استفسار عن ماركة geberit

[العرّاف]

السلام عليكم ....

شباب حد جرب هالماركه للدبليو سي المعلق ...وهل تنصحون فيها أو أفضل اشتري جروهي من شبيب وعلي العطيه

http://www.decraplastics.co.uk/sanitaryware/images/geberit%20Dukt.jpg

[معماري قطري]

الشكل حلو والماركتين متشابهين في الجودة

شوف اللي يريحك وكرسي الحمام نصيحة دوم جربوه قبل لتشترونه .. الشكل مب مهم على قد الراحة والمصنعية القوية والتشطيب

الحامل ونظام التنظيف كله متقارب بين غيبريت وجاكوب جوليفان وغروهي وحتى غيرهم من الصناعات الأُوروبية

[العرّاف]

تسلم اخوي معماري وجزاك الله خير

[@north_star@]

اخونا معماري ما قصر بالنسبة لجروهي او جيبريت بس جروهي منتشر بالسوق أكثر واذا بتاخذ جروهي في موديل اسمه رابيد اس ال يجيك مع فريم شبيه بالصورة اللي انت حاطها .

[الســـهم]

السلام عليكم ورحمة الله وبركاته ..

الماركتين ماعليهم كلام وكلا يقول الزود عندي ..

الفرق ان جبريت وكيلها واحد (التجهيزات المتحدة) وجروهي منتشر في قطر وماله وكيل معين (العمودي, تدمر، شبيب العطيه, محمد واخوانه، ..... إلخ), وهذا سبب كبير يخلي الناس تفضل جروهي لتوفر قطع الغيار في أكثر من شركة ..

ومن وجهة نظري رغم اني مركب جروهي، الا اني اشوف جبريت منتشره اكثر وبالذات فالفنادق والمشاريع الكبيره ..

وحبيت اضيف نصيحة اخوية لك, ان حبيت تاخذ بها او تتغاضى عنها, وما انصحك الا من تجربة مريت بها واضطريت ادفع مرتين علشان يضبط الشغل, دور على بايبفيتر ذو خبره في تركيب المراحيض المعلقه (الله يكرمكم), سعره بيكون اغلى من سعر السوق لانهم قليلين, ادري تركيب التانكي والمرحاض بسيط, بس الـ ليفل يبيله واحد عنده خبره والسنتيمتر الواحد يفرق بالقعده والراحه ..

والله يوفقك ان شاء الله ..

[معماري قطري]

السلام عليكم ورحمة الله وبركاته ..

الماركتين ماعليهم كلام وكلا يقول الزود عندي ..

الفرق ان جبريت وكيلها واحد (التجهيزات المتحدة) وجروهي منتشر في قطر وماله وكيل معين (العمودي, تدمر، شبيب العطيه, محمد واخوانه، ..... إلخ), وهذا سبب كبير يخلي الناس تفضل جروهي لتوفر قطع الغيار في أكثر من شركة ..

ومن وجهة نظري رغم اني مركب جروهي، الا اني اشوف جبريت منتشره اكثر وبالذات فالفنادق والمشاريع الكبيره ..

وحبيت اضيف نصيحة اخوية لك, ان حبيت تاخذ بها او تتغاضى عنها, وما انصحك الا من تجربة مريت بها واضطريت ادفع مرتين علشان يضبط الشغل, دور على بايبفيتر ذو خبره في تركيب المراحيض المعلقه (الله يكرمكم), سعره بيكون اغلى من سعر السوق لانهم قليلين, ادري تركيب التانكي والمرحاض بسيط, بس الـ ليفل يبيله واحد عنده خبره والسنتيمتر الواحد يفرق بالقعده والراحه ..

والله يوفقك ان شاء الله ..

حتى جيبريت اخوي اتوقع عند الكثيرين واللي سمعته ما فيه وكالات لهذي القطع والكل يجيب

بالنسبة لضبط الليفل أو المستوى صحيح فرق 1سم يؤثر ولهذا قلت جرب القعدة والارتفاع ومساحة الكرسي .. وفيه ستاندرد معين لكن يفرق من شخص لشخص .. وبعض الفيترية يسونه نازل

إحتياط حاول تخلي السطح يكون 42 سم من الأرض

[Azizuk]

جبريت عندهم مكتب إقليمي في برج الغونا يافي الدور 11 او 9

حسين فكري وكافود ونابينا كلهم عندهم جبريت