ابي نصايحكم بعد الثانوية؟!

[qtri2013]

حبيت استفسر الي عندهم خبره أو شي
اذا كانت نسبي (70%)
بعد الثانويه كنت ابي أفكر ادرس بس ، بس فكرت طبعا لازم الواحد يشتغل عشان يصرف على السياره الخ،،

الحسن انا ابي اشتغل وادرس، شنو احسن مكان للشغل والدراسة ؟؟!

الي يقولي العسكرية لأنه رواتبهم أعلى والي قالي روح كليه الشرطه احسن



تبي نصايحكم حول هذا الموضوع����

[A-Alansari]

انصحك تشوف لك سبونسر

من اي بنك او مؤسسة وتدرس على حسابهم وبدون دوام ينزل لك راتب

ولين تتخرج تشتغل عندهم يعني مأمن وظيفتك ويتعدل راتبك بعد التخريج

[العتوي]

والله شوف ياخوي نصيحه مني
خلص الجامعه وبعدين فكر تشتغل
انا حاليا اشتغل وادرس ومتلعوز من الصوبين ومابيك تطيح نفسي
صحيح انت تشوف انك تبي تصرف ع عمرك وتبي سياره وانا كنت نفسك
بس صراحه ندمت لاني ماكملت دراستي

[بانغ بانغ]

انصحك تشوف لك سبونسر

من اي بنك او مؤسسة وتدرس على حسابهم وبدون دوام ينزل لك راتب

ولين تتخرج تشتغل عندهم يعني مأمن وظيفتك ويتعدل راتبك بعد التخريج

بالضبط

[direction]

السلام عليكم ... كمل جامعة .. اضغط على نفسك شوي واصبر ... بس كمل دراسة وعقب اشتغل ...

[المحاميه]

انصحك تشوف لك سبونسر

من اي بنك او مؤسسة وتدرس على حسابهم وبدون دوام ينزل لك راتب

ولين تتخرج تشتغل عندهم يعني مأمن وظيفتك ويتعدل راتبك بعد التخريج

بس شنو النسبه اللي تقبلها الجهات؟ ولا عادي اي نسبه؟

[A-Alansari]

بس شنو النسبه اللي تقبلها الجهات؟ ولا عادي اي نسبه؟

والله ماعرف بالضبط

بس ماعتقد تهمهم النسبه اهم شي نسبته تدخله التخصص الي يبونه في المؤسسة او البنك

والاهم انه يكون قطري لانه اغلب الجهات ماتعطي سبونسر لغير القطريين الا بواسطه

[qtri2013]

اشكر كل واحد رد على الموضوع وماقصرتو :shy:

[نعيمه علي]

بهذه النسبة ممكن تقبلك جامعة قطر
والحين تقدر تقدم على الموقع لجامعة قطر
او تروح تقدم في كلية المجتمع ويقبلون أي نسبة المهم تعدي امتحان تحديد المستوى
وممكن تقدم على موقع وزارة التنمية الادارية تطلب منحة دراسية
يعني سبونسر لك وانت تدرس وهذا بيكون حافز لك تدرس ولك دخل ثابت يشجعك
بس الموضوع يبغي له ترتيب وتلحق عمرك وتسجل من الحين

[لـبـيـه]

بهذه النسبة ممكن تقبلك جامعة قطر
والحين تقدر تقدم على الموقع لجامعة قطر
او تروح تقدم في كلية المجتمع ويقبلون أي نسبة المهم تعدي امتحان تحديد المستوى
وممكن تقدم على موقع وزارة التنمية الادارية تطلب منحة دراسية
يعني سبونسر لك وانت تدرس وهذا بيكون حافز لك تدرس ولك دخل ثابت يشجعك
بس الموضوع يبغي له ترتيب وتلحق عمرك وتسجل من الحين
:nice:

[H H]

سبونسر

[شموخ دائم]

,

,


مرحبا


ادرس بارك الله فيك

بتفرق معاك بحياتك كلها

مافي مقارنه بين الوظيفه بالثانويه والوظيفه بالجامعه
فرق بين السماء والارض

ادرس

ادرس

ادرس


لاحق على الراتب والسيارات والسفر

استحمل شوي الان مقابل ترتاح طول حياتك

احسن من ترتاح الان وتتحسف طول حياتك

:)

,

,

[المحاميه]

والله انا مع اخوي شموخ

لكن اعتقد والله اعلم ان السبونسر يحط النسبه فالحسبان

المهم انك تحصل قبول من الجامعه عقب ان شاء الله بتيسر امورك

[qtri2013]

بخصوص السبونسر

شنو احسن مؤسسه أو بنك و يعطيني سبونسر؟

[qtri2013]

في انتظار الرد

[qtri2013]

وين أهل الخبره ننتظر الرد بخصوص السبونسر

[نعيمه علي]

انت جهز اوراقك وقدم في عدة جهات
اهم شي قدم عن طريق موقع وزارة التنمية بس عقب ما تاخذ قبول للدراسة
وقدم في مؤسسات البترول
الحين اغلب السبونسر يكون عن طريق وزارة التنمية
وفي جهات خاصة ممكن تسال عنها
وانت قاعد خلف جهاز الكمبيوتر ما راح تعرف مني او من غيري
كل يوم الصبح اخذ شهاداتك وقدم في كل مكان وتحرك
قدم على شهادة الايلتس
وتحرك بنفسك وروح اسال في المؤسسات كلها
والله يوفقك

[qtri2013]

انزين لو بروح قطر بترول هل يعطون سبونسر. . وصح سمعت انه قطر بترول رواتبهم ماتزيد بسرعه

[ضوى]

الله يوفقك

واول شي لازم انت تعرف وش تبي بالضبط حتى تعرف تقرر وتتجه للمكان الصح

[QtrGate]

قطر للبترول طالبين 80% للابتعاث
عندك وزارة التنمية الإدارية
وعندك المجلس الأعلى
وعندك البنوك
يعطونك راتب وانت تدرس

احسبها
لو اشتغلت وانت ثانوي راتبك مايزيد الا عقب مده وماتاخذ ترقيات وطول عمرك بتبقى موظف عادي
وراتبك بين 17-- 25


لكن اذا جامعي
راتبك ماتلحق عليه كل مده عندك زياده وغير الترقيات والمنصب والدورات. ( والمميزاااات) وراتبك بين 25--60
على حسب التخصص

[بوحارب]

اذا محتاج الشغل وناقصك المصروف اشتغل والله يوفقك

ولو تقدر تدخل العسكرية مرشح بيكون شي ممتاز وامورك طيبة بأذن الله

[ذكي جدااا]

انصحك تاخذ سبونسر من شركات البترول في بعض الشركات تعطي رواتب للطلاب خلال دراستهم تخصصات هم بحاجه لها.

[ابوعلي]

اقل نسبة للدخول في الكليات العسكرية 70%

وكلية الشرطة برايي افضلهم لأنك بتحصل على شهادتين عسكرية ومدنية

ولكن اخوي خذ احتياطاتك بكل مكان وحتى بجامعة قطر سجل من الحين حتى ما تفوتك الفرصة

[بونووف]

الافضل شركات البترول وعقبها اي قطاع خاص .. اخر خيار خله الهيئات والحكومة لانه رواتبهم ضعيفه بعد التخرج