إنجازات اشغال جنوب الوكرة - غرب خط مسيعيد

[مواقف النجادة]

منطقة جنوب الوكرة من المناطق الجديدة التي بدأ المواطنون البناء فيها من بداية 2011 ..

كانت الأمور فيها طيبة ..
اللي يبني يبنى بسهولة و أريحية و اللي سكن ساكن في سلام و راحة رغم عدم وجود شوارع .

الى ان شرَّفتنا (اشغال ) بداية 2015 و بدأوا الحفر من اجل الصرف الصحي و ماخلوا شارع الا و شقوه بحفرة عمقها لا يقل عن سبعة و ثمان أمتار ..

و نتيجة الحفر وقفت اعمال أهل المنطقة اللي يبني مب قادر يدخل شاحنات الريدي مكس او مواد التشطيب الا بصعوبة و اللي سكن ما ادري شلون قادر انه يدش و يطّلع من بيته و الله يعين الأطفال على باصات المدارس ..

الى هذا الحد الأمور مفهومة ولها مبرر ..

ولكن من منتصف 2015 تم تجميد العمل (بعد إتمام الحفر) ..الى وقتنا الحالي ( منتصف 2016 ) .

لي قريب السنة و أنا امر المنطقة بشكل شبه يومي بحكم انني ابني هناك و ما اشوف كولي واحد يشتغل او حصاة تتحرك من مكانها !

الحفر اللي عمقها مابين 7 و 8 أمتار مفتوحة مثل ماهي و أهل المنطقة عايشين في حصار مثل أهل غزة اللي محاصرينهم اليهود - عسى الله يفرج عليهم

شكرًا اشغال .. على اختيار المقاول الكفوء و عدم محاسبته على إيقاف العمل لمدة تقارب السنة او إيجاد حلول بديلة ..



http://store1.up-00.com/2016-05/1463083866991.jpg (http://www.up-00.com/)

[عيون الدوحة]

وش ذنب الأطفال لاقدر الله حد طاح في الحفر*

[blueZircon]

الزبده وسبب التوقف هو ان اشغال وقفت بعض مشاريع البنيه التحتيه بسبب نزول اسعار البترول وسياسة التقشف. تركيز اشغال قائم الان على المشاريع المباشره اللي تخدم كأس العالم، مانقول غير حسبنالله ونعم الوكيل

[بوخالد911]

الله يهونها.
وين دور عضو المجلس البلدي!؟!؟!؟!؟

[معماري قطري]

إضافة سيئة أُخرى من إستحقاقات قطر الأفضل لدى أشغال

اللي مستغرب منه ليش الحفر الغزير والاعتماد على الجاذبية وفيه مضخات ممكن نستعمل معاها قطر أنابيب أصغر وحتى ما تندفن وتكون فوق الأرض .. ممكن مدفون حولها أو الحفر بسيط جداً وتغطى الحفرة بحيث يمكن فتحها وقت أي اصلاح

[معماري قطري]

الزبده وسبب التوقف هو ان اشغال وقفت بعض مشاريع البنيه التحتيه بسبب نزول اسعار البترول وسياسة التقشف. تركيز اشغال قائم الان على المشاريع المباشره اللي تخدم كأس العالم، مانقول غير حسبنالله ونعم الوكيل

ألغوا عقد كامل لتطوير منطقة الوجبة غربي معيذر وللحين سيارات السحب شغالة .. بس بعد دام فيه حلول ثانية ليش ما يتم استعمالها وهي حلول أسهل وأسرع ولو يسونها صح بتكون أقل تكلفة .. لكن لو مضخة بمليون يجيبونها بمليار كل واحد ياكل لقمة منها طبيعي بتطلع التكلفة أعلى

[سعود العمادي]

السلام عليكم

انا واحد من سكان منطقه الوكرة الجنووبيه

والله ان مب قادرين نتحرك لا يمين ولا يسار بسبت الحفريات !! الي كل يوم قاعده تزيد فالمنطقه

وغير الغبار والحشرات الي تطلع وغير جي البيت قام ينزل من كثر الحفريات !!!

اشدعوه سنه ونص ولحد الحين مافي أي انجاز

ياخي خلصوا من مكان وتعالوا حفروا مكان ثاني مب كله في نفس الوقت !!!

وكلمت اشغال اوك بنفتح شكوه وبيجي المراقب يشوف الوضع واخر شي ماشفت احد كله كلام فاااااضي وخرابيط

والله قبل المنطقه هدوء والواحد يأخذ راحته لكن الحين تبي ترقد ماتقدر يشتغلون من الساعه 4.30 الفجر لغاية الساعه 5 المغرب يعني 12 ساعه ؟؟

وللحين مافي شي يبشر بالخير

وان شاء الله بحاول اصور لكم أجواء المنطقه

[معماري قطري]

صوروا الواقع ونزلوه هنا خلوا الوزراء يشوفون .. يمكن منطقتكم ما فيها مسؤول أو وزير

[مرتبش]

اشغال لم توقف جميع المشاريع.. انما المشاريع الجديدة فقط .. وهذا مشروع قائم من فترة وقبل التطورات الاخيرة.
لكن اتوقع اللي صار ودايما يصير لقلة التخطيط والتجهيز الفعال للمشاريع.. صار تغيير في المشروع وزادت التكلفة ويمكن تضاعفت بسبب هالتغييرات وهنا توقف المقاول ونام ونامت اشغال ويبونكم تنامون

[وحيد-الشوق]

ماجات على موضوعك هذي اشغال وهذي عوايدها والي يقهر ياخوك الوكرة صارت كلها حفريات ماخلوا فريج الا وحفروا فيه وعندك الشارع جنب مستشفى الوكرة الكبير بيكمل سنتين وماخلصوا الشغل وشوف الضيق الي مسوينه عند محل الركن الرياضي وماقبل البنك التجاري بروحه الطريق مسار واحد بعد اجي اكسر واحط صبيات والله تعبنا من اشغال وانجازتها الفاشله لاتخطيط ولاسرعة في الانجاز كله شغل عشوائي بنجز الحين وبكسر عقب

[مواقف النجادة]

اشكر جميع من رد على الموضوع ..
وأتمنى من المسؤولين في اشغال انهم يحاسبون المقاول على التأخير .. و يبدأون العمل مرة اخرى في المناطق الشاسعة اللي باينة في الصورة أعلاه .

[بانغ بانغ]

ما ازيد على سعود العمادي

قيم الوضع الراهن

[سعود العمادي]

هاذي الصوره للمنطقه بشكل عام شوفوا واحكموا !!!!!

http://www.qatarshares.com/vb/attachment.php?attachmentid=97130&d=1463131706


وهاذي الصورتين قدام باب البيت !! الوضع لاتعليق

http://www.qatarshares.com/vb/attachment.php?attachmentid=97131&d=1463131819

http://www.qatarshares.com/vb/attachment.php?attachmentid=97132&d=1463131822

[بوNasser]

هاذي الصوره للمنطقه بشكل عام شوفوا واحكموا !!!!!

http://www.qatarshares.com/vb/attachment.php?attachmentid=97130&d=1463131706


وهاذي الصورتين قدام باب البيت !! الوضع لاتعليق

http://www.qatarshares.com/vb/attachment.php?attachmentid=97131&d=1463131819

http://www.qatarshares.com/vb/attachment.php?attachmentid=97132&d=1463131822

الله يكون في عونكم يا سعود

بس الصور ما طلعت

[سعود العمادي]

هاذي الصور

http://store2.up-00.com/2016-05/1463138449261.png

http://store2.up-00.com/2016-05/1463138449572.png

http://store2.up-00.com/2016-05/1463138449693.png

[راعي الكورفت]

الوكره كانت من المناطق الجميله الهاديه حتى نهاية 2014 وبداية 2015 بسبب زحف المشاريع نحو الوكره.

الحفر جنوب الوكره بسبب انشاء محطة قطار الريل والصرف الصحي.

اما تضيق طريق مسيعيد وانشاء دوارين كبيرين بسبب اعتزام اشغال على ربطه بطرق خارجيه غير طريق الوكره وايضا بسبب انشاء مدينه اقتصاديه على خط مسيعيد اسمها مدينة ام الحول الاقتصاديه وايضا انشاء ميناء جديد للسفن .


والزحمه في الوكره ازدادت في الاونه الاخيره بسبب افتتاح ازدان لمجمعات سكنيه جديده مما نتج عن نزوح 80 الف عايله من الدوحه والسكن في مباني ازدان بالوكره .

وايضا خط الوكره على الصباح اصبح كاريثي وزحام لايطاق بعدما كان تقطعه بدقيقتين .. اصبح تقطعه في 40 دقيقه والفضل يعود لخط المطار الجديد وايضا الى داور المشاف وغير المتاهات في الخط .

ويوميا في الصباح تلاقي الدوريه تمشي الي جايين من دوار الوكره من طريق المشاف وتوقف الي جايين من الدوحه الى الوكره حتى تصل الزحمه الى وكالة البورش بمنطقة الثمامه .


وبذلك انتهى الهدوء بالوكره واصبحت جزء من الدوحه والزحام فيها بازدياد.

[مدور عقلي]

اشغال يبون يحولون قطر كلها لعبة الحيه !! يعني الحين الواحد لما يطلع من البيت يفكر في الزحمه ولا الشوارع الي مسكره من اشغال ولا ضيق الشارع ،، يعني الواحد مثلاً الي دافع على موتره مبلغ وقدره شذنبه تتكسر سيارته بهالشوارع ، ثاني شي يبدون حفر في مكان وهم ماخلصوا المكان الاولي زين خلص بعدين احفر مكان ثاني لا والمشكله انه المكانين حفروهم ووقفوا شغلهم ، وازيدكم بعد دوار المستشفى القديم وانت جاي من صوب دوار نادي الوكره بتجاه البنك التجاري شارع الشيخ عبدالرحمن بن جاسم في كسر بالشارع رقعوه قبل فتره والحين رد اتوقع فيه تسريب ماي ،، صوب المستشفى الجديد شارع مغلق من سنه وشي الواحد صار ياخف على عياله ، وقبل فتره سياره طايحه في حفره هل يعقل هالكلام ، وهل هالمشاريع الي وقفت بسبب العجز في المزانيه ولا فيه تجاوزات ماليه ولا ولا

[GENIUS]

المضحك والمبكي في الوكرة بأن هناك مناطق لم يتم البدء بالبنيان فيها والشوارع بدأت بالرصف ( منطقة جديدة في يمين نهاية الشارع من دوار عبدالغني متجها غربا للوكير ) فأيهما أولى واجدر

[معماري قطري]

هاذي الصور

http://store2.up-00.com/2016-05/1463138449261.png

http://store2.up-00.com/2016-05/1463138449572.png

http://store2.up-00.com/2016-05/1463138449693.png

الله يعينكم والله صج موضوع محزن

الواحد يحتد يومياً يغسل سيارته والربو بيزيد عند الصغار بسبب تطاير الغبار الخفيف

صور نتمنى من معالي رئيس مجلس الوزراء محاسبة من هم في أشغال عليها وهذي تحكي قصة منطقة من مناطق قطر ومناطق قطر كثيرة اللي هي بنفس الوضع

عني انا عارف إن كثير من المقاولين فوق المحاسبة ومعاملتهم خاصة من قبل المتمكنين من أشغال

[سعود العمادي]

الله يعينكم والله صج موضوع محزن

الواحد يحتد يومياً يغسل سيارته والربو بيزيد عند الصغار بسبب تطاير الغبار الخفيف

صور نتمنى من معالي رئيس مجلس الوزراء محاسبة من هم في أشغال عليها وهذي تحكي قصة منطقة من مناطق قطر ومناطق قطر كثيرة اللي هي بنفس الوضع

عني انا عارف إن كثير من المقاولين فوق المحاسبة ومعاملتهم خاصة من قبل المتمكنين من أشغال


الواحد شنو يقول بس الحمدالله على كل حال

الحين بكمل اسبوع من كلمت اشغال ولا في تواصل معاي للموضوع

اشغال لاتعليق

[معماري قطري]

الواحد شنو يقول بس الحمدالله على كل حال

الحين بكمل اسبوع من كلمت اشغال ولا في تواصل معاي للموضوع

اشغال لاتعليق

اسلوبهم بارد أبرد من الثلج .. انا سكنت بيتي والشارع واصله بس ناقص حول 5 متر وما قصروا بعد ما استخدمت علاقاتي واتصالاتي وكان المفروض عمل الشارع من الأساس .. وكملوا جزء منه بالانترلوك واخترب وتعرج وله سنوات محد صلحه .. يسوون شيء يخترب بسهولة ليش؟

[الدوحه1]

سؤال اخوي "معماري قطر"
اليوم في برنامج "وطني الحبيب" اتصل مواطن يشتكي ان اشغال قامت في السنوات الاخيره بتقليل عرض الشارع من 4 م الى 3 م(للمسار الواحد) والسبب على حسب كلامه ان المسئولين اكتشفوا ان الشارع العريض(4 م) احد الاسباب الرئيسيه لتهور الشباب والحوادث.
هل اشغال فعلا قامت بتضييق الشوارع؟
وماهو عرض الشارع في الدول اللمتقدمه؟
مع تحياتي.

[معماري قطري]

سؤال اخوي "معماري قطر"
اليوم في برنامج "وطني الحبيب" اتصل مواطن يشتكي ان اشغال قامت في السنوات الاخيره بتقليل عرض الشارع من 4 م الى 3 م(للمسار الواحد) والسبب على حسب كلامه ان المسئولين اكتشفوا ان الشارع العريض(4 م) احد الاسباب الرئيسيه لتهور الشباب والحوادث.
هل اشغال فعلا قامت بتضييق الشوارع؟
وماهو عرض الشارع في الدول اللمتقدمه؟
مع تحياتي.


عرض المسار تقصد أكيد .. الستاندرد العسكري حسب ما اذكر 2.7 والمدني اعتقد 2.6 وشوارعنا كلها 2.6 وشوي تزيد أوقات وباتأكد من أرقامي أخاف ناسي

[معماري قطري]

طلعت ناسي متر كامل .. وتذكرت الشوارع اللي من مسارين متضادين عندنا 7.3 متر كقياس مدني وكقياس عسكري 8 متر.. يعني ينقسم من النص يطلع 3.65 والعسكري 4 .. وهذا المقياس الأمريكي

The Interstate Highway standards for the U.S. Interstate Highway System uses a 12-foot (3.7 m) standard for lane width, while narrower lanes are used on lower classification roads. In Europe, as laws and road width vary by country, the minimum widths of lanes is generally between 2.5 to 3.25 metres (8.2 to 10.7 ft).

الباقي في اوروبا وفي آسيا يختلف العرض حسب كل بلاد ولكل طريق أكيد ظروفه حسب الزحمة عليه وحسب المنحنيات ومداخل الطرق لازم تدرس بخصوصية ثانية واعتبارات غير

[معماري قطري]

وعن سؤال إن أشغال ضيقت الشوارع ما اعتقد بالعكس هم يوسعون أشوف ومن يقدر يتهور ألحين في وجود الزحمة والكاميرات اللي بتتفعل عن قريب

المشكلة يضطر الواحد يتجاوز ويزيد السرعة شوي لو ضغط حد على أعصابه بسواقة باردة خاصم منها 20 أو 30 من السرعة القانونية .. وما ادري هل هذا بيعتبر متهور أو البطيء بيعتبر معرقل؟

[طلعة الروح]

اكثر شي اشوفه هالفتره الحصى ع الشوارع من مخلفات الشاحنات في الفرجان والشوارع والله يعين البلدية قسم النظافه شكثر تنظف وراهم صراحه مأساة لنا ولهم وللأسف حتى المخالفات ماجابت نتيجه كأنك تكافئهم مش تخالفهم !

[بنت شرق]

اشغال تعمر بصوب وتخرب بصوب خصوصا بالوكرة

[معماري قطري]

اكثر شي اشوفه هالفتره الحصى ع الشوارع من مخلفات الشاحنات في الفرجان والشوارع والله يعين البلدية قسم النظافه شكثر تنظف وراهم صراحه مأساة لنا ولهم وللأسف حتى المخالفات ماجابت نتيجه كأنك تكافئهم مش تخالفهم !

المخالفات الكفلاء يدفعونها والنظافة البلدية من زمان وكلتها أو أكلتها لشركات خاصة حتى الحاويات ما يعرفون يرجعونها مكانها صح ويبعدونها عن الطريق

[معماري قطري]

اشغال تعمر بصوب وتخرب بصوب خصوصا بالوكرة

زين حسوا إن فيه منطقة اسمها الوكرة ووصلها الشغل وكذلك الخور لكن اللي شفته في الخور أُسلوب شغل غلط

[عايش فرحان]

حسب ما وصلني .. ان المقاول ماخذ مشاريع كثيرة .. اكثر من امكانياته

و يشيل عمال من مكان ويوديهم مكان ثاني حسب الضغط اللي يجيه من اشغال

و بما ان المنطقة مالها خص بمشاريع كاس العالم ..

و بما ان المتضررين مواطنين عاديين و ليسوا عمال كاس العالم

فالمشروع لا يستاهل المتابعة ولا الاشراف لدي اشغال.