الحجية مضَيْعـــة .. الله يعينج

[الحياة الخالدة]

السلام عليكم و رحمة الله و بركاته
صبحكم الله بالخير

كلنا نفهي و نتدوده .. لكن بعض التفهي ماله حل

رفيجتي ( الله يحفظها و يستر عليها دنيا و آخرة )
نازلة المدرسة و يايبة بنتها من الروضة .. شافت السيارة قدامها و دشت .. ركبت بنتها ورا
و قعدت قدام حذا ولدها اللي ياي ياخذهم و سكرت الباب .. و قعدت تطقطق في الجوال و قالت له يلا حرك

شوي والا راعي السيارة يقول لها : أختي لو سمحتي :eek5:

طبعاً لا السايق ولدها ولا السيارة اصلاً سيارتهم :rolleyes2:

طبعاً تدربحت من السيارة و ويهها يقلب ألوان و سحبت بنتها من ورا و تهاوشها : ما تعرفين أخوج ؟؟ ما تتكلمين و تقولين مب سيارتنا :anger1::anger1:

لا و ياية تقول لنا السالفة و تقول يعني هو بعد ( ....) ما انتبه ان احنا دخلنا بالغلط


وبس والله
موقف جميل و ظريف
و هناك المزيد
انتظروني .. و شاركوني إن أحببتم

[naklan]

ههههههههههه صج الانسان اذا ما ينتبه يتلعوز
عدم التركيز ممكن يودي في داهية ههههههههههه

[ضوى]

يعني هالمفهية لو هالريال مب ولد حلال وقالها حجية مب سيارتكم مب راحت في ستين داهية ، تروح وتركب جدام بعد ، هالتلفون بيضيع الادوام حسبي الله عليه

[العلياا]

هههههههههه هذا اكثر موقف يصير بس الحمدلله ماصار لي

اذكر كنت موديه اختي الخياط لما رجعت في سيارة نفس سيارتي قدامي واقفه
اختي اركبت واحنا من كثر ما ضحكنا ماقدرنا لا نهرن ولانكلمها ناطريينها هي تستوعب ودائما الغلط يكون على الرجال اللي ماله ذنب ههههههههه

[الحياة الخالدة]

ههههههههه منورين يا جماعة
صاجة ضوى الجوال مودي وايد ناس في داهية
بس التفهي ما يعيل على أحد

[naklan]

يعني هالمفهية لو هالريال مب ولد حلال وقالها حجية مب سيارتكم مب راحت في ستين داهية ، تروح وتركب جدام بعد ، هالتلفون بيضيع الادوام حسبي الله عليه

ههههههههه تدشين مول تلقين الناس مدنعه مثل الخرفان الي مفليه
والاصابع تلعب في التج سكرين بعض البنات يمشون لين يدعمون لهم
شي عمود ولا اي شي قدامهم والاخس صار الاستعمال مع السواقة
للتلفون وهذا خطر وممكن يودي في داهيه او يقتل صاحبه

[مسمس12]

تصير
انا صارت معاي عند جوازات سلوى عند تطبيق النساء ركبت السياره وحطيت بطاقتي الشخصية وورقة التطبيق احذا الريال ويوم رفعت الغشوه الا مش زوجي وانزل اركض لان نفس سيارتنا حصلت هوشة محترمه المشكه انه يلحقني يبي يعطيني البطاقة وانا اركض لين اشر لزوجي ان البطاقة بس تعلمت اتاكد قبل اركب

[الحياة الخالدة]

أختي الله يحفظها و يستر عليها

نزلت تشتري خضرة من الدكان و طلعت .. ركبت سيارتها
و قالت حق الهندي يحط الاغراض في الدبة من ورا
طبعاً كانت معاهم خيشة بصل
يات تشغل السيارة مب راضية تشتغل .. انتبهت انها مب سيارتها
طلع راعيها مخليها مفتوحة ما قفلها .. و نازل بعد يشتري من الدكان المجاور
نزلت بسرعة بسرعة و نادت الهندي ينزل الاغراض

و هرولت مسرعة إلى سيارتها .. والحمد لله ان راعي السيارة ما طلع من الدكان
بس الأكيد أنه بيشم ريحة البصل

[ya3coub]

ههههههههههه

صارت معاي كم مرة قبل

احس الحريم اكثر من يسونها

[السكين]

هههههههه عاد غلطانة وتهاوش بنتها وتغلّط الرجال أما هي صح ما شاء الله ، لو إنه حاط رجله ودايس وماشي فيهم كانت عرفت ان الله حق :nice:

أما سالفة البصل قصة ههههههه

[السكين]

ايام برنامج الكيك كان مضاف عندي واحد سعودي يقول لي دخلت المسجد أصلّي العشا ، بعد الصلاة اللي جنبه كبير بالسن ضرب على رجله وقرب عليه بصوت خافت يكلمه وقال له : تروح تاخذ أمك وخواتك فلانة وفلانة وتودهم عند خالتك فلانة ههههه ، الرجال كوميدي : قال له : أبشر يبه ، بس أنا ما عندي خالة بهالاسم هههههههه

[ضوى]

هههههههه عاد غلطانة وتهاوش بنتها وتغلّط الرجال أما هي صح ما شاء الله ، لو إنه حاط رجله ودايس وماشي فيهم كانت عرفت ان الله حق :nice:

أما سالفة البصل قصة ههههههه

بيني وبينك الام مالها ذنب ذنب البنت اللي ماتتحجى وذنب الريال اللي من اول ماشت البنت ماتكلم يعني نطر لين الام تدش وتقوله حرك ويقولها حجية غلطانة :weeping:

[بريق الحق]

اذكر مره كنت فالجوازات اغير صورتي الجميله وعطيتهم بطاقة البنك عشان ادفع وعطيتهم بطاقتي الشخصيه اشوي دفعت والاخت خذت بطاقة البنك وخلتها عندها قالت تقدر تروح وتعال بعد يومين
قلت لها اختي بتخلين عندج بطاقة البنك بعد الاخت صار ويها اصفر والي وراها يضحكون وانا خذيت بطاقتي والابتسامه الشريرة في وجهي وقلت في نفسي نجحت الخطه (:

[السكين]

اذكر مره كنت فالجوازات اغير صورتي الجميله وعطيتهم بطاقة البنك عشان ادفع وعطيتهم بطاقتي الشخصيه اشوي دفعت والاخت خذت بطاقة البنك وخلتها عندها قالت تقدر تروح وتعال بعد يومين
قلت لها اختي بتخلين عندج بطاقة البنك بعد الاخت صار ويها اصفر والي وراها يضحكون وانا خذيت بطاقتي والابتسامه الشريرة في وجهي وقلت في نفسي نجحت الخطه (:

قبل كم يوم كنت بالتخطيط العمراني راح اقابل مهندس فوق ، الأمن طلب البطاقة الشخصيةعاد البوك مليان بطايق بنك وفيزا وبريد والذي منه شوي والا اعطيه بطاقة الخدامة وهو أخذها مسكين أنا ميت من الضحك وأأشر له يرجعها وأنا أضحك بأعلى صوتي وهو مب فاهم :nice:

[qatarman8008]

ذكرتوني بايام التسعينات..
كان عمري 16 واسوق سيارة واودي الاهل المدرسة وارجعهم وايام الامتحانات انطر برى لين يخلصون..
كل شوي تركب وحدة مع بناتها.. كانت فرصة اني اختار شريكة العمر ههههههههههه..
وحدة قلت لها يمه ترى ذي مب سيارتكم.. قامت تصارخ علي وانت ما تستحي وامسحت فيني قدام الناس..
ليش انا اللي ما استحي ما ادري .. كنت صغير ما افهم..:eek5: