وش الأفضل الفي أكس آر 2015 أو الجي أكس آر 2016 ثمانية سلندر

[الكاسر99]

السلام عليكم ورحمة الله وبركاته

شباب من الأفضل كموتر مستعمل إستعمال خفيف حيث أن أسعاهم متقاربه

في أكس آر 2015 مكينة 5700

أو

جي أكس آر 2016 ثمانية سلندر


الفي أكس آر موديل 2015 الشكل القديم لكن مكينتة 5700

والجي اكس آر موديل 2016 الشكل الجديد 8 سلندر

أيهما أفضل كأستعمال شخصي لأن سعرهم متقارب كموتر مستعمل وياريت ناس إستخدمت الموترين عشان نشوف المقارنة بينهم

لكن مكينة الفي أكس آر 2015 طبعاً غير

لأني محتار بينهم

ياريت أحصل أحد يفيدني

وجزاكم الله خير

[الكاسر99]

12 مشاهده ولا رد واحد

[سوبر]

اذا مافيه فرق كبير في السعر ونظافة الموتر والممشى عن نفسي باختار الفي اكس ار

[رآعي موآجيب]

ولا تزعل

انا برد عليك :nice:

واضح من كلامك انك تميل للشكل الجديد بس ودك بالمكينه الـ 5.7
وواضح عليك انك مثلي منت بمقتنع انك تدفع في تويوتا مبلغ رنج !!
وواضح بعد انك مستعجل :funny:

اسمع طال عمرك

فيه في اكس ار 2016 وارد دبي وعمان عند معارض ال ناصر و ديار العز بالتحديد

سعره 235 الف تقريبا

بتقول ليش رخيص ، بقولك لأن فيه ابشن ناقص ( امور بالنسبه لي ماتهمني )

مثال : سماعات اقل / شاشة جي اكس ار مش شاشة في اكس ار / بدون هايدروليك للدركسون / كيمره وحده فقط / ومن هالامور اللي ماتهمني بصراحه ( بس ممكن تهم غيري)

اعتقد ان هذا هو الحل الانسب لك

اما ، اذا مصمم على الاختيار بين الجي اكس ار و الفي اكس ار مثل ما ذكرت

فأنا اشور عليك بالجي اكس ار لسببين مهمين

الاول الموتر الجديد نعمه ويريحك من الوسوسه والكراجات حتى لو بتبدل تاير
الشي الثاني الشكل له دور كبير جدا ، تغيير الشكل مهوب في صالح الـ 2015 وبخصوص المكينه فـ الـ 8 سلندر في الجي اكس ار اشوفها جدا مناسبه وكفايه لكل الاستخدامات والظروف

هذا مجرد شور شخصي ولك حرية الاختيار بالطبع

موفق طال عمرك .

[الكاسر99]

أولا جزاكم الله كل خير على الرد

ثاني شي اخوي أنا أبغي وارد قطر

وارد الأمارات والسعودية مرقعين أكثر أكسسواراتهم تجارية

خلني على وارد عبدالغني أفضل


بس أنا محتار أخذ الجي أكس أر شكل جديد ومكينة عادية

ولا أخذ في أكس آر شكل قديم بس مكينة 5700

[بوحارب]

الفكسار بالراحة

[راعي ال VXR]

انصحك بالجيكسار الشكل الجديد 2016

[بومحمد المطاوعه]

لكزس وبس:nice:

[بوسعود1122]

خذ الشكل الجديد ،، القديم خلاص راحت عليه حرام تدفع ع موديل تغير

[.قطر.]

الفكسار عشان مواصفاته بعد مب بس المكينه

[الكاسر99]

جزاكم الله كل خير على ردودكم الطيبه

[بوخالد911]

جي اكس اررررررر

[hamoor4ever]

بحكم ان عندي فكسر ، وجربت الجي اكس القديم فأنا اميل للفي اكس ار ياخي ممشاه غير في العزم وفي اللفات ثابت عكس الجي اكس ار تحسه مب ثابت لان الفي اكس ار فيه نظام الكي دي دي اس اذا هاذه اسمه ، لكن اذا انت تبي موتر كم سنه وتبيعه خذ جي اكس ار لان شكله جديد بس كاستخدام احس الفي اكس ار فرق وموتر ماتمل منه ، اذا ميزانيتك محدودة

[ناسداك]

بالنسبة لي الجيكسار 2016 افضل على الاقل شكله مضبوط و متناسق ومن الداخل افسح و احلى كفاية انه شكله جديد

[بويعقوب]

اخوي لاتهتم في الشكل وايد , الراحة والمواصفات اهم خصوصا اذا ماتفكر تبيع الا بعد سنه من استخدام :)

توكل على الله وخذ فكسار 2015

[ناسداك]

اخوي لاتهتم في الشكل وايد , الراحة والمواصفات اهم خصوصا اذا ماتفكر تبيع الا بعد سنه من استخدام :)

توكل على الله وخذ فكسار 2015

لا الشكل مهم لانه تغير و صار احسن بوايد من 2015 اشوف من الاحسن اصبر شوي حتى تنزل اسعار الفيكسار 2016 او خذ موتر مستعمل يكون سعره نازل و ممشاه قليل والله يوفقك

[qatari 111]

غير الفي اكس ار لاتاخذ

[الكاسر99]

بيض الله وجيهكم

[7llo]

اخوي وارد قطر ولا وارد دبي ولا وارد العراق حتى لو كانت اكسسوارتها الداخليه او الخارجيه تجاريه مابتفرق معاك لانه مافي شي بيخترب او بيذوب لانه مصنوع بتقنيه عاليه اهم شي المسجل مايكون كوبي عشان الشاشه بتلعوزك لو كانت كوبي , بالاول والاخر التيوتا وين مارحت في كل دول العالم صناعتها وحده لانه الجير والمكينه والدفرنشات موحده وهي سياره تتحمل كل شي بر وبحر وصخور مايخترب,