المساعد الشخصي الرقمي

مشاهدة النسخة كاملة : هل تراجعت أسعار اللكزس الجديد 2016.......؟؟؟؟؟؟؟؟؟؟؟؟؟؟؟؟؟


مستثمر رشيد
14-05-2016, 10:11 PM
بين فترة وأخرى الاحظ وجود تراجع لأسعار اللكزس الجديد 2016 مع وجود وفرة في المعروض دخلت قطر سيل فوجدت الأسعار تتراوح بين 400 و375 الف ....أما في السعودية فتبدأ اسعارها من 351 الف ريال سعودي .... ومع فارق العملة تقريبا أقل من 340 ريال قطري .....

مع وجود وفرة في المعروض.... فهل ممكن أن يصل سعرها إلى 300 الف ريال مع هذا الصيف؟؟؟
متروس
14-05-2016, 10:35 PM
كنت في معرض في طريق سلوى قبل اسبوع عندي شغلة هناك وسألتهم عن السوق وقالي السوق ميت

والسبب الرئيسي هو قرار السعودية منع استيراد السيارت فئة ثمانية سلندر بشكل عام من فترة بسيطة
بوخالد911
14-05-2016, 10:37 PM
لا
ثابت السعر.
واحد من ربعي من اسبوع خذه ب 425000
وكالة عبدالغني.
الاسطوره
14-05-2016, 10:43 PM
اكثر الي بقطر سيل وارد الامارات

اصفار ب 385 الف فول ابشن ومستعمل 355-365

بس فيهم مشكلة الي هي تظليل الجامات وعشان كذا محد يبيه وسعره نازل
H_ViP
14-05-2016, 11:30 PM
اتوقع نهاية السنة راح تنزل أسعار اللكزس والتويوتا بشكل عام والسبب التغيير الخارجي الكامل للسيارة ظ¢ظ*ظ،ظ¨
بومتعب
15-05-2016, 06:13 AM
اصبر عليه شهرين وبتشوفه أقل من 300 الف
ابوجابر
15-05-2016, 06:44 AM
سبحان الله وبحمده
ان شاالله تنزل اسعار السيارات بشكل عام
مخطط قطري
15-05-2016, 08:35 AM
عندي وحده الفول ابشن الاحظ سعرها ثابت ولكن الي مافيها شاشات وتيك ورادر وبعض الاوبشنز هي الي سعرها نازل كون ماعليها طلب قوي اتوقع هذا السبب واتوقع تقصد هالنوع من الكزس
والفي اكس ار الفول ابشن والفي اكس اس الاحظ من فتره اسعارهم تنزل ممكن عشان موسم الصيف ورمضان الشركه تسوي عليهم عروض
alftaan
15-05-2016, 09:11 AM
المشكلة ان بعض الناس يتكلمون وواثقين من كلامهم انتظر شهرين وشوف الاسعار .. من وين جبت هذا التاكيد الله يسلمك وبعدين مافي شي رسمي بخصوص هالكلام مجرد اشاعة انتشرت في معارض السيارات والمجالس وصدقوها حتى حماية المستهلك تدخلوا بالموضوع .. وانا صراحة اتمنى الاسعار تنزل للسيارات كلها .

لكن ماقدر اقول اصبر شهرين او انتظر اخر السنة بيتغير شكل السيارة الافلانية والاسعار بتنزل ومافي شي يأكد هالكلام . والـلـه المستعـــــــــان .
بو فيصل ن
15-05-2016, 03:46 PM
حاسة سادسة
المحقق كونان
15-05-2016, 09:29 PM
السوق ميت
ناسداك
16-05-2016, 12:34 PM
اعتقد بتنزل من وجهة نظري بس بعد ما ينزل موديلات 2017 نفس اللي صار 2015 اللكزس صار 300 الف بعد ما كان 385 الف
qatari 111
16-05-2016, 01:55 PM
اكثر الي بقطر سيل وارد الامارات

اصفار ب 385 الف فول ابشن ومستعمل 355-365

بس فيهم مشكلة الي هي تظليل الجامات وعشان كذا محد يبيه وسعره نازل

استوقفني ردك اخوي شلون ماينفع تظليل الجامات نورنا اخوي مستثمر الله ينور عليك ؟
عندليب قطر
17-05-2016, 03:36 PM
سوق ميت
بومتعب
17-05-2016, 05:11 PM
لكزس جديد وشاشات خلفية 377 الف ريال في قطر سيل!!!!!!!
http://qatarsale.com/mycar_a.aspx?carid=160478
الرايــق
17-05-2016, 05:50 PM
واحد من الربع يقول ديار العز يبيعه ب 375 الف

الله اعلم
باحث علم
17-05-2016, 11:49 PM
ما انصح فيه اللكزس خذته وتندمت وبعته
جحش وسواقته ممله وثقيل
الاسطوره
18-05-2016, 12:09 AM
استوقفني ردك اخوي شلون ماينفع تظليل الجامات نورنا اخوي مستثمر الله ينور عليك ؟

يعني الله يسلمك يجيك مخفي من الوكالة ماينشال للجامات الي ورى

وهذا الشي محد يبيه طال عمرك
Bo Turky
18-05-2016, 02:19 AM
السيارات بتتغير السنه الجايه شهر 9 و 10 بتبدأ تنزل موديلات 2018
في هالوقت أتوقع بتنزل السيارات الحاليّه كثير
بس الحين مافي شي يدل انها بتنزل النزول الي بعض الناس تتكلم عنه

وجهة نظر
alftaan
18-05-2016, 08:36 AM
استغفر الله واتوب اليه . . .
معماري قطري
18-05-2016, 11:14 AM
لكزس جديد وشاشات خلفية 377 الف ريال في قطر سيل!!!!!!!
http://qatarsale.com/mycar_a.aspx?carid=160478

حتى بدون ضمان واللون السكري يتوصخ سرعة حلاته كرك أو قريب منه والأسود حلو بعد
qatari 111
18-05-2016, 07:19 PM
يعني الله يسلمك يجيك مخفي من الوكالة ماينشال للجامات الي ورى

وهذا الشي محد يبيه طال عمرك

تسلم اخوي عالتوضيح وانا اعتبره شي جيد بالنسبه لي اورجينال من المصنع بدون ستيكر .
qatarman8008
28-05-2016, 11:17 AM
اسعار السيارات ينزل مع الوقت وهذا شي طبيعي..
انا شريت لكزس 2012 في سنته ب 425 من الشركة..
صار سعره بعد 6 شهور 360 الف..
الخلاصة اللي يبي يشتري سيارة موديل السنة ويكشخ لازم يدفع همسين الف او مية الف زيادة لزوم الكشخة والتمييز..
واللي ما يهتم بهالسوالف ينطر له كم شهر ويشتري برخيص..
asulaiti
28-05-2016, 01:01 PM
في ناس يظنون أن شكل اللكزس والكروزر بيتغير في 2018 حسب الموعد اللي احنا متوعدين عليه مع تويوتا ولكزس ..
لا أعتقد أن شركة عريقة مثل تويوتا تخطئ هذا الخطأ الفادح .. فمن غير المعقول أن أشتري سيارة جديدة في حدود 350 - 400 ألف ريال ..
وبشكل جديد كلياً (خاصة اللكزس) ثم يتغير شكلها بعد سنتين !!!

التغيير اللي صار الآن في 2016 يبدو لي أنه تغيير في مدة الدورة المطلوبة لتطوير شكل السيارة .. أي لن يكون هناك تغيير في شكل السيارتين في 2018 إلا من أشياء خفيفة تحصل كالعادة ..
مثل تغيير الشبك أو الاصطابات الأمامية أو الخلفية ... الخ

والظاهر أن الشركة ستتبع تغيير الشكل كل ثمان سنوات بدلاً من عشر ..
أو يمكن أن التغيير الحالي استعجلوا في طرحه في السوق لظروف تنافسية .. وسيكون التغيير القادم بعد عشر سنوات من الآن ..

أما عن السعر .. فمعروف أن الشكل الجديد للسيارة ذات الشعبية .. تحتفظ بسعرها لفترة من الزمن خاصة في النصف الأول من سنة طرحها في الأسواق ..
ثم بعدها تنزل الأسعار بشكل تدريجي وبشكل طفيف ..
r3aad
31-05-2016, 08:01 PM
والله ياخوي السليطي ماتغير البدي كامل
QtrGate
06-06-2016, 08:27 AM
التغيير الجوهري كل 10 سنوات يكون بتغير الشاصي والشكل الخارجي والداخلي للموتر
وقبل التغير الجوهري يكون تغير مبدئي مثل كروزر 2007 كان فيه شاشه وشكله من برع تغير شوي

الي نزل هالسنه كان تغيير مبدئي. فقط الشاشه والفيس لفت
وشهر 9 المفروض يتغير بالكامل
الا ان كان هناك تغيير في سياسة الشركة
Qtri
06-06-2016, 10:52 AM
شي طبيعي نزول الاسعار مع ازمة البترول وفرق المستعمل عن الجديد لكن الركود الاكبر والتخوف من اللي جاي وهي السنداااااااااااااات الكل يجمع ومتمسك بالكاش وينتظر واحتمال الناس تذهب للسوق الخليجي الا اللي مظطر بيشتري بالاقساط فبيشتري من سوق قطر هذا باختصار
هبوب الكوس
06-06-2016, 05:04 PM
بعتقادي سنه 2018 بتغير بشكل كامل
يعني نهاية 2017 شهر 9 او 10 بينزل
naklan
06-06-2016, 09:59 PM
بعتقادي سنه 2018 بتغير بشكل كامل
يعني نهاية 2017 شهر 9 او 10 بينزل


التغيير الي حصل على نفس الشاصي والي
بيحصل بيتغير السنة الجاية والي شرا 420 أتوقع بيبيع
بخسارة ليشتري الجديد بينزل شهر 9 / 2017
naklan
06-06-2016, 10:10 PM
العادة في مثل هذا الوقت تقل المبيعات بشكل كبير
انتضارا للتغيير والتغيير الي عملته الشركة الام غير مسبوق
خدعت الناس انه تغير الشكل كامل وصعب التمميز لكن الي يدقق
بيعرف انها أشياء شكلية وليست كلية لذالك ننطر ونشوف
بوخالد911
07-06-2016, 01:42 AM
التغيير الي حصل على نفس الشاصي والي
بيحصل بيتغير السنة الجاية والي شرا 420 أتوقع بيبيع
بخسارة ليشتري الجديد بينزل شهر 9 / 2017


صح كلامك.
انا مستغرب من وكالة عملاقة مثل الكزس تنزل شكلين بوقت متقارب وقصير !!!!
معماري قطري
07-06-2016, 01:50 AM
صح كلامك.
انا مستغرب من وكالة عملاقة مثل الكزس تنزل شكلين بوقت متقارب وقصير !!!!

عيونهم صغيرة ما يشوفون الصورة الكاملة

انا احب الموديل القديم وخاطري آخذ بعد للبيت 2015 سعرها وايد نازل
جاسم الدوحة
07-06-2016, 05:15 AM
لا تغييـر في موديلات 2018
alftaan
07-06-2016, 10:05 AM
كلام 100%
ابومبارك
13-06-2016, 07:29 PM
نهاية السنة راح تنزل أسعار اللكزس والتويوتا بشكل عام
والسبب التغيير الخارجي الكامل للسيارة نهاية 2017
بوخالد911
14-06-2016, 01:56 AM
عيونهم صغيرة ما يشوفون الصورة الكاملة

انا احب الموديل القديم وخاطري آخذ بعد للبيت 2015 سعرها وايد نازل

مووووفق بش مهندس.
الذوق1
03-10-2016, 05:57 AM
موفقين ....