مواطنة تقع ضحية عملية احتيال دولية!!!!!!!!!!!!!!!!!!!!!!

[مستثمر رشيد]

وقعت إحدى المواطنات في شباك عصابات النصب والاحتيال التي تقوم بعملياتها تحت اسم شركة اوريدو للاتصالات حينما تلقت اتصالا هاتفيا من دولة الامارات تحدث فيه معها أحد الاسيويين الذي أبلغها بأنها فازت مع شركة اوريدو بجائزة مقدارها 200 ألف ريال قطري طالبا منها ان تقوم بعمل تحويلات مالية لكي تستلم الجائزة.


وسردت المواطنة قصتها قائلة: تلقيت اتصالا هاتفيا قبل منتصف الليل من أحد الاشخاص يخبرني بانني فزت بجائزة من شركة اوريدو للاتصالات وان علي القيام بعمل تحويل مالي لهم للقيام باجراءات ادارية حتى استلم الجائزة وقام بارسال صورة من الشيك الصادر باسمي من بنك دبي الاسلامي، حيث كانت الاتصالات من دولة الامارات وقام الشخص باعطائي عددا من البيانات الخاصة بي والتي جعلتني اقتنع ان هذا الاتصال من شركة اوريدو فقمت بتحويل الاموال له حتى بلغت 11 الف ريال قطري عن طريق إحدى شركات الصرافة، وبعد اكثر من يومين تم الاتصال بي مرة اخرى وطالبوني بتحويل مبلغ 2500 ريال لاستلام جائزة اخرى من السوق الحرة في دبي ولكنني رفضت هذا الامر وطالبته بارجاع المبالغ التي تم تحويلها ولكنه رفض هذا الامر تماما بل انه قام بتهديدي بانه سيقوم بنشر بياناتي على الانترنت اذا ما حاولت ان اقوم باي ردة فعل مما أوحي إلي انه استطاع اختراق هاتفي والحصول على بياناتي الخاصة والصور التي احتفظ بها وقمت بتقديم شكوى لشركة اوريدو ولقسم الجرائم الالكترونية ولكن بالطبع لم يحدث اي شئ وما جعلني اتحدث في الامر هو انني اريد تحذير الجميع من الوقوع في براثن هذه العصابات المتمرسة والتي تحاول دائما اصطياد ضحاياها بهذه الطريقة وكنت أنا إحدى الضحايا للاسف


http://www.al-sharq.com/news/details/424304

[رفيع الهامه]

القانون لا يحمي المغفلين


ليش من البدايه ما راحت صوب اوريدو .. الحين يوم قصوا عليها تشتكي..... زين سوو فيها

[JN000N]

http://www.qatarshares.com/vb/showthread.php?619874-%ED%D1%CC%EC-%C7%E1%CD%D0%D1-%ED%D1%CC%EC-%C7%E1%CD%D0%D1-%ED%D1%CC%EC-%C7%E1%CD%D0%D1/page2

ونرجع ونقول القانون لا يحمي المغفلين

بالعقل دخيل الله
اوريدو شركه قطريه مالها وجود ف دبي
بعد لو من الكويت متصلين بقول هه يمكن
ولو ان الاولويه يتصلون من اوريدو قطر
مب رقم اماراتي وهندي يكلمني ويقولي فزتي
ماشبعو هم من سالفة فزت بمبلغ؟ والا المبلغ اللي انقال لها خلاها تنصمخ او تنعمي عن الصج
ويوم ضاعت فلوسها يات تطالب وتشتكي
خلاص خلها تتحمل نتيجة تصرفها وتكون قرصه لها ف المستقبل

[شبح الصمت]

لا حول ولا قوة الا بالله


لين الحين في ناس تصدق هالسوالف !!

اخبر اخو واحد اعرفه ودكتور وهالكلام من 10 سنين انصبوا عليه بـ 200 الف ..


عندهم فلوس لي اخصموا الي تبووونه وطرشوا لي الي ابيه ..

مع احترامي لها ..

القانون لا يحمي المغفلين ..
اما بخصوص البيانات هذا مشكلة اخرى ويجب متابعة هالاشكال ..

مع انه من فترة تم القبض على عصابة مشابه او اهي نفسها كانت تتصل بنفس الطريقة ونفس الاسلوب ..


استغفر الله العظيم

[Abu Mahmoud]

الانسان يشغل عقله

ازاي انا فائز بجائزة ويطلبوا مني تحويل مبالغ .. اول هدف للشك انهم نصابين

ثاني شي ازاي انا كل شوية يبلغوني اني فزت بجائزة وطلب مبالغ تاني يعني

انهم استخدموني للنصب واستسهلوا حيلتي ..

كم مرة حصلت معاي مرة يطلبون فلوس ومرة يطلبون بيانات الحساب البنكي

انا بس ارد عليهم لاعرف حيلة النصب الجديدة ..

مثل مركز في الدوحة للاستبيان مرة اتصلوا عليا وغلطت ورديت عليهم

وجاوبت على اسئلتهم وبعدها عيونكم ما تشوف الا النور

تليفوني بقا مصدر لكل شركة اسبيانات ههههههههه حسبي الله

[بن غيث]

" القانون لا يحمي المغفلين "
عبارة ليست صحيحة وغير قانونية

[شبح الصمت]

" القانون لا يحمي المغفلين "
عبارة ليست صحيحة وغير قانونية



اخوي مثال ..

انا عندي رقم موتر حلو
واتصل فيني واحد ما اعرفه قالي انا شراي ..

قلت له توكل على الله
رحت معاه المرور او مطراش بحوله له
قالي بس الحقني بسحب فلوس ما سحبت ..
اشوي الا قالي ياخي البطاقة ما تسحب
او بكلمك بعدين ..

اش بسوي بقوله لا رجع لي الرقم بالغصب وبتهاوش وياه وسويها سالفة

وبروح اشتكتي حلووو عندي اثبات اني حولت له
وهو بيقول انا سلمته الفلوس
وبيحلف دام سوى هالسالفة طبعاً بيحلف
وبدش فيه محاكم وسين وجيم وتعال وروح ..


واخرتها اهو بيثبت على حلفته وانا بتبهدل ..

في نظر القانون انا شنو ..

[رفيع الهامه]

اخوي مثال ..

انا عندي رقم موتر حلو
واتصل فيني واحد ما اعرفه قالي انا شراي ..

قلت له توكل على الله
رحت معاه المرور او مطراش بحوله له
قالي بس الحقني بسحب فلوس ما سحبت ..
اشوي الا قالي ياخي البطاقة ما تسحب
او بكلمك بعدين ..

اش بسوي بقوله لا رجع لي الرقم بالغصب وبتهاوش وياه وسويها سالفة

وبروح اشتكتي حلووو عندي اثبات اني حولت له
وهو بيقول انا سلمته الفلوس
وبيحلف دام سوى هالسالفة طبعاً بيحلف
وبدش فيه محاكم وسين وجيم وتعال وروح ..


واخرتها اهو بيثبت على حلفته وانا بتبهدل ..

في نظر القانون انا شنو ..





انت موضوعك غير عن موضوع الاخت


انت من المفترض يتسجل عن طريق شهود او معرض او جهه رسميه اذا كنت ماتعرف الشخص



اما الاخت سلمت لهم كل شي و هي ما اشترت ولا باعت فقط قصوا عليها و هي مغفله

[شبح الصمت]

انت موضوعك غير عن موضوع الاخت


انت من المفترض يتسجل عن طريق شهود او معرض او جهه رسميه اذا كنت ماتعرف الشخص



اما الاخت سلمت لهم كل شي و هي ما اشترت ولا باعت فقط قصوا عليها و هي مغفله



الله يعطيك العافيه
ادري انا موضوعي غير ..

بس بن غيث يقول مقولة القانون لا يحمي المغفلين ..

اهي وين شهودها !!

سجلت شيء
حولت فلوس وهي بكامل قواها العقلية ..

وانا حولت الرقم وانا حولت وانا بكامل قواي العقلية بعد ..

[بوحارب]

استغرب من اللي يصدق هذولي النصابين !!

[شبح الصمت]

استغرب من اللي يصدق هذولي النصابين !!



تسلفني بوحمني

:weeping:

[نعيمه علي]

انا جاني اتصال من رقم غريب وقال احنا من شركة اريدو ونبغي نحدث البيانات
ونبغي منج الرقم الشخصي والعنوان
قلت له اريدوا وتبغون تحدثون البيانات
ادخل ملفي وفيه كل البيانات
وقعد يحلف لي انه من اريدو وبس يبغي رقمي الشخصي
قلت له عطني رقمك وانا بطلع انت من أي قسم في اريدو
وسكرت في وجهه
الواحد لازم يتأكد الف مره قبل يرسل شي او يصدق هالاتصالات

[JN000N]

تسلفني بوحمني

:weeping:



ماتهون عليه الريال
تبيه يسلفك
بيسويلك حركة طارق العلي وهو متشنج

[شبح الصمت]

ماتهون عليه الريال
تبيه يسلفك
بيسويلك حركة طارق العلي وهو متشنج


سكتي شكله غص في سندويش البيض ..

هاههاي

[بوحارب]

تسلفني بوحمني

:weeping:


اكيد لا :) ههههههههه





ماتهون عليه الريال
تبيه يسلفك
بيسويلك حركة طارق العلي وهو متشنج

هههههههههههههههههه

يارب ينصبون عليج هالنصابين والله اللي بيغتنون من وراج :(

[امل الحياه]

ارحمو ناس انغفلت واتبعة فرحة الفوز الي صار صار الحين هي انشرت القصه للاتعاظ واخذ الحيطه والحذر ارجو من الي يكتب ويقعد يتشمت ترى الدنيا دواره مرات الانسان يمر بضعف بوقته ما يجية لحظه انه يفكر او يعطي بال انه نصب عليه او انغش خاصه داخل عليها من مؤسسة معروفه مثل اريدو ترى اكبر الناس ينصب عليهم لا تقول مستوى تعليمي او جهل ربك يجوز يبتليئه يعني من الاخير نوع من الابتلاء ما نقول الا الحمدلله على كل حال يما ناس عنده داريه بالدنيا بلحظه ينغش والابداع بالنصب والاحتيال صار فيها نوع من الابداع والفن والابتكار بهذا الزمن وفي فئه كبير تصدق والقصص الي اسمعها هههه مرات انا ما الومهم اذا صدقو

[لـبـيـه]

معقوله للحين في ناس تصدق النصابين ذول احس حتى الحركه قديمه جدا في النصب

[JN000N]

سكتي شكله غص في سندويش البيض ..

هاههاي
ريقوني سندويج بيض مقلي مع جبن وطماط وفلفل
طرشوه لي الدوام
مابي عصير وشكرا

اكيد لا :) ههههههههه




هههههههههههههههههه

يارب ينصبون عليج هالنصابين والله اللي بيغتنون من وراج :(

حرامي ما يبوق حرامي :cool:

وبس يلا مابي اخرب الموضوع

[شيخ الديرة]

وقع الكثير ضحية قبل ان يضحكو عليهم

وقعوا ضحية الطمع والتسوق والسفرات والبهرجة من اموال القروض وجنط ام 15 الف كل شهر

القناعة كنز

[Abdulraman]

بالعقل هل في شركة تتصل آخر الليل وتقولك فزت ؟

[شيخ الديرة]

" القانون لا يحمي المغفلين "
عبارة ليست صحيحة وغير قانونية

كيف راح يحميها القانون ؟

[السيف5]

اذا جاني اتصال وقالوا لي فزت

اووكي ماعندي مانع طرشوا مبلغ الفوز

واخصموا الرسوم منه:tease:

مخ يشتغل

[CH Engineer]

المصيبه مب ان الشركه متصله في نهاية الليل
المصيبه ان في حد يصدق هالسوالف عطني 10 الاف اخلص لك الأوراق انت ربحت معانا 200 الف ريال!!!!!!!!!!
طيب اخصم من 200 الف وعطوني الباقي

انزين اوريدو مالها فرع فالإمارات وبعدين شركة قطريه وانت في قطر!!!



الي يصدق مثل هالسوالف
ويثبت ان تكرر معاه الموضوع لأكثر من مره لازم الدولة تحجر على امواله

[بوجبر]

الطمااااع هو من يقع في فخ النصابين!!!

[BUHASSEN]

كلامك صحيح المفروض الواحد مايصدق هالاشياء ولا يمشي وراها لازم تكون عن جهات رسميه

بس موضوع اوريدو ويتصل من الامارات صارله اكثر من 4 سنين اذا مب اكثر محد حاول يتدخل يبلغ الجهات الامنيه تراقبهم

هم ماتمو يتصلون والا في ضحايا ولهم دخل والجماعه شغالين الجرائم الالكترونيه خطيره والمفروض الجهات المعنيه ماتتهاون فيها لازم تغلظ عليهم العقوبات ويتابعون اول باول

[غايه الطواش]

السوال الاهم شلون توصلوا لمعلومات الناس الشخصيه ؟؟

[معماري قطري]

لا حول ولا قوة الا بالله


لين الحين في ناس تصدق هالسوالف !!

اخبر اخو واحد اعرفه ودكتور وهالكلام من 10 سنين انصبوا عليه بـ 200 الف ..


عندهم فلوس لي اخصموا الي تبووونه وطرشوا لي الي ابيه ..

مع احترامي لها ..

القانون لا يحمي المغفلين ..
اما بخصوص البيانات هذا مشكلة اخرى ويجب متابعة هالاشكال ..

مع انه من فترة تم القبض على عصابة مشابه او اهي نفسها كانت تتصل بنفس الطريقة ونفس الاسلوب ..


استغفر الله العظيم

الانسان اللي كذب وخدع أول مرة يكذب في الثانية وصدقني لا عنده بيانات ولا شيء .. المفروض المشتكية تاخذ نفسها للإمارات وتشتكي هناك صدقني متطورين أمنياً وبيسحبونه بيسحبونه

[A-Alansari]

للحين في ناس تصدق هالاشكال

انا من يجيني اتصال من الامارات وهندي يقول فزت وخرابيط على طول اسمعه صوت القطار

[معماري قطري]

كانت تجيني ايميلات كثيرة بطلب غسيل أموال تصل ل 50 مليون دولار أو جنيه استرليني .. والمطلوب بيانات بسيطة كرقم الحساب وبعض البيانات الشخصية للتحويل ولي نص المبلغ بالشراكة معاهم بعد التحويل .. وخفت خصوصاً إن الرسائل تكررت ومن عدة أشخاص وعدة دول

أحد الأصدقاء وكان يشتغل في كيوتل جاته ايميلات بنفس المبدأ وصدق مسكين ويقول لي ليش ما اجرب ولا حصل شيء طلبوا منه السفر لجنوب أفريقيا حتى يقدرون يخلصون الإجراءات .. قلت له قوم جمبولو جمبوليله هناك بينتفون قطع منك وبيرسلونها حق هلك حتى يطرشون فدية

في أمريكا أول ما بدينا ندرس .. توصلنا رسائل على البريد واسمي مكتوب داخلها بالخط العريض مبروك والاسم كامل فوزك بعشر ملايين دولار .. وقتها الراتب تحت ال 1000 دولار بشوي 965 بالضبط .. كنت اقرا الرسالة وفيها صورة واحد اللي يقول مبروك بس بعدين يكتب لازم تسوي اشتراك في المجلات ذي وتدفع قيمة اشتراك سنوي وتدخل السحب وبتفوز بتفوز فوزك مضمون .. هي دعاية بوعد امكانية تحققه مستحيلة والمجلات كانت بأسعار معقولة وبسيطة يعني الواحد بيستفيد خصوصاً وقتها لا انترنت ولا اتصالات حديثة .. كانت الصورة حق المليونير وارن بافيت اعتقد ويحط عروض حتى في التلفزيون

[شيخ الديرة]

السوال الاهم شلون توصلوا لمعلومات الناس الشخصيه ؟؟

لا استغرب انهم عطوها رابط تضغط عليه وينصب تطبيق يفتح ابواب الموبايل وشبابيكه بعد، والكاميرا وتسجيل صوت وصلاحية الاطلاع على الصور و ياليل ما اطولك
العقل نعمة، مسكين اللي ما يستخدمه صح

[أم عزوزي]

حسبي الله عليهم ذول

انا صج كلموني لكني صرت احسن منه

قلت له عطني اسمك كامل ورقم تلفونك وعنوانك عشان اطرش لك الفلوس خخخخخخخخخخخخخخخ

وعقب على طول اتصلت ابلغ عنهم وحتى كلموني من الامارات جزاهم الله خير

وبعدها على طول اشوف اخونا ذاك متصلي خليت تلفوني يرقع لين ما احترق ههههههههههههههه

لا بارك الله فيهم الحراميه

[العنيده]

للحين في ناس تصدقهم :(
الله يعوضها خير ان شاء الله

[Charisma]

المفروض أن الشركة المعنية هي من تقوم برفع قضية وملاحقتهم ، وتتبعهم ، ماعتقد انه أمر مستحيل لو تحركت الجهات المعنيه عن طريقهم ، اما الاكتفاء بإرسال رسائل تحذيريه فهذا لايكفي.

واضح ان المصدر من الامارات وواضح انهم شبكة أسيوية يستخدمون اساليب ملتوية في النصب " البيانات مثل الأسم وتاريخ الميلاد وغيرها " ، موضوع بسيط خصوصا للجاهلين في استخدام التكنولوجيا ومواقع التواصل وغيرها ، اما التهديد بنشر بيانات مثل الصور ، فهذا لايمكن ، لأن اختراق هاتف وسحب البيانات منه مستحيل ، إلا ان كان يملك كلمات المرور لحسابات المتضرر .

أكاد أجزم أن مصدر انتقائهم للضحايا هي بعض مواقع وبرامج التواصل المرتبطة بحسابات بريد ألكتروني ، واللي فيها بيانات صحيحه من اسم وتاريخ ميلاد ورقم جوال .

التعامل مع التكنولوجيا يحتاج لتثقيف ، وإعطاء التصاريح للبرامج بالوصول إلى مصادر الهاتف امر يحتاج إلى تثقيف ايضا ، مثال " برنامج اطفال يطلب تصريح الولوج لارقام الهواتف والرسائل والبريد الألكتروني " .

تنبية من حولك وتثقيفهم والتاكد من سلامة حساباتهم أمر ماياخذ منك دقايق .

[راعي الكورفت]

راحت ال11 الف ريال






الله يعوضها :(

[Qt.1]

بل معقوله في ناس تفكيرها لهدرجه معقوله صدقت كل الدراما هذي !! لاحول ولااقوة الاا بالله , والله يعوضها خير ,,

[مخطط قطري]

يجماعه الخير يمكن جيلنا شوي حريص ونبيه بس جيل ابهاتنا واماهتنا الله يحفظهم ويطول بعمارهم على النيه ويحسبون الناس صادقين مثلهم ,,, هالقصه تكررت مع ابو صديقي وابوه ماشاءالله رجل اعمال معروف وعلم من اعلام قطر في التجاره اتصلو عليه وقالوله فزت بجائزه وحولنا 2000 دولار مايعادل 7300 ريال قطري والريال يملك مليارات وفي خير وفي عز واكيد عبر مسيرته التجاريه صادف انواع البشر كلها ومع ذلك حول حق النصابين يعني السالفه هذي احنا واضح لنا جميعا انها استغفال ونصب ولكن مع غيرنا ماينتبهه فمانلومه ولكن الحين خذها درس يمكن هالنصابين في المستقبل يطورون حيل واساليب جديده قد تنطلي على اي شخص ويستغفلونه فيها

[السكين]

نفس الإتصال جاني قبل كم شهر ، والغباء متصلين من الواتس أب وحاطين صورة مكاتب أوريدو عشان الناس تصدقهم ، طلب مني بيانات شريحتي اللي تحت ..قلت له وبعد ما اعطيك اياها ؟ قال لي عشان اسجل بياناتك وتستلم الــ 250 ألف ريال ، قلت له خذ خمسين ألف وجيبلي بس 200 ألف سّكر الخط بوجهي :nice:

[السكين]

عندي سؤال ، طالما الموضوع تحويل بنكي أشوف الموضوع بسيط انه ينمسك صح ؟؟

[شموخ دائم]

,

,


مرحبا


اخواني

( القانون يحمي الجميع )

العاقل والصغير والطفل والبالغ والكبير بالسن

القضيه هذي واضحه بالقانون وسهل القاء القبض عليهم

1- انتحال شخصيه موظف في اوريدو
2- التحايل والنصب على الناس


وسهل القبض عليه من خلال ( تتبع من استلم الشيك ) المستفيد في الامارات او الجهه التي يعمل فيها
وسهل تتبعهم بالإنتربول اذا غادر الامارات
بصماته وصوره واسمه معروف

وسهل الايقاع بكل العصابه الشركاء

ومن خلال تتبع رقم ( المتصل ) نقدر نعرف جميع من اتصل فيهم
وهم جميعا شهود على انتحال شخصيه موظف اوريدو



الضحيه هي الشاهد على الواقعه والاتصال يثبت التواصل بينهم
وتحويل المبلغ الايصال هو الدليل على عمليه التحايل

على فكره جميع المكالمات الدوليه مثبوته بشركات الاتصال والامول جميعها
معروف انتقالها ومعروف ايضا كيف تصرف فيها
اذا حولها للخارج او اودعها بحساب اخر

القانون يحمي الجميع

هذا لاجدال فيه


,

,

[khaldoon]

تحول مبلغ 11 الف ريال علشان تستلم جائزه!!!!..... الحمد لله و الشكر.....هذه وين عايشه....ليش 11 الف ...ممكن نفهم على اي اساس بيكلفها استلام الجائزه مبلغ 11 الف؟ ....مب صاحيه و الله....الطمع اعمى عيونها

[قطر خضراء]

الله يعوضها خير ويكفيها شر الشامتين
وجزاها الله خير على نشر تجربتها في جريدة يقرأها الآلاف حتى يزيد الوعي

وأحيي هذا الرجل العاقل على رده
ولو توفرت الإرادة لدى رجال تنفيذ القانون لاستطاعوا توقيفه خلال أقل من 24 ساعة لأنها جريمة كاملة الأركان وعليها أدلة لا يمكن محوها


,

,


مرحبا


اخواني

( القانون يحمي الجميع )

العاقل والصغير والطفل والبالغ والكبير بالسن

القضيه هذي واضحه بالقانون وسهل القاء القبض عليهم

1- انتحال شخصيه موظف في اوريدو
2- التحايل والنصب على الناس


وسهل القبض عليه من خلال ( تتبع من استلم الشيك ) المستفيد في الامارات او الجهه التي يعمل فيها
وسهل تتبعهم بالإنتربول اذا غادر الامارات
بصماته وصوره واسمه معروف

وسهل الايقاع بكل العصابه الشركاء

ومن خلال تتبع رقم ( المتصل ) نقدر نعرف جميع من اتصل فيهم
وهم جميعا شهود على انتحال شخصيه موظف اوريدو



الضحيه هي الشاهد على الواقعه والاتصال يثبت التواصل بينهم
وتحويل المبلغ الايصال هو الدليل على عمليه التحايل

على فكره جميع المكالمات الدوليه مثبوته بشركات الاتصال والامول جميعها
معروف انتقالها ومعروف ايضا كيف تصرف فيها
اذا حولها للخارج او اودعها بحساب اخر

القانون يحمي الجميع

هذا لاجدال فيه


,

,

[شيخ الديرة]

العصابات ذيله ما هم اغبياء، ويعرفون كيف يستخدمون التقنيات الحديثة من اجل القيام بالخطوات كلها وبدون كشف هوياتهم الحقيقية

اولاً، الكل يقول الاتصال من الامارات، ولكن هذا لا يعني بالضرورة انهم موجودين بالامارات، ثانياً، الفلوس اللي يستلموها تجيهم عن طريق تحويلات من مكاتب الصرافة وليس شيكات كما نوه اليه بعض الاعضاء.

انا مريت بهذه التجربة وعن عمد حبيت اتعلم اساليبهم، وصلني ايميل من اخوي انه في لندن وضاعت محفظته...القصة اياها
المهم، انا رديتله، والايميل ما يروحله وانما يجي من اخوي لكن الرد يروحلهم، وقلتله ابشر، الجيب واحد انطيني التعليمات، قال تحول المبلغ الي باسم اخوي، وعلى الويسترن يونيون وتعطيني رقم التحويل

كان عندي رقم قديم غيرت بيه كم رقم وراح ورجع يقول الرقم غلط، يريد صورة من الوصل
شنو معناتها؟ متفق مع احد في احد مكاتب ويسترن يونيون يستلم فلوس بدون ما يطابق الهوية

عصابات مفتحين بالديزل، ما هم هينين

[Charisma]

العصابات ذيله ما هم اغبياء، ويعرفون كيف يستخدمون التقنيات الحديثة من اجل القيام بالخطوات كلها وبدون كشف هوياتهم الحقيقية

اولاً، الكل يقول الاتصال من الامارات، ولكن هذا لا يعني بالضرورة انهم موجودين بالامارات، ثانياً، الفلوس اللي يستلموها تجيهم عن طريق تحويلات من مكاتب الصرافة وليس شيكات كما نوه اليه بعض الاعضاء.

انا مريت بهذه التجربة وعن عمد حبيت اتعلم اساليبهم، وصلني ايميل من اخوي انه في لندن وضاعت محفظته...القصة اياها
المهم، انا رديتله، والايميل ما يروحله وانما يجي من اخوي لكن الرد يروحلهم، وقلتله ابشر، الجيب واحد انطيني التعليمات، قال تحول المبلغ الي باسم اخوي، وعلى الويسترن يونيون وتعطيني رقم التحويل

كان عندي رقم قديم غيرت بيه كم رقم وراح ورجع يقول الرقم غلط، يريد صورة من الوصل
شنو معناتها؟ متفق مع احد في احد مكاتب ويسترن يونيون يستلم فلوس بدون ما يطابق الهوية

عصابات مفتحين بالديزل، ما هم هينين

أعتقد انهم موجودين في الأمارات لأن التحويل يكون للامارات ، والقبض عليهم مهما احتالوا " ارقام ليست باسمائهم - استلام الحوالات عن طريق طرف ثالث "غشيم" ..إلخ " بالأمكان وبكل سهولة تعقبهم عن طريق تحديد موقع "الرقم" ، وتعقب الحوالات . لكن كل هذا لايمكن إلا بتحرك الجهات المعنيه للقبض عليهم .

على الشركة المعنية التحرك في هذا الأمر دون الأكتفاء بالرسائل التحذيريه .

[شيخ الديرة]

أعتقد انهم موجودين في الأمارات لأن التحويل يكون للامارات ، والقبض عليهم مهما احتالوا " ارقام ليست باسمائهم - استلام الحوالات عن طريق طرف ثالث "غشيم" ..إلخ " بالأمكان وبكل سهولة تعقبهم عن طريق تحديد موقع "الرقم" ، وتعقب الحوالات . لكن كل هذا لايمكن إلا بتحرك الجهات المعنيه للقبض عليهم .

على الشركة المعنية التحرك في هذا الأمر دون الأكتفاء بالرسائل التحذيريه .

كان گدرت عليهم سلطات لندن

[CH Engineer]

الحين يتصلون واتساب
يوفرون فلوس ههههههههه

اهم شي التحويل للامارات يعني موجودين اهناك
اتصل لأي مركز او مسؤول أمني حتى لو من النت وتبلى عليهم بقضايا امنيه
بيشوفون التحويلات والله ليزحفونهم تزحف ،، نص ساعه بس وهم فالتحقيق



الحين هندي يتكلم مكسر ويوزع هدايا ملايين والمشكله يدق رنه
شلون العالم يصدقون !!!! شلوووووون بصوت عبدالناصر


الموضوع يربح شكله مشروعي الجاي

[معماري قطري]

الحين يتصلون واتساب
يوفرون فلوس ههههههههه

اهم شي التحويل للامارات يعني موجودين اهناك
اتصل لأي مركز او مسؤول أمني حتى لو من النت وتبلى عليهم بقضايا امنيه
بيشوفون التحويلات والله ليزحفونهم تزحف ،، نص ساعه بس وهم فالتحقيق



الحين هندي يتكلم مكسر ويوزع هدايا ملايين والمشكله يدق رنه
شلون العالم يصدقون !!!! شلوووووون بصوت عبدالناصر


الموضوع يربح شكله مشروعي الجاي

شرايك تشاركني ونفتح شركة المهندسين القطريين للنصب والاحتيال

[بالمرصاد]

صحيح اخوي بن غيث حيث ان القانون وضع للمغفلين

[وحيد-الشوق]

القانون لا يحمي المغفلين


ليش من البدايه ما راحت صوب اوريدو .. الحين يوم قصوا عليها تشتكي..... زين سوو فيها

لاتقول زين سووا فيها، نعم أنا معاك ومستغرب من الحين يصدق هالحرامية بس الشماته مب زينة ياخوي

[CH Engineer]

شرايك تشاركني ونفتح شركة المهندسين القطريين للنصب والاحتيال

يبيله
نضبط موضوع النصب مانسويه الا واحنا مسافرين
بنتصل من الواتساب من رقم قطري*

عاد في ناس لو تقولهم معاكم وقت الشاي ربحت معانا نص مليون عادي يصدق
ارسل لنا 20 الف قيمة التذاكر وبنجيك و نسلم لك النص مليون

[بنت شرق]

أنا لو مكانها كنت بصدق

[Charisma]

كان گدرت عليهم سلطات لندن


الزبدة ان بغوا جابوهم .


اما موضوع لندن ذكرتني بجورج والمدينة خخخ

[شيخ الديرة]

أنا لو مكانها كنت بصدق

أبشري، اليوم تستلمين مكالمة ، ويعطوج خصم بعد :telephone:

[النهار]

الزبدة ان بغوا جابوهم .


اما موضوع لندن ذكرتني بجورج والمدينة خخخ

:weeping::weeping:

لاتذكرني ارجوك مابغيت انسى :weeping:

[بنت شرق]

أبشري، اليوم تستلمين مكالمة ، ويعطوج خصم بعد :telephone:
ما ادري احب اسمع لقد ربحتي معانا مبلغ وقدره

[Charisma]

:weeping::weeping:

لاتذكرني ارجوك مابغيت انسى :weeping:

لاتذكرني بنصبك ياغناتي :weeping:
لاتذكرني بماضيك الجميل :weeping:
في صدى ذكراك بقزر حياتي :weeping:
مستحيل انساااااك مستحيل :anger1:

[Dana’1]

[FONT="Arial"][COLOR="DarkOliveGreen"][SIZE="5"]الله يعينها .. وإن شاءالله ياخذون حقها

ازعجونا بالاتصالات والرسائل والواتساب ماصارت بصراحه

دايما يرسلون لي إني فزت مره سيارة بي ام.. ومره كاش
ليش اوريدو وهيئة الاتصالات تاركه الامور كذا؟!


هذا غير الناس الي ترسل تطلب مساعده ماعاد تدرون الصادق من الكاذب..

هذا اليوم واصلتني

http://i.imgur.com/cClK28Y.jpg

وكثير قبلها شي طلب صداقه وشي طلب فلوس أو طلب وظيفه

طبعا انا ما ارد ابدا تقرير كمزعج وبلوك وإنتهى

[معماري قطري]

كان گدرت عليهم سلطات لندن

ما قدروا على داعش اللي يلعبون بالملايين بيقدرون عليهم؟

نحتاج رقابة مالية متطورة ومحد يرسل مبلغ الا بسبب واللي يستلم الحوالة يكون معروف

[معماري قطري]

يبيله
نضبط موضوع النصب مانسويه الا واحنا مسافرين
بنتصل من الواتساب من رقم قطري*

عاد في ناس لو تقولهم معاكم وقت الشاي ربحت معانا نص مليون عادي يصدق
ارسل لنا 20 الف قيمة التذاكر وبنجيك و نسلم لك النص مليون

بنشوف نبي كم واحد يشاركنا ونبي مطوع نخليه مفتي الشركة

[معماري قطري]

[FONT="Arial"][COLOR="DarkOliveGreen"][SIZE="5"]الله يعينها .. وإن شاءالله ياخذون حقها

ازعجونا بالاتصالات والرسائل والواتساب ماصارت بصراحه

دايما يرسلون لي إني فزت مره سيارة بي ام.. ومره كاش
ليش اوريدو وهيئة الاتصالات تاركه الامور كذا؟!


هذا غير الناس الي ترسل تطلب مساعده ماعاد تدرون الصادق من الكاذب..

هذا اليوم واصلتني

http://i.imgur.com/cClK28Y.jpg

وكثير قبلها شي طلب صداقه وشي طلب فلوس أو طلب وظيفه

طبعا انا ما ارد ابدا تقرير كمزعج وبلوك وإنتهى

وزارة الاتصالات والمواصلات ما ادري المواصلات والاتصالات اختي

هم قادرين على كروة والا على الطرق وأشغال اللي تبني طرق سعرها ذهب مب أسفلت حتى يقدرون على ناس يتصلون من برا

[Charisma]

اخوي معماري ، هذا اللون عليك يجنن .. يشبه لون عيونك .

[بوخميس]

ما ادري احب اسمع لقد ربحتي معانا مبلغ وقدره

ارسل حلم أو Dream على رقم 999

[بنت شرق]

ارسل حلم أو Dream على رقم 999

قصدك برنامج الام بي سي طرشت شكثر وكتبت حلمي الحصول على بيت بس ما فزت

[بوخالد911]

والسعيدُ من اتعظ بغيره.

[بوخالد911]

[FONT="Arial"][COLOR="DarkOliveGreen"][SIZE="5"]الله يعينها .. وإن شاءالله ياخذون حقها

ازعجونا بالاتصالات والرسائل والواتساب ماصارت بصراحه

دايما يرسلون لي إني فزت مره سيارة بي ام.. ومره كاش
ليش اوريدو وهيئة الاتصالات تاركه الامور كذا؟!


هذا غير الناس الي ترسل تطلب مساعده ماعاد تدرون الصادق من الكاذب..

هذا اليوم واصلتني

http://i.imgur.com/cClK28Y.jpg

وكثير قبلها شي طلب صداقه وشي طلب فلوس أو طلب وظيفه

طبعا انا ما ارد ابدا تقرير كمزعج وبلوك وإنتهى


مثل هالرسائل الكاذبة توصلني اسبوعيا
ولا اعطيهم اي مجال.

[معماري قطري]

اخوي معماري ، هذا اللون عليك يجنن .. يشبه لون عيونك .

هذا أحلى ليلاوي حلكاوي

[عندليب قطر]

بعض الناس بسهوله ينضحك عليها عقولها تنك مثل الي يشتري رقم سيارة او رقم موبايل بمليون

[معماري قطري]

بعض الناس بسهوله ينضحك عليها عقولها تنك مثل الي يشتري رقم سيارة او رقم موبايل بمليون

وهذا مثال ثاني

ما ادري أي مليونير اللي عمره ما سافر غير سياحية .. وساكن في بيت صغير طول عمره ملياردير اعتقد وارين بافيت

[جوال 11]

تحملوا من النصابين فيه شركة ترسل مسجات تذكر فيها تملك فيلا في البوسنة وموجود رقم هاتف من قطر للعلم لا يوجد تملك حر في البوسنة انما تستخرج سجل تجاري لشركة ثم تسجل الفيلا او الشقة باسم الشركة وغير مضمون الاستمرار في الاستملاك اذا لم تعمل الشركة وايضا لدي رقم عضوية لاحد الفنادق واذا باتصال من دبي اسيوية تتحدث وذكرت ادفع 900 ريال واحصل على خصومات وكلها كذب ودجل سرحتها وعملت بلك على رقمها وايضا في تويتر فيه اكثر من جهة تذكر اذا تريد ان تتاجر في العملة وتكسب الالاف عليك التسجل وكلهم حرامية حاسبوا منهم

[Charisma]

https://www.youtube.com/watch?v=ezxLO-INVoM

[غريب الدّار]

لا حول ولا قوة الا بالله


لين الحين في ناس تصدق هالسوالف !!


ولي باجر ياشبح

الله يعوضها خير
مع علمي التام بأن صعب جدا القبض على كل عصابة تقوم بمثل تلك الأمور ، لكن ماضاع حق وراه مطالب

والله يوفق الجميع

[Abu Muhsen]

معقوله للحين في ناس تصدق النصابين ذول احس حتى الحركه قديمه جدا في النصب

المفروض لاء ... بس الجماعة لليوم شغالين على امل احد يوقع فريسة ... اخر تلفون اجاني قبل شهرين تقريبا ... بس هالمرة الغباء زايد متصل واتس اب وحاطة صورة البروفايل شعار اوريدو يعني انه هيك راح اصدق

[Abu Muhsen]

هالنصابين رغم سذاجة اسلوبهم الا انه لو مافي ناس بتصدق كان ما استمرو ابدا ... في سنة 2011 اتوقع وكانت اول مرة بدخل موقع qatarliving لفت نظري اعلان سيارة برادو فل اوبشن مع شاشة ملاحة وفتحة ومواصفات لا حصر لها ومصور السيارة كاملة والصور خيالية وعليها لوحة قطرية والسيارة كان عمرها سنة ويادوب ماشية 30 الف وحاط سعرها 70000 وهذه السيارة قيمتها بالوكالة هذيك الايام مش اقل من 170 الف اتوقع ... وبالاعلان مافي رقم تلفون الي حاب يكلم البايع لازم يرسل ايميل ... طبعا كتصرف بديهي مني ارسلت ايميل ... طلع الاخ يقول ان اجاني حالة طارئة وسافرت بريطانيا ... ممكن اعطيك مكان بيتي وتروح تشوف السيارة بس انا محتاج مبلغ بسيط حاليا لانه ما عندي فلوس ارجع احجز تذكرة طيارة لقطر عشان اجي ونخلص البيعة ... طبعا على طول واضحة انه نصاب وعلى طول حذفت الايميل ..بس هذه اول تجربة لي واخر تجربة الحمدلله ... ولما شافني ما رديت رجع ارسل كمان مرتين انه لا تضيع فرصة شراء السيارة ومن هالكلام الساذج ...

[كيلو حديد]

القانون وضع لحماية المغفلين

جملة القانون لا يحمي المغفلين أنتشرت بالمسلسلات المصرية مثلما نشرت أمور كثيرة خاطئة وتلقفها الجميع بدون تفكير

أي إنسان يقع تحت عملية نصب بأي حال من الأحوال وبأي طريقة كانت
ذكية أم غبية , مبدعة أم ساذجه
كلهم وضع القانون لحمايتهم وملاحقة النصابين والمجرمين

السؤال كيف صدقت مثل هذه الخزعبلات والخرابيط ؟
ما زال كثير من الناس لا يستوعبون ولا يفكرون لا علم لديهم بما يجري حولهم بهذه الدنيا

الله المستعان

[كيلو حديد]

[FONT="Arial"][COLOR="DarkOliveGreen"][SIZE="5"]الله يعينها .. وإن شاءالله ياخذون حقها

ازعجونا بالاتصالات والرسائل والواتساب ماصارت بصراحه

دايما يرسلون لي إني فزت مره سيارة بي ام.. ومره كاش
ليش اوريدو وهيئة الاتصالات تاركه الامور كذا؟!


هذا غير الناس الي ترسل تطلب مساعده ماعاد تدرون الصادق من الكاذب..

هذا اليوم واصلتني

http://i.imgur.com/cClK28Y.jpg

وكثير قبلها شي طلب صداقه وشي طلب فلوس أو طلب وظيفه

طبعا انا ما ارد ابدا تقرير كمزعج وبلوك وإنتهى


توصل مثل هذه الرسائل من مختلف الدول
وبعضهم يطرشون صور

على طول بلوك لا تطول ولا تكثر
رقم ما تعرفه ولا تعرف صاحبه بلكه

لا تقعوا تحت النصب باسم الدين والمساعدة وهالكلام الذي يستغله أهل النصب والخداع

[toyota]

واحد من الربع جاه نفس الاتصال من دبي على اساس انهم اوريد وجائزة وخرابيط قالهم انا في دبي الحين بجيكم
ونخلص الموضوع واخذ الجائزه وشوي الا التلفون طوووط طوووط طوووط ههههههه اعمل نفسك ميت

[khaldoon]

,

,


مرحبا


اخواني

( القانون يحمي الجميع )

العاقل والصغير والطفل والبالغ والكبير بالسن

القضيه هذي واضحه بالقانون وسهل القاء القبض عليهم

1- انتحال شخصيه موظف في اوريدو
2- التحايل والنصب على الناس


وسهل القبض عليه من خلال ( تتبع من استلم الشيك ) المستفيد في الامارات او الجهه التي يعمل فيها
وسهل تتبعهم بالإنتربول اذا غادر الامارات
بصماته وصوره واسمه معروف

وسهل الايقاع بكل العصابه الشركاء

ومن خلال تتبع رقم ( المتصل ) نقدر نعرف جميع من اتصل فيهم
وهم جميعا شهود على انتحال شخصيه موظف اوريدو



الضحيه هي الشاهد على الواقعه والاتصال يثبت التواصل بينهم
وتحويل المبلغ الايصال هو الدليل على عمليه التحايل

على فكره جميع المكالمات الدوليه مثبوته بشركات الاتصال والامول جميعها
معروف انتقالها ومعروف ايضا كيف تصرف فيها
اذا حولها للخارج او اودعها بحساب اخر

القانون يحمي الجميع

هذا لاجدال فيه


,

,

اخوي كلامك فوق كله صحيح مع الناس المهمه....الناس العاديه انسى الموضوع تماما و اقولها عن تجربه

[style]

اوووه اووه،،،ههههه صادني الموضوع في دبي ..توني مركب شريحه اتصالات هههه،،نص ساعه التلفون يرن

حلو من المتصل قال انت فلان قلت يه تعرف اسمي ،،قال آيه انت فزت معانا بمليون درهم اليوم طبعا الكلام بالإنجليزي.
اشتغل العبط هنيه عاد،،قلت مايصيرر لهالدرجه انا محظوظ توني من أسبوعين فايز بلميونين درهم
قال شفت شلون انت جددا محظوظ.
طبعا بعد هالمحادثه القصيرة كل انواع السب اللي تطري على بالكم سمعها ويراددني وأَلْعَن والدا والديه واسكر في ويهه ،،لان عرف اني عرفت بس قاعد اسايره ههههه

[معماري قطري]

توصلني ايميلات كثيرة لأشخاص مرسلين سيرهم الذاتية يعني حول 100 وفوق ولا ارد عليهم لأني متوقع يبغون يسحبون معلومات مني

[Bo jassim 33]

الله يستر علينا وعلى عيالنا منهم

[الماريّة]

الله يعوضها يارب

وحسبي على كل نصاب ومخادع للمسلمين

وانا شكثر تجيني رسايل اعلاااان زههههقت منها من كثرتها
اخاف يخترقون جوالي قولوا لي شسوي :rolleyes2:

[بومحمد المطاوعه]

الله يعوضها يارب

وحسبي على كل نصاب ومخادع للمسلمين

وانا شكثر تجيني رسايل اعلاااان زههههقت منها من كثرتها
اخاف يخترقون جوالي قولوا لي شسوي :rolleyes2:

لو اخترقو
راحت ملايينج
هههههه حاسبي

ماشاءالله الله يزيدج ويرزقنا القليل مثل الي في حسابج :tease:

[بومحمد المطاوعه]

في برنامج عجيب انا استخدمه

اسمه

adblock

من ابل ستور

انصحكم فيه

[الماريّة]

لو اخترقو
راحت ملايينج
هههههه حاسبي

ماشاءالله الله يزيدج ويرزقنا القليل مثل الي في حسابج :tease:


وش ملايينه انا قلت جهازي جوالي ومافيه الا صور وفيديوهات هههه

ماقلت حسابي البنكي

[بومحمد المطاوعه]

وش ملايينه انا قلت جهازي جوالي ومافيه الا صور وفيديوهات هههه

ماقلت حسابي البنكي

يمكن مصوره رقم حسابج او الرقم السري مال بطاقه الفيزا :nice:

للتذكير يعني

وذكر فإن الذكرى تنفع المؤمنين :)

[الماريّة]

يمكن مصوره رقم حسابج او الرقم السري مال بطاقه الفيزا :nice:

للتذكير يعني

وذكر فإن الذكرى تنفع المؤمنين :)


لاتخاف ماعندي ملايين مسكينه فقيره
الله يجعلنا من المساكين :)

وجزيت كل خير على التذكير

[بومحمد المطاوعه]

لاتخاف ماعندي ملايين مسكينه فقيره
الله يجعلنا من المساكين :)

وجزيت كل خير على التذكير

ويجزاكي يارب ,,

الحمدلله نفس الحاله :nice:
اللهم امين الله يجعلنا من المساكين

[راشد محمد]

الله يعوضها خير

[موظف بالبورصه]

هههههه شر البلية مايضحك .. للحين فيه ناس بهالعقلية !!

الله يهديها بس ورايحة تشتكي بعد الطيور طارت بأرزاقها يبه مابتنفعج الشكوة الله يعوضج