أستفسار عن ؟؟؟

[سعود.]

من جرب يركب درايش 3 طبقات ؟؟؟

اخوي توه مركب الدبل قلاس من عند ( الاختيار الاماني ) وبيتة للحين في التشطيب احس بحرارة اذا

لمست الدريشة . هل لانه الى الان ما اشتغل التكيف !! او انة طبيعي أحس بحرارة الدريشة .

ليش اسال عن 3 طبقات لان واجهة بيتي ( غرب ) وعندي اكثر الدرايش كباااار وخايف انه تأثر على

التكيف ؟؟

[شموخ دائم]

,

,


مرحبا


سؤال جديد :)

الدارج الناس تركب شباك دبل زجاج ويعطي نتائج ممتازه من عزل الصوت والغبار والحراره ايضا اذا كان عاكس يخفف شوي
ولو التكييف شغال ما بتواجه مشكله وطبيعي حر الصيف بيعطي حراره بالزجاج لو حطيت يدك على الزجاج
خاصه من شهر 6 الى 9 بالصيف
خاصه الشبابيك المواجه للشمس مباشره
التكييف والستاير بيخفف من حراره الشمس المباشره

ومو محتاج تبحث عن شباك بمواصفات اكثر

انا جربت العازل الحراري الي ينحط على زجاج السياره يعطي نتايج ممتازه على زجاج البيت خاصه الشبابيك المواجهه للشمس مباشره

لكن زجاج 3 طبقات ما سمعت عنه وما اعتقد نحتاجه وايضا بيكون مكلف ان وجد

,

,

[سعود.]

مشكور اخوي شموخ دائم على الرد .

اما عن 3 طبقات موجود عند ( الاختيار الاماني )

وأنا عارف انة مكلف . بس قلت اسوي شي اظمنة 100%

[معماري قطري]

الأهم للحرارة ولأشعة الشمس من الثلاث طبقات والأربع هو تكنولوجيا العزل ونوعية الغازغيت في الأطراف ونوع الغاز في الفراغ بين الزجاج

وبعضهم يستخدمون غشاء بسيط من صبغ خاص على وجه الزجاج الداخلي يخفف أشعة الشمس ولا يمنع نورها ويخليك تشوف واضح في الخارج .. والعاكس والعاكس في الاتجاهين أبسط هذي الأنواع

وتجربتك مع بيت إخوك طبيعية والزجاج عازل لكن ما يكيف البيت بالعكس الحرارة تدخل وتتكدس ولازم وجود التكييف .. في حالة وجود التكييف وعوامل العزل الثانية من ستائر وحتى الصبغ الخارجي والزراعة حول البيت لها تأثير ونوعية الأثاث والأرضيات والأسقف والإنارة والتجهيزات .. مثلاً غرفة كمبيوترات تصخن وكذلك مخزن فيه ثلاجات والحرارة تكون داخلية وتدخل حرارة من الخارج مهما كان العزل عندك بس أقل تكون كلما كان العزل أقوى

نشوف قوة العزل دوم بعد السكن والتكييف .. وانا نصيحتي دوم للكل اللي يبغي يعزل بيته يسوي تغليف كامل حتى للجسور وممكن نستخدم الفوم وعليه طابوق أو طوب أو حجر .. الفوم لأَنه رخيص وفعال .. مادة السيبوريكس أو الخرسانة المهواة أو الإسفنجية عازلة جيدة بس غالية .. درجة عزل الحجر بسيطة جداً ومقاربة للطابوق وحطيت أرقام لهم في موضوع العزل الحراري

لو الاختيار الألماني يعطيني اليو فاليو للعزل للنظام الثلاثي وللنظام الثنائي أو ال r-value باقدر أقارن بين النوعين وحسب السعر يسوى أو لا .. وكذلك تقدر تشوف نوعية الزجاج المعبأ الفراغ فيه بغاز الأرغون وهذا كان يباع عند قطر يو بي في سي وسمعت إنهم وقفوه لتخفيض التكلفة وعند الاختصاصي مهتمين بمصنعية الزجاج وعندهم وحطيت فيديو لهم وهم يعبون الفراغ .. الغاز خامل وغالي ويعزل زين .. عندي سكايلايت شفاف بدون عاكس فيه هذا النوع من الغاز وحرارة الشمس ما لها تأَثير ونورها ساطع داخل على باب خشب 12 سنة ولا تأَثر

بعدين لو نستعمل ستارة ثقيلة بتعطينا عزل قوي جداً مقارنة بالدبل والتربل والكوادروبل وحتى السنغل

[سعود.]

وجزاك الله خير اخوي معماري . ومنكم نستفيد

[معماري قطري]

وجزاك الله خير اخوي معماري . ومنكم نستفيد

الله يوفقك ويجزيك كل خير .. الصوت اتوقع عزله بيكون أفضل

[Qt.1]

من جرب يركب درايش 3 طبقات ؟؟؟

اخوي توه مركب الدبل قلاس من عند ( الاختيار الاماني ) وبيتة للحين في التشطيب احس بحرارة اذا

لمست الدريشة . هل لانه الى الان ما اشتغل التكيف !! او انة طبيعي أحس بحرارة الدريشة .

ليش اسال عن 3 طبقات لان واجهة بيتي ( غرب ) وعندي اكثر الدرايش كباااار وخايف انه تأثر على

التكيف ؟؟

توكل على الله وركب الدبل قلاس , الحراره شي طبيعي اتحصل حراره اذا لمست الدريشه حتى مهب 3 طبقات حتى 4 بعد بتحس بهالشي لان البيت حار ومحتفظ بالحراره من زمان والطبوق الداخلي حار لكن اذا اركبت المكيفات وبرد البيت وتشغلت المكيفات بشكل يومي بتحصل البيت بارد ويمكن حتى ماتشغل كل المكيفات من البروده ( ملاحظه انا مركب دبل قلاس ومن برودة البيت احيانا اسكر بعض المكيفات الحمدالله)

[سعود.]

شكرآ للكل

[سعود.]

وين محلات تبيع مراوح شفط دكت غير اينوكس شارع الخليج ؟

ابي شركة معروفه ممكن !!

[معماري قطري]

وين محلات تبيع مراوح شفط دكت غير اينوكس شارع الخليج ؟

ابي شركة معروفه ممكن !!

الدرويش

[سعود.]

الدرويش

اشكرك جدآ

[بوخالد911]

وانا ياخوك عندي قبة زجاجية بمساحة 7*5 وتحتها الصالة المغربية
لما ادخل الظهر احس حرررررر
مع العلم للحين ما ركبت مكيفات.

اتصلت بمحل عازل حراري وبركب نوع سيراميك وبيكلفني بحدود 5250

[سعود.]

وانا ياخوك عندي قبة زجاجية بمساحة 7*5 وتحتها الصالة المغربية
لما ادخل الظهر احس حرررررر
مع العلم للحين ما ركبت مكيفات.

اتصلت بمحل عازل حراري وبركب نوع سيراميك وبيكلفني بحدود 5250

مشروع طيب .

[معماري قطري]

اشكرك جدآ

العفو شيخنا

[معماري قطري]

وانا ياخوك عندي قبة زجاجية بمساحة 7*5 وتحتها الصالة المغربية
لما ادخل الظهر احس حرررررر
مع العلم للحين ما ركبت مكيفات.

اتصلت بمحل عازل حراري وبركب نوع سيراميك وبيكلفني بحدود 5250

كبيرة والقبة يفترض دائرية لها قطر بس ممكن سكايلايت مربع

شوف بعد التكييف بتلاحظ فرق كبير لا تهتم والسيراميك على الجدران زين بس لتخسر النور .. على الجدران يبرد بسرعة ويعكس البرودة وحلاته يكون سيراميك مغربي بنفس النقوشات ماشي مع الجبس

[الســـهم]

وين محلات تبيع مراوح شفط دكت غير اينوكس شارع الخليج ؟

ابي شركة معروفه ممكن !!

kdk في بروة الوكرة , اسعارهم حلوة وعندهم اكثر من موديل ..

[Azizuk]

كبيرة والقبة يفترض دائرية لها قطر بس ممكن سكايلايت مربع

شوف بعد التكييف بتلاحظ فرق كبير لا تهتم والسيراميك على الجدران زين بس لتخسر النور .. على الجدران يبرد بسرعة ويعكس البرودة وحلاته يكون سيراميك مغربي بنفس النقوشات ماشي مع الجبس

اخوي معماري الرجال على ماضن قصدة عازل شفاش بتقنية النانو بالسيراميك

زي المخفي اللي ينحط على شبابيك السيارات

وهذا يتركب للابراج وبعض البيوت تركبه لعزل الحرارة

[معماري قطري]

اخوي معماري الرجال على ماضن قصدة عازل شفاش بتقنية النانو بالسيراميك

زي المخفي اللي ينحط على شبابيك السيارات

وهذا يتركب للابراج وبعض البيوت تركبه لعزل الحرارة

يجوز بس إن شاء الله ما يعزل النور .. اليوم في فيلاجيو شفت تقريباً مربع منحني كبير صوب السينمات كله قزاز عادي وتحته الشمس ساطعة وحرارتها خفيفة في عز الظهر

[بوخالد911]

اخوي معماري الرجال على ماضن قصدة عازل شفاش بتقنية النانو بالسيراميك

زي المخفي اللي ينحط على شبابيك السيارات

وهذا يتركب للابراج وبعض البيوت تركبه لعزل الحرارة
عليييييييييييك نورررررررر

لازم أركب عازل سيراميك عشان أقلل الحرارة

ومشكور للتوضيح

[بوخالد911]

يجوز بس إن شاء الله ما يعزل النور .. اليوم في فيلاجيو شفت تقريباً مربع منحني كبير صوب السينمات كله قزاز عادي وتحته الشمس ساطعة وحرارتها خفيفة في عز الظهر

هلا الخبير

والله مجبور أحط العازل لتخفيف الحرارة العالية

وغلطتي لما خليت القبة بذي المساحة الكبيرة


الحين جالس أدور على سقالات
لأن محل العازل قالي لازم انت توفر السقالات

لأن عندي الارتفاع 10م
من الدور الأرضي لين القبة

[معماري قطري]

هلا الخبير

والله مجبور أحط العازل لتخفيف الحرارة العالية

وغلطتي لما خليت القبة بذي المساحة الكبيرة


الحين جالس أدور على سقالات
لأن محل العازل قالي لازم انت توفر السقالات

لأن عندي الارتفاع 10م
من الدور الأرضي لين القبة

كانت قبة بيتي وقت الصبغ شهر 3 يمكن عبارة عن سونا للي يصبغ .. لأنها تجمع حرارة البيت اللي ترتفع تحتها لكن بعد التكييف استوت الحرارة تحت معتدلة وعند القبة أكيد زايدة .. ميزة القبة تسهل خروج الحرارة من البيت وتدخل شعاع الشمس والتبريد يكون نازل تحت بسبب كثافة الهواء البارد أكثر

إصبر لين تركب التكييف وبتشوف الوضع تغير وايد ولو ما تغير تقدر تركب العازل بعدين

[Azizuk]

هلا الخبير

والله مجبور أحط العازل لتخفيف الحرارة العالية

وغلطتي لما خليت القبة بذي المساحة الكبيرة


الحين جالس أدور على سقالات
لأن محل العازل قالي لازم انت توفر السقالات

لأن عندي الارتفاع 10م
من الدور الأرضي لين القبة

في سقالات الالمنيوم خفيفه مع تواير عشان مايخترب بلاط الارضيةعليك وتكون خفيفه السقالة

وتخليها عندك للمستقبل لتنظيف والصيانة وتتصفط تصير صغيره

بس الارتفاع عندك كبير هي . هي تجي تفصيل على الرتفاع اللي محتاجه من مترين لين ماتبي

[معماري قطري]

وفيه الرافعة اللي مثل اللفت هذي سهلة وسريعة والمفروض الشركة عندها حق تسوي شغلها

[سعود.]

شركة منصور المنصور لتجارة والمقاولات .

من تعامل معها او عندة معلومات عنها !!!

[سعود.]

ماهو أفضل غراء لاصق للبورسلان ؟؟؟؟

[Azizuk]

عندك ميبي شركة ايطالية

شي يصنع في الامارات وشي في دول خرى حسب النوع

http://www.mapei.com/mobile/

العاصمة شارع بروة التجاري بعد ايطالي

http://www.cercol.com

نابينا والعامودي عندهم هذا المنتج

http://www.laticreterak.com/index.html

وفي منتج قطري يمدحونه واستخدمة في اخر تشطيب لي في البيت وممتاز وسعره ارخص من الباقي ومتوفر في السوق المحلي شركة مقرها في لبنان وفاتحين لهم مصنع في قطر

http://www.sodamco-weber.com/home.html

الموجود في السوق معظمة صنع في الامارات بالنسبة لشركات اللي ذكرتها فوق ارخص نوع بيطلع عليك الكيس الواحد يغطي من 3 الى 4 متر مربع والقيمة اذا انت شاطر اخذ الكيس سعر الجملة ب 35 ريال ارخص نوع

وممكن يوصل الكيس الواحد في بعض الانواع الى 300 ريال وعند العامودي ب 400 ريال يقول انه منتج امريكي

ام المنتج القطري اخر واحد سعر ارخص كيس عنده سعر الجملة ب 11 ريال وبصراحه انا اشوفه ممتاز

ادخل على مواقهم وشوف اللي يعجبك

بعد عندك تدمر عندهم منتج اماراتي بس ماعرف اسمه

العامل اللي عندي يقول ان المصنع واحد في الامارات وانهم بس يعبون باسم الشركة المطلوبة وينزلون السوق

حتى المصنع القطري نفس الشي يصدر للخارج المادة بدون تعبية وترجع لسوق باسم شركة اجنبية وينباع بغالي

بس معظم المشاريع تستخدم وتشترط في العقد منتج ميبي الايطالي اول واحد ذكرته لك فوق

[سعود.]

بيض الله وجهك اخوي Azizuk

على الرد والشرح والتوضيح .

[معماري قطري]

عندك ميبي شركة ايطالية

شي يصنع في الامارات وشي في دول خرى حسب النوع

http://www.mapei.com/mobile/

العاصمة شارع بروة التجاري بعد ايطالي

http://www.cercol.com

نابينا والعامودي عندهم هذا المنتج

http://www.laticreterak.com/index.html

وفي منتج قطري يمدحونه واستخدمة في اخر تشطيب لي في البيت وممتاز وسعره ارخص من الباقي ومتوفر في السوق المحلي شركة مقرها في لبنان وفاتحين لهم مصنع في قطر

http://www.sodamco-weber.com/home.html

الموجود في السوق معظمة صنع في الامارات بالنسبة لشركات اللي ذكرتها فوق ارخص نوع بيطلع عليك الكيس الواحد يغطي من 3 الى 4 متر مربع والقيمة اذا انت شاطر اخذ الكيس سعر الجملة ب 35 ريال ارخص نوع

وممكن يوصل الكيس الواحد في بعض الانواع الى 300 ريال وعند العامودي ب 400 ريال يقول انه منتج امريكي

ام المنتج القطري اخر واحد سعر ارخص كيس عنده سعر الجملة ب 11 ريال وبصراحه انا اشوفه ممتاز

ادخل على مواقهم وشوف اللي يعجبك

بعد عندك تدمر عندهم منتج اماراتي بس ماعرف اسمه

العامل اللي عندي يقول ان المصنع واحد في الامارات وانهم بس يعبون باسم الشركة المطلوبة وينزلون السوق

حتى المصنع القطري نفس الشي يصدر للخارج المادة بدون تعبية وترجع لسوق باسم شركة اجنبية وينباع بغالي

بس معظم المشاريع تستخدم وتشترط في العقد منتج ميبي الايطالي اول واحد ذكرته لك فوق

أذكر حصلت مهندس اردني اسمه خلدون جنبي في الطيارة وتوقعته رفيجنا خلدون قلت صدناك يا بو الخُلد بس للأسف طلع نسخة ثانية ولا يعرف المنتدى

المهم ذكر لي إنهم يسوون خلطات قراوت خاصة لإستعمالات عدة وعوازل مياه على ما اعتقد ومنتج قطري ونتمنى يكون جيد .. مشكلة الخلطات الكيماوية بعضها تتصلب وتيبس وتتغير خواصها وبعضها لازم لخلطها طريقة معينة ونسب معينة من الماء أو المذيب الكيماوي وهذي لازم ننتبه لها وقت التركيب ونسأل مدير المبيعات عن كيفية الخلط والنسب ولو نودي الفورمان يسمع ويتأكد يكون أفضل

[Azizuk]

أذكر حصلت مهندس اردني اسمه خلدون جنبي في الطيارة وتوقعته رفيجنا خلدون قلت صدناك يا بو الخُلد بس للأسف طلع نسخة ثانية ولا يعرف المنتدى

المهم ذكر لي إنهم يسوون خلطات قراوت خاصة لإستعمالات عدة وعوازل مياه على ما اعتقد ومنتج قطري ونتمنى يكون جيد .. مشكلة الخلطات الكيماوية بعضها تتصلب وتيبس وتتغير خواصها وبعضها لازم لخلطها طريقة معينة ونسب معينة من الماء أو المذيب الكيماوي وهذي لازم ننتبه لها وقت التركيب ونسأل مدير المبيعات عن كيفية الخلط والنسب ولو نودي الفورمان يسمع ويتأكد يكون أفضل

والله يامعماري قطري هالبنغال مافي فايدة فيهم لازم يسوي اللي في راسه شغلت له فديوات من اليوتيوب طرق تركيب وكيفية خلط المواد والنصايح بس يبقق عيونه :eek5: على انه معاي وفهم كل شي واخر شي يسوي اللي هو يبيه

يقول انا صار لي 15 سنة اشتغل بطريقتي ومحد اشتكى

كل بلد وعلى حسب طبيعةالعمالةو الشغل اللي فيها

انا خلاص يئست قمت اتوكل على الله والا ادقق في الشغل

اهم شى ان الشغل نظيف في النهائية

[معماري قطري]

والله يامعماري قطري هالبنغال مافي فايدة فيهم لازم يسوي اللي في راسه شغلت له فديوات من اليوتيوب طرق تركيب وكيفية خلط المواد والنصايح بس يبقق عيونه :eek5: على انه معاي وفهم كل شي واخر شي يسوي اللي هو يبيه

يقول انا صار لي 15 سنة اشتغل بطريقتي ومحد اشتكى

كل بلد وعلى حسب طبيعةالعمالةو الشغل اللي فيها

انا خلاص يئست قمت اتوكل على الله والا ادقق في الشغل

اهم شى ان الشغل نظيف في النهائية

الله يعينك عليهم .. انا محظوظ دريولي بنقالي ويشتغل زين يمكن في الزراعة يعترض لأنه أفهم مني لكن في البنيان يقتنع باللي ابيه ويجيب ناس يسوونه هذا لو الشغلة بسيطة .. كبيرة عن طريق مقاول وفورمان واستشاري وكل شيء موضح في العقد واللي غير مذكور نعلمه شيسوي ويسوي

[Azizuk]

اخوي سعود اذا قررت من اي شركة بتاخذ

ياليت تعطينا الاسعار والنوع اللي بتاخذة ومن اي شركة

لان انا بعدني مابلط الارضيات ومتخوف اي نوع اخذ

والبلاط اللي عندي باركة بورسلان 3 مقاسات عرض 15 و 20 و 30 سنتيميتر والطول مقاس واحد 1،20 سنتيميتر

والصالات والمجالس رخام والباقي كله بورسلان
وعلمنا شنو طريقة الدفان راح تكون بودرة وفوقها خرسانة

والا خرسانة كاملة وفوقها البلاط

لان في انواع الغراء خاصة حق الرخام وانواع للبورسلان وانواع لبلاط الحمامات والمطابخ وشي خاص حق البلاط الخارجي

[سعود.]

هلا اخوي azizuk

بس لتوضيح علشان تعرف وضعي بيتي الخاص مثل ماقلت لكم توه خالص الخميس .
البيت الثاني للاهل خلصت سباكة وكهرباء وعزل وديكور وبلاستر كامل .ودفنت هذي اخر ماوصلت نوع الدفان بودرة مكس مع كنكري زيرو .بسوي طبقة بلاستر 5سم بعدها الغراء الاصق للحين ماشريته رحت لمحل الي في طريق سلوي قريب من dhl غالي جدا الكيس الواحد 25 كيلو 75 ريال . النوع القطري الي انت قلت عنة حصلته 10 ريال بس للحين متردد وش اخذ بالضبط ولقيت انواع صناعة قطرية اخري وامراتية بعد .

غرف النوم والحمامات سراميك.الباقي بورسلان

[سعود.]

والله يوم رحت للمحلات دوخة صراحة . اخرتها بركب البورسلان على سوبر قلو وتيب القوي الرصاصي

هههههههههههه

[Azizuk]

الله يكتب لك اللي في خير وصالح

بس غريبة السعر ب 75 ريال غالي وايد

انا اخبر رحت لهم قبل كم شهر قال لي على 45 ريال بالنسبة للارضيات

والحوايط على 35 ريال بسعر الجملة

وعندهم واحد 110 ريال اللي هو سريع يعني ممكن تمشي عليه بعد 4 ساعات

اما الباقي تقدر تمشي عليه بعد يوم

يمكن ماشرحو لك عدل ارجع لهم واسالهم عن كل نوع وكم سعره

[سعود.]

والله هذا الي حصل اويمكن صار سوء فهم .

على العموم بمر نابينا والعامودي والعاصمة خلال يومين بالكثير
وبعطيك العلوم .

[Azizuk]

والله هذا الي حصل اويمكن صار سوء فهم .

على العموم بمر نابينا والعامودي والعاصمة خلال يومين بالكثير
وبعطيك العلوم .


أتوقع نابينا والعاصمة أرخص من العامودي

والعامودي اللي في وسط الدوحة عند دوار الساعة الناطقة في الزاوية بتحصل معلومات وبضاعة في المواد الأولية اكثر من اللي في طريق سلوى

عندهم مواد البناء اكثر وحلا شي الشياب الموجودين ناصحين واتحس انك تتعامل مع ناس مال اول

عندهم واحد هندي قديم كبير في السن ماسك المحاسبة واحد فارسي عجيب جداً محترم

اما محل العامودي اللي بطريق سلوى عندك احمد المصري جداً محترم في التعامل


بس العامودي شوي غالي لان معتمد على نوعية معينة من العملاء والمشاريع هذا غير ان يملك أغلى الماركات المواد الصحية ومواد البناء والاكسسوارات

[معماري قطري]

أتوقع نابينا والعاصمة أرخص من العامودي

والعامودي اللي في وسط الدوحة عند دوار الساعة الناطقة في الزاوية بتحصل معلومات وبضاعة في المواد الأولية اكثر من اللي في طريق سلوى

عندهم مواد البناء اكثر وحلا شي الشياب الموجودين ناصحين واتحس انك تتعامل مع ناس مال اول

عندهم واحد هندي قديم كبير في السن ماسك المحاسبة واحد فارسي عجيب جداً محترم

اما محل العامودي اللي بطريق سلوى عندك احمد المصري جداً محترم في التعامل


بس العامودي شوي غالي لان معتمد على نوعية معينة من العملاء والمشاريع هذا غير ان يملك أغلى الماركات المواد الصحية ومواد البناء والاكسسوارات

الله يجزيكم خير على التعاون

أحمد المصري كان قبل في فرع عمارة المالكي وهو فاهم وكثير طيب وخدوم

خذت من عندهم الايبوكسي الأسود ركبته على بيج بس قراوت اللاصق غير .. للاصق ممكن تسخدمون الأمريكي اللي يجي تقريباً ضعف الاسمنت الأبيض سعره أما للحوائط شوفوا النوع الأجود

الإيبوكسي كانوا جايبين منه لفندق وزاد وما شاء الله للحين لونه ما تغير على كثر الغسيل ولا مسك وصخ بقع فيه .. العلبة الصغيرة مع سائل الخلط كانت بحدود 150 ريال واحتاج لثلاث علب لغرفة كبيرة

اللي بيركب فرش سجاد وبيطعم الأطراف برخام أو بورسلان يرتب نزول بسيط لمكان السجادة حتى تجي نفس المستوى أو لو يحب يركب نحاس يمسك الطرف ويخليها شوي منتفخة كيفه بس تحتها أحسن أما خرسانة ويركب حشوة والسجادة أو بلاط شعبي ويركب السجادة بعد التأكد من مقاسها حتى ما يقطع قطع صغيرة

[Azizuk]

[QUOTE=معماري قطري;10446882][FONT="Times New Roman"][COLOR="Blue"][SIZE="6"][B]

الله يجزيكم خير على التعاون

أحمد المصري كان قبل في فرع عمارة المالكي وهو فاهم وكثير طيب وخدوم




هلا وغلا بوعبدالله

القسم هذا لمساعدة الناس

تفيد وتستفيد

بس في بعض الاعضاء يستفسر عن حاجه وتحاول قدر الاستطاع انك تساعدة لوجه الله

بس في الاخر مايعطيك نتائج تجربتة وتتعرف الناس الثانية و تستفيد من التجربة اللي مر فيها

تستغرب ان فجاءة اختفا وتقعد تحاتي هالرجال بخير انجز مهمتة

والواحد يتمنى لهم الخير ويطلع الشغل ممتاز

ويشهد الله أني استفدة استفادة من بعض الأعضاء الله يجزيهم خير ماقصرو معاي بالمعلومات والتنبية عن بعض الأخطاء سو كان في القسم العام او الخاص

وخاصة انت يابوعبدالله ماقصرت معاي ومهب قصور باقي الأعضاء

والله يجزي خير لكل عضو في هذا المنتدى

[سعود.]

توني جاي من العامودي عندة نوعين من الغراء الاصق صناعة اماراتية واحد 50 و 30 ريال .

المشكلة الاغراض موب عندهم موجودة الاستور في الصناعية .كان ودي لو عندهم سنبل نشوفه

[معماري قطري]

[QUOTE=معماري قطري;10446882][FONT="Times New Roman"][COLOR="Blue"][SIZE="6"][B]

الله يجزيكم خير على التعاون

أحمد المصري كان قبل في فرع عمارة المالكي وهو فاهم وكثير طيب وخدوم




هلا وغلا بوعبدالله

القسم هذا لمساعدة الناس

تفيد وتستفيد

بس في بعض الاعضاء يستفسر عن حاجه وتحاول قدر الاستطاع انك تساعدة لوجه الله

بس في الاخر مايعطيك نتائج تجربتة وتتعرف الناس الثانية و تستفيد من التجربة اللي مر فيها

تستغرب ان فجاءة اختفا وتقعد تحاتي هالرجال بخير انجز مهمتة

والواحد يتمنى لهم الخير ويطلع الشغل ممتاز

ويشهد الله أني استفدة استفادة من بعض الأعضاء الله يجزيهم خير ماقصرو معاي بالمعلومات والتنبية عن بعض الأخطاء سو كان في القسم العام او الخاص

وخاصة انت يابوعبدالله ماقصرت معاي ومهب قصور باقي الأعضاء

والله يجزي خير لكل عضو في هذا المنتدى

صادق يا اخوي عرض النتيجة مهم

وانا كثير منكم وصلته في الاخير ولكل مرحلة عندي ملاحظات والتواصل دوم مهم

كنّا نسمي قاعة الرسم المطبخ والتصميم الطبخة وبعض التداخلات الزائدة تخرب الطبخة

[Azizuk]

توني جاي من العامودي عندة نوعين من الغراء الاصق صناعة اماراتية واحد 50 و 30 ريال .

المشكلة الاغراض موب عندهم موجودة الاستور في الصناعية .كان ودي لو عندهم سنبل نشوفه


انا حالياً في مرحلة المجعون والبنتاهاوس يشتغلون في الجبس اول مايخلصون هالمرحلتين

راح ابتدئ اسلك بيبات الكهرباء الارضيّة وعلى طول ان شاالله راح ابلط

والحد الان ماقررت اي نوع وأي شركة استخدم من مادة الغراء

وخبرك بداية العام الدراسي والجو بعده حار يبي لي زيارة للمحلات المواد مره ثانية لبرد الجو شوي

وبيني وبينك خلاص لاعت جبدي من مشاهد هالعمال عندي في البيت وانتظار مراحل التشطيب

وكل مارحت البيت وفي عمال جاو يلاحقوني من غرفة الى غرفة وكل واحد يشتكي من الشركة او من كفيلة وعوار راس كأنه الواحد مصلح اجتماعي جايهم لدرجة أني قمت اروح بعد مايطلعون

وماتفقت مع المبلط عن كيفية قيمة المواد على وإلا عليه

او أني اخصم منه قيمة سعر المواد وحاسبة على شغل يده بس

[Azizuk]

[QUOTE=Azizuk;10447433]

صادق يا اخوي عرض النتيجة مهم

وانا كثير منكم وصلته في الاخير ولكل مرحلة عندي ملاحظات والتواصل دوم مهم

كنّا نسمي قاعة الرسم المطبخ والتصميم الطبخة وبعض التداخلات الزائدة تخرب الطبخة

صحيح كلامك بعض التدخلات تخرب الطبخة

وصارت عندي في أمور انا تدخلت فيها من غشامتي وطلعت انا الخسران ورجعت اعدل فيها واطلعت على الخسارة خسارتين

المشكلة بعض العمال يعرف طلبك غلط وماينبهك ان حالياً يصير الشي اللي انت تبيه بس بعدين راح تواجه مشكلة ولازم تعدل

عشان بعدين تقول له تعال عدل ويحاسبك على التعديل

الحمدالله الأمور طيبة أشياء بسيطة اللي صار عليها تعديل بس التأخير هو يعطلك في سرعة الإنجاز

[معماري قطري]

توني جاي من العامودي عندة نوعين من الغراء الاصق صناعة اماراتية واحد 50 و 30 ريال .

المشكلة الاغراض موب عندهم موجودة الاستور في الصناعية .كان ودي لو عندهم سنبل نشوفه

ذكرتني بالستور رحته مرة حق استلم قراوت وكان ظهر وحر ولا فيه تكييف والمكان مغبر والكارثة اللي طلع معاي ماخذ بوجلي .. مصباح يدوي بالقطري .. وكل شوي يطّلع نوع غير خذت الغرض وانا فارط لساني ولا شعوريا أسب فيهم وفي إدارتهم ومستعد للقتال .. كنت في عنفوان شبابي .. عيال المالك شافوني ولا ردوا لان صراحة كنت خلاص طالع من طوري

المخزن كله فيران وظلام ورطوبة قوية .. وأحسن مخزن شفته وتعاملت معاه مخزن تدمر بإرتفاع شاهق وكل مادة مرتبة ومربوطة بنظام كمبيوتر يحددون موقعها بدقة .. تحية طيبة لهم ولشغلهم المحترم

[معماري قطري]

[QUOTE=معماري قطري;10447583][FONT="Times New Roman"][COLOR="Blue"][SIZE="6"][B]

صحيح كلامك بعض التدخلات تخرب الطبخة

وصارت عندي في أمور انا تدخلت فيها من غشامتي وطلعت انا الخسران ورجعت اعدل فيها واطلعت على الخسارة خسارتين

المشكلة بعض العمال يعرف طلبك غلط وماينبهك ان حالياً يصير الشي اللي انت تبيه بس بعدين راح تواجه مشكلة ولازم تعدل

عشان بعدين تقول له تعال عدل ويحاسبك على التعديل

الحمدالله الأمور طيبة أشياء بسيطة اللي صار عليها تعديل بس التأخير هو يعطلك في سرعة الإنجاز

العمال مهنيتهم تحتم عليهم التنفيذ بدون تفكير وبعض الفورمنية قليلي الخبرة كذلك

لازم تكون ماشي على مخططات واضحة وطريقة تركيب وحتى لو المواد مقرر قبل شتركب وحاجزها وعارف مقاساتها .. لازم تكون خطوة أو أكثر جدام المرحلة اللي بتوصل لها وشغلك كله خله مع مقاول وعنده فورمان خبرة حتى لو يمر مرور

أول ما بديت أشتغل كنت اتابع بنيان تشتغل فيه شركة مدماك والفورمان راتبه 20000 ووقتها راتبي حول 11000 بس يحرك الشغل صح ودوامه طول اليوم

[سعود.]

اخوي Azizuk

اتصلت على العاصمة ونفس ماقلت عندهم نوعين واحد 120 و الثاني 40 ريال كلهم حجم الكيس 25 كيلو
ابو 40 ريال غير متوفر حاليا بتوصل خلال اسبوعين .

شكلي باخذ المنتج الامراتي ( سيلينا ) ؟؟؟؟

[Azizuk]

اخوي Azizuk

اتصلت على العاصمة ونفس ماقلت عندهم نوعين واحد 120 و الثاني 40 ريال كلهم حجم الكيس 25 كيلو
ابو 40 ريال غير متوفر حاليا بتوصل خلال اسبوعين .

شكلي باخذ المنتج الامراتي ( سيلينا ) ؟؟؟؟


طيب اخوي سعود الرجال اللي بيشتغل لك في البيت المبلط مانصحك بمنتج معين هو ستخدمة في بيوت من قبل

او انصحك بنوع معين وقال لك هذا امتيازات هذا المنتج لان هو تعامل مع كذا منتج

انا سالت العامل عن اخر منتج ذكرته لك اللي هو سدامكو المنتج القطري وامدحه لي

لان العامل تعامل مع كذا منتج ويعرف خواصه متى يمسك ولما يخلطه وشلون يتعامل معاه

خله يعطيك كذا نوع وانت اختار

بس هذا المنتج الإماراتي سيلينا اول مره اسمع عنه وحاولت ادخل أدور بالنت مالقيت عنه شي

بعض الشركات تشتري من المصنع بالطن وتعبئ بأكياس بأي اسم وتنزل في السوق

وهذي ألطريقه اكثر ناس يسونها الاسيويين للمشاريع يفتح له شركة باسم موقت اي اسم ويحط له موقع في النت اي كلام ويشتري من المصنع بكميات كبير وتنزل في المشروع وبعدها يقفل الشركة بعد انتهاء المشروع

لان في شركة كان يجيبها المبلط لي ماشفت مثلها في المحلات حتى يوم خذة الكيس للمحلات مواد البناء اللي في الفرجان ومحطات البترول يقول لي اول مره أشوفها

ويوم اتصلت لهم ردو على على الجوال اما رقم الشركة الأرضي مايردون وقال لي كم تبي الكمية وعطاني الأسعار وسألته عن العنوان طلع في شارع ام الدوم في شقة


https://sites.google.com/site/chemicalstars1/home

بعدين قام يتعامل مع شركة سدامكو المنتج القطري الجديد

http://www.sodamco-weber.com/home.html

لازم اروح اعمل زيارة على محل سدامكو موقعهم في النت ممتاز وشكل الشركة قوية ولها أفرع في دول الخليج حتى الباكنغ عندهم ممتاز زي باقي الشركات الأجنبية

بقارن الأسعار والجودة لما امر عليهم

بس انت شكلك مستعجل اخوي سعود هالأيام وتبني تخلص امورك

[سعود.]

مرحبا Azizuk

منتج سيلينا مدحة لي المبلط يقول انه نوع زين وانا للحين ماصملت 100% عليه.
خلال الايام الي راحت سألت كذا محل المشكلة كل واحد له رائي في طريقة التركيب . بس الي استخلصته منهم ان المنتج الغالي يكون لتركيب الحوائط لان يكون قوي جدا ولارضيات ممكن اي نوع بس معرف .

[معماري قطري]

مرحبا Azizuk

منتج سيلينا مدحة لي المبلط يقول انه نوع زين وانا للحين ماصملت 100% عليه.
خلال الايام الي راحت سألت كذا محل المشكلة كل واحد له رائي في طريقة التركيب . بس الي استخلصته منهم ان المنتج الغالي يكون لتركيب الحوائط لان يكون قوي جدا ولارضيات ممكن اي نوع بس معرف .

الأرضيات ما عليها مشكلة قد الحوائط ودوم ينتبه الواحد لطريقة الخلط والمقادير

بعضهم عندهم خفاق ميكانيكي يخلط عدل وبعضهم بدريل مركبين عليه حديدة ويؤدي الغرض وبعضهم لا يدوي وهذيلا يتسببون في مشكلة

بعض اللاصق يحتاج مشط مربع يسوي خطوط يدخلها الهواء وضروري للتفاعل وحتى يقوى التماسك وبعضهم شغل بلاستر وبعضهم لا يحطون الروبة في الوسط ويرضخون البلاطة في الحائط وتبقى الأطراف بدون روبة .. الأخيرة سهلة وسريعة لكن تماسكها الأقل

[معماري قطري]

يمكن المشكلة اللي تواجه الأرضيات بعد طريقة الرضخ .. تبقى الأطراف بدون روبة ومن تسكن وتنداس البلاطات تتكسر بسبب الفراغ

[Azizuk]

كنت اشوف الملبط يحط مادة الغراء في الحايط ويحط في البلاطه بعد وبعدين يركبها على الحايط ويضربها بمطرقة مطاط وبعدين يشيل البلاطه واذا الغراء ناقص يزيد ويرجع البلاطة مرة ثانية

حتى بيت جاري في واحد كان مركب رخام ويستخدم الاسمنت فوق الصبيحه الخرسانية ونفس الطريقة يركب الرخامة ويضربها ويشيلها ويزيد من الاسمنت الابيض

[سعود.]

[b]

الأرضيات ما عليها مشكلة قد الحوائط ودوم ينتبه الواحد لطريقة الخلط والمقادير

بعضهم عندهم خفاق ميكانيكي يخلط عدل وبعضهم بدريل مركبين عليه حديدة ويؤدي الغرض وبعضهم لا يدوي وهذيلا يتسببون في مشكلة

بعض اللاصق يحتاج مشط مربع يسوي خطوط يدخلها الهواء وضروري للتفاعل وحتى يقوى التماسك وبعضهم شغل بلاستر وبعضهم لا يحطون الروبة في الوسط ويرضخون البلاطة في الحائط وتبقى الأطراف بدون روبة .. الأخيرة سهلة وسريعة لكن تماسكها الأقل


يمكن المشكلة اللي تواجه الأرضيات بعد طريقة الرضخ .. تبقى الأطراف بدون روبة ومن تسكن وتنداس البلاطات تتكسر بسبب الفراغ

جزاك الله خير على التوجية المثالي .
فعلا الي فهمتة من المحلات الي جيتها بأن المشكلة في بلاط الحائط . يحتاج مواد شديدة اللصق .

[سعود.]

كنت اشوف الملبط يحط مادة الغراء في الحايط ويحط في البلاطه بعد وبعدين يركبها على الحايط ويضربها بمطرقة مطاط وبعدين يشيل البلاطه واذا الغراء ناقص يزيد ويرجع البلاطة مرة ثانية

حتى بيت جاري في واحد كان مركب رخام ويستخدم الاسمنت فوق الصبيحه الخرسانية ونفس الطريقة يركب الرخامة ويضربها ويشيلها ويزيد من الاسمنت الابيض

اتوقع يضرب البلاط على اساس يسمع صوت اذا فيه تطبيل ولا ؟؟؟؟

[Azizuk]

بس ليش لاصق الغراء الأرضيات دائمين يكون أغلا من لاصق الحوائط

واتوقع لان في دوس عليه اكثر وبعد فترة يتفكك وتتحرك البلاطة وشوي شوي تتحرك البلاطة اللي جنبها

عشان جذي لازم يكون بخصائص معينه وسعرة أغلا

والشي الثاني لما ادخل على جدول معلومات كل ماده أتحصل في خانه من الخانات تكون كثافة المادة تختلف من خلطة الى خلطة من نفس الشركة تختلف الكثافة density وفي strength

اتوقع هذا اللي يسبب الاختلاف في الأسعار

[سعود.]

بس ليش لاصق الغراء الأرضيات دائمين يكون أغلا من لاصق الحوائط

واتوقع لان في دوس عليه اكثر وبعد فترة يتفكك وتتحرك البلاطة وشوي شوي تتحرك البلاطة اللي جنبها

عشان جذي لازم يكون بخصائص معينه وسعرة أغلا

والشي الثاني لما ادخل على جدول معلومات كل ماده أتحصل في خانه من الخانات تكون كثافة المادة تختلف من خلطة الى خلطة من نفس الشركة تختلف الكثافة density وفي strength

اتوقع هذا اللي يسبب الاختلاف في الأسعار

قصة طويلة هذا الاسمنت . شوف النوع الي انت بتاخذة باخذ نفسه :victory:

[Azizuk]

قصة طويلة هذا الاسمنت . شوف النوع الي انت بتاخذة باخذ نفسه :victory:

بس صعبه اخوي انك تنتظرني لأني انا مطول لين أوصل مرحلة التبليط

وحتى لو أني جاهز ماراح ابتدئ في التبليط الا اذا برد الجو عشان اباشرهم

انت توكل على الله واختار الشركة والمنتج اللي يناسبك

انا مشكلتي وغلطتي أني اخذة بورسلان باركية 3 مقاسات في العرض وطول البلاطة الوحدة 1.20 متر ماقدر استخدم اي شي

البلاطة طويلة و3 مقاسات اخاف تقوم من طرف وتكون مقوسة هذا خوفي

انا مركب في بيت الوالد باركية طول 90 سنتيمتر وبعد فترة ارتفع البلاط من مكانه وصاير حاد كأنه سكين لانه مب بمستوى باقي البلاطات

ومأقدر أغامر اركب اي منتج وبعد فترة يقبقب على وخاصة ان طالع علي البلاط غالي

[سعود.]

انا خلال هذا الاسبوع لازم اشتري الاسمنت . الدفان خالص وباقي طبقة البلاستر . والبورسلان موجود بالبيت.
بتواصل معك قريبا

[Azizuk]

انا خلال هذا الاسبوع لازم اشتري الاسمنت . الدفان خالص وباقي طبقة البلاستر . والبورسلان موجود بالبيت.
بتواصل معك قريبا

موفق ان شاالله

[سعود.]

موفق ان شاالله

وياك وجميع المسلمين

[معماري قطري]

[b]



جزاك الله خير على التوجية المثالي .
فعلا الي فهمتة من المحلات الي جيتها بأن المشكلة في بلاط الحائط . يحتاج مواد شديدة اللصق .

الله يرحم والديك

شوف مقاطع التركيب اللي حاطها في يوتيوبيات البناء .. ثرى اليوتيوب فيه مقاطع وايد دعائية واللي اختاره لو دعاية يوضح طريقة صحيحة ومثالية .. يعني بعض المنتشر شغل غلط واللي احطه من خلال دراستي وممارستي هو المناسب .. أوقات احط الطريقة الغلط وفي الشرح المكتوب اوضح وشو الغلط

[معماري قطري]

كنت اشوف الملبط يحط مادة الغراء في الحايط ويحط في البلاطه بعد وبعدين يركبها على الحايط ويضربها بمطرقة مطاط وبعدين يشيل البلاطه واذا الغراء ناقص يزيد ويرجع البلاطة مرة ثانية

حتى بيت جاري في واحد كان مركب رخام ويستخدم الاسمنت فوق الصبيحه الخرسانية ونفس الطريقة يركب الرخامة ويضربها ويشيلها ويزيد من الاسمنت الابيض

هذي طريقة الرضخ .. بس على شوي أحسن .. المشكلة جدامك يهتمون ووراك حتى بعضهم ما يحطون على الحائط سيدة يكوم شوي على البلاطة ويضربها ضرب على الطوفة .. تستوي فجوات ولا يهمه ويضربها بالمطرقة حتى تتساوى مع الباقي

اللاصق القوي يحتاج تأسيس صح وبلاستر سيدة أو حتى لوح خشب أو لوح جبس مصنوع وسيدة بدون أي ميلان .. يشمخون شوي في البلاستر حتى بعد ما ييبس تتداخل اللزقة في الشقوق وتمسك عدل وبعضها ما تحتاج حزوز بدونها تمسك

العامل الفنان يطبق تعليمات المصنع للاصق والعامل الفهلوي يسوي اللي في راسه .. اللاصق القوي والخاص وفيه منه عازل للمياه غالي وتركب منه بحدود بسيطة وتكشطه بالمشط المربع حتى تكون الكمية مناسبة والفراغات فيها شوية هواء للتفاعل وبعد ضرب البلاطة تنزل شوي وتتساوى مع الباقي

يعني لو البلاطات كبار يحط اللاصق حق صف كامل لواجهة حائط ما يحطه لبلاطة بلاطة وبهالطريقة يضمن تركيب سريع وسهل وسيدة

[معماري قطري]

عاد لو شاري لاصق غالي بتحتاج كميات مهولة لو ركب بطريقة الضرب أو الرضخ وانت الخسران طريقة المشط والتركيب الصحيح أوفر عليك ومضمونة

[سعود.]

الله يرحم والديك

شوف مقاطع التركيب اللي حاطها في يوتيوبيات البناء .. ثرى اليوتيوب فيه مقاطع وايد دعائية واللي اختاره لو دعاية يوضح طريقة صحيحة ومثالية .. يعني بعض المنتشر شغل غلط واللي احطه من خلال دراستي وممارستي هو المناسب .. أوقات احط الطريقة الغلط وفي الشرح المكتوب اوضح وشو الغلط


جزاك الله خير

فعلا موضوعك ( يوتيوبات البناء ) موضوع شيق ويفتح العين عن اشياء كثيرة نجهلها

شكرآ للمره المليون .

[معماري قطري]

جزاك الله خير

فعلا موضوعك ( يوتيوبات البناء ) موضوع شيق ويفتح العين عن اشياء كثيرة نجهلها

شكرآ للمره المليون .

العفو يا اخوي ما سويت الا قليل من الواجب

والله يجزيك بما دعيت

[سعود.]

عززكو خلاص سدامكو

قرار نهائي .

[Azizuk]

عززكو خلاص سدامكو

قرار نهائي .


مبروك عليك اختيار الشركة ونوع المنتج

لان عملية اتخاذ القرار وعندك خيارات وايد اتشتت افكارك

خبرنا اي نوع اخترت وعلى كم اسعارهم

هم لهم محل في الصناعية بس مادل محلهم

[سعود.]

زاد التشتيت

ليش كم منتج عندهم كل ماروح محل احصل واحد ماغيرة كيس ملون 20 كم ابو 10 ريال ؟؟؟

98309

[سعود.]

مدري فوتو ولا !!!

98308

اخر ماتوصل اليه عالم البناء

:omen2:

[Azizuk]

زاد التشتيت

ليش كم منتج عندهم كل ماروح محل احصل واحد ماغيرة كيس ملون 20 كم ابو 10 ريال ؟؟؟

98309


لا طال عمرك عندهم كذا منتج

ادخل على موقعهم اللي ارسلته لك فوق

عندهم الله يسلمك جميع الانواع واكيد ان الاسعار غير

[سعود.]

الي في محلات الادوات الصحية ماحصلت غير الي طرشت صورته .
بتصل فيهم بكرا وبشوف .

[معماري قطري]

مدري فوتو ولا !!!

98308

اخر ماتوصل اليه عالم البناء

:omen2:

هذي التقوية بالبامبو وهي طريقة رخيصة تستخدم في الهند وباقي الدول حولها حتى الفلبين

استخدام المادة قديم بس الحديث استخدامها بدل الحديد للشد

وين أنصار الحديد القابل للصدا .. هذا خشب واملس وما تلتصق به الخرسانة لكن اثبت انه يعطي مقاومة للشد بحود 40 % من الحديد

[معماري قطري]

زاد التشتيت

ليش كم منتج عندهم كل ماروح محل احصل واحد ماغيرة كيس ملون 20 كم ابو 10 ريال ؟؟؟

98309

هذا اعتقد الامريكي ومخصص للأرضيات والحوائط وتركيبه واضح وشوف دعاياته او طريقته في اليوتيوب

[Azizuk]

اتصلت على مكتبهم الرئيسي

عطوني رقم واحد مسؤول المبيعات اسمه علاء

55226387

ومصنعهم في الصناعية في شارع رقم 17 بوابة رقم 238

[سعود.]

ههههههههه

توني مكلمه قالي عندي 12 منتج . على حسب طلبي نوعين wb سعره 27 ونوع ثاني PLUS سعرة 47 ريال .

سألته عن النوع الي بسوق ابو 10 ريال قالي هذا تجاري ومانبيعه في الاستور .

[سعود.]

طلبي نوع للبورسلان . وقالي كل بلاط له نوع خاص الجدران غير عن الارضي والخارجي غير عن الداخلي . كلامة منطقي وباين عليه فاهم . بكرآ بمر عليهم .

ويستمر المسلسل :fight::fight:

[سعود.]

جزاك الله خير

زين خبرتني ولاكنت باخذ ابو 10 ريال

[Azizuk]

شلون رد عليك انا اتصلت عليه مارد

اذا على 47 ريال مافرق سعرة عن باقي الشركات الثانيه اللي نفس المستوى

بعدين شنو المنتج التقليد

[معماري قطري]

طلبي نوع للبورسلان . وقالي كل بلاط له نوع خاص الجدران غير عن الارضي والخارجي غير عن الداخلي . كلامة منطقي وباين عليه فاهم . بكرآ بمر عليهم .

ويستمر المسلسل :fight::fight:

هذيلا مختصين وعارفين منتجهم ليش وطريقة تركيبه وأحسن تسمع كلامهم

عندك شيء مهم انتبه له اللاصق غير عن القراوت اللي يجي بين البلاطات وينحط في الأخير .. ولو تبغي نوع للحمامات خذ المضاد للتسريب .. القراوت في الغالب أغلى وأقوى ويغطي مساحات كبيرة ما تحتاج كميات كبيرة اشترط عليه أي علبة زايدة تقدر ترجعها

[سعود.]

[b]

هذيلا مختصين وعارفين منتجهم ليش وطريقة تركيبه وأحسن تسمع كلامهم

عندك شيء مهم انتبه له اللاصق غير عن القراوت اللي يجي بين البلاطات وينحط في الأخير .. ولو تبغي نوع للحمامات خذ المضاد للتسريب .. القراوت في الغالب أغلى وأقوى ويغطي مساحات كبيرة ما تحتاج كميات كبيرة اشترط عليه أي علبة زايدة تقدر ترجعها

جزاك الله خير ( مدير كبير ) مانستغي عن ملاحظاتك .

[سعود.]

شلون رد عليك انا اتصلت عليه مارد

اذا على 47 ريال مافرق سعرة عن باقي الشركات الثانيه اللي نفس المستوى

بعدين شنو المنتج التقليد

هلا Azizuk والله ماانتبهت لردك . الا الحين . نعم رد علي يمكن عشان رقمي سبيشل هههههههه

علاء شغال في مقر الشركة في الدوحة . ونعم قالي ابو عشر ريال هذا نبيعة في اي مكان ( تجاري ) الي حاط صورة فوق . اما الانواع الثانية فقط في مقر الاستور في الصناعية . وصلت لهم اليوم وعطوني رقم مسولهم اسمة / وديع وكلامة غير عن علاء من ناحية السعر طلع لي سعر WB الخاص في البورسلان 23 ريال 25 كيلو . وسالته عن باقي الانواع قال فقط تحتاج WB الباقي الغالي للوتر بروف مثلا نوافير وشلالات منزلية وبرك سباحة .وسالتة عن طريقة الدفان ونصحني بطبقة خرسانة خفيفة 5 سم قبل التبليط نفس نصيحة ( بوعبدالله ) .
وخلاص شريته والتوصيل اليوم عصرآ .
وديع / 55324070

[Azizuk]

هلا Azizuk والله ماانتبهت لردك . الا الحين . نعم رد علي يمكن عشان رقمي سبيشل هههههههه

علاء شغال في مقر الشركة في الدوحة . ونعم قالي ابو عشر ريال هذا نبيعة في اي مكان ( تجاري ) الي حاط صورة فوق . اما الانواع الثانية فقط في مقر الاستور في الصناعية . وصلت لهم اليوم وعطوني رقم مسولهم اسمة / وديع وكلامة غير عن علاء من ناحية السعر طلع لي سعر WB الخاص في البورسلان 23 ريال 25 كيلو . وسالته عن باقي الانواع قال فقط تحتاج WB الباقي الغالي للوتر بروف مثلا نوافير وشلالات منزلية وبرك سباحة .وسالتة عن طريقة الدفان ونصحني بطبقة خرسانة خفيفة 5 سم قبل التبليط نفس نصيحة ( بوعبدالله ) .
وخلاص شريته والتوصيل اليوم عصرآ .
وديع / 55324070

تسلم طال عمرك على المعلومات

عدل مصنعهم في شارع 17 والا في مكان ثاني

ياليت توصف لي المكان لان الصناعية كبيرة

[سعود.]

صحيح شارع 17 .

شارع مكسر وفية محلات تفتح شمال وجنوب . هو يفتح جنوب .بدون مكتب كبينة خارجية في الشمس . وتكلمهم من الشباك كنة مقصف مدرسة .

[سعود.]

بخصوص الخرسانة 5 سم قبلها طبعآ دفان . وقلت له انا سويت دفان بودرة مع زيرو كنكري ( بحص ) ورشيتة بالماء بعدها خلية يومين يجف بعدها رشيتة . اليوم اول يوم من الرشة الثانية . قال لي مضبوط مافية مشكلة انشاء الله .

وبسوي طبقة الخرسانة 5 سم خلال يومين .بس قبلها برش الدور الارضي بمواد مقاومة ( الارضة ) والحشرات .سعر

متر . تقريبا قالي صاحب الشركة 5 ريال وتركيز الرش تحت اطراف الابواب واطراف الغرف والصلات . ولازم خلال 24 ساعه بعد رش المادة .تضع الطبقة الاخيرة سوى بلاستر ولا خرسانة . يعني يبيلك كمن يوم معهم .

[Azizuk]

بخصوص الخرسانة 5 سم قبلها طبعآ دفان . وقلت له انا سويت دفان بودرة مع زيرو كنكري ( بحص ) ورشيتة بالماء بعدها خلية يومين يجف بعدها رشيتة . اليوم اول يوم من الرشة الثانية . قال لي مضبوط مافية مشكلة انشاء الله .

وبسوي طبقة الخرسانة 5 سم خلال يومين .بس قبلها برش الدور الارضي بمواد مقاومة ( الارضة ) والحشرات .سعر

متر . تقريبا قالي صاحب الشركة 5 ريال وتركيز الرش تحت اطراف الابواب واطراف الغرف والصلات . ولازم خلال 24 ساعه بعد رش المادة .تضع الطبقة الاخيرة سوى بلاستر ولا خرسانة . يعني يبيلك كمن يوم معهم .



ماشالله عليك ياخوي سعود اشطر مني

انا بس اهذر في هالمنتدى بس شغلي بطيء جداً والقهر ان جميع المواد عندي موجدة في الموقع وعندي في البيت وشئ في المخازن

شكلي بأخذ منك رقم راعي تركيب البلاط و راعي رش المبيدات

بس انتبه من اذا تبي تسوي مستوى أرضيات الصالات نفس مستوى الحمام

او

تكون ارضية الحمامات انزل من الصالات والغرف 1 سنتيمتر

الدفان على راعي البلاط وإلا وانت جايبه

ياليت ترفق لنا صور الشغل عندك وبعد لو ناخذ منك استشارات في اعمال التشطيب وأي أمور اخرى

مايصير بعد ماتخلص شغل بيتك أتشرف فيك تكمل لي بيتي :victory: هههههههههه

[سعود.]

بالعكس اخوي Azizuk

لولا الله ثم انت كان ركبت ابو 10 ريال . وزين انك خبرتني عن المنتجات الاخرى . وماأنسى نصايحك لي بخصوص احمال الكهرباء . وجايك قريب بخصوص الكهربا عندي اسئلة كثيرة تتطلب الاجابة منك .الدفان كان على راعي التبليط . بس للامانة ماراح اعطيك الرقم !!!! لانة متعب جدا واعذارة كثيرة يبي يخلص الشغل بس انا ناشب له في كل صغيرة وكبيرة . وهو اساسا متسلم كهرباء وسباكة وتبليط .راعي مواد الحشرات ناسي اسمة : 33800031

[Azizuk]

بالعكس اخوي Azizuk

لولا الله ثم انت كان ركبت ابو 10 ريال . وزين انك خبرتني عن المنتجات الاخرى . وماأنسى نصايحك لي بخصوص احمال الكهرباء . وجايك قريب بخصوص الكهربا عندي اسئلة كثيرة تتطلب الاجابة منك .الدفان كان على راعي التبليط . بس للامانة ماراح اعطيك الرقم !!!! لانة متعب جدا واعذارة كثيرة يبي يخلص الشغل بس انا ناشب له في كل صغيرة وكبيرة . وهو اساسا متسلم كهرباء وسباكة وتبليط .راعي مواد الحشرات ناسي اسمة : 33800031


حاضرين طال عمرك انت تامر

بس انا ترا مهب ذاك الزود في المعلومات على قدي

الشباب اللي في المنتدى اقدم واعرف مني في أمور البناء والتشطيب

والعين ماتعلى على الحاجب اخوي سعود

[سعود.]

امور البناء والتشطيبات ادريبك ذيب ماينخاف عليك . واتذكر ردوك كلها مثالية وانا اهتم بردودك .اما بخصوص الكهرباء
( مشاء الله عليك ) .اذكر مرة
( بوعبدالله ) يزكيك كهربائيآ في موضوع ناسية .

شيك خاص

[معماري قطري]

امور البناء والتشطيبات ادريبك ذيب ماينخاف عليك . واتذكر ردوك كلها مثالية وانا اهتم بردودك .اما بخصوص الكهرباء
( مشاء الله عليك ) .اذكر مرة
( بوعبدالله ) يزكيك كهربائيآ في موضوع ناسية .

شيك خاص

هو ما شاء الله خبرة بس الكهرباء تحتاج حسابات صحيحة بدون مهندس شبكات كهربية منزلية ما تنفع

[سعود.]

هو ما شاء الله خبرة بس الكهرباء تحتاج حسابات صحيحة بدون مهندس شبكات كهربية منزلية ما تنفع

صحيح بس للامانة

فيه موضوع حطيتة عن الكهرباء استفسر عنه .
الاستشاري قال كلام و Azizuk قال كلام

وطلع كلام Azizuk هو الصحيح .

[معماري قطري]

صحيح بس للامانة

فيه موضوع حطيتة عن الكهرباء استفسر عنه .
الاستشاري قال كلام و Azizuk قال كلام

وطلع كلام Azizuk هو الصحيح .

طلع مهندس من ورانا

شوف هو يحط أرقام ويعرف تفاصيل بس ما يبي يعترف إنه مهندس

[معماري قطري]

بخصوص الخرسانة 5 سم قبلها طبعآ دفان . وقلت له انا سويت دفان بودرة مع زيرو كنكري ( بحص ) ورشيتة بالماء بعدها خلية يومين يجف بعدها رشيتة . اليوم اول يوم من الرشة الثانية . قال لي مضبوط مافية مشكلة انشاء الله .

وبسوي طبقة الخرسانة 5 سم خلال يومين .بس قبلها برش الدور الارضي بمواد مقاومة ( الارضة ) والحشرات .سعر

متر . تقريبا قالي صاحب الشركة 5 ريال وتركيز الرش تحت اطراف الابواب واطراف الغرف والصلات . ولازم خلال 24 ساعه بعد رش المادة .تضع الطبقة الاخيرة سوى بلاستر ولا خرسانة . يعني يبيلك كمن يوم معهم .

إخوي سعود 5 سم ما تعبر خرسانة تعتبر قشرة وسكريد مثل ما يقولون .. اللي تحت البلاط من 10 سم ورايح .. 10 سم على مسؤوليتي لين أطول بعد 10 متر ما عندك مشكلة .. لو أكثر تحتاج فاصل بناء أو فاصل تمدد

[معماري قطري]

هي مغامرة ال 5 سم خصوصاً لو تحتها دفان مدكوك وما فيه خرسانة انشائية وفوق طبيعي فيه خرسانة انشائية بس ليش نحط رمل أو دفان وكلها 10 سم اللي فيها التمديدات نحط صبية كاملة ونستعمل اللاصق والصبية هذي مب شرط قوية 20 أو 15 نيوتن كفاية

[معماري قطري]

للحمامات 5 سم أو 7 تنفع لصغر المكان وما تتشلخ كتلة الصبية ولازم نحط رمل مغسول لباقي البيت 10 سم وممكن 8 سم ما عندك مشكلة ال 5 مغامرة وخصوصا لو الدفان مب مغسول وطلعت منه الأرضة .. والدفان اللي رمل يتشرب رطوبة من أي تسريب وحتى من الصبية أو السكريد ويبدأ يسربها للحوائط

[معماري قطري]

كنت اشوف فلم تثقيفي في ديسكفري يصفون البلاط المغربي على أرض ترابية مستوية في قوالب مترين في متر وتكون مصفوفة ومقلوبة .. ووراها يصبون خرسانة خاصة بسمك 2 سم ويتركونها تجف وبعدين يشيلونها بعناية ويحركونها على تواير صغيرة لين يركبونها كغشاء على الحائط وببراغي وفراغ بين الحائط وبينها .. للحائط مب مشكلة تتماسك لكن للأرضية تتكسر

[Azizuk]

اخوي معماري ممكن تسوي صبيه على الدفان بسماكة 5 سم وبعدين تقسم الصبيه كل 3 متر يسون فاصل زي المربعات او كل مترين فاصل عشان ماتتكسر

وبعدين يجي اللاصق و البورسلان

لان بالنسبة لي مجبور أن الارتفاع مع البلاط صافي يكون 15 سم وما اقدر اقلل

لأني ماخذ ارتفاع المرحاض المعلق على هذا الارتفاع اللي هو 15 سم لا اقدر اقلل وإلا اقدر أزيد

وإلا بيطلع شكل المرحاض مب حلو يامرتفع او نازل

وعندي أماكن زي الصالات رخام يعني شيل 2 سم سماكة الرخام ولاصق غراء 2 سم والباقي صبية ودفان

والغرف بورسلان سماكة 8 مم ويجي الغراء بسماكة 2 سم والباقي صبية ودفان

[سعود.]

اخوي بوعبدالله

مانستغنى عن ملاحظاتك بارك الله فيك . وكلامك مثالي 100%

ومثلك عارف ان اغلب البيوت كلها دفان بودرة ويجي فوقها خلطة اسمنت اسود طرية مع شوي تشميخ وركب على طول . والامور طيبة عندهم . انا صراحة تسندرت من كثر
الحلول الي سمعتها .
واقتنعت بأن :

( جميع الطرق تودى الى روما )

[سعود.]

يالربع

فاصل التمدد اخبرة خارجي . كيف داخلي ؟؟؟؟

[Azizuk]

اخوي بوعبدالله

مانستغنى عن ملاحظاتك بارك الله فيك . وكلامك مثالي 100%

ومثلك عارف ان اغلب البيوت كلها دفان بودرة ويجي فوقها خلطة اسمنت اسود طرية مع شوي تشميخ وركب على طول . والامور طيبة عندهم . انا صراحة تسندرت من كثر
الحلول الي سمعتها .
واقتنعت بأن :

( جميع الطرق تودى الى روما )


ماعليه اخوي سعود استحملنا شوي وخلك كووووول :nice:

لان بتسمع اقتراحات كثيرة وفي الاخر الاختيار عندك شوف الانسب

عن نفسي ودي أحط صبيه كاملة بدون دفان بس سماكة 12 سم خرسانة احس انها وايد

ولو في المستقبل حاب أغير البلاط او اعمل صيانة يبي لي ورور اكسر البلاط وبيكون لازق في الخرسانة

ويمكن يصير عندي شلوخ في حوائط البيت والغرف

وخاصة الحمامات تحتاج صيانة لو قدر الله صار تسريب وحاب تغير العازل وإلا البيبات صعبه انك تكسر صبية سماكة 15 او 20 هذا غير سقوط الحمام دايمن يكون سقوط عن مستوى البيت 15

في الاخر بتصير عندك خرسانة بسماكة 30 او 25 سم

[معماري قطري]

يالربع

فاصل التمدد اخبرة خارجي . كيف داخلي ؟؟؟؟

صدقت داخلي الأطراف تعتبر فاصل .. وأحياناً اللي تجي مخلوطة بفايبر تكون قوية وما تتكسر

ومثل ما قلت كل الطرق تؤدي الى روما فيه طريق سريع وفيه بطيء وفيه طريق موحش .. انا احب الطريق الواضح والمضمون وفيه ناس من الهم والكبت في دولهم يسلكون طريق البحر على عبارات ويغرقون ونحسب المسلم منهم إن شاء الله شهيد

[Azizuk]

صدقت داخلي الأطراف تعتبر فاصل .. وأحياناً اللي تجي مخلوطة بفايبر تكون قوية وما تتكسر

ومثل ما قلت كل الطرق تؤدي الى روما فيه طريق سريع وفيه بطيء وفيه طريق موحش .. انا احب الطريق الواضح والمضمون وفيه ناس من الهم والكبت في دولهم يسلكون طريق البحر على عبارات ويغرقون ونحسب المسلم منهم إن شاء الله شهيد

في معلمين يحطون فاصل اخر الحوائط يعني الصبيه ماتكون صاكه لين اخر الحائط يكون في فأصل 1 سم للتمدد

عندي في البيت حطو لي دار مادار الحوائط من الداخل قبل الصبية شي زي الام دي في

يسمونه المصريين سولتير يقولي هذا عشان التمدد

مادري يمكن أكون غلاطاااااان :rolleyes2:

[معماري قطري]

اخوي معماري ممكن تسوي صبيه على الدفان بسماكة 5 سم وبعدين تقسم الصبيه كل 3 متر يسون فاصل زي المربعات او كل مترين فاصل عشان ماتتكسر

وبعدين يجي اللاصق و البورسلان

لان بالنسبة لي مجبور أن الارتفاع مع البلاط صافي يكون 15 سم وما اقدر اقلل

لأني ماخذ ارتفاع المرحاض المعلق على هذا الارتفاع اللي هو 15 سم لا اقدر اقلل وإلا اقدر أزيد

وإلا بيطلع شكل المرحاض مب حلو يامرتفع او نازل

وعندي أماكن زي الصالات رخام يعني شيل 2 سم سماكة الرخام ولاصق غراء 2 سم والباقي صبية ودفان

والغرف بورسلان سماكة 8 مم ويجي الغراء بسماكة 2 سم والباقي صبية ودفان

بو سعود الغراء حده نص سم وايد مبالغين لك

طريقة وطبقات الدفان وسمكها تحدد من البداية واللي يخطط حق 5 سم لازم بيكون دافن بمستوى أعلى حتى يوصل المستوى النهائي نفس اللي حوله .. نفس الشيء للرخام يسون الصبية أقل ب 12 ملم حتى تتساوى مع البورسلان اللي بسمك 8 ملم .. بعضهم يسوون صبية مستوى واحد ووقت التركيب يوازنون بين بورسلان 12 ملم وبورسلان 8 ملم وهذي صارت عندي بكل سهولة وقربها رخام 2 سم وكلها في حيز مفتوح .. لذلك اللاصق زين يكون بحدود سعر معقولة حتى يتم تعديل اللفل به .. بين 12 و 8 ملم قصدي ال 20 ملم كانت للدرج ولازم تتركب في الأخير ويتكسر شوي تحت العتبة وحتى لو عندك فراغات تحت الرخام أو البورسلان السميك 12 ملم مستحيل تنكسر البلاطة من أوزان عادية

عن الفواصل لا تسوي ما تحتاجها بس لو تسوي البلاستر أو السكريد بخلطة فايبر أفضل لك بكثير وأضمن ما ينكسر بسبب الحرارة وتغيراتها أو أي انتفاخ في الدفان تحت بسبب الرطوبة

[معماري قطري]

في معلمين يحطون فاصل اخر الحوائط يعني الصبيه ماتكون صاكه لين اخر الحائط يكون في فأصل 1 سم للتمدد

مادري يمكن أكون غلاطاااااان :rolleyes2:

الصبية الانشائية تحت ايه لكن الفوقية هذي تغطية للمستوى وبس لا تحط .. المشكلة إذا ما عندك صبية انشائية وكان تحت كله دفان لو حطيت الفاصل الهش اللي يجي مثل الخشب لكن ينضغط هذا يتآكل ويكون طريق سهل للنمل ( النمل العادي والأبيض ) وعنده التربة تحت يكون عنده مأوى ولا يحلم به لكن لو اللي تحت صبية والفاصل الهش ذيه سويت له معالجة ضد النمل الأبيض وغطيت فوقه بماستك خلاص تكون سكرت كل الطرق على النمل

ما ادري الحل للبلاستر الخفيف كيف يكون وبدون صبية تحته لأن لازم بيتشلخ لكن ممكن لو تسوي يقصون البورد ويركبونه وبعدين يسوون البلاستر ويخلصونه بالكامل لتخليهم يسوون ويركبون يخفون العيوب .. تبقى الفواصل هذي موجودة تبين في الأطراف تخليهم يزيلون منها شوي بس حول 1 سم ويصبون دواء للنمل الأبيض على البورد .. بس دواء يكون فعال وقوي وسيدة بعد ما يصبونه يحطون ماستك عليه .. بعدين إنت بتتطمن إن البلاستر انعمل زين والمستوى سيدة ذيك الساعة يركبون البلاط والبلاط يغطي حتى فواصل التمدد ويبقى يمكن بس 2 ملم فراغ بين البلاط والطوفة هذا تغطيه النعلة وينفع للتمدد .. حتى ممكن تخليه 5 ملم ما عندك مشكلة .. تحت الفراغ يجي الماستك وتحته البورد ولو تبي تغطي الفراغ الأخير بماستك أو سيليكون ما عندك مشكلة وفوقه النعلة تخفيه .. حواف النعلة بخط سيليكون بسيط بعد تسد الفتحة البسيطة بين النعلة وآخر بلاطة قرب الحائط

[Azizuk]

واحد بحريني يقول يحطون بيب أفقي وفوقه قوطي روب فارغ مغطى بكيس نايلون تحت دفان الحمام

وموصل البيب الأفقي مع بايب مستقيم خارج جدار الحمام الى الخارج

يقول لو سمح الله صار عندك تسريب في الحمام يطّلع الماي وتعرف ان عندك خلل :discuss:

[معماري قطري]

اخوي بوعبدالله

مانستغنى عن ملاحظاتك بارك الله فيك . وكلامك مثالي 100%

ومثلك عارف ان اغلب البيوت كلها دفان بودرة ويجي فوقها خلطة اسمنت اسود طرية مع شوي تشميخ وركب على طول . والامور طيبة عندهم . انا صراحة تسندرت من كثر
الحلول الي سمعتها .
واقتنعت بأن :

( جميع الطرق تودى الى روما )

دفان البودرة بنفسه خطر لو انتفخ يكسر أي خرسانة فوقه وتقول فقعت الأرض هذا بالاضافة لكثرة الأرضة فيه ولا ينغسل .. يجيبونه لك مخلوط بشوية خشب وشوائب ويقطونه في الكسارة ومن ينرش بالماي يستوي شبه صبية بس من يصيده الماي أو الرطوبة مرة ثانية يرجع ينتفخ وفوقه صبية مثل ما تسمونها وهي بلاستر أو سكريد صج صج الوضع يخوف

بتسوي هالمغامرة سوها بس لازم اوضح ليش مغامرة .. اللي يبني يخسر ويقول للاستشاري سو لي خرسانات قوية ويهتم وهذا شيء انشائي مهم يخليه ضعيف ليش؟ ونصيحتي للكل والله لا عندي معمل ردي مكس باكسب بالدعاية المضللة ولا لي عداوة مع حد يبيع بودرة وابي اخسره بس المادة مخادعة وما تصلح كلش

هذا الطريق اللي يودي روما عن طريق البحر يعني ممكن الغرق وممكن النجاة

تصدق قلت لإخوي وشركته تشتغل في بيته مجمع كم م .. وس ... ما ابي اقول جنسياتهم وكل واحد يفتي له فتوى غير وصدقهم وكذبني بعد فترة الا جاء يقول لي يا اخوي استوى البلاط مقوس تقول طعس والبيبان حوله ما تفتح

[معماري قطري]

واحد بحريني يقول يحطون بيب أفقي وفوقه قوطي روب فارغ مغطى بكيس نايلون تحت دفان الحمام

وموصل البيب الأفقي مع بايب مستقيم خارج جدار الحمام الى الخارج

يقول لو سمح الله صار عندك تسريب في الحمام يطّلع الماي وتعرف ان عندك خلل :discuss:

الله يعينك يا بو سعود تفكر وايد .. شوف التركيبات للصرف لازم ملحومة وموصولة ببعض صح وينعمل لها اختبار ضغط بعد لو صار شيء بتعرف قبل لتدفن وبتصلح .. والتغذية كذلك وتكون في الحايط بارتفاع 40 أو 45 سم

للفنادق يسوون ممر ورا لسهولة التعديل وأكيد دكتات شبه مفتوحة يغير أي بايب يبغي ولبعض العمارات كذلك .. يعني تجي القطع كلها على جهة وحدة أو جهتين يسهل الوصول لهم

[سعود.]

جزاكم الله كل خير . اشغلتكم معاي
بشوف المبلط وبقولة على ملاحظاتكم

وشكرآ لكم

[معماري قطري]

جزاكم الله كل خير . اشغلتكم معاي
بشوف المبلط وبقولة على ملاحظاتكم

وشكرآ لكم

الله يجزيك بما دعيت

انا اللي اقوله الطريقة الأفضل والأضمن وما يعني إن باقي الطرق غلط لكنها مغامرة ولتفادي أي غلط وأي مشكلة نمل أو رطوبة أو تغير في مستوى البلاط ولو بسيط نسوي المضمون .. العمال طبيعي يدورون السهل لهم واللي متعودين عليه ولا يهمهم العميل

[سعود.]

الله يجزيك بما دعيت

انا اللي اقوله الطريقة الأفضل والأضمن وما يعني إن باقي الطرق غلط لكنها مغامرة ولتفادي أي غلط وأي مشكلة نمل أو رطوبة أو تغير في مستوى البلاط ولو بسيط نسوي المضمون .. العمال طبيعي يدورون السهل لهم واللي متعودين عليه ولا يهمهم العميل

الله يجزيك كل خير .

والله ادري انك تبي الخير للكل بنصايح والتوجة المثالي .

وبيض الله وجهك دنيا واخرة

[سعود.]

عندي سؤال ؟؟؟؟

يمكن البعض يقول اني مبالغ في الموضوع ؟؟

الحين يوم يسون اختبار العزل المائي . يحطون كميات هائلة من الماى تقريبا من 4000 الى 6000 جالون يختلف من منزل لمنزل على حسب المساحة . بعد الاختبار ينزل الماى من فتحات السطح لارتدادت الجانبية او الخلفية . هنا السؤال : الماى هذا بالكميات الهائلة ماراح يأثر على القواعد البيت وقواعد السور ؟؟؟؟ يعني ممكن مثلا يسوي هبوط ؟؟

[Azizuk]

شوف اخوي سعود البيت بعد فترة من الزمن سنة أو سنتين راح يريح ويصر هبوط غير ملاحظ

وهذا الشي طبيعي

انا عندي البيت في جهة الملحق صار عندي هبوط وبما ان مظلة المحلق لاصقة بالبيت

حائط البيت شوي تاثر

بس الحمدالله انا لين الحين مابلط وإلا صبغت

وصارت عندي بعض الشلوخ في بعض الحوائط وتم معالجتها

بالنسبة الماي راح يتبخر بسبب أشعة الشمس وانا في نظري خله لين يتبخر صحيح بياخذ وقت شوي لان الجو معتدل هالأيام بس خله يعتبر فترة اختبار للعازل لين ينشف

وواخوي معماري ماراح يقصر معاك بالنصح

[معماري قطري]

اخواني سعود وبوسعود الأساسات لازم تبنى على أرض صلبة والدفان يوصل أوقات لمتر ونص الى مترين فوقها والمفروض رطوبة بسيطة توصلها ما تؤثر خصوصاً لو كانت توها مبنية ما لها فترة

بعد انتهاء البنيان ضروري نستعجل في عمل ترتيبات الحوش ولازم مخططين شنسوي من قبل .. يعني مكان الزراعة محفور له ومحمي بطابوق من الأطراف وعزل عن المياه لا تطلع وعن جذور الشجر لتوصل للأساسات .. نبعد أحواض الزراعة بحدود متر وزيادة .. مع اني مغامر وبعض الأماكن تقريباً فوق الأساسات والحمد لله ما حصل شيء

حتى الحفر كان مقرر مترين ووقفتهم بعض الأماكن متر وبعضها مترين وشوي حسب ضعف الأرض لين وصلنا لين طبقة صخرية قوية

استشاريينا يبالغون في الخرسانات كلهم وخصوصاً الأساسات وتعودنا نسمع من بعضهم الأرض ريحت وهو سوء اشراف عنده بس يبرر .. المبالغة في الحفر أوقات تضيع منك طبقة صخرية قوية وتحتها تكون الأرض ضعيفة وتدخل في مشكلة كبيرة أما تبني على أرض ضعيفة أو تقوي الأرض بمواد اسمنتية أو تغير نوعية الأساسات وتسوي دراسة مختصة لنوع ثاني

دخلت مرة بيت فيه شلوخ قوية يبين الطابوق مثل المدرج مع الشلخ .. وقلت للمالك شغل الطابوق غلط وبدون مونة كفاية .. طلعت معاه برا رحت ورا البيت والبيت دور أرضي بس مب ذاك الوزن عليه حصلت شلخ بسيط في الزاوية قرب الأرض .. كانت وقتها الركبة قوية رفست المكان الا متكسرة خرسانة العمود وطالع الحديد نازل بس مفصول عن حديد القاعدة .. قال لي المالك المهندس يقول الأرض ريحت قلت له جيبه وراوه مكان الزاوية ذي وقول له سوء الشغل واضح

اللي يشوف حواليه ويعرف ناس قربه بنوا ولا صارت لهم مشاكل مع شلوخ ومثل ما يقولون ريحت الأرض وبيته بس اللي فيه هذي المشاكل يعرف إن فيه خلل في الشغل .. المفروض المقاول يصلح حتى لو مب مكتوب في العقد لكن قوانينا ركيكة ومقيدة ولا تنفع الا المقاول

[معماري قطري]

من ترتيبات الحوش نعمل حماية للجوانب ونسوي سلوب حتى نبعد الماء عن البنيان .. ولو نسوي نعلة حماية للحائط أفضل بكثير

[سعود.]

جزاكم الله كل خير

وشكرآ

[معماري قطري]

جزاكم الله كل خير

وشكرآ

الله يجزيك بما دعيت

لكل وضع تفصيل جيد .. بيت بدون بيسمنت تحتاط بإبعاد الماء عن الأساسات حتى ليخرب الحديد .. وبيت مع بيسمنت وضعه شوي أصعب ولازم تسوي تصريف تحت وبمضخة .. إحتياط لو ارتفعت المياه الجوفية واحتياط لأي رطوبة تنزل قرب الحائط الخارجي وتنزل للجدران الجانبية تحت الأرض وتلتصق فيها وتتسرب لها وللداخل .. حتى العازل ما ينفع وتنتهي صلاحيته ونستعمل أما فراغ كامل يخلي الماء ينزل بدون عائق ويوصل لمصيدة عبارة عن فتحات بانسياب تجبر الماء للاتجاه لها ولبايبات تجمع الماء في منهول أو اثنين وثم ترفعه مضخة لحفرة تجمع بعيدة أو للصرف الصحي أو تفرغه في الزراعة

ممكن الفراغ هذا يبقى مفتوح كبلكونة سفلية لو عندك مساحة وتكون عندك نوافذ وأبواب وزراعة خارجية واستفدت من الفراغ معمارياً .. وممكن تسويه ضيق جداً وتملاه بالحجارة الصغيرة ( كنكري ) وفوق تقدر تركب بلاط حيب ما تحب .. تحت الكنكري يجي بايب التصريف وحطيت له مقاطع فيديو في يوتيوبيات البناء

للبنيان العادي زين قبل لنحط دفان حول البيت من الخارج نحط بلاستيك سميك .. البلاستيك عادي ويمكن 100 ريال تكفي حق تشتري لحول البيت كله وهذا يبعد أي رطوبة متسربة عن الحائط والجدران .. تدفن فوقه وتركب البلاط بسلوب بعد جهة الخارج وبعيد عن الجدران

[معماري قطري]

بيت الوالد القديم قبل تكسرت الجسور الأرضية وطلع الحديد وكان مصديء ومتآكل .. هذا بعد 10 سنين من البناء .. حاولت ترقيعه بقدرات بسيطة وخبرة بسيطة وقتها كنت خريج حديث .. كسرنا وصنفرنا الحديد وحطينا مواد حماية وسكرنا بخلطات اسمنتية بمواد خاصة واستعملنا البلاستيك والبتومين للعزل لكن كانت الرطوبة قوية وموجودة داخل والحلول كلها ترقيعية ما تفيد الا لفترة مؤقتة ورجعت الشلوخ بس أخف من قبل والبيت عايش حول ربع قرن ومؤجر الحين

فيه مضخات هواء قوية وفيه منها تضخ هواء حار تزيل الرطوبة وهذي ضرورية حق مثل هذي الحالات وحق تسرب الماء من الحمامات للأرضيات حولها لو حصل .. ولو الأرضيات معمولة من دفان يبقى ازالة البلاط وتنشيف الدفان ضروري وممكن حتى ازالته وتنشيف الخرسانة تحته .. بشوف يوتيوب لهذي الطريقة لو حصلت

[الوطنيه]

بالتوفيق

[سعود.]

الحين اي شي تحت الارض يعزل بتومين الاسود ( سائل )
ليش المنهول ( الرئيسي ) اعزكم الله
مايعزل قواعدة اعمدة وطابوقة وسقفة .
مع ان المنهولات الصغير الي في الارتداد
الجانبي او الخلفي تعزل !!!

[Abu-hmood]

بصراحه استفدت من هذا الموضوع الله يعطيكم العافيه

[معماري قطري]

الحين اي شي تحت الارض يعزل بتومين الاسود ( سائل )
ليش المنهول ( الرئيسي ) اعزكم الله
مايعزل قواعدة اعمدة وطابوقة وسقفة .
مع ان المنهولات الصغير الي في الارتداد
الجانبي او الخلفي تعزل !!!

يمكن قصدك المنهول الحكومي؟

ومتى كانت أشغال الحكومة صح .. كفاية المنهولات اللي تقرقع في الطريق تخلي تصيدك حالة عصبية تتخيل سيارة صدمتك .. كله شغل مؤقت وقطر تستحق الأفضل

[سعود.]

الي اقصدة اعزكم الله ( المنهول ) الرئيسي الكبير القريب من السور

[Azizuk]

من ترتيبات الحوش نعمل حماية للجوانب ونسوي سلوب حتى نبعد الماء عن البنيان .. ولو نسوي نعلة حماية للحائط أفضل بكثير


اخوي معماري قطري شفت المادة اللي تنصبغ فيها عمدان والجسور يجي لونها بيج هذي ممتازة للعزل واتوقع حق دار مادار البيت لو تنصبغ الحيطان الارضيّة قبل دفان الحوش للبيت ماتكلف

أشوفهم حالياً يصبغون فيها جسر بوهامور اللي عند مدرسة الجزيرة وجسر المترو على طريق الوكرة احس انها طبقه عادة وممتازة

سالت عنها عند محلات جوتن ينباع الدرام ب 600 ريال وأحس ان يكفي درام واحد للبيت

ولو ادري عنها قبل كان صبغت فيها اساسات وقواعد البيت بعد البتومين

[معماري قطري]

الي اقصدة اعزكم الله ( المنهول ) الرئيسي الكبير القريب من السور

هذا أصلاً يسوونه ويخلون شوية طابوق يسرب فتحاته على جنب حتى الأرض تشرب ماي ملوث وفيه المشكلة كيماويات الصابون والتنظيف .. شاللي دمر مناطق قطر وخصوصاً ألحين صناعية السيلية أرضها قامت تطلع خياس للمزارع اللي جنبها ومات كثير من الشجر

[معماري قطري]

اخوي معماري قطري شفت المادة اللي تنصبغ فيها عمدان والجسور يجي لونها بيج هذي ممتازة للعزل واتوقع حق دار مادار البيت لو تنصبغ الحيطان الارضيّة قبل دفان الحوش للبيت ماتكلف

أشوفهم حالياً يصبغون فيها جسر بوهامور اللي عند مدرسة الجزيرة وجسر المترو على طريق الوكرة احس انها طبقه عادة وممتازة

سالت عنها عند محلات جوتن ينباع الدرام ب 600 ريال وأحس ان يكفي درام واحد للبيت

ولو ادري عنها قبل كان صبغت فيها اساسات وقواعد البيت بعد البتومين

انا تذكرته بعد ما صبغت .. هو زين لحدود نص متر تحت حتى يتحمل رطوبة الأرض .. إسمه ايبوكسي .. البتومين يختلف للي تحت التربة والايبوكسي للي فوق بشوي والحوائط القريبة من الزراعة والماء

بعدين وين هالغيبة كله مسجل غياب

[معماري قطري]

الايبوكسي للي عنده انترلوك ومب عاجبه يشتري ويصب عليه صب ويوزعه بمكنسة ربر ولين نشف يكون مثل أرضيات المغاسل .. بس تحت الأرض ويندفن والله ما ادري ممكن تسئل عنه ويمكن البتومين يطلع أحسن والبيتومين أنواع كثيرة بعضها غالي بعد وقوي

[Azizuk]

انا تذكرته بعد ما صبغت .. هو زين لحدود نص متر تحت حتى يتحمل رطوبة الأرض .. إسمه ايبوكسي .. البتومين يختلف للي تحت التربة والايبوكسي للي فوق بشوي والحوائط القريبة من الزراعة والماء

بعدين وين هالغيبة كله مسجل غياب

موجود طال عمرك وعمر السامعين

بس ماعندي شي أشارك في

[Azizuk]

الا يابوعبدالله تذكرت الحين واحد من الشباب ساكن وراء فلاجيو

بعد صار عنده البلاط اللي فوق في الصالة قايم لا يكون ظاهرة جديدة عندكم في المنطقة

وليش يصير فوق مب تحت

تتوقع بسبب حجم الصالة لما تكون كبيره يصير فيها تمدد

او في اهتزاز في الارض وتهتز الأعمدة وتتأثر بعملية لاهتزاز

و العمود اللي تحت بسبب ربطة بالقاعدة مايتاثر بالاهتزاز زي العامود اللي فوق

و العمود اللي فوق يتاثر اكثر بسبب بعده عن القاعدة

طبعا الاهتزاز بسيط جداً ماتحس في بس يأثر على البلاط

ولو تقول التمدد صاير بسبب الحرارة أتوقع البلاط اللي تحت يتاثر بالعوامل الجوية اكثر من فوق

تحت في عوامل رطوبة حرارة غير عن فوق

وماتوقع ان برودة التكيف تكون عامل تغير حراري بالنسبة للطابق الثاني

حتى مثل ماذكر لنا اخونا سعود عن صب صبيه خراسانية أو جسر معكوس عند حافة الدرج لوقف التمدد ومايتاثر المكان

درج بعرض 3 متر او 3 متر ونص في الصالة ماياثر

[معماري قطري]

كلامك منطقي ما دام حصلنا كم حالة

وبيتي صار له 12 سنة ومواد التركيب كلها جيدة .. لاحظت في كم مكان البلاط الشعبي متفكك تحت السجاد وكله فوق .. الاهتزاز أكيد تأثيره يكون فوق أكثر تخيل نفسك ماسك عصا وتحركها .. تحت حركتها يمكن مليمترات وفوق لا سنتيمترات وبزيادة

[معماري قطري]

موجود طال عمرك وعمر السامعين

بس ماعندي شي أشارك في

عندك الكثير حتى وجدانياً نستانس بتعليقاتك

[سعود.]

وش رايكم بارضية الحوش من ( الخرسانة المطبوعه )

من جربها !!!

[معماري قطري]

وش رايكم بارضية الحوش من ( الخرسانة المطبوعه )

من جربها !!!

تبهت الألوان وتتغير من دوس السيارات .. لو يسوونها بخلطة مقويات والصبغ مخلوط معاها أفضل .. سوقنا فيه الكثير بس محد يسوي دعاية ويبرز بضاعته حتى لو في المنتدى

[سعود.]

جزاك الله خير

واذا طلع هو ضامن شغله مثلا وعطاني ضمان على عدم تغير الاوان و عدم ظهور تشققات بالخرسانة .
تنصح فيها ؟؟؟؟ لانة قالي بحط لك ايبوكسي عازل عليها . وانا للحين مارديت عليه ؟؟؟

[معماري قطري]

جزاك الله خير

واذا طلع هو ضامن شغله مثلا وعطاني ضمان على عدم تغير الاوان و عدم ظهور تشققات بالخرسانة .
تنصح فيها ؟؟؟؟ لانة قالي بحط لك ايبوكسي عازل عليها . وانا للحين مارديت عليه ؟؟؟

الايبوكسي زين بس في الغالب الألوان كئيبة ويستخدمونه للمغاسل ومنه أنواع كثيرة وطرق شغلها محددة بالمصنع .. والتشققات ما تنفع معاها الا التقوية للخرسانة والتقوية أما تكون بشبك حديد أو بالفايبر .. الفايبر يكون خيوط صغيرة قوية تخلي الخرسانة تتماسك وحتى ما تحتاج رش بالماء .. خله يسوي لك عينة ويشرح لك طريقة عملها قبل أضمن لك

ولو سويت الطريقة العادية أرض مدكوكة وبسلوبات معينة وسويت فوقها صبية مقواة مع العوازل وعمل الفواصل وحطيت بلاط اماراتي أو سعودي العريض أو حجر بازلتي أو قطع رخام بتكون عندك قشرة الأرضية صلبة وناعمة لسهولة التنظيف ومنظرها جميل والتأسيس قوي

تبي أعاين معاك بعد حاضر لك في هالأجواء الجميلة

[سعود.]

أسف على التاخير بالرد يابوعبدالله

وجزاك الله خير على الرد و التوضيح .

والله لي اشرف انك تجي البيت عندي ونستفيد منك .
بس والله مابي اعنيك بأذن الله تمشي الامور . وخيرك سابق

وعلى طاري الاجواء الجميلة .
كانت عندي صبية المجلس المشترك( رقاب الاعمدة + بلوكات الميدة الارضية ) . وكانت واقف على راسهم يوم وصلت الخرسانة وكان الاستشاري موجود وانا مسبقا مرتب مع المقاول انة نعمل اختبار هبوط ( القمع )
وطلعت فاشلة نزلت 20 سم . ورجعناها وجت بعدها خلاطة بعد ساعه تقريبا وسوينا اختبار ونجحت 11 سم كان الهبوط .

[معماري قطري]

أسف على التاخير بالرد يابوعبدالله

وجزاك الله خير على الرد و التوضيح .

والله لي اشرف انك تجي البيت عندي ونستفيد منك .
بس والله مابي اعنيك بأذن الله تمشي الامور . وخيرك سابق

وعلى طاري الاجواء الجميلة .
كانت عندي صبية المجلس المشترك( رقاب الاعمدة + بلوكات الميدة الارضية ) . وكانت واقف على راسهم يوم وصلت الخرسانة وكان الاستشاري موجود وانا مسبقا مرتب مع المقاول انة نعمل اختبار هبوط ( القمع )
وطلعت فاشلة نزلت 20 سم . ورجعناها وجت بعدها خلاطة بعد ساعه تقريبا وسوينا اختبار ونجحت 11 سم كان الهبوط .

ما شاء الله والله زين سويت .. خلاص تستاهل لقب مهندس

عادي يا اخوي الجو حلو والطلعة سهلة خصوصاً مع قلة الزحمة

بعدين شركة الردي مكس ما تخسر أما تودي الحمولة لشخص ثاني أو يرجعونها المعمل ويخلطونها لين يتبخر الماي الموجود ويضيفون اسمنت وتستوي جيدة .. ولو الغالبية يسوون الاختبار الشركات بتعتدل غصب وبتسوي الخلطات جيدة .. ثرى 11 تقريباً على الحافة

[سعود.]

مهندس مره وحدة ههههههههه

11سم على الحافة وزين انها انجحت هههههه
البلا في 20 سم . هذا حتى دور ثاني ماينفعها

[معماري قطري]

مهندس مره وحدة ههههههههه

11سم على الحافة وزين انها انجحت هههههه
البلا في 20 سم . هذا حتى دور ثاني ماينفعها

صحيح 20 وايد تقريبا فوق الثلثين

زين البيت سويت له والا سوى له الاستشاري زين لحقت على المجلس

[معماري قطري]

سعود الهندسة علم محسوس ويدخل فيه الذوق والمنطق واللي مثلك يتابع ويسئل ويتعلم يسوي شغله صح ولا ينلعب عليه .. مع إن كل هالأُمور المفروض تضبطها جهات الدولة المختصة ما يتعب فيها الشخص العادي

[سعود.]

سالفة اختبار القمع ماعرفتها الى بعد البناء الفيلا .
وكنت شغال على تقارير اختبارات الخرسانة للفيلا منذ البداية
. واحس لو فيها مشكلة ولا حد بيخبرك يالمالك !!!!

القمع عرفتة بالاشهر الاخيرة وبديت في من قواعد المجلس . واحس هو الافضل لانة قدام عينك
لان تقارير الخرسانة على مرحلتين . اسبوع تقريبا والثاني 28 يوم . ودورني لو حد بيخبرك لو فيها مشكلة وفشلت بالاختبار !!! لان معالجتها قصة طويله مثلك عارف .

[سعود.]

وانا هذا الي ابية ما ينلعب عليه .
يمكن بداية البناء مرت اشياء ما اعرفها بس عقب*استوعبت
رؤوس اقلام كثيرة .

[سعود.]

سعود الهندسة علم محسوس ويدخل فيه الذوق والمنطق واللي مثلك يتابع ويسئل ويتعلم يسوي شغله صح ولا ينلعب عليه .. مع إن كل هالأُمور المفروض تضبطها جهات الدولة المختصة ما يتعب فيها الشخص العادي
وانا هذا الي ابية ما ينلعب عليه .
يمكن بداية البناء مرت اشياء ما اعرفها بس عقب*استوعبت
رؤوس اقلام كثيرة .

[معماري قطري]

الله يوفقك في جميع بنيانك

وانت بهالطريقة والنقاش توضح للجميع شالصح واللي لازم ينعمل لأن الاستشاريين والمقاولين طغوا

[Azizuk]

وانا هذا الي ابية ما ينلعب عليه .
يمكن بداية البناء مرت اشياء ما اعرفها بس عقب*استوعبت
رؤوس اقلام كثيرة .


خلاص ياسعود

انا وانت بنفتح شركة مقاولات بعد المشاكل اللي واجهتنا

وطبعاً رئيس مجلس الادارة والاستشاري والكل بالكل

بيكون المخضرم معماري قطري

والحلو في الموضوع ان كلنا متأسسين على الحزم والشدة والفكر والمعرفة

يعني مافي واحد ثنين

أساس خرساني قوي وشديد

[معماري قطري]

خلاص ياسعود

انا وانت بنفتح شركة مقاولات بعد المشاكل اللي واجهتنا

وطبعاً رئيس مجلس الادارة والاستشاري والكل بالكل

بيكون المخضرم معماري قطري

والحلو في الموضوع ان كلنا متأسسين على الحزم والشدة والفكر والمعرفة

يعني مافي واحد ثنين

أساس خرساني قوي وشديد

شركة المقاولات يبي لها سوبر هامور للمشاريع الكبيرة أما الصغيرة ما تنفع بشيء

[سعود.]

خلاص ياسعود

انا وانت بنفتح شركة مقاولات بعد المشاكل اللي واجهتنا

وطبعاً رئيس مجلس الادارة والاستشاري والكل بالكل

بيكون المخضرم معماري قطري

والحلو في الموضوع ان كلنا متأسسين على الحزم والشدة والفكر والمعرفة

يعني مافي واحد ثنين

أساس خرساني قوي وشديد


هههههههههههه

انا بس فلتين وطلعت الصلعه خلال سنتين ونص .*

:cry2:

[Azizuk]

هههههههههههه

انا بس فلتين وطلعت الصلعه خلال سنتين ونص .*

:cry2:

اَي بس هالصلعه هذي فيها من المعلومات مايكفي ببناء مدينة :ok2: الحين

لان نبت مكان الصلع معلومات ومفاهيم واخطاء وإعادة تصحيح الأخطاء وأخذ الحيطة والاستعداد لأي مواجهة مع عيارت العمال وجميع خطوات البناء

وأنواع المنتجات الجيدة

يعني الحين انت حصلت وتحمل شهادة الأيزو في موضوع البناء

[Azizuk]

شركة المقاولات يبي لها سوبر هامور للمشاريع الكبيرة أما الصغيرة ما تنفع بشيء

لا خلك على المشاريع الصغيرة أبرك لك المشاريع العملاقة خلها للهوامير

اعرف مكان تكلفة المتر المربع ب 12 الف ريال :nop:

[معماري قطري]

لا خلك على المشاريع الصغيرة أبرك لك المشاريع العملاقة خلها للهوامير

اعرف مكان تكلفة المتر المربع ب 12 الف ريال :nop:

خلاص عيل نتوكل على الله

[سعود.]

اَي بس هالصلعه هذي فيها من المعلومات مايكفي ببناء مدينة :ok2: الحين

لان نبت مكان الصلع معلومات ومفاهيم واخطاء وإعادة تصحيح الأخطاء وأخذ الحيطة والاستعداد لأي مواجهة مع عيارت العمال وجميع خطوات البناء

وأنواع المنتجات الجيدة

يعني الحين انت حصلت وتحمل شهادة الأيزو في موضوع البناء


هههههههههههههههه

محد بينكبكم غيري . العمال بيرفضون يشتغلون معاي أمس مبطل تقريبآ 8 نوافذ لمحل شهير جدا في الدوحة
مركبين الزجاج الدبل قلاس الفنش النهائي المجرى كلة بلاستر وبعضة ديكور وووووالخ
وكلمت مسولهم مع انه بالاساس فاجئني بتركيبها لان الاتفاق كان بعد الصبغ الخارجي وقبل الوجة الاخير لداخلي
ووعدني ينضفها .
من ساعتين تقريبا . اشوفهم ينظفون ومعهم مكينة هواء برشر . :fight:

[Azizuk]

اشكر اخوي سعود على الهدية اللي قدمها لي اللي هي الرداد اعزكم الله للصرف الصحي

وأقول له مشكور ماقصرت وجعل عمرك طويل

وان شالله ان ماكلفنا عليك ياسعود

99256

99257

99258

99259

[سعود.]

وجعل عمرك طويل اخوي ( بوسعود )

ماسويت شي ولي اشرف اخدمك . وانت بعد ماقصرت معاي في امور كثيرة في البناء ومراح انسى مواقفك معي . وللحين جايك بعد .:app2:

ملاحظة : يمكن البعض يقول وش العلم ؟؟؟
العلم انة هذي الوصلة مش موجودة في الدوحة بنفس هذي المواصفات صناعة ( ايطالية ) .

الرداد وظيفته : يمنع دخول اى شي من الخارج الى الداخل مثل ( الفأران والصراصير ) تكرمون من المنهول الرئيسي
وله نفس الباب يفتح اذا جاتة مياة اصرف فقط . والصورة الي حطها اخوي ( بوسعود ) توضح عملها .
وينحط في منهول خاص فيه لصيانة مستقبلا .

[العرّاف]

وجعل عمرك طويل اخوي ( بوسعود )

ماسويت شي ولي اشرف اخدمك . وانت بعد ماقصرت معاي في امور كثيرة في البناء ومراح انسى مواقفك معي . وللحين جايك بعد .:app2:

ملاحظة : يمكن البعض يقول وش العلم ؟؟؟
العلم انة هذي الوصلة مش موجودة في الدوحة بنفس هذي المواصفات صناعة ( ايطالية ) .

الرداد وظيفته : يمنع دخول اى شي من الخارج الى الداخل مثل ( الفأران والصراصير ) تكرمون من المنهول الرئيسي
وله نفس الباب يفتح اذا جاتة مياة اصرف فقط . والصورة الي حطها اخوي ( بوسعود ) توضح عملها .
وينحط في منهول خاص فيه لصيانة مستقبلا .

مرحبا اخوي سعود ... أنا الان في مرحلة عمل المنهولات فَلَو تكرمت عطني اسم القطعة أو اسم الماركه بحاول أدورها برع قطر لان مافي فايده من الاستشاري ولا المقاول مسوين لي المنهولات على ألطريقه التقليدية وانا انبح صوتي وانا أقول ابي حلول جديده ولا في فايده

ولو عندكم صور لطريقة التركيب تسوي فيني خير

[سعود.]

مرحبا اخوي

البناء في الدول المجاورة يتطور وحنا للحين محلك سر !!!! وبعض الشركات الي عندنا عندهم شغلات حلوه بس ماتشوف دعاية لهم !!! . غير كذا لوتدخل مثال في محل صغير في السعودية يمكن تشوف اشياء ماتشوفها في الدوحة !!! عندي كلام كثير بس ماطول عليك .

القطعة هذي اسمها ( الرداد )
بداية استخدامة كانوا يحطونة في فتحة المرحاض
( اعزكم الله ) العربي وكانت ظاهرة للعين يعني وانت بالحمام تشوفها قدامك تمنع خروج الصراصير وووووالخ الي داخل الحمام والان بعد الكرسي الافرنجي

وهذا رابط لها مقطع طويل وجميل بيتكلم عن ( الرداد ) من الدقيقة 6:15 عن الرداد .

https://youtu.be/44u9kaNJfxA

واذا بسوى لك نظام الصرف الخارجي نظام ( امريكي ) بعد يكون احسن غير الطريقة التقليدية الي ماشين عليها
من ايام ( جدي ) الله يرحمة ويتغمد روحه الجنه .

[Azizuk]

حلو تحس ان قسم البناء في المنتدى :yes2: قام يتطور ويتحرك

ماقصرت ياسعود على هالمعلومات الطيبه تسلم :thumbup1:

[سعود.]

البركة فيك والمدير الكبير ( بوعبدالله ) وباقي اشباب .
وانا تلميذكم الصغير :shy:

[Azizuk]

البركة فيك والمدير الكبير ( بوعبدالله ) وباقي اشباب .
وانا تلميذكم الصغير :shy:

لا خلاص انت الحين بش مهندس كبير :thumbup1:

[سعود.]

ههههههههههه

متى نسكن ونفتك من السنداره بس .

نسيت اشكرك مرة ثانية ( نهاريا ) بيوم خلصوا عزل دورات المياة ( تكرمون ) وبعد الاختبار 48 ساعه اليوم ومخلصين بلاستر حماية العازل + النعلات .
بصراحة ماشفت نفسة سرعه ودقة .
و ( سعر )

[Abu-hmood]

اخوي سعود اتمنى توضح لي الي فهمته من مقطع اليوتيوب ان الرداد نستخدمه بين بيب الصرف الصحي الي طالع من البيت الى بيب الصرف الصحي الي جاي من الشارع ولا ممكن نستخدمه في اكثر من مكان

[سعود.]

الرداد مكانة في بعد اخر نقطة تفتيش . لانة يحتاج غرفة تفتيش مقاس 60x60 خاصة فيه لصيانة مستقبلا .
ويفضل بنائها من الطابوق ( المصمت ) مع عزلها عزل العادي بوتمين سائل الاسود .

بيوتنا في الدوحة شبكة الصرف مربوطة الى المنهول
( العود ) يعني مكانة قبله . واذا انت في طور البناء لاتنسى يحط لك بيب للربط بالشبكة الخارجية مستقبلا .

[Azizuk]

الرداد مكانة في بعد اخر نقطة تفتيش . لانة يحتاج غرفة تفتيش مقاس 60x60 خاصة فيه لصيانة مستقبلا .
ويفضل بنائها من الطابوق ( المصمت ) مع عزلها عزل العادي بوتمين سائل الاسود .

بيوتنا في الدوحة شبكة الصرف مربوطة الى المنهول
( العود ) يعني مكانة قبله . واذا انت في طور البناء لاتنسى يحط لك بيب للربط بالشبكة الخارجية مستقبلا .

روح بابوسعود لا تقصر علينا بالمعلومات الطيبه

اَي شي جديد تعرفه على طول نزله في المنتدى بعد لو مدعوم بالصور والعناوين والاسعار يكون افضل :ok2:

لتعم الفائدة للجميع

الا على طاري معماري ماله حس

[سعود.]

المعلومات والله عندك يابوسعود هههههههههههه

اخر معلومة وصلنتي عن شركة المناعي موقعهم ( الصناعية ) شارع 10 بعد وكالة النيسان على يمينك .
يقولون عندهم منتجات للعزل غريبة عجيبة وعندهم ( سنابل ) عند مهندس اردني اسمة ( عبدالله )
شكلي بمر عليهم خلال يومين .

ايه والله ( بوعبدالله ) صار له كمن يوم ماله حس .
عسى ربي يحفظه في حله وترحاله وعموم المسلمين .

[Azizuk]

المعلومات والله عندك يابوسعود هههههههههههه

اخر معلومة وصلنتي عن شركة المناعي موقعهم ( الصناعية ) شارع 10 بعد وكالة النيسان على يمينك .
يقولون عندهم منتجات للعزل غريبة عجيبة وعندهم ( سنابل ) عند مهندس اردني اسمة ( عبدالله )
شكلي بمر عليهم خلال يومين .

ايه والله ( بوعبدالله ) صار له كمن يوم ماله حس .
عسى ربي يحفظه في حله وترحاله وعموم المسلمين .


ماتحتاج لهم لان نهاريا يأخذون مواد العازل من عندهم ومن تدمر

ومديرهم عبدالله الأردني ماشالله عليه جداً محترم

دخلت عليه من كم يوم وفز وجاني قلت له انا جاي اشوف بس الا يقول تعال تقهوة وبعدين شوف على راحتك

طبعاً الرجال مب محتاجني في شي ولا يُبين علي أني مندوب مشاريع وإلا شركات بس والله ونعم الرجل

كمل حاليا عندهم 30 سنة خدمة عند المناعي وتم تكريمية من كم يوم

اذا تبي رقمة عندي برسله لك

وإلا مر عليهم قريبين عليك وانت طالع من الشغل بس يسكرون س 12 ويفتحون فترة العصر س 3

[khaldoon]

من جرب يركب درايش 3 طبقات ؟؟؟

اخوي توه مركب الدبل قلاس من عند ( الاختيار الاماني ) وبيتة للحين في التشطيب احس بحرارة اذا

لمست الدريشة . هل لانه الى الان ما اشتغل التكيف !! او انة طبيعي أحس بحرارة الدريشة .

ليش اسال عن 3 طبقات لان واجهة بيتي ( غرب ) وعندي اكثر الدرايش كباااار وخايف انه تأثر على

التكيف ؟؟

ما سمعت عنه من قبل و لو وجد بيكون غالي جدا لانه الفريم بيكون اكبر و بيكلف اكثر اضافة الي سعر الزجاج الاضافي

هذه الشبابيك الكبيره كلها مصادر هدر للطاقه لما تصرف عليها تكييف و الا تدفئه ....الحمد لله انه الكهربا ببلاش الحين بس و بعدين؟؟!!

[سعود.]

حصلته عند الاختيار الاماني . واتوقع بعد الشركات الكبيرة ايضا عندهم .
وكلامك صحيح وجزاك الله خيرا .

[معماري قطري]

السلام عليكم يا اهل الدوحة الباردة

أمس شفت ال 12 عز الظهر والشمس طالعة بس 12 مع هواء قوي وفي الليل شيء يثلج الوجه قبل الصدر

بخصوص النوافذ ما شاء الله شركاتنا المحلية تتنافس في التصنيع .. أحدهم حدثني عن ورشة مكيفة بالكامل لإنتاجية أفضل وشخص قال يسوون زجاج منحني .. و3 شركات يسوون الثلاث طبقات

اللي اتمناه فحص منتجاتهم وتحديد مواصفاتهم من قبل مختبر خاص يؤكد جودة المنتجات هذي