زحمة زحمة زحمة في كل مكان !!!

[وحيد-الشوق]

السلام عليكم

من زمان عن طلعات الدوحة في وقت ماقبل المغرب بس حالياً مضطر بسبب جدول الدراسة شيء لايطاق امس من مجمع ذا قييت السلام لين اشارة الشيراتون 35 دقيقة وتخيلوا بعدها مشيت يمكن اقل من 50 متر في نص ساعة والله انقهرت رديت المجمع امشي ماقدرت !!! والحين طالع من الخيسة قلت بجرب خط فبراير واعطيه فرصة ثانية تخيوا لحد كتابة هذا الموضوع وصلت عند محطة دحيل (على يساري) اكثر من نص.ساعة متى أوصل البيت :(

لو حد يمرض ويتعب شلون بتدش الاسعاف :rolleyes2:

[بانغ بانغ]

انا صوب المرخية وطايح فيها

وينك تقهوى معاي في الجمس

[وحيد-الشوق]

انا صوب المرخية وطايح فيها

وينك تقهوى معاي في الجمس

نفس الحال جمس بعد ههههههههه المره الجايه ان شاء الله

[GENIUS]

أمس هالوقت من السيتي سنتر لين الديوان خذت يمكن حدود الساعتين.

اتوقع اللي يمشون رياضة على الكورنيش كملوا نفس المسافة روح و ردة وانا ما وصلت.

[وحيد-الشوق]

أمس هالوقت من السيتي سنتر لين الديوان خذت يمكن حدود الساعتين.

اتوقع اللي يمشون رياضة على الكورنيش كملوا نفس المسافة روح و ردة وانا ما وصلت.

الله كريم أمس الوضع كان لايطاق :(

يليت نحرق نفسهم المشكلة قاعد في السيارة منقهر ومتنرفز من الزحمة

[سهم عتيج]

عندي سؤال دائم أردده,, هل نحن فعلا نعيش حالة رفاهية,, ام نحن نعاني بسبب الرفاهية..

اللي أعرفه أن الرفاهية تجعلك تعيش مستوى 5 نجوم سواء في البيت او الشارع او العمل او أو أو الخ

ولكن اللي نشوفه عكس ذلك تماما,,

منذ 10 أعوام كانت عندنا أزمة بيض فغاز فبنزين و و و ,, ثم كانت الزحمة في الشوارع والتي كلما خفت بسبب افتتاح شارع جديد لا تلبث الا أسابيع او شهورا قليلة فنعود الى نفس المعاناة في الشارع نفسه,, بل قد تعود أسوأ مما كانت عليه..

اليوم صرنا نعيش أزمة انتظار لتعبئة البنزين,, فالوقوف في أبو سمرة او في المطار قد يكون أهون من الوقوف في احدى محطات وقود لتعبئة بنزين السيارة.. وهذه معاناة شبه يومية صرنا نعيشها

في السابق كان التسجيل في المدارس الحكومية اسهل مما نتصور,, واليوم عليك التسجيل قبل عام وواسطات والا عليك الشقاء للبحث عن واسطة هنا او هناك..

الحمدلله نعم الله علينا كثيرة,, ولكن المعاناة التي نعيشها منذ أكثر من 10 أعوام لازالت نفسها,, فأصبحنا مشغولين بأنفسنا,, بل أصبحت أخلاقنا ضيقة ولا نتحمل أي شيء في الشارع بسبب الازدحام المستمر..

شارع الكورنيش عندما كانت تقاطعاته قليلة كنا لا نعاني مثلما نعانيه اليوم بسبب وجود إشارات مرورية على مسافة اقل من نصف كيلو متر بين إشارة وأخرى على امتداد الكورنيش والطرق المؤدية له.. اللي نعرفه أن شوارع الكورنيش في العالم هي شوارع سياحية وترفيهية وليست شرايين رئيسية تربط الأعمال بأماكن سكن الناس..

شارع 22 فبراير عندما كانت مداخله ومخارجه كثيرة كان اكثر انسيابية عما نراه اليوم بسبب غلق العديد من المخارج والمداخل..

أتمنى شخصيا أن أعيش الرفاهية التي عشناها في منتصف الثمانينات والتسعينات وبداية الالفية عندما كانت المداخيل قليلة ولكن كانت النفوس أكثر راحة عما نراه اليوم..

[aziz4z]

مافي غير السيكل و البطبطة
مستحيل أطلع بعد العصر إلا بطلب من شخص مهم جدا
أغلب الشركات دوامها تخلص في العصر وهاي اللي مسوي زحمة
الله يعجل بخروج القطار اللي في السرداب عشان نشوف آخرتها مع الزحمة

[بريق الحق]

الاجانب دخلو عَلِينا بوعيون زرق وخضر وخربو كل شي من الاخلاق الى مالانهايه

[بانغ بانغ]

عندي سؤال دائم أردده,, هل نحن فعلا نعيش حالة رفاهية,, ام نحن نعاني بسبب الرفاهية..

اللي أعرفه أن الرفاهية تجعلك تعيش مستوى 5 نجوم سواء في البيت او الشارع او العمل او أو أو الخ

ولكن اللي نشوفه عكس ذلك تماما,,

منذ 10 أعوام كانت عندنا أزمة بيض فغاز فبنزين و و و ,, ثم كانت الزحمة في الشوارع والتي كلما خفت بسبب افتتاح شارع جديد لا تلبث الا أسابيع او شهورا قليلة فنعود الى نفس المعاناة في الشارع نفسه,, بل قد تعود أسوأ مما كانت عليه..

اليوم صرنا نعيش أزمة انتظار لتعبئة البنزين,, فالوقوف في أبو سمرة او في المطار قد يكون أهون من الوقوف في احدى محطات وقود لتعبئة بنزين السيارة.. وهذه معاناة شبه يومية صرنا نعيشها

في السابق كان التسجيل في المدارس الحكومية اسهل مما نتصور,, واليوم عليك التسجيل قبل عام وواسطات والا عليك الشقاء للبحث عن واسطة هنا او هناك..

الحمدلله نعم الله علينا كثيرة,, ولكن المعاناة التي نعيشها منذ أكثر من 10 أعوام لازالت نفسها,, فأصبحنا مشغولين بأنفسنا,, بل أصبحت أخلاقنا ضيقة ولا نتحمل أي شيء في الشارع بسبب الازدحام المستمر..

شارع الكورنيش عندما كانت تقاطعاته قليلة كنا لا نعاني مثلما نعانيه اليوم بسبب وجود إشارات مرورية على مسافة اقل من نصف كيلو متر بين إشارة أخرى على امتداد الكورنيش والطرق المؤدية له.. اللي نعرفه أن شوارع الكورنيش في العالم هي شوارع سياحية وترفيهية وليست شرايين رئيسية تربطك بالأعمال وأماكن سكن الناس..

شارع 22 فبراير عندما كانت مداخله ومخارجه كثيرة كان اكثر انسيابية عما نراه اليوم بسبب غلق العديد من المخارج والمداخل..

أتمنى شخصيا أن أعيش الرفاهية التي عشناها في منتصف الثمانينات والتسعينات وبداية الالفية عندما كانت المداخيل قليلة ولكن كانت النفوس أكثر راحة عما نراه اليوم..

والله مشاركتك يخوي بروحها موضوع مهم يبغيله موضوع بروحه

[وحيد-الشوق]

عندي سؤال دائم أردده,, هل نحن فعلا نعيش حالة رفاهية,, ام نحن نعاني بسبب الرفاهية..

اللي أعرفه أن الرفاهية تجعلك تعيش مستوى 5 نجوم سواء في البيت او الشارع او العمل او أو أو الخ

ولكن اللي نشوفه عكس ذلك تماما,,

منذ 10 أعوام كانت عندنا أزمة بيض فغاز فبنزين و و و ,, ثم كانت الزحمة في الشوارع والتي كلما خفت بسبب افتتاح شارع جديد لا تلبث الا أسابيع او شهورا قليلة فنعود الى نفس المعاناة في الشارع نفسه,, بل قد تعود أسوأ مما كانت عليه..

اليوم صرنا نعيش أزمة انتظار لتعبئة البنزين,, فالوقوف في أبو سمرة او في المطار قد يكون أهون من الوقوف في احدى محطات وقود لتعبئة بنزين السيارة.. وهذه معاناة شبه يومية صرنا نعيشها

في السابق كان التسجيل في المدارس الحكومية اسهل مما نتصور,, واليوم عليك التسجيل قبل عام وواسطات والا عليك الشقاء للبحث عن واسطة هنا او هناك..

الحمدلله نعم الله علينا كثيرة,, ولكن المعاناة التي نعيشها منذ أكثر من 10 أعوام لازالت نفسها,, فأصبحنا مشغولين بأنفسنا,, بل أصبحت أخلاقنا ضيقة ولا نتحمل أي شيء في الشارع بسبب الازدحام المستمر..

شارع الكورنيش عندما كانت تقاطعاته قليلة كنا لا نعاني مثلما نعانيه اليوم بسبب وجود إشارات مرورية على مسافة اقل من نصف كيلو متر بين إشارة وأخرى على امتداد الكورنيش والطرق المؤدية له.. اللي نعرفه أن شوارع الكورنيش في العالم هي شوارع سياحية وترفيهية وليست شرايين رئيسية تربط الأعمال بأماكن سكن الناس..

شارع 22 فبراير عندما كانت مداخله ومخارجه كثيرة كان اكثر انسيابية عما نراه اليوم بسبب غلق العديد من المخارج والمداخل..

أتمنى شخصيا أن أعيش الرفاهية التي عشناها في منتصف الثمانينات والتسعينات وبداية الالفية عندما كانت المداخيل قليلة ولكن كانت النفوس أكثر راحة عما نراه اليوم..

المشاركة هذي لازمها موضوع كامل

:)


مافي غير السيكل و البطبطة
مستحيل أطلع بعد العصر إلا بطلب من شخص مهم جدا
أغلب الشركات دوامها تخلص في العصر وهاي اللي مسوي زحمة
الله يعجل بخروج القطار اللي في السرداب عشان نشوف آخرتها مع الزحمة

احساسي يقولي ما اعتقد القطار بيغير شيء من الزحمة الدوحة صغيرة وعدد السكان كبير جداً ويا ما سمعنا مسؤولين صرحوا بعد افتتاح اشارات الكورنيش خلاص بتنحل الامور اصبروا شوي يارجل أول اسبوع الشرطة والمرور كانوا ينظمون السير عند الاشارات وشوف الحين نفس الوضع ماتغير شيء

الله كريم


الاجانب دخلو عَلِينا بوعيون زرق وخضر وخربو كل شي من الاخلاق الى مالانهايه

عدد الوافدين كبير جداً عندنا وهذا أيضاً من اسباب الازدحام والاختناقات المرورية لست ضدهم او قطع رزقهم بس لازم يكون في تنظيم اكثر بعد كم سنة بيصير عددنا 3 مليون :)


والله مشاركتك يخوي بروحها موضوع مهم يبغيله موضوع بروحه

أتفق معاك اخوي بانغ

[سالم الزهران]

طيب ، كذا خليتوني اشيل هم لاني اذا شاء الله بوصل الدوحة بعد عشرة ايام :/ ، معقولة الزحمة بالشكل ذا ؟ اجل اكنسل حجز السيارة .

لا يوجد حل للزحمة سوى النقل العام ، لكن ثقافتنا رايحة شمال للاسف

[بانغ بانغ]

طيب ، كذا خليتوني اشيل هم لاني اذا شاء الله بوصل الدوحة بعد عشرة ايام :/ ، معقولة الزحمة بالشكل ذا ؟ اجل اكنسل حجز السيارة .

لا يوجد حل للزحمة سوى النقل العام ، لكن ثقافتنا رايحة شمال للاسف

يخوي نمزح معك المكان فاضي تسمع فيه صوت النملة لو طاحت

انصحك الساعة خمس العصر تاخذ لفة صوب شارع اسمه شارع المرخية ... ولا موتر فيه

بس خذ معك بندول اسود .

ههههههه حبيب اتشرفنا

[سالم الزهران]

الله يسلمك يا الحبيب لكن المرة الاولة و صلت بدري عن طريق البر ومعي العيال و بدال ومريت الفندق وريتهم وجهي و سيده ع الكورنيش و افترينا شوي حول ساعة و الزحمة كانت مقبوله ،، لكن الصورة اللي شايفها اني الدنيا واقفه ؟

الكورنيش و السيتي سنتر مناطق تولد حركة وجذب و المفروض يحددون اوقات الدخول و لا اظن فيه حلول ناجحة ميه بالمية .

[طلعة الروح]

السلام عليكم

من زمان عن طلعات الدوحة في وقت ماقبل المغرب بس حالياً مضطر بسبب جدول الدراسة شيء لايطاق امس من مجمع ذا قييت السلام لين اشارة الشيراتون 35 دقيقة وتخيلوا بعدها مشيت يمكن اقل من 50 متر في نص ساعة والله انقهرت رديت المجمع امشي ماقدرت !!! والحين طالع من الخيسة قلت بجرب خط فبراير واعطيه فرصة ثانية تخيوا لحد كتابة هذا الموضوع وصلت عند محطة دحيل (على يساري) اكثر من نص.ساعة متى أوصل البيت :(

لو حد يمرض ويتعب شلون بتدش الاسعاف :rolleyes2:

اكيد صارت إعاقه مروريه شي سد الطريق لان مدة الانتظار
بالنسبه للمسافه المذكورة تعتبر over, في الظروف العادية ماظن ب تقعد بهالزحمه ، بعدين مادري اذا تقصد عن زحمه المجمعات في موضوعك ؟

[القلب المؤمن]

زحمة ؟ مافي زحمة يتهيأ لكم بس احنا في دولة تعتبر من اغنى الدول بالعالم وعندنا جودة تخطيط وتنظيم من اعلى المستويات من خبرات خارجية عالمية وحقوقكم محفوظة كل واحد له ارض من الدولة ببلاش ومافي تفرقة بين عيال البلد، بسكم وهم ههههههههه

[الحياة الخالدة]

سبحان الله .. عاد من كم يوم أقول الزحمة خفت و حتى لما تكون الشوارع زحمة لكن السيارات ماشية وما توقف فترات طويلة نفس قبل
بس الحين أشوف ردت .. مادري شالسالفة

[وحيد-الشوق]

طيب ، كذا خليتوني اشيل هم لاني اذا شاء الله بوصل الدوحة بعد عشرة ايام :/ ، معقولة الزحمة بالشكل ذا ؟ اجل اكنسل حجز السيارة .

لا يوجد حل للزحمة سوى النقل العام ، لكن ثقافتنا رايحة شمال للاسف

تعال بتنور الدوحة ياخوي بس في اوقات من 4 لين 6 الكورنيش لايطاق وطبعاً الصبح زحمه وخط فبراير احسه كل الاوقات هههههههه تجنب اوقات الدوامات الصباحية والخروج أيضاً وبعد مخرج اللؤلؤة ومجمع اللاجونا ايام الوكيند مأساة في شارع مسار واحد وهو المسبب الرئيسي للزحمة

وتجي بالسلامة


يخوي نمزح معك المكان فاضي تسمع فيه صوت النملة لو طاحت

انصحك الساعة خمس العصر تاخذ لفة صوب شارع اسمه شارع المرخية ... ولا موتر فيه

بس خذ معك بندول اسود .

ههههههه حبيب اتشرفنا

بندول اسود هههههههه اخبره ازرق واحمر وبنفسجي واخضر واصفر وغيره بس اسود هههههه


الله يسلمك يا الحبيب لكن المرة الاولة و صلت بدري عن طريق البر ومعي العيال و بدال ومريت الفندق وريتهم وجهي و سيده ع الكورنيش و افترينا شوي حول ساعة و الزحمة كانت مقبوله ،، لكن الصورة اللي شايفها اني الدنيا واقفه ؟

الكورنيش و السيتي سنتر مناطق تولد حركة وجذب و المفروض يحددون اوقات الدخول و لا اظن فيه حلول ناجحة ميه بالمية .




اكيد صارت إعاقه مروريه شي سد الطريق لان مدة الانتظار
بالنسبه للمسافه المذكورة تعتبر over, في الظروف العادية ماظن ب تقعد بهالزحمه ، بعدين مادري اذا تقصد عن زحمه المجمعات في موضوعك ؟

الاحد خط فبراير كان زحمه وغيرت طريقي للكورنيش يوم الاثنين وتحسفت واليوم رحت خط فبراير بغيت ألطم :)

لا ما اقصد المجمعات الشوارع


زحمة ؟ مافي زحمة يتهيأ لكم بس احنا في دولة تعتبر من اغنى الدول بالعالم وعندنا جودة تخطيط وتنظيم من اعلى المستويات من خبرات خارجية عالمية وحقوقكم محفوظة كل واحد له ارض من الدولة ببلاش ومافي تفرقة بين عيال البلد، بسكم وهم ههههههههه
الحمدلله على كل حال :)


سبحان الله .. عاد من كم يوم أقول الزحمة خفت و حتى لما تكون الشوارع زحمة لكن السيارات ماشية وما توقف فترات طويلة نفس قبل
بس الحين أشوف ردت .. مادري شالسالفة

هالثلاث أيام كان في شيء جداً غريب بس بعد اذكر مره قبل شهرين رديت 5 من صوب الشيراتون لين الديوان 50 دقيقة وكذا شخص يقولي هالوقت زحمة ماتنطاق :(

[.قطر.]

الحل يكنسلون بعض اشارات الكورنيش
او اقولك يكنسلون كل الاشارات بالمره ويخلونها جسور وانفاق مايبي لها شي
وحتى 22 فبراير لو يظبطون المخارج والمداخل بحيث ان السيايير مايوصلون برع المخرج بيمشي السيد فيه

[سالم الزهران]

تعال بتنور الدوحة ياخوي بس في اوقات من 4 لين 6 الكورنيش لايطاق وطبعاً الصبح زحمه وخط فبراير احسه كل الاوقات هههههههه تجنب اوقات الدوامات الصباحية والخروج أيضاً وبعد مخرج اللؤلؤة ومجمع اللاجونا ايام الوكيند مأساة في شارع مسار واحد وهو المسبب الرئيسي للزحمة

وتجي بالسلامة


:(

جزاك الله خير يا وحيد الشوق و الديرة بأهلها الطيبين ، اجل ما فيه بنادول اسود ؟ بانغ خطير ! حوله ع الشيخ راجي ياخذ افادته :)

[شويهينــه]

اي والله زحمه لدرجة حتى دريولنا نطق يقول هذا شارع لازم يسوي فيه كوبري:tease:

[تاجر كشخة]

خليها على الله

[naklan]

الله يكون في عونكم

[بوخالد911]

الزحمة بسبب التخبط والانفجار السكاني بدخول وافدين ويعقبها دخول أسرهم وعلى مصراعيه !!!!
لابد من تنظيم هذه المسألة.

رفقاً بنا يا سادة.

[معماري قطري]

انا صوب المرخية وطايح فيها

وينك تقهوى معاي في الجمس




نفس الحال جمس بعد ههههههههه المره الجايه ان شاء الله

مشكلتكم تاخذون سيارات كبيرة تاخذ حيز 3 سيارات صغار وانتوا سبب الزحمة

[معماري قطري]

انا اختار أوقات خروجي بحيث تكون خارج الذروة ولا اروح صوب مناطق الزحمة الا طريق الفروسية أوقات وزحمته مب قوية

[بانغ بانغ]

مشكلتكم تاخذون سيارات كبيرة تاخذ حيز 3 سيارات صغار وانتوا سبب الزحمة

هههههههه بوعبدالله عشان اللي يتحرش فينا انعرف شنسوي

وطبعا في الزحمة او عرقلة السير ..... كانه طوفان جاي من ورا

[سالم الزهران]

الزحمة سببها كثرة السيارات و لا ينفع معها شيء الا تنظيم استعمال الطرق ؟ كيف تقنع الشباب بهذي ؟ مستحيل ! نص السيارات شباب فاضي يتمشى ؟ في مدينة جدة العريقة سكنت عشرة سنوات و لا زالو اهلي هناك و رحت الكورنيش اربع مرات في عشر سنوات تقريباً .. ليس زهداً في الكورنيش و لا في الخرجة و لكن لأني كذا مرة تصير حوادث مالنا فيها ذنب و مشاكل و صراخ .. الله الغني عن الروحة ذي

[بوفاطمه]

زحمة من الساعة 5:00لين قب العشاء زحمة في زحمة .
في مقولة دائما كنا نسمعها حشرة مع الناس عيد .
صار الواحد يكره نفسه من الزحمة .
ان شاء الله الامور تزين مع الايام القادمة .

[هيليوم]

الزحمة ممكن تخف لما سلوك الناس يتعدل في السواقة وتخف التجاوزات من اليمين والوقوف في منطقة المربعات الصفرة في الاشارة

[المحاميه]

عادي
كل دول العالم زحمه
اشوف عادي عندكم وتتقبلون الزحمه وانتو مسافرين
اشمعنى اهني مب راضين وتتذمرون؟

[@north_star@]

الزحمة ممكن تخف لما سلوك الناس يتعدل في السواقة وتخف التجاوزات من اليمين والوقوف في منطقة المربعات الصفرة في الاشارة

وهذا الكلام الصحيح التجاوزات والاستهتار من قبل البعض هو سبب أساسي بالحوادث والزحمة خاصة اللي يتجاوز من اليمين ويدخل من شارع الخدمات ويطلع قدام الناس من المخرج يسبب زحمة وعرقلة لحركة السير ويمكن يسبب حادث وهو لا مبالي .


عادي
كل دول العالم زحمه
اشوف عادي عندكم وتتقبلون الزحمه وانتو مسافرين
اشمعنى اهني مب راضين وتتذمرون؟

اي والله اختي المحامية صادقة الزحمة موجودة بكل دول العالم وحتى بالدول الي نقول عنها متقدمة وعندهم شبكات مواصلات ضخمة .. والله المستعان

[بومحمد المطاوعه]

لا تجعلوا اوقات فراغكم الا لذكر الله

استغفار او تسبيح

[الحياة الخالدة]

انا اختار أوقات خروجي بحيث تكون خارج الذروة ولا اروح صوب مناطق الزحمة الا طريق الفروسية أوقات وزحمته مب قوية
عاد انت شيخ من يقدر يسوي مثلك :secret:
احنا ما نقدر نختار أوقات طلعاتنا و دشاتنا من و إلى الدوام

[ضوى]

والله معاك حق

انا صرت اتجنب الطلعة كلش الله يعين بس

[بانغ بانغ]

أبشركم جسر الشييراتون لين بوعبود بيبدون فيه قريب

[راعي الكورفت]

كلما زاد عدد الاجانب زاد مدخول البلد وقوي الاقتصاد .


الحكومه والتجار يستفيدون جدا من زيادة اعداد الاجانب وزيادتهم زيادة للاقتصاد المحلي التي ينتج عنها زياده في مرتبات المواطنيين وارتفاع مدخول التجار من الحركه التجاريه وايضا ارتفاع اسعار العقارات .

[راعي الكورفت]

اما الزحمه فاللوم يقع على البلديه واشغال و تخطيط الشوارع فهو مثير للضحك ولاتلقوا اللوم على الاجانب.


فهم بريئين من الزحمه كبراءة الذئب من دم يوسف.

اغلب الشوارع مسارين وضيقه ومكسره وكل 100 متر ستجد اشاره او دوار وعندما يفتحون شارع سيقومون باغلاقه بعد اسبوع لكي يحفروه فيه ويعدلوه من جديد والعلميه تعاد وتكرر اكثر من مره.


انظروا إلى دبي فعدد الاجانب وصل إلى رقم مهول لكن ماعندهم زحمه بسبب شوارعهم 6 مسارات وتواجد اعداد كبيره من الجسور والانفاق.

اللوم يقع على التخطيط وليس على الاجانب ووصلنا إلى مرحله من المستحيل تعديل الشوارع.

[بانغ بانغ]

احنا في الوكرة صوب المستشفى وفي شارع فرعي

شارع متكامل ... صكوا نصه للتحويلة ونصه للسيارات

من يومين هالنص ... خلوا نصه تحويلة ونص النص للسيارت


حشى ... ممرات سياكل

اللي يبي ايشوف احدى عجائب الدنيا السبع او الثمان ... بارسله اللوكيشن