الآم الركبه

[S.T.Y.L.E]

السلام عليكم ورحمه الله وبركاته

حبيت استشيركم في شغله
الوالده الله يحفظها تشكي من ألم فالركب ، وعاد تستخدم هالادويه من المستشفيات
عاد تقولي شافت منتج من هالدعايات اللي فالتلفزيون وهذا موقعه http://asthijivak.me/
على انه منتجات طبيعيه وجذي ، عاد غالباً هالاعلانات خرابيط مثل اعلانات قناه دريم قبل

فقلت اسال اذا حد جرب هالمنتج او سمع عنه ياريت تفيدوني

[شموخ دائم]

,

,


مرحبا

سؤال طيب

من خلال متابعتي للوالده عندي الله يعطيها الصحه والعافيه

كبار السن الالم عندهم اما روماتيزم او خشونه وحتكاك
وكل الادويه ما تعمل نتيجه معاهم للاسف لانها الم كبر السن
والمفصل تعب واصبح مافيه سوائل اصبح جاف

لذلك هناك ( حقنه زيت ) في المفصل
تشيل هذا التعب وتخلي كبار السن يرتاحون ويقدر يمشي بسهوله ويسر
وفي القومه والقعده

وحاسب من ادويه ( الكرتوزون ) لان كثرتها تسبب مشاكل بالعظام على المدى الطويل

مع انها تعطي نتيجه ( فوريه ) تضيع الالم ولكنها غسر مستحبه عند الدكتور الشاطر

خلاصه الكلام
هذي الاعشاب غير مفيده للاسف لهذي الحاله لانها ما تعطي ( الزيت والمرونه ) للمفصل
لانها مشكلات داخل المفصل وليست سطحيه
مما يتطلب حقن المفصل بالعمق

,

,

[S.T.Y.L.E]

شكرا على المشاركه فالموضوع
والله ماعرف صراحه شاقول ، الابو والام صعب صعب يقتنعون ان يروحون مستشفى
الله يخفف على الجميع ان شاء الله

واللي جرب شي جذي ياريت يعطينا رايه بعد

[سعود.]

عندك الاردن او الهند متخصصين بالمفاصل .
ونفس ماقال لك ( شموخ دائم )
فية علاج ( الخلايا الجذعية ) يسحبون دهون من بطن المصاب ويرجعونها في المفصل المصاب لتقليل الاحتكاك .

[النهار]

ماتشوف شر الوالده
شوف سلمك الله الام الركبه شائعه بين الناس والعلاجات المتوفره كلها علاجات موضعيه
تقدر تقول تخيدر لموقع الالم فقط وهذا بحد ذانه خطر لان الانسان عندما يشعر بتحسن يحاول بذل جهد اكبر
وتحميل اكبر على موقع الالم وهذالشي يزيد من المشكله ومخاطرها تكون اكبر
عندي لكم علاج طبيعي فقط يراد له الصبر وان شاءالله تتحسن الحاله تدريجيا
زيت حبة الركه
وورق الملفوف
يتم تسخين زيت حبة البركه تسخين بسيط بيحيث يكون اكثر من الدافي بقليل ( معلقه كبيره )
تدهن بها الركبه ويوضع عليها ورقة الملفوف وهي تأتي في الاصل مقعره وتلبس على الركبه
تلف جيدا اما بشاش او ضاغط وتترك لمدة 6 ساعات على الاقل وتكون الحركه عاديه لايطلب من المريض الجلوس
يمارس حياته الطبيعيه بعد 6 ساعات يزال الخليط ويغسل بماء دافي
وتكرر العمليه لمدة شهر تقريبا

[راجي الْعفو]

وعليكم السلام و رحمة الله و بركاته

سبحان الله اول ما شفت الموضوع قلت النهار عنده تجربة طيبة في علاجها


جزاك الله خير يالنهار

والله يعافي والدينك يا راعي الموضوع ..

[ام الشهداء]

ماتشوف شر الوالده
شوف سلمك الله الام الركبه شائعه بين الناس والعلاجات المتوفره كلها علاجات موضعيه
تقدر تقول تخيدر لموقع الالم فقط وهذا بحد ذانه خطر لان الانسان عندما يشعر بتحسن يحاول بذل جهد اكبر
وتحميل اكبر على موقع الالم وهذالشي يزيد من المشكله ومخاطرها تكون اكبر
عندي لكم علاج طبيعي فقط يراد له الصبر وان شاءالله تتحسن الحاله تدريجيا
زيت حبة الركه
وورق الملفوف
يتم تسخين زيت حبة البركه تسخين بسيط بيحيث يكون اكثر من الدافي بقليل ( معلقه كبيره )
تدهن بها الركبه ويوضع عليها ورقة الملفوف وهي تأتي في الاصل مقعره وتلبس على الركبه
تلف جيدا اما بشاش او ضاغط وتترك لمدة 6 ساعات على الاقل وتكون الحركه عاديه لايطلب من المريض الجلوس
يمارس حياته الطبيعيه بعد 6 ساعات يزال الخليط ويغسل بماء دافي
وتكرر العمليه لمدة شهر تقريبا


الله يجزيك خير بجربه للوالده ان شاءالله

[بعيد النظر]

الوالدة سنين على ادوية .. وخرابيط ولا فادت !
لين اقتنعت تبدل مفاصل الركبتين والحمدلله امورها طيبة !