مزاد قطر وعقول النمل !!!

[Qt.1]

طبعا مستغربين من العنوان , لاعادي لحد يستغرب لان في فعلا ناس يمكن النمله اتفكر احسن منهم , مزاد قطر كل مافكر اعرض شي اتردد بسبب عقلية بعض المستخدمين للموقع او للتطبيق واخر شي حذفته بكبره ,,

باعطيكم مثال اوضح للصوره , مثلا عندي تلفون ماحتاجه شبه جديد ماكمل شهر عندي سعره في السوق تقريبا 3100 وطبعا مستعمل بيكون سعره عند المحلات مايقل عن 2500 مثلا او اقل بشوي علشان المحل يستفيد من البيعه اشوي , اعرضه في مزاد قطر اتيجيني سومه يقولي واحد تبيع بــ 800 !! والثاني يقول اتبادل بسماعات !! بذمه هذيلن ناس صاحيه , بنقول ان هذا سوق واي شخص من حقه يسوم وهذا كلام ماعليه غبار ولكن هل يعقل انك تدري ان سعر الجهاز جديد 3100 وتسوم بــ 800 هل هذا كلام ناس صاحيه معقوله بوافق وبقولك نعم موافق ببيع , والاادهى والاامر ايجيك واحد يتصل لك يقولك انا شراي خلاص لتبيع هالغرض تراه من صوبي , تنتظر اتصال منه ومايرجع يتصل !! زين ليش متصل لي اتقول خلاص ابي الغرض , بصراحه شي لايعقل ولو في شي ايتاكد من عمر المستخدم للتطبيق اتوقع نص المستخدمين بينحذفون .

[MAZEN37]

ضيق خلق يا بوعبدلله
طول بالك ياما في السوق اشكال والوان ما يستاهل تزعل عمرك بعدين في خاصيه تحذف اي تعليق ما يعجبك
خلك راعي الطويله

[بصمة قطرية]

عادي ياخوي هالنوعيات موجودة في كل مكان ..
لازم تكون عندك مناعه منهم ..

[Qt.1]

ضيق خلق يا بوعبدلله
طول بالك ياما في السوق اشكال والوان ما يستاهل تزعل عمرك بعدين في خاصيه تحذف اي تعليق ما يعجبك
خلك راعي الطويله

لا افا عليك مهب زعلان ولااشي لاني حذفت البرنامج بكبره وافتيك , لاناس اتعرف تعرض شي ولااناس اتعرف اتبيع شوف الردود انت في بعض المواضيع بتعرف قصدي ,,

[Qt.1]

عادي ياخوي هالنوعيات موجودة في كل مكان ..
لازم تكون عندك مناعه منهم ..

هذي اكيد ياكثرهم الي يبون يبخسون الشي وودهم ياخذونه بلاش بعد ,,

[بانغ بانغ]

هلا بشيخنا يوعبدالله

عقليات بزران .... عبط وماعندهم سالفة

مرة واحد عارض سيارة استون مارتن وايجيك واحد ايقوله اتبادل بهيلوكس

هاي شتسوي فيه .... عادي ادش فيه مؤبد

[بوخالد911]

ناس غير جادة.

[qatari 111]

كلامك صحيح وفي العكس يجيك ربعه يزايدون السلعه يطيرونه فوق سعره ويدبسونها بالضحيه
ترى اكثر اللي موجودين من هالاشكال البزران المشكله البزر تسمع صوته فالتلفون تقول واحد كبير فالنهايه يطلع بزر تووه دش مرحلة المراهقه فلازم صوته يتضخم .
وفي جنسيتين اغلبهم يزايدون بعض لين يتدبس بالضحيه .

[أبورودي]

تري ظلمت النمل جدا جدا

[Qt.1]

هلا بشيخنا يوعبدالله

عقليات بزران .... عبط وماعندهم سالفة

مرة واحد عارض سيارة استون مارتن وايجيك واحد ايقوله اتبادل بهيلوكس

هاي شتسوي فيه .... عادي ادش فيه مؤبد

الشيخ من جابك ياطويل العمر فعلا مصيبه لو انا من راعي المارتن اقوله اي موافق بس تعال اذا شفته باحرق الهيلكس حقه ,

[Qt.1]

ناس غير جادة.

هذه الخلاصه يابوخالد ,

[Qt.1]

كلامك صحيح وفي العكس يجيك ربعه يزايدون السلعه يطيرونه فوق سعره ويدبسونها بالضحيه
ترى اكثر اللي موجودين من هالاشكال البزران المشكله البزر تسمع صوته فالتلفون تقول واحد كبير فالنهايه يطلع بزر تووه دش مرحلة المراهقه فلازم صوته يتضخم .
وفي جنسيتين اغلبهم يزايدون بعض لين يتدبس بالضحيه .

بالضبط مره كلمت واحد علشان حساب انستغرام طلع في الااعداديه !! اللحين بذمتك اشلون تاخذ كلام منه !! مشكله والله ,,

[Qt.1]

تري ظلمت النمل جدا جدا

اي والله اقدم اعتذاري للنمل واتمنى يقبلونه ,,

[بومحمد المطاوعه]

السلام عليكم ورحمة الله وبركاتة ..

لازم ياخوي تطول بالكم لأنك انت قاعد تتعامل من خلف الشاشه
وماتدري الي يكلمك شنو هذي ولا شنو وضعه ولا من هو بالأساس ,,

والناس عقليات ياريال
بتحصل الطيب والمحترم والبشوش
وبتحصل عكس هاي كله ,,

الله يوفق الجميع للخير ويرزقك الخير وحسن التصرف

[شبح الصمت]

يعطيك العافيه وطول بالك ولازم تكون راعية طويله هههه

انا دوم اعرض فيه وعارف وحافظ الناس

وفي اشياء اشتريها ولا احب اعطي كلمتي لاحد الا انا مقتنع في الشيء ..
اما اعطي كلمتي عقب اروح اسال الناس ها فلان وها علان لا والله ما شريت لانهم بيكسرون مجاديفي ..


مثال في عطورات اصلية تنباع باقل من باريس غاليري ناس تجيهم هدايا وتكاسر فيهم ويبيعك اقل من سعر السوق بـ 300 بـ 400
او حسب السومه الي تجيه وتزيد عليه وتاخذها ..


في موقف مره عرضت سكوتر لرفيجي المهم ..
يتصل لنا واحد بس اتصال واتس اب بس ويوم نتصل له اتصال عادي يعطينا مقطوع رقمه

المهم اتفقنا معاه على انه يشوف السكوتر

حولته على رفيجي راعي السكوتر واتصلت له قلت له اسمع لا تعطيه السكوتر يفحصها او ينزلها بحر الا وانت معاه او مقبضك فلوسك ..
قالي ان شاء الله ..


المهم جاه ثاني يوم ركب له قلص السكوتر
وهو رايح الا يقول حق رفيجي كم رقم حسابك بحول له فلوس
قاله رفيجي اي رقم حساب يا ابو حساب فلوسك مهب كاش قال لا

قاله تعال تعال رد السكوتر والله يستر عليك لي توفرت افلوسك مر علي وابشر ..



والله العظيم والا شفناااه
وش معناته هذه حرامي بالراحة

فتحملوا يا جماعة الخير حد يقول لكم عطوني او بجرب او من هالامور في ناس ما تخاف الله والنصب لعبتها ..

ومواقف كثيرة يا بوعبد الله ..


وانتظر رزقك بيجيك لانه ليش في المزاد مثل التلفونات يطيح سعرها لانهم يدرون المحلات ما راح تعطيك القيمة الي في خاطرك
فهو يقول خلني اعطيه سومتي باعني باع ما باع حلاله عنده
بس في ناس ما تعرف تساووم والشراي مب يسوم في المزاد يتصل اتصال ويكاسرك اعرف انه شراي



وانا تعملت شيء في السوق

اول سومه اهي اصدق سومه
ومن بعدها يجيك الموووج الي ما يوقف على سلعتك

[زمن الغربة]

من اسوأ المواقع اللي استخدمتها..نزلت التطبيق مده بسيطه عقب حذفته على طول

[qatarman8008]

عشان تتفاجا اكثر.. اتصل لهذا الشخص اللي كتب التعليق..
بتتفاجا ان عمره مو اكثر من 10 سنوات..:eek5:
صارت لي اكثر من مرة.. اعرض شي في المزاد واتفاجا بتعليقات غريبة نوعا ما..
اتصل يجاوب علي صبي صغير وجمبه مجموعه اطفال..
اقول له الدراجة المعروضة ب20 الف انت سايمها بخمسة صح..
يقول صح.. اقول له انزين تعال شيلها.. يقول لا خلاص انا كنسلت ما ابي اشتري..

[qatarman8008]

نصائح لجميع مستخدمي برامج التسويق.. سواءا في البيع او الشراء..
لازم تدرس حركة السوق عشان تتاكد ان فعلا سلعتك لها قبول في هذا السوق..
و لازم تختار الوقت المناسب لعرض السلعه .. مثل كرفان قبل بدئ موسم التخييم وليس عند انتهاء الموسم..
او سيارة عائلية قبل بدئ اجازات الصيف وموسم السفر وليست مع انتهاء الاجازات وهكذا..

[شبح الصمت]

نصائح لجميع مستخدمي برامج التسويق.. سواءا في البيع او الشراء..
لازم تدرس حركة السوق عشان تتاكد ان فعلا سلعتك لها قبول في هذا السوق..
و لازم تختار الوقت المناسب لعرض السلعه .. مثل كرفان قبل بدئ موسم التخييم وليس عند انتهاء الموسم..
او سيارة عائلية قبل بدئ اجازات الصيف وموسم السفر وليست مع انتهاء الاجازات وهكذا..



صحيح عشان ما تنصدم من الردود

وثاني شيء
لازم تشوف العرض اذا العرض من السلعة منتشر
فلازم بتكون في خيارات واجد عند المشتري غيرك والاسعار بتكون اقل


اما اذا سلعتك طيبه ونادره
طبعاً بتحكم انت في سعرها وبتحط السعر الي تبيه مش الواحد يشطح في سعره ..
السعر المعقول الي يناسبك ويناسب المشتري ..


والله يوفق الجميع

[qatarman8008]

من اسوأ المواقع اللي استخدمتها..نزلت التطبيق مده بسيطه عقب حذفته على طول

هو احلى شي فيه ان تلاقي فيه كل شي وكل شي تقريبا..
ويعطيع معلومات وافية بحيث انك تقدر تسوي مقارنات وتعرف سعر السلعه الحقيقي بالسوق..
من فترة كنت اسوي حديقة في الحوش واحتاج كوخ خشبي صغير مال اطفال نفس اللي في الرسوم...
ما حصلته غير في هالمزاد..

[النهار]

والعكس صحيح ياخوي بوعبدالله
عندي موتر طايح في جبدي ابي ابيعه بأي سعر لوجاب 5 الاف نعمه ورضى معاي اخ سوداني
قال تعال بعرض لك الموتر في مزاد قطر كم تعطيني قلت له شي يطيب خاطرك
المهم نزل الاعلان وحط 13 الف ريال وخليت الاتصال يكون من صوبه لان مالي في هالمواضيع
:eek5: المهم شخص وافق على السعر الا بشخص ثاني يزيد عليه الف وثالث 500 حتى وصل المبلغ 15 الف
في اشياء تسوى وسعرها معروف للقاصي والداني يحط لك سعر ودك تحذف الشي في البحر
وفي اشياء ماتسوى يشترونها بأسعار خياليه
واكبر مثال مزادات الجيش روح وشوف بعينك شي مايصدقه عقل بشر

[شبح الصمت]

احلى شيء في مزاد قطر

انك اي شيء تفكر فيه بتحصله

لو قلم رصاص بتحصله يبيعوونه

[غير عنهم]

انا تجربتي كانت جدآ ناجحه عندي سياره صار له شهرين واقفه المعرض ما نباعت ولا احد سامها عمل لي اعلان اخوي ثاني يوم الا اهي مبيوعه بدون وسيط

[@north_star@]

الغالبية مرت عليهم نفس هالمواقف وانا اللي تعليقه ما يعجبني بالمزاد احذف التعليق أو اعطيه بلوك والمشكلة الاكبر من السوم انك تثق بأي واحد لما تشتري من عنده اي شي وتاخذ الغرض بدون ما تشيك عليه عدل وتروح البيت وتتفاجأ انه الجهاز مضروب مكسور والا ماكل تبن والا طايح ومصلح وهو يكون عارف السالفة ولما تتصله تقوله انه مكسور والا اي شي ثاني يستهبل عليك وما يدري انه بيعته حرااااام دامه عارف انه في علة وقالك انه مافيه شي لانه غشاش . ونصيحة لا تثق باي حد جرب وشوف ا لغرض عدل قبل لا تعطيه الفلوس .
واسمحولي على الاطالة

[بومحمد المطاوعه]

احلى شيء في مزاد قطر

انك اي شيء تفكر فيه بتحصله

لو قلم رصاص بتحصله يبيعوونه

ههههههههههه

من جاف هذاك عارض سيكل 8
وملصق الرنق بشلوشن مسويهم مراوح

وانا غاسل يدي هههههههههه

[شبح الصمت]

ههههههههههه

من جاف هذاك عارض سيكل 8
وملصق الرنق بشلوشن مسويهم مراوح

وانا غاسل يدي هههههههههه



ههههاي

بومحمد شتقول اي سيكل

في ناس فاهمه العرض غلط ..
بس

لو تشابهت الاذواق لبارت السلع ..


يقولك
لكل شراي بضاعة وسوقي

[بومحمد المطاوعه]

ههههاي

بومحمد شتقول اي سيكل

في ناس فاهمه العرض غلط ..
بس

لو تشابهت الاذواق لبارت السلع ..


يقولك
لكل شراي بضاعة وسوقي

ههههههههههه بس بعد ياخي اشدعوه
هههههههههه
سيكل 8

الحين وين في سيكل 8 اصلي

تايلندي
كله

ايااام وراحت والله

[حليتان*]

من كم يوم عارضين موتري للبيع وانا مادري :anger1:

اتفاحأ واحد من الربع يطرش لي يقولي عارض موترك للبيع !

[العقل المدمر]

كرهت هالبرنامج ماصرت ادخله الا لقافة واطلع
انا كبنت ضايقتني الاتصالات وماكنت ارضى ارد عليها وبعضها تجيني عقب نص الليل !
وزين الرقم كان بس خاص فسوالف طلبات وتجار اضطريت اقطعه من الاتصالات
غير طبعا احط السعر 3000 لازم يجي واحد يقول 200 ولو اني حطيت 200 كان بيقول 50
احط سعر معقول يقولون غالي احط سعر غالي محد يكلمني احط سعر نازل يقولون اكيد الموضوع فيه إن
غير اللي اتفق معاهم وحزة الحزة مالقى منهم رد واللي يقول بجي بيتكم اطالع واللي يقول مكانك بعيد قرب لي
واللي اعرضه فالمزاد هو نفسه اعرضه فالانستقرام بس ولا شي راح مني عن طريق المزاد كل اللي بعته من الانستقرام
غير ان فالانستقرام ماحصلت اسلوب يرفع الضغط والا استهبال والا يشتكون من الاسعار اللي احطها
واخيرا المزاد مسكين ومظلوم ومفيد واليهال خربوه لين حذفت كل شي فيه وشكرا :(

[بورصجي_جديد]

مزاد قطر الي فيه غالبيتهم صغار بسن واكثرهم يلعبون ومايشترون يسومون فقط للعب

[بورصجي_جديد]

ولا الي يضحك بالموضوع هههه مثلا عندك ايفون s6 يقولك تبدل مع ايفون 5 هههه شنسوي مع هناس المشكله مب من تاس من مزاد قطر المفروض يكون تسجيل عن طريق البطاقه شخصيه

[.قطر.]

هاي اللي يبطون جبدي يقعد يسوي خصم 70% ع اللي انت عارضه :omen2:
وحدث ولا حرج عن الاخطاء الاملائيه هناك هههه :rolleyes2:

[Abu Mahmoud]

البضاعة عرض وطلب ..
وبين الشاري والبايع موافقة الاثنين
مهما كان طلب الشاري ما ابيع بضاعتي برخيص

[وحيد-الشوق]

صدقني عقل النمل وايد احسن من عقولهم يأخي عقليات غريبة مره عرضت قلم جديد وأصلي سعره في الموقع الرسمي 280 دولار يجي يسومه ب300 هههههه طيب دش وكلف على نفسك وتعال سوم عقب واعرض عطر ابي اترزق من وراه 100 او 150 ريال وانا اوصله لهم لامندوب ولاغيره وفوق كل هذا يجيك واحد وصف غبي قليل في حقه يسوم لك البضاعة ويخسف فيها الارض بالذمة ياغبي عطر سعره 100 يورو شلون تسوم ب200 ريال والمشكله تكتب مب للسوم واحط لهم التواصل عالواتس اب فقط وبعد يردون وصدقني ياما وافقت على أسعار عشان اشوف من منهم الجاد وكلهم خرطي بس يسومون سومات تقهرك بس تدري أنا انا ارد عليهم بدعاوي هههههه وعقب يحذفون سوماتهم ومره واحد زعلان يقول لاتدعي علينا ههههههه طيب اتق الله ولاتبخس حلال الناس وعندك النت شوف سعره

[راعي ال VXR]

عقول صغيره وبزران واتجنب احط اعلان علشان ما يصيدني احباط من سوماتهم متابع فقط
احلى شي اللي حط اعلان وانقرص منهم كاتب في المقدمه ..... الشريطيه بررع الموضوع هههه

[shadad]

ترا البرنامج لو شدد اكثر بيكون افضل من ناحية الجدية في البيع والشراء . يكون تفعيل الاسم عن طريق الهاتف ( يعني ما في لف ودوران ). لكن بيخسر قاعده كبيرة من المستخدمين بس بيكون اغلبهم من النوعيه المستهتره واللي انت شرحتها اخوي في ردك. في ناس على فكرة راحوا فيها لانهم كانوا يعلنون عن اشياء محظورة. طبعا في ناس تستعبط ووووو. بس على من؟

انا كـ IT اقولك اعتمد . البرنامج عند التثبيت يطلب صلاحيات منها معرفة الهاتف وهوية المستخدم..ونوع الشبكة اللي انت عليها ! اكلمك جد . طبعا الناس كلها بنظام : حمل التطبيق بالبركه ..خخخخ وهم ما يدرون ان المعلومات Already جمعوها عن تلفونهم نوعه واسمه ورقم التلفون. ما تشوف اعلانات التطبيق من فترة استعدلت شوي. معاد فيها الاستهبال الاولاني. يمكن الحين على خفيف بس مو نفس قبل عيني عينك ابيع شي محظور.

يعطيك العافيه على الطرح. ووسع صدرك. كل الود :)

[تاجر كشخة]

هههههههههههههه

كوني تاجر صغير :shy: بحجم عقلة الأصبع :tease: حبيت اقولكم تجربتي انا صار لي مدة قصيرة اتاجر في بعض العطور المهم اني عرضت العطور في مزاد قطر لا اقولكم كمية السخافة في التعليقات يحطمونك تحطيم واحد نشب لي عارض عطر قيمته 800 ريال وأصلي يقولك تبيعه ب 200 تخيل اشتري عطر بسعر الفلاني وابيعه بخسارة تقدر ب 600 ريال ولما دشيت على ملفه حصلت الرجال يبيع عطورات يعني السالفة فيها مناحسة معي كوني ابيع مثله

اما لما اعرض عطوراتي في منتدى الاسهم احصله ناس راقية وكبار في السن والعقل جادة ولا تجادلك في السعر لانهم عارفين انه هذي الاسعار من الاخر بعكس المزاد اطفال توهم مسكوا الجوالات


الحل هو تفعيل خاصية التقييم لكل شخص علشان نعرف الجاد من الي غير الجاد

[مابدل العادات]

انا استغرب الصراحه اشلون الناس تستعمل هاي البرنامج

من اول ماستعملته حذفته علطول

مافيه ترتيب ولا تنسيق وكل واحد ينزل الأعلان 50 مره

هاي مشكله البرامج االمجانيه ونتمنى يطورونه

معليه رحت بعيد عن الموضوع

بالنسبه للفئه الي تكلمت عنهم للأسف في منهم كثير واغلبهم ربع واحزاب يبخس بضاعتك ويرفع لرفيقه

[بوحارب]

انا لما انزل شي للبيع ويجيني واحد يستهبل اقوله اوكي موافق على سعرك

واذا اتصلي اسحب عليه سحبة العمر هههههههههههههه

[.قطر.]

انا استغرب الصراحه اشلون الناس تستعمل هاي البرنامج

من اول ماستعملته حذفته علطول

مافيه ترتيب ولا تنسيق وكل واحد ينزل الأعلان 50 مره

هاي مشكله البرامج االمجانيه ونتمنى يطورونه

معليه رحت بعيد عن الموضوع

بالنسبه للفئه الي تكلمت عنهم للأسف في منهم كثير واغلبهم ربع واحزاب يبخس بضاعتك ويرفع لرفيقه

لو يسوونه نفس موقع حراج مال السعوديه بيكون تمام :nice:

[البرونزي]

الله يجزاك خير ياراعي الموضوع ذكرتني بواحد خرب علي بيعه
وعطاني كلمه ان شراء الي انا عارضه وجاتني سومات اكثر وسكرت الموضوع
وبعدها مارد على وخسرني حول 5000 ريال ومخزن ارقامه الي اتصل منها
وسويت بحث والحبيب يعرض ويبيع ومجهز له ارقام جوالات
حتى اشتغل له على رواقه

[سبع قطر]

مرحبا يا اخوان صحيح فيه ناس من هالنوعيه يبخس بسعر السلع المعروضه مثلا سلعه سعرها 50 الف يسومها 20 الف طيب ممكن صاحب السلعه يبيع فتوقع الي سام يشتري والهدف يشتري ويبيع ويستفيد يعني مش محتاج الغرض من البدايه

لاكن والله في ناس تضلم ناس وتبخس بالأسعار لين يتحطم صاحب السلعه

الواحد لازم يطول باله والله يعين الجميع