تقليص ساعات الدوام الرسمي للطلاب المدارس

[qatari 111]

السلام عليكم ورحمة الله وبركاته
خبر بجريدة الوطن تقليص ساعات الحصص للطلاب 45 دقيقه للحصه وانصراف الساعه 12-30 ظهرا

السوال هل هو فترة الصيف فقط ولا راح يكون تغيير طول السنه الدراسيه ؟؟

[ضوى]

هالكلام للسنة الجاية

[بومحمد المطاوعه]

كلام جرايد ,,

ما اصدق الا بعد التطبيق

[المحاميه]

احسن
ولو يقلصون للموظفين بعد يسون خير :nice:

[khaldoon]

الله يجيب اللي فيه الخير..... يا رب يفكروا بتقليص دوام القطاع الخاص لانه على فكرة اللي يشتغلوا فيه بشر طبيعيين

[Dana’1]

تو واصلني بالواتساب حيييل انبسطت بالخبر هذي بشارة الصباح اعتبرها^_^
اخيييرا فهمو االحمدلله

[راعي الكورفت]

مجرد اشاعه لا اساس لها من الصحه .

[Bo jassim 33]

اي والله وصلنا عالوتساب

وسالت في مدرسه عيالي : قالوا الخبر مب صحيح


ليش ما تحاسب الجريده اللي تنزل مثل هذه الاعلانات ؟؟

[تلفزيون قطر]

أنا توني متصل للمدرسة وقالوا هذا الكلام صحيح موجود في الجريدة بس لحد الآن ماوصلنا أي تعميم من وزارة التعليم والتعليم العالي بهذا الخصوص ..




والله يكتب الي فيه الخير







فالكم التوفيق

[.قطر.]

يارب يكون صحيح لان الحين فيه وقت زايد ف الحصه والدوام طويل على ولا شي

[لـبـيـه]

اتوقع والله اعلم بدا الدوام الصيفي لهذا العام فقط لاغير

وماظن بيكون على طول لو بيعدلون كان الصحه عدلت القوانين الجديده الي ارهقت المواطنين والتعليم عدلت القوانين الي ارهقت الطلاب والابناء

واشغال عدلت بنظره مستقبليه ماتقل عن 20 سنه مب سنتين

ياجماعه الناس مصرين انهم صح وغيرهم غلط

[Bo jassim 33]

السؤال :

هل معقوله الجرائد الرسميه للدوله تطلع نفس هالخبر دون الرجوع لوزارة التعليم ؟؟

وهل وزارة التعليم ان كان الخبر صحيح : تصدر تعميم للجريده وما ترسل تعاميمها للمدارس ؟؟


الخبر يبي له وقفه حازمه

[تاجر كشخة]

اي والله وصلنا عالوتساب

وسالت في مدرسه عيالي : قالوا الخبر مب صحيح


ليش ما تحاسب الجريده اللي تنزل مثل هذه الاعلانات ؟؟

مرة من المرات جريده قطرية عريقة حاطة صورة سيارة اقل ما يقال انه فوتوشوب على اساس انها بتنزل السنه الي بعدها وانا كنت عارف ان الصورة خرطي ومرة من المرات نزلوا موضوع وصور عن كائن غريب يقولون حصلوه في الكورنيش واخر شي طلع واحد مفلم علينا عبارة عن دمية بالمعجون

[GENIUS]

الكلام صحيح لكن لهذه الفترة المتبقية من السنة الدراسية الحالية وتم التأكد من صحة الخبر من مصدر رسمي وموثوق في وزارة التعليم.

[مشاكل]

تقليص الساعات حق الايام الجاية نفس كل سنة مثل هالوقت

[*^*محمد*^*]

تم تأكيد الخبر من المصدر للفترة المتبقيه ونأمل بأن يطبق للسنه الجايه

جزاهم الله خير من قاموا بعمل هالأقتراح

[سعود.]

التطبيق من الاحد القادم

[roma27]

الخبر صحيح

[بانغ بانغ]

بس لو ايجدمون الامتحانات حق الابتدائية والاعدادية لين قبل رمضان

[لبتونه]

والله يكتب الي فيه الخير

[مشاكل]

الطلاب خلصوا المناهج من اسبوع وماعندهم شي الا المراجعة
انت ابغي اعرف ليش مايقدمون الامتحانات قبل رمضان
الجو امس كأنك في مكرويف والحرارة وصلت قريب ال 50

[لـبـيـه]

والقهر الاسبوعين الجايين ماعندهم شي كلش يعني كان بلامكان الامتحانات اتم بلاسبوعين ذول الى مافيها اي حاجه واغلب الطلاب ماراح يحضرون

[بانغ بانغ]

هل تؤيدون الامتحانات العصر للطلاب

منها شبعانين ارقاد ومنها قريب الفطور


قسما بالله حرااام