العُمال والمساجد ... والرائحة ...

[بانغ بانغ]

والله اني ما اقصد الاساءة للمصلين من العمال فجزاهم الله خير الجزاء على شقاهم في الحر وتعبهم

لكن المساجد المنتشرة في انحاء البلد خاصة في منطقتنا بالوكرة .... توجد مساجد الصندقة او الكبائن وبما ان العمال منتشرين في كل شارع وداعوس .... فوقت الصلاة ... صراحة ما نقدر على رائحتهم اعانهم الله مساكين ...

فهل في طريقة من الاوقاف بتوفير معطرات وتهوية للمساجد او اجبار الشركات لتوفير كبائن للصلاة في المواقع

اعيد واكرر ما اقصد الاساءة لهم والتمييز في وقت الصلاة فلحد ايدش في النيات لكن نبغي راحتنا صراحة ....

تحياتي واللهم اني استغفرك واتوب اليك

[الشفق الحالم]

ممكن تتبرع للعمال بالمسجد بحيث يشترون اغراض للنظافه الشخصيه

[بانغ بانغ]

ممكن تتبرع للعمال بالمسجد بحيث يشترون اغراض للنظافه الشخصيه

توي امصلي مابي اعلق الله يهديك بس لو اتقول شي سليم لو مرة وحدة او اتخلي المجال لغيرك ايشارك

[BigBrother]

موضوع طيب من انسان طيب
معاك حق والنظافة شطر الايمان
اقترح لو يتم توزيع اعلان توعوي للعمال وللمصلين بشكل عام عن اهمية النظافة واداب الصلاة /فقه الصلاة
ومثل ما قال اخونا بانغ بدون تجريح او اساءة بس لان الاساس لا ضرر ولا ضرار وفي اذية غير مقصودة
بسبب عدم الاهتمام في هذا الموضوع
اما فصل المصلين بسبب انهم عمال فهذا لا يجوز لربما هم افضل عند الله من كثير منا

عن أبي مالك الحارث بن عاصم الأشعري رضي الله عنه قال : قال رسول الله صلى الله عليه وسلم :
( الطهور شطر الإيمان ، والحمد لله تملأ الميزان ، وسبحان الله والحمد لله تملآن - تملأ - ما بين السماوات والأرض ، والصلاة نور ، والصدقة برهان ، والصبر ضياء ،
والقرآن حجة لك أو عليك ، كل الناس يغدو ، فبائع نفسه ، فمعتقها أو موبقها ) رواه مسلم .

[بانغ بانغ]

موضوع طيب من انسان طيب
معاك حق والنظافة شطر الايمان
اقترح لو يتم توزيع اعلان توعوي للعمال وللمصلين بشكل عام عن اهمية النظافة واداب الصلاة /فقه الصلاة
ومثل ما قال اخونا بانغ بدون تجريح او اساءة بس لان الاساس لا ضرر ولا ضرار وفي اذية غير مقصودة
بسبب عدم الاهتمام في هذا الموضوع
اما فصل المصلين بسبب انهم عمال فهذا لا يجوز لربما هم افضل عند الله من كثير منا

عن أبي مالك الحارث بن عاصم الأشعري رضي الله عنه قال : قال رسول الله صلى الله عليه وسلم :
( الطهور شطر الإيمان ، والحمد لله تملأ الميزان ، وسبحان الله والحمد لله تملآن - تملأ - ما بين السماوات والأرض ، والصلاة نور ، والصدقة برهان ، والصبر ضياء ،
والقرآن حجة لك أو عليك ، كل الناس يغدو ، فبائع نفسه ، فمعتقها أو موبقها ) رواه مسلم .

رحم الله والديك اخوي وهذا من طيب معدنك الشيخ

وان شاء الله انكون عند الله من المقبولين

دايما يوم اشوفهم اتذكر الصحابي الجليل البراء بن مالك الاشعث الاغبر والذي لا يرد الله له طلبا لو دعا

[بنت شرق]

لازم حد يفهمهم من نفس لغتهم ، فهم عادة لايستجيبون الا لبعضهم البعض

[Dana’1]

ما اظن الاوقاف بتسوي شي
اذا العمال هم نفسهم يرتادون المسجد بشكل دائم الامر بيكون أسهل من لو كان كل مره عمال غير! واذا هو مسجد الحي حاول إنت وأهل الحي تدورون حلول بتثقيفهم بطرق مبتكره وفيها أجر بإذن الله بالدنيا والاخره

[aloosh]

مالك حل الى تثقيف من شخص نفس الجاليه
لان مستحل حد يقول لشخص ممنوع

التثقيف هو الام اخوي وافضل اتفق معا احد يتكلم لغتهم ويبين بعد الصلاه لهم

[MAZEN37]

اطلع يوم الجمعه من الخور اصلي بسميسمه والسبه زحمة العمال والريحه ليس انتقاص من حالتهم لكن اغلبهم جاهلين بالنظافه

[بانغ بانغ]

اطلع يوم الجمعه من الخور اصلي بسميسمه والسبه زحمة العمال والريحه ليس انتقاص من حالتهم لكن اغلبهم جاهلين بالنظافه

هاي المقصد اخوي بالضبط

[بانغ بانغ]

مالك حل الى تثقيف من شخص نفس الجاليه
لان مستحل حد يقول لشخص ممنوع

التثقيف هو الام اخوي وافضل اتفق معا احد يتكلم لغتهم ويبين بعد الصلاه لهم

بيض الله وجهك بشوف لي حد في الفريج او عالاقل انحط عطور رخيصة

[بوخالد911]

اعتقد دور ادارة المساجد بتوزيع بروشورات لتوعية المصلين
والله يعينهم

[Rider]

معاك حق اخوي وكما هو المعلوم الطهاره شرط لصحة الصلاه مع احترامي لهؤلاء العمال لازم يتم توجيهم واستغرب من لي يعارض الموضوع حنا مانقول لاتصلون معانا نحن نبحث عن النظافة والرائحة الطيب والاحاديث كثيرة

[بانغ بانغ]

اعتقد دور ادارة المساجد بتوزيع بروشورات لتوعية المصلين
والله يعينهم


معاك حق اخوي وكما هو المعلوم الطهاره شرط لصحة الصلاه مع احترامي لهؤلاء العمال لازم يتم توجيهم واستغرب من لي يعارض الموضوع حنا مانقول لاتصلون معانا نحن نبحث عن النظافة والرائحة الطيب والاحاديث كثيرة

بيض الله اوجيهكم الطيبة

[بوخالد911]

للتو تذكرت بأن الملائكة تتاذى من ريحة البصل والثوم.

[معماري قطري]

عندي لك حلين

واحد تطلب من الإمام يكلمهم وينصحهم بالنظافة أو يحطون منشورات بعدة لغات يفهمونها عن طريق الأوقاف وحتى ممكن عن طريقك وتكون سويت خير فيهم وفي غيرك

الحل الثاني تستخدم كمامة الأنف وتكون من نوع معطر

[معماري قطري]

الحل الثالث بعد ممكن تستعين بشخص يفهم لغتهم ويعرف شتقول له وتشرح له وهو يشرح لهم

[معماري قطري]

ممكن تتبرع للعمال بالمسجد بحيث يشترون اغراض للنظافه الشخصيه

بعد هذا ممكن حل .. نسوي أكياس نايلون عبارة عن هدايا بسيطة ويكون معاها توضيح بلغاتهم حتى يعرفون إن الإسلام دين يحث على النظافة وخصوصاً في المساجد

هذا الوضع مع العمال .. أذكر جابوا لإدارتنا في العمل خبير تخطيط مدن عربي وكان كبير سن وصراحة ما عنده خبرة نهائياً .. الغريب إنه اشتغل في عمان 15 سنة .. هذا جاته جلطة بسيطة ونصحوه بأكل الثوم .. واستوى يجي الدوام يمضغ كم فص ثوم .. وكانت عندنا قاعة كبيرة للرسامين وبعض المهندسين بمقاس 25 في 12 ومن دخلت من الباب الا شميت ريحة الثوم وكانت قوية .. وانا عذابي الثوم واحبه بس مب وقته أول الصبح .. ولا شعوريا عصبت ورفعت صوتي وقلت من اللي ريحته ثوم وكأني ما ادري لكن للاحترام حدود وهو حس وقلل شوي من الثوم .. بس سنة مسكين وأنهينا خدماته وزعل

[هيليوم]

في مثل هالمشاكل الحلول الفردية افضل لتفادي الاحراج للطرف الثاني ومن جهة ثانية لان الناس تتغير كل فترة وصعب كل شوي نوجه

شخصيا لما كنت اروح مكان اعرف ان مواصفاته بالصورة هذي كنت احط دهن عود بشكل خفيف تحت خشمي او أي عطر ثاني ما يسبب لي تحسس وكان فعلا يفرق معاي وما احس بالريحة لاني اشم العود او العطر طول الوقت

[بانغ بانغ]

في مثل هالمشاكل الحلول الفردية افضل لتفادي الاحراج للطرف الثاني ومن جهة ثانية لان الناس تتغير كل فترة وصعب كل شوي نوجه

شخصيا لما كنت اروح مكان اعرف ان مواصفاته بالصورة هذي كنت احط دهن عود بشكل خفيف تحت خشمي او أي عطر ثاني ما يسبب لي تحسس وكان فعلا يفرق معاي وما احس بالريحة لاني اشم العود او العطر طول الوقت

صباح الخير

والله كلامك صح اسوي كذا ... اترس الخشم دهن هود واصلي

المشلكة عندي جيوب انفية وحساسية ضد العود والبخور والعطور بس الحاجة تغلبني احيانا

حبيب

[راعي ال VXR]

موضوعك في محله اخوي وصدقت
وجدا متاذي من هالجهلاء واللي جنبك يجيك واحد يكثر الحركه كل شوي يجييك يضرب كوعه بكوعك ويتناهد او يتجعد وريحته نتنه
طيب الرسول صلى الله عليه وسلم قال عن اللي اكل الثوم لا يقربن المسجد ايش معناته ....معناته انك لاتؤذي من حولك
بريحتك او بحركاتك كي لا يذهب خشوع المصلي اثناء الصلاه والصلاه بدون خشوع لا تقبل يعني هذاا متسبب لا هووو صلى ولا خلى غيره يصلي
الحين الحل ...تعبت نفسياااا من هؤلاء ..

[بانغ بانغ]

موضوعك في محله اخوي وصدقت
وجدا متاذي من هالجهلاء واللي جنبك يجيك واحد يكثر الحركه كل شوي يجييك يضرب كوعه بكوعك ويتناهد او يتجعد وريحته نتنه
طيب الرسول صلى الله عليه وسلم قال عن اللي اكل الثوم لا يقربن المسجد ايش معناته ....معناته انك لاتؤذي من حولك
بريحتك او بحركاتك كي لا يذهب خشوع المصلي اثناء الصلاه والصلاه بدون خشوع لا تقبل يعني هذاا متسبب لا هووو صلى ولا خلى غيره يصلي
الحين الحل ...تعبت نفسياااا من هؤلاء ..

ايطول لي بعمرك الشيخ

[A-Alansari]

انا اشوف المشكله بالنسبه لهم انهم يشتغلون في مكان وسكنهم في مكان بعيد مستحيل يقدر يسبح ويجيك وخصوصا العمال في الشارع من الصبح لين المغرب يشتغلون طبيعي ريحتهم بتصير مب حلوه لكن بعد مو بيدهم الموضوع ومستحيل الشركات بتعطيهم وقت انهم يتنظفون ولا بيوفرون لهم مكان عشان يسبحون يخلونهم شغل من الصبح لين الليل وعقب يركبونهم في باص ويودونهم سكنهم في الصناعيه

وعاد تعال الشوف السكن عادي تلاقي 15 واحد وماعندهم غير حمام واحد بس

الله يعينهم وماعتقد في حل صراحه لانه حتى لو في معطرات ولو شنو تحطون في المسجد الريحه بتم

مالك الا الصبر يابانغ ولا تلثم وانت تصلي:nice:

[بانغ بانغ]

انا اشوف المشكله بالنسبه لهم انهم يشتغلون في مكان وسكنهم في مكان بعيد مستحيل يقدر يسبح ويجيك وخصوصا العمال في الشارع من الصبح لين المغرب يشتغلون طبيعي ريحتهم بتصير مب حلوه لكن بعد مو بيدهم الموضوع ومستحيل الشركات بتعطيهم وقت انهم يتنظفون ولا بيوفرون لهم مكان عشان يسبحون يخلونهم شغل من الصبح لين الليل وعقب يركبونهم في باص ويودونهم سكنهم في الصناعيه

وعاد تعال الشوف السكن عادي تلاقي 15 واحد وماعندهم غير حمام واحد بس

الله يعينهم وماعتقد في حل صراحه لانه حتى لو في معطرات ولو شنو تحطون في المسجد الريحه بتم

مالك الا الصبر يابانغ ولا تلثم وانت تصلي:nice:

هههههههههه بس سمعت مب من السنة اللي يصلي ويتلثم

الله المستعان مساكين

[بومحمد المطاوعه]

هههههههههه بس سمعت مب من السنة اللي يصلي ويتلثم

الله المستعان مساكين


لحديث أبي هريرة رضي الله عنه: أن رسول الله صلى الله عليه وسلم نهى أن يغطي الرجل فاه في الصلاة. رواه أبو داود وابن ماجه.

[A-Alansari]

هههههههههه بس سمعت مب من السنة اللي يصلي ويتلثم

الله المستعان مساكين

عيل تدري خذ معاك اثنين وحط واحد يمينك وواحد يسارك وهقهم وانت خذ راحتك:tease:

[بومحمد المطاوعه]

الصراحه
موضوعك صاير هالأيام
ولكن شتسوي ياخوي

مانقول غير الله يهون على هالعمال المساكين الي يكدون كد 24 ساعه شغل
تحصله يستانس لو سمع الأذان
اولآ
بيدري ان راح ياخذ وقت راحه فترة الصلاة
ثانيآ
يستانس انه بيصلي في جماعه
ومسكين تشوفه يتوضى وشبهه يتسبح
بس علشان يصلي ولا يفوت الصلاة عليه ,,

[khaldoon]

حتى لو وفرت لهم كبائن في المواقع يبون يصلون في المسجد مع الناس و بيتركون الكباين و المصليات..... مشكله مثلا لما تلاقيه مسكين غرقان في عرقه و ينام في الصفوف الاماميه اللي لابد لك من استعمالها و فارد نفسه على الموكيت.... طيب ايش الحل الموضوع مب بس ريحه الموضوع اصبح قذاره و جراثيم و بكتريا تنتقل لنا من المساجد و هنا لابد من وقفه جاده و لا ضرر ولا ضرار

اللي يبي يتكلم في المثاليات و انهم بشر مثلنا و ربما هم احب الى الله منا ولا فرق بين عربي و اعجمي الا بالتقوى و العمل الصالح ... ارجو توفير هذه الردود الطيبه و الكلمات المأثوره لانه نقدر نكتب اكثر منه في المثاليات بس مب موضوعنا هنا

اشكرك يا راعي الموضوع على هذا الموضوع المهم جدا ..بارك الله فيك

[بانغ بانغ]

حتى لو وفرت لهم كبائن في المواقع يبون يصلون في المسجد مع الناس و بيتركون الكباين و المصليات..... مشكله مثلا لما تلاقيه مسكين غرقان في عرقه و ينام في الصفوف الاماميه اللي لابد لك من استعمالها و فارد نفسه على الموكيت.... طيب ايش الحل الموضوع مب بس ريحه الموضوع اصبح قذاره و جراثيم و بكتريا تنتقل لنا من المساجد و هنا لابد من وقفه جاده و لا ضرر ولا ضرار

اللي يبي يتكلم في المثاليات و انهم بشر مثلنا و ربما هم احب الى الله منا ولا فرق بين عربي و اعجمي الا بالتقوى و العمل الصالح ... ارجو توفير هذه الردود الطيبه و الكلمات المأثوره لانه نقدر نكتب اكثر منه في المثاليات بس مب موضوعنا هنا

اشكرك يا راعي الموضوع على هذا الموضوع المهم جدا ..بارك الله فيك

الله يطول بعمرك ولا تنسى ترتيبات كوريا الشمالية مازلت انتظرك

[ya3coub]

أخوي بانغ بانغ

الكلمة طيبة تسوى كلشي اذا انت و هذا العامل مرتادين لنفس المسجد

مافيها شي بعد الصلاة تسلم عليه باليد

مرة و مرتين و لا شعوريا بتحس بالوقت المناسب الي ممكن تتكلم معاه و بيتفهمون.

ايضا لا تنسون دوامهم 12 ساعه او 10 ساعات و فالحر, و وسائل النظافة الي عندهم غير عن الي عندنا.

تنظيفهم صحيح بس بصابون و ان شاء الله الشمس عندنا و الحر و الرطوبة بعد فترة مالهم حل.

[بانغ بانغ]

أخوي بانغ بانغ

الكلمة طيبة تسوى كلشي اذا انت و هذا العامل مرتادين لنفس المسجد

مافيها شي بعد الصلاة تسلم عليه باليد

مرة و مرتين و لا شعوريا بتحس بالوقت المناسب الي ممكن تتكلم معاه و بيتفهمون.

ايضا لا تنسون دوامهم 12 ساعه او 10 ساعات و فالحر, و وسائل النظافة الي عندهم غير عن الي عندنا.

تنظيفهم صحيح بس بصابون و ان شاء الله الشمس عندنا و الحر و الرطوبة بعد فترة مالهم حل.

الله يجزاك خير اخوي يعقوب

[qatari 111]

هذولا ممكن اعذرهم وهي فترة صلاة الظهر
لكن بعد في مشكله من المدخن ريحته سجاير وتخيل اول مانقول آمين تعال خذ لك الصدمه من ريحة نفسه يضرب لك المخ ليين تصدع .

الله المستعان

[النهار]

تركت مسجد يبعد عن بيتي حوالي 100 متر الي مسجد يبعد حوالي 3 كيلوا
ليس بسبب رائحة المصلين لان المسجد وسط الفريج نادر مأشوف عمال يصلون فيه
بسبب انتشار سكن العزاب في وسط الاحياء السكنيه سكن العزاب ومأدراك ماسكن العزاب ومايحتويه من قذاره
الكل يأتي بملابس نظيفه والكن المشكله تجدهم يحملون معاهم البق في ملابسهم وهم ذاهبون للصلاه
ساعات كنت اشوف البق يتمشى على السجاد اوتجد البق يتمشى على ملابسهم معروف عن البق سرعة انتشاره لو حملت معاك البق وانت عائد للمنزل

[مشاكل]

كله كوم وريحة لدلاغ كوم ،، خصوصاً اذا جيت تسجد وصادف موقع خشمك موطئ قدم احد اصحاب لدلاغات المعتقة ،، وياليتهم عمّال بالعكس يجيك لابس بدلة وكاشخ ودلاغه فيها ميكروبات وفطريات الدنيا كل ابوها
لو ان لدلاغ لونها ابيض كان اعرفوا كمية القذارة اللي متراكمة فيها
الله يصلحنا اجمعين

[الشفق الحالم]

توي امصلي مابي اعلق الله يهديك بس لو اتقول شي سليم لو مرة وحدة او اتخلي المجال لغيرك ايشارك

وانا شالغلط اللي قلته!!! اقولك اتبرع لهم ولا شنو التبرع يزعلك !!!

[بانغ بانغ]

وانا شالغلط اللي قلته!!! اقولك اتبرع لهم ولا شنو التبرع يزعلك !!!

هلا اخوي

شنو اتبرع ... يعني اجيب محل عطور احطه في المسيد !

[الشفق الحالم]

هلا اخوي

شنو اتبرع ... يعني اجيب محل عطور احطه في المسيد !

انا وحده مب واحد، لو قريت مشاركتي عدل بتفهم اني ماقصدت تشتري عطور!!! انا كاتبتلك اتبرع للمسجد !!! يعني اتبرع بفلوس وهم عاد يشتروا اغراض شخصيه مثلا او حتى كتيبات تحث عالنظافه

[بانغ بانغ]

انا وحده مب واحد، لو قريت مشاركتي عدل بتفهم اني ماقصدت تشتري عطور!!! انا كاتبتلك اتبرع للمسجد !!! يعني اتبرع بفلوس وهم عاد يشتروا اغراض شخصيه مثلا او حتى كتيبات تحث عالنظافه

عالعموم تشرفت بمشاركتك والعفو

رمضان كريم

[معماري قطري]

حتى لو وفرت لهم كبائن في المواقع يبون يصلون في المسجد مع الناس و بيتركون الكباين و المصليات..... مشكله مثلا لما تلاقيه مسكين غرقان في عرقه و ينام في الصفوف الاماميه اللي لابد لك من استعمالها و فارد نفسه على الموكيت.... طيب ايش الحل الموضوع مب بس ريحه الموضوع اصبح قذاره و جراثيم و بكتريا تنتقل لنا من المساجد و هنا لابد من وقفه جاده و لا ضرر ولا ضرار

اللي يبي يتكلم في المثاليات و انهم بشر مثلنا و ربما هم احب الى الله منا ولا فرق بين عربي و اعجمي الا بالتقوى و العمل الصالح ... ارجو توفير هذه الردود الطيبه و الكلمات المأثوره لانه نقدر نكتب اكثر منه في المثاليات بس مب موضوعنا هنا

اشكرك يا راعي الموضوع على هذا الموضوع المهم جدا ..بارك الله فيك

كلامك عين العقل ولنا في سنة رسولنا الكريم صلى الله عليه وسلم أُسوة

[لـبـيـه]

عاد شنسوي نستحمل هلدقايق بعد هم لهم حق يصلون في بيت الله ومانقدر نمنعهم ونقدر ننصحهم بلتي هي احسن

لاكن مرات تكون الظروف اقوى منهم كساعات العمل والله يكون في عونهم

[معماري قطري]

أخوي بانغ بانغ

الكلمة طيبة تسوى كلشي اذا انت و هذا العامل مرتادين لنفس المسجد

مافيها شي بعد الصلاة تسلم عليه باليد

مرة و مرتين و لا شعوريا بتحس بالوقت المناسب الي ممكن تتكلم معاه و بيتفهمون.

ايضا لا تنسون دوامهم 12 ساعه او 10 ساعات و فالحر, و وسائل النظافة الي عندهم غير عن الي عندنا.

تنظيفهم صحيح بس بصابون و ان شاء الله الشمس عندنا و الحر و الرطوبة بعد فترة مالهم حل.

كلها فرشاة أسنان ومعجون وديودرنت وشوي صابون .. يفترض توجيههم لها والأمر لصاحب العمل أما بتثقيفهم أو بتوفير هذي الأدوات البسيطة وقبل كل صلاة يستخدمونها

[mersal]

والله اني ما اقصد الاساءة للمصلين من العمال فجزاهم الله خير الجزاء على شقاهم في الحر وتعبهم

لكن المساجد المنتشرة في انحاء البلد خاصة في منطقتنا بالوكرة .... توجد مساجد الصندقة او الكبائن وبما ان العمال منتشرين في كل شارع وداعوس .... فوقت الصلاة ... صراحة ما نقدر على رائحتهم اعانهم الله مساكين ...

فهل في طريقة من الاوقاف بتوفير معطرات وتهوية للمساجد او اجبار الشركات لتوفير كبائن للصلاة في المواقع

اعيد واكرر ما اقصد الاساءة لهم والتمييز في وقت الصلاة فلحد ايدش في النيات لكن نبغي راحتنا صراحة ....

تحياتي واللهم اني استغفرك واتوب اليك

صحيح كلامك خصوصا عمال البناء والصبغ عند صلاة الظهر يجي يصلي يجزاه الخير وتحصل مكان سجوده رمل واحياناً حصى صغير.. الفئه هذه المفروض امام المسجد بعد الصلاة يجتمع فيهم ويفهمهم واظن انه الواحد لو كان حاس حاله انه رح يأذي مصلي بجماعه بالمسجد تسقط عنه الجماعه مثلا اذا كان عرقان او ماكل بصل هذا الشخص معفي من صلاة الجماعة له عذر،،

وربنا يهديهم

[بانغ بانغ]

صحيح كلامك خصوصا عمال البناء والصبغ عند صلاة الظهر يجي يصلي يجزاه الخير وتحصل مكان سجوده رمل واحياناً حصى صغير.. الفئه هذه المفروض امام المسجد بعد الصلاة يجتمع فيهم ويفهمهم واظن انه الواحد لو كان حاس حاله انه رح يأذي مصلي بجماعه بالمسجد تسقط عنه الجماعه مثلا اذا كان عرقان او ماكل بصل هذا الشخص معفي من صلاة الجماعة له عذر،،

وربنا يهديهم

جزاك الله خير ما قصرتوا

[naklan]

المفروض ومن الاوقاف كبينة للعمال خارج المسجد
سكيورتي يشيك الي نظيف يدش والي بعرقة ومن موقع
عمل يحوّله للكبينة وفيها مكرفون يصلهم صوت الامام ومكيفة
حتى لا يزعجون المصلين وتحافظ على نظافة المسجد

[قطري طموح]

ياخوي بانغ والله انك ضربت على وتر جزاك الله خير ..والله اوقات افقد الخشوع في الصلاة بسبب بعض المصلين ..ياخوي بعضهم ماهم بعمال ويجي وقت صلاة الفجر والله من ريحة فمه وهو يتنفس او يقراء الفاتحه ودك الامام يسرع وينهي الصلاة ..حقيقه اشكرك على هذا الموضوع الهاام وجزاك الله الف خير

[معماري قطري]

ياخوي بانغ والله انك ضربت على وتر جزاك الله خير ..والله اوقات افقد الخشوع في الصلاة بسبب بعض المصلين ..ياخوي بعضهم ماهم بعمال ويجي وقت صلاة الفجر والله من ريحة فمه وهو يتنفس او يقراء الفاتحه ودك الامام يسرع وينهي الصلاة ..حقيقه اشكرك على هذا الموضوع الهاام وجزاك الله الف خير

هذا يا اخوي من عدم تطبيق تعاليم الدين الاسلامي بدقة .. البعض يجي بجلابية وشبه نايم .. محد يرضى بأذية الغير ولا أذية نفسه

[قطري طموح]

صدقت اخوي معماري

[khaldoon]

المفروض ومن الاوقاف كبينة للعمال خارج المسجد
سكيورتي يشيك الي نظيف يدش والي بعرقة ومن موقع
عمل يحوّله للكبينة وفيها مكرفون يصلهم صوت الامام ومكيفة
حتى لا يزعجون المصلين وتحافظ على نظافة المسجد

الادب و الخجل الزايد و عدم محاسبة المقصرين و المخطئين هو اللي جايبنا للخلف....ولا عمرنا بنتطور طالما كل مشتروك لذوق الناس و فهمهم بس بدون حسيب ولا رقيب

[طلعة الروح]

الله يهديهم النظافه يجب ان تكون داخل وبرع المساجد
محد يتقبل التعامل مع شخص ريحته تؤذي الناس خاصه اذا صارت عادة فية لا تتبدل طبيعي ان الناس راح اتجنبه.

[Abdulraman]

امس دخلت المسجد لاداة صلاة العصر وتفاجأة ان الصف الاول مش مكتمل وفي صف ثاني والصف الثاني كلهم عمال وعقب الصلاة سألت وعرفت ان الامام خله العمال يصلون في الصف الثاني عشان ريحتهم
مساكين هالعمال يكرفون في هالحر الله يعينهم

[بومحمد المطاوعه]

عاد شنسوي نستحمل هلدقايق بعد هم لهم حق يصلون في بيت الله ومانقدر نمنعهم ونقدر ننصحهم بلتي هي احسن

لاكن مرات تكون الظروف اقوى منهم كساعات العمل والله يكون في عونهم

اتفق معاك تمامآ


العتب مب على العمال وريحتهم وهم مجبوريين ياخوي

العتب على بعض الناس وللأسف عرب الي ياكلون ثوم وبصل ومادري شنو وريحة حلجهم
تقول مطبخ لوزار

الله يهديهم ويسامحهم
هذي ودك تمسكه وتطرده من المسيد ,,