لمرضى السرطان

[BigBrother]

السلام عليكم ورحمة الله
لقيت هالمقطع بالصدفة وقرات عنه القليل ويقال انه اذا ما نفع ما يضر
بس الحذر الي عنده سكر يستشير الطبيب

ان شاء الله ينفعكم ويشفي مرضاكم ومرضى المسلمين



https://www.youtube.com/watch?v=WKBLNT5U1CY

[بصمة قطرية]

جزاك الله خير ..
الله يخفف على كل المرضى و يشفيهم ..

[معماري قطري]

انتشرت سوالف كثيرة ما لها مصدر مؤكد

لي صديق الله يشفيه كان عنده سكر شبه منضبط من الدرجة الثانية .. وسمع عن الهاشمي .. اللي غنى عنه ذاك المطرب اللي يقول الهاشمي قال حن القلب حن وانا حنيني مع قلبي حنين .. المهم هذا الهاشمي اللي في الامارات

راح عنده وعطاه حبوب بدائية مضغوطة بطريقة غير صحيحة ومكونها الأساسي عشب الحديقة المنزلية وفيها مواد الله أعلم بها .. الله يهدي هذا الشخص بدأ ياخذ هذي المواد اللي قال له الهاشمي طبيعية كلها وتنزل السكر ولاحظ السكر ينزل وتم يطلب منه عن طريق البريد .. خلاني اجرب حبة بالغصب وصدقوني من شفتها اشمئزت نفسي مكورة باليد وخليط أغلبه عشب

بعد فترة رفيجي مرض وصاده فشل كلوي والسبب من هذي المواد لأن العشاب الهاشمي يخلط أنواع أدوية بعد ما يفتتها مع عشب عادي ومع مواد تسويه مثل العجينة الملتصقة ويقدر يشكلها مثل الحبوب بآلات بدائية .. لذلك مهنة العطارين لازم تكون لها ضوابط واجراءات وتعتبر تخصص

أما اللي نشوفه يصورون دكتور ما ندري بيطري أو غيره ويكتبون كلام وأكثره مب مفهوم .. نهرس 5 ليمونات .. شلون نهرسها وأشياء كثيرة مبهمة

أكيد ناقل الفيديو يبغي الخير للكل لكن النت استوى مرتع للكذب والخلطات النافعة لكل شيء وهي مب نافعة لشيء من اللي ذكروه

[BigBrother]

جزاك الله خير ..
الله يخفف على كل المرضى و يشفيهم ..

وجزاكم خير
اللهم امين

[BigBrother]

انتشرت سوالف كثيرة ما لها مصدر مؤكد

لي صديق الله يشفيه كان عنده سكر شبه منضبط من الدرجة الثانية .. وسمع عن الهاشمي .. اللي غنى عنه ذاك المطرب اللي يقول الهاشمي قال حن القلب حن وانا حنيني مع قلبي حنين .. المهم هذا الهاشمي اللي في الامارات

راح عنده وعطاه حبوب بدائية مضغوطة بطريقة غير صحيحة ومكونها الأساسي عشب الحديقة المنزلية وفيها مواد الله أعلم بها .. الله يهدي هذا الشخص بدأ ياخذ هذي المواد اللي قال له الهاشمي طبيعية كلها وتنزل السكر ولاحظ السكر ينزل وتم يطلب منه عن طريق البريد .. خلاني اجرب حبة بالغصب وصدقوني من شفتها اشمئزت نفسي مكورة باليد وخليط أغلبه عشب

بعد فترة رفيجي مرض وصاده فشل كلوي والسبب من هذي المواد لأن العشاب الهاشمي يخلط أنواع أدوية بعد ما يفتتها مع عشب عادي ومع مواد تسويه مثل العجينة الملتصقة ويقدر يشكلها مثل الحبوب بآلات بدائية .. لذلك مهنة العطارين لازم تكون لها ضوابط واجراءات وتعتبر تخصص

أما اللي نشوفه يصورون دكتور ما ندري بيطري أو غيره ويكتبون كلام وأكثره مب مفهوم .. نهرس 5 ليمونات .. شلون نهرسها وأشياء كثيرة مبهمة

أكيد ناقل الفيديو يبغي الخير للكل لكن النت استوى مرتع للكذب والخلطات النافعة لكل شيء وهي مب نافعة لشيء من اللي ذكروه



اكيد نبغي الخير للكل وان شاء الله هالموضوع غير لاني للان ما لقيت موضوع يكذب هالوصفة والطبيب الروسي مشهور ويا ريت لو طبيب قطري يراجع الموضوع ويعطينا رأيه عل وعسى ينفع مريض

تحياتي لك

[سالم الزهران]

جزاك الله خير يا طيب ونسأل الله الشفاء العاجل لمرضى المسلمين اجمعين

اما ما تفضل به اخونا المعماري عن الهاشمي فليس بمستغرب وليست اول شكوى منه

كان عندنا واحد مشهور في جده اسمه ( خوجة ) ، اقضبوه المباحث يخلط الاعشاب حقته بطريقةً ما بالكورتيزون ؟

زين قبضوا عليه و وقفوا شغله بس ما نشوف له حس ولا خبر ،، كالعادة ( دفع كفالة )!

اغلب اطباء اليوم الصدقيين و البديلين نصابين و مهنة الطب قلبوها من انسانية الى تجارية ،،،حسبنا الله عليهم

وان شاء الله ربي ينفع بوصفة هالطبيب الروسي خاصة اذا فيها اعشاب علاجية معروفة

[بانغ بانغ]

بيض الله وجهك اخوي ولك الاجر ان شاء الله

[حبر وقرطاس]

جزاك الله خير اخوي ..ولكن ارجع للطب النبوي عسل سدر مع حبه سوظا مطحونه وثوم مطحون
المقادير نص كيلو حبه سودا مطحونه
نص كيلو ثوم مطحون
وحلتيت ومر نص كيلو
طريقه الاستخدام يخلط عسل السدر مع الثوم وحبه البركه جيدا وتؤخذ منه ملعقه مع ماي حار على الريق وتبلع قطعه حلتيت ومر بحجم حبه البن وبس واستمروا يوميا عليه واموركم طيبه وافضل شرب ماي زمزم مع اليقين ان الشفاء من الله وخلوا معنوياتكم عاليه وكل امرنا خير من الله
لا تنسون لمده 3 شهور يوميا بلا انقطاع وشوفوا المناعه كيف بعدين

[النهار]

جزاك الله خير

[Beho]

كلام فاضي وبيع للوهم


اكيد نبغي الخير للكل وان شاء الله هالموضوع غير لاني للان ما لقيت موضوع يكذب هالوصفة
أخي العزيز BigBrother ليس لدي شك أنك تبغي الخير
ولكن أنك لم تجد موضوع يكذب هالوصفة لا يعد دليلا علي صحتها

[النهار]

https://www.youtube.com/watch?v=J2yNE0tqhJE

[Beho]

لأن العشاب يخلط أنواع أدوية بعد ما يفتتها مع عشب عادي ومع مواد تسويه مثل العجينة الملتصقة ويقدر يشكلها مثل الحبوب بآلات بدائية ..

للأسف هذا هو الذي لا يعلمه أغلب الناس
معظم المستحضرات "الطبيعية" تكون مخلوطة بأدوية لعلاج نفس المرض
مثلا "العصير" أو "خليط الأعشاب" الذي تقدمه بعض مراكز التنحيف عادة ما يكون مخلوطا بأدوية حقيقية للتخسيس وتثبيط الشهية
ولكن لكلمة "طبيعي" وقع السحر علي بعض الناس وللأسف منهم بعض المتعلمين