اجهزة كشف الدخان والحريق

[احب قطر]

السلام عليكم ورحمة الله وبركاته ،

شاركت من قبل في موضوع عن الحريق ، ولكن لاهمية الموضوع حبيت افتح له صفحه خاصه ، بعيد الشر عنا وعنكم في الصيف تكثر الحرائق ، فانصح الجميع ان يركب اجهزة كاشف الدخان والحريق في المنزل عنده ، فيرجهاز جداً ممتاز في امازون اسمه Nest ميزة الجهاز ان يعمل بالبطارية وفيه سماعه وطبعا يركب في السقف والميزة المهمة جداً جداً أنكم توصلونه بالوايرلس وتنزل برنامج على جوالك ، وإذا لأقدر الله في دخان او حريق ، الجهاز يطّلع إنذار ، ومباشرة يجيك تنبيه عالجوال ، قيمة الجهاز 99 دولار ، وتحتاج جهاز لكل غرفة وصالة في المنزل.

http://www.amazon.com/Nest-Protect-carbon-monoxide-Battery/dp/B00XV1RCRY/ref=sr_1_1?ie=UTF8&qid=1462890777&sr=8-1&keywords=Nest+smoke

الرابط اللي فوق للي يحب يطلب ، الرابط اللي تحت فيديو تعريفي عن الجهاز

http://youtu.be/METDdcmklVE

واسال الله ان يقيكم من اي مكروه.

[شموخ دائم]

,

,


مرحبا


شكرا على الموضوع

اجهزه الكشف عن الدخان ضروريه ومهمه جدا وهي رخيصه السعر

وممكن تنقذ ارواح وممتلكات بالملايين

انا الى الحين مستغرب ومو مستوعب ان في بيوت مافيها ( طفايه ) حريق

هذا شي من الضروريات بكل بيت وكل مطبخ

بعيد الشر عن الجميع

,

,

[بوخالد911]

شكرا للنصيحة.
ممكن تذكر اسم البرنامج.
لا هنت.

[معماري قطري]

شيء ضروري للغاية .. والضروري الثاني جهاز كشف تسرب الغاز في المطبخ .. أو تجهيز إنارة المطبخ بنوعية بدون شرارة

التكييف صيانته لازم عن طريق مختصين بعضهم شغلهم يتسبب في حريق وهذا السبب اللي يخلي الحرايق تزيد وقت الصيف

عمل درج خارجي يسهل عملية الهرب لو صار حريق لا قدر الله

وكل غرفة لها جهاز انذار وصالة ومخزن ضروري وضروري ينشبكون مع بعض للي يخطط للبناء بواير وببطاريات ستاند باي لو بند الكهرب حتى لو اشتغل جهاز يشتغلون الجميع ويحذرون الغافلين

توزيع طفايات الحريق في أماكن سهل الوصول لها

[احب قطر]

شكرا للنصيحة.
ممكن تذكر اسم البرنامج.
لا هنت.

البرنامج من الشركة نفسها nest

[سالم الزهران]

اشكرك على الموضوع و طالما انه مرتبط ببرنامج على الجوال فهذا انجاز كبير و في صالح المستخدم لو يكلفه عشرة الآف .. وليست دعاية لأي منتج ولكن السلامة تأتي أولاً

[الصغيره]

اشكرك

انا من اللي يدورون هالاشياء وفعلا كثير منا مهمل بوسائل السلامه واتمنى من جهه حكوميه تتولى تنبيه الناس للاهتمام بالهالمساله وليكن الدفاع المدني يسوي مثلا دورات مفتوحه بكل فريق للاسر وللخدم كل اسبوع بفريق

وياليت بعد يوزع عليهم عناوين بيع الطفايات او يوزع عليهم طفايات ويدربون عليها الاهل والخدم لان الاغلبيه للاسف مايعرف يستخدم طفاية الحريق

طيب بهالمجال انا بس عندي طفايتين وابي ازيد العدد وين القى واشتري ؟


وشكرااااا لكم

[شرقاويه]

من وين اخذ طفاية الحريق