فيديو يكشف مصير متجاوزي سرعة 160 كم [الأرشيف] - منتديات شبكة الأسهم القطرية

رجل الجزيرة

12-05-2016, 07:00 PM

http://www.qbsnews.com/sa/wp-content/uploads/2016/05/fffff-1.png

كشف مقطع فيديو وثقه أحد المواطنين، عن تطبيق عناصر أمن الطرق على الخطوط السريعة، إجراءات سحب السيارات المتجاوزة للسرعة المحددة 160 كم.

وأظهر المقطع المتداول على مواقع التواصل الاجتماعي، عددًا من مركبات نقل السيارات تحت أحد الكباري بطريق القصيم الرياض، محمّلة بعدد من السيارات المخالفة بعد توقيفها من قبل الدوريات الأمنية المتمركزة تحت الكوبري.

وقال المواطن مسجل الفيديو، إن هذه الدوريات الأمنية تمارس عملها منذ أسبوع، محذّرًا قائدي السيارات من مغبّة الاستمرار في تجاوز السرعة، وإلا سيكون مصيرهم التوقيف.

وكان مدير إدارة مرور منطقة الرياض اللواء الدكتور محمد بن شباب البقمي، قد أكد -في وقت سابق- أنه سيتم إيقاف المخالفين من متجاوزي سرعة 160 كم/س على الخطوط السريعة.

http://www.youtube.com/watch?v=_F80EysAtGg

http://www.qbsnews.com/sa/59068.html

تاجر كشخة

12-05-2016, 07:13 PM

الله يستر على القطريين المسافرين لا يسحبون سياراتهم

رجل تعليم

12-05-2016, 08:17 PM

أفضل قرار

رجل الجزيرة

12-05-2016, 08:53 PM

الله يستر على القطريين المسافرين لا يسحبون سياراتهم

يقولون سحب وسجن.

سالم الزهران

12-05-2016, 10:26 PM

ميه وستين يا زينها ،، وش نبي زود ؟ المسافة من الرياض الى الطائف سبعمئة كيلو

لو ثبت السرعة على ميه وخمسين بتاخذ خمس ساعات اذا ربي ستر عليك

نيساني

12-05-2016, 11:26 PM

زين بس 159 يمشي والا مايمشي؟؟؟

ياخي خطوط ماشاء الله تحس بالملل اذا مااااا

والله يستر علينا وعلى جميع المسلمين

بوخالد911

13-05-2016, 01:09 AM

ضد السرررررعة.
تكفي سرعة 130- 135
الدنيا ماهي طايرة.

khaldoon

13-05-2016, 01:21 AM

معماري قطري

13-05-2016, 01:53 AM

ميه وستين يا زينها ،، وش نبي زود ؟ المسافة من الرياض الى الطائف سبعمئة كيلو

لو ثبت السرعة على ميه وخمسين بتاخذ خمس ساعات اذا ربي ستر عليك

طرقاتنا المفروض مرتبة صح ولسرعات عالية وبقوانين سير واضحة محد يتجاوزها واللي يتجاوزها الكاميرات موجودة وتراقب وكل واحد ياخذ حقه .. العيب في الغالب والغلط من حمايات الطريق ومن اللي يسوقون بالبطيء وفجأة يلف يقطع كم مسار ولا عليه من اللي مسرع وراه

بلادنا لا فيها مناظر طبيعية يتمتع بها الواحد وهو يسوق شوي شوي ورايق ولا جو بارد وزين .. شوارعنا كلها ديزل وتلوث والحرارة لا تطاق والسرعة هي الحل .. 220 معقولة بس مقننة واللي بيتعداها مخالفة مثل كل دول العالم أما سحب سيارة وهو يتكلبش وينسجن هذا حكم غريب ولا اتوقع صحيح .. سيارات اللي يحفصون ويسوقون برعونة زين لو تنسحب لكن السرعة وعلى خط طويل المفروض خطوطنا تتجهز للسرعات العالية بحمايات من الأطراف وشاشات الكترونية تخبرنا بظروف الطريق وتقاطعات مدروسة وانسيابية

المواكب الحكومية يتجاوزون السرعة القانونية وأوقات بسيارات غير مخصصة للسرعة

معماري قطري

13-05-2016, 01:57 AM

بالمناسبه كم السرعات الفعليه المسموح فيها على الطرق الخارجيه بره الدوحه..... اشارات المرور على الطريق كل 2-4 كيلو بتقول 120كم/ساعه بس سمعت انه 140 مسموح مين يقدر يأكد هالمعلومه لاني مب واثق منها

لين 139 ما عندك مشكلة وحتى 140 لأن غالبية السيارات 140 على العداد تكون أقل منها في الواقع .. هم يضبطون الرادار على 140

khaldoon

13-05-2016, 02:19 AM

لين 139 ما عندك مشكلة وحتى 140 لأن غالبية السيارات 140 على العداد تكون أقل منها في الواقع .. هم يضبطون الرادار على 140

بارك الله فيك على التوضيح

GENIUS

13-05-2016, 02:28 AM

الرادارات الثابتة على الطرق الخارجية مثل ماتفضل مهندسنا مبرمجة على 140 لكن إذا حطوا رادار متحرك يكون مبرمج على سرعة 130

khaldoon

13-05-2016, 02:32 AM

الرادارات الثابتة على الطرق الخارجية مثل ماتفضل مهندسنا مبرمجة على 140 لكن إذا حطوا رادار متحرك يكون مبرمج على سرعة 130

بارك الله فيك يا الغالي على التوضيح.... انا امشي دايما بين 120-130 قدام الرادار عادي وما صادني الرادار و الله يستر

GENIUS

13-05-2016, 02:34 AM

انا اشوفها بهالمنطق الرادارات الثابتة حماية والمتحركة جباية .

khaldoon

13-05-2016, 02:55 AM

انا اشوفها بهالمنطق الرادارات الثابتة حماية والمتحركة جباية .

مرة وحده صادني الرادار لانه متحرك و ما عرفت السياره المخفيه ...كنت ماشي 95 و السرعه 80 و بعدين صارت سرعة الشارع 100 ههههه عند دوار القوس

سالم الزهران

13-05-2016, 04:21 AM

زين بس 159 يمشي والا مايمشي؟؟؟

ياخي خطوط ماشاء الله تحس بالملل اذا مااااا

والله يستر علينا وعلى جميع المسلمين

يعني بتفرق التسع الكيلو ،، ههههه ،،، اكيد اني اقدر كلامك و لكن دوريات امن الطرق عندنا تحس انها بعالم ثاني ، هم يصدرون قرارات و الناس كنك مسوي لهم كسر رقم قياسي ، يعني تقدر تقول كل المسافرين محد منهم بينزل عن ميه وستين

سالم الزهران

13-05-2016, 05:20 AM

طرقاتنا المفروض مرتبة صح وسرعات عالية وبقوانين سير واضحة محد يتجاوزها واللي يتجاوزها الكاميرات موجودة وتراقب وكل واحد ياخذ حقه .. العيب في الغالب والغلط من حمايات الطريق ومن اللي يسوقون بالبطيء وفجأة يلف يقطع كم مسار ولا عليه من اللي مسرع وراه

بلادنا لا فيها مناظر طبيعية يتمتع بها الواحد وهو يسوق شوي شوي ورايق ولا جو بارد وزين .. شوارعنا كلها ديزل وتلوث والحرارة لا تطاق والسرعة هي الحل .. 220 معقولة بس مقننة واللي بيتعداها مخالفة مثل كل دول العالم أما سحب سيارة وهو يتكلبش وينسجن هذا حكم غريب ولا اتوقع صحيح .. سيارات اللي يحفصون ويسوقون برعونة زين لو تنسحب لكن السرعة وعلى خط طويل المفروض خطوطنا تتجهز للسرعات العالية بحمايات من الأطراف وشاشات الكترونية تخبرنا بظروف الطريق وتقاطعات مدروسة وانسيابية

المواكب الحكومية يتجاوزون السرعة القانونية وأوقات بسيارات غير مخصصة للسرعة

والله يا معماري كلامك جميل بس ميتين وعشرين اشوفها كارثة و المشكلة هل نحن بنتقيد بالانظمة ، لاجل ذا الشيء اشوف ان الحضارة لها ضريبة منبغي ندفعها ،،احياناً الحكومات واحياناً الشعب واغلب الاحيان كلاهما

شيخ الديرة

13-05-2016, 08:34 AM

.
.
طرقاتنا المفروض مرتبة صح ولسرعات عالية
.
.

تأكدت من اللي كاتبها اكثر من مرة, لازلت ما مصدقها ان هذا الكلام منك يا أخ معماري

الطرق اللي تتكلم عليها وتقول المفروض قامت ببناءها هيئة أشغال, وانت بينت لنا معرفتك بهيئة أشغال بأكثر من ألف مشاركة

الطرق في الدوحة اللي تم انشاؤها قبل 2015 لا يمكن ان تطابق اي مقاييس هندسية وحتى ال 80 كثير عليها

الطريق لا يمكن تحديده بمجرد كم يمكنك ان ترفع سرعة سيارتك عليه, وانما حسابات السلامة ومايمكن ان يحصل بعد الحادثة لا سامح الله

لا تسرع للوصول الى غرفة الطوارئ

شيخ الديرة

13-05-2016, 08:45 AM

والله يا معماري كلامك جميل بس ميتين وعشرين اشوفها كارثة و المشكلة هل نحن بنتقيد بالانظمة ، لاجل ذا الشيء اشوف ان الحضارة لها ضريبة منبغي ندفعها ،،احياناً الحكومات واحياناً الشعب واغلب الاحيان كلاهما

أحد مؤشرات التقدم اليوم هو معدل الحوادث والوفيات في كل دولة. لذلك تؤخذ ثقافة السلامة المرورية كمنظور حضاري للدول.

نحتاج مراجعة حقيقية لتحديد علاقة الانسان بالسيارة

شيخ الديرة

13-05-2016, 08:54 AM

ضد السرررررعة.
تكفي سرعة 130- 135
الدنيا ماهي طايرة.

90% من وفيات الحوادث المرورية في العالم تحصل في الدول النامية, بالرغم من ان تلك البلدان تمتلك فقط نصف عدد سيارات العالم

المصدر (http://www.who.int/features/factfiles/roadsafety/facts/en/index1.html)

شيخ الديرة

13-05-2016, 08:58 AM

أفضل قرار

مليون وربع وفاة سنويا بالعالم بسبب حوادث المرور

السبب الأول لوفاة الفئة العمرية بين 15 الى 29 سنة

المصدر (http://www.who.int/features/factfiles/roadsafety/facts/en/)

معماري قطري

13-05-2016, 09:29 AM

والله يا معماري كلامك جميل بس ميتين وعشرين اشوفها كارثة و المشكلة هل نحن بنتقيد بالانظمة ، لاجل ذا الشيء اشوف ان الحضارة لها ضريبة منبغي ندفعها ،،احياناً الحكومات واحياناً الشعب واغلب الاحيان كلاهما

شوف شوارع ألمانيا المسرع ياخذ اليسار وأغلب خطوطهم أما مسارين ضيقين أو ثلاث مسارات تحصل اليمين يمشي 120 ويتجاوز بحذر وانتباه لو واحد يمشي أبطأ قدامه واللي في اليسار أوقات سرعته توصل 300 والكل يفتح له .. السرعة عندهم هدف قومي .. عندنا اللي بيتجاوز ما له دخل باللي وراه

معماري قطري

13-05-2016, 09:36 AM

تأكدت من اللي كاتبها اكثر من مرة, لازلت ما مصدقها ان هذا الكلام منك يا أخ معماري

الطرق اللي تتكلم عليها وتقول المفروض قامت ببناءها هيئة أشغال, وانت بينت لنا معرفتك بهيئة أشغال بأكثر من ألف مشاركة

الطرق في الدوحة اللي تم انشاؤها قبل 2015 لا يمكن ان تطابق اي مقاييس هندسية وحتى ال 80 كثير عليها

الطريق لا يمكن تحديده بمجرد كم يمكنك ان ترفع سرعة سيارتك عليه, وانما حسابات السلامة ومايمكن ان يحصل بعد الحادثة لا سامح الله

لا تسرع للوصول الى غرفة الطوارئ

رأيي يتعلمون من الألمان وهناك نادر تشوف حادث قوي وأدخلوا التكنولوجيا الحديثة والاتصالات والجي بي اس محدث على طول حتى الزحمة يخبرك عنها وتصليحات الطرق ولو قدامك منطقة سرعتها أقل وكم سرعتها حتى تستعد

مثل ما جابوا حفارات الأعماق والريل الألماني لنا يحدثون نظام المرور لدول الخليج ككل بطريقة ألمانية .. شبعنا سلاحف في الطريق والسلاحف لها اليمين مع الشاحنات شينقزهم يسار مستغرب ويمشي شوي شوي ويسولف وياكل وما هموه البشر .. القانون لازم متكامل وواضح أما نص ونص بيحصل تصادم لازم

شيخ الديرة

13-05-2016, 09:45 AM

.
.
رأيي يتعلمون من الألمان
.
.

يتعلمون , لكن لا ينفع التعلوم اذا الطرق تم بناؤها غلط, ولا اعتقد احد مستعد يبنيها عدل من جديد

يجب ان ترسخ عميقا فكرة الواقعية في أخذ الأمور, عندنا شوارع ابنت غلط, وعليه نخفف السرعة كضريبة لذلك الغلط

ولكن نقول المفروض كذا وكذا , فذلك لا ينفع في تقليل الحوادث والوفيات

شيخ الديرة

13-05-2016, 09:46 AM

انا اشوفها بهالمنطق الرادارات الثابتة حماية والمتحركة جباية .

لا تستعجل, التقنيات متوفرة لتحويل الكاميرات الحالية الى كاميرات تقيس معدل سرعتك بين الكاميرتين, وليس سرعة عند الكاميرة, مسألة وقت

سالم الزهران

13-05-2016, 10:55 AM

شوف شوارع ألمانيا المسرع ياخذ اليسار وأغلب خطوطهم أما مسارين ضيقين أو ثلاث مسارات تحصل اليمين يمشي 120 ويتجاوز بحذر وانتباه لو واحد يمشي أبطأ قدامه واللي في اليسار أوقات سرعته توصل 300 والكل يفتح له .. السرعة عندهم هدف قومي .. عندنا اللي بيتجاوز ما له دخل باللي وراه

شيء عجيب ، ربعنا ما نبيهم يشوفون ذا المشاركة :) ، الكامري يشقونها شق ،،تخيل يطوفك واحد بنيسان التيما اربع سلندر ونت معك كابريس ثمان سلندر ،،،، ويوقفك و يقول انت اول واحد تلعب معي !!!
وش الحل مع ذا الآدمي ؟

معماري قطري

13-05-2016, 05:21 PM

يتعلمون , لكن لا ينفع التعلوم اذا الطرق تم بناؤها غلط, ولا اعتقد احد مستعد يبنيها عدل من جديد

يجب ان ترسخ عميقا فكرة الواقعية في أخذ الأمور, عندنا شوارع ابنت غلط, وعليه نخفف السرعة كضريبة لذلك الغلط

ولكن نقول المفروض كذا وكذا , فذلك لا ينفع في تقليل الحوادث والوفيات

الطرق تعدل وأصلاً تعتبر صالحة مثل طريق سلوى .. ممكن الحاجة لبعض اللافتات الالكترونية وبدوا يستخدمونها في السعودية .. وطريق سلوى قبل بكثرة المداخل المتعامدة معاه كانت سرعته مفتوحة وألحين بعد ما تعدل استوت السرعة بطيئة ومحدودة .. طريق الشمال كذلك

بس يكملون بكاميرات ويكون اللي يعرقل الطريق بسرعة بطيئة ويدخل مسار المسرعين مخالف مخالفة كبيرة وكذلك اللي يجي مسرع ويقرب كثير من اللي أمامه

لو يسلموني المرور 5 سنين باضبطه غصب وبتقل الحوادث الخطرة

معماري قطري

13-05-2016, 05:28 PM

شيء عجيب ، ربعنا ما نبيهم يشوفون ذا المشاركة :) ، الكامري يشقونها شق ،،تخيل يطوفك واحد بنيسان التيما اربع سلندر ونت معك كابريس ثمان سلندر ،،،، ويوقفك و يقول انت اول واحد تلعب معي !!!
وش الحل مع ذا الآدمي ؟

ألحين خفت السرعة عندهم كثير .. قبل كانت سباقات تستوي وتشوف ال 911 تيربو تمر عليك كأنك واقف وانت تمشي 240

أمريكا قبل السرعة كانت أكثر وايد عن الحين ونزلوها لحدود 115 كيلو أو 55 ميل في الساعة بعد قطع البترول عنهم في 1976 حتى السيارات توفر بترول وألحين بدوا يرجعون شوي شوي لزيادة السرعة وبعض الطرق ممكن تمشي عليها 160

معماري قطري

13-05-2016, 05:35 PM

لا تستعجل, التقنيات متوفرة لتحويل الكاميرات الحالية الى كاميرات تقيس معدل سرعتك بين الكاميرتين, وليس سرعة عند الكاميرة, مسألة وقت

سهلة ذي في 1991 الأمريكان يسونها من الجو ويقيس السرعة بالساعة وانصدت انا مرة بس كنت ماشي أسرع وايد وسجلوا علي سرعة 91 في شارع 55

ألحين ناويين يسونها بين كاميرات المراقبة .. لحظة مرور السيارة عند احداها يتسجل الوقت ويتسجل فرق الوقت عند الثانية والمسافة معروفة والسرعة تساوي المسافة على الوقت .. والعملية سهلة جداً وبيتخالفون عدد كبير

شيخ الديرة

13-05-2016, 06:38 PM

سهلة ذي في 1991 الأمريكان يسونها من الجو ويقيس السرعة بالساعة وانصدت انا مرة بس كنت ماشي أسرع وايد وسجلوا علي سرعة 91 في شارع 55

ألحين ناويين يسونها بين كاميرات المراقبة .. لحظة مرور السيارة عند احداها يتسجل الوقت ويتسجل فرق الوقت عند الثانية والمسافة معروفة والسرعة تساوي المسافة على الوقت .. والعملية سهلة جداً وبيتخالفون عدد كبير

من الجو تحتاج طيارة هليكوبتر وجو صحو حتى يشوفوك كم من الوقت تحتاج حتى تعبر خطين معروف المسافة بينهم, وكذلك يخبرون الدورية بلون وموديل سيارتك حتى يوقفوك, تقنيات اليوم غير وبكلفة أقل

شيخ الديرة

13-05-2016, 06:46 PM

.
.
لو يسلموني المرور 5 سنين باضبطه غصب وبتقل الحوادث الخطرة
.
.

على نوعية الطرق اللي عندنا, خفض السرعة هو الحل الذي تؤكده كل البحوث العلمية

أما لاستعراض امكانيات السيارات وأطلاق العنان للبساتن, فذلك يصلح في شوارع ألمانيا

khaldoon

14-05-2016, 08:49 AM

من اكثر اسباب الحوادث انه واحد ماشي شوي شوي 100 او تحتها و ماسك اليسار ولا يتزحزح عنه ولا يطلع بالمرايات ولا يكفر يشوف مين وراه ولا مفتكر باللي حوليه و وراه واحد طاير فوق 140

شيخ الديرة

14-05-2016, 09:16 AM

من اكثر اسباب الحوادث انه واحد ماشي شوي شوي 100 او تحتها و ماسك اليسار ولا يتزحزح عنه ولا يطلع بالمرايات ولا يكفر يشوف مين وراه ولا مفتكر باللي حوليه و وراه واحد طاير فوق 140

صحيح، لكن شرارة الحادث عند اللي ماشي 140

اللي ماشي 100 عنده اسباب كثيرة تجعله يبقى عاليسار، مثلاً كل الممرات الاخرى تمشي 80، او لا تسنح له الفرصة ان ينتقل الى حارة اليمين، او على علم ان هناك مخرج مزدحم قادم ولا يود ان يصطف خلف الخارجين، وووو.....
اما اللي طاير 140، ما عليه سوى ان يهدي شوي وينتظر الى ان ينفتحله المجال

لا تنسى ان 140 هي مخالفة لحدود السرعة ، ولا توجد في الدوحة اي طرق مصممة لهذه السرعة

khaldoon

14-05-2016, 09:19 AM

صحيح، لكن شرارة الحادث عند اللي ماشي 140

اللي ماشي 100 عنده اسباب كثيرة تجعله يبقى عاليسار، مثلاً كل الممرات الاخرى تمشي 80، او لا تسنح له الفرصة ان ينتقل الى حارة اليمين، او على علم ان هناك مخرج مزدحم قادم ولا يود ان يصطف خلف الخارجين، وووو.....
اما اللي طاير 140، ما عليه سوى ان يهدي شوي وينتظر الى ان ينفتحله المجال

لا تنسى ان 140 هي مخالفة لحدود السرعة ، ولا توجد في الدوحة اي طرق مصممة لهذه السرعة

صحيح كلامك بس انا قصدت الطرق الخارجيه فقط انها كلها 120 و فعليا 140 فليش واحد يمسك اليسار و هو ماشي 100 او اقل وما يتزحزح حتى لو نبهته

شيخ الديرة

14-05-2016, 09:32 AM

صحيح كلامك بس انا قصدت الطرق الخارجيه فقط انها كلها 120 و فعليا 140 فليش واحد يمسك اليسار و هو ماشي 100 او اقل وما يتزحزح حتى لو نبهته

نعم هذا يحدث باستمرار، ويدفع السائق الى الانتقال يميناً لتجاوزه، وهذا يخلق ضرف من الارباك يمهد للحوادث
وما لاحظته كذلك، انه بعد ان يفسح لك المجال وتتجاوزه، يرجع ياخذ اليسار مرة ثانية

هذه المشكلة تستدعي ان نفكر بحلول غير ما هو موجود حالياً

khaldoon

14-05-2016, 09:40 AM

نعم هذا يحدث باستمرار، ويدفع السائق الى الانتقال يميناً لتجاوزه، وهذا يخلق ضرف من الارباك يمهد للحوادث
وما لاحظته كذلك، انه بعد ان يفسح لك المجال وتتجاوزه، يرجع ياخذ اليسار مرة ثانية

هذه المشكلة تستدعي ان نفكر بحلول غير ما هو موجود حالياً

الحل بسيط جدا جدا....ولا اسهل..... اي واحد ماشي 100 و السرعه 120 الرادار اللي يقولون عنه ذكي مع اني ما شوفت اي ذكاء فيه من يوم حطوه يصوره و يتخالف صاحب السياره حاله حال المسرع ...وبعدها هالاشكال بتتأدب فعلا ...لانه هو ما يزيح ابدا و احيانا يزيح باللحظه الاخيره و بنفس الوقت اللي وراه يبي يتجاوزه من اليمين و هنا تحدث الكارثه

معماري قطري

14-05-2016, 09:42 AM

على نوعية الطرق اللي عندنا, خفض السرعة هو الحل الذي تؤكده كل البحوث العلمية

أما لاستعراض امكانيات السيارات وأطلاق العنان للبساتن, فذلك يصلح في شوارع ألمانيا

زين شوارع ألمانيا ضيقة وعليها شاحنات وغالبيتها مسارين لكن فيه قوانين للسير الكل محترمها اللي يمشي بطيء ياخذ مسار الشاحنات وكل واحد تارك مسافة الأمان القانونية ما يشوفون السيارة الصغيرة حشرة .. واليسار للتجاوز وللمسرعين سرعات عالية ولو واحد يمشي 200 ووراه واحد مسرع أكثر لازم يفتح اللي جدام ونفس الوقت اللي جاي مسرع ينتظره يفتح ما يلصق فيه

شيخ الديرة

14-05-2016, 09:55 AM

الحل بسيط جدا جدا....ولا اسهل..... اي واحد ماشي 100 و السرعه 120 الرادار اللي يقولون عنه ذكي مع اني ما شوفت اي ذكاء فيه من يوم حطوه يصوره و يتخالف صاحب السياره حاله حال المسرع ...وبعدها هالاشكال بتتأدب فعلا ...لانه هو ما يزيح ابدا و احيانا يزيح باللحظه الاخيره و بنفس الوقت اللي وراه يبي يتجاوزه من اليمين و هنا تحدث الكارثه

هذا يستوفي الالتزام فقط عند الوصول الى مكان الرادار, وهذا لا ينفع.

الخيار الأكثر فعالية هو تركيب كاميرات على سيارات مدنية تتبع لشركات مخولة من السلطات مهمتها تسجيل مخالفات على هؤلاء السلاحف, بحيث يتم تسجيل فيديو يوضح ان اليسار كان محجوز لمدة 30 ثانية بالرغم من خلو الحارات اليمنى ووجود سيارة خلفه (اللي سجلت الفيديو)

هذا طبعا يستوجب توعية اعلامية مسبقة, وعقود مع شركات مهيئة تقنيا للمهمة, وتدر ملايين دخل للدولة

شيخ الديرة

14-05-2016, 09:58 AM

زين شوارع ألمانيا ضيقة وعليها شاحنات وغالبيتها مسارين لكن فيه قوانين للسير الكل محترمها اللي يمشي بطيء ياخذ مسار الشاحنات وكل واحد تارك مسافة الأمان القانونية ما يشوفون السيارة الصغيرة حشرة .. واليسار للتجاوز وللمسرعين سرعات عالية ولو واحد يمشي 200 ووراه واحد مسرع أكثر لازم يفتح اللي جدام ونفس الوقت اللي جاي مسرع ينتظره يفتح ما يلصق فيه

قد تكون حارتين فقط, لكن كتف الطريق يمين ويسار مبلط وعريض, الكتف اليمين محزز لتحذير السايق عند السير عليه, وجود مصدات حديدية للسيارات التي تنحرف من الجهتين, حرم الطريق مسيج, لا يوجد مشاة يعبرون .....

khaldoon

14-05-2016, 10:15 AM

هذا يستوفي الالتزام فقط عند الوصول الى مكان الرادار, وهذا لا ينفع.

الخيار الأكثر فعالية هو تركيب كاميرات على سيارات مدنية تتبع لشركات مخولة من السلطات مهمتها تسجيل مخالفات على هؤلاء السلاحف, بحيث يتم تسجيل فيديو يوضح ان اليسار كان محجوز لمدة 30 ثانية بالرغم من خلو الحارات اليمنى ووجود سيارة خلفه (اللي سجلت الفيديو)

هذا طبعا يستوجب توعية اعلامية مسبقة, وعقود مع شركات مهيئة تقنيا للمهمة, وتدر ملايين دخل للدولة

اخوي نفس حال الرادرات الحاليه تمشي مثل الفهد بالشارع اربع كيلو و تخفف اخر ميتين متر مثل السلحفاه عند الرادار و ترجع تسرع مره ثانيه
اخوي الصراحه في قوانين كثيره و غير مفعله و من امن العقوبه اساء الادب...

اعطيك امثله و ليس على سبيل الحصر..... مخالفة التدخين في الاماكن العامه المغلقه.... عمرك سمعت واحد انمسك و تخالف.

مخالفة لبس شيء غبر لائق في الاماكن العامه للرجال و النساء..... عمرك شوفت احد تخالف و الا انمنع يدخل و الا تم طرده

مخالة البصاق في الشوارع.... الجواب معروف

قطع اشارة حمرا على الدوار.... ولا عمري شوفت احد تخالف عليها

الرادرات الذكيه و مثل ما تفضلت انهم بيحتسبون المسافه المقطوعه و بيقرروا انها السياره مسرعه او مب مسرعه و هذه حسب نظرية الموجه الخضراء green wave اللي درسونا اياها في كتاب الاجليزي العلمي في قطر من ثلاثين سنه.... قصص اساطير بكره بنقولها لاولادنا ههههههه

شيخ الديرة

14-05-2016, 10:35 AM

.
.
.
قطع اشارة حمرا على الدوار.... ولا عمري شوفت احد تخالف عليها

.
.

أولا, أود أن اعبر عن تقديري لك للحوار الراقي, المتقبل لكل الأراء, والذي يهدف الى الوصول الى هدف واضح

بالنسبة للأقتباس أعلاه

هذه الصورة تم نشرها في موضوع سابق الرابط هنا (http://www.qatarshares.com/vb/showthread.php?619293-%CA%DA%D1%DD-%DA%E1%EC-%DA%CF%CF-%C7%E1%E3%CE%C7%E1%DD%C7%CA-%C7%E1%E3%D1%E6%D1%ED%C9-%DD%ED-%DE%D8%D1-%E1%D4%E5%D1-%E3%C7%D1%D3-2016&p=10370846#post10370846) وأرجو ملاحظة عدد مخالفات قطع الأشارة الحمراء, وهي غير محددة اذا دوار أم لا

http://store2.up-00.com/2016-05/146236938474621.jpg

khaldoon

14-05-2016, 10:52 AM

أولا, أود أن اعبر عن تقديري لك للحوار الراقي, المتقبل لكل الأراء, والذي يهدف الى الوصول الى هدف واضح

بالنسبة للأقتباس أعلاه

هذه الصورة تم نشرها في موضوع سابق الرابط هنا (http://www.qatarshares.com/vb/showthread.php?619293-%CA%DA%D1%DD-%DA%E1%EC-%DA%CF%CF-%C7%E1%E3%CE%C7%E1%DD%C7%CA-%C7%E1%E3%D1%E6%D1%ED%C9-%DD%ED-%DE%D8%D1-%E1%D4%E5%D1-%E3%C7%D1%D3-2016&p=10370846#post10370846) وأرجو ملاحظة عدد مخالفات قطع الأشارة الحمراء, وهي غير محددة اذا دوار أم لا

http://store2.up-00.com/2016-05/146236938474621.jpg

حياك الله يا شيخ الديره...عزيز و غالي و دائما النقاش معاك راقي و مميز لانك مميز باجوبتك و بتكون عن اطلاع و الله يشهد اني ما اجاملك

بخصوص الرقم المخيف لمخالفات الرادار و تسجيل 1738 مخالفة قطع الإشارة الضوئية الحمراء...الله اعلم بس صراحة لا اعتقد انها منها على الدوار لانه اصلا ما شوفت كاميرات على الدواوير

اشكرك على النقاش الجميل

عضو دائم

14-05-2016, 11:16 AM

بالمناسبه كم السرعات الفعليه المسموح فيها على الطرق الخارجيه بره الدوحه..... اشارات المرور على الطريق كل 2-4 كيلو بتقول 120كم/ساعه بس سمعت انه 140 مسموح مين يقدر يأكد هالمعلومه لاني مب واثق منها

لحد يتوهق على الطريق السريع صادني الرادار على 129 كم في الساعة .. :weeping:

khaldoon

14-05-2016, 11:19 AM

لحد يتوهق على الطريق السريع صادني الرادار على 129 كم في الساعة .. :weeping:

:eek5::eek5::eek5::eek5:

لقد وقعنا في الفخ

شيخ الديرة

14-05-2016, 11:31 AM

لحد يتوهق على الطريق السريع صادني الرادار على 129 كم في الساعة .. :weeping:

سلامتك لا تقدر بثمن
هاي ولا غيرها

نيساني

14-05-2016, 12:48 PM

سؤال بريئ ليش ماعندنا شارع واحد السرعه فيه غير محدده نفس المانيا؟؟؟

وشكراً

شيخ الديرة

14-05-2016, 02:42 PM

سؤال بريئ ليش ماعندنا شارع واحد السرعه فيه غير محدده نفس المانيا؟؟؟

وشكراً

لأن تحتاج شركة ألمانية كاملة من العامل الى السائق الى مشغل الحفارة حتى تبني على تلك المواصفات.

معماري قطري

14-05-2016, 03:50 PM

لحد يتوهق على الطريق السريع صادني الرادار على 129 كم في الساعة .. :weeping:

عيل راداراتنا مزاجية وكذلك مرورنا حصالة فلوس

معماري قطري

14-05-2016, 03:52 PM

لأن تحتاج شركة ألمانية كاملة من العامل الى السائق الى مشغل الحفارة حتى تبني على تلك المواصفات.

تحتاج ولا شيء وشوارعنا أوسع ووضحت هذا كم مرة ينقص التطبيق والاحتياطات البسيطة

معماري قطري

14-05-2016, 03:57 PM

قد تكون حارتين فقط, لكن كتف الطريق يمين ويسار مبلط وعريض, الكتف اليمين محزز لتحذير السايق عند السير عليه, وجود مصدات حديدية للسيارات التي تنحرف من الجهتين, حرم الطريق مسيج, لا يوجد مشاة يعبرون .....

حتى شوارعنا السريعة نفس الشيء والأكثر إنها بأربع مسارات وكافية لسرعات عالية .. شرايك مع الرادار وبين رادار ورادار تبدأ سباقات وبعضها طول المسافة 10 كيلومتر وسرعة السيارات توصل سرعة رهيبة وبسهولة .. يعني شوارعنا تسمح فقط يقنن هذا الوضع ويكون التزام من الجميع ومراقبة الكاميرات تحدد المخطيء حسب القانون

معماري قطري

14-05-2016, 04:12 PM

معماري قطري

14-05-2016, 04:22 PM

وهذا طريق ألماني ما يفرق عن طرقنا واللي يسوق عليه موصل 320

https://www.youtube.com/watch?v=1G1p3B5cDgY

هو يقرب شوي من اللي جدامه لكن اللي جدامه ما يتناحسون معاه وهو ما يلصق فيهم مثل اللي عندنا بخطورة

هم أول من صنعوا السيارات وهم أعرف منا والمفروض ناخذ قوانين المرور منهم

شيخ الديرة

14-05-2016, 07:43 PM

حتى شوارعنا السريعة نفس الشيء والأكثر إنها بأربع مسارات وكافية لسرعات عالية .. شرايك مع الرادار وبين رادار ورادار تبدأ سباقات وبعضها طول المسافة 10 كيلومتر وسرعة السيارات توصل سرعة رهيبة وبسهولة .. يعني شوارعنا تسمح فقط يقنن هذا الوضع ويكون التزام من الجميع ومراقبة الكاميرات تحدد المخطيء حسب القانون

لا أتفق معك في اقتراحك لتحويل الطرق الى ساحات سباق قانونية

غرف عمليات الطوارئ في مؤسسة حمد لا تستوعب المزيد

شيخ الديرة

14-05-2016, 07:46 PM

.
.
.
هم أول من صنعوا السيارات وهم أعرف منا والمفروض ناخذ قوانين المرور منهم
.
.

حدد لي أي طريق عندنا يطابق مواصفات هذا الطريق؟

ولا اعتقد انك ستضع قوانين المرور بناءا على مواصفات طريق واحد

شيخ الديرة

14-05-2016, 10:41 PM

شوف اخوي شيخ الديرة هذا فلم عن حوادث تحصل في مناطق المفروض منظمة أكثر والسرعة فيها بسيطة .. مثلاً اللي يسرع في خط طويل المفروض يمشي بسرعة بطيئة في المدن وينتبه أكثر ويخفف في مناطق الزحمة والمشاة .. لكن البعض تحصله 60 هذي دوسته وهذي سرعته حتى داخل فريج

https://www.youtube.com/watch?v=P-rFDa1g0AE

ما أدري أخي معماري شنو الرسالة اللي تريد توصلها

البيانات تقول انه من كل 200 وفاة بالأمارات, 32 منها بسبب حوادث السيارات
البيانات تقول انه من كل 200 وفاة بقطر, 28 منها بسبب حوادث السيارات
البيانات تقول انه من كل 200 وفاة بالكويت, 16 منها بسبب حوادث السيارات
البيانات تقول انه من كل 200 وفاة بالبحرين, 14 منها بسبب حوادث السيارات
(اعلاه الأربعة الأعلى بالعالم حسب التسلسل)

البيانات تقول انه من كل 200 وفاة بألمانيا, 1 منها بسبب حوادث السيارات

حسبتها على 200 لأن ألمانيا نصف لكل 100

معماري قطري

15-05-2016, 05:48 AM

حدد لي أي طريق عندنا يطابق مواصفات هذا الطريق؟

ولا اعتقد انك ستضع قوانين المرور بناءا على مواصفات طريق واحد

قلنا كل طرقنا الخارجية واللي سرعتها 120 وقلت شتحتاج له وأهم شيء القوانين والكاميرات

معماري قطري

15-05-2016, 06:10 AM

ما أدري أخي معماري شنو الرسالة اللي تريد توصلها

البيانات تقول انه من كل 200 وفاة بالأمارات, 32 منها بسبب حوادث السيارات
البيانات تقول انه من كل 200 وفاة بقطر, 28 منها بسبب حوادث السيارات
البيانات تقول انه من كل 200 وفاة بالكويت, 16 منها بسبب حوادث السيارات
البيانات تقول انه من كل 200 وفاة بالبحرين, 14 منها بسبب حوادث السيارات
(اعلاه الأربعة الأعلى بالعالم حسب التسلسل)

البيانات تقول انه من كل 200 وفاة بألمانيا, 1 منها بسبب حوادث السيارات

حسبتها على 200 لأن ألمانيا نصف لكل 100

هذا هو العلم والتكنولوجيا وفرض القانون على البشر .. هناك الكل يتعاون في القانون .. مرة رجال بيقطع الطريق عند الخطوط البيضاء وكنت غافل وهو واقف عند الخط ما مشى بس كان واجبي اوقف .. وطفت وعصبت علي وحدة عكس اتجاهي وتولع ليتات وتهرن لأَنها تشوفني مسوي غلط .. وللشارع الحق للمشاة والسياكل والسيارات حدها داخل الطرق الضيقة في المدينة 50 والكل ملتزم بدون كاميرات وبدون رادارات ( يمكن تكون مخفية وبعضها موجودة كمرجع وقت الحادث أو التجاوز الكبير )

أوقات تعلق في الإشارة بسبب الزحمة ويفتح الطريق للشارع الثاني ويعذورنك .. تسوي إشارة بتغير مسارك حتى لو دخولك بطريقة خاطئة يوقفون لك .. من ناحية ثانية الشرطة المخفية المدنية منتشرين وعندهم مهام كثيرة منها ضبط المرور .. مخالفات المواقف لو خلص وقت الوقوف المدفوع 10 يورو وكل مرة تزيد 5 يورو في حال التكرار .. عندنا المرور حصالة وعندهم المرور نظام متابع من الكل وفيه انسانية وشيء مقبول وشيء لا يمكن السكوت عليه

عندهم حلبة سباقات نورنبرغ وغيرها على مستواها مفتوحة للعامة تدفع مبلغ وتأمين وتدخل تتسابق لو تبي وبقوانين بعد .. انا كلامي عن نظام متكامل لكل دول الخليج للسفر خصوصاً ولازم الحكومات تجهز الطرق الخارجية صح وأهم شيء نظام المعلومات والكاميرات لضبط المتجاوزين .. ومحد بيتجاوز لو الكل ترك النحاسة وعطى الطريق حقه

هناك كنت اتفاجأ براديو السيارة تدخل عليه اعلانات بالألمانية فجأة ويتطول عليه حتى لو مقصر ويشتغل حتى لو مبند لإعلان نشرة مرورية سريعة .. زين مشغل سي دي نفس الوضع والنشرات هذي موجهة لمناطق معينة وصج ما افهم شيقولون ولو معاها بالانجليزي أفضل لكن تنفع الكثيرين غيري

هناك ما عندهم باصات تاتا وأخواتها اللي مكسحة وشاحناتهم توصل سرعتها 120 على الطرق الخارجية الضيقة وعندهم وقت ممنوع فيه دخول الشاحنات حسب نشرات مرورية ولافتات الكترونية مرئية .. ووقت ممنوع فيه تجاوز الشاحنات .. وكله بمراقبة الظروف الجوية وظروف الطريق

أوقات تطلع لك حدود للسرعة غير معقولة ك 60 و 80 على طريق سريع تمشي فيه بسرعة مفتوحة بسبب حادث جدام أو زحمة غير طبيعية أو تصليحات أو ظروف جوية .. بس الناس تتعداها ب 40 كيلومتر في الساعة وبعضهم بأكثر

معماري قطري

15-05-2016, 06:15 AM

شيخ الديرة

15-05-2016, 07:10 AM

بالنسبة للرسالة واضحة يا اخوي شوف حولك في العالم وكل دولنا قادرة على استجلاب هذي القوانين والتكنولوجيا .. لكن يتشيطرون على الفرد العادي ويخلون بعض التجار يدخلون سيارات ممنوعة ولا تطابق القوانين وهذي مب سيارات آليات مهترئة ومستعملة ومن دول رخيصة كالهند والتاتا وباقي الآليات اللي يشترونها مقاولينا الكرام من الدول المجاورة واللي خلاص انتهت صلاحيتها هناك

ومقاولينا الكرام ثرى أجانب بنكهة قطرية بس كل شيء مفتوح لهم

كلها مقدور عليها, لكن تاخذ وقت طويل وكلفة عالية.

ولكن اللي متأكد منه انه ثقافة خفض السرعة على الطرق العامة ممكن ان تتنفذ بوقت قصير, وتدر ملايين للدولة اذا تم انفاذ القوانين الحالية بصرامة

بومحمد المطاوعه

15-05-2016, 07:56 AM

قرار ممتاز

مره من المرات تحديت مع ولد خالي فالامارات

طالع من بيت خالي ف ابوظبي
والوعد في العين بيت جدي

انا مثبت السرعه 139
وهو يمشي 200 ويخف عند كل رادار ويدعس بعد الرادار

طبعآ وصل قبلي
فرق بيني وبينه 11 دقيقه بالضبط

الحمدلله على نعمة العقل
انا امشي ومرتاح واسوق بيد وحده واكل شبس وكافي واشرب ماي
وهو يمشي 200 وعلى اعصابه وماسك السكان بيدين

بومحمد المطاوعه

15-05-2016, 08:02 AM

لكن عندي نقطه حاب اضيفها

قرارهم جيد ولكن غير مرتب ولا محترم للأسف ,,

ولد عمي صاده رادار على سرعه 160 وزياده اعتقد
انا معاهم في قرارهم وفي التصرف ولكن اهم شي الأحترام والمعامله ,,

وقفو ولد عمي في الثبوت وعطوه شنطته وشلو سيارته على بركدون تقريبآ الساعه 2 فليل

وخلوه فالشارع ولا وصلوه ولا قالو له اي مركز ولا حد يجاوبه

قالو له دبر نفسك !!!
انزين شارع منقطع مافي حد وهناك ماشاءالله على الخطوط الجرائم متعدده

للأسف تعاملهم سيء ولا اعتقد بيتطورون الا بعد مليون سنه

شيخ الديرة

15-05-2016, 08:12 AM

معماري قطري

15-05-2016, 02:21 PM

معماري قطري

15-05-2016, 02:24 PM

بومحمد المطاوعه

15-05-2016, 03:20 PM

بس هو بو محمد حس بنشوة السرعة وسبقك وانت ماخذ كورفيت تمشي فيها 139 .. انا شخصياً ابي اعرف كم مرة كيمت؟

هههههه لالا ماعليك
مارحت فالكورفت الامارات

هالتحدي صار بيني وبينه
اهو على بورش كايين
وانا على gxr 6 سلندر

بس للأمانه فالكورفت ولا عمري كيمت فالموتر
حدي جربتها فالحلبه لين سرعه 260 وبغيت اصيح هههههه
والله تحس نفسك فوق سطح الأرض
جدآ الموضوع مب سهل فالسرعه

بومحمد المطاوعه

15-05-2016, 03:22 PM

قانون بدون انسانية

عيل طلع الخبر صحيح وزين أكدته لنا

اي والله وهو رايح البحرين
مسرع ماقولك لا
ولكن اشدعوه تقطوني فالشارع
اخر الليل وتقولون لي دبر حالك ؟؟!

كلمت الربع فالدمام راحو وخذوه
ودشو المركز توسطو له عطوه موتره وافرجو عنه
كان المفروض ينسجن

الصراحه فالسعوديه لو ماعندك اي احد ولا عندك واسطه

بيلتهونك تلته
حتى لو غلطان

للأسف الانسانيه عندهم صفر على الشمال

الا من رحم ربي

معماري قطري

16-05-2016, 01:58 AM

اي والله وهو رايح البحرين
مسرع ماقولك لا
ولكن اشدعوه تقطوني فالشارع
اخر الليل وتقولون لي دبر حالك ؟؟!

كلمت الربع فالدمام راحو وخذوه
ودشو المركز توسطو له عطوه موتره وافرجو عنه
كان المفروض ينسجن

الصراحه فالسعوديه لو ماعندك اي احد ولا عندك واسطه

بيلتهونك تلته
حتى لو غلطان

للأسف الانسانيه عندهم صفر على الشمال

الا من رحم ربي

شيخ الديرة يؤيد هذا الشيء وكثيرين يؤيدونه كأن ملك الموت ما يجي الا للمسرع

مرة رايحين المقبرة وكنت انا اسوق ومعاي اثنين سوداني شيبة يمشي من المواقف لين مكتبه ياخذ ربع ساعة ومكتبه قريب .. وقطري من النوع اللي لين وصل 100 يتشبث بالسكان بقوة وتطلع عيونه .. كنت اسوق بسرعة عادية حول 140 وقبل أيام الرادارات .. السوداني قال لي ما دايرين نروح المقبرة عشانك المرة الجاية .. وكان زميل عمل قطع عليه شخص ثاني الطريق وصدمه وانقلبت السيارة وتوفى هو واللي معاه .. الثاني كان غافل والشارع متعامد مع طريق الشمال .. القطري وقع على صحة كلام السوداني وانا علقت إن كل شيء بيد الله .. بعدها باسبوع صار حادث شنيع لسيارة السوداني الشنطة والكراسي اللي ورا كلهم دخلوا داخل ما بقوا الا الكرسيين الجدامين صاحيين ولحسن الحظ محد معاه

كانت اللي صدمته سيارة لخويا عند الاشارة وحطوا الغلط عليه لأنه غير مساره في آخر لحظة وسيارة لخويا ناوي سواقها يمر والاشارة برتقالية .. طلب محكمة والقاضي أنصفه .. والثاني زميلنا القطري صاده حادث غريب يقول راجع ريوس وباطلع السيارة من الباب وحكت من الجنب كامل فيه بدون ما انتبه الا الباب واصل لجدام السيارة وهو يحك .. ذكرتهم بكلامهم لي وقلت اتركوا الأقدار لله وانتوا تمنوا الخير لرفيجكم

معماري قطري

16-05-2016, 02:05 AM

شيخ الديرة

16-05-2016, 03:20 AM

شيخ الديرة يؤيد هذا الشيء وكثيرين يؤيدونه كأن ملك الموت ما يجي الا للمسرع
فسر لي ليش الاحصائيات تقول حوادث السيارات هي القاتل الاعلى للشباب من عمر 15 الى 29
السرعة وحدها لا تقتل، لكن التهور، قلة الخبرة، والانشغال بامور اخرى عند السياقة
ولكن لو كلها اجتمعت ولكن بسرعة أقل، فان الاذى سيكون اقل

khaldoon

16-05-2016, 09:34 AM

فسر لي ليش الاحصائيات تقول حوادث السيارات هي القاتل الاعلى للشباب من عمر 15 الى 29
السرعة وحدها لا تقتل، لكن التهور، قلة الخبرة، والانشغال بامور اخرى عند السياقة
ولكن لو كلها اجتمعت ولكن بسرعة أقل، فان الاذى سيكون اقل

بصراحه انا اشوف انه ما يعطون رخص سواقة للشباب قبل 21 سنة.... جد انا اغلب الحوادث اللي سويتها كانت في بداية حصولي على الرخصه من التهور و الرعونه ....

khaldoon

16-05-2016, 09:36 AM

زين إخوك الله فتح عليه لكن فرضاً غيره ومعاه هله وتنرفز وزادت المشكلة أكثر

أذكر طبيب عصب على القطرية بسبب الغاء حجزه وفي المطار جاته جلطة بس الحمد لله مرت بسلام لكن تعبته والمسافر له حقوق غير عن المقيم

في أمريكا كنت مسافر بالسيارة مسافة حول 5000 ميل وزيادة ومسكني الشرطي امشي 91 في شارع سرعته 55 وعلى هذي السرعة يحق له يكلبشني ويوديني السجن .. بس هو قال لي بصراحة انت مسافر ولو مب مسافر وضعك بيكون غير بس لازم تعطيني قيمة المخالفة كاش وتحطها في هذا الظرف المختوم وتسكر الظرف والظروف محسوبة علينا لازم نسلمها للادارة الفلوس مب ماخذها .. هذا قبل وألحين كل شيء الكتروني .. وتركني اكمل طريقي

انا متفق معاك انه المسافر يبي يسرع اكثر بس السرعه و الحوادث ما تفرق بين مسافر و غير مسافر..... اذا نبي نفكر بهالطريقه لازم نسوي خطوط خاصه دوليه للسفر و السرعات عليها تكون عاليه و الا ايش رأيك

بومحمد المطاوعه

16-05-2016, 10:47 AM

شيخ الديرة يؤيد هذا الشيء وكثيرين يؤيدونه كأن ملك الموت ما يجي الا للمسرع

مرة رايحين المقبرة وكنت انا اسوق ومعاي اثنين سوداني شيبة يمشي من المواقف لين مكتبه ياخذ ربع ساعة ومكتبه قريب .. وقطري من النوع اللي لين وصل 100 يتشبث بالسكان بقوة وتطلع عيونه .. كنت اسوق بسرعة عادية حول 140 وقبل أيام الرادارات .. السوداني قال لي ما دايرين نروح المقبرة عشانك المرة الجاية .. وكان زميل عمل قطع عليه شخص ثاني الطريق وصدمه وانقلبت السيارة وتوفى هو واللي معاه .. الثاني كان غافل والشارع متعامد مع طريق الشمال .. القطري وقع على صحة كلام السوداني وانا علقت إن كل شيء بيد الله .. بعدها باسبوع صار حادث شنيع لسيارة السوداني الشنطة والكراسي اللي ورا كلهم دخلوا داخل ما بقوا الا الكرسيين الجدامين صاحيين ولحسن الحظ محد معاه

كانت اللي صدمته سيارة لخويا عند الاشارة وحطوا الغلط عليه لأنه غير مساره في آخر لحظة وسيارة لخويا ناوي سواقها يمر والاشارة برتقالية .. طلب محكمة والقاضي أنصفه .. والثاني زميلنا القطري صاده حادث غريب يقول راجع ريوس وباطلع السيارة من الباب وحكت من الجنب كامل فيه بدون ما انتبه الا الباب واصل لجدام السيارة وهو يحك .. ذكرتهم بكلامهم لي وقلت اتركوا الأقدار لله وانتوا تمنوا الخير لرفيجكم

السرعه قاتله
ولكن الموت في كل وقت يأتي للأنسان

في ناس توفو وهم واقفين عن الأشاره
وفي ناس مالهم ذنب في حال سبيلهم
وفي ناس اهم الي جعلو اراوحهم تهلكه في السرعه

ناس تموت وهي ساجده
وناس تموت وهي تسكر وفي وضع جدآ مؤسف

سبحان الله رب العالمين يكتب لكل شخص وين يموت وعلى اي حال

الواحد يتوكل على الله ويمشي في حال سبيله وياخذ بالأسباب
اما الي يقط نفسه من فوق الجبل او يسرع 300 ويقول ربي كاتب لي بموت
اكيد الله كاتب كل شي ولكن انت الي جايب لنفسك هذي التهلكه

تحياتي لك على المشاركه الطيبه

بومحمد المطاوعه

16-05-2016, 10:50 AM

زين إخوك الله فتح عليه لكن فرضاً غيره ومعاه هله وتنرفز وزادت المشكلة أكثر

أذكر طبيب عصب على القطرية بسبب الغاء حجزه وفي المطار جاته جلطة بس الحمد لله مرت بسلام لكن تعبته والمسافر له حقوق غير عن المقيم

في أمريكا كنت مسافر بالسيارة مسافة حول 5000 ميل وزيادة ومسكني الشرطي امشي 91 في شارع سرعته 55 وعلى هذي السرعة يحق له يكلبشني ويوديني السجن .. بس هو قال لي بصراحة انت مسافر ولو مب مسافر وضعك بيكون غير بس لازم تعطيني قيمة المخالفة كاش وتحطها في هذا الظرف المختوم وتسكر الظرف والظروف محسوبة علينا لازم نسلمها للادارة الفلوس مب ماخذها .. هذا قبل وألحين كل شيء الكتروني .. وتركني اكمل طريقي

ولد عمي الي صار له الموضوع
وابشرك في ناس قطريين مع اهلهم
وتنزلو فالشارع سحبو موترهم وقالو لهم دبرو حالكم

الحمدلله ان في دولتنا في احترام لمرتادي الشوارع حتى لو كنت مخالف
في احسن تعامل مع السائق واذا السائق غلط او لم يتم التجاوب مع الشرطه
يتم التصرف معاه بتصرف اخر ,,

شيخ الديرة

16-05-2016, 12:00 PM

قانون بدون انسانية

عيل طلع الخبر صحيح وزين أكدته لنا

دولتهم وقانونهم وعلى الضيف اللي يمر على شوارعهم احترام هذا الشي

شيخ الديرة

16-05-2016, 12:02 PM

ولد عمي الي صار له الموضوع
وابشرك في ناس قطريين مع اهلهم
وتنزلو فالشارع سحبو موترهم وقالو لهم دبرو حالكم

هذا يبدو كانت استنتاجهم, انه احسن طريقة نوصل الرسالة للمسرعين انه نبهذل كم ألف عائلة حتى يوصلون الخبر للأخرين بدون ما نتعب نفسنا

معماري قطري

16-05-2016, 12:56 PM

انا متفق معاك انه المسافر يبي يسرع اكثر بس السرعه و الحوادث ما تفرق بين مسافر و غير مسافر..... اذا نبي نفكر بهالطريقه لازم نسوي خطوط خاصه دوليه للسفر و السرعات عليها تكون عاليه و الا ايش رأيك

خطوطنا تنفع بس يبي لها شوية ثقافة وشوية حمايات ووسائل تنبيه متطورة وسرعات ممكن تخفض الكترونياً وقت الخطر .. ومن حقهم يجبرون تخفيض السرعة بكاميرات تقيس المعدل بين قطع المسافة من كاميرا لكاميرا ومخالفة السائق لأن البعض يخفف مكان الكاميرا ويدوس بعدها .. الكاميرا الثانية تسجل فرق الوقت ولو قطع المسافة في وقت أقل معناها كان مسرع ويتخالف

معماري قطري

16-05-2016, 12:59 PM

هذا يبدو كانت استنتاجهم, انه احسن طريقة نوصل الرسالة للمسرعين انه نبهذل كم ألف عائلة حتى يوصلون الخبر للأخرين بدون ما نتعب نفسنا

وسيلة جيدة للدول العربية وللعرب بينهم وبين بعض بس الأجنبي بيسوي لهم شوشرة ولازم بيتساهلون معاه .. قلتها شوية انسانية

معماري قطري

16-05-2016, 01:03 PM

دولتهم وقانونهم وعلى الضيف اللي يمر على شوارعهم احترام هذا الشي

زين لازم فيه شخص راضي ويحب هالنوعية من القوانين ولازم أشخاص رافضين ويتمنون المعاملة الانسانية قبل كل شيء ويقدرون ظروف الغير .. فجأة انا مار ما ادري عيل يسوون وعي عن طريقي وياخذون سيارتي حجز وممكن انسجن .. لو منشورات موزعة بنقول ممكن لهم حق بس يتطبق على الكل

معماري قطري

16-05-2016, 01:08 PM

ولد عمي الي صار له الموضوع
وابشرك في ناس قطريين مع اهلهم
وتنزلو فالشارع سحبو موترهم وقالو لهم دبرو حالكم

الحمدلله ان في دولتنا في احترام لمرتادي الشوارع حتى لو كنت مخالف
في احسن تعامل مع السائق واذا السائق غلط او لم يتم التجاوب مع الشرطه
يتم التصرف معاه بتصرف اخر ,,

لا تنسى دولتنا بعد حجزت سيارات سعوديين في الحدود وبعضهم عليهم مخالفات كبيرة ومتراكمة وكان التنبيه قبلها حتى بنشرات خاصة للزوار على الحدود بأن المخالفات تسجل وتحصل بعدين في الحدود وهذي تسعيرة المخالفات .. الواحد أقلها يحسب حسابه .. هم يمسكون المخالف في لحظته وعندنا ممكن بعد سنة وأُسلوب المخالفة غلط بهذي الطريقة

معماري قطري

16-05-2016, 01:11 PM

بصراحه انا اشوف انه ما يعطون رخص سواقة للشباب قبل 21 سنة.... جد انا اغلب الحوادث اللي سويتها كانت في بداية حصولي على الرخصه من التهور و الرعونه ....

في أمريكا 16 في غالب الولايات وبعضها 15 لكن القانون قوي ومفروض بقوة محد يتجرأ يلخبط خصوصاً الصغار

شيخ الديرة

16-05-2016, 03:24 PM

زين لازم فيه شخص راضي ويحب هالنوعية من القوانين ولازم أشخاص رافضين ويتمنون المعاملة الانسانية قبل كل شيء ويقدرون ظروف الغير .. فجأة انا مار ما ادري عيل يسوون وعي عن طريقي وياخذون سيارتي حجز وممكن انسجن .. لو منشورات موزعة بنقول ممكن لهم حق بس يتطبق على الكل

الجهل بالقانون لا يعطي أحد الحق في مخالفته

شيخ الديرة

16-05-2016, 03:52 PM

معماري قطري

16-05-2016, 04:23 PM

الجهل بالقانون لا يعطي أحد الحق في مخالفته

كلام محامين ما اقدر عليه بس القانون لازم فيه جانب انساني .. حدود الله سبحانه وضع لها ضوابط لو أخل جزء بسيط من الضوابط نجا المذنب من اقامة الحد كشهادة 4 شهود على واقعة الزنا وشروطها

معماري قطري

16-05-2016, 04:25 PM

المنشورات موجودة وبكثرة، شكلها كذا
https://upload.wikimedia.org/wikipedia/commons/thumb/3/3a/RomanianTrafficSign_C29-SpeedLimit-120_2011.svg/1024px-RomanianTrafficSign_C29-SpeedLimit-120_2011.svg.png

بعد يتكتب تحتها ومن يخالف بحدود كذا يدفع هالكثر ولو زاد ينزل من سيارته ويركب سيارة الدورية للسجن وسيارته تروح للحجز .. ولو زاد شوي تنسحب سيارته ويترك هو في الطريق يدبر نفسه

معماري قطري

16-05-2016, 04:28 PM

مثلاً عند المدارس في أمريكا تحصل لافتة تقول لك السرعة 10 ميل في الساعة من وقت كذا لكذا ما عدا العطل الرسمية .. بعدين طوروها وحطوا ليتات رماقة وقتها لازم تلتزم بالسرعة المخفضة وهذي معروفة مخالفتها عالية وهامش السرعة المتسامح فيه 0

شيخ الديرة

16-05-2016, 04:32 PM

بعد يتكتب تحتها ومن يخالف بحدود كذا يدفع هالكثر ولو زاد ينزل من سيارته ويركب سيارة الدورية للسجن وسيارته تروح للحجز .. ولو زاد شوي تنسحب سيارته ويترك هو في الطريق يدبر نفسه

اتوقع يوجد لا يقل عن 100 الف من هذه العلامة بالمملكة، لذلك من المستحيل تجديد كل هذه التفاصيل عليها

معماري قطري

17-05-2016, 02:30 AM

اتوقع يوجد لا يقل عن 100 الف من هذه العلامة بالمملكة، لذلك من المستحيل تجديد كل هذه التفاصيل عليها

عيل من السهل تطبيق قانون وسريع بدون أي مراعاة للإنسان .. لو شايب ومعاه هله وسرع شوي بس طبق ولو أجنبي ولو مواطن .. مع إن وصلك الكلام إن حسب المعرفة يمشونك

قوانين المرور في الغالب اطارها عالمي وتطبق في كل دولة بتعديلات معقولة لكن سجن بسبب تجاوز السرعة وسحب السيارة حتى والشخص مسافر هذي قرارات مب مدروسة صح وضررها أكثر من نفعها .. واحد عليه مخالفات كثيرة ومستهتر بقوانين البلد ويمر على الرادار بسرعة عالية هذا يستاهل التوقيف وسيارته للحجز لكن مار وزائر ومن أول مرة صدقني غلط كبير

شيخ الديرة

17-05-2016, 06:58 AM

بومحمد المطاوعه

17-05-2016, 07:54 AM

يبدو ان عدد كبير على قناعة بأن السرعة المفتوحة هي حق لكل سائق، وهذه مشكلة اذا صحيح.

القوانين لا تصدر او يتم انفاذها لهواً، وانما لمتطلبات تخدم المجتمع حسب رؤية السلطات وتقييمها لتلك المتطلبات.

اعتقد يمكنني ان انهي الحوار بهذا الموضوع بسؤال، وهو الآتي:

هل سيلتزم بالسرعة المحددة بعلامات المرور كل من وصله خبر عما حدث في فيديو هذا الموضوع، في الزيارات القادمة للمملكة ؟

ياريال من صجك
العالم تتمشى بدون لوحات هناك

ويشطفونك والشارع 3 خطوط يصير 6 مواتر فيه

والله يوم اروح الدمام يدي على قلبي

وحتى الرياض

الصراحه البعض تقول يلعب كيرم فالشارع
مب كأنه اوادم على الشارع

اعوذ بالله من الجهل والتخلف في بعض الناس

شيخ الديرة

17-05-2016, 08:14 AM

ياريال من صجك
العالم تتمشى بدون لوحات هناك

ويشطفونك والشارع 3 خطوط يصير 6 مواتر فيه

والله يوم اروح الدمام يدي على قلبي

وحتى الرياض

الصراحه البعض تقول يلعب كيرم فالشارع
مب كأنه اوادم على الشارع

اعوذ بالله من الجهل والتخلف في بعض الناس

تقصد ماراح يفيد يحدثون اللوحات المرورية ولا منشورات ولا ولا... ؟

اذا كان الامر كذلك، معناها السلطات تعدت مرحلة التعامل الناعم مع المشكلة.

بومحمد المطاوعه

17-05-2016, 08:25 AM

تقصد ماراح يفيد يحدثون اللوحات المرورية ولا منشورات ولا ولا... ؟

اذا كان الامر كذلك، معناها السلطات تعدت مرحلة التعامل الناعم مع المشكلة.

البعض مايهمه شي
نفس الي عندنا هني

مب شرط فقط فالسعوديه هذي الحالات
في كل الدول موجوده هذي للأسف

قلت من قبل اذا كان التعامل مع السلطات تعامل غير طيب

المفروض يتم اخذ اجرائهم بشكل قوي

مب من اول مايتم توقيفه
ينزلونك من السياره ويقولون اخذ شنطتك وثيابك ودبر نفسك

مثل ماسوو ف ولد عمي

اخر الليل قطووه فالشارع ,, هذي التصرف محد يرضى به

شيخ الديرة

17-05-2016, 08:44 AM

لم افهم قصدك.
ما هو المثال على تصرف صارم للسلطات من اجل الالتزام بالسرعة، ويرضى عليه المخالفين ؟

بومحمد المطاوعه

17-05-2016, 09:01 AM

لم افهم قصدك.
ما هو المثال على تصرف صارم للسلطات من اجل الالتزام بالسرعة، ويرضى عليه المخالفين ؟

التصرف يكون بشكل سليم

مب مشكله عندي مسرع
بتاخذ موتري اخذه احجزه
انا غلطان مب مشكله

ولكن مب تقطني فالشارع اخر الليل
وتقولي دبر حالك

او تنزل عوائل وتسحب موترهم بحجه السرعه والحجز

هذي تصرف مب تصرف انساني

في مليون طريقه حسنه
ولا هذا التعامل

شيخ الديرة

17-05-2016, 09:13 AM

التصرف يكون بشكل سليم

مب مشكله عندي مسرع
بتاخذ موتري اخذه احجزه
انا غلطان مب مشكله

ولكن مب تقطني فالشارع اخر الليل
وتقولي دبر حالك

او تنزل عوائل وتسحب موترهم بحجه السرعه والحجز

هذي تصرف مب تصرف انساني

في مليون طريقه حسنه
ولا هذا التعامل

جيد، يعني انت لا تحتج على حجز السيارة.
كل اللي يحتاجوه انهم يوفرون سيارات اجرة توصل العوائل للفنادق او مدينة قريبة، مثل ما وفروا شاحنات تنقل السيارات المحجوزة.

معماري قطري

17-05-2016, 09:16 AM

تقصد ماراح يفيد يحدثون اللوحات المرورية ولا منشورات ولا ولا... ؟

اذا كان الامر كذلك، معناها السلطات تعدت مرحلة التعامل الناعم مع المشكلة.

يجوز هذا الشيء ويجي القانون على الكل حتى المسافرين واللي ما يدرون .. شفت تهور كبير ومقاطع فيها اصطدام بسيارة الشرطة ودفعها حتى تطلع من ساحة التحفيص أو الاستعراض أو التفحيط عندهم

معماري قطري

17-05-2016, 09:24 AM

لم افهم قصدك.
ما هو المثال على تصرف صارم للسلطات من اجل الالتزام بالسرعة، ويرضى عليه المخالفين ؟

فيه تدرج في المخالفة ما تاخذ الكل بذنب البعض والعقاب الصارم أكيد مطلوب وحسب الحالة

ولازم يعطون مجال لزيادة السرعة للتجاوز وغيره وفي قطر خلوها 19 كيلو متر على ال 120 وفي الإمارات كذلك وهذي لازم تكون مقياس موحد سهل تطبيقه لخليجنا واحد .. وحتى المعاملة وقت المخالفة لمواطني الدول الخليجية لازم تكون وحدة وتكون طيبة .. ذكرت إن غلط حجز سيارات سعودية كثيرة ودفعة وحدة على الحدود بسبب مخالفات السرعة وكان يفترض تذكيرهم أول ما يدخلون قطر بأن عليك يا فلان 30000 ريال مخالفات سابقة وادفعها قبل لا تطلع .. بس لنا ولهم وللكل حلاة المخالفة في وقتها حتى تكون رادع أما بعد شهور وسنين وتتراكم هشكل

شيخ الديرة

17-05-2016, 09:25 AM

نعم، من الصعب جداً تطبيق حد سرعة على ناس غير ناس. حد السرعة هو مسألة حسابية تعتمد على المواصفات الهندسية للطريق.

معماري قطري

17-05-2016, 09:39 AM

كنا إذا مسكنا شرطي مخالفين برا يعطينا كلام نخجل منه وارشاد وتحذير قبل المخالفة .. كان كل كلامه sir للمخالف ويتكلم بهدوء وطيب ولازم تعامله بالمثل وهو محتاط يده على المسدس لردة فعل سريعة بسبب كثرة قتل الشرطة في أمريكا مثلاً

مرة صادني شرطي على سيكل ( دراجة هوائية ) كنت معصب ومعلق على الهرن الساعة 12 في الليل .. ومعاي واحد يكلمني بالعربي يوم وقف الشرطي قرب سيارتي والشرطي يحاول يكلمني وتشتت بين الاثنين عصب الشرطي وراح يسجل المخالفات اللي علي .. كانت عدة مخالفات منها عدم ربط الحزام وقطع التقاطع وكانت زحمة عليه ولهالسبب علقت على الهرن حتى يتحرك اللي جدام .. وعدم حمل أوراق السيارة .. التهرين في منطقة سكنية .. عدم التحدث مع الشرطي بلباقة

صراحة مخالفات تستوجب سحبي من السيارة وسجني لو متكررة مني مرات سابقة .. وكان الشرطي بادي يسجلها لكن انا نزلت له بهدوء وكلمته مثل ما يكلمني باحترام بعد ما هديت شوي وقلت له انا آسف وإن رفيجي كان يكلمني يبيني ارد عليه اني غلطان ومعترف بغلطي .. وهو ( الشرطي ) عصب يوم شافني ارد على رفيجي وارد عليه شوي ومتشتت بين الاثنين .. بعد ما سمع كلامي صدقوني تغير 180 درجة وقال لي انا آسف بعد تعصبت بسرعة وباقط عنك كل المخالفات ( هذي انسانية ) طبعاً بعد ما شيك مع المركز هل علي مخالفات سابقة أو لا واكتفى بالانذار الشفوي وعطاني ليسني وقال بس مخالفة أوراق السيارة عليك تاخذها وتروح مكتب القاضي تراويهم ويشيلون المخالفة عنك .. يعني من ما يقارب 5 مخالفات للاشيء

بومحمد المطاوعه

17-05-2016, 09:47 AM

جيد، يعني انت لا تحتج على حجز السيارة.
كل اللي يحتاجوه انهم يوفرون سيارات اجرة توصل العوائل للفنادق او مدينة قريبة، مثل ما وفروا شاحنات تنقل السيارات المحجوزة.

لو انا مخطأ
ومخالف
شيل الموتر واحجزه ولا افتكر

علييك نووور
المفروض في ذمه في التصرف
مب يتم تنزيلك من السياره في الشارع وياخذون الموتر وحتى مايوصلونك المركز

ولد عمي الساعه 2 ونص فليل قاطينه فالشارع مع ثوبه وشنطته والموتر على سطحه
ويوم قالهم اي مركز ماقالو له

لين شفت له الربع هناك فالدمام
اطلعو وافزعوله

ياخي تصرف همجي للأسف

بومحمد المطاوعه

17-05-2016, 09:49 AM

نعم، من الصعب جداً تطبيق حد سرعة على ناس غير ناس. حد السرعة هو مسألة حسابية تعتمد على المواصفات الهندسية للطريق.

شوف طال عمرك انا ما احب السرعه ولا اسرع الا للضروره القصوى

والحزام ولله الحمد من ادق سلف اربطه

وماعندي مانع اذا خالفت وفيها سحب وحجز سياره
بحجزها
ولكن عطني احترامي في الشارع وفي التصرف

معماري قطري

17-05-2016, 09:51 AM

العام نفس الوضع تقريباً بس كنت أداوم في منطقة عليها حراسة وكنت معزوم عند ناس هناك لا أعرف وين مكانهم وداخل من البوابة ببراءة وانا اكلم واحد منهم .. بس شوي الا شرطي وراي بسيارته ومطاردة وانا ما ادري عنه .. وقفت قرب مكانهم ووقف وراي ونزل ويده على المسدس وجاء قربي .. وهو يشوفني مندهش غصب ابتسم .. صدقوني ما كنت ادري به كان مشغل الليتات بس بدون صوت وانا مندمج مع رفيجي .. قال لي تدري شمسوي غلط .. قلت له لا وانا ماسك التلفون بيدي للحين رفيجي معاي على الخط .. قال كنت تتكلم بالجوال .. وطلبني أوراق السيارة وبطاقة العمل وشيك مع مسؤوله وجاني وسئلني من وين انت .. قلت من قطر ابتسم أكثر وقال انا كنت في قطر .. قلت له شفت البشر شلون يسوقون هناك؟ انا أحسن منهم بوايد وصدقني اني نسيت إن الجوال ممنوع .. هو في الشارع مب ممنوع لكن ممنوع التراسل ( مسوين القانون على درجة الخطورة ويقدرون وقت الحادث يعرفون هل الشخص يتكلم أو يتراسل ولو تراسل يكون غلطان 100%)