> حسبي الله ونعم الوكيل <

[شبح الصمت]

السلام عليكم ورحمة الله وبركاته ،،،


مواقف غريبه من اناس نحن بحاجتهم من بعد الله تعالى ..

موقفين بذكرهم لكم وبترك التعليقات لكم


اول موقف حصل لي تعبات ورحت المستشفى
طبعاً على النظام الجديد
تاخذ رقم تروح غرفة الفحص يسألونك كمن سؤال ويكشفون عليك عقب يحولونك على الرسيبشن عشان تاخذ رقم للدكتور
تاخذ لك معاهم من 5 لين 10 دقايق حلوو
تروح الرسيبشن
ادخل بيانات ويختارون لك الدكتور وطبعاً الدكتور مختارينه قبل غرفة الفحص
تاخذ لك بعد 5 دقايق على حسب الموظفة وسرعتها .


تروح نتتظر دورك قدامك واحد اثنين ثلاثة

المهم ما يقل عن 20 دقيقة انتظار
تدخل على الدكتور طبعاً يسالك اشفيك مافيك ويتم يطبع بس هالدكتور طووول يسالني ويسكت يتم يطبع يطبع
عقب 10 دقايق قال قم على السرير قمت وجلست قريب الـ 5 دقايق

اشوي الا طق الباب واحد ودخل هلا دكتور بس حبيت اسلم عليك قبل لا اسافر واشكرك !!! :eek5:
انزين والمريض الي موجود
المهم عديتها وسكت بلعتها لانه انا مب في حالتي .


قام وفحصني بطل حلجك بطلت
طبعاً وانا رايح له فيني حكة وفيني بلغم تكرمون وزكام وبلاعيمي ضاربه علي وعيوني فيها رمد ...

قالي بس تعال
قمت طلع لي ورقة اجازة قلت له دكتور انا بس ابي بخار تحط لي لاني تعبان واحتاجه
قالي اوكي وانا انتظر ما عطاني اي دوى قلت يمكن حالتي اوكي
قلت له دكتور انزين والرمد في عيوني

قالي انا خلصت منك !!!!!!!! :secret::eek5::eek5:

يعني بالعربي دور الي بعدك !!!

قلت له جزاك الله الف خير
وقمت وطلعت حطيت البخاخ عندهم ورديت البيت رقدت
وامس مب مترقع بلاعيمي والاهل مساكين يعالجون فيني وصخونه وبلاعيمي مشققه من داخل ..



المهم الموقف الثاني .
اول مره رحت لدكتور كان ولدي مسوي غرز الدكتور الاولي قام ورفع ريله وبطل عشان يشوف


المره الثانية دكتور ثاني في موعد آخر
يسالني عن الاصابة ققلت له ابيك تشوفها

والا خلاه يتحرك من الكرسي

قالي افتحها خلني اشوفها !!! :eek5:

هذه شغلتي والا شغلتك يا دكتور قلت في قلبي ..
يلا خلني ابلعها بعد واسكت .


انتم اش رايكم في المواقف يمكن ان على خطأ
يمكن ولين الحين انا احس نفسي غبي اني ما رديت عليهم الاثنين في حزتها ..

:anger1:

[بانغ بانغ]

الف سلامات يا شيخ شبح

نفس حالتي

[شبح الصمت]

الف سلامات يا شيخ شبح

نفس حالتي



الله يسلمك ياخوي
ما عليك شر

وأسال الله العظيم رب العرش العظيم ان يشفيك ويشفيني ويشفي مرضى المسلمين آجمعين

[A-Alansari]

سلامات وماتشوف شر

ياليتك رديت على الاول تفشله مع رفيجة الي يودعه

والثاني تخلي يقوم يسوي شغله

على كلامك الي ذكرته تحس كأنهم قاعدين يبون يخلصون بسرعه ويفكون روحهم مب قاعدين يشتغلون عشان راحه المريض

[شبح الصمت]

سلامات وماتشوف شر

ياليتك رديت على الاول تفشله مع رفيجة الي يودعه

والثاني تخلي يقوم يسوي شغله

على كلامك الي ذكرته تحس كأنهم قاعدين يبون يخلصون بسرعه ويفكون روحهم مب قاعدين يشتغلون عشان راحه المريض



الله يسلمك ياخوي ..
الشره عليهم الاثنين والي فتح الباب مفروض في اشارة تنوضع على الباب تبين انه في مريض داخل
حمره في مريض
خضره مافي الطريق سالك حياك عند الدكتور ..

[بانغ بانغ]

لا وبيفتحون مستشفيات جديدة

الله المستعان

[Dana’1]

ماتشوفون شر يارب لاباس طهور إن شاءالله

أما دخول اي شخص غير الطبيب والممرض مو من حقهم كلش وكان قلت له سلاماات لازم خصوصيه واساسا المفروض يقفل الباب !

اما الفحص زين قالك اطلع عالسرير يامعود أنا الدكتوره تقولي افتحي حلقس وهي جالسه بكرسيها وأنا عالكرسي المقابل بينا المكتب زرقا اليمامه حضرتها ههههههه شر البليه مايضحك
يبغالهم شخال..المشكله نروح دايخين مالنا خلق تصدق حتى إسمها ما اذكره


أما الدكتور الثاني بعد تصرفه خطأ وإذا هو يشوف هالشي مو من عمله كطبيب،،،لازم يلزم الممرض يجلس معه وقت الكشف ويجهز له الأمور كلها وهو يشيك!
وبصراحه هالامور تصير مثلا يقول ارفعي تي شيرت الطفل عشان يحط السماعات وكذا ..بس بعد لازم وجود ممرض يساعد الطبيب وأنا كأم اكون يم طفلي في حال لعوزهم او اهدي من روعه

[شبح الصمت]

ماتشوفون شر يارب لاباس طهور إن شاءالله

أما دخول اي شخص غير الطبيب والممرض مو من حقهم كلش وكان قلت له سلاماات لازم خصوصيه واساسا المفروض يقفل الباب !

اما الفحص زين قالك اطلع عالسرير يامعود أنا الدكتوره تقولي افتحي حلقس وهي جالسه بكرسيها وأنا عالكرسي المقابل بينا المكتب زرقا اليمامه حضرتها ههههههه شر البليه مايضحك
يبغالهم شخال..المشكله نروح دايخين مالنا خلق تصدق حتى إسمها ما اذكره


أما الدكتور الثاني بعد تصرفه خطأ وإذا هو يشوف هالشي مو من عمله كطبيب،،،لازم يلزم الممرض يجلس معه وقت الكشف ويجهز له الأمور كلها وهو يشيك!
وبصراحه هالامور تصير مثلا يقول ارفعي تي شيرت الطفل عشان يحط السماعات وكذا ..بس بعد لازم وجود ممرض يساعد الطبيب وأنا كأم اكون يم طفلي في حال لعوزهم او اهدي من روعه



الشر ما يجيج والا تواجهونه

يعني كلنا نفس الشيء حاصل لنا
وعن الدكتور
الحين الدكتور في المراكز الصحية اهو دكتور وممرضة في نفس الوقت

الا في حمد تكون وحده تضبط له دخول المرضى ..

[um.7moody]

نفس اللي حصل لي بالضبط .. رحت للدكتوره تعبانه حدي ولااكشفت علي كلش
بس قالت لي انتي تشتغلين قلت لها اي قالت رحتي الدوام قلت لها تعبانه ماقدرت
قامت وكتبت لي إجازه مرضيه وقالت لي خلاص تقدرين تروحين

وفي مره من المرات كنت عند الدكتوره وكان تدخل وحده من ربعها جايه من برع المستشفى
وتقعد على الكرسي اللي قدامي وتقول للدكتوره كنت مارت قلت اسلم عليك وتمت تسولف معها
انزين والمريضه اللي قاعده شنو مالها خصوصيه والمرضى اللي ينتظرون برع شنو وضعهم

انا اشتكيت عليهم وكتبت في تويتر واتصلوا يأخذون الشكوى وفي الأخير ماصار شي ولاخذت حقي

[موظف ((حكومي]

لو في مراقبه على عملهم ماصارت هالفوضى في العمل

الكل يعمل بدون نفس

[شبح الصمت]

نفس اللي حصل لي بالضبط .. رحت للدكتوره تعبانه حدي ولااكشفت علي كلش
بس قالت لي انتي تشتغلين قلت لها اي قالت رحتي الدوام قلت لها تعبانه ماقدرت
قامت وكتبت لي إجازه مرضيه وقالت لي خلاص تقدرين تروحين

وفي مره من المرات كنت عند الدكتوره وكان تدخل وحده من ربعها جايه من برع المستشفى
وتقعد على الكرسي اللي قدامي وتقول للدكتوره كنت مارت قلت اسلم عليك وتمت تسولف معها
انزين والمريضه اللي قاعده شنو مالها خصوصيه والمرضى اللي ينتظرون برع شنو وضعهم

انا اشتكيت عليهم وكتبت في تويتر واتصلوا يأخذون الشكوى وفي الأخير ماصار شي ولاخذت حقي



زين قلتي لي وزين ما اشتكيت انا مالي في المشاكل والا احب اقطع رزق احد ولكن نبي يادون واجبهم

الطب مهنة انسانية واخلاقيه ..

لكن للاسف البعض لا يأدونها
مفروض اي احد يعمل في الصحة يقسم نفس قسم العسكري انه يادي واجبه على اكمل وجه ..

والله يعينج
وما عليج شر

[شبح الصمت]

لو في مراقبه على عملهم ماصارت هالفوضى في العمل

الكل يعمل بدون نفس



اشلون مراقبة يعني يدزون لهم ناس منهم وفيهم

واحنا يعني مب ناس بنلفق عليهم اتهامات منيه والطريق

[Rider]

خل يدخل عليه واحد من جنسيته شوف شيسوي معاه للاسف هذا الي صاير في كل مكان

[شبح الصمت]

خل يدخل عليه واحد من جنسيته شوف شيسوي معاه للاسف هذا الي صاير في كل مكان



ياخوي عليهم بالعافيه بس هل تصح هالافعال منهم يعني .. !

المواقف واضحه

[موظف ((حكومي]

اشلون مراقبة يعني يدزون لهم ناس منهم وفيهم

واحنا يعني مب ناس بنلفق عليهم اتهامات منيه والطريق

لو مراقبه تكون من جهه معينه في كشف عن تسيب الموظفيين

ماصارت الدعوه تعال اجلس كم ساعه واستلم معاش اخر الشهر بدون اي اعتراض او خصووم

[شبح الصمت]

لو مراقبه تكون من جهه معينه في كشف عن تسيب الموظفيين

ماصارت الدعوه تعال اجلس كم ساعه واستلم معاش اخر الشهر بدون اي اعتراض او خصووم


صدقت ياخوي وبالذات بعض المؤسسات الحساسة الي مراجعينها بدون توقف ..

[BigBrother]

وعليكم السلام ورحمة الله وبركاته ,,,,
الف سلامة عليك

الصراحة في زماننا اصبح الطبيب والمحامي مثل التاجر بل اسوأ

مفروض الطبيب يكون عنده قناعة ان المريض ما جاء الا وهو يتألم ومحتاج لمعاملة حسنة وطبيب فاهم يعطيه دواء يخفف عليه
وان طول الانتظار واللامبالاة تسبب الم اكثر من الم المرض

[رجل الجزيرة]

الدكتور الأولي:
المفروض يعطيك مضاد حيوي دام إن اللوز ملتهبه وهو المفروضيحول على دكتور العيون.
الثاني: ما فمهت منه شيء
الثالث: المفروض تقول له نعم ولدي وأبغي أطمئن عليه وما عليك منهم أنت قطري والمفروض يكون فيه صندوي للشكاوي والإقتراحات.
مشكلتنا يا أهل طيبين أكثر من اللازم ولا نحب المشاكل فلو كل واحد منا إشتكى على الدكاترة كان شفيت الإحترام بينا وبينهم.

[العقل المدمر]

الله يعينك
انا ماعدت اروح مستشفيات خير شر لو شيصير فيني
والسبة بعض الدكاترة اللي زاد عددهم ويداومون عالفاضي مايبون يشتغلون
وبدل لا يعالجونا يزيدون مرضنا مرض

[هيليوم]

بخصوص النظام الجديد فهو مب عملي صراحة ، صحيح انهم سمحوا بالدخول بدون موعد لكن نظام المواعيد شغال معاه في نفس الوقت وما راح تضبط ، انا سمعت انهم حطوا نظام المواعيد عشان الاعتماد الكندي للمؤسسة اوكيه هذا شي طيب لكن كان احسن لو خلوا دكتور او اثنين للمواعيد والباقي بالدور لان المراكز الصحية شغلها قريب للطوارئ مب للعيادات الخارجية اللي تحتاج نظام المواعيد


اشوي الا طق الباب واحد ودخل هلا دكتور بس حبيت اسلم عليك قبل لا اسافر واشكرك !!!
انزين والمريض الي موجود
المهم عديتها وسكت بلعتها لانه انا مب في حالتي .

انا مرة دخلت على الدكتور ولقيت معاه واحد يسولف معاه والمرضى يدخلون ويتعاجلون وهو موجود:rolleyes2:

[SouthK]

عاجي .. اهل قطر عددهم وايد و لازم يا يهاجرون أو ينذبحون على يد دكاترة ما عليهم رقيب!!!

[الحاقول]

حاليا الطبيب القطري هو الافضل من جميع الجنسيات

[القلب المؤمن]

حاليا الطبيب القطري هو الافضل من جميع الجنسيات

وهو المحارب وبقوة من الادارات والاجانب والمهمش مجهوده والمقموعه طموحه ..للاسف

[بنت شرق]

زين قلتي لي وزين ما اشتكيت انا مالي في المشاكل والا احب اقطع رزق احد ولكن نبي يادون واجبهم

الطب مهنة انسانية واخلاقيه ..

لكن للاسف البعض لا يأدونها
مفروض اي احد يعمل في الصحة يقسم نفس قسم العسكري انه يادي واجبه على اكمل وجه ..

والله يعينج
وما عليج شر
ماتشوف شر ، الطب حاليا مهنة نقدية يكرفون عمرهم كرف بالاوفر تايم علشان راتب فوق المية ألف وبعض الاطباء يدفعون لهم بالدولار وعقود خارجية يعني امتيازات بالهبل مايحلم بها الدكتور القطري

[توشيبا]

قد دش علينا واحد وانا عند الدكتور وكان الدكتور طاير فيه ويسلم وبالحضن

لفيت وجهي صوبه قلت عندك رقم واذا كان عندك رقم اطلع برا اما اذا ماعندك رقم اقولها لك اقبض الباب

وزعل وطلع والدكتور زعل والممرضه زعلت وانا زعلت والكل زعل

[cafe998]

قد دش علينا واحد وانا عند الدكتور وكان الدكتور طاير فيه ويسلم وبالحضن

لفيت وجهي صوبه قلت عندك رقم واذا كان عندك رقم اطلع برا اما اذا ماعندك رقم اقولها لك اقبض الباب

وزعل وطلع والدكتور زعل والممرضه زعلت وانا زعلت والكل زعل
كفو والله عجبتني

[aldotshy]

بالنسبة للموقف الأول

كثير كل مادخل على الدكتور يكون معاه دكتور ثاني وضرب سوالف !

[طلعة الروح]

تصرفات فردية وماتشوف شر الدرس المستفاد مب أي دكتور ادخل عليه حتى لو بمركز صحي اذا حسيت علاجه غلط اطلع من عنده واطلب غيره او تحويل لمشفى اخر ، أتمنى نشوف اطبا قطريين في التخصصات المهمه من المخلصين والمحبين لمهنتهم .

[الحياة الخالدة]

الله يعينك أخوي شبح
تفضل :

http://b.top4top.net/p_124upbb0.jpeg (http://up.top4top.net/)

[معماري قطري]

سلامات يا شبح الصمت ما تستاهل

لو تلاحظون شلون الأطباء يهتمون بغير القطري تستغربون

[معماري قطري]

الله يعينك أخوي شبح
تفضل :

http://b.top4top.net/p_124upbb0.jpeg (http://up.top4top.net/)

عاد إن شاء الله يردون على هالهواتف حاطين شكثر الظاهر متوقعين شكاوي وايد

[مواقف النجادة]

أنا تعاملت مع مختلف البشر من صباغين و بنائين و تجار و اصحاب كراجات .. ما احد قدر ينصب علي - بفضل الله - الا بعض الدكاترة الزائرين في العيادات الخاصة ..

للأسف تربينا على احترام الدكاترة و تقديس افعالهم و علمهم و اغلبهم يستاهل ان شاء الله .. و لكن بعضهم لا يملك الشخصية و الأخلاق اللي تليق باللقب .

[STAR]

سالفه النظام الجديد اني ادخل ع الدكتور وهو كل همه يكتب بالكمبيوتر مابلعتها..

عيل رايحه الطواري وكنت حامل وجاني طلق مب في موعده قاعد لي ببرود يكتب بالكمبيوتر والمصيبه بطيئ وبيد وحده!!

ليش مايخلون المساعده التيرس هي الي تكتب وهو ينشغل بالمريض ابرك له..

حتى الدكاتره تغيروا وين ايام زمان ...

[STAR]

على طاري المستشفيات تهقون بيرجعون التأمين الشهر الجاي؟

[شبح الصمت]

الله يجزاكم خير ...


واشكر مؤسسة الرعاية الصحية على التواصل معاي واخذ شكوتي بعين الاعتبار والاهتمام منهم..


الله يجزاكم خير وبيض الله وجيهكم