هل يواجهكم هذا الأمر مع ماكينات atm

[بنت شرق]

السلام عليكم
ذهبنا إلى الميرة وكان المتواجد امامنا ماكينة سحب نقود تابعة لبنك قطر الوطني وحينما وضعت البطاقة تم رفض البطاقة ، ذهبنا للمكينة الثانية وهي تابعة للبنك الدولي الاسلاميوحدث نفس الشيء الرفض في السابق كانت المكائن تقبل بطاقة المصرف كأمر عادي الحين نظطر نبحث عن ماكينة صراف المصرف فقط ، هل هذا أمر عادي يحدث مع الجميع وإلا فيه تنافس بين البنوك القطرية

[بريق الحق]

يمكن مافيها فلوس او في خلل*فالمكينة
جربي مره ثانيه

[بنت شرق]

يمكن مافيها فلوس او في خلل*فالمكينة
جربي مره ثانيه
جربت اكثر من مرة تعطي الي قبلي والي بعدي فقالوا الاهل يمكن رجعوا لنظام رفض بطاقات البنك الثاني

[ضوى]

لا ماصارت واسحب من اي صراف لاي بنك عادي وتوني امس ساحبه من صرافه قطر الوطني

[Dana’1]

لا الامور طيبه معي الحمدلله وبطاقتي مصرف الريان

[بنت شرق]

اها أظن أن الخلل يمكن ببطاقتي مع أنه عادي تشتغل على مع ماكينات المصرف فقط

[بريق الحق]

يمكن بطاقتج قديمة او في مشكله
الامور طيبه ان شاء الله

[جراسا]

صارت معي قبل و نفس الجهازين و بطاقتي من المصرف

[بانغ بانغ]

الامور طيبة

اذا في مشكلة عطيني بطاقتك مع الرقم السري وابشري باضبط لك الموضوع

ههههههه امزح

[أبورودي]

بتحصل احيانا معى

[H H]

بطاقتي المصرف توني ساحب من الاهلي والامور طيبه

[الجوكر90]

شيكي يمكن بطاقتج منتهيه
او اتصلي لهم 44448444

[مخطط قطري]

اوقات يحصل هالامر خصوصا بطاقات المصرف

[ولد الرياان]

كانت تصير معاااي ولكن حل المشكلة استبدل البطاقة
وسبب المشكلة تعرضة البطاقة الى مغناطيس طبعا بتسال وين جاها المغناطيس وخااصة الاخوان لي مركبين قاعدة الجوال الممغنطه لي تركب خلف الجوال عشان تركبها في السيارة القطعة هذي خربة لي كم بطاقة وكلها المصرف خخخخخخخخخخ

[بوخالد911]

ما واجهت مشكلة كلللش

بطاقتي من بروة

[QATAR-2006]

اوقات يحصل هالامر خصوصا بطاقات المصرف

كلامك صحيح ترفض اول مرة وعقب عادي المكينة تقبل البطاقة

[CH Engineer]

تصير مرات بس اخليه يعيد السحب وتضبط
بالنسبه للصراف لا ما صارت

اطلبي تجديد البطاقه
رسوم بسيطه وبعض البطاقات ما عليها رسوم

[khaldoon]

ما في اي مشكله......امس في ماكينتين ...واحده للوطني و الثانيه للتجاري... الوطني رفض البطاقه و قال بطاقتك غير صالحه على طول حطيت البطاقه في التجاري و سحبت فلوس ....علما انه بطاقتي تابعه للبنك العربي

[بنت شرق]

ما في اي مشكله......امس في ماكينتين ...واحده للوطني و الثانيه للتجاري... الوطني رفض البطاقه و قال بطاقتك غير صالحه على طول حطيت البطاقه في التجاري و سحبت فلوس ....علما انه بطاقتي تابعه للبنك العربي

فعلا نسيت اذكر هالنقطة قبل كانت الماكينة للبنك التجاري ، ولما حولوها للبنك الوطني صرفت مدة ثم دائما ترفض
اعتقد ماكينات البنك الوطني فيها شيء أو سيستم معين لعدم القبول وبخاصة أنهم ينقولها من مكان لمكان
على العموم جاري استخراج بطاقة جديدة

[khaldoon]

فعلا نسيت اذكر هالنقطة قبل كانت الماكينة للبنك التجاري ، ولما حولوها للبنك الوطني صرفت مدة ثم دائما ترفض
اعتقد ماكينات البنك الوطني فيها شيء أو سيستم معين لعدم القبول وبخاصة أنهم ينقولها من مكان لمكان
على العموم جاري استخراج بطاقة جديدة

ما في داعي تستخرجي بطاقة جديده صدقيني

[السيف5]

ولله الحمد بطاقتي شغالة بكل البنوك

جربي نظفي الغبار عن بطاقتك

[بصمة قطرية]

المصرف ..!!
دوم تصير مع إختي ..
قلت لها تطلع بطاقة ثانية و لا تتبهدل ..

[طلعة الروح]

اها أظن أن الخلل يمكن ببطاقتي مع أنه عادي تشتغل على مع ماكينات المصرف فقط

أي نعم أتوقع هذا السبب

[Stranger Man]

انا حصل معاي هالامر من فترة والسبب اني سحبت كاش لعدد مرتين من ماكينة سحب الوطني , ف المرة الثالثة ماقدرت , يوم كلمت المصرف الاسلامي قالولي لك عدد مرتين تسحب كاش من ماكينة سحب لبنوك ثانية في اليوم , ف ممكن هالسبب اللي البطاقة ماسحبت معاكم اختي

[الدكتور عزوز]

مكينة الدولي الاسلامي اللي في الميرة ازغوى دايما تسبب لي ازعاج دايما راجع فرعك

أجرب ثلاث بطاقات من ثلاث بنوك مختلفة نفس المشكلة ففهمت أن مافيها كاش للسحب لأن لما رحت مكينة أي بنك ثاني يشتغلون عادي

القانون يمنع أن المكينة ما تشتغل أكثر من 24 ساعة وتتم مخالفة البنك فإحتمال أنهم يظهرون هذي الرسالة عشان ما يتخالفون (يعني يتحايلون على القانون)

ما اظن المشكلة من بطاقتج اظن ان المكينة مافيها كاش

[khaldoon]

انا حصل معاي هالامر من فترة والسبب اني سحبت كاش لعدد مرتين من ماكينة سحب الوطني , ف المرة الثالثة ماقدرت , يوم كلمت المصرف الاسلامي قالولي لك عدد مرتين تسحب كاش من ماكينة سحب لبنوك ثانية في اليوم , ف ممكن هالسبب اللي البطاقة ماسحبت معاكم اختي


اخوي اول مره اسمع انه في عدد مرات للسحب في اليوم... انا اعرف انه في حد اقصى للمبلغ المسحوب في اليوم يعتمد على درجة العميل عل هو عميل عادي و الا vip

[qatari911]

اخوي اول مره اسمع انه في عدد مرات للسحب في اليوم... انا اعرف انه في حد اقصى للمبلغ المسحوب في اليوم يعتمد على درجة العميل عل هو عميل عادي و الا vip

العادي يسحب كاش 20000 الف في اليوم
ويقدر يحول 50000 الف من المصرف على اي حد لان جربت حولت لاخوي وحولو المبلغ

[بومحمد المطاوعه]

غيري البطاقه
يمكن البطاقه قديمه ..

[واقع]

حصلت معاي شخصيا ،، اصدرت بطاقة جديده قبل ثلاث اسابيع تقريبا ، وانا طالع من الفرع جربت البطاقة في مكينة المصرف شغاله بدون مشاكل اليوم الثاني اجرب ادفع فيها في مطعم تنرفض ، جربت اسحب من مكينة الوطني نفس المشكله تنرفض بالرغم من ان البطاقة جديده ، وتشتغل فقط على مكاين المصرف


الحل انك تطلبين بطاقة جديده وراح يتم اصدارها ، وان شاء الله تكون شغالة لان هذا الشي اللي سويته والامور تمام الحمدلله

واختصارا للوقت اتصلي بالتلفون على رقم 44448444 واطلبي اصدار بطاقة جديده لان اللي عندك خربانه وحددي الفرع اللي ودك تستلمين منه البطاقة (فرع الستي سنتر يفتح صباح ومساء)

[بنت شرق]

طلبت بطاقة ثانية وباستلمها قريب ، شكرا جزيلا على تفاعلكم الكريم

[بوخالد911]

حصلت معاي شخصيا ،، اصدرت بطاقة جديده قبل ثلاث اسابيع تقريبا ، وانا طالع من الفرع جربت البطاقة في مكينة المصرف شغاله بدون مشاكل اليوم الثاني اجرب ادفع فيها في مطعم تنرفض ، جربت اسحب من مكينة الوطني نفس المشكله تنرفض بالرغم من ان البطاقة جديده ، وتشتغل فقط على مكاين المصرف


الحل انك تطلبين بطاقة جديده وراح يتم اصدارها ، وان شاء الله تكون شغالة لان هذا الشي اللي سويته والامور تمام الحمدلله

واختصارا للوقت اتصلي بالتلفون على رقم 44448444 واطلبي اصدار بطاقة جديده لان اللي عندك خربانه وحددي الفرع اللي ودك تستلمين منه البطاقة (فرع الستي سنتر يفتح صباح ومساء)


البنك ملزم بتسليم البطاقة لصاحبها.
عندهم اتفاقية مع البريد الممتاز
يتصلون فيكم وتحددون موقع الاستلام.
البيت او العمل.

وهذا ما يحصل معي مع بنك بروة.