قفل فتحة شباك الحمام ... رايكم

[MAZEN37]

لعوزنا الغبار سبحان الله والحمدلله
جاتني فكرة اقفل الشباك نهائي واخليه فقط زجاج دبل جلاس يدخل منه الضوء والغي ابواب الشباك
شرايكم بالفكره او في احد عنده تجربه او شور

[بوخالد911]

لا
انا ضد فكرتك.
الغبار ممكن تنظيفه

لو قفلت فتحة الشباك. كيف تتخلص من الريحة؟

ونشوف اراء الاخوة الكرام.

[ضوى]

انا بعد ما اايدك ابدا

سوتها اختي بحمامات اثنين بغينا نموت من الخنقه حر ورطوبه صج اختنقنا وردينا فتحناها وركبنا شباك وصج صار فرق

[معماري قطري]

بعد اليو بي في سي ما استوينا ندري بالغبار .. ولمراوح الشفط مالك الا اللي ببايب خارج من الجدار ولو تخليه ملتف لتحت ما يدخله الغبار

[معماري قطري]

انا بعد ما اايدك ابدا

سوتها اختي بحمامات اثنين بغينا نموت من الخنقه حر ورطوبه صج اختنقنا وردينا فتحناها وركبنا شباك وصج صار فرق

انا بعض الحمامات تكرمون مركب نافذة غرفة حسب مساحة الحمام وزجاج محبب

للتهوئة لازم فتحات ينشفط منها الهواء .. ممكن في الباب أو الجدار من فوق ولو غرفة ملابس قريبة مكيفة يدخل هواء بارد

[qatari911]

بعد الموقف الي صار لي وقفل علي باب الحمام (تكرمون) وانا اطلع راسي واصرخ على اي حد مار يسمعني لحد ما اسمعوني جيرانا وساعدوني واكسرو الباب
الشياك كان صغير كسرته وسعته علشان لو صار شي لا قدر الله تقدر تطلع منها
فاما انصحك ابدا تشيل الشباك

[شموخ دائم]

,

,


مرحبا


تجارب طيبه للاعضاء

كان في حمام للمجلس وماله الا حيطه وحده منفذ للشباك يطل على حوش البيت
وما حبينا يكون يطل على البيت فسكرناه نهائيا
واكتفينا بمروحه شفط قويه الي بوسط السقف وطلعنا لها البيب على حوش البيت فتحه صغيره

والحمدالله ما واجهتنا مشكله بالحمام
صار مثل حمام الفندق بدون شباك ويستخدم بشكل يومي للمجلس
صار له 3 سنوات مافيه أي مشكله

اعتقد مروحه الشفط اذا كفائتها عاليه راح تحل المشكله
وتكون شغاله بالنهار تعمل تهويه ممتازه

كنا مضطرين لهذا الحل

اما اذا الامور سهالات عندك خل الشباك وحاول يكون من الي يتسكر مثل الباب يكون محكم اكثر عن الغبار


والخيار لك

,

,

[معماري قطري]

عملياً مشكلة التهوئة حلها بعمل مدخل للهواء ومروحة شفط .. وحل مشكلة نور الشمس الطبيعي ممكن بتيوبات بمرايا تنقل لك نور الشمس لو وسط المنزل

لكن لو الظروف متوفرة سو دريشة كبيرة .. نيتي اسوي بلكونة بسور ساتر للحمام إن شاء الله .. بحيث يكون ممكن التشمس في البلكونة بخصوصية ويدخل نور الشمس على كامل الأرضية وقت الشروق .. والوضع هذا حاصل عندي مع الدريشة الكبيرة الحالية .. السباحة في الجكوزي بين 7 و 8 الصبح تعني الشمس نورها يوصل هناك

اللي الخصوصية صعبة عنده يسوي نافذة صغيرة ويسوي خط كامل زجاج أو طوب زجاجي ثابت بعرض حائط الحمام وتحت جسر السقف فوق للإنارة بس

[معماري قطري]

نبني أوقات دور كامل 400 متر مربع وحولها ونبخل عن عمل منور 2 في 2 بمقياس 4 متر مربع تعادل 1% من إجمالي مساحة الدور المنور ممكن ما يوصل للدور الأرضي ويوقف على السقف وتكون عليه بلكونات للتهوئة والنور الطبيعي لأربع مساحات جانبية .. وممكن نزيد شوي في المساحة أو نخلي فتحة المنور دائرية ونسوي جلسة خاصة فوق مزروعة ممكن نطلع لها من الدور الأول

البعض يعتبرها مساحات ضائعة والبعض يعتبرها فجوات تجميلية وخدمية للتمديدات وللتشمس وانا اعتبرها مفيدة للنور الطبيعي وللزراعة وحتى كمخرج طواريء يربط 4 غرف أو جزء من غرفتين وحمامين

[سعود.]

اتوقع اذا نبي نلغي شباك الحمام لازم ننزل الجبس بورد اقل مسافه ممكنه لضمان شفط المروحه 100%