وين الاماكن اللي تصلح لكزس صالون؟ مشكلة في السلف

[بـن عدوان]

السلام عليكم

عندي لكزس صالون جي اس 2006

قبل يومين لما اشغل الموتر يطلع صوت غريب مع التشغيل بس

والحين شغلت الموتر مايشتغل

فيه مشكلة بالسلف

وين الاماكن اللي تعرف تشتغل عالسلف وكم الاسعار لو تكرمتوا

وشكرا لكم ...

[Rider]

خاف ياخوي بطارية سيارة يبغي لها تغير ماظن السلف يكون فيه شي

[بـن عدوان]

خاف ياخوي بطارية سيارة يبغي لها تغير ماظن السلف يكون فيه شي

البطارية تمام اخوي وكل شي شغال، لما اجي ابي اشغل في صوت غريب

[عازف]

شيك على دينمة السلف،،،

[بوخميس]

اشتر دينمة سلف وركبها عند اي كهربائي

ويمكن يركب عليها دينمة الافالون اذا نفس المكينة وارخص

[A-Alansari]

المشكلة ممكن يكون سببها هالاشياء

اول شي البطاريه

البلاكات

طرنبه الزيت

دينمة السلف

فلاتخسر فلوسك الا لين تعرف شنو بالضبط خربان

او اذا ماعرفت ابتدي بتبديل الارخص

[بـن عدوان]

اليوم بودي الموتر عند الكهربائي

الوكالة قالوا لي السلف 1600

حصلته في النت مع الشحن 800 ريال

[بوخالد911]

جرب تسال في الحسى.

[qatari 111]

الشغل بسيطه مب لازم تبدل الدينمو كامل كلها ترى فحمات مع شغل اليد ماتكلف 150 ريال تقريبا .

[جاسم الدوحة]

السلف نفسه يمكن 1600 مادري .

لكن دينمو السلف سعره في الوكالة مب أقل من 5000 ريال
ممكن تجيبه من الوكالة في الإمارات 2550 درهم

[بـن عدوان]

اشكركم جميعا اخواني

فيه قطعة طلعت خربانه وخذتها من الوكالة 250 ريال


شكرا لكم