عيادات مستشفى سدره افتحت ... تجربه مميزه وخدمه ممتازه

[koketa]

عيادات مستشفى مركز السدره للطب والبحوث افتحت ....


عياده الجلديه للاطفال والكبار

عياده النساء والولاده

عياده جراحه الاطفال

وعندهم مركز اشعه وتحاليل

التحويلات من المراكز الصحيه و مستشفى حمد

ولازم يكون معاك بطاقه الصحيه

المستشفى نفس مستشفى حمد لان تم تصنيفها حكومي تقدم الخدمات الطبيه ببلاش للقطرين والاجانب نفس حمد

الخدمه ممتازه والدكاتره على مستوى عالي من الخبره

انصحكم وبشده تتابعون عندهم

[امـ حمد]

ماشاء الله جزاهم الله كل الخير والله يعطيهم العافيه
عمار ياقطر عمار الله يحفظ اميرنا ويطول في عمره ويديم علينا يارب نعمة الأمن والأمان
اللهم آمين

[عابر سبيل]

الحمد لله كما ينبغي لجلال وجهه
و عظيم سلطانه...

نسأل الله ان يبارك لنا فيه
و يجعله عونا لنا و للمجتمع على ذكره و شكر نعمه..

[المحاميه]

حزاهم الله خير

انت جربت يعني؟

[معماري قطري]

بيسوون بحوث علينا

[الامير]

ياربها للقطريين فقط

[koketa]

حزاهم الله خير

انت جربت يعني؟

أنا أشتغل هناك بس من اللي اشوفه مع المرضى والخدمه ممتازه

[koketa]

بيسوون بحوث علينا

البحوث شي مطلوب في المجال الطبي وموجوده في امريكا

البحوث عباره عن معلومات يستخدمونها للبحث العلمي مب ان المريض يتحول لفأر تجارب

[koketa]

ياربها للقطريين فقط


مستشفى حكومي نفس مستشفى حمد

طبيعي انها تخدم جميع الجنسيات

[بصمة قطرية]

إن شاءالله تخفف الزحمة على حمد
ونشوف إهتمام أكبر ..

[النهار]

احسن خبر سمعته في 2016

[معماري قطري]

البحوث شي مطلوب في المجال الطبي وموجوده في امريكا

البحوث عباره عن معلومات يستخدمونها للبحث العلمي مب ان المريض يتحول لفأر تجارب

نتمنى ذلك ونتمنى تخصيص قسم للقطري 20% من جميع المستشفيات القطرية فقط للقطري ما نطلب المستحيل

[بانغ بانغ]

يعطيك العافية اخوي ....

هل مواعيد او تحويلة

وكيف التواصل معاهم

هل هي نفسها اللي صوب qf

[الدوحه1]

دام انه مستشفى حكومي ليش مايكون تحت ادارة واشراف وزارة الصحه بحكم ان الوزاره هي الجهه المسئوله عن المستشفيات الحكوميه والصحه العامه في الدوله؟؟
لمتى هالتخبط والعشوائيه؟؟؟

للعلم "مركز السدره" تابع ل مؤسسة قطر.

[شويهينــه]

دام انه مستشفى حكومي ليش مايكون تحت ادارة واشراف وزارة الصحه بحكم ان الوزاره هي الجهه المسئوله عن المستشفيات الحكوميه والصحه العامه في الدوله؟؟
لمتى هالتخبط والعشوائيه؟؟؟

للعلم "مركز السدره" تابع ل مؤسسة قطر.



ومن قالك انهم مب تحت اشراف وزارة الصحه؟؟

للعلم مركز سدره للطب والبحوث تم اعتماده من وزارة الصحه وعلى هالاساس بدوا باستقبال المرضى بتحويل طبي من مستشفى حمد ومستشفى النساء والاولاده

[الشفق الحالم]

ومب على اساس ان المستشفي كانت للقطريين فقط؟ شصار الحين!

[شويهينــه]

ومب على اساس ان المستشفي كانت للقطريين فقط؟ شصار الحين!

ممكن تحط لنا مصدرك اللي يقول ان المستشفى بس للقطريين

[مضارب دوسري]

دام انه مستشفى حكومي ليش مايكون تحت ادارة واشراف وزارة الصحه بحكم ان الوزاره هي الجهه المسئوله عن المستشفيات الحكوميه والصحه العامه في الدوله؟؟
لمتى هالتخبط والعشوائيه؟؟؟

للعلم "مركز السدره" تابع ل مؤسسة قطر.



بصراحه
انت اكثر عضوو ينتقد فقط :tease:
ولا مره شفتك تمدح

كاني اشوفك انت وفيصل المرزوقي كوبي بيست

[بوخالد911]

لطفاً.
وووين موقعهم بالضبط؟

[المبرمج صلاح]

لطفاً.
وووين موقعهم بالضبط؟

اذا انت جاي من داور الجوازات عدوار المائل بالغرافة بعد الدوار مباشرة بيكون المستشفي عيدك اليمين مبنى كبير ومميز

https://goo.gl/maps/vbWNjEeFQQ82

[بوفاطمه]

الله يجزاها خير الجزاء الولة .
والله ما خلت قاصر للمواطن والمقيم .
الله يطول اعمار شيوخنا ،ويحفظ بلدنا .

[الدوحه1]

ومن قالك انهم مب تحت اشراف وزارة الصحه؟؟
للعلم مركز سدره للطب والبحوث تم اعتماده من وزارة الصحه وعلى هالاساس بدوا باستقبال المرضى بتحويل طبي من مستشفى حمد ومستشفى النساء والاولاده


الدليل لو سمحتي من موقع رسمي؟؟

حسب موقع "مؤسسة قطر" فان المستشفى يتبع المؤسسه!!


http://store1.up-00.com/2016-05/1462683026421.jpg (http://www.up-00.com/)[/URL]


ومستشفى السدره مب مذكور تحت المستشفيات الخاصه بمؤسسة حمد الطبيه؟؟؟


http://store2.up-00.com/2016-05/1462683589731.jpg (http://www.up-00.com/)[URL="http://www.up-00.com/"]

[شويهينــه]

الدليل لو سمحتي من موقع رسمي؟؟

حسب موقع "مؤسسة قطر" فان المستشفى يتبع المؤسسه!!


http://store1.up-00.com/2016-05/1462683026421.jpg (http://www.up-00.com/)[/URL]


ومستشفى السدره مب مذكور تحت المستشفيات الخاصه بمؤسسة حمد الطبيه؟؟؟


http://store2.up-00.com/2016-05/1462683589731.jpg (http://www.up-00.com/)[URL="http://www.up-00.com/"]

اخوي الدوحه لوسمحت ركز معاي شوي

انت تبي تعرف المستشفى يتبع من والا تحت اشراف من؟؟

جوابي هو المستشفى مثل ماتفضلت يتبع مؤسسة قطر وتحت اشراف وزارة الصحه*مثلهامثل*باقي*المؤسسات

ومن ضمنها مؤسسة حمد الطبيه

[غايه الطواش]

كنا نطمح للمستشفى كامل وليش العيادات وخاصه مع تاخر اكمال المشرووع

يالله ان شالله تمشي الامور على خير

[بوحارب]

عندهم عيادة للأسنان:(:(

صارلي يومين ما أكلت شي :(

[مهرة]

..

أخبار طيبة,,

طيب وجيش الدكاتره وحاشيتهم الي تم تفنيشهم على ماسمعنا وتأخير افتتاح المستشفى ؟؟ وش صار عليهم

وهل فعلاً كل هالتخصصات موجودة والعيادات مفتوحة؟؟ وهل أصحاب التأمين لهم معاملة خاصة؟ او نقدر نقول الأولوية في المواعيد؟

السؤال الأهم من هذا كله,, متى أقدر أزوركم؟؟ وكيف أخذ موعد مسبق؟؟

أتمنى الإجابة على الأسئلة وموفقة يارب

[شويهينــه]

عندهم عيادة للأسنان:(:(

صارلي يومين ما أكلت شي :(

مركز سدره للطب والبحوث يقدم الخدمات الطبيه للنساء والاطفال فقط

بوحارب دور لك على عيادة اسنان زينه

[شويهينــه]

..

أخبار طيبة,,

طيب وجيش الدكاتره وحاشيتهم الي تم تفنيشهم على ماسمعنا وتأخير افتتاح المستشفى ؟؟ وش صار عليهم


وهل فعلاً كل هالتخصصات موجودة والعيادات مفتوحة؟؟ وهل أصحاب التأمين لهم معاملة خاصة؟ او نقدر نقول الأولوية في المواعيد؟

السؤال الأهم من هذا كله,, متى أقدر أزوركم؟؟ وكيف أخذ موعد مسبق؟؟

أتمنى الإجابة على الأسئلة وموفقة يارب

اختي مهره اتمنى تحصلين جواب لاسألتج في هالموقع

http://www.sidra.org/ar/

وبخصوص التحويلات لازم تكون عن طريق مستشفى حمد

[بانغ بانغ]

عندهم عيادة للأسنان:(:(

صارلي يومين ما أكلت شي :(

سلامات اكيد ماكل حلاوة

ياخي مستشفى ابحاث اتقولي اسنان

روح يبا عند د رأفت يمدحونه ..... عنده خوش دريل

[بوحارب]

مركز سدره للطب والبحوث يقدم الخدمات الطبيه للنساء والاطفال فقط

بوحارب دور لك على عيادة اسنان زينه
تسلمين شويهينه

بالنسبة للتحويل ما يصير عن طريق المركز الصحي ؟؟\


سلامات اكيد ماكل حلاوة

ياخي مستشفى ابحاث اتقولي اسنان

روح يبا عند د رأفت يمدحونه ..... عنده خوش دريل

الله يسلمك مدير

حصلت عياده وقالي ب 20000 بيضبط لي كل شي <*<

الله ييسر الأمور اهم شي ترجع لي ابتسامتي الجذابه
والقدرة على أكل المكبوس والبرياني :(

[شويهينــه]

بوحارب شوف الرابط فيه كل شي بخصوص التحويلات

http://www.sidra.org/patients-and-arrivals/the-referral-system/

[koketa]

يعطيك العافية اخوي ....

هل مواعيد او تحويلة

وكيف التواصل معاهم

هل هي نفسها اللي صوب qf

تحويله من المراكز الصحيه او من مستشفى حمد

والعيادات اللي شغاله جراحه اطفال و جلديه اطفال و عيادات نساء وولاده

[koketa]

عندهم عيادة للأسنان:(:(

صارلي يومين ما أكلت شي :(

المستشفى نساء وأطفال فقط

[koketa]

..

أخبار طيبة,,

طيب وجيش الدكاتره وحاشيتهم الي تم تفنيشهم على ماسمعنا وتأخير افتتاح المستشفى ؟؟ وش صار عليهم

وهل فعلاً كل هالتخصصات موجودة والعيادات مفتوحة؟؟ وهل أصحاب التأمين لهم معاملة خاصة؟ او نقدر نقول الأولوية في المواعيد؟

السؤال الأهم من هذا كله,, متى أقدر أزوركم؟؟ وكيف أخذ موعد مسبق؟؟

أتمنى الإجابة على الأسئلة وموفقة يارب

التخصصات الحاليه هيه جراحه اطفال وجلديه ونساء وولاده

كل شهر في عيادات بتفتح

وعلى آخر السنه راح يفتحون جزء من المستشفى

الدكاتره موجودين والجزء اللي تفنش اللي ما راح يشتغلون قبل 2018

[بانغ بانغ]

تحويله من المراكز الصحيه او من مستشفى حمد

والعيادات اللي شغاله جراحه اطفال و جلديه اطفال و عيادات نساء وولاده

مشكور اخوي ما قصرت

[بوحارب]

بوحارب شوف الرابط فيه كل شي بخصوص التحويلات

http://www.sidra.org/patients-and-arrivals/the-referral-system/

مشكورة شويهينه

توني مكلمهم على الرقم والأمور طيبة 40033333

[الشفق الحالم]

انا توني متصله عالرقم 40033333 واستفسرت قالولي لازم تحويله من مركزج الصحي، انا تابعه للمنتزه الصحي وماعطوني تحويله لسدره، موظفه سدره قالتلي الحل انج تطلبين تحويله لحمد ومن حمد يحولونج لسدره :nice:
الموضوع في لفه عجيبه ومحتاجين تنسيق اكثر بين المراكز الصحيه وسدره لانه واضح انه في بعض المراكز الصحيه خبر خير مايعرفون اصلا ان في سدره وماوصلهم تعميم بموضوع التحويل!

[بوحارب]

الشفق الحالم

الموظفة قالت لي التحويلة من المركز الصحي الى سدرة مباشر

وما قالت من المركز الى حمد ثم الى سدره !!

[راجي الْعفو]

الشفق الحالم

الموظفة قالت لي التحويلة من المركز الصحي الى سدرة مباشر

وما قالت من المركز الى حمد ثم الى سدره !!

سكبة مستشفى سدرة و ماتسوي ^_^

[بوحارب]

سكبة مستشفى سدرة و ماتسوي ^_^

بتشوف السكبه عالدايركت قريب &_&

[الشفق الحالم]

الشفق الحالم

الموظفة قالت لي التحويلة من المركز الصحي الى سدرة مباشر

وما قالت من المركز الى حمد ثم الى سدره !!

هي اقترحت هالاقتراح بعد ماقلتلها ان المركز الصحي رفضو يحولوني، قالتلي مالج الا هالحل

[koketa]

للرفع والافاده

[بوخالد911]

اذا انت جاي من داور الجوازات عدوار المائل بالغرافة بعد الدوار مباشرة بيكون المستشفي عيدك اليمين مبنى كبير ومميز

https://goo.gl/maps/vbWNjEeFQQ82

شكرا بش مهندس.

[koketa]

للرفع والافاده

[بوراشد82]

عندهم قسم علاج طبيعي؟؟؟ ياليت اللي يعرف يقول لنا

[وليف الشوق]

بيسوون بحوث علينا

مايمنع اذا يسوون بحوث على المرضى وليس تجارب !! ومن واقع خبرتي اكبر مستشفيات العالم في طب الاطفال لجميع التخصصات قاعده تسوي بحث يومي على كل مريض وشوفهم الحين مستفيدين من هذي البحوث بشرط موافقة اهالي المرضى وبالسرية التامه وعدم ذكر اسم المريض

ومااخبي عليك انا مستغرب من كلامك صراحه رغم اني اعرف عنك انسان واعي ومثقف

[غايه الطواش]

ياناس الي فتح عيادات فقط عيادات
لا المستشفى ولا قسم البحوث

[الحياة الخالدة]

و عيادات أطفال و نساء و ولادة فقط لا غير
جدامكم درب طويل .. و مالكم بد من مستشفى حمد

[koketa]

عندهم قسم علاج طبيعي؟؟؟ ياليت اللي يعرف يقول لنا

لا للحين ما في

[بوحارب]

ياناس الي فتح عيادات فقط عيادات
لا المستشفى ولا قسم البحوث


و عيادات أطفال و نساء و ولادة فقط لا غير
جدامكم درب طويل .. و مالكم بد من مستشفى حمد

شنو الفرق بين المستشفى والعيادات يا مديرات المستشفى :(

[koketa]

شنو الفرق بين المستشفى والعيادات يا مديرات المستشفى :(

العيادات يعني عياده خارجيه بس المستشفى يعني غرف عمليات و أسره و عمليات صغرى وعمليات كبرى وتوليد و عنايه مركزه وقسم طوارئ

مثلا الحين في السدره عياده الجراحه المريض يقابل الدكتور في العياده ويسوي موعد للعمليه ودكتور من سدره يستخدم غرف عمليات حمد والمريض يتنوم في حمد

[فريخ الشاهين]

شيكي الخاص اختي،،،،

[الشفق الحالم]

الشفق الحالم

الموظفة قالت لي التحويلة من المركز الصحي الى سدرة مباشر


وما قالت من المركز الى حمد ثم الى سدره !!

للاسف ماقدرت استفيد من خدمة المستشفي والسبب جهل بعض المراكز الصحيه بموضوع افتتاح هالصرح الضخم, ليش في مراكز صحيه عادي يحولون لسدره ومراكز صحيه مايرضون يعطونك التحويل !! الموضوع غامض جدا

[الشفق الحالم]

انا اطالب بالغاء نظام التحويل من المراكز وفتح باب المستشفى للقطريين بدون اي تحويله ولاشي