السياقة صبر وفن وذوق وأدب

[جوال 11]

أصبحنا نرى في شوارعنا العجلة وعدم الصبر وقلة أدب من بعض السائقين فمثلا سيارة تخرج من المواقف لا يمكن ان يتوقف لها احد الا المؤدب وصاحب الصبر انتظر قليلا حتى تخرج السيارة وعدم العجلة وايضا من يريد الالتفاف يمينا او يسارا ويعطي الاشارة الى ذلك لا ندعه ياخذ المسار الذي يريد ونبدأ بالعناد مما قد يعرض الآخرين للخطر ولا اتحدث عن قليلي الادب الذي ياتي يمين الشارع ليتجاوز ويتعدى على حقوق الغير فهذا لا يُحترم لقلة ادبه في الشارع ، فكثيرا من الحوادث تحصل من هذه التصرفات وتتلف الاملاك ونفقد الانفس وهنالك كثير من التجاوزات تحدث في الشوارع .
الالتزام بقوانين المرور هو الحل وارشاد من هم تحت كفالتنا للالتزام بقانون المرور ونحترم حقوق الاخرين في الطريق مهما تكن جنسيتهم .
اتمنى ان نتعاون جميعا للحفاظ علي الانفس والممتلكات الخاصة والعامة وان تجد هذه الكلمات صدى عند السائقين.

[.قطر.]

اي يبطون الجبد اذا بتطلع من موقف مايوقفون لك
انا اذا شفت حد طالع مرات اوقف لاني ادري محد بيوقف له

هني اذا بتلف لاتعطي اشاره
لان اذا عطيت اشاره*
ذاك بيسرع شوي عشان ماتدخل جدامه مع انه كان يمشي على بيض بس اشلون انت تدخل جدامه crazy

[شيخ الديرة]

نعم هذا صحيح, ولكن عددهم قليل مقارنة بالناس اللي يحترمون الأخرين وحق الطريق

مع الأسف هذا العدد القليل يعكس سمعة غير جيدة

الطريق ملك الجميع, وحقك به لا يزيد ذرة عن حق غيرك

[شيخ الديرة]

.
.
.
انا اذا شفت حد طالع مرات اوقف لاني ادري محد بيوقف له
.
.
crazy

http://www.greenbookblog.org/wp-content/uploads/2012/12/Facebook-Like-Button-big.jpg

[S.T.Y.L.E]

هني اذا بتلف لاتعطي اشاره
لان اذا عطيت اشاره*
ذاك بيسرع شوي عشان ماتدخل جدامه مع انه كان يمشي على بيض بس اشلون انت تدخل جدامه crazy

بالضببببببببببببببببببببببببببببببببببببببببطططططط طط
مابي اسب من صبح لكن هالشي يوميا يوميا يصير لي

[شيخ الديرة]

وهذا اللي يريد يسبقك حتى يوقف بالأشارة الحمرة قدامك, ويشوفها حمرة بعد

[شيخ الديرة]

مدارس السواقة تعلم كيفية السياقة من الناحية الميكانيكية فقط, لكن أدب السياقة واحترام الأخرين غير داخل المنهج بعد

شوف مداخل ومخارج هذي المدارس وانت تعرف نوعية السواق اللي راح تتخرج منها

[بورصجي_جديد]

بصراحه غالبيه الاجانب والله مفروض تنسحب منهم لياسن والله هم مسببين الزحمه تخيلو الاشاره خضره يقعد يظغط بريكات ويقعد يمشي علي ظ¤ظ* بدال مايمشي علي ظ¨ظ* هذا من اهم الاسباب الي توؤدي الي رفع الظغط

[khaldoon]

اخوي انا متفق معاك في موضوعك بس ايش تقول لما توقف و تخلي واحد يطلع عنك و الطريق لك و بعدين يصير قدامك و ينسى انه في سيارات وراه و يمشي شوي شوي و يتكلم بالتليفون و يرسل مسجات و يعطل الطريق و يمكن يبي يصف مكان ثاني و لا كأنه احد وراه و الله اسب على حالي اللي طلعته اصلا و انبليت بقذارته

[طلعة الروح]

اخوي انا متفق معاك في موضوعك بس ايش تقول لما توقف و تخلي واحد يطلع عنك و الطريق لك و بعدين يصير قدامك و ينسى انه في سيارات وراه و يمشي شوي شوي و يتكلم بالتليفون و يرسل مسجات و يعطل الطريق و يمكن يبي يصف مكان ثاني و لا كأنه احد وراه و الله اسب على حالي اللي طلعته اصلا و انبليت بقذارته

عاد هذي الرزاله بعينها بدال مايحترم ان في واحد عطاه حق الظريق ويحترم حقوق الناس اللي وراه يصير العكس هاذي مسأله تربويه بحته ونتايج منبت السوء القضية اخلاقية قبل ماتكون مرورية لأنها مخلفات اجتماعية تنعكس على تعاملات البيت والعمل والشارع.

[khaldoon]

عاد هذي الرزاله بعينها بدال مايحترم ان في واحد عطاه حق الظريق ويحترم حقوق الناس اللي وراه يصير العكس هاذي مسأله تربويه بحته ونتايج منبت السوء القضية اخلاقية قبل ماتكون مرورية لأنها مخلفات اجتماعية تنعكس على تعاملات البيت والعمل والشارع.

متفق تماما معاك....والله صارت معاي

[طلعة الروح]

وهذا اللي يريد يسبقك حتى يوقف بالأشارة الحمرة قدامك, ويشوفها حمرة بعد

نفس اللي يديم لك ويلصق فيك عشان تفتح له مسار اليسار واخر شي يوقف عند الاشاره الحمره وانت واقف جمبه، شستفدت من ترويع الاخرين والسرعه في طريق كله اشارات لازم نفرق بين الي يسرع لظرف طاري وهذول نادر جدا وبين اللي يبي يستعرض قدراته في الطريج

[جوال 11]

اخوي انا متفق معاك في موضوعك بس ايش تقول لما توقف و تخلي واحد يطلع عنك و الطريق لك و بعدين يصير قدامك و ينسى انه في سيارات وراه و يمشي شوي شوي و يتكلم بالتليفون و يرسل مسجات و يعطل الطريق و يمكن يبي يصف مكان ثاني و لا كأنه احد وراه و الله اسب على حالي اللي طلعته اصلا و انبليت بقذارته
هذا صحيح أخوي وأصحاب الجوالات غير يمشي ولا يدري من وراه كأن الشارع ملكه اذا شفت سياره تترنح في الطريق يسار ويمين وسرعة خفيف اعرف انه يتكلم في الجوال اتمنى وزارة الداخلية تفرض على شركات السيارة بوضع جهاز يقطع ارسال الجوال في حالة اشتغال السيارة وايضا وضع رادارات لباصات العمال والشاحنات تعمل في وقت الذروة ما زالت الباصات تستخدم طريق 22 فبراير رغم صدور قرار بالمنع

[Rider]

اول اخوي موضوك مميز نعم هناك من يتعدى على الغير في شوراعنا بس لازم يكون لنا وقفة مع مدارس تعليم السواقه بصراحة يعلمون السائقين الجدد بالغلط

[القلب المؤمن]

والله انا شخصيا كنت اعصب خصوصا اذا احد يبي يتجاوزني من اليمين واصكر عليهم متعمدة بس لاحظت ان الاغلبية يقولون لي بالاشارة بليز فيكسرون خاطري والله فقلت ليش ما اكسب فيهم الاجر ومن يومها افتح للكل واوقف واعاملهم احلى معاملة لان بالمعاملة الطيبة ترى الناس تدرك خطئها واهل قطر وحتى الاجانب فيها والله ناس طيبين جدا والفوضى اللي صايره بالشارع الكل يعاني منها من زيادة عدد السكان السريع وسوء التنظيم والشوارع المحفرة ..
التعاون والصبر والمعاملة بالحسنى فرصتكم لكسب الاجر خصوصا مع قدوم الشهر الفضيل :)

[.قطر.]

بالضببببببببببببببببببببببببببببببببببببببببطططططط طط
مابي اسب من صبح لكن هالشي يوميا يوميا يصير لي
لاتعطي اشاره دش عليه فجأه مافي الا جي :funny:

[معماري قطري]

وهذا اللي يريد يسبقك حتى يوقف بالأشارة الحمرة قدامك, ويشوفها حمرة بعد

انا دوم اسويها لأن من تفتح اتحرك بالسرعة القانونية ادوس شوي .. مب اقعد افكر اتحرك أو لا واركب القير في نمرة وامشي براحتي واللي وراي معصبين ويهرنون

[معماري قطري]

لاتعطي اشاره دش عليه فجأه مافي الا جي :funny:

حتى إن حاولت تدخل يدوس بيجيك بيصك عليك انا الف شوي شوي واخليه يكع بريك غصب عنه

[معماري قطري]

والله انا شخصيا كنت اعصب خصوصا اذا احد يبي يتجاوزني من اليمين واصكر عليهم متعمدة بس لاحظت ان الاغلبية يقولون لي بالاشارة بليز فيكسرون خاطري والله فقلت ليش ما اكسب فيهم الاجر ومن يومها افتح للكل واوقف واعاملهم احلى معاملة لان بالمعاملة الطيبة ترى الناس تدرك خطئها واهل قطر وحتى الاجانب فيها والله ناس طيبين جدا والفوضى اللي صايره بالشارع الكل يعاني منها من زيادة عدد السكان السريع وسوء التنظيم والشوارع المحفرة ..
التعاون والصبر والمعاملة بالحسنى فرصتكم لكسب الاجر خصوصا مع قدوم الشهر الفضيل :)

أمس تقاطع فيلاجيو - حياة بلازا اللي جايين من جهة معيذر بيلفون لفيلاجيو مسوين زحمة .. عادي الواحد بكل قوة ويه يجي من أقصى اليمين ويلف لليسار حتى يدخل أول واحد .. والمشكلة مسكرين المسارات اللي بتروح الدوحة .. وين المرور ووين المخالفات وين تفعيل الكاميرات ما ادري متى بيبدون

في الدول الأجنبية يوقفون لحالة شاذة قد يكون نسى اللفة أو مضطر يلف .. لكن واحد يوقف لكم شخص تستوي عادة .. انا لو بالف صوب حياة بلازا آخذ أقصى اليسار وآكون في آخر الصف وآصبر وأطالب بتفعيل الكاميرات ومخالفة المتجاوزين

[محمد11]

بصراحه غالبيه الاجانب والله مفروض تنسحب منهم لياسن والله هم مسببين الزحمه تخيلو الاشاره خضره يقعد يظغط بريكات ويقعد يمشي علي ظ¤ظ* بدال مايمشي علي ظ¨ظ* هذا من اهم الاسباب الي توؤدي الي رفع الظغط

سلامتك اخوي .. الاجانب تعلموا من اهل البلاد طال عمرك .. وحنا كل ماصار شي قطيناه ع الاجانب ..
ربعنا هو المفروض القدوة .. لكن للاسف القدوه قاطينها ف الزباله الا من رحم ربي ..
تعال شوف البزران كثره والشيبان قله بسواقتهم واحترام الشارع ..
بختصر لك الكلام .. تعال مر عند اي محل لوقت الشاي .. بتعرف الاجابه !!
تعال وقت الشاي الي في معيذر بعدها قول الاجانب

[شيخ الديرة]

انا دوم اسويها لأن من تفتح اتحرك بالسرعة القانونية ادوس شوي .. مب اقعد افكر اتحرك أو لا واركب القير في نمرة وامشي براحتي واللي وراي معصبين ويهرنون

هل يمكن ان نتفق على ان كل هذا الجهد والتسابق لا علاقة له بتوفير وقت يستحق كل هذا العناء والمخاطرة ؟؟

[شيخ الديرة]

.
.
سلامتك اخوي .. الاجانب تعلموا من اهل البلاد طال عمرك .. وحنا كل ماصار شي قطيناه ع الاجانب ..
.
.


نعم

الأجانب عندهم منتدياتهم كذلك, ويبدو ان رأيهم مختلف تماما عما نتهمهم به هنا

[Dana’1]

أصبحنا نرى في شوارعنا العجلة وعدم الصبر وقلة أدب من بعض السائقين فمثلا سيارة تخرج من المواقف لا يمكن ان يتوقف لها احد الا المؤدب وصاحب الصبر انتظر قليلا حتى تخرج السيارة وعدم العجلة وايضا من يريد الالتفاف يمينا او يسارا ويعطي الاشارة الى ذلك لا ندعه ياخذ المسار الذي يريد ونبدأ بالعناد مما قد يعرض الآخرين للخطر ولا اتحدث عن قليلي الادب الذي ياتي يمين الشارع ليتجاوز ويتعدى على حقوق الغير فهذا لا يُحترم لقلة ادبه في الشارع ، فكثيرا من الحوادث تحصل من هذه التصرفات وتتلف الاملاك ونفقد الانفس وهنالك كثير من التجاوزات تحدث في الشوارع .
الالتزام بقوانين المرور هو الحل وارشاد من هم تحت كفالتنا للالتزام بقانون المرور ونحترم حقوق الاخرين في الطريق مهما تكن جنسيتهم .
اتمنى ان نتعاون جميعا للحفاظ علي الانفس والممتلكات الخاصة والعامة وان تجد هذه الكلمات صدى عند السائقين.


هذي أكبر مشكله بشوارعنا... بصراحه صرت اعتمد على المرايه اذا المسافه بيني وبين الي وراي وبيني وبين المخرج او اللفه تكفيني الف بسرعه بدون اشاره على طول اسقط بوجهه !! شسوي بعد اعرف ماراح يخليني الف
لان من ادق الاشاره يدعس على قولتك عناد!!

[راعي الكورفت]

الزحمه وضيق الشوارع هي السبب في تفشي هذا السلوك إلا حضاري بين مرتادين الطريق :(

[شيخ الديرة]

الزحمه وضيق الشوارع هي السبب في تفشي هذا السلوك إلا حضاري بين مرتادين الطريق :(

الا تعتقد ان العكس يجب ان يكون ؟

يعني كلنا نتشارك بنفس الشوارع التي تفتقر لأدنى مستويات هندسة الطرق الحديثة، وعليه يجب ان يحتمل بعضنا البعض ونطول بالنا

[السكين]

اليوم قبل ساعة واقف عند اشارات وزارة العدل ، أشوف وراي دورية برادو نازل وشغال ستيكرات ... اللي قدامي موقف باللفة وكل اللي وراي يهرنون .. نزل بكل ثقة واشر لي باصبعة انه يعني اصبر دقيقة واحدة ، وقعد انتظر ونزل العبري مكانه .. شوية والا هو يدور على الكرسي ورا ومطننش الكل وراح ..اهرن والعالم تهرن للي قعد مكانه ما تحرك يعني يناحس مثل رفيجه .. ما شفت الا الدورية تجاوزت الجميع وخالفته ..

كان ودي انزل أقوله : سلّم لي على الهياط !!