ايش رايكم في حالتي,,,,,,, التقاعد المبكر

[الصايغة]

السلام عليكم


حبيت اعرف ارائكم عن التقاعد المبكر وخصوصا الاخوان والاخوات اللي خطوا هالخطوة,, انا بصراحة مو متمللة من شغلي والكل يقدرني يعني ما عندي اي مشكلة في العمل
بس المشكلة فيني انا صرت احس اني خلاص اكتفيت وبدت معاي حالات الملل وبالرغم من اني كنت اعشق العمل بديت امل وحاسة اني صار لازم اغير روتين حياتي وصرت حتى
ما انتج في العمل نفس قبل وهذا اللي مضايقني اكثر,,,, علما باني صار لي 19 سنة اشتغل واشتغلت في مكانين مختلفين خلال 19 سنة وكانت طبيعة العمل في المجالين مختلفين تماما
عن بعض وكلهم ولله الحمد احتسب نفسي ان شاءالله من اللي ادوا عملهم بكل اخلاص,,,,,, فصرت افكر بالاستقالة التقاعدية ولكن للاسف لما تواصلت مع هئية التقاعد راتبي راح يكون اقل من النص
يعني بيصير عندي نزول مفاجئ في المستوى المادي وهذا مخوفني قلت لهم بشتري التقاعد قالوا سني ما يسمح بالشراء..... فياريت اللي تقاعد يفيدني ويقول لي رايه وايش صار معاه بعد التقاعد.

[وحيد-الشوق]

وعليكم السلام

اواضح فيج التردد واذا بينزل نص الراتب شلي حادج عالتقاعد الدوام زين وزحمة الدوحة حلوة :) وقعدة البيت تملل :(

طبعاً مع التقاعد اذا كنتي مقتدرة مادياً وعندج دخل ثاني يكفي ويزيد وأيضاً عمل لسد الفراغ

بالتوفيق

[السفير العربي]

إذا كان أمرك يتعلق بالروتين الممل أنصح بالأجازة السنوية للإبتعاد عن بيئة العمل دون التفكير بالتقاعد ، والمعلوم أن التقاعد من العمل إن لم يصحبه نشاط شخصي يملي وقت الفراغ بمثابة إنتحار النشاط ، وقد يبدو لك في بدايته التغيير المريح وسرعان ما يُكتشف مساؤه ، ولأجل استعادة النشاط وتكييف النفس على الروتين أنصح بذكر الأدعية قبل الذهاب الى الدوام فهي كفيلة ببرمجة النفس وتحويل الطاقات السالبة إلى موجبة وتذكر بأن العمل عبادة ووطنية فلا تشغلك نفسك بوساوس الشيطان فربما الإحالة للتقاعد قد يفتح عليك باباً لايليق بعيقدتك وأخلاقك ونشاطك .. وفقك الله .

[شموخ دائم]

,

,


مرحبا

السلام عليكم

اذا عندك ( هدف ) من التقاعد

مثل اعطاء البيت واهل البيت وصله الارحام مزيد من الوقت والاهتمام
واعطاء حياتك مزيد من الروحانيه والاقبال على الله سبحانه وتعالى
مثل قيام الليل وقراه القران والذهاب الى العمره فهذه ا هدف ساميه جدا
تستحق التقاعد

اما اذا هدف التقاعد امور دنيويه مثل السفر والنقاهه والراحه فهذا بيصيبك الملل اكيد بعد فتره سنه او سنتين

اعتقد اهم سبب الان ( الامور الصحيه )
اذا الصحه ممتازه وجيده الله يتمم عليك فانصحك بالاستمرار بالعمل كم سنه زياده
لان الاحساس بالتقاعد بيزيد بقوه معاك لوحده

اما اذا الصحه لك عليها فانصحك بالتقاعد الان

ووضع اهداف ساميه لمرحله جديده من حياتك

بالتوفيق لك

,

,

[معماري قطري]

جربت طعم التقاعد 3 سنين ورجعت للدوام 4 سنين وكان دوام مريح وحالياً شبه تفرغ لأسباب صحية وامكانية العودة للعمل موجودة

[بوحارب]

مافيه احلى من التقاعد خصوصا فيه اطفال تهتمين فيهم

[الشفق الحالم]

اختي لو حاسه ان قعدتج بالبيت مجابله عيالج بتكون مفيده اكثر قعدي ولاتفكري بالفلوس وتذكري قول الله تعالى:
( الشَّيْطَانُ يَعِدُكُمُ الْفَقْرَ وَيَأْمُرُكُم بِالْفَحْشَاءِ وَاللَّهُ يَعِدُكُم مَّغْفِرَةً مِّنْهُ وَفَضْلًا وَاللَّهُ وَاسِعٌ عَلِيمٌ )

[متواصل]

بصفتي متقاعد من سنة 2000 غير رسمي
و 2011 رسمي
انصحك تفنشين من العمل : )

------------
كل اللي يسألوني عن التقاعد
اقول لهم خذوا اجازة طويلة الامد سواء براتب او بدون
وجربوا تأقلمكم مع الوضع
ثم لاحقين على التقاعد
وهذا جوابي لك ولكل شخص يسأل عن التقاعد
وموفقين مقدما

[<اضرب واشرد>]

08-06-2014
الصايغة

طلب استشارة من المتقاعدين والمتقاعدات

السلام عليكم,,,,,,

انا افكر بالاستقالة التقاعدية لاني مليييييت فعلا من الشغل, صار لي 17 سنة خدمة وما تنطبق علي شروط التقاعد بس لما سألت بهيئة التقاعد
قالو لي عن الاستقالة التقاعدية وانا بصراحة وااايد مترددة لاني بخسر حول 40% من راتبي طبعا من الاساسي والاجتماعية بس ومثل ما انتو
عارفين باقي العلاوات رايحة...........
أصغر عيالي عمره سنة والباقيين في ابتدائي واعدادي, واخاف اني امل من قعدة البيت مع العلم اني نشيطة وحركية بس خلالالالاص كرهت الشغل
احس اني ايي الشغل مجبورة واشتغل بس عشان احس اني راتبي حلال وارضي ربي وضميري, لهالسبب حابة اي متقاعد او متقاعدة يقولون
لي عن حياة بعد التقاعد هل تحسفوا او حسوا بالملل علما بان عندي بيت ملك مستاجر بايجار بسيط وعندي ارض وزوجي يقول لي ان هذا
قراري هو ما عنده مانع سواء كنت اشتغل او قاعدة بالبيت
ارجوكم محد يبخل علي برايه لاني خلاص واصلة حدي

وجزاكم الله خير
http://www.qatarshares.com/vb/showthread.php?586778-%D8%E1%C8-%C7%D3%CA%D4%C7%D1%C9-%E3%E4-%C7%E1%E3%CA%DE%C7%DA%CF%ED%E4-%E6%C7%E1%E3%CA%DE%C7%DA%CF%C7%CA&p=9595159&highlight=#post9595159


السلام عليكم
حسب مشاركتج السابقة (قبل سنتين) أقترح تتقاعدين وتريحين نفسج وتهتمين بالعيال
وتبنين فيلا ثانية وتأجرينها
وإذا عندج وقت فراغ تقدرين تستغلينه بشغل نسائي فيه ربح.

[بوحارب]

واحد من الربع متقاعد وعمره 27 والحبيب ولا يفكر يرجع للدوام كلش كلش

ما عنده بزنس ولا شي

قاعد مع عياله ومشتري راحته

[طلعة الروح]

واحد من الربع متقاعد وعمره 27 والحبيب ولا يفكر يرجع للدوام كلش كلش

ما عنده بزنس ولا شي

قاعد مع عياله ومشتري راحته

شي مايدخل العقل الا اذا عنده أسباب قوية طبعا

[طلعة الروح]

السلام عليكم


حبيت اعرف ارائكم عن التقاعد المبكر وخصوصا الاخوان والاخوات اللي خطوا هالخطوة,, انا بصراحة مو متمللة من شغلي والكل يقدرني يعني ما عندي اي مشكلة في العمل
بس المشكلة فيني انا صرت احس اني خلاص اكتفيت وبدت معاي حالات الملل وبالرغم من اني كنت اعشق العمل بديت امل وحاسة اني صار لازم اغير روتين حياتي وصرت حتى
ما انتج في العمل نفس قبل وهذا اللي مضايقني اكثر,,,, علما باني صار لي 19 سنة اشتغل واشتغلت في مكانين مختلفين خلال 19 سنة وكانت طبيعة العمل في المجالين مختلفين تماما
عن بعض وكلهم ولله الحمد احتسب نفسي ان شاءالله من اللي ادوا عملهم بكل اخلاص,,,,,, فصرت افكر بالاستقالة التقاعدية ولكن للاسف لما تواصلت مع هئية التقاعد راتبي راح يكون اقل من النص
يعني بيصير عندي نزول مفاجئ في المستوى المادي وهذا مخوفني قلت لهم بشتري التقاعد قالوا سني ما يسمح بالشراء..... فياريت اللي تقاعد يفيدني ويقول لي رايه وايش صار معاه بعد التقاعد.

احيانا تكون العلة ان الواحد لازم يجدد اسلوبه وطريقته في التعاطي مع مجريات العمل وهذا الشي بإمكانه يجدد نوعية وكمية العطاء والانجاز المطلوبين.

[بنت شرق]

السلام عليكم
حسب مشاركتج السابقة (قبل سنتين) أقترح تتقاعدين وتريحين نفسج وتهتمين بالعيال
وتبنين فيلا ثانية وتأجرينها
وإذا عندج وقت فراغ تقدرين تستغلينه بشغل نسائي فيه ربح.

نصايح ذكورية محضة ، اقعدي بالبيت ابرك

[وحيد-الشوق]

شي مايدخل العقل الا اذا عنده أسباب قوية طبعا

+1

شلون اذا ماعنده بزنس يصرف ويعيش وغير هذا قعدة البيت ملل الانسان محتاج يشغل نفسه سواء شعل أو دراسة والخ

[بانغ بانغ]

انصحك غيري شغلك بعد فترة

انا عن نفسي غيرت شغلي سبع مرات

بيئات جديدة وربع جدد وخبرات جديدة

ترى القعدة بالبيت مملة بعد فترة

او اشغلي نفسك ببزنس واخذي اجازة طويلة بدون راتب ...... مضمون انك ترجعين لو صكت معك

اموفقة

[بانغ بانغ]

+1

شلون اذا ماعنده بزنس يصرف ويعيش وغير هذا قعدة البيت ملل الانسان محتاج يشغل نفسه سواء شعل أو دراسة والخ

في شباب وارثين

[السيف5]

بعد عمل 19سنة

انصحك بالتقاعد والاتجاه لعمل تطوعي اذا حسيتي بالملل
والاستزادة من الامور الشرعية بحفظ القرآن الخ والعمل للآخرة اكثر

[مضارب دوسري]

واحد من الربع متقاعد وعمره 27 والحبيب ولا يفكر يرجع للدوام كلش كلش

ما عنده بزنس ولا شي

قاعد مع عياله ومشتري راحته

متقاعد عمره 27

اظن عنده خلل ما او شي
خصوصا انه عنده عيال وما عنده اي بزنس !!!!!

لان مستحيل راتب التقاعد يوفي البيت والعيال خصوصا انه اكيد اشتغل 6 او 7 سنوات فقط فاكيد راتبه بسيط


او ربما ام العيال موظفه وتساعده فالمصاريف

[مضارب دوسري]

رايي لصاحبة الموضوع

بعد قراءته
ومشاركة اخوي اضرب واشرد

توكلي على الله وتقاعدي والله يوفقج

[qatari 111]

تقاعدي افضل لج او خذي اجازة طويله من غير راتب مدة 4 شهور كتجربه ان حسيتي براحة البال وصار عندج امور تشغلج او فكره مثل تجارة فتقاعدي وان ما استفدتي شي او ماحسيتي بالراحه فواصلي عالشغل

[qatara]

النصيحه

جابلي بيتج وزوجج وعيالج وقومي بواجبهم الكامل ابرك لج

لانج ستسلين يوم الدين عن هذه الامانه الكبيره

[وحيد-الشوق]

في شباب وارثين

نعم صحيح يا بانغ بس هو كان يقول ماعنده بزنس ولاشيء يعني بس راتب التقاعد

[خالد_قطر]

أنا متقاعد من 5 شهور بعد 25 سنة خدمة السبب من التقاعد الظلم الي واجهته في الشغل ما علينا..
بس قبل لا أتقاعد كنت حاط في بالي إني بتقاعد قبل سنتين وسويت لي دخل ثاني يغطي نقص الراتب ولله الحمد..
يعني إذا الراتب بيكفيك أو عندك دخل ثاني أو تخصصك يسمح لك إنك ترجعين مرة ثانية لو تمللتي مثل تخصصي فأقول لك توكلي على الله.
أنا جاتني أكثر من وظيفة من تقاعدت ولا قدمت عليهم رغم إني ما عندي واسطة بس ربك يسخر عباده.

التقاعد يمكن يكون ملل بس حل أخير يلجأ إليه الموظف حتى يحافظ على صحته من ضغط الشغل والمسؤولين الغير أكفاء وملل الزحمة اليومية.،

[بوخالد911]

ولا ندم من استخار.

أنصحك بصلاة الاستخارة.

[الصايغة]

شكرا للجميع على ردودكم الطيبة ,,, وانا بالنسبة لي ما عندي شي محدد لو فكرت بالتقاعد بسويه بعدين بس انا اصلا ما القى وقت بالبيت فاضي عشان احس بالملل وقتي دايما مشغول مع العيال واذا
خلصت معاهم انا اشغل نفسي بهوايتي المفضلة ...الاشغال اليدوية اللي اعشقها من لما كنت صغيرة والقراءة فما احاتي وقت فراغ امر فيه,,,, بس احس ان العيال بدو يكبرون ومحتاجين قعدتي في البيت واكيد
فما شي يعدل التفرغ للاولاد لا فلوس ولا غيره

[راجي الْعفو]

شكرا للجميع على ردودكم الطيبة ,,, وانا بالنسبة لي ما عندي شي محدد لو فكرت بالتقاعد بسويه بعدين بس انا اصلا ما القى وقت بالبيت فاضي عشان احس بالملل وقتي دايما مشغول مع العيال واذا
خلصت معاهم انا اشغل نفسي بهوايتي المفضلة ...الاشغال اليدوية اللي اعشقها من لما كنت صغيرة والقراءة فما احاتي وقت فراغ امر فيه,,,, بس احس ان العيال بدو يكبرون ومحتاجين قعدتي في البيت واكيد
فما شي يعدل التفرغ للاولاد لا فلوس ولا غيره

كلام يرفع له العقال ..
اشكرج..


ليت الناس تعتبر ..


نِعم الرأي اللي بتاخذينه ..

موفقه

[بوحارب]

شي مايدخل العقل الا اذا عنده أسباب قوية طبعا
يدش العقل ونص

كان مريض وتعالج وصار بخير بفضل الله
وقدم على تقاعد ووافقوا عليه



+1

شلون اذا ماعنده بزنس يصرف ويعيش وغير هذا قعدة البيت ملل الانسان محتاج يشغل نفسه سواء شعل أو دراسة والخ
راتبه التقاعدي جيد

والأخ مفتل اخر افتلال قومه اخر الصبح يدق سلف يروح يتقهوى
ولا يروح يفطر مع زوجتة

وفي الليل سهر على راحته

المهم ارجال مستانس :)

[بوحارب]

متقاعد عمره 27

اظن عنده خلل ما او شي
خصوصا انه عنده عيال وما عنده اي بزنس !!!!!

لان مستحيل راتب التقاعد يوفي البيت والعيال خصوصا انه اكيد اشتغل 6 او 7 سنوات فقط فاكيد راتبه بسيط


او ربما ام العيال موظفه وتساعده فالمصاريف


ماتشتغل ام عياله

المهم نرجع لصاحبة الموضوع

نصيحة تقاعدي وامورج طيبة ترى الرزق والراحة مب في الوظيفة

[مـراحـب]

واحد من الربع متقاعد وعمره 27 والحبيب ولا يفكر يرجع للدوام كلش كلش

ما عنده بزنس ولا شي

قاعد مع عياله ومشتري راحته

كأنه ، ، ، ، ، ، ، ، ،

هههههههههههههه

[بونواف78]

والله اختي انتي اذا تقدرين تتنازلين عن نص الراتب
وماراح يأثر فتوكلي على الله
بيتج محتاج لج
وحاولي تسوين لج دخل ثاني علشان ماتحسين بالفرق

[الامير]

اختي اشتري ايعيالج وبيتج ولو علي ماخليج تشتغلين والله .....للاسف العمل مش للنساء

[ضوى]

دام تقولين عيالج وبيتج شاغلينج طول الوقت وجهي اهتمامج ووقتج لهم يعني استثمري وقتج فيهم طالما انتي مالج رغبة بالعمل اطلاقاً ولا عندج مشكلة بالفراغ ولا الوضع المادي ، توكلي على الله

[MaRuKoO]

توكلي على الله اذا قعدة البيت ما تضايقج

والله الوحده ودها تتقاعد وهي ما كملت سنه من ظلم بعض المدراء والله لولا الحاجه ما اشتغلنا وهم يزيدون علينا الوضع سوء بالظلم والمذله :(
يالله متى نخلص ونتقاعد ونتفك :weeping:

[<اضرب واشرد>]

والله لولا الحاجه ما اشتغلنا


تصريح صريح

[Qt.1]

والله دام راحتج في بيتج توكلي على الله عن نفسي ضد عمل المراه الاا لااسباب وظروف خاصه ولكن كل انسان ادرى بظروفه ولااتنسين الااستخاره اهم شي ,,

[CH Engineer]

اذا وصلتي لهالحاله
خذي اجازه طويله ( فضي الرصيد)
وإذا ماكفت صكي اجازه شهرين بلا راتب


فكري وأستخيري،،، اشتغلي بروضة او بمكان ساعات العمل فيه قليلة وبيئة نسائية تساعدج انج تختلطين معاهم

مرات القعده مع الناس والسوالف تخفف ضغوطات الحياه وتكسبج خبره فوق خبرتج

[بنت شرق]

تصريح صريح

يثني عليه المحاور الاقتصادي المؤمن