استفسار عن جودة مصاعد فوجي

[بوسعود (USA)]

السلام عليكم ورحمة الله

حبيت استفسر عن جودة مصاعد فوجي وهل حد عنده فالبيت وكيف استخدامه؟
انا عندي اوفرين حاليا من فوجي ومن متسوبيشي
بس متسوبيشي غالي شوي فرق 50 الف
وفوجي عطوني مصعد 6 اشخاص وديزايناتهم اشوفها حلوه

لاتبخلون علينا بمساعدتكم
وجزاكم الله خير

[معماري قطري]

عليكم السلام ورحمة الله وبركاته

متسوبيشي عقودهم معقدة مثل اللي يديرون الشركة .. وفوجي اعتقد عند المفتاح .. شوف موضوع المصاعد فوق مثبت فيه نقاش طويل عنهم

انا جربت متسوبيشي لعمارتين ولبيت اخوي أما لي مسوي درج بارتفاع 14 سم للعتبة مريح جداً ونسوي شوية رياضة

[وحيد-الشوق]

وعليكم السلام ورحمة الله وبركاته

اي فوجي المفتاح ؟

ميتسوبيشي غالي بس يقولون جوده انا ماوقعت معاهم بسبب الاضافات البسيطه الي رفعت سعر المصعد وايد

انا مريت على اغلب شركات المصاعد فوجي المفتاح وفوجي صيني من شركة راما وميتسوبيشي وتايسين كروب

ارتحت لكوني صراحه مع العلم متأخرين شهر ونص حالياً عن موعد وصول المصعد بس مب مشكله لأنه قدامي مشوار طويل شوي

[Almuraikhi]

السلام عليكم ورحمة الله

حبيت استفسر عن جودة مصاعد فوجي وهل حد عنده فالبيت وكيف استخدامه؟
انا عندي اوفرين حاليا من فوجي ومن متسوبيشي
بس متسوبيشي غالي شوي فرق 50 الف
وفوجي عطوني مصعد 6 اشخاص وديزايناتهم اشوفها حلوه

لاتبخلون علينا بمساعدتكم
وجزاكم الله خير
أنا بتعاقد مع فوجي المفتاح دفعات مريحة وجوده وإذا بغيت اجرب اللفت موجود في اللولو الغرافة اول ماتدخل اللولو تلاقيه ع اليسار والعالم تستخدمه يومين شوف شلون حركته ممتاز أنا اشوف

[(عبدالله)]

أنا تعاقدت وركبت مع شركة المفتاح مصعد فوجي عندي في البيت

المصعد زين ويلبي حاجة البيت

الشي الزين فيهم يقسطون لك المبلغ وممكن تدفع بالكرديت كارد بعد.. عندهم مرونة

كذلك متعاونين .. عطوني رسومات المصعد والمتطلبات حتى قبل لا أتعاقد معاهم


الشي السيئ اللي صار معاي: أثناء التنفيذ + ما بعد التركيب

أثناء التنفيذ (1) ركبوا صندوق التحكم في طابق البينت هاوس والصندوق حجمه كبير ومنظره مشوه للمكان ماقاولا لي عنه منقبل ولا كان سويت له فريم في الطوفة أو مكان في زاوية الغرفة.

(2) بعد ماركبوا المصعد جبت شركة رخام عشان يلبسون لي فريم مدخل المصعد.. اكتشفت إن شركة المفتاح نسوا يركبون لي فريم الباب المعدني.. وتموا يلعوزوني وتأخروا علي لين جابوا طلب من الصين مع الحنة والرنة.

بعد التركيب:

سيئين جداً ..

(1) المفروض كل شهر يسوون سيرفيس .. أول 3 شهور ما جاو ولا سووا شي مع اني كلمتهم كذا مرة.

(2) أثناء الفحص الشهري اكتشفوا إن باب ميكانيكية باب المصعد خربان .. تميت أراكض وراهم 3 شهور بالاتصالات والشد لين بدلوا صلحوا العطل.

(3) مواعيدهم وتواصلهم جداً جداً جداً سيئة... يتصلون فيك فجأة ويقولون لك بعد ساعة بنكون عندك!! واذا أجلت الموعد يمنون عليك يقولون لك احنا جيناك انت اللي رفضت وخاصة مدير الصيانة المصري مالهم اسمه ممدوح يحسب بيوت الناس حدائق مفتوحة يدخلونها ويطلعون منها على كيفيهم. في أحسن الأحوال عادي يعطونك موعد ويتأخرون عليك ساعة ساعتين!! وانت تنتظرهم وعندك مواعيد ثانية.

(4) أذا عندك موعد معاهم لازم تتفرغ لهم يوم كامل ما تدري متى يجونك مع مدة السرفيس كلها على بعضها نص ساعة!!.. بيقولون لك عندنا شغل مع ناس ثانيين نخلص ونجي.


مديرهم العام علي حمّاد رجل جداً جداً محترم.. يعيبه فقط لما تناقشه وتشتكي عنده في أخطاء شركته وموظفي الصيانة يحاول ياخذك بالكلام الحلو والأخذ والعطاء بدون التركيز في حل المشكلة نفسها.

[Rayane]

مشكور ياعبدالله. ماقصرت على التجربه وجزاك الله خير.

[asulaiti]

الله يجزيك خير عبدالله على مشاركتك لتجربتك مع المفتاح ..

نحتاج لمثل هذه الإفادات حتى نتجنب الشركة التي لا تهتم بزبائنها ...

المفتاح شركة جيدة وعلى مستوى راقي من التعامل .. لكن للأمانة لم أجرب خدمة ما بعد البيع معهم ..
وتجربتك هذه ياخوي خلتني انزل ترتيب المفتاح للأسفل الآن في أولويات الزيارات المستقبلية التي أنوي القيام فيها مع شركات المصاعد ..

نحن نبحث عن الأسعار المناسبة نعم .. لكن لن يفيدني تخفيض أسعارك لي مقابل ما سأتلقاه منك من معاناة في الخدمة ما بعد البيع ..

أنا شخصياً حطيت ( إكس ) على بعض الشركات التي سببت لي معاناة في خدمة الزبائن .. مثل شركة الجيدة وشركة المانع وكيل أبل الوحيد في السابق ..

[معماري قطري]

متسوبيشي كانوا جيدين في التعاقد وبعده والصيانة واستووا سيئيين في التعاقد وجيدين في الصيانة .. وغالبية الشركات ما تهتم للمواطن وتهمها الشركات والدوائر الحكومية والمباني التجارية أكثر ونقدر نقول السوبر مواطن

[بوخالد911]

أنا تعاقدت وركبت مع شركة المفتاح مصعد فوجي عندي في البيت

المصعد زين ويلبي حاجة البيت

الشي الزين فيهم يقسطون لك المبلغ وممكن تدفع بالكرديت كارد بعد.. عندهم مرونة

كذلك متعاونين .. عطوني رسومات المصعد والمتطلبات حتى قبل لا أتعاقد معاهم


الشي السيئ اللي صار معاي: أثناء التنفيذ + ما بعد التركيب

أثناء التنفيذ (1) ركبوا صندوق التحكم في طابق البينت هاوس والصندوق حجمه كبير ومنظره مشوه للمكان ماقاولا لي عنه منقبل ولا كان سويت له فريم في الطوفة أو مكان في زاوية الغرفة.

(2) بعد ماركبوا المصعد جبت شركة رخام عشان يلبسون لي فريم مدخل المصعد.. اكتشفت إن شركة المفتاح نسوا يركبون لي فريم الباب المعدني.. وتموا يلعوزوني وتأخروا علي لين جابوا طلب من الصين مع الحنة والرنة.

بعد التركيب:

سيئين جداً ..

(1) المفروض كل شهر يسوون سيرفيس .. أول 3 شهور ما جاو ولا سووا شي مع اني كلمتهم كذا مرة.

(2) أثناء الفحص الشهري اكتشفوا إن باب ميكانيكية باب المصعد خربان .. تميت أراكض وراهم 3 شهور بالاتصالات والشد لين بدلوا صلحوا العطل.

(3) مواعيدهم وتواصلهم جداً جداً جداً سيئة... يتصلون فيك فجأة ويقولون لك بعد ساعة بنكون عندك!! واذا أجلت الموعد يمنون عليك يقولون لك احنا جيناك انت اللي رفضت وخاصة مدير الصيانة المصري مالهم اسمه ممدوح يحسب بيوت الناس حدائق مفتوحة يدخلونها ويطلعون منها على كيفيهم. في أحسن الأحوال عادي يعطونك موعد ويتأخرون عليك ساعة ساعتين!! وانت تنتظرهم وعندك مواعيد ثانية.

(4) أذا عندك موعد معاهم لازم تتفرغ لهم يوم كامل ما تدري متى يجونك مع مدة السرفيس كلها على بعضها نص ساعة!!.. بيقولون لك عندنا شغل مع ناس ثانيين نخلص ونجي.


مديرهم العام علي حمّاد رجل جداً جداً محترم.. يعيبه فقط لما تناقشه وتشتكي عنده في أخطاء شركته وموظفي الصيانة يحاول ياخذك بالكلام الحلو والأخذ والعطاء بدون التركيز في حل المشكلة نفسها.

الله يعينك.
هالجنسية المذكورة ما أدانيهم خير شر
كذب في كذب
وخذ بس كلام فاضي وحلف باطل.

الله يفكنا من غثاهم.

[وحيد-الشوق]

ملاحظة مصعد 8 اشخاص افضل من 6 كمساحة والمصعد كل ماتكون مساحته كبيره افضل ممكن تستفيد حتى لنقل بعض الاغراض للدور العلوي وللعلم الفرق مابين 8 اشخاص و10 5000 ريال في بعض الشركات

:)

[إعلامي قطر]

ملاحظة مصعد 8 اشخاص افضل من 6 كمساحة والمصعد كل ماتكون مساحته كبيره افضل ممكن تستفيد حتى لنقل بعض الاغراض للدور العلوي وللعلم الفرق مابين 8 اشخاص و10 5000 ريال في بعض الشركات

:)

الشيخ مصعد الثمان أشخاص كم حجمه عادةً؟!

..

[معماري قطري]

الشيخ مصعد الثمان أشخاص كم حجمه عادةً؟!

..

تستغرب مساحة الوقوف صغيرة وايد

يحكمك شيئن الوزن الاجمالي وعدد الموجودين .. أتقع يحسبون على معدل كل شخص وزنه 60 .. انا مع رأي زيادة العدد وسعة المصعد لو السعر معقول والمساحة متوفرة ونسوي الدراسة قبل أثناء بدايات التصميم

الأحمال الثقيلة العادة تدخل البيت وقت التأثيث وكلها تجي مفككة ويتم تركيبها مثل السرير والكبت .. حتى باب المصعد يجيك 60 سم في الغالب يكفي عرض الانسان ولا يكفي عرض كرسي مريح بمقاس 80 سم والأبواب العادية تكفيه والدرج يكفيه

[لطيف الروح]

السوال هنا هل نحن في حاجة لمصعد لفيلا من دور ارضي و اول و بنتا هاوس

[معماري قطري]

انا ما ركبت بس يعتبر تدليع

الدرج رياضة وحلاته بارتفاع مريح .. الأمريكان يسوونه أوقات عشرين سم وبدون استراحة

[(عبدالله)]

المصعد أحياناً يكون حاجة للمنازل أكثر من مجرد كسل وبرستيج

خاصة إذا في كبار سن حركتهم صعبة .. أو بيت يتكون من 4 مستويات (بيسمنت + أرضي + أول + بينت هاوس)

وجود المصعد بيسهل حركة انتقال الأشخاص + نقل الأغراض من والى + أحياناً نقل الرضيع مع اغراضه وهو عالجاري

أما اذا الواحد ما يحتاجه فلا داعي له وبلا خساير وأعباء صيانة وعمال يدخلون ويطلعون وشغل مساحة عالفاضي

[معماري قطري]

المصعد أحياناً يكون حاجة للمنازل أكثر من مجرد كسل وبرستيج

خاصة إذا في كبار سن حركتهم صعبة .. أو بيت يتكون من 4 مستويات (بيسمنت + أرضي + أول + بينت هاوس)

وجود المصعد بيسهل حركة انتقال الأشخاص + نقل الأغراض من والى + أحياناً نقل الرضيع مع اغراضه وهو عالجاري

أما اذا الواحد ما يحتاجه فلا داعي له وبلا خساير وأعباء صيانة وعمال يدخلون ويطلعون وشغل مساحة عالفاضي

صحيح ضرورة واستثمار للمستقبل حتى بعد تزيد قيمة البيت لو تبي تبيع .. مهم للبنتهاوس لو كبير ورسمي ومستخدم والبعض يسويه غرفة زيادة مثل حالتي مسويه صالة رياضة

[إعلامي قطر]

تستغرب مساحة الوقوف صغيرة وايد

يحكمك شيئن الوزن الاجمالي وعدد الموجودين .. أتقع يحسبون على معدل كل شخص وزنه 60 .. انا مع رأي زيادة العدد وسعة المصعد لو السعر معقول والمساحة متوفرة ونسوي الدراسة قبل أثناء بدايات التصميم

الأحمال الثقيلة العادة تدخل البيت وقت التأثيث وكلها تجي مفككة ويتم تركيبها مثل السرير والكبت .. حتى باب المصعد يجيك 60 سم في الغالب يكفي عرض الانسان ولا يكفي عرض كرسي مريح بمقاس 80 سم والأبواب العادية تكفيه والدرج يكفيه

يعني يالخبير إذا مصعد لبيت مكون من 8 أشخاص
كم مساحة المصعد المثالية 2 متر في 2 متر مثلاً؟

..

[ya3coub]

ما عندي اي علم أخوي بالنسبة للمصاعد فالبيوت

بس فالمشاريع إلى الأن الأغلب thyssenkrupp اهو الي ماشي و من ناحية الديكور انت تخار الي تبي و على كيفك التفصيل و يسونه و عقب يصورونه و فحوصات و عقب يشحنونه الدوحة.


بس اذا فوجي و متسوبيشي موجودين فالدوحة يعني اللفت جاهز يمكن غير.


بالتوفيق أخوي

[معماري قطري]

يعني يالخبير إذا مصعد لبيت مكون من 8 أشخاص
كم مساحة المصعد المثالية 2 متر في 2 متر مثلاً؟

..

الله أعلم إخوي مثل ما قلت كل شركة لها حساباتها لعدد الناس والمساحة .. متسوبيشي لست أشخاص مستحيل يشيل أكثر من 4 الا لو بتجيب 6 معصقلين

لازم قبل لتنفذ رسوماتك تطلب الشركة كتلوج الأبعاد لأن حتى عمق الحفر مهم وأي فتحات والأبعاد تختلف من شركة لشركة .. في العادة تحط في حسابك 180 سم في 160 سم حق البيوت وحق 4 أشخاص لكن قبل التنفيذ يستحسن تتفق مع شركة وتاخذ أبعادهم وشروط الكهرباء وكل مواصفات البناء .. حق 8 أشخاص 2 في 2 تعطينا 4 أمتار مربعة وكل متر يشيل حتى 4 أشخاص لو وقفوا جنب بعض

للمصلي 1.2 في 60 سم لكن للواقف تكفيه 50 في 50 سم

بعدين بعض الشركات لو زادت المساحة عندهم أحسن يغطونها بوصلات حديدية وتكون مساحة زايدة للتهؤئة وللعدة خصوصاً للغرفة المدمجة واللي ما يجي المصعد بغرفة خاصة فوق

من شوي اسولف مع واحد من الشباب يقول لي عن مصاعد ألمانية حلوة بس ما يذكر اسمها يقول واجهة المصعد مذهبة وبنقوش عربية باحاول اجيب منه موقع الشركة واسمها إن شاء الله

[معماري قطري]

ما عندي اي علم أخوي بالنسبة للمصاعد فالبيوت

بس فالمشاريع إلى الأن الأغلب thyssenkrupp اهو الي ماشي و من ناحية الديكور انت تخار الي تبي و على كيفك التفصيل و يسونه و عقب يصورونه و فحوصات و عقب يشحنونه الدوحة.


بس اذا فوجي و متسوبيشي موجودين فالدوحة يعني اللفت جاهز يمكن غير.


بالتوفيق أخوي

تايسون كرآب ألماني ونوعيته وايد ممتازة وفيه بعد كم ماركة ألمانية .. بس هذا أكيد له وكيل في قطر

[Stars]

أخوي المعماري لك رسالة عالخاص

[معماري قطري]

أخوي المعماري لك رسالة عالخاص

شفتها ورديت عليك

[Stars]

شفتها ورديت عليك


يعطيك العافية

[معماري قطري]

يعطيك العافية

الله يعافيك اخوي

[koketa]

كم سعر المصعد تقريبا ؟ هل يختلف حسب الماركه

لو مصعد ظ¤ اشخاص كم التكلفه ؟

[معماري قطري]

مؤكد يختلف وحسب مواصفات كل مصعد

[koketa]

مؤكد يختلف وحسب مواصفات كل مصعد

تقريبا كم التكلفه ؟ وشنوا المواصفات المطلوبه

[معماري قطري]

تقريبا كم التكلفه ؟ وشنوا المواصفات المطلوبه

هم يعرضون عليك وانت تطلب وكل شيء بسعره .. عندك اللي بمكينة مدمجة مع بيت المصعد واللي مكينته فوق نفس قبل ولها غرفة .. واللي تشطيبه خشب ونوع معين من الخشب ومواصفات اشتغاله والسيفتي له .. مثل لو بتشتري كامري أو تشتري لكزس صالون مقاربة كلهم يكفون لخمس أشخاص بس لكل سيارة زيادات خاصة وسعر يفرق عن الثانية

التكلفة للمتسوبيشي 230 الف وحولها ولغيره تقل حسب النوع وصناعته ومواصفاته .. لازم تمر وتناقشهم قبل لتقرر ولا تبالغ في الحمولة وسعة 1.2 في 1.4 كافية لأربع أشخاص وللبيوت .. وشوف نوع فيه تهوئة جيدة ولا تركبه في الطرف تدخل الحرارة

لو تسوي النظام اللي مكينته فوق ولها غرفة مكيفة بتفتك من الحرارة اللي بتدخل البيت من اشتغاله وبعضهم مكاينهم ما تنتج حرارة .. هذي المواصفات تتأكد منها من البايع

[Azizuk]

فوجي ند المفتاح انا مركبه ب 150 الف كبينة لعدد 6 أشخاص مذهب ثلاث وقفات

عندهم مكينه صينية روم ليس وعندهم مكينة يابانية

الياباني تفرق عن الصيني ب 30 الف ريال

والشركات الثانية قريب منهم 160 الف الى 170 الف

كوني ممتازين بس ماعندهم موديلات حلوه زي فوجي

فوجي توهم منزلين موديلات روعه صراحه بس للأسف ماقدر أغير لأني ركبت ألفت

وللاسف الدرويش انسحبت منهم وكالة الاوتس

أطلس ممتازين بس ماعندهم روم ليس مشين

الحين المواصفات والمقاييس والدفاع المدني شارطين على الشركات توفر جميع مواصفات الأمن في المصعد

بطارية في حالة توقف الكهرباء السنسرات وغير وغير من مواصفات الأمن والسلامة

والحين في الدوحه شركات كثيرة تورد مصاعد

بس الأغلب يفصل الكبينه في الكويت

المكينة والأسلاك ممكن تتركب على جنب الكبينه أو خلف الكبينه على حسب وسع البئر عندك

[معماري قطري]

بو سعود لمن راحت وكالة الاوتيس

[سعود.]

بو سعود

شنو روم لس مشين !!!

انا متعاقد مع اطلس على مصعدين في فلتين !!!

شل العلم !!!

[معماري قطري]

بو سعود

شنو روم لس مشين !!!

انا متعاقد مع اطلس على مصعدين في فلتين !!!

شل العلم !!!

هههههه مت ضحك وتوقعت حد يسئل roomless machine .. يعني المكينة ما لها غرفة مدمجة مع المصعد

بغيت اقول لك أكلة بس ما تركب

[معماري قطري]

أشوف اللي بغرفة أفضل بس مشكلة يقلص الارتفاع عندك

وأي شخص بيركب لينسى تهوئة بير المصعد بفتحة من تحت وفتحة فوق حتى تخف الحرارة ولا تنتقل للكبينة

[سعود.]

اها الغرفة الي بالسطح .
فعلا طلبوها مني وقت التصميم ولها باب صيانة ومكيف . ولحد الحين مش مقتنع بالمكيف !!!!
وسالتهم يقولون وقت الرطوبة والحرارة لازم مكيف يركب في غرفة المكينة بالسطح .

[Azizuk]

بو سعود لمن راحت وكالة الاوتيس

مب متاكد بالضبط يابوعبدالله بسالك وبرد عليك

[Azizuk]

اها الغرفة الي بالسطح .
فعلا طلبوها مني وقت التصميم ولها باب صيانة ومكيف . ولحد الحين مش مقتنع بالمكيف !!!!
وسالتهم يقولون وقت الرطوبة والحرارة لازم مكيف يركب في غرفة المكينة بالسطح .


بالعكس الغرفة والنوع المصعد اللي انت مركبة أقوى وأفضل من اللي عندي

بدون غرفة يرقد في الشارع هههههه

اللي انت مركبه اخوي سعود هفي لود

بس اذا استخدام منزل عادي ممكن تركب عليه روم لس لان معاليه ضغط مثل العمارة وإلا فندق

اعلى سرعة في العالم واقوى لفت هو لفت برج خليفة في 7 سرعات ويعتبر خطر كبير لو سمح الله صار في شي

معظم الأبراج في العلم تكون سرعاته 4 سرعات هذا ماشاله عليه قير 7 غيار

نقول ماشالله لا يصير في شي

شركة متشوبيشي مصممه المصعد

ومستحيل يكون مصعد برج خليفة روم لس

[سعود.]

تسلم يابو سعود على التوضيح

[Azizuk]

تسلم يابو سعود على التوضيح

لتوضيح اكثر ان المصعد ابو غرفة يكون للأماكن اللي عليها ضغط كثير اطلع ونزل

ويكون له سرعات بسبب عدد تروس القير اللي عليه وله بريكات ( كوابح ) وعدد الأدوار والطوابق والمسافات

نظامه شوي غير عن مصعد روم لس

لهذا السبب ذكرت مصعد برج خليفة ان المصاعد لها سرعات عشان توصل بسرعة

شوف مصاعد المطارات ياالله يالله يصعد وينزل لانه سرعة وحده بطيئة

مصاعد البيت نفس الشي بطيء وممكن تتحكم في السرعة بس لان المسافة قليلة في البيت بين دور ودور لازم يكون بطيء السرعة

والا بيكون دفش ومتعب عند التوقف

من جذي البيوت تتركب لها مصاعد روم بس حالياً وماتحتاج غرفة وتبريد

وهذا صورة توضيحية عن مصعد اللي يحتاج غرفة صيانة وتثبيت على قاعدة خرسانية

99223

وهذا انواع لبعض مصاعد روم لس مشين

تختلف التصاميم من شركة الى شركة

99224

99225

99226

وحاضرين لك ياخوي سعود وبوعبدالله تأمرون امر

ولا يهونون باقي الأعضاء

[سعود.]

ماتقصر يابو سعود

[معماري قطري]

بالعكس الغرفة والنوع المصعد اللي انت مركبة أقوى وأفضل من اللي عندي

بدون غرفة يرقد في الشارع هههههه

اللي انت مركبه اخوي سعود هفي لود

بس اذا استخدام منزل عادي ممكن تركب عليه روم لس لان معاليه ضغط مثل العمارة وإلا فندق

اعلى سرعة في العالم واقوى لفت هو لفت برج خليفة في 7 سرعات ويعتبر خطر كبير لو سمح الله صار في شي

معظم الأبراج في العلم تكون سرعاته 4 سرعات هذا ماشاله عليه قير 7 غيار

نقول ماشالله لا يصير في شي

شركة متشوبيشي مصممه المصعد

ومستحيل يكون مصعد برج خليفة روم لس

يبي له روم كل كم طابق يرتاح شوي

[معماري قطري]

اها الغرفة الي بالسطح .
فعلا طلبوها مني وقت التصميم ولها باب صيانة ومكيف . ولحد الحين مش مقتنع بالمكيف !!!!
وسالتهم يقولون وقت الرطوبة والحرارة لازم مكيف يركب في غرفة المكينة بالسطح .

تركب مكيف بمؤقت يشتغل النهار ويبند الليل وهنا ما فيه داعي حق عزل الجدران لأن الحرارة الناتجة عن المكينة تبغيها تتسرب ما تتكدس والمكيف بس تلطيف الجو .. وندو لتركب سبلت

[معماري قطري]

ما تقصر يا بو سعود ومشكور على التوضيح

[Azizuk]

يبي له روم كل كم طابق يرتاح شوي

والله قلب الواحد لازم يكون قوي :strong اللي يبي يرتاح من طابق الى طابق تخليل كم سرعته

[معماري قطري]

فيه نوع كذلك هيدروليك ببستن حق الأوزان الثقيلة وهذا يجي أرخص وبعض الدول تصنعه مثل لبنان والأُردن ومصر اتوقع

الهايدروليك يرفع حتى السيارة للدور العلوي

[معماري قطري]

والله قلب الواحد لازم يكون قوي :strong اللي يبي يرتاح من طابق الى طابق تخليل كم سرعته

خوفتني بس برج خليفة تحفة معمارية من كل ناحية حتى من تكلفته اللي تعتبر تحدي .. مليار دولار وناس يقولون مليار ونص .. أرخص من بعض شوارعنا

[سعود.]

تركب مكيف بمؤقت يشتغل النهار ويبند الليل وهنا ما فيه داعي حق عزل الجدران لأن الحرارة الناتجة عن المكينة تبغيها تتسرب ما تتكدس والمكيف بس تلطيف الجو .. وندو لتركب سبلت

بيض وجيهكم .
تعبت من كثر ما اشكركم .
والله يقدرني على رد جمايلكم .

[معماري قطري]

بيض وجيهكم .
تعبت من كثر ما اشكركم .
والله يقدرني على رد جمايلكم .

ووجهك أبيض يا اخوي

هذي سويتها سنة 1998 والحمد لله للحين المصعد مرتاح وصيانته العادية من متسوبيشي .. كان ب 130 وقتها

[معماري قطري]

الصيانة ركز عليها وحاول يكون عقد صيانة وضمان واستبدال للتالف من القطع .. بعض الشركات يخربون ما يصينون

[سعود.]

الصيانة ركز عليها وحاول يكون عقد صيانة وضمان واستبدال للتالف من القطع .. بعض الشركات يخربون ما يصينون

جزاك الله خير

انا عقدي مع ( اطلس ) مدحها كذا واحد من الربع . ومن ضمنهم اخوي ( بوسعود )
الى الان الامور زينه معهم وشغلهم نظيف وسريع .