مشكلة البانيو

[Chanel]

السلام عليكم
اخواني البانيو عندي فيه كذا شرخ واحسه نازل شوي
شسوي اقدر اغير البانيو فقط والا لازم اكسر واشتغل :weeping:

[Chambray]

السلام عليكم
اخواني البانيو عندي فيه كذا شرخ واحسه نازل شوي
شسوي اقدر اغير البانيو فقط والا لازم اكسر واشتغل :weeping:

للاسف .. لازم تكسر

وهذي مشكلة مقاولينا

طريقة تركيب البانيو
لو اخترب اي شئ فيه ، لازم تكسير !!
وبلاط وازعاج .. والواحد ماله خلق حق التكسير :(

[khaldoon]

كسر و اشتغل

[khaldoon]

هل في صراصير عندك بالحمام؟

[معماري قطري]

عليكم السلام ورحمة الله وبركاته

مشكلة المصنعية بعض الأوقات تكون ضعيفة ولا عليها ضبط جودة وأحياناً من اللي يركبون وبالنسبة للتغيير حسب التركيب لو عليه بلاط ومثبت بمونة لازم يتكسر وينشال ولو من النوع اللي يتركب قطعة وحدة وله قطعة تسكر واجهته هذا طريقته أسهل

حتى لو اخترتي غير وفتحة الصرف مكانها غير ممكن التمديد للصرف بسهولة بتكسير بسيط .. يبغي لج بايب فيتر شاطر .. شوفي كلمي شركة الطيب أو شركة تدمر .. الطيب عندهم قسم صيانة وتركيب وقسم مبيعات

[بوحارب]

انا مع اخر صيانة في البيت كنسلت كل البانيوهات في البيت وافتكيت

صار الحمام نظيف ووسيع والأمور سيفتي بالطريقة هذي

اصلا البانيو ما منه اي فايده بس خساير فلوس ومسوي زحمه :(_

[بومحمد المطاوعه]

اي والله بوحارب

بانيو ليش

متى يمديك تتمدد
هههههههههههه


تبي تتسدح صب صابون على الارض وتزحلق
ههههههه

تخيل عاد

شوف طال عمرك
على حسب مساحه الحمام الله يعزكم
اذا يستاهل للبانيو سوو
ويفضل زاويه

انا كل البيت بانيو زاويه
ابرك شي

[بوحارب]

اعجبتني طريقة الصابون والتزلج على الجليد قصدي السيراميك هههههههه

واتفق معاك الزاوية احلى من ناحية المنظر والمساحة

[بومحمد المطاوعه]

اعجبتني طريقة الصابون والتزلج على الجليد قصدي السيراميك هههههههه

واتفق معاك الزاوية احلى من ناحية المنظر والمساحة

صحيح
ههههههههه
والله ملعب صابوني فالمنزل :nice:

[معماري قطري]

البانيو ما يفيد لكن الجكوزي يسوي فرق وكذلك البخار .. الشاور ببخار والجكوزي ظروري للي يبي يدلع نفسه

الجكوزي مع الرغوة كنه غسالة ملابس للكسولين مثلي .. لو قدرت تقسم الجزء الأكثر رطوبة في الحمام للشاور مع كرسي تابع له والجكوزي ومخرج للبخار بقزاز يكون عندك فراغ كافي للبخار وبنفس الوقت الحيز الأكثر رطوبة معزول عن باقي الحمام