لا من شاف .. ولا من درا

[الحياة الخالدة]

السلام عليكم ورحمة الله و بركاته

http://d.top4top.net/p_124juti0.jpeg (http://up.top4top.net/)

لا يكاد يخلو بيت من الخدم

و اخونا حسن الساعي يقول :
في شركات شحن اتيي البيت الصبح .. عشان تشحن اغراض الخدامات
و تساعدهم على البوق

فالرجاء الانتباه و الحذر

[بانغ بانغ]

معقووول بدون مايدري الكفيل

هاذي سرقة

اكيد الموضوع في ان

[الحياة الخالدة]

http://c.top4top.net/p_124aks50.jpeg (http://up.top4top.net/)

http://e.top4top.net/p_124sd1w0.jpeg (http://up.top4top.net/)

[الحياة الخالدة]

معقووول بدون مايدري الكفيل

هاذي سرقة

اكيد الموضوع في ان

بعلمه : على أساس ان الخادمة بتشحن أغراضها
و بدون علمه : في غفلة عن الأعين و في غياب الرقابة

[الصغيره]

الكلام هذا صح ميه ميه

اكتشفت خدامة امي مضبطه مع كاركوك مدري اش اسمه ومجهزه كل اغراضها بكرتون عليه الف بلاستك لاصق كنت بفتشها بس امي رفضت

للاسف هي ضبطت الشحن بنفسها


للاسف هذا شي اصبح عادي عند القويات من الخدم

[Charisma]

نعم الكلام صحيح ، نفس السالفه صارت لواحد أعرفه من فتره ، شغالتهم أشحنت أغراض كثيره دون علمهم .


كامرات مراقبه خارجية تغطي زوايا المنزل ، كفيلة بحل المشكله .

[ضوى]

يالله شنو هالناس مايثمر فيهم لا معروف ولا اي خير الواحد يسويه معاهم

الله يكفينا شرهم يارب

[بومحمد المطاوعه]

السلام عليكم ورحمه الله وبركاته

صحيح كلام الأخ حسن الساعي
مره من المرات خادمتي تبي تطرش اغراض لأهلها

كلمت الشركه واتفقت معاهم وطرشت اللوكيشن قالو بنطرش السياره الصبح
قلت لهم محد فالبيت الصبح
تعالو الساعه 2 ونص بكون موجود
قالو تمام وعالموعد
وسبحان الله الدريول موجود فالبيت

بعد ساعه تقريبآ متصلي الأدريول يقولي في سياره عند الباب مالت الشحن
قلت له قول مايبي شحن
واتصلت لهم شرشحتهم عدل وقلت للمدير اذا شفت الساره عند البيت مب احسن لك


احسن حل وضع كيمرات في حوش البيت وباب البيت من الخارج

[بومحمد المطاوعه]

حبيت انبه على نقطه

قبل لاتسكر الكرتون
خل ام العيال ولا حد من الخوات تفتش الأغراض
وبعدها سكر الكرتون بلصقه خاصه من عندك

وقبل الشحن يبين اذا مفتوح ولالا

وكان الله غفور رحيم

[راعي الكورفت]

اهم صفات يجب ان تتحلى بها الخادمه هي الامانه والاخلاص والثقه وتكتسبها بالمعامله الحسنه.

فإن كان اهل بيت يعاملونها بالطيب والاخلاق الحسنه فمستحيل تسرق اهل البيت :)

[ذكي جدااا]

خداماتنا ما نعطيهم جوال

[SouthK]

كاميرات المراقبة بعبع للمتسيبين من العمال او الخدم .. و هي الحال الامثل!!