الف الصلاة والسلام عليك ياحبيب الله محمد ^ . ^

[مهرة]

..

السلام عليكم ورحمة الله وبركاته,,

http://up.harajgulf.com/do.php?img=787752 (http://up.harajgulf.com/)

** مواطن يشترط في عقد الزواج عدم نشر تفاصيل حياته بـ«سناب وإنستقرام»


تكلمنا كثير عن هالموضوع وكيف ان نشر الخوصوصيات الشخصية وتفاصيلها الحساسة للعامة من خلال وسائل التواصل الإجتماعي وكيفية صنع الخلل وتراكماته السلبية في إزدياد وعدم السيطرة لاحقاً على مجرياته مما يسبب مشاكل وخلافات عائلية قد تصل أيضاً لجرائم جنائية غير الجرم الألكتروني طبعاً.
السؤال الذي حير كافة علماء العالم السابقين والحالين والذين سيأتون تباعاً والشبعانيين موتاً:
ماهي الغاية من نشر هذه الخصوصيات أو تلك الأخبار؟
مالفائدة المرجوة الذي يجنيه او تجنية اصحاب هذه الحسابات المختلفة؟
من يتابع من؟ ويمهمه معرفة آخر الأخبار التي تخصكم أنتم؟
أصلاً من أنتم؟
وأهم جملتين في هذا الموضوع ومن أشهرهما :
ما أحلل ,, وساي ماشاءالله بليز

أما الشرط للمواطن الخليجي أعلاه فهو من أجمل ماسمعت وشفت ويحق له اريش العين لك أدلل عليّا أدلل عليّا
يا هبة ربي من السما وأجمل هدية
عارف مسبقاً وش راح يصير والي أوله شرط آخره نور وهذا الي فعلاً لازم يصير
أتمنى توعون بناتكم خواتكم وانتي يام المعرس عليج بكنتج عطيها من الزين ودربحيها من الكوشة لييييين تطلع بيت بروحها وزوريها بعد كل جمعة مثل بنيتج ذي والله الله فيها
دام أمها عطتج إياها هدية ماوراها جزية خلاص لج كامل حرية التصرف فيها وقلبي دوم معاكم وبالرفاء والبنين.,

طيب.!! وش رايكم بشرط عقد النكاح هذا؟؟

وهل ممكن المعرس اليوم يكتب ويتشرط بالعقد؟؟ من حقوقه يعني؟؟

وهل تشوفونها عيب ومنقود بحقه؟؟


http://up.harajgulf.com/do.php?img=787753 (http://up.harajgulf.com/)

..

ومبروك عليك بنت الحلال ,, اعزمونا :nice: ملاحظة (بوفيه نو مفطحات يس) :shy:

[الشفق الحالم]

الخبر بالدوحه ولا وين؟

[Abu Mahmoud]

عليه الصلاة وافضل السلام

مرحبا بك مهرة .. انتي عينك على العزومه ههههههه تستاهلي ..

هذه الامور لا تحتاج للكتابة بالعقد ولا غيره

هذه الامور التزام ووعي ليس كل ما يقال أو ينشر فيه خير

الحياة الزوجية والخاصة يجب أن تكون في طي الكتمان والسرية

والحياة الزوجية باب مغلق له مفتاح مع الزوج ومفتاح مع الزوجة .

لا يجب على الاثنين ان يعطي مفتاحه لأحد آخر والا تمت سرقة

خصوصيات هذه الحياة وتدمرت .

شكرا لكي على موضوعك ..

[راعي الكورفت]

شكله مأخذ الثانيه على الأولى عشان جذي بشرط هالشرط هههه ههههه :nice:

[مرتبش]

من حقه .. يبي يتزوج ويرتاح ويستر على نفسه واهله

[سالم الزهران]

مب عاجبني ذا المخلوق ؟؟

[طلعة الروح]

من حقه .. يبي يتزوج ويرتاح ويستر على نفسه واهله

معناتها انه مب واثق في الطرف الاخر مبدئيا ولا هاي شرط يشرطه اقل شي ينقال عنه انه وسواسي وحالته حاله
ولو فرضنا انة حط هالشرط في العقد وتم الاخلال فيه لأي سبب او شك او خلاف يروح يهدم بيته بموجب هذا الشرط؟
اللي ابي اوصل له انه شرط غير منظور فيه من الاساس واللي يحطه اشك في سلامة تفكيره وفهمه لمؤسسة الزواج ككل.

[ضوى]

ماعجبني العنوان ، الصلاه على النبي محمد صلى الله عليه وسلم لها شروط.
، ماتكون بهالطريقه المبتذله واللي نسمعها في الاعراس استغفرك ربي واتوب اليك

بالنسبه للشرط حقه واللي يبيه يحطه في العقد دام بيحفظ خصوصيته

[بصمة قطرية]

ما ألومه بصراحة ..
بعض البنات إستخفوا حياتهم كلها في السناب ..

[طلعة الروح]

ما ألومه بصراحة ..
بعض البنات إستخفوا حياتهم كلها في السناب ..

يقدر يتزوج وحده ماعندها سناب، يكون عارف توجهاتها من البداية مش يفرض عليها عند الزواج، ومادام اشترط هالشرط فهذا يعنى انه عارف وش توجهاتها ونطاق اهتماماتها ومع ذلك اختارها...ولو حصل بعد الزواج في حلول غير ان يشترط في العقد وبالتالي يتم فسخ او طلاق بسبب هذا المنطق الغريب.

[بوخالد911]

عليه أفضل الصلاة والسلام.

[معماري قطري]

شرط تعسفي

[العقل المدمر]

ماعجبني العنوان ، الصلاه على النبي محمد صلى الله عليه وسلم لها شروط.
، ماتكون بهالطريقه المبتذله واللي نسمعها في الاعراس استغفرك ربي واتوب اليك

بالنسبه للشرط حقه واللي يبيه يحطه في العقد دام بيحفظ خصوصيته


دايما افكر فهالموضوع :omen2:
بس يمكن ما كتبتها بصوت الطقاقة :tease:

[العقل المدمر]

وبخصوص الموضوع
كشرط عادي ومن حقه
بس هالكلام يكون اتفاق بينهم
مب لدرجة ينحط فالعقد
احس هني صار هو اتفه من اللي تصور تفاصيل الحياة :secret:

[Charisma]

كفو عليه ، ولو كمل جميله ومنع الأستخدام كان أفضل .

[Charisma]

عجبني موضوع "فية صور".:nice:

[الهديل]

ما اعتقد ان هالموضوع يستاهل يكون شرط بالعقد
ممكن يتفاهم مع البنت اثناء الخطبه وإذا رفضت يشوف غيرها

[راجي الْعفو]

شي حلو انه يتفق معاها على مثل هالامور

لان ما وراها خير ..




اما كتابتها في العقد ، ( فمحل دراسة )



تذكير:

جملة ( بالرفاه و البنين ) ، كرهها أهل العلم

لأنها كانت تستعمل بقصد أن الزوج يُرزق بالبنين دون البنات


والله (يسعد سعيد بسعيدة)

[مهرة]

الخبر بالدوحه ولا وين؟

..

انتي ردج وين؟؟ لايك لو دسلايك!!

[مهرة]

عليه الصلاة وافضل السلام

مرحبا بك مهرة .. انتي عينك على العزومه ههههههه تستاهلي ..

هذه الامور لا تحتاج للكتابة بالعقد ولا غيره

هذه الامور التزام ووعي ليس كل ما يقال أو ينشر فيه خير

الحياة الزوجية والخاصة يجب أن تكون في طي الكتمان والسرية

والحياة الزوجية باب مغلق له مفتاح مع الزوج ومفتاح مع الزوجة .

لا يجب على الاثنين ان يعطي مفتاحه لأحد آخر والا تمت سرقة

خصوصيات هذه الحياة وتدمرت .

شكرا لكي على موضوعك ..

..

فعلآ لو كانت كفتا الميزان متساويه راح تطلع هالنتيجة الطيبة الي ترضي الطرفين .. ويعطيكم العافية اخوي على مروركم الراقي

موفقين ان شاءالله *

[مهرة]

شكله مأخذ الثانيه على الأولى عشان جذي بشرط هالشرط هههه ههههه :nice:

..

إلا من الهوايل الي شافها والي مايبي يشوفها بعد.!

على قولة ابراهيم صالح (خلنا ساكتين بس):secret:

[مهرة]

من حقه .. يبي يتزوج ويرتاح ويستر على نفسه واهله

..

ومن أولوياته بعد دام رضت فيه تحترم حقوقه ورغباته بس،،

في حال أخلت بهالشرط وش الإجراء الي مفروض يتخذه الزوج؟

[مهرة]

مب عاجبني ذا المخلوق ؟؟

..

بصراحه مافهمنا شي!

[مهرة]

معناتها انه مب واثق في الطرف الاخر مبدئيا ولا هاي شرط يشرطه اقل شي ينقال عنه انه وسواسي وحالته حاله
ولو فرضنا انة حط هالشرط في العقد وتم الاخلال فيه لأي سبب او شك او خلاف يروح يهدم بيته بموجب هذا الشرط؟
اللي ابي اوصل له انه شرط غير منظور فيه من الاساس واللي يحطه اشك في سلامة تفكيره وفهمه لمؤسسة الزواج ككل.

..

هلا ابله كيف سير الامتحانات وان شاء الله سهالات،،

ياطلعة الروح ياعزيزتي ليش احس في ردج اشوية تسرع وتهجم خذيها من منظور يحبها ويخاف عليها من عيون الخلق ويلف خصوصيته بشرايط حريرية ملونة بحكمة وتعقل وتروي وبرؤية مستقبلية ذو سقف وردي يرضي الطرفين.! اشرايج؟

طيب ليش ماتكون هي السبب في هدم الحياة الزوجية الي ممكن حتى مابدت فليش ماتحترم رأيه ومبدأه .،،

[مهرة]

ماعجبني العنوان ، الصلاه على النبي محمد صلى الله عليه وسلم لها شروط.
، ماتكون بهالطريقه المبتذله واللي نسمعها في الاعراس استغفرك ربي واتوب اليك

بالنسبه للشرط حقه واللي يبيه يحطه في العقد دام بيحفظ خصوصيته


عليه أفضل الصلاة والسلام.,

جميل يعني ياضوى بما انج (ام المعرس) ولدج قال مثل هالشرط وانتي معاه بس كنه ام العروس وبنتها ماعجبهم وشكلهم بسيوونها مشكلة.!

كيف بتوضحين لهم نقطة ولدج واحترام خصوصيته.,



ما ألومه بصراحة ..
بعض البنات إستخفوا حياتهم كلها في السناب ..


صار إبتذال للأسف وشغلها الشاغل وماعندها وقت معذووورة.!





يقدر يتزوج وحده ماعندها سناب، يكون عارف توجهاتها من البداية مش يفرض عليها عند الزواج، ومادام اشترط هالشرط فهذا يعنى انه عارف وش توجهاتها ونطاق اهتماماتها ومع ذلك اختارها...ولو حصل بعد الزواج في حلول غير ان يشترط في العقد وبالتالي يتم فسخ او طلاق بسبب هذا المنطق الغريب.


طيب اختي وش الي يمنع انها تتقبل الشرط هذا ., ماعتقد أجرم في حقها ولا بتموت من غيره عادي بتعيش ترا والي قبلها وبعدها من البنات وش الي تغير عليهم؟؟

يعني الطرف الثاني ماراح يعاند ويتسبب في الفسخ أو الطلاق؟؟ وترا ماتوصل للطلاق إلا إذا فعلاً البنت بتكون غير عاقل.!

[مهرة]

شرط تعسفي


من:eek5:؟؟ لهدرجة الشرط مستحيل؟؟




دايما افكر فهالموضوع :omen2:
بس يمكن ما كتبتها بصوت الطقاقة :tease:


وانتي الصادقة :)



تقولين ان شرط المعرس تافه.!! والي هي تسوية من المنطق والشرع وملزووومة اتسوية؟

في اعتقادج مش تافه؟؟

[مهرة]

كفو عليه ، ولو كمل جميله ومنع الأستخدام كان أفضل .


هذا الرد يمثل أغلب العقول الراجحة والي يفكر لمستقبل أقلة في بدايته خالي من المشاكل والحسد والقيل والقال

واعرف بنات كان شرط أزواجهم تسكر هالحسابات بما انه بالمقابل ماعنده ولا من اهتماماته وتقبلونها بكل رحابة صدر.,




ما اعتقد ان هالموضوع يستاهل يكون شرط بالعقد
ممكن يتفاهم مع البنت اثناء الخطبه وإذا رفضت يشوف غيرها


وهذا راي جميل بعد ان كانوا متفقين من البداية فبتسير الأمور على أجمل مايكون واذا ارفضت أكيد بيدور غيرها

وهالأيام قلة مانشوف المعاريس على عتب البيبان امسكوه ابو شرط ذهبي لا يطوفكم يمكن حليمة اتغير توجهاته:tease:

وعقبها بتصورين كوشتها وانتي تصيحين.!

[مهرة]

شي حلو انه يتفق معاها على مثل هالامور

لان ما وراها خير ..




اما كتابتها في العقد ، ( فمحل دراسة )



تذكير:

جملة ( بالرفاه و البنين ) ، كرهها أهل العلم

لأنها كانت تستعمل بقصد أن الزوج يُرزق بالبنين دون البنات


والله (يسعد سعيد بسعيدة)


أول مره أعرف هالمعلومة.!

جزاك الله خير اخوي

وبتحقق من صحتها بعد,,

[ZURICH]

الرجال راح يدفع فلوس ويتكفل بمصاريف طول حياتة

من حقة يتشرط شوي

[Charisma]

الرجال راح يدفع فلوس ويتكفل بمصاريف طول حياتة

من حقة يتشرط شوي

الموضوع مب تشرط أكثر من كونه بناء ووضع أسس ومبادىء تقوم عليها الأسره ، أشتراط المنع في العقد أعتقد "ماله داعي" ، بأمكانه شرح وجهة نظرة بشكل ودي وأبداء مايرغب به حتى لو كانت برساله طويلة مفصله يسترسل فيها المتقدم عن نفسه وكل مايطمح إلية وكل مايحبه ويكره ، كل ماكان الموضوع بين الطرفين بشكل "سري" كل ماكانت النتائج أفضل وأسرع ، شخصيا لا أرى في هذه البرامج سوى باب للشر ومداخل للمشاكل .

نقطه أخرى مالها علاقه في الموضوع بشكل مباشر ، الزوج يستطيع فرض هيبته واحترامه ومكانته دون اللجوء للأساليب "العسكريه" ، أفطن للموضوع ولاتنجرف وراء سلوكيات فقط لأن "كل من حولك يقوم بها" ، ومن شأنها أسقاط هيبتك تدريجيا دون الأحساس بذلك ، والصبر مفتاح الفرج ولايوجد أنسان كامل ، كل شخص له عيوب ودائما في بداية الحياة الزوجيه يكون الأختلاف والخلاف وتعارض الأفكار ، ومفتاح "الضبط" عند الزوج يقدر يعجن ويشكل مايريد ولكن بــ"نار هادئه" وأنت وحدك من يستطيع ذلك دون توجيه من أحد .




الله يستر على الجميع .

[مختلف جداََ]

إذا البنت تبي الستر و زوجها مصر على طلبه

المفروض تقول له ما طلبت شي
و هذا أم السوشيال ميديا كله سكرناه

عادي ما فيها شي
دام عندها جوال تتواصل فيه مع رفيجاتها و أهلها ما بتوقف حياتها على هالطلب .

وبعدين مع العشرة ، و لو هي مصرة ممكن تقنعه شوي شوي بعد ما تزيد الثقة بينهم و يشوف إنها فعلا عاقله و واعيه .

[العقل المدمر]

وانتي الصادقة :)



تقولين ان شرط المعرس تافه.!! والي هي تسوية من المنطق والشرع وملزووومة اتسوية؟

في اعتقادج مش تافه؟؟


انها تصور حياته اكيد من حقه يرفض
ومب من حقها تنشر اي شي يخص حياته الا باذنه
بس هالشي يصير بالاتفاق مب لدرجة ينحط فالعقد
شروط العقد اساسا جزء من خصوصية حياته
وصارت منتشرة فالجرايد وصاروا الناس كلهم يناقشون شرطه :omen2:

[راجي الْعفو]

أول مره أعرف هالمعلومة.!

جزاك الله خير اخوي

وبتحقق من صحتها بعد,,

العلم بحر وياكثر الأشياء اللي نجهلها ،
الله يزيدنا علماً

ويجزاكم بالمثل


وفائدة أيضاً أخرى:


- نبينا محمد عليه الصلاة و السلام هو ( خليل الله ) ، كما ثبت ذلك في السُّنّة
وليس ( حبيب الله ) فقط


ومرتبة الخُلّة
أعلى من مرتبة المحبّة

موفقين