيي من البداية .. العمال والمهندسين لازم بيعطونك حلول سهلة بس محد يضمن ما ترجع المشكلة

ولو كانت فيه تسريبات مياه جوفية وهذي نتأكد منها بحفرة استكشافية نصيحة سو نظام شفط .. كله بايب مخرم ملفوف بخيش حتى ما يدخل التراب أو بقماش صناعي خاص وتصريف على منهول ومضخة ترفع الماي لو انملى المنهول .. وانا أشك في وجود مياه جوفية مرتفعة ومتأَكد إنه سوء شغل ودك لك عليه وشبه متأكد إن الرسمة اللي رسمتها غير عن الواقع والواقع ما فيه صبية والموجود بلاستر خفيف تحت البلاط

صادفتني نفس المشكلة في بيت وكان رأيي الشغل غلط قبل لا يخفق البلاط لأنه كان مركب على بودرة وانتفخت البودرة وقام البلاط ارتفع بدال ما يهبط .. واضطر صاحب البيت يسوي اللي قلت له من البداية

[معماري قطري]

أَحد الأشخاص اشترى قصر في السابق ب 5 ملايين وفي الوقت الحالي يسوى فوق ال 25 مليون .. وصار شلخ عرضي كبير في الجدار وسده بشغل ترقيع وصبغ ورجعه جديد .. رجع الشلخ كبير ويبين الخارج من وراه .. جاب شركة صيانة مختصة مديرها كان زميل عمل سابق وهو اللي قال لي .. يقول قلنا له لازم نحفر لين الأساسات والتكلفة صعب نقول لك بدون ما نعرف شصاير

يقول وافق وحفرنا وجبنا جيكات ثبتنا عليها الأساس وحصلنا تواير سيارات قديمة مدفونة وهي تتسبب في هبوط الأرضية تحت الأساس شلناها وصبينا خرسانة تثبت .. السالفة لها مدة طويلة ولا كنت عطتك رقم المهندس وضيعته ولا باشوفه في تلفوني القديم .. ما حصلته بس هو اسمه محمد وصفي ما ادري اذا متابع في البزنس أو لا ومثل ما ذكر لي شركته تخصصية في الصيانة

[CiTy]

السلام عليك ورحمة الله أخوي معماري قطري ،،،

في الوقت الحالي خيار التكسير مستبعد بسبب اني في التشطيبات النهائية للفيلا انا صبغت الفيلا
واي تكسير للبلاط راح رجعني ورا وبدخل في دوامة ،، التكسير بخليه أخر خيار لما أكون مجبور عليه
حالياُ ما زال في امل للمعالجة . وبأذن الله راح يكون الحل هو المعالجة ..

أنا حبيت اطرح بعض النقاط على شان الكل يستفيد من الردود وليس بالأساس يكون حل حق مشكلتي
احب أورد بعض النقاط يمنك تساعد في تشكيل تخيل السبب .
1- عند حفار أساس الفيلا لم تظهر أي مياه جوفيه او حتى سطحية ، حتى البيارة تكرمون ما ظهر فيها ماي الا بشكل بسيط لا يذكر .
2- انا مصور مراحل الدفان والدك وصب الخرسانة ، يعني ان عدم وجود صبيه فوق الدفان خيار مستبعد .
3- جدار او حوض الدفان معزول بالغار الرول والبلاستك .
4- بتفحص البيارة ( البالوعة ) وهى طبعا اعمق لا يوجد فيها ماء لا مع المطر ولا بعد المطر . هذا يخلينا نستبعد المياه السطحية والجوفيه في تصوري .
5- اللي ركب البلاط يقول ان المطر جاء من تحت الفيلا وهو ماشي واثر على الدفان وتشرب لين قال بس ،، انا مش مقتنع من هذا مع انه شكله هو الواقع
وسبب عدم اقتناعي هو ان ليش الماي تمركز تحت الفيلا ليش ما راح في الأرض دام هو يتسرب للأرض لو كان تجمع كان بين في البيارة .
وفي سبب بعد وحتمال كبير يكون من :eek5: الناس

والله العالم
^_*
عندي صور حق مراحل الدفان اذا تحب اني انزلها اخوي معماري

[بوخالد911]

الله يهونها عليك اخوي.

[معماري قطري]

السلام عليك ورحمة الله أخوي معماري قطري ،،،

في الوقت الحالي خيار التكسير مستبعد بسبب اني في التشطيبات النهائية للفيلا انا صبغت الفيلا
واي تكسير للبلاط راح رجعني ورا وبدخل في دوامة ،، التكسير بخليه أخر خيار لما أكون مجبور عليه
حالياُ ما زال في امل للمعالجة . وبأذن الله راح يكون الحل هو المعالجة ..

أنا حبيت اطرح بعض النقاط على شان الكل يستفيد من الردود وليس بالأساس يكون حل حق مشكلتي
احب أورد بعض النقاط يمنك تساعد في تشكيل تخيل السبب .
1- عند حفار أساس الفيلا لم تظهر أي مياه جوفيه او حتى سطحية ، حتى البيارة تكرمون ما ظهر فيها ماي الا بشكل بسيط لا يذكر .
2- انا مصور مراحل الدفان والدك وصب الخرسانة ، يعني ان عدم وجود صبيه فوق الدفان خيار مستبعد .
3- جدار او حوض الدفان معزول بالغار الرول والبلاستك .
4- بتفحص البيارة ( البالوعة ) وهى طبعا اعمق لا يوجد فيها ماء لا مع المطر ولا بعد المطر . هذا يخلينا نستبعد المياه السطحية والجوفيه في تصوري .
5- اللي ركب البلاط يقول ان المطر جاء من تحت الفيلا وهو ماشي واثر على الدفان وتشرب لين قال بس ،، انا مش مقتنع من هذا مع انه شكله هو الواقع
وسبب عدم اقتناعي هو ان ليش الماي تمركز تحت الفيلا ليش ما راح في الأرض دام هو يتسرب للأرض لو كان تجمع كان بين في البيارة .
وفي سبب بعد وحتمال كبير يكون من :eek5: الناس

والله العالم
^_*
عندي صور حق مراحل الدفان اذا تحب اني انزلها اخوي معماري

والله زدت الحيرة هشكل .. نزل الصور خلنا نستفيد والنقاش لازم بيوصلنا لنتيجة .. ما شاء الله يبين عليك مهتم ومتابع صح ونزع البلاط ما يعني تكسيره ولو افترضنا تكسيره واصلاح الخلل اصلاح تام بعد بيكون حل منطقي

الماي يدخل تحت الملحق صعب .. والعامل يعترف بسوء شغله صعب خصوصاً لو من الجنسيتين العربيتين اللي الغش عندهم حلال .. وإذا فيه صبية كاملة وبسمك مناسب بين 10 و 15 سم صعب تنزل من جهة أو تنكسر حتى لو تحتها فجوات .. وهبوط 5 سم وايد مب شوي لو تحت صبية .. فرق بحدود 1 سم باقول من الدفان البسيط اللي فوق الصبية حق يغطون التمديدات وهذي طريقة خاطئة والمفروض صبية

حط الصور وصور الهبوطات وبنشوف

[CiTy]

السلام عليكم ورحمة الله جميعا

أخوي بوخالد911 جزاك الله خير والله يهون على الجميع
المفروض ان الدولة تعطينا ارض وغرض اول شيء انجرب عليهم نبني من باب التجربة قبل لا نتورط
مستحيل واحد اول مره يبني ومايطيح في الاخطاء ، على اشان كذي انا صار عندي قناعة ان لابد
من وجود مهندس او شخص ذو خبرة يمسك البيت ويكون له غرفة موظف دوام كامل
اللي راح تدفعة له بيوفر عليك اكثر من اللي راح تخسرة في الاخطاء والتعديلات والامور الفنية

الله المستعان

انا احيانا اكون مشغول وراح اشارك بحسب الي حصله من فرصة ، فا السموحه منكم

97070

اخوي معماري قطري انا شاك في هذا الحوض في تصورك مش ممكن يشكل تجمع مياه امطار
هذه حفرة الاساس او التجهيز ،، في رايك هل تأثر ؟

[CiTy]

هذا ملحق المطبخ اللي صار فيه الهبوط ، الهبوط صار في وقت قدرت اني
اكسر وركب جديد ، لكن اللي داخل الفيلا حالياً صعب اني اكسر ورد اركب بلاط
صورة الهبوط ان شاء الله احصلها تحتاج بحث وان شاء الله تكون واضحه الصورة

97071

[معماري قطري]

السلام عليكم ورحمة الله جميعا

أخوي بوخالد911 جزاك الله خير والله يهون على الجميع
المفروض ان الدولة تعطينا ارض وغرض اول شيء انجرب عليهم نبني من باب التجربة قبل لا نتورط
مستحيل واحد اول مره يبني ومايطيح في الاخطاء ، على اشان كذي انا صار عندي قناعة ان لابد
من وجود مهندس او شخص ذو خبرة يمسك البيت ويكون له غرفة موظف دوام كامل
اللي راح تدفعة له بيوفر عليك اكثر من اللي راح تخسرة في الاخطاء والتعديلات والامور الفنية

الله المستعان

انا احيانا اكون مشغول وراح اشارك بحسب الي حصله من فرصة ، فا السموحه منكم

97070

اخوي معماري قطري انا شاك في هذا الحوض في تصورك مش ممكن يشكل تجمع مياه امطار
هذه حفرة الاساس او التجهيز ،، في رايك هل تأثر ؟

ما له أي علاقة اخوي .. لو تجمع ماي المطر فيه ممكن يسرب لكن مؤكد اللي عندك مشكلة دك أو سوء شغل

[معماري قطري]

هذا ملحق المطبخ اللي صار فيه الهبوط ، الهبوط صار في وقت قدرت اني
اكسر وركب جديد ، لكن اللي داخل الفيلا حالياً صعب اني اكسر ورد اركب بلاط
صورة الهبوط ان شاء الله احصلها تحتاج بحث وان شاء الله تكون واضحه الصورة

97071

بعض المقاولين يا اخوي يغلطون بعمل الصبية نازلة وبعدين ترقيع السالفة بدفان فوق الصبية حتى يرفع المستوى .. لو تعد الطابوق لين حافة الدريشة تحصلهم ست طابوقات = 120 سم .. وتعدهم ألحين بتحصلهم 5 طابوقات أو تقيس الارتفاع لين حافة الطابوق بتحصله بين 100 - 90 سم .. يعني دفن فوق الصبية بحدود 20 - 30 سم وتحصله دفان مب مدكوك نهائياً وهذا اللي خلى الهبوط يصير .. 5 سم على 20 أو 30 عادي تهبط الأرض بعد ما تنضغط حتى بالدوس .. والمفروض ممدد ومخلص الصرف الصحي ومسوي الخرسانة على كامل الغرفة مب تارك جزء مكشوف

كان يبي لك استشاري متابع وليس مقيم لأَن المقيم مكلف جداً وللمشاريع الكبرى للبيت تكفي المتابعة حتى لو اسبوعياً ولو المشروع بطيء شهرياً مرة

[CiTy]

السلام عليكم ورحمة الله
هذه صور مأخوذة من تصوير فيديو
ممكن تكون الصور غير واضحه
للأسف ما حصلت صور أوضح ، الظاهر من الصدمة ما قدرت اصور
^_*


9708697087

[معماري قطري]

الدفان رمل والرمل ينزل ويتغلغل في الفجوات بين الحجارة تحت .. قلت لك سوء تنفيذ واضح

بعدين تمديد البايبات يفترض فوق الصبية والصبية تنصب على دفعتين structural concrete تحت و leveling screed فوق بعد الانتهاء من التمديدات وتركيب الحبل داخلها والتأكد من عدم انسدادها

كلامك جائز الا صواب والسبب عدم الدك صح واستخدم رمل فوق حجارة أكيد ومالت صبية الخرسانة وحصل هذا الهبوط بسبب الفراغ تحت صبية الخرسانة

زين كان صورت الهبوط حتى نشوف

كل الحلول الفوقية من حقن وحتى إزالة البلاط وتركيب غيره ما تنفع ما دام الدفان غلط .. وأرجوك تراويه رسالتي ولو كان مصري أو مصري مستحيل يقتنع بيلف وبيدور بس خله يعيد الشغل صح يكسر ويشيل ويردم ويدك على دفعات بعدين يسوي خرسانته .. الظاهر الحوش بعد نفس الشيء يبين دفانه زين بس أكيد مستخدم حجارة كبيرة ودافن فوقها وبتخفق الأرضية بدون كلام طال الزمن أو قصر

[معماري قطري]

خسارتك لقيمة البلاط ولا شيء والا عليك ترضى بالأمر الواقع وتتحمل هذا الخط من الهبوط وتتحمل لو زاد في المستقبل

[CiTy]

السلام عليكم ورحمة الله ،،
اخوي معماري ابي اكون معك على الخط لاني حاس ان الصور او كلامي فيهم غموض
والسبب اللي خلاني اتوقع هذا الشيء هو في ظني اني قلت ان توجد صبية خرسانة فوق الدفان هذا على كل الفيلا
انا ارفقت فوق صورة توضح الخرسانة في المطبخ ، فا مادري احس من كلامك ان مافي هناك خرسانة فوق الدفان
او انت تقصد شيء ثاني او مرحلة بعدها ،؟؟ ! فا ياريت اتوضح اكثر
الرمل اللي في الصورة هذا رمل دفان فوق المواسير حق تركيب البلاط ، والصورة مصورها بعد الهبوط وتكسير البلاط
الرمل اللي في الصورة تحته الخرسانة الاصلية وانا كاتب على الصورة .

بخصوص الحصى اللي مع الدفان كم لازم يكون اقل حجم او مقاس ، وليش مايكون الحصى عامل مساعد في تماسك التربة
مثل الخرسانة ما تكون قوية الا بوجود حصى الكنكري .
وسلامتك أخوي معماري قطري

[khaldoon]

اخوي وين بيتك ..... لو بغيت تروح لشركة تحقن الارضيه بدل ما تكسر بيعطونك ضمان مثلا؟....... و كم سنة

البيت طالما انه في مرحلة الانشاء و بالمراحل النهائيه ليش ما يكون كل التصليح و التعديل و كل التكاليف المترتبه عليها على حساب المقاول

[khaldoon]

انا اشوف انك تتعامل مع الموضوع و كأنه مشكلتلك الشخصيه و كأنه بيتك عمره عشرين سنه و تبي حلها و البيت تحت الانشاء....وبن المقاول؟..... خلصت ال 400 يوم ؟.... ما في ضمانات بينكم؟

ما تقدر تطلب تفسير منه ايش اللي صاير عندك؟..... ما في شرطه ولا محاكم؟

[معماري قطري]

السلام عليكم ورحمة الله ،،
اخوي معماري ابي اكون معك على الخط لاني حاس ان الصور او كلامي فيهم غموض
والسبب اللي خلاني اتوقع هذا الشيء هو في ظني اني قلت ان توجد صبية خرسانة فوق الدفان هذا على كل الفيلا
انا ارفقت فوق صورة توضح الخرسانة في المطبخ ، فا مادري احس من كلامك ان مافي هناك خرسانة فوق الدفان
او انت تقصد شيء ثاني او مرحلة بعدها ،؟؟ ! فا ياريت اتوضح اكثر
الرمل اللي في الصورة هذا رمل دفان فوق المواسير حق تركيب البلاط ، والصورة مصورها بعد الهبوط وتكسير البلاط
الرمل اللي في الصورة تحته الخرسانة الاصلية وانا كاتب على الصورة .

بخصوص الحصى اللي مع الدفان كم لازم يكون اقل حجم او مقاس ، وليش مايكون الحصى عامل مساعد في تماسك التربة
مثل الخرسانة ما تكون قوية الا بوجود حصى الكنكري .
وسلامتك أخوي معماري قطري

عليكم السلام ورحمة الله وبركاته

الخرسانة ما يقويها الكنكري بالعكس يضعفها وينحط حتى يوفر التكلفة ولو يستخدمون خلطة رمل خشن مع إسمنت تكون أقوى بس يوازنون نسبة الماي والاسمنت وهي أهم عامل

انت ليش تركز على معرفة شلون نزل البلاط .. عليك التركيز على الحل الصحيح .. حتى تمديد بايبات الكهرب تحت على الرمل وبعدين الصب فوقه غلط

مثل ما قال لك المهندس خلدون واجب المقاول يصلح الخلل بس المقاول شكله ما وراه استشاري ومستفرد بك

[khaldoon]

^^^^^^^

والله يا الغالي لو انا بيتي تحت الانشاء و يصير هالشي سواء في استشاري او ما في بقول للمقاول دبر حالك ما بستلم البيت و انا دافعلك فلوسك علشان احصل على شي مزبوط

ما تبي تصلح في شرطه و محاكم و حماية مستهلك و مليون طريقه

[CiTy]

هلا فيك اخوي khaldoon

هو موضوع بين البسيط وبين الصعب ، البسيط ان اول ما هبط عندي هو الملحق كلمت المقاول والاستشاري واللي ركب البلاط
كلهم قالوا الدفان نزل ،، صح هو نزل لكن يترك علامة استفهام كبيرة وهي ان المقاول جيد والدفان جيد والجدار معزول بغار رول والارض مافيها
مياه جوفيه او سطحيه وفوق الدفان خرسانة 10سم فا كيف حصل هذا الهبوط هذا اللي اخلا المقاول يحك راسه ويدور حول نفسه ، المقاول قام
بتكسير البلاط وعمل لبشه وركب البلاط على حسابه انا بس شريت البلاط ، حاليا في اصوات تحت البلاط في امكان ثانية ما تبشر بخير
وانا مابي اكسر لو قلت للمقاول كسر بيكسر بس اشوف التكسير في هذا التوقيت مب في صالحي البيت شبه جاهز وين اكسر ودمر المكان
خيار صعب ومر ،،، فا على شان كذي انا جالس ادور حلول سهلة وعملية وفي تصوري ان لو عندنا الاجهزة اللازمة والمتخصصة
بيكون الموضوع جدا سهلة وبسيط ، لكن امكانيات سوق الدوحة متاخرين 15 ورا انا درت الصناعية ادور جهاز حقن الاسمنت
ورويتهم الصورة كانهم شايفين شبح شي اول مره يشوفونه ،،

اخر العلاج الكي ،، بس قبله بجرب البنادول ^_*

[khaldoon]

اخوي انت تقول انه الدك ممتاز؟..... اشلون قررت هالشي

انا شايف انه المشكله من كلامك في الدك و هروب التربه تحت الصبيه و صار في فراغات (cavity)

ايش نوع الدفان اللي انحط..... اعتقد انت قولت رمل بلاستر... اشلون اندك؟؟...... الصبيه تحت البلاط اقل شي 15 سم مع التسليح

الكلام هنا لا يكفي لابد من زياره للموقع و معاينة الموضوع على الطبيعه

[khaldoon]

ايضا لما تفكر تروح لشركة تعمل حقن لابد انك تفكر تروح لشركة متخصصه بهالشي و تعطي ضمانات كافيه مب اي محل والا الصناعيه عند بابو و راجو ...و كل هالتكاليف على حساب المقاول و حتى تكاليف بلاط جديد و دهان و جديد و اي شي تم دفعه من قبل

قوي قلبك القانون القطري معاك بس المهم تعرف تستخدمه

[khaldoon]

السلام عليكم ورحمة الله وبركاته ،،

قبل كم شهر في المطر الذي استمر تقريباً يومين متواصلين ظهر عندي هبوط مقدار 5سم في الملحق الخارجي
كان التأثير واضح في المطبخ أما المخزن وغرفة الخدم كان يصدر صوت من البلاط يوحي بوجود فراغ اسفل الصبية

كما تأثرت الفيلا في بعض الامكان واغلب التأثر وجود صوت تطبيل بدون هبوط .

سؤالي واستفساري هو . كيف ولماذا حدث الهبوط .
علماص بانني اخترت شركة ممتازة وكان الدك ممتاز ( هذا المفترض ) .
قمت بعمل عزل الاساس والحوائط في الاساس قبل الدفن من الداخل والخارج بالغار لفات وليس صبغ .

اود ان اعرف كيف وصل الماء للدفان رغم الاحتياطات التي تمت ؟ !!
وهل صوت التطبيل في البلاط داخل الفيلا هو هبوط ام عيب في تركيب البلاط ورمل البلاط في بعض الامكان دفان البلاط 20سم رمل بلاستر .
صوت التطبيل ليس في كل الامكان بل يتركز احيانا في الوسط واحيانا في الجوانب .
==
أنا افكر ان اقوم بعمل معالجة لهذه المشكلة من خلال حقن الفراغات بالاسمنت .
لكن حتى الان لم اجد محل يبيع جهاز الحقن او شركة متخصصة ( سوق تعبان ) .

المطلوب مشورتكم والحلول بدون تكسير لان انا في مرحلة لا تتحمل التكسير الفيلا على التشطيب النهائي .

وسلامتكم ،،
^_*

اخوي الحين الدفان تحت البلاط و فوق الارضيه 20سم؟؟؟!!!!!...... وايد هالسماكه.... اكيد بيصير هبوط ...ارجو التوضيح

[Qtri]

عندي نفس المشكلة بس كم بلاطه بنص الصاله منفكين تحت الزل الحل اللي عندي بشتري البلاط ان شاء الله وبتفق مع عامل شغله زين وبس ودمتم سالمين

[naklan]

نصيحة لك اخوي فك الارضيّة وعالج الدفان وبلط مرة
ثانية هذا الاسهل والأحسن لو نزل وانت ساكن بيعمل لك
ازعاج اكثر من ما تتخيل موفق اخوي

[CiTy]

السلام عليكم ورحمة

راح اكتب على السريع لان بروح الفيلا الحين النجار ينتظرني

دفان خرسانة 10سم مالت المقاول ،، بعدها المواسير وفوقهم رمل احتمال 15 او 20سم الان المواسير وايد وارفعت المستوى وفوق الرمل سمنت البلاط
واكيد فوق الاسمنت البلاط ، وسلامتكم
وانا شاكر لكم متابعتكم وا هتمامكم

واخوي معماري قطري انا ما شفت لحد الحين حد يحط المواسير وبعدين يصب فوقها خرسانة
لان هذه الاعمال متاخره ومتغيره ماتقدر تصب فوق المواسير الا بعد مد الاسلاك لضمان عدم التعديل
او الزيادة

تحياتي لكم
وراي خط

[khaldoon]

خرسانه 10سم غلط و ضعيفه و دفان 20 سم اكبر غلط و هذا سبب الهبوط و التطبيل و البايبات فوق الصبيه و تحت البلاط لازم يتم حمايتها بشبك حديد و صبيه مثل ما قال اخونا معماري

ليش ما مرر البايبات في صبية الارضيه و ليش تقاطعات وايد في البايبات والبايبات تركبت فوق بعض و تسببت بزيادة سماكة الدفان ل 15-20 سم

واضح انه تركيب البايبات مب عدل ولا بطريقه سليمه و كل هالاشياء اللي فوق تسببت بهالمشاكل..... انصاف الحلول ما تنفع و بتخسرك وايد مستقبلا

[khaldoon]

لو مضطر انك تخلي شبكة البايبات بهالكثافه و فوق بعض و مالها حل ثاني و بتضطر انك تخلي سماكة الدفان بين البلاط و صبية الارضيه 15-20 سم انصحك تشيل الدفان و تستبدله بطبقة سكريد تخفي و تحمي بداخلها كل البايبات و بتكون اقوى من الدفان.... ولا عمره الدفان بيكون قوي على سماكة 20 سم مع وجود بايبات.... مستحيل او لا يمكن اصلا و ما في دك للدفان بهالحاله ..... يفضل السكريد من شركة ريدي ميكس مب تخليط بالموقع

[CiTy]

السلام عليكم ورحمة الله
رجعت بالسلامة من الفيلا

انا ابي اثبت شيء مهم على شان الموضوع ينحل بطريقة سليمة واللي عنده نفس المشكلة
يستفيد من الطرح .

اول شيء انفرق بين دفان البيت المقاول وبين دفان البلاط هذه نقطة مهمة لاني اشوف كانه
البعض فهم انه الهبوط حاصل في دفان البلاط والصحيح الهبوط صار في الدفان الاولي مال المقاول
اللي يدفنون فيه الغرف ،، اما البلاط واللي تحت البلاط والرمل ماصار لهم شيء ومالهم خص في نزول
التربة ،،
ممكن الصورة المرفق اتوضح اللي صار لان هذا فعلا هو اللي صار ،،
97098

[khaldoon]

معنى هالكلام انه الدفان للغرف لم يتم دكه بطريقه صحيحه ...شوف كم سماكة الطبقه يوم كان يدفن هل هي 15-20 سم و الا نص متر و متر و الا طبقه واحده و يدك القشره فوق و بيتم ضعيف لانه يحتوي على فجوات cavities و قد يكون في هروب للتربه تحت الصبيه ....

ما قدرت اشوف الصور في هذا الموضوع

[CiTy]

وبخصوص المواسير انها فوق الخرسانة وتحت الرمل اتصور هذا المعمول
به في كل الفلل تسليم عظم ، تمديد المواسير الارضية على المالك يكلف
مقاول كهرباء يمدد وطبعا لما يمدد اكيد ماراح يحط فوقهم اسمنت او خرسانة
ماظن يلحق يغطي شيء من كثر المواسير واكيد راح تتراكم فوق بعض المواسير
وبترفع منسوب دفان البلاط لان معاهم مواسير تصريف ماي المكيف ، الحين وانا
راجع من الفيلا مريت على فلتين تحت الانشاء وحالهم بيكون نفس حالي ، هذا يعني
الكل او معظم الفلل اتم بهذه الطريقة .
انا معك ان الافضل تكون المواسير مع الخرسانة بس هذه تحتاج مخطط مايخر الماي
وعارف بالضبط موقع ومكان كل نقطة كهرباء والا وين راح اتكسر على شان اتمد
مواسيرجديدة في حال اجبرك الديكور او المكيف او او ،، مادري اللي بناء ومر عليه غير هذا الترتيب
والنظام يفيدنا
والله المستعان

[Qt.1]

وبخصوص المواسير انها فوق الخرسانة وتحت الرمل اتصور هذا المعمول
به في كل الفلل تسليم عظم ، تمديد المواسير الارضية على المالك يكلف
مقاول كهرباء يمدد وطبعا لما يمدد اكيد ماراح يحط فوقهم اسمنت او خرسانة
ماظن يلحق يغطي شيء من كثر المواسير واكيد راح تتراكم فوق بعض المواسير
وبترفع منسوب دفان البلاط لان معاهم مواسير تصريف ماي المكيف ، الحين وانا
راجع من الفيلا مريت على فلتين تحت الانشاء وحالهم بيكون نفس حالي ، هذا يعني
الكل او معظم الفلل اتم بهذه الطريقة .
انا معك ان الافضل تكون المواسير مع الخرسانة بس هذه تحتاج مخطط مايخر الماي
وعارف بالضبط موقع ومكان كل نقطة كهرباء والا وين راح اتكسر على شان اتمد
مواسيرجديدة في حال اجبرك الديكور او المكيف او او ،، مادري اللي بناء ومر عليه غير هذا الترتيب
والنظام يفيدنا
والله المستعان

كلام صحيح و 100% هذا الشغل المعمول فيه من زمان وفيلتي نفس الترتيب بالضبط , معلي يبي لك اشوية مراكض وعقب بترتاح ,,

[CiTy]

970999710097101

[معماري قطري]

السلام عليكم ورحمة الله
رجعت بالسلامة من الفيلا

انا ابي اثبت شيء مهم على شان الموضوع ينحل بطريقة سليمة واللي عنده نفس المشكلة
يستفيد من الطرح .

اول شيء انفرق بين دفان البيت المقاول وبين دفان البلاط هذه نقطة مهمة لاني اشوف كانه
البعض فهم انه الهبوط حاصل في دفان البلاط والصحيح الهبوط صار في الدفان الاولي مال المقاول
اللي يدفنون فيه الغرف ،، اما البلاط واللي تحت البلاط والرمل ماصار لهم شيء ومالهم خص في نزول
التربة ،،
ممكن الصورة المرفق اتوضح اللي صار لان هذا فعلا هو اللي صار ،،
97098

انا والمهندس خلدون وضحنا اللي نعرفه والشغل الصح وهذا ما يعني إن الشغل الثاني غلط .. الشغل الثاني غير مضمون وشفت شسبب لك .. في النهاية كل واحد بيته وهو حر فيه .. انا تكلمت من وجهة نظر هندسية .. تقول لي محد يسوي أقول لك اسمح لي نطبقها في الرسومات والمواصفات ونتابعها في الموقع غيرنا ما يسوونها هذي مسئلة ثانية

ومشكلتك بسيطة شفت الصور وقلت الشغل غلط .. وصدقني دخول المهندس خلدون صدفة وطابق كلامي وهو من المتمرسين في هذي الشغلة بعد

ثرى تفاصيل كثيرة ما يسوونها المقاولين وكله يختارون السهل لهم اذا ما فيه مشرف وأي شخص بنفسه مستحيل يلم بكل هذي الملاحظات والتفاصيل .. إحنا تفوتنا أُمور لو مب موضحة أول بأول في تفاصيل الرسم حتى تكون مكون أساسي للعقد

عني انا دوم اوضح الطريقة الصحيحة والمضمونة مب حق السائل بس للباقيين بعد وفي النهاية القرار للمالك فلوسه وبنيانه وهو حر

[معماري قطري]

970999710097101

نوعية الدفان زينة بس الدك شيء أساسي وتحت هذا الدفان مؤكد فيه حجارة كبيرة وفجوات والا ما يصير هبوط

[معماري قطري]

السلام عليكم ورحمة الله
هذه صور مأخوذة من تصوير فيديو
ممكن تكون الصور غير واضحه
للأسف ما حصلت صور أوضح ، الظاهر من الصدمة ما قدرت اصور
^_*


9708697087

أَلحين هذي الصور توضح لي عدة أَشياء .. ما فيه صبية تحت .. الدفان رمل وغير عن دفان البيت .. ترتيب بايبات الكهرباء بهالكثرة في ملحق وفوق بعض شيء غريب والمقاول يتخبط في هالموقع بالذات حسب الصور

لو الصبية بتنصب فوق البايبات بعد لازم حمايتها قبل بصبية باليد تنحط حولها وتكون مفرقة مب متكتلة هشكل .. ولو انصبت على البايبات في هذي الحالة احتمال الانسداد أكبر والتكسر .. خصوصاً قريب الجسور الأرضية

[CiTy]

السلام عليك اخوي معماري قطري

موضوع المواسير انا متفق معك ومع المهندس خلدون
قبل لا اطرح الموضوع صراحة عانيت كثير مع المواسير في البيت
كل اشوي الكهربائي يشتكي من ان مال الديكور كسر له المواسير
غير ان الكم الهائل للمواسير راح يضعف ثبات وتماسك الدفن وراح يزيد سمك الدفان مثل ما تفضلتوا
وكنت أقول في نفسي ليش ما تكون المواسير ممدوده في الخرسانة لكن بعد دراسة دقيقة
ما كنت اعرف ان هذا هو المفروض ينعمل حسب كلامك
حتى كنت افكر ليش البيبيب فيتري يرد يكسر في الطوفة والخرسانة على شان يمدد مواسيرة
مافي طريقة افضل مثلا نعمل مجرى خاص للمواسير في الطوفة مع مرحلة بناء الطابوق
مادري في أشياء وايد احس ان تحتاج دراسة وترتيب ووضع حلول اتخلي الفيلا متماسكة
وبدون أخطاء ،، للأسف الخبرة والمقاول والاستشاري هم سادة الموقف واحنا علينا التصفيق
او التفرج ،، الحمدلله جات على كذي
ها حد خاطرة يشتري الفيلا ^_^
:nice:

[بوخالد911]

الحين اقدر اقول إني أتابع موضوعك بقلق !!!!

[معماري قطري]

السلام عليك اخوي معماري قطري

موضوع المواسير انا متفق معك ومع المهندس خلدون
قبل لا اطرح الموضوع صراحة عانيت كثير مع المواسير في البيت
كل اشوي الكهربائي يشتكي من ان مال الديكور كسر له المواسير
غير ان الكم الهائل للمواسير راح يضعف ثبات وتماسك الدفن وراح يزيد سمك الدفان مثل ما تفضلتوا
وكنت أقول في نفسي ليش ما تكون المواسير ممدوده في الخرسانة لكن بعد دراسة دقيقة
ما كنت اعرف ان هذا هو المفروض ينعمل حسب كلامك
حتى كنت افكر ليش البيبيب فيتري يرد يكسر في الطوفة والخرسانة على شان يمدد مواسيرة
مافي طريقة افضل مثلا نعمل مجرى خاص للمواسير في الطوفة مع مرحلة بناء الطابوق
مادري في أشياء وايد احس ان تحتاج دراسة وترتيب ووضع حلول اتخلي الفيلا متماسكة
وبدون أخطاء ،، للأسف الخبرة والمقاول والاستشاري هم سادة الموقف واحنا علينا التصفيق
او التفرج ،، الحمدلله جات على كذي
ها حد خاطرة يشتري الفيلا ^_^
:nice:

عليكم السلام ورحمة الله وبركاته

المواسير تتمدد على الصبية وحتى ما تتكسر تنحمي بإسمنت لين تنعمل صبية ثانية بسيطة بحدود 5 سم .. بس عندك تكتل عجيب بدل ما تكون موزعة بطريقة صحيحة .. غير عندك تصريف مياه التكييف لازم تسويه لأَقرب حمام أو مطبخ وبسلوب بسيط أو أَقلها يكون مستوي حتى ما ينقع الماي فيه

الطريقة اللي اتكلم عنها تعتبر مثالية ولأَنك تخسر خرسانات كثيرة في أَماكن تخليها قوية زيادة وأماكن ضعيفة زيادة .. التصميم الجيد ويتبعه الاشراف الجيد يوازن ويخلي كل مكان قوي كفاية .. توني امشي في فيلاجيو ومسكت عمود اوضح للي معاي قاعدته تحت طابوق أو خرسانة وفوق خشب أو جبس مصبوغ وما تعرفه الا تضرب عليه بيدك وتسمع صوت الفضاوة داخل .. مب معناها هذا تصميم فاشل بالعكس هذا تصميم مدروس صح .. ولو ثقلت الجزء الفوقي بيكون وزن كبير وبتضطر تسوي أساسات قوية والتصميم الثقيل عيوب الشيخوخة تطلع عليه سرعة والخفيف عملي وبدون عيوب وأرخص وهذا المهم

ودي اقول لك هذا عادي وصح بس باكون جاملتك وضريت ناس كثيرين يتابعون .. الاستشاري عندك والمقاول تحصلهم يجتمعون من وراك ويقولون بس نستلم فلوسنا ونخلص ونروح ولا يشوفنا .. أَلحين فهم الاستشاري أَخطاءه لو هو المصمم والمشرف وخله يرتب حلول ويتحملها المقاول .. بعدين المقاول مسؤول عن ضمان شغله حتى لو الاستشاري ما حط تفاصيل كفاية

الله يعينك والله ويوفقك ويمكن المشكلة تنحل بسهولة برفع البلاطات اللي تحتهم فراغ وتعبئته بالاسمنت وترجيعهم مرة ثانية وهذا حل ال 50 50 حل ال 100% هو اصلاح الدفان وعمل الشغل صح مرة ثانية

[CiTy]

السلام عليك ورحمة الله اخوي معماري قطري
كلامك صحيح وكلام متخصص . هو ما يقدر يهرب من تحمل المسؤولية
الشركة شركة ممتازة وشغال وعندها مهندسين ، لكن ربك شاء وقدر
وبخصوص رفع البلاطات ماظن يفيد لان اغلب الظن ان خرسانة الدفان هي اللي نازلة
وهذا يعني تكسير كامل ،، بس انا ما زلت في محاولة مع علاج البنادول
وان شاء الله بينجح وبفتح شركة بعدها حق هذه الأمور وبا جيب لبناني يديرها
:nice:

[معماري قطري]

السلام عليك ورحمة الله اخوي معماري قطري
كلامك صحيح وكلام متخصص . هو ما يقدر يهرب من تحمل المسؤولية
الشركة شركة ممتازة وشغال وعندها مهندسين ، لكن ربك شاء وقدر
وبخصوص رفع البلاطات ماظن يفيد لان اغلب الظن ان خرسانة الدفان هي اللي نازلة
وهذا يعني تكسير كامل ،، بس انا ما زلت في محاولة مع علاج البنادول
وان شاء الله بينجح وبفتح شركة بعدها حق هذه الأمور وبا جيب لبناني يديرها
:nice:

عليكم السلام ورحمة الله وبركاته

الله يوفقك ان شاء الله

بعض الشركات ما تهتم والمشرف عليها ما يركز في كل شيء والموضوع بسيط إن شاء الله .. تعال شوف شوارعنا تستوي فيها حفر تكسر سيارات خلق الله لدرجة استوى الصالون في قطر مهما كان غالي سيارة فقراء

[معماري قطري]

نصيحة عامة للكل ولك اخوي ستي إهتموا بالتصميم والتفاصيل وبتطبيقها على الواقع وتكون مكتوبة في العقد

غالبية الدول عقودها بسيطة ومب مكتوب كل شيء لأَن فيه ستاندرد ملزم للكل والقضاء سريع والبناء والمقاولات عندهم قوانين حافظينها ما تتغير .. عندنا لا لازم يألف اللي بيبني كتاب للمقاول والمقاول بعد يتغيبى

اللي عنده غموض في شيء لا يتردد يسئل قبل حتى الباقين يساعدونه

[CiTy]

جزاك الله خير وكل من شارك على المعلومات والنصايح
طيب ليش ما تألف كتاب فيه الارشادات معزز بالصور
والعقود ،، اخبر في كتاب حق واحد كويتي اسمه السعدون
اذا ما خاب ظني ، كان كتاب ممتاز ويساعد اللي توه بيبني
كذلك احنا محتاجين تحديد موقع الفيلا من الشمس واتجاى الرياح
وغيره حتى الطبيلة محتاج تعرف مكانه وأمور كيرة انت اخبر مني فيها
يحتاجها كل واحد توه يبني اهل قطر على نياتهم واغلبهم اول مره يبنون
واكيد راح يكون كم الاخطاء كبير حتى لو المقاول ممتاز والاستشاري
لانه المالك صار مثل الممول واللي يحط ويشيل المقاول ، لكن لو
كان في كتاب ارشادي او خطوط واضحه يمشي عليها المالك بتكون
عامل مساعد ،،
والله الموفق ،،
اذا انت ما ألفت كتاب انا راح اخبط والف كتاب وبحط لبناني يخرج الكتاب وينشرة
:nice:

[معماري قطري]

اللي انكتب في هذا المنتدى مجلد مب كتاب

بعدين كل مبنى له ظروف تصميم خاصة وكل مالك له ذوق وهو بيدفع لازم هو يتدخل

إحنا هنا نجتهد بحدود المقدور عليه وصدقني أغلب اللي يصير غير ولا حد ينفذ مقترح كامل ويمشي على خطة وحدة

بيتي سويت له عقد وحساب كميات وصدثني التغيير فيه كان عن الرسومات في حدود 2% والعقد مثل ما هو وفرت حول 3000 ما دفعتها .. مشروع مثلاً لوالدتي والا لوالدي ما اخذ راحتي فيه لأَني انفذ حسب رغبتهم وكذلك أي شخص ثاني

[معماري قطري]

توجيه البيت حسب الأرض لكن استغلال النور الطبيعي بالدرايش والمناور هذا سهل وسهل توجه الغرفة حسب رغبتك .. بيتي الحمد لله يدخله النور الطبيعي من فجر لين المغرب وحتى نور القمر يبين بسبب المناور السقفية

[بوخالد911]

نصيحة عامة للكل ولك اخوي ستي إهتموا بالتصميم والتفاصيل وبتطبيقها على الواقع وتكون مكتوبة في العقد

غالبية الدول عقودها بسيطة ومب مكتوب كل شيء لأَن فيه ستاندرد ملزم للكل والقضاء سريع والبناء والمقاولات عندهم قوانين حافظينها ما تتغير .. عندنا لا لازم يألف اللي بيبني كتاب للمقاول والمقاول بعد يتغيبى

اللي عنده غموض في شيء لا يتردد يسئل قبل حتى الباقين يساعدونه

مساكم الله بالخير
في هاذي أتفق معك تماما.
انا من النوع اللي يقرا ما بين السطور
وأحب أعدل وأضيف بنود تكون لصالحي.
مثلا
أي جهة تشتغل ببيتي أشرط عليهم التالي:

يجب تنظيف الموقع بالكامل من الأعمال الناجمة عن مشروعكم وعدم رميها بفناء البيت.

[معماري قطري]

مساكم الله بالخير
في هاذي أتفق معك تماما.
انا من النوع اللي يقرا ما بين السطور
وأحب أعدل وأضيف بنود تكون لصالحي.
مثلا
أي جهة تشتغل ببيتي أشرط عليهم التالي:

يجب تنظيف الموقع بالكامل من الأعمال الناجمة عن مشروعكم وعدم رميها بفناء البيت.

وهذا الشرط موجود في المواصفات القطرية من عرفوا يسوون مواصفات بس آلية الالزام وينها؟

[khaldoon]

من شوي كان عندي مندوب مبيعات من سيكا Sika ... سألته عندكم حقن بالفوووم و ممكن يرفع الاراضيه المهبطه و مب بس يمنع نزولها اكثر قالي عنا.... تقدر تمر عليهم لو حبيت

[CiTy]

السلام عليكم ورحمة الله
اكثر ما لعوزني هو المخلفات اللي اتركوها ،، على اني قريت هذه الملاحظات في المنتدى من قبل لا ابني لكن ما قدرت اطبقها ، بسبب تداخل الاعمال في الفيلا
كل واحد يقول مب لي أو ان انا ما عندي وقت اقد اركض وراهم وقولهم شيل شيل ، الله المستعان ,,

اخوي خلدون سبق السيف العذل ،، انا طلبت الجهاز وهو في الطريق الحين ، شكلي راح ادمر الفيلا :court: بسويها تجارب

[معماري قطري]

السلام عليكم ورحمة الله
اكثر ما لعوزني هو المخلفات اللي اتركوها ،، على اني قريت هذه الملاحظات في المنتدى من قبل لا ابني لكن ما قدرت اطبقها ، بسبب تداخل الاعمال في الفيلا
كل واحد يقول مب لي أو ان انا ما عندي وقت اقد اركض وراهم وقولهم شيل شيل ، الله المستعان ,,

اخوي خلدون سبق السيف العذل ،، انا طلبت الجهاز وهو في الطريق الحين ، شكلي راح ادمر الفيلا :court: بسويها تجارب

ما شاء الله عليك يا ستي نبغي نتابع معاك التجربة ( ومن صدقي ) ومتمني لك كل توفيق

[معماري قطري]

من شوي كان عندي مندوب مبيعات من سيكا Sika ... سألته عندكم حقن بالفوووم و ممكن يرفع الاراضيه المهبطه و مب بس يمنع نزولها اكثر قالي عنا.... تقدر تمر عليهم لو حبيت

حقن الفوم موجود أكيد لكن اللي نتكلم عنه حقن قراوت أو اسمنت تحت البلاط .. الفوم مادة عازلة لكن فيه هشاشة وضعف

[khaldoon]

حقن الفوم موجود أكيد لكن اللي نتكلم عنه حقن قراوت أو اسمنت تحت البلاط .. الفوم مادة عازلة لكن فيه هشاشة وضعف
http://www.q8ping.com/83533.html

[khaldoon]

حقن الفوم موجود أكيد لكن اللي نتكلم عنه حقن قراوت أو اسمنت تحت البلاط .. الفوم مادة عازلة لكن فيه هشاشة وضعف

ما اعتقد و مثل ما قولت قبل من اول يوم.... لو ما في ضمان على الشغل لا تسويه

[معماري قطري]

ما اعتقد و مثل ما قولت قبل من اول يوم.... لو ما في ضمان على الشغل لا تسويه

طريقة سهلة وسريعة والجيد إن فيه شركة تسويها .. تنفع للهبوطات في طرقنا .. انا حطيت فيديوهات حق نفس الطريقة بس بخلطة مونة خاصة

[CiTy]

السلام عليكم ورحمة الله
الجهاز وصل اليوم
97256

[معماري قطري]

السلام عليكم ورحمة الله
الجهاز وصل اليوم
97256

ما شاء الله عليك نبي صور قبل وأثناء وبعد

[CiTy]

97262

السلام عليكم ورحمة الله

ان شاء الله راح اعمل اول شيء اختبار عندي في البيت على أرضية وهمية
لاني صراحه ماعرف كم راح احتاج من نسبة الاسمنت والرمل والماي
بتم اجرب لين اوصل للنسبة اللي احس انها راح تتغلغل تحت الخرسانة وتنتشر
وهالايام الجو يصير ساعات حار فا اكيد راح اتاخر في النتائج
والله المستعان

[khaldoon]

97262

السلام عليكم ورحمة الله

ان شاء الله راح اعمل اول شيء اختبار عندي في البيت على أرضية وهمية
لاني صراحه ماعرف كم راح احتاج من نسبة الاسمنت والرمل والماي
بتم اجرب لين اوصل للنسبة اللي احس انها راح تتغلغل تحت الخرسانة وتنتشر
وهالايام الجو يصير ساعات حار فا اكيد راح اتاخر في النتائج
والله المستعان


مين بيسوي الشغل ...هل هي شركة متخصصه..... في طريقة للشغل قبل البدء و الا انت بتسويه بنفسك؟..... ارجو التوضيح علشان نقدر نساعدك لو بغيت كلمني خاص

[معماري قطري]

97262

السلام عليكم ورحمة الله

ان شاء الله راح اعمل اول شيء اختبار عندي في البيت على أرضية وهمية
لاني صراحه ماعرف كم راح احتاج من نسبة الاسمنت والرمل والماي
بتم اجرب لين اوصل للنسبة اللي احس انها راح تتغلغل تحت الخرسانة وتنتشر
وهالايام الجو يصير ساعات حار فا اكيد راح اتاخر في النتائج
والله المستعان

يا اخوي خذ مواصفات الجهاز وروح عند الموردين الكبار مثل العمودي وتدمر والمتحدة وشركة نسيت شسمها عندها روبات خاصة .. إنت تحتاج روبة شبه سائلة ولا تحتاج التقليدية ويمكن ما ينفع للتقليدية

[CiTy]

السلام عليكم ور حمة الله
أخوي خلدون مثل ما قلت قبل راح انخلص شريط البنادول وبعدين بنشوف اهل التخصص .

اخوي معماري قطري هل تقصد روبة نفس اللي يسكرون فيها فواصل البلاط او روبة تصلح تكون محل الخرسانة وتكون داعمة
للي فوقها او تحتها .؟!

[khaldoon]

السلام عليكم ور حمة الله
أخوي خلدون مثل ما قلت قبل راح انخلص شريط البنادول وبعدين بنشوف اهل التخصص .

اخوي معماري قطري هل تقصد روبة نفس اللي يسكرون فيها فواصل البلاط او روبة تصلح تكون محل الخرسانة وتكون داعمة
للي فوقها او تحتها .؟!

و عليكم السلام و رحمة الله و بركاته.... ابيك تاخذ شريط البندول بطريقه صحيحه يا اخوي علشان تحصل على افضل النتائج

[معماري قطري]

السلام عليكم ور حمة الله
أخوي خلدون مثل ما قلت قبل راح انخلص شريط البنادول وبعدين بنشوف اهل التخصص .

اخوي معماري قطري هل تقصد روبة نفس اللي يسكرون فيها فواصل البلاط او روبة تصلح تكون محل الخرسانة وتكون داعمة
للي فوقها او تحتها .؟!

الروبة تحت وبين البلاط ممكن نستخدم نفس الشيء .. تحت حتى ممكن اسمنت وماي كثير ورمل ناعم أقل ما يمكن حتى تكون شبه سائلة والا شوف المونة الخاصة .. فيه عبوات حول 5 كيلو نوع أمريكي .. حتى الاسمنت الأبيض ينفع .. القراوت للفواصل تحتاج نوع خاص بلون معين وقوي لا تحط اسمنت عادي ولا أبيض .. شوف المتحدة عندهم كل الألوان وحبيباتها صغيرة تدخل في كل الفجوات ولا تتغير