افضل طريقة للحد من تهورات سائقي كروه

[CH Engineer]

كلنا شفنا باصات كروه تقلع عالخطوط الخارجيه
بس للامانه مثل تكاسي كروه ماشفنا
يمر عليك واحد داعس 160 و ورآه سياره كروه 160 ماتكفيه مستعجل الأخ
المصيبه ان سواقتهم الله بالخير يلف عليك وبعدها يعطي اشاره،،
مب مشكله لا تستخدم الاشاره بس لا تلف عالعالم

اقترح على كروه باغلاق سرعة سياراتها على 120
و منها يوفرون مخالفات

الي عنده ايميل الشركة يتواصل معاهم

[سلامي للكل]

الســلام عليكم ورحمــة الله وبركاته

الملاحظات في محلها ومخالفات كروه واضحة

والشكاوي كثيرة عليهم

تفضــل اخوي إيميــل شركة مواصــلات للتــواصــل:

info@mowasalat.com

وبالتوفيــق

[بانغ بانغ]

العلة مب فيهم

انما في ادارة العمليات اللي كلها بوهناد وبوفلبن ونيباليين

مستحيل تشتكي على سواق وياخذون اجراء فيه لانهم جروب

[القلب المؤمن]

انا اشوف اعدام بالضرب بالسيف عند الدوارات لكل سواق كروه فاشل ..

[بوحارب]

امس واحد تجاوز قدامي في الأشارة ولف علي ودخل عرض في السيد

بس سنعته وخليته ينزل حصى

والله يقهرون بسواقتهم التعبانه !!

[A-Alansari]

الحل تنزل تسطره على اذنه وتمشي

غيره ماراح يفيد شي

ملاحظة: حتى لو سطرته ماراح يفيد معاه بس مجرد تبرد حرتك هههههه

[qatari 111]

ماينلامون عالسرعه والتهور لانهم ملزومين يوفرون للشركه 250 ريال الى 300 ريال في خلال 12 ساعه عمل

فمع الزحمه وقته يضيع .وراح يدفع من جيبه اذا ماجاب لهم المبلغ المذكور فالسابق .

[@north_star@]

والله مب بس سواقين كروة حتى سواقين الليموزين يلفون على خلق الله ولا يعطون اشارة وامس بالتحديد واحد لف علي عشان ياخذ راكب وطبعا لف بشكل مفاجي وبدون غماز والله ستر بغيت ادش فيه وقفت حذاه وعطيته اللي فيه النصيب .....

[@north_star@]

واقتراح ثاني بعد اذن صاحب الموضوع المفروض يلزمونهم بالمسرب اليمين مثل الباصات لانه يوقف بشكل مفاجئ عشان ياخذ او ينزل ركاب

[بوخالد911]

سواقتهم كل تعبانة من قلب

الحل عند فرض عقوبة ع السايق ، يتم نشر تعميم ع كافة السائقين
عشان يكون عندهم علم والمام
وفي حالة تكرار المخالفة يتم انهاء خدماته فوراً
مع تعميم الكتاب كذلك .

[النهار]

لو يفعل قانون المرور عليهم الي كان معمول فيه في السابق ماكان شفت مثل هذه الرعونه في السواقه
عدم الترخيص لسائق سيارة الاجره الا بعد مضي سنتين على اخذ الرخصه
منها يتعلم قوانين المرور ويعرف الطرق والاماكن
يجيك من المطار يروح يقدم تراي بعد اسبوع وعلى طول يسلمون سياره
ههههههههههههههههههههه
مره حصلت راعي كروه يسأل وين فريج غزه
قلت روح سيده بعدين خذ الدوار ورح سيده تجيك اشارات روح سيده تجيك اول لفه خذها يمين
وديته المرخيه مع العلم هو واقف عند دوار غزه

[نوفا91]

لو يفعل قانون المرور عليهم الي كان معمول فيه في السابق ماكان شفت مثل هذه الرعونه في السواقه
عدم الترخيص لسائق سيارة الاجره الا بعد مضي سنتين على اخذ الرخصه
منها يتعلم قوانين المرور ويعرف الطرق والاماكن
يجيك من المطار يروح يقدم تراي بعد اسبوع وعلى طول يسلمون سياره
ههههههههههههههههههههه
مره حصلت راعي كروه يسأل وين فريج غزه
قلت روح سيده بعدين خذ الدوار ورح سيده تجيك اشارات روح سيده تجيك اول لفه خذها يمين
وديته المرخيه مع العلم هو واقف عند دوار غزه



حرام عليك :(

[نوفا91]

ماينلامون عالسرعه والتهور لانهم ملزومين يوفرون للشركه 250 ريال الى 300 ريال في خلال 12 ساعه عمل

فمع الزحمه وقته يضيع .وراح يدفع من جيبه اذا ماجاب لهم المبلغ المذكور فالسابق .



وعليا عليهم ، عيل المفروض الشركة اللي تتسنع مب السواقين :)

[ya3coub]

اول ما بدو اتذكر ركبت مع واحد يمشي 118 تقريبا يقول اذا وصلت 120 ينخصم من راتبي كان في سستم بسيارات الهوندا مالت المطار قبل اول ما بدو

[طلعة الروح]

حسبي الله عليهم اذا شفتهم اتجنبهم وسبق ان كتبت موضوع عن سواقتهم واحد من سواقينهم دعمني وشرد وقتها ، اكثر ناس مكروهين في الشوارع أحاول اتحاشاهم قد ما اقدر لأن أقل شي يسوية يلف عليك فجأة او يوقف قدامك فجأة بدون سابق انذار.

[طلعة الروح]

واقتراح ثاني بعد اذن صاحب الموضوع المفروض يلزمونهم بالمسرب اليمين مثل الباصات لانه يوقف بشكل مفاجئ عشان ياخذ او ينزل ركاب

هاي مب حل مع احترامي لك الا اذا تم تخصيص مسار خدمه خاص للوقوف والانتظار اما يوقف وينتظر ويدق دينجر ع مسار اليمين فيه خطوره ع حياة الماره والسائقين.

[GENIUS]

اثنين مرفوع عنهم القلم في المحاسبة والتقصير كروة والقطرية.

[بانغ بانغ]

اثنين مرفوع عنهم القلم في المحاسبة والتقصير كروة والقطرية.

واحس اشغال احيانا

[كاشف الغطاء]

بالعكس الا راقدين على السكان

[عيسى111]

يوم الأربعاء عند الإشارة على الكورنيش يبغي يتجاوز السيارة اللي جدامه وأنا ماسك الخط الأيسر

وانتبه لي في آخر لحظة ضرب بريك ويشخط بمرايته الجانبية جنب موتري كامل من الصوب اليمين