يا اصحاب موقع اين مدرستي..... اي انتم طوال العام

[khaldoon]

يا جماعة الخير...... اللي قايمين على موقع اين مدرستي ايش كنتوا تسوون طول السنه و جايين وقت التسجيل تحدثون الموقع؟

كل الناس تنتظر و ما تعرف وين تسجل اولادها لانه الموقع مب شغال.... متى بيشتغل بعد التسجيل و الا بعد ما تفتح المدرسة

خاطري اقول رأيي بحقكم بس خلني ساكت بس والله انكم.........

[المحاميه]

عفوا اخوي
اي موقع تقصد؟

اعتقد ممكن تبحث عن طريق موقع المجلس الاعلى .. مادري اذا هذا المقصود ولا ؟

وبعدين المفروض تعرف شنهي المدارس اللي حولك ف منطقتك ..

يعني معقوله ماتعرف شنهي المدارس اللي في فريجكم؟

[khaldoon]

عفوا اخوي
اي موقع تقصد؟

اعتقد ممكن تبحث عن طريق موقع المجلس الاعلى .. مادري اذا هذا المقصود ولا ؟

وبعدين المفروض تعرف شنهي المدارس اللي حولك ف منطقتك ..

يعني معقوله ماتعرف شنهي المدارس اللي في فريجكم؟


اختي مب لازم ادق على ابواب الجيران و أسالهم انتوا وين حاطين اولادكم بأي مدارس و لا اقعد اراقب باصات المدارس لابناء الجيران علشان اعرف هم وين .... و يمكن اصلا في جيران ما عندهم اولاد بالمدارس

و مع ذلك راح امشي على كلامك ...... ناس تقولي تابعين مدرسة ام الحكم و ناس تقول لا انتوا تابعين مدرسة زبيدة

ناس تقولي انتوا تابعين مدرسة سمية و ناس تقولي لا لا انتوا تابعين مدرسة خوله

اراجع الوزاره تقولي مب شرط انه جارك معاك بنفس العماره تكون انت و هو تابعين لنفس المدرسه!!!!!!!.... اللي يحكم هو عداد الكهربا و موقع اين مدرستي اللي مب شغال

[direction]

السلام عليكم ... يمكن موضوعك تسجيل جديد؟ تقدر تاخذ ورقة الكهربا وتروح للمدارس المحتملة وهم بيأكدون لك اذا انتو تبعهم او لا... الله يعينك

[khaldoon]

السلام عليكم ... يمكن موضوعك تسجيل جديد؟ تقدر تاخذ ورقة الكهربا وتروح للمدارس المحتملة وهم بيأكدون لك اذا انتو تبعهم او لا... الله يعينك

و عليكم السلام و رحمة الله و بركاته....رحت و قالولي كيف نتأكد و الموقع مب شغال.... احنا مثلك عنا اولاد ما نعرف وين تابعين و منتظرين موقع اين مدرستي يفتح

هم كل اللي يسوونه انه انت بس تقولهم انا ابني لازم يسجل عندكم يشيكون انه كلامك صحيح من موقع اي مدرستي يعني رجعنا للمربع الاول

[MAZEN37]

لعلمك حتى لو تابع منطقتك ممكن ما يكون في باص الافضل تشوف اي مدرسه توفر مواصلات

[direction]

عندك تويتر اكاونت ؟ غرد لهم انه موقعهم داون ومعطل الناس .. عل وعسى يتحركون عشان صورتهم قدام العالم

[khaldoon]

لعلمك حتى لو تابع منطقتك ممكن ما يكون في باص الافضل تشوف اي مدرسه توفر مواصلات

لعلمك يا اخوي مازن.....ممكن يقولون في باص و بعد ما تبتدي المدرسة و في الفصل الثاني بيلغون اولياء الامور انهم لغوا الباص و بقولون بأمر من وزارة التعليم

[khaldoon]

عندك تويتر اكاونت ؟ غرد لهم انه موقعهم داون ومعطل الناس .. عل وعسى يتحركون عشان صورتهم قدام العالم

بارك الله فيك على النصيحه الطيبه..... ما اقدر امسن نفسي....انا لو اكتب على تويتر زمان انحبست ههههه

[بانغ بانغ]

الله يعينك يخوي خلدون وايسر امرك

[MAZEN37]

لعلمك يا اخوي مازن.....ممكن يقولون في باص و بعد ما تبتدي المدرسة و في الفصل الثاني بيلغون اولياء الامور انهم لغوا الباص و بقولون بأمر من وزارة التعليم

شكلك خبره

[khaldoon]

الله يعينك يخوي خلدون وايسر امرك

بارك الله فيك يا الغالي ما قصرت

[khaldoon]

شكلك خبره

افلامهم كثيره يا اخوي

[Bo jassim 33]

اي والله للحين الموقع في التحديث

الظاهر جايبين خبراء من بره يحدثونه

[khaldoon]

اي والله للحين الموقع في التحديث

الظاهر جايبين خبراء من بره يحدثونه
الحمد لله فتحوا الموقع أخيرا يوم الخميس

بدري عليهم