عندي مبلغ 3,600,000 ريال ، شنو المشروع؟

[نايم سهران]

السلام عليكم ورحمة الله وبركاته ،،

اخواني الله يجزاكم الخير ،، عندي مبلغ 3 مليون و 600 ألف ريال حاب اشغله في التجاره مثل مشروع معين أو فكره جديده تكون مربحه ،،

ممكن أحد يفيدنا شنو المشاريع المربحه وبعائد لا يقل من 15% - 20% سنويا ؟؟

ارجو احد يفيدنا وجزاكم الله خير

[المهندس عبدالعزيز]

عليكم السلام ورحمة الله وبركاته

مشاريع كثيرة، اهم شي خبرتك في المجال والوقت اللي عندك، فاذا كنت طبيب فمشروع عيادة مشروع ناجح واذا كنت مهندس شركة مقاولات وهلم جرا

اهم شي يكون عندك خبرة في المجال اللي تبي تستثمر فيه، اهم شي تسوي دراسة جدوى وتقدمها لبنك التنمية علشان يراجعها لك ويتأكد لك ان المشروع ناجح

[شموخ دائم]

,

,

مرحبا


اخوي الكريم

الله يبارك لك في حلالك ومالك ويرزقك الرزق الحلال
ويبعد عنك عيال الحرام


الاوضاع الحاليه من هبوط اسعار البترول وتخفيض الميزانيات واختصار بعض المشاريع في الدوله
والقوانين الصارمه على الشركات من تحويل رواتب العمال والروتين في البنوك الى سكن العمال المرتفع من ايجارات وخلافه
وتشديد على العاملين من شروط السلامه الى شروط الاطفاء على مقرات الشركات والسكن
الاوضاع لك عليها هذي الايام ما تشجع

واذا لك فلوس عند شركه ما تعرف تجيبها وشيكاتهم ترجع واذا اشتغلت مع احد ما تشوف الربح الا على الورق

وهذي الحقيقه عن وضع السوق
لاحد يقولك الاوضاع طيبه وكل شي تمام
لا والله ماهي تمام على صاحب أي شركه
:)

لو انا مكانك احط هذا المبلغ في ( عقار ) هذا انسب مكان الان لهذا المبلغ
ولو كان العائد بسيط لكن افضل من يضيع في تجاره غير مضمونه

بالتوفيق لك


,

[Diamond]

عائد 20% كبير مب بسيط .. في مشاريع تجيب عالعائد بس يبيلها وقت ومجهود... يعني انت قاعد تكلم عن 720 الف فالسنه .. اذا عندك وقت وعزومك قويه توجه عالمشاريع الصناعيه.. دعم قوي وتشجيع مب طبيعي في المجال الصناعي .. انا حضرت دوره عند بنك التنميه صراحه وكلمة الحق تنقال يتمنون قطري يدخل عليهم يقولهم ابي مشروع صناعي... اراضي وزعوا بالهبل واعرف ناس وايد خذوا اراضي صناعيه من مناطق بدون واسطه..

وعليك بصناعة الاغذيه عالية الخطوره وعالية الربح

[نايم سهران]

عليكم السلام ورحمة الله وبركاته

مشاريع كثيرة، اهم شي خبرتك في المجال والوقت اللي عندك، فاذا كنت طبيب فمشروع عيادة مشروع ناجح واذا كنت مهندس شركة مقاولات وهلم جرا

اهم شي يكون عندك خبرة في المجال اللي تبي تستثمر فيه، اهم شي تسوي دراسة جدوى وتقدمها لبنك التنمية علشان يراجعها لك ويتأكد لك ان المشروع ناجح

جزاك الله خير ومشكور على المعلومه

[نايم سهران]

,

,

مرحبا


اخوي الكريم

الله يبارك لك في حلالك ومالك ويرزقك الرزق الحلال
ويبعد عنك عيال الحرام


الاوضاع الحاليه من هبوط اسعار البترول وتخفيض الميزانيات واختصار بعض المشاريع في الدوله
والقوانين الصارمه على الشركات من تحويل رواتب العمال والروتين في البنوك الى سكن العمال المرتفع من ايجارات وخلافه
وتشديد على العاملين من شروط السلامه الى شروط الاطفاء على مقرات الشركات والسكن
الاوضاع لك عليها هذي الايام ما تشجع

واذا لك فلوس عند شركه ما تعرف تجيبها وشيكاتهم ترجع واذا اشتغلت مع احد ما تشوف الربح الا على الورق

وهذي الحقيقه عن وضع السوق
لاحد يقولك الاوضاع طيبه وكل شي تمام
لا والله ماهي تمام على صاحب أي شركه
:)

لو انا مكانك احط هذا المبلغ في ( عقار ) هذا انسب مكان الان لهذا المبلغ
ولو كان العائد بسيط لكن افضل من يضيع في تجاره غير مضمونه

بالتوفيق لك


,

جزاك الله خير يا خوي شموخ ، انت دائما ردودك تكون ردود شامله وكافيه ،

وكلامك صحيح 100% المشكله الاوضاع الحاليه تشكل عائق بالنسبه للكثير والكل يتمنى تحسين الاوضاع وارتفاع اسعار النفط ،،

وبالنسبه للبنوك صحيح في تشديد بشكل غير طبيعي وانا زرت أكثر من بنك الاوضاع اختلفت عن السابق ،،

بالنسبه للعقار هو في راسي لكن مشكلة العقارات الي عندنا في ظل الازمه الحاليه الاسعار ثابته وكثير الي يبغي يبيع لكن مافي شراي ، المعروض اكثر من المطلوب

وتسلم ع النصايح المهمه عسى الله يوفقك ماقصرت

[نايم سهران]

عائد 20% كبير مب بسيط .. في مشاريع تجيب عالعائد بس يبيلها وقت ومجهود... يعني انت قاعد تكلم عن 720 الف فالسنه .. اذا عندك وقت وعزومك قويه توجه عالمشاريع الصناعيه.. دعم قوي وتشجيع مب طبيعي في المجال الصناعي .. انا حضرت دوره عند بنك التنميه صراحه وكلمة الحق تنقال يتمنون قطري يدخل عليهم يقولهم ابي مشروع صناعي... اراضي وزعوا بالهبل واعرف ناس وايد خذوا اراضي صناعيه من مناطق بدون واسطه..

وعليك بصناعة الاغذيه عالية الخطوره وعالية الربح

والله ياخوي 20% لا كبير ولا شي ، بقولك شي انت لو تفكر في التجاره الالكترونيه ، مثل فتح موقع تجاري او غيره العائد يكون فوق حتى ال 30% و 40%
بعطيك فكره بسيطه ، عندك موقع طلبات حق صاحبه الكويتي بكم انباع قبل كم شهر ؟ انباع ب 170 مليون دولار ،، والحسبه عندك ،

انا ما اقصد في يوم وليله بس يبغي لك مجهود ووقت ،،

المجال الصناعي لاشك من أفضل المجالات لكن مش اي واحد يقدر عليه يبغي له بلاوي

تسلم وما تقصر ع النصيحه جزاك الله خير

[mr.shawki]

السلام عليكم
افضل مشروع لك هنا بقطر
اشتري 2 فيلا بمناطق الخريطيات الغرافة - الدحيل - ازغوي - الخيسه
وماشاء الله الايجارات طالعه كل يوم نسمع اسعار وقسم الفيلا شقق وغرف سكنية
تحصلك بالشهر مش اقل من 16000 ريال
مااظن فى بنك يعطيك الفوائد دي بالشهر

والله يحفظ مالك واحترس من الطماعين وما اكثرهم

[بوخميس]

السلام عليكم
افضل مشروع لك هنا بقطر
اشتري 2 فيلا بمناطق الخريطيات الغرافة - الدحيل - ازغوي - الخيسه
وماشاء الله الايجارات طالعه كل يوم نسمع اسعار وقسم الفيلا شقق وغرف سكنية
تحصلك بالشهر مش اقل من 16000 ريال
مااظن فى بنك يعطيك الفوائد دي بالشهر

والله يحفظ مالك واحترس من الطماعين وما اكثرهم

هذي طريقة النصابين

هذا العمل مخالف للقانووووووووووووووون

[عندليب قطر]

تبي نصيحة خل افلوسك توفير في الريان وسجل في محلات مشيرب قد ماتقدر انت والعائلة ويوم يتم افتتاح المحلات بتكون المشاريع كثيرة

[tameem1]

هناك ابوب كثيرة للاستثمار
ممكن يكون العائد اكثر من 60 او 100 في المائة
اهم شي النية الطيبة

[معماري قطري]

حط فلوسك في سلة أسهم واختارها بعناية وانسى فترة .. وسلة الأسهم تقدر تبيع سهم رابح فيه لو احتجت

عندك صناعات وأُريدو قريبين من سعر الإكتتاب .. وعندك مصرف الريان وبنك الأول للاستثمار .. الدولي سعره مناسب .. ودام نتائجها مشجعة ومقبلة على إرتفاع بإذن الله .. مزايا وبروة والمتحدة اشوف أسعارهم مغرية ومردودهم جيد .. حتى الإجارة الخسرانة والطبية مب غلط تحط فيهم مبلغ بسيط

توزيع المحفظة مهم ولا تنسى سوقنا نازل واحتمال ينزل أكثر وخل شراؤك على دفعات

[معماري قطري]

أحد الأشخاص نصحني بوقود وخذ كمية على 80 ريال في بدايات ارتفاعه ووصل قريب 400 ووزع مجاني كثير غير عن حدود 10 ريالات كاش .. ال 10 ريالات على سعر 80 ريال تساوي 12.5%

سعره وسعر مسيعيد مناسب أيضاً

[captin]

مرحبا اخوي الكريم

الله يزيدك من نعيمه ويوفقك لك .

احنا القطريين مكتوب علينا نمارس نوعين من التجارة فقط
وهما تجارة العقار وتجارة الاسهم إما باقي انواع التجارة بكافة انواعها واحجامها
لفئة معينة من الناس وللوافدين بكافة جنسياتهم وحتى الاسهم فيها عنصر مخاطرة اعلى بكثير من العقارات .

اللي يتكلم عن تجارة وبزنس في قطر خله ينزل يشوف اوضاع السوق والعوائق والمشاكل
العوائق حكومية بالدرجة الاولى تبتدي من اجراءات روتينية عقيمة بكل مكان سواء في بداية استخراج السجل التجاري
مرورا برخصة البلدية وموافقات الدفاع المدني واصدار قيد منشأة وانتهاء بالطامة الكبرى لجنة الاستقدام بالعمل وطريقة منح الجنسيات والتاشيرات .
هذه كله عذاب في عذاب وحرق أعصاب وتضييع وقت وجهد ومال .

اذا جينا حق المشاكل في السوق فهي كثيرة لاتعد ولاتحصى ومنها أكبر مشكلة صعوبة تحصيل المدفوعات ومراكض مراكز الشرطة والمحاكم
المبالغة في اشتراطات العمل من حيث اجراءات صرف الرواتب والسكن والتفتيش العمالي وكثير من الاحيان حظر على الشخص صاحب النشاط
ومعاملاته بدون ذنب مباشر منه.

اللي عنده خبرة تجارة ويبي ينجح او حتي يمارس تجارة احسن له يروح يفتح في دبي خلال اسبوع تكون رخصك جاهزة وعندك خمسين تأشيرة من الجنسية اللي تبيها .

. واذا الواحد حاب يسوي شي في قطر يتجه للعقار يشتري ارض ويبني عليها عقار يبيعه او يأجره . أو يشتري بعض الاسهم ذات العوائد القوية وينتظر الارباح أخر السنة
والله الموفق

شوف هذا العرض اللي في الرابط ربما يكون مناسب لك .

http://www.qatarshares.com/vb/showthread.php?619713-للاستثمارالجيد-للبيع-فيلتين-متلاصقتين-في-الوكرة
.

[بوحارب]

كابتن كلامك صحيح ويلامس الواقع :(


اخوي انصحك تشتري ارض الأسعار نازلة وممكن تنزل أكثر


وتبني عليها فيلا او فيلتين وتبيع او تأجر

تجارة حلوة ومربحه ومافيها عوار راس

[mr.shawki]

هذي طريقة النصابين

هذا العمل مخالف للقانووووووووووووووون

يعطيك العافيه بو خميس
ماقصرت تسب بالناس اصلك طيب

[بوخالد911]

لو مكانك
اشتر فيلتين مستعملة
وأأجرهم

والله يزيدك من فضله.

[مضارب دوسري]

حطهم فالبنك كم شهر وعقب اقفزززز

[مضارب دوسري]

وابعععععد عن العقار العرض وايد والطلب اقل بكثييييير
يعني ممكن تشتري فيلا وعقب فتره تشوف سعرها طاح طيحه
صحيح حتى لو طاحبيرتفع بس الافضل تشتري باسعار اققل

[وحيد-الشوق]

السلام عليكم
افضل مشروع لك هنا بقطر
اشتري 2 فيلا بمناطق الخريطيات الغرافة - الدحيل - ازغوي - الخيسه
وماشاء الله الايجارات طالعه كل يوم نسمع اسعار وقسم الفيلا شقق وغرف سكنية
تحصلك بالشهر مش اقل من 16000 ريال
مااظن فى بنك يعطيك الفوائد دي بالشهر

والله يحفظ مالك واحترس من الطماعين وما اكثرهم


هذي طريقة النصابين

هذا العمل مخالف للقانووووووووووووووون

ههههههههه الحبيب شكله راعي تقسيم شر البلية مايضحك

[Saoud_]

امس في الرايه كان في اعلان عن استثمار في شقق فندقيه والربح مضمون 20 بالميه اول سنتين او 3 سنين

[جارح]

ههههههههه الحبيب شكله راعي تقسيم شر البلية مايضحك

ههههههههه
استعجلتوا الله يهداكم لو صبرتوا شوي ولا سألتوا وين هالفلتين كان قالكم موجودة وجاهزة للبيع ومستعدين نخلصها لك كماااان ياباشا

[sweet qatar]

عليكم السلام و رحمة الله


اخوي تابع بنك التنمية ، عندهم أنشطة للتعريف بالفرص الموجودة في السوق القطري

و تعرف على خدماتهم لرواد الاعمال

شوف لك مشروع في المجال الصناعي او الغذائي

والله يوفقك

[cawader]

اذا تبي تستثمر خارج دول الخليج .. عندي لك مستشفى للعلاج الطبيعي للمعاقيين وزبائنه من المعاقين ( الله يشفيهم ) .. تنويم وعلاج وتدريب ( مصحه )

لماذا خارج دول الخليج
الايجار رخيص ( ممكن تشترى المبنى )
الموظفيين اسعارهم رخيصة جدا ماتتعدى 500 ريال
الخدمات لرخيصة
والدخل عالى
ممكن ان تخصص بعض الاسرة للعمل الخيري فالتكلفة بسيطة

95% من الزبائن من دول الخليج


ايضا مجزرة ( مسلخ اغنام وابقار وجمال ) خارج دول الخليج ويصدر اللحوم لدول الخليج .. خلال 2 سنتيين يرجع راس المال ان شاء الله
الاغنام اسعارها لاتتعدى 130 ريال
ورواتب العمال فى الشهر تصور حوالى 150 ريال !!!

ممكن بهذا المشروع ايضا ان تدعم المشاريع والجهات الخيرية

يعنى الفترة المسائية مجانا خيري للجمعيات الخيرية ومن بيع الجلود تغطى نفقات العمال والنظافة

للاتصال 5664637/////0096653 شيل الفواصل من الرقم تكرما

[بنت شرق]

مرحبا اخوي الكريم

الله يزيدك من نعيمه ويوفقك لك .

احنا القطريين مكتوب علينا نمارس نوعين من التجارة فقط
وهما تجارة العقار وتجارة الاسهم إما باقي انواع التجارة بكافة انواعها واحجامها
لفئة معينة من الناس وللوافدين بكافة جنسياتهم وحتى الاسهم فيها عنصر مخاطرة اعلى بكثير من العقارات .

اللي يتكلم عن تجارة وبزنس في قطر خله ينزل يشوف اوضاع السوق والعوائق والمشاكل
العوائق حكومية بالدرجة الاولى تبتدي من اجراءات روتينية عقيمة بكل مكان سواء في بداية استخراج السجل التجاري
مرورا برخصة البلدية وموافقات الدفاع المدني واصدار قيد منشأة وانتهاء بالطامة الكبرى لجنة الاستقدام بالعمل وطريقة منح الجنسيات والتاشيرات .
هذه كله عذاب في عذاب وحرق أعصاب وتضييع وقت وجهد ومال .

اذا جينا حق المشاكل في السوق فهي كثيرة لاتعد ولاتحصى ومنها أكبر مشكلة صعوبة تحصيل المدفوعات ومراكض مراكز الشرطة والمحاكم
المبالغة في اشتراطات العمل من حيث اجراءات صرف الرواتب والسكن والتفتيش العمالي وكثير من الاحيان حظر على الشخص صاحب النشاط
ومعاملاته بدون ذنب مباشر منه.

اللي عنده خبرة تجارة ويبي ينجح او حتي يمارس تجارة احسن له يروح يفتح في دبي خلال اسبوع تكون رخصك جاهزة وعندك خمسين تأشيرة من الجنسية اللي تبيها .

. واذا الواحد حاب يسوي شي في قطر يتجه للعقار يشتري ارض ويبني عليها عقار يبيعه او يأجره . أو يشتري بعض الاسهم ذات العوائد القوية وينتظر الارباح أخر السنة
والله الموفق

شوف هذا العرض اللي في الرابط ربما يكون مناسب لك .

http://www.qatarshares.com/vb/showthread.php?619713-للاستثمارالجيد-للبيع-فيلتين-متلاصقتين-في-الوكرة
.

خوش رد أنا مع هذا الاقتراح افتح لك تجارة خارج قطر إذا لك فيها وعندك ناس خبرة يديرونها ، الامارات والسعودية الأفضل والايجارات ارخص و12 ألف بالسنة وتدفع كل 3 أشهر وميزة السعودية رافعين شي اسمه وكاله وانشاء الصناعات ارخص لوجود المدن الحرة والسعوديون كما سمعنا منهم الدولة تساهم معهم في دفع رواتب العمال لتعزيز قاعدتهم الصناعية

[سالم الزهران]

تعليق على مشاركة الاخت بنت شرق ، الحقيقة ان التجارة لها إكسير معين غير رأس المال

و بصراحة اغلب الناس عوام و لا لنا بالتجارة و لذلك تعلم الهنود بفلوسنا و على الانسان الا يقتحم اي مجال

الا اذا كان لديه خلفية ( حديثة ) فيه ، وعموماً ابواب الرزق كثيرة والله يفتح لنا ولكم ابواب الرزق الحلال .

[بنت شرق]

تعليق على مشاركة الاخت بنت شرق ، الحقيقة ان التجارة لها إكسير معين غير رأس المال

و بصراحة اغلب الناس عوام و لا لنا بالتجارة و لذلك تعلم الهنود بفلوسنا و على الانسان الا يقتحم اي مجال

الا اذا كان لديه خلفية ( حديثة ) فيه ، وعموماً ابواب الرزق كثيرة والله يفتح لنا ولكم ابواب الرزق الحلال .

أبو احدى صديقاتي كل تجارته بالسعودية واهو قطري يقولون أفضل في الايجارات والسوق كبير ويستوعب طبعا هو له اقرباء ومعارف يساعدونه هناك

[سالم الزهران]

ما فيها شيء ياليت ما يدش اسواقنا الا اهل الخليج كان على قول المثل ،، مال عند اهله

لكن ربعنا يموتون في شيء اسمه لبنان و الاخيرين يؤمنون ايمان عميق في الرشوة والسرقة والفساد

تفكيرهم تفكير مافيا ،، وتو رعنا ينتبهون بعد ما فات الفوت

[فارس قطر]

مزرعة دواجن في الأحساء او مصنع ماء صحة وأشركه منظفات صحيه وبلاستيكية وتصدير لقطر فقط ملاحظة ......... حتكسب ذهب من واقع تجارب الأصدقاء

[mr.shawki]

ههههههههه
استعجلتوا الله يهداكم لو صبرتوا شوي ولا سألتوا وين هالفلتين كان قالكم موجودة وجاهزة للبيع ومستعدين نخلصها لك كماااان ياباشا

ياحبيبي لو صبرت هايطول انتظارك وشكلك مالك بالصبر نصيب
انا لا سمسار ولا غيره بس اقترح مشروع له واقرء كويس قبل ماترد
حاجه غريبه

[CH Engineer]

خلك على تجارة الطيبين
معصره تكلفك 300 الف ريال ( شامل الديكور والإيجارات ومصاريف اول شهرين)
ربح شهري 5000 ريال
سنوي 60000 الف ريال ( 20%)
كل يوم مر علىً معصره واشربلك عصاير وسولف مع الهندي وشوف اذا يبي يفتح معصره جديده
مايبي روح معصره ثانيه وعلى هالحال
الا وتحصلك واحد ولا اثنين يحلمون يفتحون شي خاص فيهم ومفكرين بكل شي حتى المكان


حلاق رجالي
يكلفك ديكور وإيجار ومصاريف شهرين 70 الف ريال
اطلب 3000 شهريا
36000 الف سنويا (50%)
كل أسبوع حلق لك عند حلاق جديد واختار الوقت المناسب وسولف معاه وهو يحلق لك وخل رقمك عنده وقوله اي واحد يبي يفتح حلاق خله يكلمني

عاد الله يعينك البعض بيحاول يضرب ضربته بالفيز والبعض بيحاول يضرب عليك بتكاليف الديكور
محل يكلفك 100 الف يقولك كلفني 200 الف وبالفواتير وبعدها اشتغل المحل اشتغل ماشتغل هو ضرب ضربته

بالتوفيق وخلك صبور ولا تقول 3000 ماتسوى شي لانها بتفتح لك الباب للتجاره

[يا رب سترك]

اصبر شويه فلوسك في جيبك في هذا الوقت أفضل الي أن تتضح الرؤيا والله اعلم

[BoTamem]

اخوي طرشلي ايميلك بطرشلك 5 دراسات ممكن تستفيد منهم سبقت وسويت عند مكتب وما صار نصيب

[sweet qatar]

مع كل الدعم الي حطته الدولة لتشجيع الصناعه والتجارة في قطر

استغرب من المشاريع الي طرحوها الاخوان


لو هذي حدود طموحاتكم عيل مافي احسن من انك تشتري لنج وتبيع سمج

مع متابعة الهنود بتدخل مدخول اسبوعي محترررررم :)

[Diamond]

مع كل الدعم الي حطته الدولة لتشجيع الصناعه والتجارة في قطر

استغرب من المشاريع الي طرحوها الاخوان


لو هذي حدود طموحاتكم عيل مافي احسن من انك تشتري لنج وتبيع سمج

مع متابعة الهنود بتدخل مدخول اسبوعي محترررررم :)

يطلعون ذهب من ورى السمج والربيان... بس ان اشوف الانسان البسيط اللي ماعنده واسطه ولا هامور عزيز عليه يخلص له اموره .. يبعد عن الصناعه ... وكلام CH Eng حلو للي يبي يريح راسه بس ما تكون معصره عاديه لانها خلاص ما تمشي.. معصره متطوره شوي مع مشروبات مونيون وكرك وسويتات خفيفه...وراح تدخل اكثر بوااايد ...

[بوحمد1]

خش فلوسك الوضع متأرجح او خلها في بنك بروه في حساب فسيل لغاية الفرصة المناسبه وترى عندهم ارباح شهريه من اثنين ونص او اثنين

الله يوفق الجميع

[الاسطوره]

ادخل الاسهم ولكن شركه تكون ربحانه وتوزع ارباح عدله كل سنة

[sweet qatar]

يطلعون ذهب من ورى السمج والربيان... بس ان اشوف الانسان البسيط اللي ماعنده واسطه ولا هامور عزيز عليه يخلص له اموره .. يبعد عن الصناعه ... وكلام CH Eng حلو للي يبي يريح راسه بس ما تكون معصره عاديه لانها خلاص ما تمشي.. معصره متطوره شوي مع مشروبات مونيون وكرك وسويتات خفيفه...وراح تدخل اكثر بوااايد ...



عارفة التخوف الموجود من مجال الصناعة

لكن هذا القطاع صاحب المدخول الاكبر و الاستمرارية ، وحاليا في دعم كبير من الدولة اقصد فيها مبادرات بنك التنمية الي شفتها وشفت الي استفادوا منها




خش فلوسك الوضع متأرجح او خلها في بنك بروه في حساب فسيل لغاية الفرصة المناسبه وترى عندهم ارباح شهريه من اثنين ونص او اثنين

الله يوفق الجميع


بالعكس ، السوق مليان فرص لكن يبيله قلب قوي :victory:

[eXpert*]

المبلغ اللي تتكلم عنه يسوي لك أحلى مشروع مطعم أو مقهى ..

من الدراسة الى يوم الافتتاح ..

اذا تبي الربح خلك في التجارة واذا تبي ضمان راس المال خلك في العقار .

والاصح انك تتاجر وتحفظ أرباحك في العقار ..

[Engineer]

,

,

مرحبا


اخوي الكريم

الله يبارك لك في حلالك ومالك ويرزقك الرزق الحلال
ويبعد عنك عيال الحرام


الاوضاع الحاليه من هبوط اسعار البترول وتخفيض الميزانيات واختصار بعض المشاريع في الدوله
والقوانين الصارمه على الشركات من تحويل رواتب العمال والروتين في البنوك الى سكن العمال المرتفع من ايجارات وخلافه
وتشديد على العاملين من شروط السلامه الى شروط الاطفاء على مقرات الشركات والسكن
الاوضاع لك عليها هذي الايام ما تشجع

واذا لك فلوس عند شركه ما تعرف تجيبها وشيكاتهم ترجع واذا اشتغلت مع احد ما تشوف الربح الا على الورق

وهذي الحقيقه عن وضع السوق
لاحد يقولك الاوضاع طيبه وكل شي تمام
لا والله ماهي تمام على صاحب أي شركه
:)

لو انا مكانك احط هذا المبلغ في ( عقار ) هذا انسب مكان الان لهذا المبلغ
ولو كان العائد بسيط لكن افضل من يضيع في تجاره غير مضمونه

بالتوفيق لك


,
كلام سليم 100%

[الدبلوماسي]

عندك الصكوك الاستثماريه زينه توصل فوائدها لين 6 ونص وبعضها 7 ربطها سنوي وتقدر تسحبها نهايه السنه ورأس مالك محفوظ اقل مبلغ تدخل فيه 200 الف دولار عن طريق البنوك تشتري طروحات الصكوك العالميه

[معماري قطري]

عندك الصكوك الاستثماريه زينه توصل فوائدها لين 6 ونص وبعضها 7 ربطها سنوي وتقدر تسحبها نهايه السنه ورأس مالك محفوظ اقل مبلغ تدخل فيه 200 الف دولار عن طريق البنوك تشتري طروحات الصكوك العالميه

البنوك الاسلامية ترتب مثل هذي الصكوك؟

[زقرتي ومزاجي]

وازن مابين الأسهم والعقار والمشاريع البسيطة

[زقرتي ومزاجي]

2500000 عقار
500000 اسهم
500000 مشروع بسيط

وريح نفسك

[الاسطوره]

2500000 عقار
500000 اسهم
500000 مشروع بسيط

وريح نفسك


فكرتن منتازة

[الدبلوماسي]

البنوك الاسلامية ترتب مثل هذي الصكوك؟

اي نعم ترتب هذي الخدمات مثل مصرف قطر الاسلامي فرع التميز

[مجوهرات]

أخذ لك عقار أفضل مثل شقتين وأجرهم أو عمارة صغيرة وأجرها أفضل شي بالتوفيق :nice:




***********@

[Hamza R]

اخوي تواصل معاي ع الايميل :

Rustom3@hotmail.com

عندي مشروع للبيع ب 12 الف ريال وارباحه حلوة
يعني ممكن تشتريه بهالمبلغ البسيط وما يأثر على باقي ميزانيتك انك تبدا فيها مشاريع اكبر 👍🏻

[معماري قطري]

أخذ لك عقار أفضل مثل شقتين وأجرهم أو عمارة صغيرة وأجرها أفضل شي بالتوفيق :nice:




***********@

عمارة صغيرة ب 3.5 مليون بادفع ضعفها بس وينها

[معماري قطري]

اي نعم ترتب هذي الخدمات مثل مصرف قطر الاسلامي فرع التميز

ما قصرت على الرد الله يوفقنا وياك

[رجل تعليم]

ضيعة فلاحية في المغرب تعتبر مشروعا رائدا بامتياز

[saeed2005]

رأس المال لا يكفي دون وجود الخبرة لا تدخل أي مجال لا تملك الخبرة الكافية فيه

[الكفــــــو]

يقولون الشيبان العقار و لد بار

خذ لك فيلا في حدود 2.300.000 والباقي أسهم

[الوطنيه]

تبي نصيحة خل افلوسك توفير في الريان وسجل في محلات مشيرب قد ماتقدر انت والعائلة ويوم يتم افتتاح المحلات بتكون المشاريع كثيرة
اشلون نسجل في محلات مشيرب ؟؟؟؟؟