الموضة الجديدة ( لنصب البنقال ) في قطر - احذروا

[باحث علم]

السلام عليكم
يشهد الله اني اكتب هالكلام لمصلحة اخواني ولاهل قطر الكرام

صايرة موضة جديدة عند العمالة البنقالية هاليومين ، والكل هاب فيها من البنقال
اللي يصير على النحو التالي :

تبغي سواق ؟ تبغي راعي ؟ تبغي عالم ذرة ؟ تبغي أي عامل ؟؟
البنقالي يقولك عندي !! انا اجيبه لك بـ 10 الاف ريال او اقل
طبعا انت تكاسره يوصل معاك ممكن 5 الاف او 7
يقولك هذا عنده خبره كذا سنه ويعرف عربي وكان شغال في الخليج
تعطيه الفلوس ، وعقب كم يوم فعلا يجيك البنقالي الجديد
تنصدم انه مايعرف أي شي ، ولايعرف عربي ولا اشتغل من قبل ، وانه دافع للبنقالي الثاني 5 الاف او 7
وتعال دور البنقالي اللي عطيته فلوسك ماتحصله
فيكون ضارب عليك وعلى البنقالي الثاني وطاق روسكم في بعض ويختفي ويغير التلفون

هالموضوع صار لي ولكثير من ربعي
طبعا وش حادك يامسمار قال المطرقه
شاردين من مكاتب الخدم واسعارهم الغالية والحكومة اللي مب راضية تطلع قانون يحمينا او تشوف الية تحل فيها هالمشكلة

نزين من وين خذو البنقال هالطريقة ؟ من هالنود .. اغلب الهنود حاليا صاروا مكاتب خدم يجيبون خدامات ، بس ع الأقل الهنود 50% منهم صادقين والنص الثاني نفس الشي نصابين ، وانت وحظك ، اما البنقال 99% منهم ينصبون في هالطريقة

ودي أقول ارفع هالشكوى لوزارة العمل بس مادري ليش عندي إحساس انه ماراح يحرك ساكن !! لذلك هالموضوع رسالة تحذيرية لاهل قطر

والسلام عليكم

[راجي الْعفو]

وعليكم السلام و رحمة الله و بركاته


اتفق معاك ،
نفس سالفة واحد ، جايب بنغالية على اساس انها خادمة و خبرة طبخ و بتاع كلو عن طريق وسيط بنغالي ، وفي الاخير ، لا خبرة و لاهم يحزنون
وبالمقابل :
مشكلة الاتفاق اللي يصير بين العامل و الوسيط على اساس اول ما يجي يحط رجله و يشتغل شغل حر !



عن نفسي : هذه الجالية أعتبرها غير صالحة الاستقدام ابدا لان وراهم مشاكل بالهبل

[بانغ بانغ]

هههههههه صحيح

بس لانهم تطمنوا مافي قوانين رادعة


اعجبتني عالم ذرة ههههه

[GENIUS]

يمكن عالم ذرة انه يزرع ذرة أو يسويها بوب كورن واحنا فهمناهم غلط.

[النهار]

هههههههه صحيح

بس لانهم تطمنوا مافي قوانين رادعة


اعجبتني عالم ذرة ههههه

هههههههههههههههههههههههههه

من فتره جبت عمال بنغال يصبغون البيت
وعندي كناره عوده وراء البيت يبي لها تعديل وتهذيب شوف كلمة تهذيب هاي متعوب عليها
قلت للصباغ ابي واحد يجيب منشاره ويقطع لي الفروع الكبيره
قال بشوف لك واحد جاني اليوم الثاني قال لي يقول الرجال كم تدفع قلت له خله يجي ويشوف في الاول وبعدين نحدد السعر
بعد يومين جاء وشاف وقال 400 ريال قلت مافي مشكله لان الفرع كبار ويبي لها جهد كبير وتعب
جاني اليوم الثاني وبايع المقاوله لشخص ثاني ب 200 ريال
المصيبه جاي ومعاه ساطور تقطيع اللحم خليتهم ابي اشوف ايش يتفقون عليه
قلت لهم وين المنشار انت عمرك تعاملت مع الشجر تعرف اشلون تفص الفروع تبلموا
قلت له اطلع برع يالله مابي اشوف رقعة ويهك
بعدها لقيت بلوشي مزارع ضبط السدره

[راعي الكورفت]

ليش عطيته 10 آلاف قبل مايجيبه عندك ؟
المفروض ولا ريال تعطيه.

الفيزا البنغاليه بروحها تنباع في السوق السوده توصل إلى 15 الف ريال .
المفروض هو يدفع لك مش انت إلي تدفعله.

في بنغال بس هذي شغلتهم يضرب من الطرفين ويجمع مبلغ ضخم ويشرد من البلاد.

الغلط بالاساس منك وشكلك على نياتك :(

[Charisma]

ان اظطررت للتعامل معهم ، فخذ منهم ضمانات :



صورة من البطاقة الشخصية.
محاولة تنسيق عقد .
الأتفاق على الدفع عند الوصول ، او اعطاء نسبة بسيطة جدا "مقدم" .

[النهار]

فيز البنغال واصله 25 الف

[شموخ دائم]

,

,

مرحبا


شكرا على الموضوع

اهل قطر طيبين ويتعاملون بالنيه الحسنه والاتفاق الشفوي
وهذا ( ماينفع ) في التعاملات التجاريه او الي فيها حقوق وواجبات
وخاصه الي فيها ( مال ) حتى لو كانت تعاملات شخصيه


الاتفاق والضمانات

هذولا ضعاف نفوس امام المال
واحنا ( نساعدهم ) بطيبتنا وما نكتب أي اتفاق ولا نوثق ( الالتزام ) بشكل واضح

دائما وابدا بالتعامل مع هذه الفئات ( المال ) بعد التاكد من ( مصداقيه ) الاتفاق

يعني

جيب وخذ

:)

اما

خذ وجيب

انت تظلم نفسك وتحط نفسك تحت رحمه ( الغير ) وتعرض نفسك للوقوع ضحيه بكل سهوله


جيب وخذ

تضمن السلامه ان شاء الله وما يوافق على هذي الطريقه الا الشخص الواثق من نفسه بيوافقك على الاتفاق هذا
اما الي يلف ويدور بيتهرب منك

:)

,

,

[بانغ بانغ]

هههههههههههههههههههههههههه

من فتره جبت عمال بنغال يصبغون البيت
وعندي كناره عوده وراء البيت يبي لها تعديل وتهذيب شوف كلمة تهذيب هاي متعوب عليها
قلت للصباغ ابي واحد يجيب منشاره ويقطع لي الفروع الكبيره
قال بشوف لك واحد جاني اليوم الثاني قال لي يقول الرجال كم تدفع قلت له خله يجي ويشوف في الاول وبعدين نحدد السعر
بعد يومين جاء وشاف وقال 400 ريال قلت مافي مشكله لان الفرع كبار ويبي لها جهد كبير وتعب
جاني اليوم الثاني وبايع المقاوله لشخص ثاني ب 200 ريال
المصيبه جاي ومعاه ساطور تقطيع اللحم خليتهم ابي اشوف ايش يتفقون عليه
قلت لهم وين المنشار انت عمرك تعاملت مع الشجر تعرف اشلون تفص الفروع تبلموا
قلت له اطلع برع يالله مابي اشوف رقعة ويهك
بعدها لقيت بلوشي مزارع ضبط السدره

احمد ربك ما شل الشجرة من باطن الارض هههههه

[بانغ بانغ]

يمكن عالم ذرة انه يزرع ذرة أو يسويها بوب كورن واحنا فهمناهم غلط.

ههههههههه راحت عن بالي والله يمكن

عند البنغال لا شي من المحال

[معماري قطري]

عندي بنغالي مبروك ومطوع .. جبته عن طريق فراش عندنا وبدون مقابل .. الفراش قال لي معاملتك طيبة وهذا اشتغل في قطر وتعبه كفيله وراح ولا رجع وكمل سنتين ويبغي يشتغل

جاء مسكين وتعب من هندي ثاني كان عندي كله يهاوشه وطردت الهندي .. طلع البنغالي يسوي كل شيء ما شاء الله عليه .. وجاب اخوه وبعد علمه يشتغل زين وبالصدفة يقول لي شافه كفيله السابق وحاول يخونه وقال باعطيك 1600 يقول رفض وكان راتبه حول 1000 وقتها .. مسكين يزرع ويرتب البيت ويخلص الاقامات والسيارات من تأمين وصيانة .. يتابع العمال للصيانة .. يسعى في بيع أي سيارة قديمة وما اقصر معاه في أي شيء ويستاهل

صج جاب حق اخواني سايقين بعضهم فلحوا وبعضهم خلصوا فترتهم وسافروا ولا رجعوا وزعل منهم واستوى لو تطلبه يقول لك ما اظمنهم

[جبر ال جبر]

كلامك صحيح وصارت معاي شخصيا من بنقالي يشتغل عند واحد من الربع وقلت له ابي طباخ ممتاز قالي عندي طباخ بنقالي درجه اولى مشتغل في ابوظبي 8 سنوات ويجيد كل الطبخات قلت اخبر الهنود لعبتهم المطابخ اما البنقال مب حولهم بس قلت مب خسرانين شي نجرب وقالي ابي 2000 عشان تذكرته وارتب لك اموره قلت تم وجبناه
وقعد عندي اسبوع عقب مافحصناه وكل شي وقلت مب مسويليه اقامه تاشيره زياره بس نجربه
اول الايام عطيته يسوي اصعب الطبخات وعقب الاكلات الشعبيه وعقب دخلناه في العميق ف العزايم الحيران والخرفان والنتيجه مع الاسف 1/10 فاشل بكل المقاييس اول مره اشوف هالمستوى المتندني من الطبخ الشاهي مايعرف يسويه قلت له خلاص ارجع من وين ماجيت قال انا دافع 20 الف في بلادي عشان اشتغل ،، شغلني اي شي دريول زراع منظف قلت لا انت ماتصلح وكلمت البنقالي الي جابه وقلت ب2000 الي عطيتك اياها رجعه واحمد ربك ماخذت منك 2000 ورسوم الاقامه قالي بيجيك احسن منه قلت له مشكور فتحذيرك في محله

[الفني]

الصراحة المشكلة هالجنسية مب بس في الخدم حتى في الخدات الاخرى و 80% من اهل قطر هم ضحايا هالجنسية من مشاكل في البنيان ان كان في الكهرب او السباكه او البلاستر او الصبغ فاكثر اخوان القطريين يطيحون في مشاكل معاهم ليش لان هم اسعارهم رخيصة لكن شغل اي كلام ومافي مصداقية نفس ما تفضل الاخوان الكرام تتفق مع شخص يجيك شخص ثاني

[MAZEN37]

اتعامل مع هالجنسيه مجبور فقط
هذه الجنسيه من اغرب انواع البشر
البعض القليل منهم زين الله يغفر لي

[ابوعلي]

جزاك الله خير اخوي على التنبيه

بالنسبة لي جبت كذا سايق من قبل ولكن ما ادفع المبلغ الا لما يوصل وينجح وعقب اسلمه المبلغ المتفق عليه معاه

والمفترض أي شخص يحاسب وما يسلم المبلغ الا اذا تأكد ان الشخص الي جاله فاهم وعلى طلبه

[راجي الْعفو]

ع طاري العمال:

توني عند الدكان ، جاني واحد يبيع عطور بعشر ريالات
يقول لي اشتريه مني عشان أتعشا والله مافي شغل
وشكله كاشخ و حاط جل ع شعره ^_^
قلت له ليش جيت اذا مافي شغل؟
رد علي إن شاءالله بحصل الايام الجاية
قلت له لما تحصل و تلقى فلوس اصرف منها ع نفسك


عندنا عمالة سايبة ومتلاعبة أتمنى إنه يكون هناك حل لأمثالهم

[ذكي جدااا]

طبعا مب اي واحد أصدقه وأعطيه فلوووس. وليش مااتصلت عليه ببلاده وكلمته وشفته يعرف عربي ولا لا. وتسأله يطرش لك صورة رخصة السواقه وتتأكد اذا كنت تبي سواق مثلا

[بوخالد911]

شكرا للتنبية.
لا هنت.

[حمد بن سعد]

الغلط مهب في البنقالي الغلط من الي يصدقه او يتهاون معاه قوله جيبه وعلمه وخلص عقب ثلاث شهور اعطيك لفلوس مهب صعبه يبي ولا كيفه

[eXpert*]

خلك على لمضمون المكاتب وبس .

على الأقل عندك فترة سماح 3 شهور تجربة .

[blackjacket]

هذي الجنسية مستحيل تحصل واحد فيهم مب خبير في كل شي 🙃

[البرونزي]

اخوي يعني معقوله ماتدري فيزة البنقالي تنباع من 20 لين 35 الف ريال
الي يدفع المبلغ هو البنقالي الي بياخذ الفيزه بأسمه
يعني انت ماتدفع ولا ريااال هالموضوع من كم سنه شغال
والافضل تجيب عن طريقك دايركت حتى الي بتجيبه مايدفع شي
هذا استغلال لحاجة الفقراء والله يبعدنا عن هالاستغلال

[الصغيره]

فيه هنود بعد كذابين واحد اسمه عبدالرزاق تلفونه عندي للي يبيه هذا يجيب هنديات لكن ويش القصه يعطيك القمر بيد والشمس بيد ياخذ فلوسك ولا عنه الطير خبر

ومسجل بالريل كولير حرامي الخدامات

الثاني اسمه منا هذا يجيب الخدامه لكن تسوي نفسها مجنونه او ماتفهم وتردهاعلى حسابك وهو يخصم من المبلغ النص

الصراحه يجب ان يبلغ عنهم ويوقفون عند حدهم

[شبح الصمت]

صراحة انا ما اعرف اشلون تثقون في ناس ما تعرفونهم على اساس فلان جاب واحد يمكن هذه طعم ..


مره كلمت وحده قالت لي عطني نص المبلغ بجيب لك خدامه ..
قلت له شلي يضمن لي فلوسي قالت كلمتي ..

قالت له كلمتك على العين والراس
بس ما تمشي هالايام


فالحذر الحذر الحذر

مكاتب وهم مكاتب ما يقدرون يتحكمون في الوسطاء الي عندهم في بعض البلدان الي يستقدمون منها لخدم

واقعه حصلت لي شخصياً

رحت لاحد المكاتب على اساس استقدام خادمة من بنغلاديش
المهم الي صار تاخر المكتب اتصل له وللامانة الرجال ما كان يتهرب
بس كانت في عنده مشكلة مع الوسيط الي اهناك

المهم الوسيط اهو وسيط بين المكتب في قطر والمكتب في بنغلاديش
عالعموم هذا الوسيط مطرش رسالة للرجال انه اسرقوا الفلوس الي معاه
وهالرجال يصير له ولد عمه ..

زبدة الكلام انا طحت في النص قلت له والحل
قالي لازم وسيط يكون قوي وله كلمته ويروح المكتب اهناك يخلص لك الموضوع ..
واكلم لي واحد اهنيه الله يجزاه خير ويشفيه يارب

وهو اسلام البنقالي الكل يعرفه صاحب كراج
قلت له اسلام الموضوع واحد اثنين ثالثه
قالي مسكين عطني بس كم يوم اشوف لك واحد ثقة يخلص لك

وللامانة ما قصر حصل لي واحد وربطناه مع المكتب اهنيه والمكتب اهناك ..

وخلص لنا الموضوع وجاب الخدامه ..

[غير عنهم]

اتمنى يمنعون هالجنسيه ومايكون فيها استثناء لانها حمايه للمواطن

[رُفق المجنّا]

الله يعفى عنا وعنهم ولكن هذه الجنسية احاول تجنبها قدر المستطاع

[هيليوم]

ع طاري العمال:

توني عند الدكان ، جاني واحد يبيع عطور بعشر ريالات
يقول لي اشتريه مني عشان أتعشا والله مافي شغل
وشكله كاشخ و حاط جل ع شعره ^_^
قلت له ليش جيت اذا مافي شغل؟
رد علي إن شاءالله بحصل الايام الجاية
قلت له لما تحصل و تلقى فلوس اصرف منها ع نفسك


عندنا عمالة سايبة ومتلاعبة أتمنى إنه يكون هناك حل لأمثالهم

انا مرة واحد لقيته يطلب مني اشتري منه لانه ما عنده شي ياكله على كلامه ، انا خذت الموضوع بحسن نية وقلت له مابي اشتري منك بس خذ هالعشرة لك لقيته يقولي انا ابيك تجي معاي داخل السوبر ماركت القريب عشان اشتري له عيش العبوة خمسة كيلو !! فكرت امد يدي واخذ العشرة منه حزتها !!

[الماريّة]

الشي الزين في البنغال انهم متعاونين بين بعضهم
فزعه هههه اذا عندك دريول بنغالي وقلت له جيب الكهربجي او السباك
او الزراع او النجار او الحداد مايجيب لك الا من ربعه وعيال عمه البنغال
مستحيييل يجيب لك هندي حتى لو هو اشطرمنهم يبغي الخير حق عيال عمه
ضعععفه مسوين فيها عنصريه ^_^ وفزعه لبعض

[ماجد البدر]

خذ منه وصل بالمبلغ
كذلك صورة من بطاقته الشخصية القطرية
سارية المفعول
وورقة بينكم لما تم الاتفاق عليه ثم اتفق معه كيف ما شئت
لان اجراءاتك معه ناقصة ولا يمكل مكتب ولا غيره و رقم الهاتف يساعدك على ان تجده ولكنه غير كافي ويحتاج جهد كبير للحصول عليه

[MAZEN37]

الشي الزين في البنغال انهم متعاونين بين بعضهم
فزعه هههه اذا عندك دريول بنغالي وقلت له جيب الكهربجي او السباك
او الزراع او النجار او الحداد مايجيب لك الا من ربعه وعيال عمه البنغال
مستحيييل يجيب لك هندي حتى لو هو اشطرمنهم يبغي الخير حق عيال عمه
ضعععفه مسوين فيها عنصريه ^_^ وفزعه لبعض

لانه ياخذ منهم عموله
قال فيهم خير

[وليف الشوق]

بعد الواحد مننا لازم يشغل مخه ولا ليش يجي بنغالي او ضعيف نفس يضحك علينا واحنا من الاساس فاهمين وعاقلين ونعرف الصح من الغلط ؟
يااخي اذا انت شاك بنفسك واذا انت عارف نفسك انك ضعيف امام هذه الفئة وماتقدر من الاساس كيف تتعامل معاها فالافضل لك تدفع اكثر عن طريق محلات معتمدة توفر متطلباتك اليوميه ولا انك تروح ضحيه خداع ونصب وانت في بلدك وبيتك
مااقول غير الله المستعان من بعض اخواننا اللي سهل المقصه عليهم واهو رجال بطول وعرض