مطلوب مهندس اضاءة شاطر للتصميم الداخلي للفيلا

[بوسعود (USA)]

مرحبا اخواني واخواتي
السلام عليكم ورحمة الله

بغيت خدمة منكم
اتدلوني على مهندس اضاءه شاطر يرتب لي الاضاءه الداخلية والخارجية للفيلا
انا خلصت الخرايط وشغال في مرحلة الاساسات اللحين مع المقاول
بس ابغي مهندس يراجع لي الخرايط ويعدل لي عالاضاءه لانه ابغيها بطريقة مختلفة
مهندس الكهربا تبع الاستشاري مش موجود

شكرا

[معماري قطري]

أَعرف اثنين واحد سوداني كبير في السن ومريض الله يشفيه وهذا مجربه ومشتغل معاه وجيد وواحد فلسطيني بعد فاهم بس أكثر للصيانة والأول للتصميم

الأول تقريباً خبرته 40 سنة والثاني حول 30 سنة وما قصروا معاي في بيتي وأكيد ألحين معاهم مهندسين آخرين وركز على مراجعة المواصفات والشبكة الكهربية أكثر من الإضاءَة بحد ذاتها

والإضاءَة مهمة كنوعية لمبات وقوة كهرباء مدروسة بس لازم تحط ذوقك فيها ونصيحتي دوم اللي بيبني يركز على عدة خطوط لكل مكان ومعروفة الإضاءَة حتى لو جدارية وأرضية لازم تنزل من خلال السقف كقانون من الكهرباء .. تحتاج قبل تكون مسوي توزيعة الأثاث ومحدد أماكن الكبتات للاضاءَة الخاصة بها وتحدد كم نقطة تحتاج حسب التصميم الداخلي للحمامات وحتى للصالات والغرف الصغيرة

على سبيل المثال البانتري تكون له اضاءَة رئيسية من فوق واضاءَة داخل الكبتات لو حاب تزيينية وسبوتات فوق الكاونتر أو فوق منطقة تناول الطعام لو مخطط لها .. وهو مكان صغير ممكن ما يتعدى 1.5 في 3 .. غرف النوم تحتاج لإضاءَة تزيينية واضاءة خفيفة حتى ممكن تجي بألوان حلوة وهادئة لتنير المكان للمشي وحد ثاني نايم وتكون قرب الأرض أو تحت السرير .. والاضاءَة العلوية وانصح بالسبوتات ال اي دي حق وقت النهار ووقت التنظيف ولو محتاج ثريا وسطية سو لها خط وسويش خاص .. وممكن تحتاج إنارة قرب السرير

أرقام المهندسين باطرشهم لك خاص ومثل ما قلت لك ركز على التوزيع والمواصفات

[بوسعود (USA)]

أَعرف اثنين واحد سوداني كبير في السن ومريض الله يشفيه وهذا مجربه ومشتغل معاه وجيد وواحد فلسطيني بعد فاهم بس أكثر للصيانة والأول للتصميم

الأول تقريباً خبرته 40 سنة والثاني حول 30 سنة وما قصروا معاي في بيتي وأكيد ألحين معاهم مهندسين آخرين وركز على مراجعة المواصفات والشبكة الكهربية أكثر من الإضاءَة بحد ذاتها

والإضاءَة مهمة كنوعية لمبات وقوة كهرباء مدروسة بس لازم تحط ذوقك فيها ونصيحتي دوم اللي بيبني يركز على عدة خطوط لكل مكان ومعروفة الإضاءَة حتى لو جدارية وأرضية لازم تنزل من خلال السقف كقانون من الكهرباء .. تحتاج قبل تكون مسوي توزيعة الأثاث ومحدد أماكن الكبتات للاضاءَة الخاصة بها وتحدد كم نقطة تحتاج حسب التصميم الداخلي للحمامات وحتى للصالات والغرف الصغيرة

على سبيل المثال البانتري تكون له اضاءَة رئيسية من فوق واضاءَة داخل الكبتات لو حاب تزيينية وسبوتات فوق الكاونتر أو فوق منطقة تناول الطعام لو مخطط لها .. وهو مكان صغير ممكن ما يتعدى 1.5 في 3 .. غرف النوم تحتاج لإضاءَة تزيينية واضاءة خفيفة حتى ممكن تجي بألوان حلوة وهادئة لتنير المكان للمشي وحد ثاني نايم وتكون قرب الأرض أو تحت السرير .. والاضاءَة العلوية وانصح بالسبوتات ال اي دي حق وقت النهار ووقت التنظيف ولو محتاج ثريا وسطية سو لها خط وسويش خاص .. وممكن تحتاج إنارة قرب السرير

أرقام المهندسين باطرشهم لك خاص ومثل ما قلت لك ركز على التوزيع والمواصفات

جزاك الله خير ومنك نستفيد طال عمرك .. ماتقصر يامعماري دوم مستفيدين من خبراتك
بالظبط هذا اللي ابغيه.. الاضاءات الخفية والاضاءات اللي جاية من الارض والجدران والكاونترات والكبتات
احتاج ارتب لهم من اللحين قبل البلستر الداخلي افضل على شان التمديدات

جزاك الله خير .. الله يجعله في ميزان حسناتك

[معماري قطري]

جزاك الله خير ومنك نستفيد طال عمرك .. ماتقصر يامعماري دوم مستفيدين من خبراتك
بالظبط هذا اللي ابغيه.. الاضاءات الخفية والاضاءات اللي جاية من الارض والجدران والكاونترات والكبتات
احتاج ارتب لهم من اللحين قبل البلستر الداخلي افضل على شان التمديدات

جزاك الله خير .. الله يجعله في ميزان حسناتك

ما دام توك قبل البلاستر كل شيء سهل بس إن شاء الله التمديدات من السقف تكفي الوايرات حق كل هالاضاءات .. أحيانا حاسبين لك من التصميم نقطة اضاءة وحدة وصعب يمددون بسهولة .. لو هذا الحال معاك وبتركب جبس تقدر تسوي التمديد من الحائط ويمر من فوق الجبس المهم الكهربائي الشاطر

[الفني]

مرحبا بالاخوان بالنسبة للتمديدات ترى سهله لان هاي بتكون تمديدات جديده ان كان في الارض او السقف بس يعتمد على المقاول الشاطر الي يعرف الصح من وين ياخذ له كهرب وين بيحط له السويج وها الشي بيكون باتفاق المالك وشي ثاني يا اخوي بوسعود قبل ما تبدأ لازم تجهز التصميم كامل وعقب تنسق مع المقاول الكهرب هاي احسن شي للطرفين تفاديا للكسر الغير ملزم به ..

[captin]

موضوع الإضاءة فعلا محير

أولا سوق الدوحة كل المنتجات صينية رديئة خصوصا LED للأسقف مثل الممرات والحمامات
والغرف وغيرها من أماكن . واللي يبيعون أكثرهم ما عندهم فكرة عن مواصفات المنتج وقوتة والاضاءة المطلوبة
للمساحات مثلا تقول له عندي حمام مساحته 2X3 كم watt احتاج وكم لمبة اركب هل اركب 4 كل واحد بقوة 15 watt
او أركب اثنين كبار بقوة 25 watt وقيس على ذلك المساحات الأخرى .
حتى اللي في السوق الصيني في دبي نفس المنتجات .

لقيت بعض المحلات في الدوحة عندهم عينات منتجات اوروربية اسبانية وايطالية لكنها بالطلب توصل بعد 4 شهور وزود .

كثير من الحرائق والحوادث صارت بسبب المنتجات الرديئة واللي مالها معايير او مقاييس .

لذلك مهم وجود شخص كهربائي وعنده في التصميم عشان يوزع الاضاءة على حسب المساحات والقوة المطلوبة لكل مساحة.

[معماري قطري]

موضوع الإضاءة فعلا محير

أولا سوق الدوحة كل المنتجات صينية رديئة خصوصا LED للأسقف مثل الممرات والحمامات
والغرف وغيرها من أماكن . واللي يبيعون أكثرهم ما عندهم فكرة عن مواصفات المنتج وقوتة والاضاءة المطلوبة
للمساحات مثلا تقول له عندي حمام مساحته 2X3 كم watt احتاج وكم لمبة اركب هل اركب 4 كل واحد بقوة 15 watt
او أركب اثنين كبار بقوة 25 watt وقيس على ذلك المساحات الأخرى .
حتى اللي في السوق الصيني في دبي نفس المنتجات .

لقيت بعض المحلات في الدوحة عندهم عينات منتجات اوروربية اسبانية وايطالية لكنها بالطلب توصل بعد 4 شهور وزود .

كثير من الحرائق والحوادث صارت بسبب المنتجات الرديئة واللي مالها معايير او مقاييس .

لذلك مهم وجود شخص كهربائي وعنده في التصميم عشان يوزع الاضاءة على حسب المساحات والقوة المطلوبة لكل مساحة.

صدقني اخوي كابتن في الدوحة الكثير من الأنواع الممتازة .. حتى الصيني منه الجيد بس لا تاخذ الا ماركة معروفة مثل فيليبز واوسرام وجنرال وتوشيبا وغيرهم من ماركات معروفة .. وحصلت انتاج هنغاري موجود واتوقع الاوروبي موجود .. في أمريكا كل الال اي دي صيني بس ماركات ومكتوبة المواصفات على الكرتون والسعر يختلف حسب المواصفات

توزيع الإضاءَة فن قبل ليكون علم الا حق مناطق كبيرة ولغرض معين كسوق مثلاً أو مكاتب أو مطار .. وكلها يدخل في تصميم الاضاءة التصميم الداخلي لأن أوقات تحتاج اضاءَة موجهة أو مركزة في منطقة معينة

للبيت مهم توزيع الأثاث واستخدام الغرف .. لدورات المياه لازم نركز سبوتات معينة على المغسلة وعلى قطع الحمام وعلى الشاور نوع يكون أقوى ويعطي رؤية أوضح + الإضاءَة الرئيسية اللي انا احبها تكون نيون وورم داي لايت أو كول داي لايت وهذي غير عن البيضاء وتاخذها ماركة تعمر عندك فترة طويلة

الال اي دي توجد نوعيات سبوتات تشتغل مع محول وهذي عمرها يكون طويل ومنها ساطعة وقوية

[الفني]

مرحبا بوسعود اذا بغيت اي خدمة في التصميم الإضاءة تراني في الشوفه وحاضرين لك لان مجالنا الكهرباء والإضاءة تواصل معانا وفالك طيب

[معماري قطري]

مرحبا بوسعود اذا بغيت اي خدمة في التصميم الإضاءة تراني في الشوفه وحاضرين لك لان مجالنا الكهرباء والإضاءة تواصل معانا وفالك طيب

ما شاء الله عليك انت فاهم ومقنع وشكلك متمرس في الشبكات والكهرباء .. صحيح ما جربت شغلك بس لقاء سريع معاك عرفت إن فيك خير

[باراكودا]

مرحبا بوسعود اذا بغيت اي خدمة في التصميم الإضاءة تراني في الشوفه وحاضرين لك لان مجالنا الكهرباء والإضاءة تواصل معانا وفالك طيب

سوال يطرح نفسه كيف الواحد يجهز منزله أثناء عمل الخرائط بالكهرباء وتوصيلات المنزل الذكي .

[بوخالد911]

سوال يطرح نفسه كيف الواحد يجهز منزله أثناء عمل الخرائط بالكهرباء وتوصيلات المنزل الذكي .


أنصحك تركب دبل سوكت بكل مكان
وابعد عن السنغل.

وبغرف النوم. لازم تحدد موقع السرير عشان تحط سوكت يمين ويسار السرير. ولا تنسى الأبجورة وحق شاحن الجوال.
وبكل طوفه حط سوكتات كهربا.
مثال بالمجلس الخارجي 6*8
بحط 3 سوكتات دبل بالطوفة اللي فيها 8 متر.

والاخوان بيفدونك. مب مقصرين.

[الفني]

سوال يطرح نفسه كيف الواحد يجهز منزله أثناء عمل الخرائط بالكهرباء وتوصيلات المنزل الذكي .

مرحبا اخوي يعتمد عليك بس اول شي الله يطول بعمرك انك ما تسلم شغل الكهرب حق مقاول العظم هاي اكبر خطأ يطيحون فيها الاخوان الافضل انك تشوف لك شركة شغلها بس الكهرباء وفيه شركات موجوده وتتفق معاهم من الف الي الياء يعني من البيبات لين يعتمد لك من الكهرماء ثانيا يا طويل العمر اذا حاب تركب نظام البيت الذكي فانت تقرر وين الاماكن الي انت محتاجه لان السيستم غالي وبعدين اذا حاب تركب الكاميرات والسماعات تحدد اماكنهم بس يكون واحد متخصص في الكاميرات والسماعات علشان يعطيك الديزاين الصح وسويجات ليتات بعد لازم تعرف مكانها الصح والاهم من هاي كله مكان المجمع الكهرب من الدي بي والبنل البورد لان وايد من البيوت الاستشاري يحطها في الصاله ويخرب منظر الصاله والمالك يتفاجا فيه لما الكهربائي يخلص ويركب وهني المشكله لان تغيرها مب سهل لان البيبات الي الخرسانه كلها ممدوده على اساسها والشي الثاني مكلف بالنسبة للمالك وسعر الكيبل يزيد والوايرات بعد تزيد فسوالك اخوي في محله ان اي واحد بيبدا في البنيان يفكر صح يعني خله الاستشاري يرسملك خريطه الكهرب وعقب تراجعها مع ناس فاهمين في الشغلات الي انت محتاجه وتعدل على الخريطة . اذا كانت الخريطة من البداية صح والي يشتغلها شخص فاهم ان شاء الله بتتفادى مشاكل كثيره لان اساس البيت كله هي الكهرب والماي اذا كان الشغل تم بطريقة الصحيحة بتتفادى المشاكل بس بعض الاخوان الله يطول باعمارهم يسترخصون في هالشي ان كان الكهرب او السباكه والشي الثاني لازم تحدد في العقد مواصفات البيبات احسن بيبات بمواصفات انجليزيه هي بيبات الامارتية اسمها ( Dubai DECODUCT brand ) والوايرات احسنها الامارتية ماركة ( دوكاب ) بمواصفات انجليزيه والعمانية بعد ممتازه بالنسبة للكابل الرئيسي احسنها العماني غيره وبالنسبة للديبهات الافضل انجليزي او فرنسي او الانجليزي ماركة بيل والفرنسي ماركة Hager , وماركة ايتوان ممتازة هي ماركة انجليزية وهاي موقعهم الالكتروني ( http://www.eaton.uk.com ) كانت قبل اسمها اعتقد بيل او ام اي ام لكن الحين تتصنع في دول منها ماليزيا و رومانيا و انجلترا وهاي الماركة اغلب الكهربائيين يركبونها وما عليها كلام ممتازة . اولا واخرا اهم الشي في الكهرباء تجهز امورك قبل البنيان وتشوف احتياجاتك من كل شي من السوكتات واماكنها وليتات وسويجات المكيفات بالنسبة للمكيفات انا دووم اكتشف في البيوت ترتيب المكيفات يكون غلط تلاقي اذا الصالة فيها 3 مكيفات يكون توزيعهم غلط وهالشي يعتمد على الكهربائي لان هو ما اخذ مقاس صح للبيبات التكييف وقت الخرسانه لكن اذا تم وضعه في الخرائط بشكل صح ولازم مقاول الكهرب عليه بيكون احسن لان وايد من المالك يتفاجاو فيه لما يجي يشطب او عنده ديكورات بيحطها فيضطر الي كسر الطوفه والبلاستر ويغير مكانها فارجو من الجميع الاهتمام في هالشي . وشكرا للجميع والسموحه على الاطالة واذا اي حد من الاخوان عند استفسار تراني في الخدمه .
اخوكم بوعبدالله

[معماري قطري]

كلامك صحيح إخوي بو عبدالله .. بس لو نحصل مقاول مختص وعنده تخصص كهرباء أفضل من مقاول ( معوق ) والأهم تكون رسوماتنا منسقة صح وكذلك المواصفات ومذكور فيها كل شيء بدقة

التصميم خطة نتبعها وقت التنفيذ ولو كانت الخطة ناقصة لازم بتكون عندنا ربكة كبيرة وخسائر زائدة .. مثال ما ننساه المطار اللي وصل بنيان المرحلة الأُولى منه لثمان سنين وميزانيته تضاعفت بسبب سوء التخطيط والادارة الهندسية .. حتى افتتاحه تأخر بسبب عدم وجود نظام اطفاء مناسب

[q6ryah]

طيب اللي ساكن بيته من سنين وحاب يغير بالاضاءه لانها تعبانه من يعرف شركه ممتازه تساعد في توزيع الاضاءه وتبديل الموجود

[معماري قطري]

طيب اللي ساكن بيته من سنين وحاب يغير بالاضاءه لانها تعبانه من يعرف شركه ممتازه تساعد في توزيع الاضاءه وتبديل الموجود

قولي لي شنوعية الإضاءَة التعبانة وهل تبغين تغيرينها بعمل إضاءَة أَقوى وفعالة .. أو بنوعية جيدة ما تحترق

للنيون عندج الكول داي لايت من الدرويش مع ترانسفورمر مناسب وبتدعين لي .. النيون يجي نوعيات وبعضها رديء وبعضها متطور خصوصا فيليبز واوسرام بتاخذين ماركة مقلدة وصناعة صينية لازم بتحترق وفرق السعر بسيط جداً بين الجيد والغش

طبعاً كل هذا بفرض التسليك من نوعية جيدة ومناسبة وقوة الكهرباء ثابتة ما فيها هبوط قوي وتقطع .. لو فيها هذي المشاكل يكون لازم عمل اصلاح لشبكة المنزل الكهربية وهذي تحتاج دراسة جيدة واستشاري كهربة فاهم يحط لها حلول وممكن حتى ينسق مع كهرماء .. للسبوتات عندج محل الترالايت عندهم نوعيات جيدة صناعة هنغارية والصالحية صناعة صينية بس ماركة فيه بترانسفورمر تجي قوية وساطعة وفيه بدون شوي ضعيفة والنوعين لي فترة مركبتهم البطلة خدامتنا ولا احترقوا .. قبل الهالوجين اللي بدون ترانسفورمر يحترقون سرعة .. الترانسفورمر هو منظم قوة التيار الكهربي وفيه نوعيات الترانسفومر مدمج فيها

[الفني]

مرحبا يعتمد على الاضاءة الي عندج يعني التغير تبين من الخارج او من الداخل فكل شي له شي اما بالنسبة للداخل فاحسن شي انج تتحولين الى LED وعندج منها الرزين والشين ونفس ما تفضل اخوي معماري قطري عن البراند بس بعد عندج محل في سوق بروه اسمه NVC وهاالمحل فرع من مصنعهم في الدوحة عندنا وانا عن نفسي اتعامل معاهم لمعظم مشاريعي المحل الله يسلمج موجود في Building 3 وعندج بعد محل اضاءه LED صناعه قطرية 100% في فريج الغانم الجديد اسمه البيان الصراحة انا مريت المحل وبضاعتهم ممتازة قريب سلوى هابيرماركت .

[q6ryah]

مشكورين توني قريت الرد المشكله الي عندي الاضاءه توزيعها غلط عشوائي واغلبها ضعيف وابي ابدل للنوع الجديد الي ابيه اخد فاهم في توزيع الاضاءه مابي اتعامل كهربائي عادي

[معماري قطري]

مشكورين توني قريت الرد المشكله الي عندي الاضاءه توزيعها غلط عشوائي واغلبها ضعيف وابي ابدل للنوع الجديد الي ابيه اخد فاهم في توزيع الاضاءه مابي اتعامل كهربائي عادي

ما لج الا مهندس كهرباء مختص يسوي لج تصميم ويحدد نوعيات الإنارة بالضبط .. خذت الكورس سنة 1990 ولا مارست فيه كلش وعندي الكتاب 26 سنة فوق ربع قرن .. أكيد طلعت برامج اضاءة سهلة وتعطي درجة السطوع المطلوبة على السطح المسماة lumens وان شاء الله جبت السبلنغ صح

[معماري قطري]

مرحبا يعتمد على الاضاءة الي عندج يعني التغير تبين من الخارج او من الداخل فكل شي له شي اما بالنسبة للداخل فاحسن شي انج تتحولين الى LED وعندج منها الرزين والشين ونفس ما تفضل اخوي معماري قطري عن البراند بس بعد عندج محل في سوق بروه اسمه NVC وهاالمحل فرع من مصنعهم في الدوحة عندنا وانا عن نفسي اتعامل معاهم لمعظم مشاريعي المحل الله يسلمج موجود في Building 3 وعندج بعد محل اضاءه LED صناعه قطرية 100% في فريج الغانم الجديد اسمه البيان الصراحة انا مريت المحل وبضاعتهم ممتازة قريب سلوى هابيرماركت .

فريجنا بعد استوى يصنع خلاص اخذوا منه أكيد زين

إخوي الفني سؤال صناعة الال اي دي مب معقدة وتحتاج شغل قوي؟ وشكثر العمر الافتراضي للي منتج في قطر؟

[الفني]

فريجنا بعد استوى يصنع خلاص اخذوا منه أكيد زين

إخوي الفني سؤال صناعة الال اي دي مب معقدة وتحتاج شغل قوي؟ وشكثر العمر الافتراضي للي منتج في قطر؟



مرحبا اخوي بالنسبة لمنتجاتهم ماشاء الله ممتازة وعليها ضمان لمدة 3 سنوات وهاي موقعهم الالكتروني شوفه http://www.b-ledtec.com