أفضل كراج وأفضل رأي ( أصلح أو أبدل الموتر )

[الكفــــــو]

ï·½

السلام عليكم و رحمة الله وبركاته

موتري وارد الإمارات كروزر 2016 لؤلؤي

عليه حماية و عازل و تأمين شامل

( قدر الله و ماشاء فعل ) ، أمس العصر أنشخط

الجانب الأيمن بخدش من تحت النصف من الصدام

إلى الصدام ، الحقيقه أنعفس مزاجي وأحترت ف الحل

كلمت المعرض عشان أبدله مع شبيهه بس أقل مواصفات

وفهمت من المعرض أنهم ممكن يطلبون مني زياده تقريبا 20 ألف

وأحد الحلول إصلاح وتبديل القطع .

فما هو رأيكم


أبدل الموتر ، أسمكر ، أبدل القطع مع صبغ ، أفضل كراج ؟؟

[QtrGate]

قصدك شمخ او طعج
اذا بس اللون صلحه فالوكاله

وإذا تحتاج تغير الأبواب انا اشوف تدورك قراج

لكن ماتسوى تبيع الموتر عشان دعمه
لو ضرب الشاصي ممكن تبيعه

[سالم الزهران]

يتعدل بالراحة ،، والله يدلك على ما يصلح لك ونا خوك

اقولك من واقع مشاهدة ان تسعين بالمية في الدوحة انك تندعم او يكشطك واحد حتى لو انت واقف

نزلت الباركنق حصلت الركن الامامي الايسر*معفوس،،،،وهذاهوالحاصل،من اللي*خلا*الاجانب*يسوقون*:/

[.قطر.]

اذا السمكره ماتبين خير وبركه
واذا تبين وانت ماتحب هالشي بدل القطع حرام تبدل الموتر كامل لا وبموتر مواصفاته اقل بعد

[Rider]

فعلا شي ينرفز وخاصه الموتر جديد مالك لا تصلحه اذا كانت كلفه التصليح اقل من التبديل

[الكفــــــو]

ماعندي مشكلة في التصليح أو التبديل

خدش واصل لأصل البدي

97287


بس شنو الأفضل أعدل أو أبدل

أفضل كراج

[الكفــــــو]

سبحان الله و بحمده ، سبحان الله العظيم

[بوسيف الهاجري]

السلام عليك
وده كراج الاودي القديم بدايه شارع 15 من شرق
وسمكره شغلهم نظيف انا اشوف ما يحتاج تبدل القطع

[الكفــــــو]

السلام عليكم

رحت اليوم للشركة و كراج كريستال

جميعهم أتفق على الصبغ كامل وليس أجزاء

ولكن الشركة تقول نغير الرفرفين + بابين

كريستال يقول سمكره الاجزاء بدون تغيير

فماهو رأيكم ؟

[Rider]

والله ياخوي اذا في مجال تبدل بدل صدقني لو صلحته مب مرتاح وسالني انا مريت مثل تجربتك والله يعينك على الفرق

[jeep-srt8]

اخوي اذا تبي الشكل افضل بدل لانه اذا بيسمكرون بيحطون معجون وبيطلع الصبغ مب سيدا

عندك كراج ميتالك وكراج الكويتي وكراج شركة الاودي هذول عن تجربه لايعلى عليهم

والله يعوضك

[لـبـيـه]

اذا كان الفرق بين التبديل والتصليح مب وايد بدل ابرك واذا الفرق كبير بين التصليح والتبديل والموتر بيتم فتره طويله وياك صلح

[الكفــــــو]

شاكر كل من شارك والعمل جاري على تبديل القطع ف الشركة

[سالم الزهران]

السلام عليكم

رحت اليوم للشركة و كراج كريستال

جميعهم أتفق على الصبغ كامل وليس أجزاء

ولكن الشركة تقول نغير الرفرفين + بابين

كريستال يقول سمكره الاجزاء بدون تغيير

فماهو رأيكم ؟

يا خوي و الله مليون مره انه حرام تصبغ ،، وترى الموضوع من ناحية الكشط الاسود يطلع بتلميع خشن

يعني تضمن لو تاخذ لك جديد ما يصير لك نفس الحكاية ،، بعيد الشر !!

اذا رشيت الرفرف لازم الباب معه و اذا الرش في الباب ،، لازم الرفرف يرش معه ؟ تراك تنزل قيمة الموتر بالرش ،،حرام

[بويعقوب]

مرحبا اخوي

الكرستال بيعدل الضربات بالشفط واللون الاسود بيروح مع البولش والشموخ سوها بالقلم .

ونصيحه حاول ماتصبغ الجنب كامل , اللون الصدفي مب اي واحد يضبطه

وانتبهوا من كراج ميتالك وشركة الأودي, شغلهم تغير مب نفس اول :(

والله يحفظ الجميع من كل شر

[QATAR 77]

سؤال بخصوص ضمان الامارات كم طلع عليك وين اخذته

الافضل تغير الموتر

[7llo]

اخوي لو تبي تحك الم،تر حق 5 سنوات وزياده عدله ولو تفكر تبيعه بعد سنه او 2 بدله بدون ماتعدل فيه شي واخسر فيه 20 او 30 افضل لك والله يعوضك خير

[r3aad]

روح لمحطة المسيلة فيها محل مايصبغ الا المكان اللي متضرر بدال لا تصبغ الجنب كامل وسعره رخيص وشغله ممتاااز وادع لنا بالتوفيق

[الكفــــــو]

يا خوي و الله مليون مره انه حرام تصبغ ،، وترى الموضوع من ناحية الكشط الاسود يطلع بتلميع خشن

يعني تضمن لو تاخذ لك جديد ما يصير لك نفس الحكاية ،، بعيد الشر !!

اذا رشيت الرفرف لازم الباب معه و اذا الرش في الباب ،، لازم الرفرف يرش معه ؟ تراك تنزل قيمة الموتر بالرش ،،حرام

هذي مشكلة اللون اللؤلؤي


مرحبا اخوي

الكرستال بيعدل الضربات بالشفط واللون الاسود بيروح مع البولش والشموخ سوها بالقلم .

ونصيحه حاول ماتصبغ الجنب كامل , اللون الصدفي مب اي واحد يضبطه

وانتبهوا من كراج ميتالك وشركة الأودي, شغلهم تغير مب نفس اول :(

والله يحفظ الجميع من كل شر

تسلم بس قالوا كلهم صبغ للجنب كامل ومايضبط بالقلم لأنه شخط غزير

سؤال بخصوص ضمان الامارات كم طلع عليك وين اخذته

الافضل تغير الموتر

خذته طال عمرك 219 من معرض ديار العز

اخوي لو تبي تحك الم،تر حق 5 سنوات وزياده عدله ولو تفكر تبيعه بعد سنه او 2 بدله بدون ماتعدل فيه شي واخسر فيه 20 او 30 افضل لك والله يعوضك خير

ماينفع لأن الشخط غزير

روح لمحطة المسيلة فيها محل مايصبغ الا المكان اللي متضرر بدال لا تصبغ الجنب كامل وسعره رخيص وشغله ممتاااز وادع لنا بالتوفيق


ماينفع لأن الشخط غزير


أشكركم جميعا على التفاعل

[هجراوي]

هلا وحياك يا صاحب الكروزر وما تشوف شر

بالنسبه لرئيي الشخص ومن واقع خبره في بيع وشراء السيارات منذ فتره طويله الى الان

اذا تقدر تبدل السياره بالكامل وتفرق لهم السعر هذه افضل حل لأسباب:

أولا السياره تعد شيك في جيبك بسعرها اقصد تحفظ سعرها اذا ما فيها صبغ

ثانيا انت نفسيا ما بتحب منظر السياره بعد فتره لانها مصبوغه

ثالثا اللون اللؤلؤي يكون صعب في مطابقة اللون

رابعا لظرفا ما لو فكرت تبيع السياره اليوم او بكره او بعده أول سؤال بيسألك المشتري هل فيها صبغ أو لا

ولكن اذا ابلغته بوجود صبغ سوف لن يسوم السياره بالمره وسيتركك

نصيحه أخويه لك اذا في مجال ترجعها على الوكاله وتبدلها بدفع الفرق وتحصل لك وحده ثانيه وهذه افضل حل

تحياتي

[وحيد-الشوق]

الله يعوضك بس في الاخير ترى حديد اذا ماتشمخ اليوم بيتشمخ بكره وهذا قضاء الله وقدره الموضوع يعتمد على نفسية الشخص ومدى تقبله

موضوع التبديل ودفع 20 الف وتاخذ مواصفات اقل بتخسر نفسك وبتاخذ شيء أقل

ممكن تشوف كراج ميراج اخبر يصبغون جزء من الدعمه لأنه كذا مره صبغ لي نص صدام

والله يوفقك

[النهار]

الله يعوض عليك ياخوي


http://store1.up-00.com/2016-06/1464984168951.jpg (http://www.up-00.com/)

[وبشرالصابرين]

الله يعوض عليك ياخوي


http://store1.up-00.com/2016-06/1464984168951.jpg (http://www.up-00.com/)


بسيطه ان شاء الله اخوي مايحتاج تبديل بس سمكره بسيطه بس قول للكراج مايحط معجون زياده واي كراج ممكن اضبطه لك

ممكن صبغ بي مكاج الخدش مايحتاج صبغ الجنب كامل اذا الكراج شاطر

مر كراج اليمراج شارع 16 اعتقد شوف الكراج وشوف شغله الله يوفقك

[وبشرالصابرين]

http://ads.qatarsale.com/Mirage-Eng-2013.html

[حليتان*]

مر على يحيوه صج انه حرامي بس بيظبط موترك
انا سديت عنده خبوق الجناح ولا بين والموتر لؤلؤي

بيصبغ لك مكان الضربات بس لا صبغ كامل ولا شي

[حليتان*]

اسم قراجه الالوان شارع 10 او 11 ناسي

[Jspec]

شباب سؤال بسيط

انا عندي موتر لونه ابيض لؤلؤي والصدام الخلفي مزلوغ من زمان

الوكاله ماعندهم صداديم مصبوغه وجاهزه من المصنع بس بلاستيك اسود وانت تصبغ

فابغى اعرف وين احسن مكان يضبط لي درجة اللون مع بدي الوكاله لانه اللؤلؤي لون صعب ومش اي مكان يضبطه (الوكاله بنفسهم اعترفوا لي انهم مايقدرون يصيدون نفس الدرجه بالضبط لكن قالوا لي فيه كراجات في الدوحه تصيده ونفس الوكاله)

فبغيت اعرف من احسن كراج في جودة الصبغ ويضبط نفس درجة اللون

ناس قالوا لي وكالة دايهتسوا فنانين

[حليتان*]

الديهاتسو كرستال نورمندي الالوان يصيدون درجة اللون

[معماري قطري]

الضربة بسيطة وما تستاهل تبديل السيارة تصليح في كراج كريستال توكل على الله تصليحهم فوق الزين

سيارتي الله يعطيها العافية رجعت ريوس وحكت في الطوفة ( سواقة شياب ) وفي سنتها 2012 ولا صلحتها حول سنتين وصج كان الصدام من ورا مشوه بس ولدي صلحها بالخش أثناء سفري وبرخيص بعد