هل العازل حقيقة؟

[مستثمر مبتدئ]

السلام عليكم ورحمة الله وبركاته

اخيرا قررت اركب عازل بدل المخفي بس احس متفي فرق بينهم ركبت 10٪‏ قدام و10٪‏ الزجاج الخلفي السائق والعبري 20٪‏ الجانبين الخلفيين 50٪‏ ووقفت السيارة في الشمس كالعادة بس مافي فرق كبير يعني حرارة الطبلون خفت احسن من قبل بس مب وايد

[بورصجي_جديد]

صراحه مافي فرق بس خساير فلوس

[ya3coub]

العقل الباطني يبتدي يلعب و تحس بانه في فرق

غيره مافي شي رسمي

[بـارود]

وعليكم السلام ورحمة الله وبركاته

تفرق حسب نوع العازل كوري أو أمريكي
والنوع نفسه : سيراميك ( بأنواعه ) أو عادي

[عبد الله]

أنا أحس إنه ضحك على الناس وسعره مبالغ فيه وايد

[.قطر.]

اصلا 10% شوي على جونا :omen2:

[سالم الزهران]

العازل مب ع اسمه عااازل ، هو يحد من اشعة الشمس و لكن اذا بتوقف السيارة في الشمس ساعتين ثلاث ما هقيت

[بوخالد911]

هو يعزل ويحد من الحرارة بشكل خفيف.
بس ما يمنع الحرارة مية مية.

[بـارود]

في عازل جديد نازل السوق اسمه العازل الإلكتروني
إذا حد جربه أو عنده فكرة عنه يا ليت يخبرنا

[معماري قطري]

السلام عليكم ورحمة الله وبركاته

اخيرا قررت اركب عازل بدل المخفي بس احس متفي فرق بينهم ركبت 10ظھ‏ قدام و10ظھ‏ الزجاج الخلفي السائق والعبري 20ظھ‏ الجانبين الخلفيين 50ظھ‏ ووقفت السيارة في الشمس كالعادة بس مافي فرق كبير يعني حرارة الطبلون خفت احسن من قبل بس مب وايد

العازل والمخفي عبارة عن تظليل خفيف لتخفيف وطأَة الشمس المباشرة واعطاء التكييف فعالية أكبر .. بدون تكييف تدخل الحرارة وتنكتم وتكون شدتها حتى أَكثر من برا .. الفرق بين العازل والمخفي إن العازل يتكون من مواد أَفضل وفعاليتها أحسن في تقليل شدة الشمس لكن بنسبة غير ملحوظة نهائياً

العزل بطبقتين زجاج بينهم غاز خاص فيه نوعين أو أَكثر يمكن هذا فعاليته أَكبر واستخدموه في المرسدس قبل يعزل الضجيج وحرارة أشعة الشمس بنسبة أَكبر ويستخدم لزجاج البيوت المزدوج والثلاثي .. اللي يبي يطلع يسوي بحث عن عزل فراغ الزجاج بغاز الآرغون بالانجليزي بيحصل مقاطع وتوضيحات كثيرة

[وجه السعد 2]

ركب فوق ال50% و بتعرف الفرق

[monatee]

كل ماكان ثقيل يفرق في الحراره .. لكن شنقول ممنوع
10 و 20 و 30 مايفرق ذاك الزود الا بشي بسيط جداً

[معماري قطري]

في فلوريدا اشوف السيارة سودا ما يبين فيها شيء وهناك بلاد قوانين أكثر من اللي عندنا لكن عندنا يدورون السهل .. المجرم ينصاد ينصاد لو الشرطة مفتحين

[الجوكر90]

مركب 30 ع كل مواتري ولله الحمد مرتاح

[اللوز]

كذب الا ما ندر

[مستثمر مبتدئ]

شاكر لكم تفاعلكم من الموضوع وحرام المبلغ اللي دفعته لو تام على المخفي احسن لي والمشكله ماقدر اغيره وازيد الدرجة خايف يوقفوني

[سعود.]

في الصيف اذا السيارة واقفة في الشمس لازم تنسم ع الدريشة شوي .ع اساس مايحتبس الهواء الحار . واذا ركبت السيارة لازم تفتح الدرايش ع اساس يطلع الهواء الحار .

مهما كانت درجة عزل السيارة وبس

[ابومبارك]

بالعكس العازل يحميك من اشعة الشمس اثناء النهار
لو فتحت الزجاج تحس ان الشمس مزعجه
بدون عازل صعبه

[رافت]

في كل الأحوال اذا مركب عازل او بدون اذا بتوقف السيارة لاكثر من ساعة في الحر افتح الدرايش شوي قبل لا تنزل من السيارة
وعن تجربه حط غرشة ماي في السيارة وافتح الغطا عنها بتخفف درجة الحرارة لما ترجع السيارة بصورة ملحوظه

[STAR]

في عازل جديد نازل السوق اسمه العازل الإلكتروني
إذا حد جربه أو عنده فكرة عنه يا ليت يخبرنا

ع طاريه ..تقدر تتحكم في درجه العتمه هاي الي سمعته والي سمعته مب عملي لان لو خليته عتمه ماراح نشوف عدل ..

العهده ع الراوي..بس فعلا نبي تجارب حد جربه؟

[jeep-srt8]

يفرق بس بشي خفيف اهم شي عندي اشوف الشمس وماحس مركب 20% سيراميك امريكي

واحد امس قالي انه في عازل جديد عند تيتانيوم بس غااالي والله حول 6500 يعزل الحرارة بنسبة 99% اظن
جربه على صخان عندهم بالمحل يقولي عجيب بس والله سعره :(

[بوخالد911]

يفرق بس بشي خفيف اهم شي عندي اشوف الشمس وماحس مركب 20% سيراميك امريكي

واحد امس قالي انه في عازل جديد عند تيتانيوم بس غااالي والله حول 6500 يعزل الحرارة بنسبة 99% اظن
جربه على صخان عندهم بالمحل يقولي عجيب بس والله سعره :(

هالمحلات يسون التالي :
يشغلون الليتات ويحطون جدامك زجاج عليه مخفي
ويطلب منك تحط يدك على الزجاج
ويقولك شفت اشلون مافي حرارة !!!

يدوب 4 - 6 ثواني بس

قوووووله لا خل الليتات شغالة من ساعتين وعقب بسوي التجربة

[H_ViP]

سابقا كانت الوكالة تركب العازل في الزجاج من المصنع وماتاثر حرارة الشمس على السيارة بس الحين الوكالات ماتطلب هالمواصفاات علشان محلات العازل تستربح واحنا ننغش

[بو فيصل ن]

صراحة ما منا فايدة هههه السيارة بتصير سونا لما تسكرها و تخليها فاسشمس هههه قلنا اي او لا :discuss:

[بعيد النظر]

في الصيف اذا السيارة واقفة في الشمس لازم تنسم ع الدريشة شوي .ع اساس مايحتبس الهواء الحار . واذا ركبت السيارة لازم تفتح الدرايش ع اساس يطلع الهواء الحار .

مهما كانت درجة عزل السيارة وبس

هذا الكلام الصحيح 100% ..

جرب الحركة .. وبتعرف الفرق !

[fantasy]

نصيب للمحلات
مافي امل اركب غالي
استغرب من اللي تطاوع نفسه يركب بالفين و ثلاث واربع
كلها ميه لي ميتين ريال ووقت مابغيت شله و قلبك مايعورك

[A-Alansari]

في فرق اخوي في العزل بين المخفي والعازل الحراري

واذا عندك موتر عليه مخفي وموتر عليه عازل وقفهم جنب بعض واقعد جنب الدريشه وشوف اشعه الشمس شلون بتحس فيها وانت في السيارة الي فيها مخفي

اما الي فيها عازل ماراح تحس فيها

اما لو بتوقف لي السياره في الشمس حتى لو تحط صبيه بدل الجامه بيصير الموتر حار جونا مايدلع

[كتكوت الوحش]

كله كلام فاضي الحديد يذوب من الشمس ركب العادي ابو ظ،ظ*ظ* ريال أبرك

[qatari 111]

في فرق اخوي في العزل بين المخفي والعازل الحراري

واذا عندك موتر عليه مخفي وموتر عليه عازل وقفهم جنب بعض واقعد جنب الدريشه وشوف اشعه الشمس شلون بتحس فيها وانت في السيارة الي فيها مخفي

اما الي فيها عازل ماراح تحس فيها

اما لو بتوقف لي السياره في الشمس حتى لو تحط صبيه بدل الجامه بيصير الموتر حار جونا مايدلع
اتفق معاك 100%

الفكره فالعازل يخفف من حرارة الشمس والسياره تبرد بسرعه عكس المخفي وجوده وعدمه واحد .

اذا البيت مب مشغل مكيف مده يوم اتحس بالحراره .

[khaldoon]

اخوي 10 و 20% ما تسوي فرق..... انا لولا العازل كان بعت سيارتي زمان