وين اقدر اسوي صيانة هارد ديسك ؟؟ بدون مسح البيانات ؟؟

[أمّ محمّد]

السلام عليكم

ممكن اي محل يقدر يصلح لي الهارد ديسك بدون مسح البيانات

مع العلم الجهاز يشتغل لكن مايطلع على الكمبيوتر

[بوNasser]

السلام عليكم

ممكن اي محل يقدر يصلح لي الهارد ديسك بدون مسح البيانات

مع العلم الجهاز يشتغل لكن مايطلع على الكمبيوتر


بداية هل الجهاز كمبيوتر محمول أو مكتبي؟؟

إذا كان الهارد ديسك (القرص الصلب) داخلي ففي الغالب أي محل كمبيوتر يقدر يسوي هالشي، وحتى الشخص اللي عنده خبرة متوسطة يمكن يقدر يحل المشكلة، لأن احتمال القرص الصلب ما فيه خلل، ويمكن المشكلة في فقدان الاعدادات الأولية عند بداية التشغيل (بسبب البطارية الداخلية أو اسباب ثانية)

ولو كان خارجي بعد يمكن حل المشكلة.
.

[أمّ محمّد]

شكراً اخوي

الجهاز من نوع wd هادرديسك منفصل احتياطي
يشتغل على التلفزيون والكمبيوتر حجمه 2 تيرا
معاه محول كهربا لما اشغله تدور المروحه وبعد خمس دقايق
توقف ومايطلع لما اشبكه عالكمبيوتر

مره تركته يمكن سنه ماشغلته لانه كان مايشتغل
بس لما حطيته عالتلفزيون فتح وبعدين ركبته عالكمبيوتر
رجعت المشكله ورجعت احطه عالتلفزيون ما اشتغل
يعني للحين البيانات موجوده ابي انقلهم على جهاز ثاني جديد

[تاجر كشخة]

جرب السوفتيل

[khaldoon]

ما اعتقد تقدري تصليحه لانه wd صعب جدا فتحه و لو فعلا قدرتي تحليه ارجو انك تقولين لنا

ريدينجتون قطر اللي على الدائري الثالث لو ما عرفوا يسووه ما تدوري ولا تحاولي تسوي شي ..

[متواصل]

الحل يتم فصل الهاردسك من البوكس الخارجي
ويتركب في كمبيوتر داخلي ( ثانوي ) secondary
وتتم عملية نقل البيانات
وفي حال انه محتاج سكان ديسك لتصليح الاعطال تعملين له
الحالة الاخيرة
وهي القصوى ان يتم فتحه وتغيير البورد وهي حالة صعبة شوي

[بوNasser]

ما اعتقد تقدري تصليحه لانه wd صعب جدا فتحه و لو فعلا قدرتي تحليه ارجو انك تقولين لنا

ريدينجتون قطر اللي على الدائري الثالث لو ما عرفوا يسووه ما تدوري ولا تحاولي تسوي شي ..

اتفق معاك ان تصليح الهارد ديسك (القرص الصلب) نفسه صعب، بس اهيه تتكلم عن هارد ديسك خارجي وأعتقد من هالنوعيات أو شي مشابه

http://www.ab2004.com/muntada/wd1.jpg

فالعلبة فيها القرص الصلب نفسه، وفيها المحول الكهربائي أو خلنا نقول الدائرة الكهربائية لأن المحول ممكن يكون خارجي، وفيها مروحة التبريد، والموصلات

http://sigg3.net/site/legacy/blogger/WD500GBPE/WD500GBMBPE.jpg

احتمال القرص نفسه ما فيه شي، فرأيي من رأي اخونا متواصل، ان يتم فك القرص وتركيبه على اي جهاز كمبيوتر كقرص اضافي ومن ثم نقل البيانات منه.

وفيه وصلات sata to usb يعني ما فيه داعي نفتح الكمبيوتر علشان نركب القرص الثاني.

http://www.bilder.delock.de/produkte/orig/a009a2ba7ff31c389b7eeb1c8361491b.jpg

تحياتي للجميع

[لبيبة]

ما اعتقد تقدري تصليحه لانه wd صعب جدا فتحه و لو فعلا قدرتي تحليه ارجو انك تقولين لنا

ريدينجتون قطر اللي على الدائري الثالث لو ما عرفوا يسووه ما تدوري ولا تحاولي تسوي شي ..

وعليكم السلام ورحمة الله وبركاته،

نفس كلام أخوي خلدون،

هذا موقعهم (http://d.pr/1bMWm)

رقمهم 40203800

مكانهم (http://d.pr/1gKFX)

[أمّ محمّد]

مشكورين اخواني عالردود

بالفعل مثل ماقال اخوي بوناصر ونفس الصور

اعرف هالمحل اغلب اجهزة جرير الصيانه هناك تكون

شكراً مره ثانيه

[Q0T0R]

سلام عليكم

مثل ما قالوا الاعضاء

ربما العيب موب من الهارد ديسك نفسه يمكن من بورد التشغيل والباور المتوصل عليه الهارد ديسك

ومثل ما قالوا لتصليح العيب افضل شي ريدينجتون او صيانة جرير او السوفوتيل

بس تتركين الجهاز عندهم ... والسوفوتيل يصلح الجهاز في نفس الوقت تقريبا بس ما راح تحصل باركن

يوجد محل تصليح كمبيوتر داخل جمعية الميره الدور الارضي (دسمان سابقا ) مقابل جرير

[kaspero]

أختي ام محمد
اتمنى انك تكونين صلحتي المشكله وافتكيتي

لكن اذا ما صلحتيها ممكن اعطيك تجربه بسيطه انتي تسوينها في البيت

وهي انك تفحصين البرنامج وتصلحينه عن طريق برنامج

hdd regenerator

اختي هذا البرنامج يصلح الباد سيكتورز في الهاردسك

انا صارت لي هالمشكله من قبل وحليتها بهالبرنامج

تقدرين تسوينها مانووول بالكمبيوتر بسسس انا افضل هذا البرنامج

اذا للحين ما صلحتي الهاردسك
اتمنى تجربين البرنامج وان شاء الله يخدمك

[أمّ محمّد]

للحين ما وديته بي احصل فرصه بوديه ريديجتون كانوا حذا بيتنا الحين راحوا بروة الصناعيه درب وزحمه وبالنسبه للبرنامج الجهاز مايطلع بالكمبيوتر شلون استخدم البرنامج والكمبيوتر ما يتعرف عليه المروحه بس تدوور وبعدين تطفي مايطلع بالكمبيوتر