استفسار

[بوجاسم@قطر]

السلام عليكم ورحمه الله وبركاته


عندي ارض مساحتها 400 متر ابغي ابنهيها بغرض البيع او الايجار واجهه الارض 14.60

كم اخلي مساحه البنيان المناسبه لان لو كبرت اوصغرت بالنهايه ماراح يتغير شي من الايجار وكم تكلفه البناء تقريبا اخليها للفيلا؟

[شموخ دائم]

,

,

مرحبا


عليكم السلام ورحمه الله

اخوي الكريم

راح تلاقي اجابات متنوعه ومختلفه لان في البناء كل شخص له وجهه نظر

حدد هدفك من البدايه افضل
للبيع لازم تهتم بشكل الفيلا الخارجي شوي حجر وشوي ديكور
ومن داخل التشطيب يكون افضل لان الي بيشتري
بيدقق على كل شي لان بيكون امامه بالسوق خيارات كثيره
لازم الفيلا عندك فيها ما يميزها ويرغب الزبون فيها
لازم تكون ( عروس )

:)

اما الايجار مو مهم الشكل المهم عدد الغرف والحمامات وباقي الخدمات
يعني مو شرط تكون عروس حتى لو ارمله ماشي الحال
:)

عاده البناء للايجار او البيع يكون فيلا دورين المساحه بحدود من 350 متر الى 430 متر مربع

ويعتمد على موقع الفيلا هل تبي تعملها ايجار ( لاجانب ) او ايجار لقطري

تختلف من داخل المرافق مثل

الملحق وغرفه الخادمه والمطبخ
وغرفه السائق مهم للقطريين

بينما الاجانب غير مهم عندهم ويفضلون كل غرفه معها حمام
افضل لتوزيع الاشخاص فيها

التكلفه راح تختلف بحسب شكل الفيلا من ديكور خارجي
ومن كميات حديد وخرسانات وعدد الحمامات فيها وبحسب ( المواصفات ) للتشطيب

اتوقع من خلال خبرتي المتواضعه بالسوق بتكون التكلفه بحدود
750 الف الى 900 الف

ما زلت اقول ( تقريبا ) ومحد يقدر يسعر الا بعد الاطلاع على الخرائط والكميات فيها
احنا نتكم عن ( فرضيه ) من خلال مشاهداتي للفيلات كثيره مرت علي بهذي المساحه

وممكن تلاقي ارخص اذا استلم البناء واحد من الي يحسب المتر وما يرا عي المواصفات والتشطيب النظيف واصول الصنعه
خل نقول بتلاقي فرق بالسعر بحدود 80 الف ارخص من ادنى سعر حطيته لك

وهذا بيكون انت ( موافق ) على نظافه الشغل والتشطيب والانجاز من خلال
اختيارك للسعر ( الارخص )
او اختيارك للمقاول ( الافضل )

وتتحمل نتيجه اختيارك ونتايجه

والله ولي التوفيق

,

,

[Bozizoo]

الايام ذي ماتنفع للبيع السوق نازل ..
اجار ممكن حاليا

[معماري قطري]

ما قصرتوا خصوصاً المبدع شموخ دائم

أحس الكتابة أسكريم واللي يحصل بنيان عنده يشتريه وهو مغمض جينات الجودة كلها فيه

انا حبيت بيوت العطية التركيب وعشت بداية حياتي في بيت مبني في حوش بيت الوالد وكان من أفضل البيوت .. كان نوع محسن وبنوه في حول شهرين أو ثلاث شهور .. الشركة اسمها كابريفاب - العطية ودخل معاهم المانع ردكو .. والحكومة بنت بيوت الدفنة بس النوع الأول وصادته مشاكل في خلط الخرسانة بماي آبار حيث كانت البلدية مانعة استخدام المياه الحلوة .. وقلت وجهة نظري مرات حتى مياهنا الحلوة فيها كلور وأملاح وللبنيان ما تصلح الا المياه المقطرة فهي الأفضل فما بالكم بالمياه المالحة

بيتي من سنة 1988 وألحين مؤجر ومساحته 110 أمتار وبنيت معاه ملحق صغير وصالة متصلة به .. لكن عند الشركة نماذج تختلف ومن دورين ..وإشتغلوا في العمارات اللي صوب المجلس الأعلى للصحة تركيب واجهات كاملة

غير فيه شركة تبني خرسانات جاهزة وأصلها مقرها في السعودية وهنا وكيلها خالد المسند عندي كتيب لها .. اسمها الشركة القطرية الدولية للخرسانة جاهزة الصنع .. والتصنيع يكون في قطر وفي الدمام عن طريق قنبر دويداغ www.qdc.com.sa وشفت مندوب مبيعاتهم قبل قال نقدر نسوي أي نوع من المباني وحتى الأساسات تركيب تصنع في المصنع

الشركة الثالثة العلي للمشاريع ويشتغلون بالخرسانة الاسفنجية أو المهواة ومن مبانيهم مجمع سكني قبل المسيلة من ثلاث أدوار وفيه ألوان متغيرة ومجمع ثاني في المرخية بمجموع حول 700 فيلا