رفع الحظر عن العمالة الإندونيسية

[الدوحة 2010]

نجحت وزارة التنمية الإدارية والعمل والشؤون الاجتماعية في إنهاء الحظر الذي فرضته قبل عام الحكومة الإندونيسية على جلب العمالة المنزلية الإندونيسية إلى دولة قطر. وقالت مصادر مطلعة لـ الوطن إن التنمية الإدارية أوفدت لجنة خاصة إلى العاصمة الإندونيسية جاكرتا، نجحت بعد مفاوضات شاقة في رفع الحظر، وبدأ التطبيق من أمس الأحد، حيث تستطيع مكاتب الاستقدام في قطر جلب العمالة المنزلية الإندونيسية لقطر.
ونجحت اللجنة القطرية في الحصول على امتياز جديد من قبل الحكومة الإندونيسية، حيث تلتزم كافة مكاتب جلب العمالة في إندونيسيا، وفق الاتفاق، بضمان الخادم أو الخادمة طوال فترة التعاقد، وليس لفترة ثلاثة شهور فحسب.

[لبيبة]

السلام عليكم ورحمة الله وبركاته،

حسب آخر زيارة للسفارة الاندونيسية حطوا لنا عقود جديدة لما طلبنا تجديد الجواز للخادمة، وكانت تنص العقود على أن راتبها 1500 ريال مع عدة شروط أخرى، هل لا زال الأمر جذي.

[Rider]

خبر حلو بصراحة

[بوحارب]

انا ماصدق اي خبر من الجريدة

لازم اشوفه على موقع الوزارة حتى اتيقن 100%

[الحاقول]

الخبر يقول !!

نجحت وزارة التنمية الإدارية والعمل والشؤون الاجتماعية في إنهاء الحظر الذي فرضته قبل عام الحكومة الإندونيسية

على جلب العمالة المنزلية الإندونيسية إلى دولة قطر.

بعد مفاوضات شاقة في رفع الحظر !

ليش مفاوضات شاقه ؟

هل الموضوع يستاهل مفاوضات شاقه ؟

الخادمات الاندونيسيات اغلبهم يتعاملون بالسحر

والعياذ بالله عسى الله يحفظ الجميع منهم

[مختلف جداََ]

الخبر غريب

الحين من صجهم مفاوضات ( وشاقة بعد ).
قطر حلم للقاصي و الداني وذيلن مسويين حظر :omg:

عجبي !!!

[Dana’1]

الخبر غريب

الحين من صجهم مفاوضات ( وشاقة بعد ).
قطر حلم للقاصي و الداني وذيلن مسويين حظر :omg:

عجبي !!!

مو بس عن قطر عن السعوديه بعد و أظن الخليج..لأن لها شروط مثل ماتشوف

[نمر بن عدوان]

الخبر يقول !!

نجحت وزارة التنمية الإدارية والعمل والشؤون الاجتماعية في إنهاء الحظر الذي فرضته قبل عام الحكومة الإندونيسية

على جلب العمالة المنزلية الإندونيسية إلى دولة قطر.

بعد مفاوضات شاقة في رفع الحظر !

ليش مفاوضات شاقه ؟

هل الموضوع يستاهل مفاوضات شاقه ؟

الخادمات الاندونيسيات اغلبهم يتعاملون بالسحر

والعياذ بالله عسى الله يحفظ الجميع منهم


تعاملت مع الاندنوسيات بصراحه افضل عماله بس عيبهم مايطولون اكثرهم سنتين .

[sanad81]

تعاملت معهم 15 سنة و هم الأفضل

[مختلف جداََ]

انزين ديور
شنو شروطهم ؟؟

[بوحارب]

تعاملت مع الاندنوسيات بصراحه افضل عماله بس عيبهم مايطولون اكثرهم سنتين .

اتفق معاك تماما





الحين نبي حد يعطينا الخبر هل تم الموافقة على الأستقدام

[الشفق الحالم]

احلى خبر، عالاقل الاندونيسيات مالهم بحركات اللؤم والمصاخه والخرابيط مالت الفلبينيات

[معماري قطري]

عندنا وحدة عجوز قبل عمرت حول 8 سنين وراحت بعد ما ضغطوا عليها عيالها تترك الشغل .. مسكينة أعصاب يدها تعبت واستوت ما تقدر تمسك شيء .. عاد اسمها نور حياتي مركب يسوي أزمة لو ناديتها بإسمها كامل

الله يذكرها بالخير بقت على اتصال فترة وتحب العيال وكانت تتمنى تشتغل أكثر وراحت تبكي

عندنا ثانية غيرها بس مسكينة باردة شوي ولا تفهم بسهولة .. ولين نادينها تقول نأ أ أ م تمدها بطريقة تضحك

[معماري قطري]

احلى خبر، عالاقل الاندونيسيات مالهم بحركات اللؤم والمصاخه والخرابيط مالت الفلبينيات

معاك في هذا وطيبات لو عاملتهم طيب تاخذ منهم أكثر

[Dana’1]

انزين ديور
شنو شروطهم ؟؟


حسب الخبر فوق

نجحت وزارة التنمية الإدارية والعمل والشؤون الاجتماعية في إنهاء الحظر الذي فرضته قبل عام الحكومة الإندونيسية على جلب العمالة المنزلية الإندونيسية إلى دولة قطر. وقالت مصادر مطلعة لـ الوطن إن التنمية الإدارية أوفدت لجنة خاصة إلى العاصمة الإندونيسية جاكرتا، نجحت بعد مفاوضات شاقة في رفع الحظر، وبدأ التطبيق من أمس الأحد، حيث تستطيع مكاتب الاستقدام في قطر جلب العمالة المنزلية الإندونيسية لقطر.
ونجحت اللجنة القطرية في الحصول على امتياز جديد من قبل الحكومة الإندونيسية، حيث تلتزم كافة مكاتب جلب العمالة في إندونيسيا، وفق الاتفاق، بضمان الخادم أو الخادمة طوال فترة التعاقد، وليس لفترة ثلاثة شهور فحسب.

وأكيد غيرها من الشروط إلي تحفظ حقوقهم

حتى هالوقت ما نحب نجيب منهم من كذا مايهمونا لا هم ولا شروطهم

[alshammari]

هم الافضل صراحة

عموما اعتقد هذا مجرد خبر وممكن ياخذ وقت شوي لين يسمحون لهم بشكل رسمي


عموما التعسف من الحكومة الاندونيسية صاروا يطالبون في رواتب مرتفعه شوي واجازة اسبوعية وماألى ذلك هالشي خلى السعودية والكويت تقولهم مشوا بوزكم مانبي خداماتكم وقاطعوهم

عندنا تمت المقاطعة لكنها بشكل مؤقت لين يتنازلون عن بعض شروطهم المبالغ فيها والدليل اذا عندك موافقة على تأشيرة ماخذها من زمان حق اندونيسية ممكن تنتفع فيها الحين وتجيب الخدامة من اندونيسيا وايضاّ اذا سافرت خدامتك الاندونيسية وتبغي ترجع مادام اقامتها سارية المفعول ممكن ترجع اهم شي ماتقعد برا البلاد اكثر من 6 أشهر بينما الكويت والسعودية مافي اللي تطلع ماترد

[أم هشام]

و الله عن تجربة ثبت انهم الافضل
لكن بتوقع رواتبهم بتزيد

[STAR]

والله خوش نبر خساره قدمت ع فلبينيه وجايه بالطريق...

[بوخالد911]

الحمدلله.
خطوة موفقة.

[سالم الزهران]

الناس طبعاً مب سواء

لكن صرت اخاف من الاندونيسيات لان كل الجرايم الي تمت بالسعودية كان وراها اندونيسيات

عقبال ما نتخلص من العمالة المنزلية نهائياً وان شاء الله يكون قريب

[STAR]

بس غريبه وين كلام رئيس دولتهم. ان يبي يسحب كل الخدم من الدول لين2018 ويرجعهم لاندونيسا
لان مايبيهم يشتغلون خدم كرامته ماتسمح ان يخليهم يشتغلون خدم اشوف تراجع عن كلامه والا الفلوس تغير النفوس؟!!

[الدوحة 2010]

والله خوش نبر خساره قدمت ع فلبينيه وجايه بالطريق...

اذا ماتبينها انا اخذها

[STAR]

اذا ماتبينها انا اخذها

ههههههه يعني اقدم ع اندونيسيه وانطر شهرين او ثلاث زياده لين توصل !! بروحي ناظره شهرين وشي اللحين علشان هالفلبينيه تشرف

لالا خلينا عليها يمكن تطلع احسن من الاندونيسيه..اتمنى والله..

[راجي الْعفو]

احنا اللي ذلينا نفسنا و حوجناها للخدم بالصورة اللي نشوفها اليوم ..

ولا محد يقدر يذلك ..

[راعي الكورفت]

افضل الخادمات هن الاندونسيات بلا منازع.



شكرا على هذا القرار الحكيم والتصالح مع إندونيسيا ياوزارة الخارجيه لقد اثلجتم صدورنا :)

[الحياة الخالدة]

الحمد لله اللي سخر لنا هالناس يساعدوننا في تدبير أمور البيت و شغله
هاذي رحمة من ربنا و رزق منه حق هالفقارى المساكين
الله يديم علينا و عليهم النعمة
عالاقل نقدر نروح دواماتنا واحنا مرتاحين
اللهم لك الحمد ولك الشكر

[alshammari]

بس غريبه وين كلام رئيس دولتهم. ان يبي يسحب كل الخدم من الدول لين2018 ويرجعهم لاندونيسا
لان مايبيهم يشتغلون خدم كرامته ماتسمح ان يخليهم يشتغلون خدم اشوف تراجع عن كلامه والا الفلوس تغير النفوس؟!!

كان مجرد كلام وتصريحات استخدمها في حملته الانتخابية ولما صار رئيس سحب عليهم

[ضوى]

الحمد لله اللي سخر لنا هالناس يساعدوننا في تدبير أمور البيت و شغله
هاذي رحمة من ربنا و رزق منه حق هالفقارى المساكين
الله يديم علينا و عليهم النعمة
عالاقل نقدر نروح دواماتنا واحنا مرتاحين
اللهم لك الحمد ولك الشكر

الحمد لله على ماانعم علينا

ويبي لنا عبايات بيضا للدوام حتى مانفطس من الحر وتكون راحتنا كامله باذن الله

[العقل المدمر]

يخوفون امهات السحور :(

[الشفق الحالم]

الحمدلله ، بروح اشوف طلبات الاندونيسيات :nice: