الفيزا من السفارة الالمانيه والوجهة فرنسا؟؟

[peace-qtr]

السلام عليكم

بغيت استفسر بخصوص فيزا الشنقن مطلعتها عن طريق السفارة الالمانيه لاول مرة والحين غيرنا الوجهة بتكون فرنسا

شالحل ؟ لازم فيزا جديدة ولا ؟؟



وسؤال ثاني .. شلوون الاوضاع ف تركيا ؟؟

امان ولا فيها مشاكل؟

ومشكورين

[غير البشر]

مرحبا اختي

بخصوص الفيزا المفروض ولان اول مره تستخدمون الفيزا ان تكون المانيا من ضمن الوجهه المسافرين عليها
والمفروض تكون فتره الاقامه فيها اكثر من فرنسا

لكن الحل

تسوين حجز وهمي للفنادق
تدخلين بوكينغ مثلا وتحجزين حجز فندق في المانيا نوع الغرفه ( الغاء مجاني + الدفع لاحقا ) وبعد مايوصلج الحجز على الايميل تطبعين الحجز وتلغينه من بوكينغ
وتاخذين معاج ورقه حجز فندجق المانيا معاج بمطار فرنسا
بس مع مراعاه مده سفركم وحجز الطيران الفعلي ويكون حجز الفندق لفرنسا والمانيا
اهم شي تكون الايام في المانيا اكثر من فرنسا حتى لو بيوم واحد


بالنسبه لتركيا
امان الامور طيبه ان شاء الله
ناس كثيره مسافره ها الايام الى اسطنبول والمناطق المجاوره :nice:

[peace-qtr]

يعطيك العافيه اخوي

بس شلوون اذا السفرة لباريس كلها 6 ايام

يعني احجز مثلا 4 ايام المانيا ويومين باريس ؟؟

ومتاكد بيدخلوني لو عطيتهم حجز وهمي اوردي متكنسل مابيجيكون عل رقم الحجز وجي؟؟

ومشكوور :(

[غير البشر]

يعطيك العافيه اخوي

بس شلوون اذا السفرة لباريس كلها 6 ايام

يعني احجز مثلا 4 ايام المانيا ويومين باريس ؟؟

ومتاكد بيدخلوني لو عطيتهم حجز وهمي اوردي متكنسل مابيجيكون عل رقم الحجز وجي؟؟

ومشكوور :(


العفوو الله يعافيج يارب
اي اختي متأكد ان شاء الله لاتحاتين
واذا تبغين ترتاحين اكثر عشان تكونين مطمنه
احجزي نفس ماقلتي المانيا 4 ايام و باريس يومين
وراح تدخلين باريس وانتي مرتاحه

وعلى فكره كل المكاتب بكل الدول لو تبغي تجهز لج اوراق الفيزا تسوي لج حجوزات وهميه
وبما فيها المكاتب المعترفه في السفارات الاوروبيه

واخص بالذكر هذه الشركه المعترفه من كل سفارات الدول الاوروبيه ومن اقواها
اخر مره قبل شهرين رتبو لي اوراق التأشيره للخادمه مع حجوزات وهميه :secret:

http://www.vfsglobal.com/arabic/about_us/company_profile.asp

مكتبهم بمبنى الجيده سكوير اعتقد الدور الثاني او الثالث
رقم الباب 302 او 309 شي جذي

وتقدرين ماتنكنسلين الا لما توصلين الفندق بباريس
لان لو حجزتي فندق بألمانيا غالبا تقدرين تلغين الحجز قبل الوصول بيوم او بنفس اليوم
حسب سياسه الفندق

انا كل سنه اروح اوروبا بين اربع الى خمس مرات ولا عمري قدمت حجوزات حقيقيه كلها وهميه

[بوخالد911]

مشكور جدا
للنصايح الذهبية.

[حفيد الأنصار]

عادي سهاله سوي حجز وهمي بحيث يكون البلد اللي مستخرجه منه الفيزا يكون أكثر أيام


علشان أسهل عليك


احجزي يوم الوصول بباريس ويوم العودة بباريس
والـ 4 الأيام اللي بينها احجزيها بألمانيا وعلشان تكون أقرب للواقع احجزيها بالغرب الألماني الأقرب الى فرنسا مثل مدينة بادن بادن
طبعا احجزي باي فندق بحيث تقدري تكنسليه قبل الوصول ويصير أول ماتدخلي فرنسا كنسليه
أو ألغي الحجز بعد ماتأخذي الفيزا بس اطبعي الأوراق قبل عملية الغاء الحجز