الدوام 5 ساعات خلال رمضان

[رجل الجزيرة]

وجّه سعادة السيد أحمد بن عبد الله آل محمود نائب رئيس مجلس الوزراء وزير الدولة لشؤون مجلس الوزراء، أمس، تعميماً إلى أصحاب السعادة الوزراء ورؤساء الأجهزة الحكومية والهيئات والمؤسسات العامة، حمل الرقم (2) للعام 2016، قرر فيه، بمناسبة حلول شهر رمضان المبارك للعام 1437 هجرياً، تحديد ساعات العمل الرسمي خلال الشهر الفضيل للموظفين المدنيين بخمس ساعات يومياً، تبدأ من الساعة التاسعة صباحاً وحتى الساعة الثانية بعد الظهر.

http://alarab.qa/story/869395/%D8%A7%D9%84%D8%AF%D9%88%D8%A7%D9%85-5-%D8%B3%D8%A7%D8%B9%D8%A7%D8%AA-%D8%AE%D9%84%D8%A7%D9%84-%D8%B1%D9%85%D8%B6%D8%A7%D9%86

[Abdulraman]

التوقيت ممتاز وكل عام وانتم بخير

[Abu Mahmoud]

التوقيت مناسب للشهر الفضيل ..

كل عام والجميع بخير

[مرتبش]

التوقيت ممتاز لكن المشكلة السنة بتكون بالاضافة الى زحمة الدوامات اللي كلها تبدا مع بعض ستضاف زحمة المدارس.. ياريت يصير فيه مرونة اكثر.. تكون بعض الجهات 8الى 1 وجهات اخرى 9-2 و 7-12.. واذا ماتناسبهم الفكرة ممكن يخلون الحضور مرن اللي يداوم 9 يطلع 2 واللي يداوم 7 يطلع 12 .

[Rider]

التوقيت ممتاز لكن المشكلة السنة بتكون بالاضافة الى زحمة الدوامات اللي كلها تبدا مع بعض ستضاف زحمة المدارس.. ياريت يصير فيه مرونة اكثر.. تكون بعض الجهات 8الى 1 وجهات اخرى 9-2 و 7-12.. واذا ماتناسبهم الفكرة ممكن يخلون الحضور مرن اللي يداوم 9 يطلع 2 واللي يداوم 7 يطلع 12 .
المدارس اخوي كلها تقريبا اسبوع في رمضان لكن كنت اتمنى يكون هناك دوام مرن يعني الي يداوم 8 يطلع 1 والي يداوم 9 يطلع 2 كذا بتخف الزحمة

[مناحي السادس عشر]

انا مع الأخ اللي فوقي Rider

[بوخالد911]

الله يبلغنا رمضان
ومبارك عليكم العيد

[بنت شرق]

رمضان وداوام شي من الآخر ماله حلاه من سنين وانا احاول اضبط اجازتي برمضان ما قدرت لازم ايجي ظرف من الشغل ويقضي عليها بس إنشا الله السنة الجاية تضبط معاي

[qatari 111]

اللي دوامه ميداني مثل حالتنا مايناسبه هالوقت الله يعينا على صيامه وقيامه .

[ابوعلي]

الله يعينا من الزحمة الي بتصير :rolleyes2:

[ريتويت]

احلي شي دوام رمضان..

[كاشف الغطاء]

هالقرار فقط في الوزارات ؟ انا في جهة شبه حكومية وبلغونا ان الدوام 8 ساعات اجباري مع اوفر تايم

[راعي الكورفت]

دوامي في رمضان من 6:30 الين 11:30 :weeping:

[STAR]

دوامي في رمضان من 6:30 الين 11:30 :weeping:

توقيت ولا اروع


تبادل معاي؟:telephone:

[الاسطوره]

دوامي في رمضان من 6:30 الين 11:30 :weeping:


ممتاز والله ..


انا اجازة سنوية رمضان كامل

[امـ حمد]

الله يبلغنا رمضان
ومبارك عليكم الشهر الفضيل

[بوراشد82]

فالكويت عندهم دوامين،، من الساعه تسع لين الساعه ثنتين الظهر،، او من الساعه عشر الصبح لين الساعه ثلاث العصر،، ياليت يطبقون هالنظام عندنا،، وانت مخير اي وقت تبيه تعال،،

[عاشق العديد]

والله ..

من وجهة نظري انه مفروض يكون الدوام في اول عشر أيام فرمضان والباقي اجازه لانه الشغل فرمضان اول كم يوم فقط وعقب خلاص لعالم خثرانين ..

والشغل يخففف واجد ..

[رجل الجزيرة]

نعم التعميم والحمد لله لموظفي مؤسسة حمد الطبية من الساعة 8 صباحا حتى الساعة 1 ظهرا علشان نفتك زحمة موظفي الدولة وعلى الأقل يكون فيه وقت للمقيال.
:)

[سارونه]

احنا من الساعة 10 :( صباحا الى الساعة 3 عصرا :(
يعني نوصل البيت الساعة 4 ونص مع الزحمة
وش بقى على المغرب :( مافي اي مراعاة للسيدات...