زحمة والسبب سيارة قديمه

[MAZEN37]

صارلي 45 دقيقه في زحمه من اشارات المناصير الى دوار معيذر
واخرتها سياره قديمه طبعا الحين الجو حار جدا واي سيارة فيها عيب وقفت فجأه
طيب الحل وين الفحص الفني كيف تجتاز هذه السيارات

[A-Alansari]

مو مشكله لو سيارة قديمة وصادها عطل

المشكله لما تتعطل ويخليها في الشارع:telephone:

[قطر خضراء]

أخي الكريم mazen37
أدعو نفسي وأدعوك إلى نصبر على بعضنا البعض خاصة على الطرقات لما تشهده من ضغط هائل عليها نتيجة الكم الرهيب لعدد السيارات نتيجة لتضاعف عدد السكان في سنين قليلة
ثم الله أعلم بظروف ذلك المسكين صاحب السيارة (المتهالكة) وهو أولى بتعاطفنا ممن يعطل حركة السير بسيارة فخمة فقط لأن سيادته لا يرضى أن تنتظر رفيقته على الجانب الآخر من برنامج التواصل الإلكتروني

[معماري قطري]

حطوا قوانين لكن ما نفذوها .. واللي يسوق سيارة غير مرخصة ويتسبب بحادث بسيط وتاخذ رقمه ورقم سيارته وتتواعد تلاقيه في المرور والمرور يكشفون سيارته انها غير مرخصة من سنين يقولون له تتحول نيابة ومحكمة بس بشرط ما تصلح سيارتك حتى تكون اثبات .. وصارت لسيارة البيت عند المدرسة .. أو تصلح بنفسك ويعتبر تنازل عن المحكمة .. عمري ما شفت مرور هشكل

[رجل تعليم]

أخي الكريم mazen37
أدعو نفسي وأدعوك إلى نصبر على بعضنا البعض خاصة على الطرقات لما تشهده من ضغط هائل عليها نتيجة الكم الرهيب لعدد السيارات نتيجة لتضاعف عدد السكان في سنين قليلة
ثم الله أعلم بظروف ذلك المسكين صاحب السيارة (المتهالكة) وهو أولى بتعاطفنا ممن يعطل حركة السير بسيارة فخمة فقط لأن سيادته لا يرضى أن تنتظر رفيقته على الجانب الآخر من برنامج التواصل الإلكتروني

أضحني الرد البليغ جدا
ممتاز جدا هذا التعبير

[مختلف جداََ]

المهم
عساك بس وقفت له تشوف يمكن تقدر تساعده :)

[نيساني]

نقول الله يعينهم

وشكراً

[معماري قطري]

وقت الحادث يبين معدن هؤلاء اللي الكثير يدعي لهم .. الشارع مب جمعية خيرية للمحتاجين يخالفون كل القوانين علشان يشغلون سيارة متهالكة لا مسجلة ولا مرخصة وقوانين مرورنا المتساهلة تساعدهم .. ذيلا أغلبهم ذمته وسيعة ويصدم ويعطيك رقمه وتسجل رقم سيارته ويقول لك واعدني ونتلاقى في المرور وتتصل به ولا يرد والمرور يقولون لك سيارته مب مرخصة ولا يقدرون يجيبونه الا بأمر من المحكمة ولازم تخلي سيارتك ما تصلحها

[طلعة الروح]

عندنا مشاكل اكبر من سيارة جديده وسيارة قديمه
اظن اي حد معرض للعطل في أي لحظه المهم طريقة التصرف الصحيحه واحترام حق الماره وتوفير الطريق المؤقت للوقوف فيه اثناء العطل ف ليش نركز ع سبب واحد ونترك الصوره العامه؟
صدقنى شوارعنا فيها بلاوى اكبر من ورا جنس البشر اللطيف طبعا لدرجه ان الواحد قوى ايمانه من كثر مايتحسب على اللطفاء، يعنى واحد يسد اللفه على الناس عشان يطلب من المطعم ويمكن اذا ما انتبهت تحك طرف الرصيف عشان عيونة ولانه حضرته عيزان يصف ف باركن وينزل وقس على ذلك مواقف اخرى ومتعمده بالنهاية نصيحه للسايقين انت حر مالم تضر.

[MAZEN37]

ياجماعة الخير فكرة الموضوع له ابعاد لمسها بعض الاخوان في ردودهم وبعضهم خذه تفكيره لمنحى اخر
تعطل سيارة قديمه يطرح اسئله كيف هذه السيارة تتعطل وعدة من الفحص ؟ وانا متاكد انه معظم هذه السيارات ماهي مرخصه وتمشي بالشوارع وهذا السؤال للمرور لازم اليه تعرف فيها من ما رخص ووين السياره الي تحصل راعيها قاطها عند باب الجيران او حاجز موقف فيها والسؤال ايضا لو حصل حادث او حريق او اسعاف بالله كيف العمل وين خطوط الطوارىء وين اشغال عن هالنقطه وعندك بعد وقت الناس الضايع هذا له ثمن وهذه العرقلة لها جانب سلبي على تنميه الدوله
وفي كثير امور لها تداعيات

[راعي الكورفت]

ايش دخل الفحص الفني في خراب السياره !

احس ان عمرك مارحت للفحص الفني .

اعتقد ان موترك جديد وتسجله على طول أو تعطي موترك للدريول يفحصه لك.

انت روح للفحص وشوف ايش يفحصون بالموتر.

وبعد مش كل الناس يقدرون يطلعون موتر جديد أصفار من الوكاله .

ولا تلومه ان موتره قديم لان في ناس حالتهم الماديه ما تسمح لهم بامتلاك سياره جديده.:(

[بريق الحق]

ايش دخل الفحص الفني في خراب السياره !

احس ان عمرك مارحت للفحص الفني .

اعتقد ان موترك جديد وتسجله على طول أو تعطي موترك للدريول يفحصه لك.

انت روح للفحص وشوف ايش يفحصون بالموتر.

وبعد مش كل الناس يقدرون يطلعون موتر جديد أصفار من الوكاله .

ولا تلومه ان موتره قديم لان في ناس حالتهم الماديه ما تسمح لهم بامتلاك سياره جديده.:(

هههههههه
عاد الفحص الي عندنا
الامارات نفخ فالشاصي يقولك روح غير الشاصي
اهني حدهم دخان الموتر وبس وكل شي ناجح

[الحياة الخالدة]

شنهو الهدف من الفحص الفني ؟؟
وما هي المعايير لاجتيازه بنجاح ؟؟

[بريق الحق]

شنهو الهدف من الفحص الفني ؟؟
وما هي المعايير لاجتيازه بنجاح ؟؟
اهم شي السياره تمشي والليتات شغاله والحزام والطفايه ويمسك بريم وصبغ الموتر زين وعط رييييس

[بوخالد911]

مو شرط سيارة قديمة تتعطل.
حتى السيارات الجديدة بعد تتعطل وخاصة لما البطارية تفضي.

[معماري قطري]

ياجماعة الخير فكرة الموضوع له ابعاد لمسها بعض الاخوان في ردودهم وبعضهم خذه تفكيره لمنحى اخر
تعطل سيارة قديمه يطرح اسئله كيف هذه السيارة تتعطل وعدة من الفحص ؟ وانا متاكد انه معظم هذه السيارات ماهي مرخصه وتمشي بالشوارع وهذا السؤال للمرور لازم اليه تعرف فيها من ما رخص ووين السياره الي تحصل راعيها قاطها عند باب الجيران او حاجز موقف فيها والسؤال ايضا لو حصل حادث او حريق او اسعاف بالله كيف العمل وين خطوط الطوارىء وين اشغال عن هالنقطه وعندك بعد وقت الناس الضايع هذا له ثمن وهذه العرقلة لها جانب سلبي على تنميه الدوله
وفي كثير امور لها تداعيات

وهنا المشكلة الأكبر واللي يغضون النظر عنها المرور .. من المسؤول عن الشوارع والسيارات اللي فيها؟ ابوي مثلاً ولا انا ولا انت .. شيء بديهي بنقول المرور .. مثل ما ذكرت صار حادث صج بسيط واصلاحه كلف حول 500 ريال بس ما قدروا يجيبون الطرف الثاني ويوم شيكوا رقم السيارة طلعت عليه مخالفات كثيرة بالآلاف .. وقالوا جدامكم خيارين أما تصلحون سيارتكم على حسابكم أو تخلونها بدون تصليح لين ينطلب عن طريق المحاكمة ويتحاكم .. وصاحب السيارة قطري

من جهة ثانية ولدي اشتكى عليه شخص عربي وتم توقيف سيارته وركوب شخص من التحريات معاه وحجز سيارته الليل الساعة 11 وخلال يوم من الشكوى ورحت معاه للمرور وسئلت المحقق شصار وشرح الوضع .. طلع المحقق والشاكي غلطانين والضابط تفهم القصة وحضر الشاكي وقال سبب الخلاف .. هو في أقصى اليمين ويبي يقطع مسارين رايحين سيدة ويتجه لأقصى اليسار في شارع من 5 حارات وولدي كان جنبه وبيروح سيدة وما قدر يوقف حق سعادته يطوف راح اشتكى عليه .. انا قدرت كبر سن العربي وخليت ولدي يعتذر والضابط وضح للعربي خطأه وقال له من حقنا نطلب محكمة ويتحاسب حساب قوي وفي الغالب تسفير لأن وقتها كانت هذي الجنسية مشاكلهم كثيرة.

بس الحادثتين يوضحون لي عشوائية القرار المروري من شخص لشخص والمفروض شغلهم معروف والسيارات اللي عليها مشاكل تنسحب .. شيبغون أكثر جبنا لهم رقم السيارة ورقم تلفون اللي متسبب في الحادث ولا يرد عليه .. المفروض عارفين واجبهم وينفذون صلحت سيارتي والا ما صلحتها لكن يتركون هالبهيمة تدرعم بين خلق الله وتدعم فيهم وهم يعرفون وضعه القانوني هذا شيء غلط وغلط كبير

[معماري قطري]

عند الشرطة الألمانية جهاز يمسح رقم السيارة عن بعد ويكشف السيارة المطلوبة واعتقد مطبق في الامارات وبيتم تطبيقه عندنا بس مب لازم ننتظر قبل 2022 إحنا بشر بعد وعايشين ونبغي نعيش بأمان

[معماري قطري]

شنهو الهدف من الفحص الفني ؟؟
وما هي المعايير لاجتيازه بنجاح ؟؟

الهدف إن السيارة ما عليها تغييرات وتزويدات غير قانونية وقابلة للاستخدام بأمان وتجهيزاتها جيدة .. وانتاجها لأول أُكسيد الكربون مقبول

لكن اللي نشوفها سيارات أصواتها صوت دبابة وسيارات مرفعة من الخلف ومنزلة من قدام مستعدة للرفس .. وباصات تدخن على طول وسيارات تطلع من الفحص وتوقف في الشارع اللي جنبه

[ولـد الخليج]

حتى السيارات الجديده تتعطل
انا شفت لكزس اخر موديل وكروزر جديد
اصبر بعد شهر تشوف النياسين ��

[MAZEN37]

كشف تقرير حركة المرور الأول في قطر الذي أصدره مركز قطر للابتكارات التكنولوجية (كيومك) أن التكلفة الاقتصادية للازدحام المروري في قطر عام 2015 تراوحت بين 5.2 إلى 6.8 مليار ريال ما يعادل 0.7 - 0.9% من الناتج المحلي الإجمالي.

وأكد عبدالله آل طالب رئيس مجلس إدارة «كيومك» خلال مؤتمر صحفي أمس أن التقرير يساعد الوزارات والمؤسسات الوطنية، وشركات القطاع الخاص في الدراسات المرورية، والتخطيط العمراني، ورصد الأداء في مجالات النقل والسلامة على الطرق

[قطر خضراء]

كشف تقرير حركة المرور الأول في قطر الذي أصدره مركز قطر للابتكارات التكنولوجية (كيومك) أن التكلفة الاقتصادية للازدحام المروري في قطر عام 2015 تراوحت بين 5.2 إلى 6.8 مليار ريال ما يعادل 0.7 - 0.9% من الناتج المحلي الإجمالي.

وأكد عبدالله آل طالب رئيس مجلس إدارة «كيومك» خلال مؤتمر صحفي أمس أن التقرير يساعد الوزارات والمؤسسات الوطنية، وشركات القطاع الخاص في الدراسات المرورية، والتخطيط العمراني، ورصد الأداء في مجالات النقل والسلامة على الطرق

ثم يلومني البعض في انتقادي لتنظيم كأس العالم
وطبعا هذه الخسائر غير المحسوبة بدأت قبل عام 2015 وسترتفع كل سنة لأن عدد السكان والازدحام يرتفعان باضطراد

[العابد]

أكثر شي يقهر في الزحمة

لما يكون الحادث في اتجاه

وتصير زحمة بالاتجاه المعاكس علشان الناس تشوف الحادث

صدق شي يقهر

مرة صار حادث قبل أم صلال علي من جهة الشمال

الحادث في الخط اللي خارج من الدوحة

وأنا داخل الدوحة وأمشي بسرعة الشارع حوالي 120


فجأة اللي قدامي يمسك بريك بالرغم مافي أحد أمامه

فقط من أجل يشوف الحادث اللي في الاتجاه الآخر

بالله عليكم هؤلاء بشر؟

[بنت شرق]

ثم يلومني البعض في انتقادي لتنظيم كأس العالم
وطبعا هذه الخسائر غير المحسوبة بدأت قبل عام 2015 وسترتفع كل سنة لأن عدد السكان والازدحام يرتفعان باضطراد
وليش تنتقد تنظيم كأس العالم ، وأنت مش قطري

[الرايــق]

لا حول ولاقوة الابالله
قضاء وقدر ويمكن سيارة جديدة وتتعطل ياخي

ذكرتني بموقف اليوم واحد مناحس معاي مش راضي يجدم شوي مع انه معاه مجال عشان اخذ المسرب الاخر عشان اطلع من الاشارة علما ان كان معي رضيع مريض بالسيارة ولكن هو عبالة الهرن مسبه وهو كان طلب فقط

ارحمو من في الارض يا مستخدمي الطريق
ارحمو من في الارض يا مستخدمي الطريق


هؤلاء الفئة من الناس اولى ان نتحدث عنهم

[aloosh]

لان طال عمرك الفحص الفني الله واعلم ان فيه رشاوي تندفع
واغلب اللي يشتغلون على تجديد الفحص اجانب حتى اسيوين وعرب غير قطرين
تقول سياره مش ممكن تنجح يقول عطني 1000 انجحها لك ايش معنات ها الكلام يعني فيه شي خطاء في الفحص الفني
اشوف سيارات والله يا ربع اقول شلون تنجح ها السياره تلقى راكبها اجنبي
والقطري اذا يجيهم على اتفه سبب ترسب الى اذا دخلت على ضابط


يجب يكون فيه حزم لان فيه تراخي كبير في الفحص الفني وقد يكون فيه رشاوي تندفع للمهندسن اللي يفحصون

[aloosh]

وليش تنتقد تنظيم كأس العالم ، وأنت مش قطري

الحين كل واحد صار ينتقد البلد الي عايش من خيرها لا ويحلل بعد باقي يقول لاتسون كذا وكذا:)

[تاجر كشخة]

الله يكون في عونه الله لا يحطنا في موقفه شي يعور القلب

[الرايــق]

ياجماعة الخير فكرة الموضوع له ابعاد لمسها بعض الاخوان في ردودهم وبعضهم خذه تفكيره لمنحى اخر
تعطل سيارة قديمه يطرح اسئله كيف هذه السيارة تتعطل وعدة من الفحص ؟ وانا متاكد انه معظم هذه السيارات ماهي مرخصه وتمشي بالشوارع وهذا السؤال للمرور لازم اليه تعرف فيها من ما رخص ووين السياره الي تحصل راعيها قاطها عند باب الجيران او حاجز موقف فيها والسؤال ايضا لو حصل حادث او حريق او اسعاف بالله كيف العمل وين خطوط الطوارىء وين اشغال عن هالنقطه وعندك بعد وقت الناس الضايع هذا له ثمن وهذه العرقلة لها جانب سلبي على تنميه الدوله
وفي كثير امور لها تداعيات


اخوي ممكن اعرف شدخل اشغال في موضوعك؟

[طلعة الروح]

اخوي ممكن اعرف شدخل اشغال في موضوعك؟

اشغال لازم توفر خط جانبي لحالات الطواري والاعطال
شوارعنا حاليا اغلبها مؤقته وضيقه وتفتقر لطريق الخدمات وهاي سبب رئيسي للربكه المرورية

[@north_star@]

في الغالب سبب الزحمة والحوادث قلة الوعي المروري أو انعدامه عند الكثير من السائقين وعدم احترام القوانين

[معماري قطري]

اشغال لازم توفر خط جانبي لحالات الطواري والاعطال
شوارعنا حاليا اغلبها مؤقته وضيقه وتفتقر لطريق الخدمات وهاي سبب رئيسي للربكه المرورية

صحيح شارع الفروسية المفروض فيه بس ما فيه والشجر ملاصق للشارع .. ممكن الواحد بصعوبة يصف بين الشجر وأحياناً صعب يدفع السيارة من اليسار لليمين الا حد يساعده .. والزحمة استوت شيء طبيعي على هذا الشارع ولا بد يشوفون حل سريع ما يركزون على شارع معين وينسون شارع جنبه

تقاطع المناصير حل مشكلة كبيرة وحان الوقت من زمان لعمل تقاطع لمعيذر وللفروسية ويفترض شبكة جسور من زمان ما نرص المباني قرب الشارع وبعدين نقول ما فيه مكان .. وكفاية سور الفروسية قريب وملاصق للشارع ويحد من أي توسعة مستقبلاً وهو سور مكلف

ممكن البدء في إعادة تخطيط هذا الشارع الرئيسي والمهم حالاً والبدء في تنفيذه ونتمنى بطريقة صحيحة .. حتى تقاطع المناصير يفترض تطويره لجسور